SoundPoda

29/01/2024

ابتسمي فجمالك لم يُخلق للحزن، جمالك مواساة لسوء هذا العالم🧡.
رح نختار من الأحببته رابح/ـة بجلسة تصوير ويمكن تكون من نصيبك 😉.

Taken By & Edit: محمد هاشم 📷
Araksia Makdesian 🔥

29/01/2024

تذكروا أن أكثر الأشخاص المناهضين لخياراتكم سيكونون أول من يصفقون لكم عندما تنجحون 🧡.
رح نختار من الأحببته رابح/ـة بجلسة تصوير ويمكن تكون من نصيبك 😉.

Taken By & Edit: محمد هاشم 📷
Pictures before Edit in comments
Hashem Sadek 🔥

29/01/2024

إنّ جزءًا كبيرًا من النجاح الذي نحقّقه، ونظلّ نلوكُه فيما بعد، يعود في المقام الأوّل إلىٰ ما هو غير مرئيّ، إلىٰ الجذور 🧡
رح نختار من الأحببته رابح/ـة بجلسة تصوير ويمكن تكون من نصيبك 😉.

Taken By & Edit: محمد هاشم 📷
Pictures before Edit in comments
خليل الملحم 🔥

29/01/2024

النجاح هو رحلة و ليس وجهة تقصدها 🧡
رح نختار من الأحببته رابح/ـة بجلسة تصوير ويمكن تكون من نصيبك 😉.

Taken By & Edit: محمد هاشم 📷
Pictures before Edit in comments
Alber Assaf 🔥

28/08/2023

كتير منسمع بمصطلح الإعداد والتقديم بعالم الإعلام وصناعة المحتوى الرقمي
بس يا ترى .. سألت حالك قبل هلق
شو يعني إعداد وتقديم؟ 🤔
رح نجاوب بهاد المنشور على كل التساؤلات يلي بتدور ببالك عن مجال الإعداد والتقديم. 💁‍♂

الإعداد هو المرحلة اللي بتسبق تصوير أو تسجيل المنتج الإعلامي يلي بيتمثل عادةً بحلقات برامج تلفزيونية أو إذاعية، وأوقات برامج المحتوى الرقمي متل البودكاست . 📝
يعتبر من أهم المراحل اللي بتسبق إنتاج المادّة الإعلامية، وعن طريقه منقدر نميز بين الشغل الإبداعي المميز وبين الشغل التقليدي.
فَ .. لازم تعرف يا صديقي انو كل ما بذلت مجهود ووقت واهتمام بهي المرحلة.. زادت فرصة نجاحك 😉.

عملية الإعداد بتمر ب ٣ مراحل أساسية:
1️⃣ التخطيط للمحتوى: بيتأثّر بعدة عناصر مهمة وهنن 👇🏻
• الهدف من البرنامج: هل انا عم قدمه لغرض #إبداعي؟
ترفيهي، تعليمي، ثقافي، رأي.
ولا بهدف #تسويقي.؟

اما العنصر التاني " تحديد الجمهور " ( مين هنن الناس يلي عم اعمل المحتوى الهم، وشو صفاتهم؟ )
بيضم نوعين :
1️⃣- الشريحة العامة : بيخاطب الجمهور العام، يعني كل الناس.. يستلزم فيه الإعداد يكون مكتوب بلغة قادر الكل يفهما وبعيد عن التخصص ( نشرات الاخبار) .
2️⃣- الشريحة الخاصة : ممكن يكون مخصص
• حسب الجنس
• حسب الشريحة المستهدفة
• حسب المجال والموضوع
• حسب الهدف من المحتوى

⏰ : تحديد وقت نشر المادةّ اللي عم نشتغلا، وكتير مهم الوقت يكون مدروس من حيث الجمهور وبراعي فترة انتاج المادة يلي ممكن تاخد وقت بالعمليات الانتاجية (التصوير والتسجيل والعمليات الفنية)

✍️ معرفة قالب كتابة السكربت يلي بدنا نستخدمه.. وبيتحدد بحسب عدة عوامل متل طبيعة المادة الإعلامية وهوية العمل اللي عم نشتغل إله.
ومن أشهر أنواع السكربت بعالم الإعلام:
- سكربت البرنامج الصباحي.
- سكربت الحلقة الإذاعية الحوارية.
- سكربت محتوى مخصص لمواقع التواصل الإجتماعي.

