Maclow media

29/05/2024

Taliyaha Ciidanka Ilaalinta Deegaanka Xamar Gaashaanle Sare Maxamed Carabow Cali oo ka hadlay howlgal lagu soo qabtay Maandooriye kala gedisan.

29/05/2024

Madaxweynihii h**e Dalka kenya ee Uhuru Kenyatta ayaa kormeeray sida ay u dhaceyso codeynta goobaha cod bixinta inta lagu guda jiro doorashada guud ee Koonfur Afrika.

28/05/2024

Maamulka Gobolka Banaadir iyo Dowladda Hoose ee Xamar oo bilaabaya Leesin siinta (Ruqsad) Injineerada iyo Farsamo-yaqaanada ka shaqeeya dhismaha Guryaha

17/05/2024

War-murtiyeed ka Shirka 9-aad ee Golaha Wadatashiga Qaran (GWQ)

17/05/2024

WAR-MURTIYEED GOLAHA WADATASHIGA QARAN (GWQ)

WAR-MURTIYEED

1. Hordhac
Shirka 9-aad ee Golaha Wadatashiga Qaran (GWQ) oo uu guddoomiyay Madaxweynaha Jamhuuriyadda Federaalka Soomaaliya Dr. Xasan Sheekh Maxamuud ayaa lagu qabtay Magaalada Muqdisho 14-17 May 2024. Shirka waxaa kasoo qaybgalay Ra'iisul Wasaaraha XJFS Mudane Xamza Cabdi Barre, Ra'iisul Wasaare K/xigeenka XJFS Mudane Saalax Axmed Jaamac, Madaxweynaha Jubbaland Mudane Axmed Maxamed Islaan (Madoobe), Madaxweynaha Koonfur Galbeed Mudane Cabdicasiis Xasan Maxamed (Lafta-gareen), Madaxweynaha Galmudug Mudane Axmed Cabdi Kaariye (Qoorqoor), Madaxweynaha Hirshabeelle Mudane Cali Cabdullaahi Xuseen (Cali Guudlaawe) iyo Guddoomiyaha Gobolka Banaadir ahna duqa Muqdishu Mudane YuusufXuseenJimcaale (Madaale).

GWQ ayaa kulankooda ku dhagaystay warbixino faahfaahsan oo taabanaya dhinacyo badan oo xaalada dalka ah. Sidoo kale GWQ wuxuu ka hadley ajandeyaal masiiri ah oo ay ka mid yihiin la-dagaallanka argagixisada, qorshayaasha qaranka ee dhinaca aminga, dhameystirka Dastuurka KMG, geedi-socodka dimuqraadiyadeynta, saameynta roobabka iyo qodobo kale.

2. Warbixinno

GWQ wuxuu warbixin balaaran ka dhagaystay Hoggaamiyaha ku-meelgaadhka ah SSC­ Khaatumo Mudane Cabdiqaadir Axmed Aw-Cali, hoggaamiyaha oo golaha uga warbixiyay xaaladaha amni iyo bulsho ee SSC-Khatumo.

GWQ wuxuu Xafiiska Aminga Qaranka ka dhagaystay warbixin qoto-dheer oo ku saabsan guushii laga gaadhay cunaqabtayntii mudada 32 Sano ah saarnayd dalka, sidoo kale Xafiiska Aminga Qaranka wuxuu goloha uga waramay masuuliyada maaraynta hubka, khataraha qaranku waajahayo, iyo qorshaha dowlada ay dajisay kadib bixitaanka ciidanka ATMIS.

GWQ wuxuu Taliska Ciidanka Xooga dalka ka dhagaysatay warbixin faahfaahsan oo ku saabsan qorshaha dalka looga sifaynayo Khawaarijta

GWQ wuxuu warbixin ku saabsan barnaamijka xasilinta deegaanada laga xoreeyay argagixisada ka dhageystay Xukuumadda.

