Waxaan jeclahay wax akhriska, waxaan jeclahay qoraalka, waxaan jeclahay allifaadda iyo halabuurka. Waxaan jeclahay in aan ogaado waxa ka baxsan xayndaabka soomaalida. Waxaan jeclahay in aan ogaado wixii cusub ee caalmaka ku soo kordha iyo sida ay u shaqeeyaan, waxaan rabaa in aan riyo yeesho, waxaan rabaa in aan fikiro oo aan wax is waydiiyo. Meelaha aqoonta lagaga hadlo, iyo dadka ku hadla aqoon
ta ayaan jaarkooda jeclahay. Waxaan u foogganahay dhagaysiga waay-aragnimda aadanaha, gaar ahaan marka uu xaalku yahay halgan-nolaanshaha - Survival. Waxa aan jeclahay quruxda deegaanka, cagaarka dhirta, daruuraha cirka, buuraha sare iyo di'itaanka roobka. Shaaca arooryaad iyo iftiinka dayaxa iiyo xidigaha ee habeenkii ayuu aragygu ku raaxeystaa. Waxaan jeclahay jimicsiga, ciyaarta caddoloolka caweyska. Suugaanta dhagaysigeeda iyo dhigaalkeedaba waan jecalahay. Nabadda, caddaaladda, iyo wada noolaanshaha aadanahaan jeclahay. Kolay xayawaanna ku tahay, waxaan jeclahay xuquuqda noolaha la ilaaliyo. Waxaan naxariis iyo farxad ku dareemaa akhriska Quraanka Kariimka ah,, korodhsiga cilmiga, oogidda cibaadada Alle SWT, caawinta bulshada, iyo ka soo dhallaanka camalkayga. Waxa ugu badan ee aan si maalinle ah u soo xasuustaa waa waaalidkay AHN. Waxaan ahay Soomaali, baadisoocdiisuna ay tahay Islaamnimo.
