Caasimada Online

Caasimada Online Caasimada Online: Your trusted source for news on Somalia. Politics and policy, culture, and more.

Senator Cabdi Qaybdiid ayaa diiday hannaanka doorashada ee qof iyo cod, kaas oo ay dowladda federaalka Soomaaliya soo je...
03/02/2025

Senator Cabdi Qaybdiid ayaa diiday hannaanka doorashada ee qof iyo cod, kaas oo ay dowladda federaalka Soomaaliya soo jeedisay in laga dhaqan-geliyo Soomaaliya sannadka 2026-ka.

"Dowlad-goboleedka Galmudug waxaa ka dhici doonta oo kaliya doorasho qaran oo lagu heshiiyay. Daneeyeyaasha dowlad-goboleedka Galmudug ayaa si wadajir ah uga arrinsan doona arrinkaa," ayuu yiri Senatar Qaybdiid.

Wuxuu dhaliilay socdaallada joogtada ah ee madaxweyne Xasan Sheekh ku tago dibadda. "Ma habboona in muddo gaaban gudaheed dalba dal loo safro. Waxaan ugu baaqayaa labada gole ee baarlamaanka federaalka inay feejignaadaan oo ay u kuurgalaan jidka qaldan ee ay Soomaaliya cagta saartay," ayuu hadalkiisa kusii daray.

Senatar Qaybdiid oo h**ey u soo noqday Taliyaha Ciidanka Booliska Soomaaliyeed ayaa ah Senatarkii ugu horreeyay ee si cad uga soo horjeesta hannaanka doorashada ee muranka dhaliyay.

Dowladda federaalka Soomaaliya ayaa sheegtay inay hannaankan ka dhaqan-gelin doonto qaybo ka mid ah dalka, iyadoo laga reebay dowlad-goboleedka Puntland, oo ah maamul-goboleedkii ugu horreeyay ee laga hirgeliyey Soomaaliya sannadkii 1998-kii.

Maamulka gobolka Banaadir ayaa qorshaynaya in ganaax lacageed lagu soo rogo qof kasta oo lagu qabto isaga oo gidaar iyo ...
02/02/2025

Maamulka gobolka Banaadir ayaa qorshaynaya in ganaax lacageed lagu soo rogo qof kasta oo lagu qabto isaga oo gidaar iyo meel waddo ah oo aan habboonayn ku kaajaya gudaha magaalada Muqdisho.

Qorshaha ganaaxan oo hadda dooddiisa ka socoto magaalada Muqdisho ayaa u dhaxeyn kara $10 illaa $50, kaas oo laga qaadi doono qof kasta oo ku kaca falkaan.

Arrintan ayaa looga dan leeyahay sidii kor loogu qaadi lahaa bilicda iyo nadaafadda caasimada, oo muraayad u ah dalka intiisa kale.

Taliyaha ciidanka booliska Soomaaliyeed S/Guuto Asad Cismaan Cabdullaahi ayaa xafiiskiisa ku qaabilay safiirka dowladda ...
02/02/2025

Taliyaha ciidanka booliska Soomaaliyeed S/Guuto Asad Cismaan Cabdullaahi ayaa xafiiskiisa ku qaabilay safiirka dowladda Ingiriiska u fadhiya Soomaaliya Danjire Mike Nithavrianakis, ku-xigeenkiisa Amb. Sam Thomas iyo masuuliyiin kale oo ka tirsan safaaradda.

Taliyaha oo ay wehliyaan saraakiil ka tirsan taliska booliska ayaa kulan gaar ah la yeeshay safiirka iyo wafdiga la socday, waxaana ay ka wada-hadleen taageerada dowladda Ingiriiska ay siiso ciidanka booliska, xoojinta iskaashiga amniga iyo la-dagaalanka AS.

Ra’iisul Wasaaraha Soomaaliya Xamza Cabdi Barre ayaa guddoomiyey shirka guddi-hoosaadka golaha wasiirrada ee siyaasadda ...
02/02/2025

Ra’iisul Wasaaraha Soomaaliya Xamza Cabdi Barre ayaa guddoomiyey shirka guddi-hoosaadka golaha wasiirrada ee siyaasadda loo dhan yahay, kaas oo looga hadlayey dardar-gelinta taageeridda doorashada iyo dhammaystirka dastuurka.