3. Bogaadin

GWQ waxaa uu bogaadiyay guulaha ay ciidanka qalabka-sida oo kaashanaya Shacabka Soomaaliyeed ka gaareen ciribtirka kooxaha argagixisada ee khawaarijta.

GWQ wuxuu Xukuumada Federaalka ku bogaadiyay guulaha ay ka gaadhay arimaha dayn cafinta, dhaqaalaha, ka mid noqoshada Urur-goboleedka Bariga Afrika iyo siyaasada arimaha dibada.
Goluhu wuxuu bogaadiyay ansixinta Baarlamaanka Federaalka Soomaaliya ee afarta cutub ee Dastuurka KMG.

GWQ wuxuu sidoo kale dawalada ku bogaadiyay dadaalka ay ugu jirto ka mid noqoshada Goloha Amaanka ee Jimciyada Quruumaha ka dhaxaysa.

4. Go'aamada shirka ka soo baxay

GWQ wuxuu si qoto-dheer u falanqeeyay xaalada aminga, siyaasda, iyo xaalada bini aadnimo ee dalku marayo. Sidoo kale GWQ isaga oo tixraacaya heshiisyadii iyo war-murtiyeedyadii shirarkoodii h**e, wuxuu ku heshiiyay qodobada soo socda:

4.1. Sugidda amniga iyo la dagaalanka argagixisada

GWQ wuxuu markale isku raacay in aminigu uu udub-dhaxaad u yahay qorshayaasha dawalad-dhiska iyo horumarinta dalka.

Golohu wuxuu ku heshiiyay in si wad-jir ah looga wada qayb-qaato la dagaalanka Khawaarjita, islamarkaana la laba jibaaro gulufka lagu afjarayo nabadiidka.

Golohu wuxuu taageeray dadaallada ay Xukuumadda Federaalka ku dardargelinayso qorshaha kala guurka ee ciidamada qalabka-sida iyo talaabooyinka ay kula-wareegayaan mas'uuliyadda amniga dalka kadib bixitaanka ciidanka ATMIS.

4.2. Dhameynstirka dib-u-eegista dastuurka iyo xoojinta dimuqraadiyeynta

Goluhu wuxuu isku raacay in la dardargeliyo dhaqan-gelinta heshiisyadii horay loo galay.

Goluhu wuxuu ku dhiiri galiyay Baarlamaanka Federaalka Soomaaliya inay dardargeliyaan ansixinta cutubyada harsan ee Dastuurka iyadoo la tixgelinayo heshiisyadii GWQ ee kaabayay dhameystirka Dastuurka.

GWQ wuxuu Xukuumada Federaalka iyo hay'adaha sharci dajinta ku dhiiri galinayaa dardargalinta sharciyada, xeerarka iyo hay'adaha ka ratibmaya ansixinta afarta cutub ee dastuurka si dalka ay uga taaba gasho doorasho hal qof iyo hal cod ah.

4.3. Arrimaha bani'aadamnimada

GWQ wuxuu qiimeeyay saameynta ay shacabka Soomaaliyeed ku yeesheen roobabka xooggan ee ka da'ay qaybo ka mid ah dalka.

GWQ wuxuu hay'adaha gargaarka ee heerarka dawladda farayaa dardargelinta gurmadka dadka ay waxyeeladu soo gaartay wuxuuna. shacabka Soomaaliyeed ugu baaqayaa inay isu gurmadaan.

GWQ wuxuu hay'adaha caalamiga ah ugu baaqayaa iyo kuwa maxaliga ahba in ay gacan siiyaan dadka ku tabaaloobay fatahaadaha xad dhaafka ee saameeyay qayb ka mida dalka.

Sidoo kale GWQ wuxuu Xukuumada iyo hay'adaha caalamiga ah ku dhiiri galinayaa inay si wada jira uga shaqeeyaan ka hortaga iyo maaraynta saamaynta isbedelka cimilada.