👈🏻المرحلة الثانية هي ( مرحلة البحث )
تتضمن :
• البحث المبدئي : وهي العملية عبارة عن بحث سطحي بعيد عن التفاصيل، بيعطيني فكرة عن الموضوع اللي عم ابحث عنو وبساعدني باستلهام الأفكار

• خطوات البحث المبدئي:
1️⃣. استلهام وتجميع الأفكار: وفي عدة مصادر فينا نستلهم الأفكار منها متل: الكتب، والمجلات، الأعمال المشابهة للي عم نشتغلا، الانترنت والذكاء الاصطناعي وبالإضافة لـمتابعة المحتوى الـ Trend على 👇🏻
- YouTube
- Google
- Twitter
- التقويم الشهري

2️⃣ الخطوة التانية هي:
تصنيف المحتوى وتجميعه وترتيبه: بعد ما جمعنا افكار كتيير وممكن تكون عشوائية وغير منظمة، صار الوقت نعيد ترتيبها ونضيف بصمتنا الخاصة فينا عليها ونعيد تصميمها بشكل إبداعي، مع مراعاة حفظ حقوق الملكية والابتعاد عن السرقة الفكرية.

بعدا مننتقل لمرحلة (البحث العميق) :
اللي بيتضمن.
- جمع البيانات التفصيلية والمعلومات الدقيقة عن الموضوع يلي عم اكتب عنه وحفظها وتصنيفها عندي.
- مع حفظ المصادر.

👈🏻المرحلة الأخيرة:
• كتابة سكربت المسودة: وهو عبارة عن نموذج أولي قابل للتعديل مرة وتنين وتلاتة.. وعشرة، لحد مانوصل لنتيجة ترضينا.

بعدها مننتقل لمرحلة اعتماد ( السكربت النهائي ) وتشييكه. 👌

🟠 نصيحة مهمة لمقدمة وخاتمة السكربت :
• صمم المقدمة بحيث تقدر تمسك فيها المتلقي .. تمسكه تخليه "حابب" يكفي متابعة المادّة الإعلامية كلها حتى اخر ثانية.
• لما تحس إنك ملبك ومانك عرفان شو تكتب بالخاتمة، قدّم تلخيص سريع وبسيط للمادة اللي شتغلتا، حفّز المتلقي على اتخاذ إجراء ما متل كتابة رأيه بالتعليقات على مواقع التواصل الاجتماعي، وفيك تودّع الجمهور وتختم معهن بكل سلاسة.

أمّا (التقديم 🎙️ الإعلامي) فهو مرحلة تقديم كل ماسبق للجمهور عن طريق مقدم البرنامج😉

🟠 والمهارات والصفات اللي لازم يتميز فيها المقدم الإعلامي هي 👇🏻
1. المعرفة العلمية بأساسيات وقواعد العمل الإعلامي، وكيف يتعامل المقدم مع المادة اللي بدو يقدمها قدام الكاميرا أو المايكروفون أو الجمهور، مع مراعاة هوية البرنامج.
2. الاستعداد والتحضير : لازم يكون المُقّدم على دراية كاملة بالموضوع اللي رح يحكي عنو، ومن أسرار التقديم الاحترافي هو (التحضير الاحترافي).
٣. مهارات الصوت والخطابة واللغة السليمة ولغة الجسد: 👄
ورح نتوسع أكتر بهي المهارات بالمنشورات القادمة، لأن الحديث عنها طوييـــل وبيحتاج منشورات منفصلة 💁🏻.

🟠 وأكيد هلق صار عندكم المعرفة بالفرق بين الإعداد والتقديم. 💁🏻
بشكل عام، الإعداد الإعلامي بيركز على تجهيز المواد والمحتوى بطريقة بتساهم بإيصال الرسالة أو مجموعة الرسائل للجمهور بشكل فعال، بينما التقديم الإعلامي بيتعلق بكيفية تقديم هاد المحتوى بطريقة مؤثرة وجذابة للجمهور وكمان.. فعّالة. ✌🏻

وهيك منكون وصلنا لختام منشورنا لليوم 💪
إذا كنت من محبين الإعلام نحن مستمرين معكم بالمنشورات القادمة بالتوعية بهاد المجال الجميل، تابعونا لتستفيدو اكتر 🧡