Kulanka ayaa lagu soo bandhigay dadaallada hirgelinta doorashada iyo sidii ay xukuumaddu u qaadan lahayd doorka kaga aaddan in dalka ay ka dhacdo doorasho xor iyo xalaal ah, oo muwaadiniinta Soomaaliyeed siineysa xuquuqdooda dastuuriga ah ee ah in ay wax doortaan, lana doorto.

Xamza ayaa faray xubnaha golaha wasiirrada ee ku jira guddi-hoosaadka siyaasadda loo dhan yahay in ay dardar-geliyaan kaalintooda ku aaddan hirgelinta iyo fududeynta wax yaabaha loo baahan yahay, si ay doorashadu u hirgasho, iyada oo xoogga la saarayo wacyigelinta dadweynaha.

Madaxweyne Donald Trump ayaa ku dhawaaqay tacriif ama canshuuro baaxad leh oo lagu soo rogayo Canada, Mexico iyo Shiinah...
02/02/2025

Madaxweyne Donald Trump ayaa ku dhawaaqay tacriif ama canshuuro baaxad leh oo lagu soo rogayo Canada, Mexico iyo Shiinaha, isaga oo adeegsanaya awoodaha deg-degga ah ee dhaqaalaha, wuxuuna sabab uga dhigay "khatarta weyn" ee ka imanaysa tahriibka sharci-darrada ah iyo daroogooyinka.

Badeecadaha laga soo dhoofiyo Canada iyo Mexico ee Mareykanka ayaa la saari doonaa canshuur dhan 25%, inkasta oo kheyraadka tamarta ee Canada uu yeelan doono canshuur hoose oo ah 10%, iyada oo laga billaabayo Talaadada.

Alaabaha ka imaanaya Shiinaha, oo h**ey u wajahaya heerar kala duwan oo canshuuro ah, ayaa lagu dari doonaa 10% oo dheeraad ah, sida uu Trump sheegay.

Trump ayaa adeegsanaya xeerka awoodaha dhaqaale ee xilliga deg-degga ah si uu u meel-mariyo canshuurahan, iyada oo Aqalka Cad uu sheegay in "halista daran ee ay keeneen dadka muhaajiriinta ah ee sharci-darrada ah iyo daroogooyinka, oo ay xadgudub ku tahay ammaanka qaranka."

Ra’iisul Wasaaraha Canada, Justin Trudeau ayaa dhankiisa sheegay in Ottawa ay diyaar u tahay "jawaab adag oo si gaar ah looga baaraan degay."

R/Wasaaraha gobolka Ontario, Doug Ford oo ah xarunta dhaqaalaha Canada ayaa sidoo kale ka digay in canshuuraha ay sababi karaan shaqo la’aan iyo hoos u dhac ku yimaada dhaqaalaha.

Madaxweyne Xasan Sheekh, oo wargeyska Washington Post uu weydiiyey dhaxalka uu rabo in uu uga tago Soomaaliya, ayaa sida...
01/02/2025

Madaxweyne Xasan Sheekh, oo wargeyska Washington Post uu weydiiyey dhaxalka uu rabo in uu uga tago Soomaaliya, ayaa sidan ku jawaabay.

Xukuumadda Somaliland ayaa soo rogtay canshuuro dheeri ah, kuwaasi oo si toos ah looga jari doono wax iibsiga ka dhaca l...
01/02/2025

Xukuumadda Somaliland ayaa soo rogtay canshuuro dheeri ah, kuwaasi oo si toos ah looga jari doono wax iibsiga ka dhaca lacagaha danabeysan sida; Zaad, eDahab, MyCash, Sahal, iyo kuwa la midka ah.

Golaha Wasiirrada ayaa maanta u codeeyay dhaqan-gelinta cashuurta iibka (Sales Tax), taas oo sidoo kale si toos ah looga jari doono wax iibsiga ka dhex dhaca Mobile Applications-ka Bangiyada iyo Wallets-ka sida; DahabPlus, Waafi, Premier Wallet, Amal Bank, IBS Bank iyo kuwa la midka ah.