14/05/2024

SHIRKA GOLAHA WADATASHIGA QARANKA OO MAANTA KA FURMAY MUQDISHO

Muqdisho, Maajo 14, 2024; Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa guddoomiyey Shirka Golaha Wadatashiga Qaranka ee Dowladda Federaalka iyo Dowlad-goboleedyada oo maanta ka furmay Madaxtooyada Qaranka.

Madaxda heer Federaal iyo heer Dowlad-goboleed ayaa ka arrinsanaya xaaladda amniga dalka, gaar ahaan dar dargelinta dagaalka ka dhanka ah argagixisada Al-shabaab oo Ciidamada Xoogga dalka ay ka soo hoyeen guulo waaweyn, kana xoreeyeen deeganno badan oo ay h**ey ugu dhibaateynayey shacabka Soomaaliyeed iyo dhameystirka dastuurka dalka.

Shirkan waxaa ka qeyb galay Ra’iisul Wasaaraha Xukuumadda Federaalka Soomaaliya Mudane Xamse Cabdi Barre, Ra’iisul Wasaare Ku Xigeenka Xukuumadda Mudane Salah Jama, Madaxweyneyaasha Dowlad-Goboleedyada, Jubbaland Mudane Axmed Maxamed Islaam, Koonfur-Galbeed Mudane Cabdicasiis Xasan Maxamed, Galmudug Mudane Axmed Cabdi Kaariye, Hirshabeelle Mudane Cali Guudlaawe Xuseen iyo Guddoomiyaha Gobolka Banaadir ahna Duqa Muqdisho Mudane Yuusuf Xuseen Jimcaale.

12/05/2024

Madaxweymaha Jamhuuriyadda Federaalka Soomaaliya mudane Xasan Sheekh Maxamuud ayaa Xarigga ka jaray Xarunta Kaydka Gaaska cuntada Soomaaliya ee Benaadir, taasi oo ka qayb qaadanaysa qorshaha looga hortagayo xaalufinta dhirta iyo nabaad-guurka deegaanka.

“Waxaan ku dhiiri galinayaa ganacsatada Soomaaliyeed in ay maalgashadaan Kaabayaasha dhaqaalaha dalka, waxaana rajeynayaa in dhowaan Gaaska dalka dibadaiisa nooga yimaada uu dalkeenna nooga soo baxo.” ayuu yiri Madaxweyne Xasan Sheekh, isagoo ku boorriyay ganacsatada inay maalgashadaan guud ahaan gobollada dalka , si fursadaha horumarku u wada gaaraan muwaadiniinta Soomaaliyeed.

10/05/2024

Taliyaha Ciidanka Boliiska Soomaaliyeed S/Guuto Sulub Axmad Firin Askari Kasta oo ka Tirsan Ciidanka waa In Uu xusuusnaadaa Dhaartiisi aheyd "'Waxaan Ku dhaaranayaa Magaca ilaahay Inaan ilaaliyo diinteyda Dadkayga iyo Dalkayga '' k**a Aqbalidoono Inuu Dhibaateeyo Qof Shacab ah

09/05/2024

XILWAREJINTA DEGMADA KARAN

07/05/2024

Ra’iisul Wasaare Hamza Abdi Barre oo maalintii 2aad Booqasho rasmi ah ku jooga dalka kenya ayaa maanta lagu qaabilay maamuus sarre, Waxa uuna hoggaamiyay kulamo ahmiyad weyn u leh shacabka iyo dowladda Soomaaliyeed kuwaa oo lagu xoojinayo xiriirka iyo iskaashiga labada dal.

Safiirka Soomaaliya ee dalka Kenya mudane Jabriil Ibraahim Cabdulle ayaa ka war bixiyay kulamada uu Ra’iisul wasaaraha XJFS la qaatay madaxda dalka Kenya.