🎙️
🎙️

10/07/2023

صانع المحتوى مانه اخطبوط أو رجل خارق! 🦑.
ولكن مجال صناعة المحتوى الرقمي بمختلف تخصصاته، وكغيره من المجالات المهنية، بيتطلب حد أدنى من المهارات عند العامل بهاد المجال كرمال يكون الشغل احترافي وعالي الجودة 💪.
جهزنالكن قائمة من 13 مهارة من المهم جدا يمتلكها #المحترف - مع ملاحظة إن مستوى المعرفة بهي المهارات بيختلف بين مجالات صناعة المحتوى ومن منصب مهني لآخر بشكل عام. 😉

1 ● فهم عمليات التسويق والمبيعات: لأن الهدف النهائي لتسويق المحتوى بيتمثّل عادةً بتحويل متلقي المحتوى من متابعين على الشاشة لعملاء دائمين. 📈
2 ● المهارات التحليلية: هي المهارات بتمكن صانع المحتوى من فهم الجمهور اللي عم يتعامل معه مع التجارب العديدة، بالتالي تصميم المحتوى بالشكل الأنسب والأكتر إنسجام مع الجمهور المتلقي. 🧐
3 ● القدرة على تطبيق أنماط الكتابة المختلفة وكمان طرق الوصول للجمهور بمختلف أشكال المحتوى (مكتوب - مسموع - مرئي). 📷🎤📝.
4 ● فهم مبادئ التصميم الجرافيكي كرمال يكون تصميم العمل البصري المتعلق بالمحتوى مبني على أسس علمية مريحة وجاذبة للعين ومعبرة عن الرسالة الموجودة بالمحتوى. 👀
5 ● المعرفة بالمسائل القانونية المتعلقة بالنشر الرقمي لتجنب انتهاك حقوق النشر
والسرقات الأدبية والعلمية. 🚫
6 ● القدرة على العمل كفريق وقياس وتحرير المحتوى اللي تم إنشاؤه بواسطة أعضاء الفريق المشاركين بصناعة المحتوى بشكله النهائي ومراحله المتعددة والمتتالية. 😎
7 ● الخيال والحس الإبداعي والقدرة على تجسيد البيانات والأفكار والتعبير عنها بشكل مكتوب أو مرئي أو مسموع، كرمال يكون المحتوى جاذب واحترافي ومعبر عن الرسائل المتضمنة بالمحتوى. ✨
8 ● مهارات إنتاج البودكاست، لأن البودكاست اليوم الأداة الأكتر أهمية بعالم التسويق عبر المحتوى للشركات والمؤسسات الربحية منها وغير الربحية. 🎤
9 ● مهارات تحليل البيانات: القدرة على فهم الأرقام وتحليل مجموعات البيانات للتوصل لخطط واستراتيجيات لتحسين المحتوى بشكل عام. 🧐
10 ● فهم مؤشرات الأداء الرئيسة وكيفية تتبعها بما يتعلق بإدارة المحتوى للصفحات الإلكترونية و قابلية استخدام المحتوى أو الوعي بالعلامة التجارية أو جذب واكتساب العملاء المحتملين، وأهم مؤشر من المؤشرات هو (معدل الإرتداد) اللي بيخبرني هل الناس عم تحب محتوايي وعم اتابعه بشغف ومتعة ولا المحتوى ماعم يحظى باهتمام المتلقي بالتالي عم يتم بذل جهد وخسارة وقت علفاضي 🤷‍♂
11 ● مهارات التخطيط: كرمال يكون صانع المحتوى قادر يبني الاستراتيجيات والخطط المتعلقة بالمحتوى ويتابعها، بهدف تحقيق أهداف الشركة أو المؤسسة. 📈💪
12 ● مهارات تحسين محركات البحث: بهدف الحصول على زيارات جديدة وتصميم المحتوى بشكل ملائم لمحركات البحث بهدف تحقيق النمو والانتشار للمحتوى. 📈
13 ● المهارات الفنية: مو شرط يكون صانع المحتوى الرقمي عنده معرفة بكل المجالات الفنية، متل المونتاج وانتاج الصوتيات والجرافيك ديزاين، ولكن من المهم يكون صانع المحتوى بيعرف بأساسيات وآليات عمل هي البرامج.😌

وإنتو .. شو المهارات اللي بتحسو صانع المحتوى لازم يتمتع فيها بشكل أساسي؟ خبرونا ياها بالتعليقات 👇.