Canshuurta iibka ee soo rogtay xukuumadda madaxweyne Cirro ayaa sidoo kale waxay saameynaysa hanaanka ku shubashada lacagaha ku hadalka iyo internetka ee shirkaddaha isgaadhsiinta ee gudaha Somaliland.

Agaasimihii h**e ee NISA Fahad Yaasiin oo si cajiib ah ugu duurxulay madaxweyne Xasan Sheekh ayaa wuxuu ugu baaqay inuu ...
01/02/2025

Agaasimihii h**e ee NISA Fahad Yaasiin oo si cajiib ah ugu duurxulay madaxweyne Xasan Sheekh ayaa wuxuu ugu baaqay inuu wax ka qabto muwaadin la aaminay oo awood buuxda leh, haddana dhac u geysanaya hantidii danta guud, kuna iibinaya xaraash iyo xoolo jaban.

Cali Cosoble: "Koonfur Galbeed waa degaan aad hodan u ah, Puntland waa dhul Soomaaliyeed, muwaadin kasta oo Soomaali ahn...
01/02/2025

Cali Cosoble: "Koonfur Galbeed waa degaan aad hodan u ah, Puntland waa dhul Soomaaliyeed, muwaadin kasta oo Soomaali ahna wuu degi karaa, ka shaqeysan karaa, kuna dhex safri karaa, balse khaladaadka ka dhacaya Boosaaso iyo Garoowe ee lagula kacayo muwaadiniin dalkoodii hooyo jooga waxaa sabab u ah nidaamka federaalka oo khalad laga fahmay."

"Hase ahaatee waxaa ayaan darro ah inaad degaankiina uga carartaan AS oo aad degaanno idinka fog ku noqotaan barakacayaal marba dhinac loo eryanayo. Deegaannadiina ka xoreysta arxanlaweyaasha, wiil idinkuma yara, geesina idikuma yaree."

Faah-faahino dheeraad ah ayaa kasoo baxaya diyaarad nooca aan duuliyaha lahayn oo xalay lagu arkay hawada sare ee Muqdis...
01/02/2025

Faah-faahino dheeraad ah ayaa kasoo baxaya diyaarad nooca aan duuliyaha lahayn oo xalay lagu arkay hawada sare ee Muqdisho, gaar ahaan nawaaxiga Madaxtooyada Qaranka, halkaas oo sidoo kale laga maqlay rasaas xooggan.

Ilo wareedyo xilkas ah ayaa Caasimada Online u sheegay in diyaaradda oo ahayd Drone ay laba mar kusoo laabatay agagaarka Villa Somalia, kadibna waxaa ka shakiyay ciidamada ammaamka oo rasaas ku furay.

Cabsi wayn ayaa la dareemay, waxaana looga shakiyay in diyaaraddu sidday qaraxyo, ujeedkeeduna uu ahaa inay bartilmaameedsato Villa Somalia oo si weyn loo ilaaliyo.

Ciidamada ilaalada ee xarunta Madaxtooyada Qaranka ayaa la sheegay inay qoray Dhashiikaha u adeegsadeen diyaaradda, kadibna ay sidaasi ku carartay, waxaana rasaasta si weyn xalay looga maqlay xaafado ka tirsan magaalada caasimada ah ee Muqdisho.

Dhanka kale, ma jiro illaa iyo hadda wax war ah oo ka soo baxay dowladda oo ku aadan diyaaraddaas oo shaki wayn gelisay reer Muqdisho iyo laamaha ammaanka Soomaaliya.

Dhowaan ayaa waxaa soo baxay digniino sheegaya in suuragal ay tahay in AS ay adeegsan karto diyaarado Drone ah oo qaraxyo sida, sida lagu sheegay warbixinno kasoo baxday hay’adaha caalamiga ah ee deggan xerada Xalane ee magaalada Muqdisho.

Madaxweynaha Soomaaliya Xasan Sheekh Maxamuud ayaa xaqiijiyey in xubno ku dhow madaxweynaha Mareykanka Donald Trump ay d...
31/01/2025

Madaxweynaha Soomaaliya Xasan Sheekh Maxamuud ayaa xaqiijiyey in xubno ku dhow madaxweynaha Mareykanka Donald Trump ay doonayaan in la aqoonsado Somaliland, balse aysan walaac badan ka qabin.