07/05/2024

TALIYAHA CIIDANKA BOLIISKA SOOMAALIYEED OO KORMEERAY DUGSIGA HOOSE, DHEXE SARE S/GUUTO MAXAMED ABSHIR MUUSE EE XARUNTA BARBAARINTA CARUURTA BOLIISKA,

Taliyaha Ciidanka Boliiska Soomaaliyeed S/Guuto. Sulub Axmed Firin ayaa maanta Kormeeray Dugsiga Hoose,Dhexe iyo Sare ee S/Guuto Maxamed Abshir oo ah Iskuulka Xarunta Barbaaribta Caruurta Boliiska Soomaaliyeed,

Kormeerka Taliyaha Ciidanka Boliska ee Dugsigaasi waxaa Ku wehliyaya qaar kamid ah saraakiisha Ciidamnka Boliiska Soomaaliyeed,

U jeedka Kormeerka Iskuula ayaa ahaa u kuurgalka Sida ay wax u bartaan Caruurta Agoonta Boliiska Soomaaliyeed,

S/Guuto Sulub axmed Firin Taliyaha Ciidanka Boliiska Soomaaliyeed ayaa mid Mid u Booqday Fasalada ay wax ku bartaan Caruurtan kuna dhiira galiyey in ay ka faa iideystaan Wax barashadooda ,

07/05/2024

Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa xariga ka jaray dhismayaal casri ah oo uu Bangiga (Premier Bank) ka hirgeliyay Degmada Wadajir ee Magaalada Muqdisho.

06/05/2024

Dowladaha Soomaaliya iyo Kenya ayaa galabta ku kala saxiixday magaalada Nairobi ee caasimadda dalka Kenya heshiisyo is-afgarad oo ku saabsan dhinacyada, Arrimaha dibedda, Nabadgalyada, Dhaqaalaha, Ganacsiga, Waxbarashada iyo arrimaha adeegga Bulshada.

Wasiirka Arrimaha Dibedda ee Soomaaliya Mudane Axmed Macallin Fiqi ayaa sharaxay muhiimadda ay Qaranka u leeyihiin heshiisyadaan is-afgarad

06/05/2024

Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre oo maanta gaaray magaalada Nairobi ee caasimadda dalka Kenya, ayaa sheegay in safarkiisa uu ku qotoma adkaynta xiriirka labada dal, horumarinta iskaashiga.

30/04/2024

MADAXWEYNE XASAN SHEEKH OO MADAXTOOYADA QARANKA KU QAABILEY MADAXA HAY'ADDA SIRDOONKA QARANKA TURKIGA

Abriil 30, 2024: Madaxweynaha Jahmhuuriyadda Federaalka Soomaaliya Mudane Xasan Sheekh Maxamuud ayaa maanta Madaxtooyada Qaranka kulan kula qaatay Hay'adda Sirdoonka Qaranka ee Turkiga Mudane Ibraahim Kalin.

Madaxweynaha ayaa muujiyay in doorka Turkiga ee taageerada amniga iyo xasilloonida Soomaaliya uu muhiim u yahay dowladnimadeenna, waxa uuna xusay mudnaanta ay dowladda Soomaaliya siinayso iskaashiga labada dal ee arimaha amniga, gaar ahaan dhinacyada la-dagaallanka argagixisada, xoojinta nabadda iyo xasilloonida gobolka.

Kulankan oo uu goob-joog ku ahaa Taliyaha Hay'adda Nabad-sugidda iyo Sirdoonka Qaran Mudane Cabdullaahi Maxamed Cali ayaa ka tarjumaya sida Soomaaliya iyo Turkiga ay uga go’an tahay xoojinta xiriirka labada dal ee iskaashiga arrimaha amniga, difaaca iyo ladagaallanka argagixiaada.

30/04/2024

Ra’iisul Wasaare Xamsa “ Hawlgalka Atalanta waxa uu saldhig u ahaa kor u qaadidda badqabka iyo amniga guud ee Badda Soomaaliya”.

Muqdisho, 30, Abriil 2024:-Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa tilmaamay muhiimdda ay leedahay in la kobciyo awoodaha Ciidanka Ilaalada Xeebaha Soomaaliya, si ay awood ugu yeeshaan, ulana wareegaan amniga guud ee ilaalinta iyo difaaca Badda Soomaaliya.