16/05/2023

بالتوفيق كوتش محمد هاشم منفتخر فيك 🧡.

أوقات الخبرات الكبيرة ما بكفيها تكون مكتوبة لننقلها صح بل من الضروري تكون مرئية 👀 لأنو المحتوى بيصير أحلى و غني أكتر 👌🏻💙

لهيك جهزنالكن ب #خبرة كورس صناعة المحتوى الاحترافي يلي بيضمن ل إلكن الحصول على القدر الكافي من المعلومات و التطبيقات العملية 💪 لتصنعوا محتوى عظيم بيليق بخبراتكم

سواء كنت مدرس، طالب، صاحب مهارة عظيمة أو شركة

ما عليك إلا تحطلنا تعليق واترك الباقي علينا

احجز مقعدك معنا من هلأ 🤩

29/03/2023

من أحد أعمالنا بمجال المونتاج المرئي لصالح شركة خبرة للتدريب.
تنفيذ المونتاج والإخراج: محمد هاشم
أمّا مراحل إنتاج الفيديو كانت كالتالي:
1- استلام المقطع الصوتي.
2- تجميع أسماء الطلاب المذكورة اسمائهم بالاعلان.
3- الاستماع لمقطع الصوت وبناء تصور إخراجي مسبق للفيديو.
4- مزامنة مقاطع الفيديو الإحترافية بشكل معبّر عن محتوى الصوت الأصلي
5- كتابة أسماء الطلاب واسم الدورة
6- معالجة الموجة الصوتية (المرئية) الخاصة بالفيديو
7- اضافة الانتقالات والمؤثرات البصرية المختلفة على الفيديو
8- التشييك على المونتاج والتعديلات
9- تخريج الفيديو
10- تسليم العمل 🧡🎙️

06/03/2023

اذا انت من الاشخاص يلي بحسو بضغط كبير من انجاز المهام يلي عليهن، لدرجة انك صرت تفرش ب 90% من مهامك.. هالبودكاست الك خصيصا 🎙️🫵

بعد استماعك لهاد البودكاست رح يسهل عليك كتيير تنفيذ المهمات اللي بتحسها صعبة وأحيانا بتحسها مستحيلة 💁:

بس قبل مانبلش معكن ببودكاست اليوم
بالتقديم: رهف خليل الزعير
وبالاعداد والمونتاج والاخراج: محمد هاشم

هاد البودكاست برعاية شركة خبرة للتدريب.

💛🎙️
💛🎙️

20/02/2023

إذا انت معلق صوتي، او فنان او قارئ قرآن أو مُنشِد أو شغوف بمجالات الصوت بشكل عام.. هالبودكاست الك خصيصاً 👇🎙

بأي لحظة بتوقف فيها عمايك او بتكون عم تستعد للأداء أمام جمهور، راعي العناصر هي ليكون #اخراجك للصوت صح بالتعليق الصوتي: 💁

رح نكون معكن بحلقة اليوم:

بالتقديم: Hiba AL
وبالاعداد والمونتاج والاخراج: محمد هاشم

هاد البودكاست برعاية شركة خبرة للتدريب.

.. 🎙️

#دوبلاج

17/02/2023

من نشاطاتنا الأرضية مع شركة خبرة للتدريب اللي بتهدف لنشر ثقافة البودكاست ورفع مهارات الشباب والصبايا الشغوفين بعالم صناعة المحتوى الرقمي الإعلامي مع الكوتش محمد هاشم

16/02/2023

ورشة جديدة من خبرة بالتعاون معنا بكرة، الورشة مهمة لكل صانع محتوى ومهتم بعالم الإعلام الرقمي ✨👇👇🎙️

الورشة رقم 2 ضمن مشروعنا الجديد اللي حيساعدك تأسس مشروعك وترفع مهاراتك عبر الانترنيت 💪✌

المشروع بالتعاون مع عدة شركاء حنتعرف عليهن أول بأول وورشتنا القادمة حتكون بالتعاون بين خبرة ومنصة SoundPoda الجميلة لصناعة المحتوى الاحترافي وحنتعلم فيها عن

محاور الورشة:
- مدخل إلى كتابة المحتوى الرقمي والإبداعي
- مبادئ الكتابة الإبداعية
- دور المحتوى الإبداعي المكتوب في التسويق الرقمي
- أركان الكتابة الإبداعية
- قوالب وتكنيكات لكتابة سكريبت فيديو اليوتيوب وحلقة البودكاست بشكل احترافي.

المدرب: محمد هاشم
✅ مدرب معتمد لدى شركة خبرة للتدريب
✅ مخرج اذاعي برصيد 3 برامج راديوية سورية (أخبارية، و صباحية، و موسيقية فنيّة)، ومنتج صوتي برصيده أكثر من 40 إعلان منفَّذ.
✅ فنان موسيقي منذ 6 سنوات برصيده أكثر من 30 عمل فني موسيقي وأكثر من 30 ألف مشترك على اليوتيوب.
✅ مؤسس منصة SoundPoda لإنتاج البودكاست والمحتوى الإعلامي الرقمي.
✅ مسوق إلكتروني وكاتب محتوى لدى العديد من الشركات.
✅ مهندس صوت ومنتج صوتي.
✅ عضو مؤسس في نادي اليوتيوبرز السوريون
✅ مؤسس فريق موهبة تستحق النشر.
✅ مهندس صوت معتمد لدى نادي إبداعات الثقافي الفني السوري.

توقيت التدريب: من الساعة 4 بعد الظهر حتى الساعة 7 مساءً

مكان التدريب: دمشق- الشعلان - مركز شركة خبرة للتدريب

تاريخ الورشة: بكرا الجمعة 17/2/2023 l

التكلفة: مجانا.

لتكونوا معنا بالورشة بيكفي تعبوا الاستمارة التالية بعناية وتنطروا تواصلنا معكن: 👇👇👇

https://docs.google.com/forms/d/e/1FAIpQLSfU3dMQdf3BUvkGaxaL5CRuqYX-ebRNGpbbDxVTmAkDlycIuQ/viewform?usp=sf_link

خبرة .... 💙

ساوند بودا .... 🧡

02/02/2023

تاني نشاط من نشاطاتنا الأرضية بكرة بالتعاون مع شركة خبرة للتدريب، الورشة الأولى من مشروع اللي بيهدف لإكساب كل مهتم وشغوف بمجالات العالم الرقمي المعرفة والمهارات 💙
مع تمنياتنا بالتوفيق لكل مهتم بالحضور
🧡🧡🎧.
وبالتوفيق للكوتش محمد هاشم 🧡

SoundPoda.. الصوت_بمود_مختلف # 🎙️
#خبرة ✌️📈.
💙🧡

مشروعنا الجديد اللي حيساعدك تأسس مشروعك وترفع مهاراتك عبر الانترنيت 💪✌

المشروع بالتعاون مع عدة شركاء حنتعرف عليهن أول بأول بس ورشتنا الأولى حتكون بالتعاون بين خبرة ومنصة SoundPoda الجميلة لصناعة المحتوى الاحترافي وحنتعلم فيها عن 🎤🎙🎧

لمين هي الورشة ؟ 🧒👩

1️⃣ كل شخص شغوف بعالم الإعلام والبرامج الإذاعية "(البودكاست تحديداً).
2️⃣ كل شخص حابب يصير عنده برنامج إذاعي مستقل ويبدأ بعالم صناعة المحتوى بالعالم الرقمي.
3️⃣ كل حدا عنده رسالة واضحة بالحياة حابب يوصلها للعالم على هيئة برنامج إذاعي مستقل (بودكاست) ويشارك بصناعة التغيير بالمجتمع.
4️⃣ موظفين التسويق بالشركات الراغبين بالتسويق لخدماتهم ومنتجاتهم من خلال صناعة البودكاست.

حول الورشة:

ورشة تدريبية لمدة ٣ ساعات، كفيلة تجاوبك على الاسئلة التالية:
- ليش أنا لازم يكون عندي بودكاست مستقل مو برنامج إذاعي على إذاعة محلية؟ 🤔
- شو يعني بودكاست؟ والفرق بينه وبين البرنامج الإذاعي التقليدي؟🤔
- كيف ببني العلامة التجارية للبودكاست تبعي بشكل علمي ليحققلي استدامة ودخل مادي؟
- شو هي مراحل وأدوات إنتاج حلقات البودكاست.
- شو هي طرق الربح من البودكاست ومجالات العمل بهاد المجال.