Ra’iisul Wasaaraha oo daawaday dhoolatus ay soo bandhigeen ciidammo loo tababaray Ilaalinta Xeebaha Soomaaliya, ayaa ku bogaadiyey Midowga Yurub tababarka iyo xirfadda sare ee ay bareen ciidanka, kuwaas oo loo diyaariyey in ay la wareegaan amniga xeebaha Soomaaliya.

Ra’iisul Wasaaraha oo kula hadlayey Markab taagan xeebaha Soomaaliya saraakiil ka tirsan Hawlgalka Atalanta, ayaa uga mahadceliyey taageeradooda muhiimka ah, si looga difaaco xeebaha dalkeenna danbiilayaasha ka fuliya falalka sharci darrada ah.

“Tan iyo 2008, Hawlgalka Atalanta waxa uu saldhig u ahaa kor u qaadidda badqabka iyo amniga guud ee Badda Soomaaliya, taas oo muhiim u ahayd ka hortagga burcad-badeednimada, hubinta badbaadada maraakiibta, la dagaallanka kalluumeysiga sharci-darrada ah iyo dembiyada ka dhaca badda”. Ayuu yiri Ra’iisul Wasaare Xamsa.

Xukuumadda DanQaran ayaa waxaa ka go’an dhismaha ciidan Soomaaliyeed oo awood u leh ilaalinta Xeebaha dalka, si ay uga hortagaan cid walba oo ka geysanaysa xadgudubyo.

30/04/2024

Maamulka Gobolka Banaadir oo go’aamo kasoo saaray Wado furista ka socota Suuqa Degmada Xamarweyne ee Magaalada Muqdisho.

30/04/2024

Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa Daahfuray Geeddi Socodka Hirgelinta Hannaanka Dhab-u-heshiin Qaran oo diiradda saaraya lix tiir oo ay saldhig u tahay sidii ummadda Soomaaliyeed si dhab ah uga heshiin lahaayeen dhibaatooyinkii la soo maray.

29/04/2024

Khudbadda Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ee Shirka Madaxda Afrika iyo Bangiga Adduunka

29/04/2024

Ra’iisul Wasaaraha Xukuumaadda Jamhuuriyadda Federaalka Soomaaliya, Mudane Xamsa Cabdi Barre, ayaa guddoomiyey kulan gaara kaasi oo looga hadlaayey hannaanka sugidda badqabka cuntada Soomaaliya.

Ra’iisul Wasaaraha ayaa dhageystay warbixin ku saabsan hab cusub oo ay dowladda Soomaaliya kula wareegeyso mas’uuliyadda soo saarista warbixinnada sugnaanta cunnada.

Mudane Xamsa ayaa ku tilmaamay ahmiyada ay leedahay in dowladdu yeelato awoodda soo saarista warbixinnada sugnaanta cunnada, iyadoo la fulinayo heshiiskii ay dowladu la gashay Hay’adaha caalamiga ah.

29/04/2024

MADAXWEYNE XASAN SHEEKH OO KA QEYB-GALAY SHIRKA MADAXDA DALALKA AFRIKA IYO BANGIGA ADDUUNKA

Nayroobi, Abriil 29, 2024; Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo ka qeyb-galay Shirka Madaxda Afrika iyo Bangiga Adduunka ayaa soo bandhigay qorshaha dowladda Soomaaliya ee ku saabsan maalgashiga iyo in mashaariicda la maal-geliyo loo weeciyo dhanka kaabeyaasha dhaqaalaha iyo wax-soosaarka.

Madaxweynaha ayaa tilmaamay in iskaashiga dhaqaalaha iyo fududeynta ganacsiga dalalka Qaaradda ay aas-aas u tahay qorsheyaasha kobcinta nolasha dadkeenna danyarta ah, cirib-tirka saboolnimada iyo xaqiijinta hiigsiga horumarka loo dhan yahay ee Qaramada Midoobey.