المدرب: محمد هاشم

✅ مدرب معتمد لدى شركة خبرة للتدريب
✅ مخرج اذاعي برصيد 3 برامج راديوية سورية (أخبارية، و صباحية، و موسيقية فنيّة)، ومنتج صوتي برصيده أكثر من 40 إعلان منفَّذ.
✅ فنان موسيقي منذ 6 سنوات برصيده أكثر من 30 عمل فني موسيقي وأكثر من 30 ألف مشترك على اليوتيوب.
✅ مؤسس منصة SoundPoda لإنتاج البودكاست والمحتوى الإعلامي الرقمي.
✅ مسوق إلكتروني وكاتب محتوى لدى العديد من الشركات.
✅ مهندس صوت ومنتج صوتي.
✅ عضو مؤسس في نادي اليوتيوبرز السوريون
✅ مؤسس فريق موهبة تستحق النشر.
✅ مهندس صوت معتمد لدى نادي إبداعات الثقافي الفني السوري.

توقيت التدريب: من الساعة 3 بعد الظهر حتى الساعة 6 مساءً

مكان التدريب: دمشق- الشعلان - مركز شركة خبرة للتدريب

تاريخ الورشة: بكرا الجمعة 2023/02/03م

التكلفة: مجانا.

لتكونوا معنا بالورشة بيكفي تعبوا الاستمارة التالية بعناية وتنطروا تواصلنا معكن: 👇👇👇

https://docs.google.com/forms/d/e/1FAIpQLSc8AzRB6zCrCFCslN2OwOVW970NBKe1oMQqSl7Q4sE54ZMdjg/viewform?usp=sf_link

خبرة .... 💙
ساوند بودا .... 🧡

28/01/2023

عم يقولو انه تم ايقاف راديو بي بي سي العربي والمتهم هو .. التحول الرقمي!

ببودكاست اليوم رح نشارك معكن حقيقة هالموضوع.

بالإعداد والمونتاج والاخراج: محمد هاشم
بالتقديم: Hiba AL

هاد البودكاست برعاية شركة خبرة للتدريب.

لمشاهدة البودكاست على يوتيوب:
https://youtu.be/TecP4ixt03g

28/01/2023

فخورين فخورين 🧡🧡

بتاريخ 2022/11/26 كانت اولى نشاطات منصتنا على الأرض، بورشة تدريبية مكثفة لمدة ستة ساعات ونتفة، بالتعاون مع شركة خبرة للتدريب، ومركز التكوين والتدريب DDisc بدمشق.

الهدف من الورشة كان نشر ثقافة البودكاست والإعلام الرقمي بين الشباب والصبايا الشغوفين الراغبين بدخول هاد العالم الواسع.

اما مخرجات التدريب كانت:

- اتعلم الطالب معلومات ومبادئ كتير مهمة عن كيف يصير عنده برنامج إذاعي مستقل ويبدأ بعالم صناعة المحتوى بالعالم الرقمي. 🎙️

بدايةً من مرحلة بناء العلامة التجارية للبودكاست حتى تعلم كيفية إعداد حلقات البرنامج، مرورا بتعلم مبادئ وأساسيات علم الصوت البشري من مكونات مادية إنسانية وصناعية، حتى تسجيل الحلقة وإنتاجها صوتياً، نهايةً بنشر الحلقة على منصات الاستماع وتسويقها وترويجها.

- كيف البودكاست قادر يساعدك تنشر رسالتك للمجتمع وتحقق تغيير كبير تصنعه بايدك انت وكل حدا مآمن بفكرتك. ✨

- كيف تستثمر الشركات بقسم التسويق الخاص فيها من خلال تسويق منتجاتهن عن طريق البودكاست والمحتوى الرقمي. 📈

- كيف تسوق لحالك وتزيد فرص نجاحك وحضورك عن طريق البودكاست.🎙️✨

- مدخل إلى الهندسة الصوتية والإنتاج الصوتي بشكل عام والبودكاست بشكل خاص على برنامج Adobe Audition🎧.

- طرق الربح ومجالات العمل بعالم الصوت الساحر وعالم البودكاست. 💸

ست ساعات نسينا نحن والطلاب فيهن حالنا والظروف السيئة من مواصلات صعبة وبرد قارص، وغرقنا فيهن بعالم الصوت والمحتوى والإعلام الرقمي.
بس طبعا بيوما كنا حريصين تكون القاعة دافية ومهيئة تماما للتدريب ليكونو الطلاب قادرين يركزو بكل كلمة بالتدريب. 🧡🧡

واخيرا كان في تطبيق عملي من قبل الطلاب على إنتاج حلقة بودكاست احترافية حنشاركها معكن ببوست تاني.

شكرا شركة خبرة اللي ماقصروا ابدا من كل النواحي وتساعدنا سويا لنتغلب على بعض العقبات الصعبة اللي واجهتنا بوقتا. 💙

كونوا قراب منا تماتفوكم فرصة حضور تدريباتنا القادمة الغنية والقيّمة بعالم الإعلام الرقمي وصناعة المحتوى والبودكاست بالتعاون مع شركة خبرة للتدريب💙🧡

الصور بعدسة الوحش: Gafar Nwelati


.

28/01/2023

ولا أروع من هيك لما تجتمع الإرادة والعزيمة والقلب الابيض بشخص .. 🥰

صابر محمد العوض منفتخر فيك ♥️

بالاعداد والمونتاج والاخراج: محمد هاشم
بالتقديم: Hiba AL

هاد البودكاست برعاية شركة خبرة للتدريب.

للمشاهدة على يوتيوب:
https://youtu.be/4nH4VYW5xD8

19/01/2023

لكل صانع محتوى عربي .. 📝🎥.
قول باي باي للحيرة واللبكة باختيار افكار محتواك المكتوب أو المرئي أو المسموع 👋.

شركة غزير بالتعاون مع شركة خبرة للتدريب جمعتلكم افكار من هون للسنة الجاية حرفياً 😁.

بالاضافة لبروفايلات فيسبوك لأشخاص مهمة جدا بمختلف المجالات.. منفتخر كفريق SoundPoda وجودنا بيناتهن 🧡

115 مناسبة وفكرة محتوى بالإضافة ل12 صفحة أو حساب مفيد عبر الشبكات الاجتماعية المختلفة ✨

وهيك بتكون #غزير أول شركة تسويق سورية بتصنع تقويم المحتوى السنوي كمنتج رقمي #غني جدا ومفيد كتير و #مجاني لصناع المحتوى الأفراد او موظفين الشركات باقسام التسويق

فيك تحصل على التقويم مجانا من الرابط التالي ووضع سعر الشراء صفر 0
https://payhip.com/b/1bEmt

او فيك تدعم تطوير المحتوى حسب امكانياتك من خلال دفع القيمة اللي بتناسبك 💪🫶

اي .. وبس هيك 😁👋💙

.. الصوت بمود مختلف 🎙️🧡.

19/01/2023

بعالم ريادة الأعمال لا وجود لكلمة (أنا) .. الوجود الحقيقي لكلمة (نحن).
ونحن سوا غير .. ومنقدر 🧡🧡

شركاء النجاح معنا:
- شركة غزير للاستشارات والتسويق.
- نادي اليوتيوبرز السوريون.
- ملتقى ابداعات الثقافي الفني السوري.
- شركة Damas Production.

🧡🧡

19/01/2023

بعالم ريادة الأعمال .. لاوجود لكلمة (أنا).. الوجود الحقيقي لكلمة (نحن)..
ونحن سوا أقوى وغير. 😉

شريكنا الأول الراعي المجتمعي: شركة خبرة للتدريب.🧡

ليش خبرة ؟ 🤔

✅ لأنه خبرة هي شركة تدريب واستشارات بتقدم تدريبات للأفراد والشركات بعدة اختصاصات ومجالات.

✅ لأنه دورات خبرة بتعطيك خبرات ومهارات فريدة مابتلاقيها غير عندها.

✅ لأنه خبرة بتشبك طلابها مع سوق العمل من خلال علاقاتها مع شركات محلية وإقليمية.

✅ ولأنه كورسات خبرة مطلوبة ومرغوبة بشكل كتير كبير.... ومن أكثر دوراتها تميزاً هي:

- دورة
- دورة
- دورة
- دورة
- دورة
- دورة
- دورة
- دورة
- دورة
- دورة
- الدورة التخصصية في أنظمة الطاقة الكهرضوئية

إذا كنت بيوم من الأيام من مستفيدي خبرة كتبلنا تجربتك بالتعليقات 😊👇

وان شاء الله تكون ثمار الشراكة مثمرة النا نحن التنين وماعنا شك بهالشي 🧡

19/01/2023

🎙 اسخدامات البودكاست كتييرة ومتشعبة ولكن بشكل عام يستخدم البودكاست لـ 2 استخدامات أساسية: 📻

1⃣- (صناعة المحتوى - Content Creator):
بالنسبة لكل حدا عنده شغف بمجال الإعلام وصناعة المحتوى فالبودكاست هو وسيلة كتير رائعة لحتا تتواصل من خلاله مع جماهيرك وتقدملن محتوى غَني ومفيد وقيّم، ومن خلال البودكاست ممكن تحقق مصدر دخل إضافي عالي وبشكل مستمر كبودكاستر وصانع محتوى 😎.