“Soomaaliya marka loo eego dhaawac soo gaaray dhaqaalaheeda iyo Hay'adaheeda dowladeed, maanta waxaa muuqanaysa in ay aad u soo kabatay oo ka soo gudubtay marxaladdii aadka u adkayd, iyadoo cagta saartay dhabbaha xasilloonida dhaqaale, horumar bulsho iyo mid ganacsi. Saas oo ay tahay waxaan sii wadnaa qorsheyaal lagu xaqiijanyo soo kabashadaas dhaqaale iyo dhiirri-gelintiisa".

Madaxweyne Xasan Sheekh ayaa ku boggaadiyay Madaxda Bangiga Adduunka dadaalka ay ku bixinayaan maalgelinta iyo awood-siinta dowladaha nugul, si xal waara loogu helo aafooyinka dib u dhigay nolasha shucuubta dalalkaas.

DHAMAAD

28/04/2024

28/04/2024

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo soo gaba-gabaynayey booqashadii rasmiga ahayd ee uu ku jooga dalka Tansaniya ayaa soo booqday Jasiirrada Sinsibaar oo ka mid ah deegaannada xiriirka taariikhiga ah uu kala dhexeeyo dadka Soomaaliyeed.

Madaxweyne Xasan Sheekh oo la kulmay Madaxweynaha dowlada Sinsibaar Mudane Hussein Mwinyi ayaa uga tacsiyeeyay geerida Aabahii Madaxweynihii h**e dalka Tasaaniya Ali Hassan Mwinyi.

Waxaa sidoo kale kulanka looga hadlay arrimo dhowr ah oo ay ka mid yihiin taariikhda iyo xiriirka ka dhexeeya dadka Soomaaliyeed iyo qoomiyadaha ku dhaqan Sinsibaar, iyo iskaashiga arrimaha dalxiiska oo Jasiirrada Sinsibaar ku tilmaamantahay.

27/04/2024

MADAXWEYNE XASAN SHEEKH OO SI DIIRAN LOOGU SOO DHOWEEYAY QASRIGA MADAXTOOYADA DALKA TANZANIA

Daaru-salaam, 27 Abriil 2024- Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo booqasho rasmiga ah ku jooga dalka Tanzania, ayaa si heer sare ah loogu soo dhoweeyay Munaasabad ballaaran oo ka dhacday Aqalka Ikulu ee Madaxtooyada Tansaaniya.

Madaxweynaha Jamhuuriyadda iyo wafdigiisa ayaa wadahadallo laba geesood ah la yeeshay Madaxweynaha dalka Tansaaniya Marwo Samia Suluhu Hassan iyo golaha Xukuumadda oo ay ka wada hadleen qodobo taabanaya dhinacyada amniga, dhaqaalaha iyo horumarinta.

Madaxweyne Xasan Sheekh ayaa uga mahad celiyay dowladda iyo shacabka Tanzania taageerada iyo garab istaagga ay u muujiyeen madaxbannaanida iyo midnimada dhuleed ee Jamhuuriyadda Federaalka Soomaaliya, kadib xad-gudubkii dowladda Ethiopia ay ku sameysay madax-bannaanida dalkeenna iyaga oo heshiis baal marsan shuruucda caalamiga ah la galay jobol ka mid ah Jamhuuriyadda Federaalka Soomaaliya.

DHAMMAAD

27/04/2024

Degaanka Ceelasha Biyaha waxa laga soo sheegayaa Dhagar qabe ka tirsan Khawaarijta oo Miino ku dhex farsamaynaayey Gurigiisa ay ku dhex qaraxday.

Saddex caruur ah oo uu dhalay iyo isagii ayaa qaraxaas ku geeriyooday waxaana dhaawac ah hooyadii qoyska sida uu noo xaqiijiyey Taliska ciidanka Boliiska.

Ila Soco.

27/04/2024

Deg.Deg Tiro hoobiyaal ah ayaa ku dhacay qeybo kamid ah degmooyinka Gobalka Banaadir Xaladda Muqdisho ayaana caawa ah mid kacsan.

Hobiyaasha qaar ayaa ku dhacay degmada boondheere ee gobolka banaadir waxaana jira dhawacyo soo gaaray dad reyid ah

Sidoo kale qarax ayaa ka dhacay afaafka h**e ee saldhiga degmada waabari waxaana ay goob joogiyaasha ay sheegiyaan in bac qarax lagu sooqariyay la dhigay afaafka h**e ee saldhiga mana jiraan wax qasaara ah oo ka dhashay.

Ma jiro weli wax war ah oo ka soo baxay laamaha amniga gobolka.

27/04/2024

WAR SAXAAFADEED

Muqdisho, 27 April, 2024: Dowladda Federaalka Soomaaliya waxa ay soo dhaweyneysaa maleeshiyaadka iyo horjoogayaasha ka soo baxaya safka Khawaarijta ee isku soo dhiibaya dowladda kaddib markii Madaxweynaha Jamhuuriyadda Federaalka Soomaaliya uu cafis u fidiyay qof kasta oo ay qaldeen cadowga oo doonaya in uu dadkiisa si nabad ah ugu laabto.

Toddobaadyadii ugu dambeeyay boqol maleeshiyaad iyo horjoogayaal isugu jira oo muddo dheer ka tirsanaa cadowga Khawaarijta ah ayaa iska soo dhiibay deegaannada Galmudug, Hirshabeelle, Koofur Galbeed, Jubbaland iyo Muqdisho, kuwaas oo soo dhaweyn iyo daryeel ka helay dowladdooda sidoo kalena ka badbaadey shartii ay u diyaarinayeen Khawaarijta.

Dowladda Soomaaliya waxa ay ku dhiira-gelinaysaa dhallinyarada ay qaldeen cadowga in ay isku soo dhiibaan dowladooda, sidoo kale dowladdu waxa ay bogaadineysaa kaalinta waalidiinta Soomaaliyeed ay ka qaateen in ay caruurtooda ka soo reebaan Khawaarijta.

Dowladda Soomaaliya waxaa ka go’an ciribtirka Khawaarijta, Kuwa ka dhaga-adeyga in ay ka faaiidaystaan fursaddaan waxa ay wajihi doonaan Cadaaladda waxa ayna mari doonaan jidkii ay mareen kuwii ka h**eeyay ee ku baxay Gacmaha Hay’adaha Amniga iyo Caddaaladda.

-Dhammaad-

27/04/2024

Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa Dhagax-dhigay Xarunta Keydka Talaalka iyo Daawadda ee Gobolka Banaadir iyo Dowladda Hoose ee Xamar.

27/04/2024

Muqdisho, 27 April 2024: Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa Dhagax-dhigay Xarunta Keydka Talaalka iyo Daawadda ee Gobolka Banaadir iyo Dowladda Hoose ee Xamar.

Mashruucaan ayaa qeyb ka ah Qorshaha horumarinta adeegyada Bulshada Gobolka Banaadir, gaar ahaan Caafimaadka, iyadoona xarumahaan ay sahleyso in la helo Keyd Talaal iyo Daawooyin si ay u fududaato adeegyada Caafimaad ee laga fuliyo Degmooyinka iyo Deegaanada Gobolka Banaadir.

Munaasabadda dhagaxdhiga waxaa goobjoog ka ahaa Guddoomiye Kuxigeenka Arrimaha Bulshada iyo Wacyigelinta Maamulka Gobolka Banaadir mudane Cabdicasiis Cismaan Maxamed, Agaasimaha Guud ee Arrimaha Bulshada, Agaasimaha Agaasinka Caafimaadka, Madaxda iyo Howlwadeenada xarumaha Caafimaadka Gobolka Banaadir, Agaasimeyaal iyo xubno kale.

—𝐃𝐇𝐀𝐌𝐌𝐀𝐀𝐃—

26/04/2024