2⃣- (التسويق بالمحتوى - Content Marketing): إذا انت صاحب شركة فَـ التسويق بالمحتوى اليوم هو التوجه الجديد بالاعلان واللي عم يثبت فعاليته بالتوعية بالعلامة التجارية وزيادة الارباح بشكل فعال وبتكلفة قليلة نسبياً عن باقي انواع الإعلان، البودكاست هو الأداة رقم واحد للتسويق بالمحتوى 🎧☑.

إذا بتعرف استخدامات تانية عزيزي المتابع خبرنا ياهن بالتعليقات 💛😄.

19/01/2023

حكينا بالبوست الماضي عن تاريخ البودكاست ونشأته، رح نحكي هالمرة عن الـ #بودكاستر مين هو وشو بيعمل بالحياة 😎🎙.

📌 مين هو البودكاستر؟ 🤔

هو يلي بيمتهن صناعة البودكاست وتقديمه.. ومن الضروري يكون بيمتلك المهارات والمعارف الإحترافية اللازمة والأساسية للعمل الإعلامي، وكمان بـ صناعة المحتوى المرئي 📺 والمسموع🎧📻. والتسويق والادارة هنن العلوم الاساسية يلي لازم يكون كل بودكاستر محترف عنده خبرة ومعرفة اساسية فيهن 📊📈.

وفعليا البودكاستر هو المسؤول والمؤثر الأكبر على نجاح البرنامج الخاص فيه، كل ما كان البودكاستر مبدع وشغوف بمجاله وعنده خبرة بالتواصل ومتمكن من عِلمه كلما كان وحش وحقق نجاح أكبر وأكبر على كافة الأصعدة 😍💪.

حابب تصير بودكاستر محترف؟ من 👀 ـنا.
تابعنا وخليك قريب أكتر نحن منعلمك 💛.

19/01/2023

من زمان ولحد هاللحظة حلم أي شخص شغوف بمجال الإعلام إنه يمتلك برنامج إذاعي والناس تسمعه بكل مكان 📻.

هالحلم كان تحقيقه صعب جداً وشبه مستحيل، أما اليوم صار تحقيق هالحلم أسهل بمراحل 😍.

-كيف يعني صار أسهل؟ 🤔 يعني هلق بدك تقنعني إنه صار فيني كون مذيع علراديو او حتا إمتلك محطتي الإذاعية الخاصة بسهولة وبدون تعب وشوالات مصاري🤔💰.

أكيد لا 😄، ولكن مع تطور التكنولوجيا السريع وإتجاه الناس للفضاء الرقمي وابتعادهم عن التلفزيون والراديو التقليدي إنتقل الجمهور للسوشل ميديا والعالم الرقمي.
ومع انتشار المعرفة العلمية بتقنيات الانتاج وانخفاض اسعار الأدوات المستخدمة صار الموضوع أسهل.

وإختراع جهاز الـ IPod خلق تغيير كبييير وفجوة كبيرة بعالم الراديو وصارت الناس بكافة الفئات تحسن تسمع يلي بدها وتتحكم ايمت وكيف ومين بدا تسمع.

وهوون بقا تم إبتكار نوع جديد من الوسائل الصوتية الرقمية ويلي هو #البودكاست

كلمة بودكاست مكونة من جزئين Pod من IPod و Cast من Broadcast ويلي هو البث الفوري الإذاعي عبر موجات الراديو 📻.
وكلمة بودكاست اليوم بتعني (برنامج إذاعي/مقطع صوتي بتم بثه عبر وسائل رقميه)

وبلحظة ولادة البودكاست فينا نقول صار حلم كل شغوف بالراديو والإعلام سهل التحقيق أكتر.

تابعونا لتعرفو أكتر عن هالمجال وأصوله، ولتكونو أقرب من تحقيق حلمكن✨.