Wareysi uu siiyay The Washington Post, ayuu Xasan Sheekh rajo ka muujiyay sii xoojinta iskaashiga Soomaaliya iyo Mareykanka xilligan xukuumadda Trump, inkasta oo uu jiro walaaca ah in xubno ka tirsan maamulka cusub ay taageerayaan aqoonsiga Somaliland.

Xasan Sheekh wuxuu dib u xusay midnimada taariikhiga ah ee Soomaaliya, isagoo carrabka ku adkeeyay saldhigga sharci iyo siyaasadeed ee ay ku dhisan tahay qarannimada dalka. Wuxuuna qiray in dagaalkii sokeeye ee 1991 uu horseeday in Somaliland isku daydo inay gooni uga go’do Soomaaliya, balse dowladdiisu aysan aqoonsan doonin kala go’aasi.

Madaxweynaha ayaa sidoo kale wuxuu ka digay in wax-ka-beddelka xuduudaha Afrika uu horseedi karo xasillooni-darro baahsan. Inkasta oo Somaliland ay qabatay doorashooyin, wuxuu meesha ka saaray fikradda ah in doorasho kaliya ay ku filan tahay gooni-isu-taag

Dhammaan amarada fulinta ee madaxweynaha Mareykanka Donald Trump uu saxiixay ee ku saabsan socdaalka, waxaa jira mid kam...
31/01/2025

Dhammaan amarada fulinta ee madaxweynaha Mareykanka Donald Trump uu saxiixay ee ku saabsan socdaalka, waxaa jira mid kamid ah oo keenay cabsi jahwareer ba'an, islamarkaana si weyn u xaddidi kara awoodda dadka kasoo jeeda dalal badan u galaan Mareykanka, xitaa booqasho kooban.

Trump wuxuu amar ku bixiyay waaxda amniga gudaha, waaxda arrimaha dibadda iyo agaasimaha sirdoonka Qaranka inay muddo 60 maalmood ah gudahood, soo gudbiyaan liis ay ku qoran yihiin dhammaan dalalka ay hay'aduhu u arkaan in aysan si habboon u hubin dadka doonaya inay booqdaan, ku noolaadaan ama wax ku bartaan Mareykanka.

Amarka fulinta ayaa waxaa lala barbar dhigay kii "mamnuuciddii Muslimiinta" ee Trump uu hirgeliyay muddadii uu xafiiska joogay ee ugu horreysay. Amarkaas wuxuu xannibay dadka u dhashay lix dal oo Muslim ah oo ay ku jiraan Soomaaliya iyo Waqooyiga Kuuriya inay galaan Maraykanka. In ka badan 700 oo musaafir ah ayaa la xiray, ilaa 60,000 oo fiiso ayaa "si ku meel gaar ah loo joojiyay."

Hindisahani cusub ayaa la filayaa inuu aad uga sii ballaarto kii h**e, oo saameeyo ugu yaraan 20 dal, oo ay ku jiraan Soomaaliya, Suuriya iyo dalal kale oo ay Muslimiin badani ku nool yihiin.

R/W Saalax: "Dadka buuraha Puntland soo galay waa kuwo aanaan ab iyo isir wadaagin oo qaarkood aanaan waligeen tigin dal...
31/01/2025

R/W Saalax: "Dadka buuraha Puntland soo galay waa kuwo aanaan ab iyo isir wadaagin oo qaarkood aanaan waligeen tigin dalalkooda, marka waa gardarro iyo dulmi cad inay dalkeena ka dhex dagaalamaan, waana ku garab taaganahay dagaalka ciidamada Puntland."

Golaha Wasiirrada Xukuumadda Jamhuuriyadda Federaalka Soomaaliya oo yeeshay kulankoodii caadiga ahaa ayaa maanta meel-ma...
30/01/2025

Golaha Wasiirrada Xukuumadda Jamhuuriyadda Federaalka Soomaaliya oo yeeshay kulankoodii caadiga ahaa ayaa maanta meel-mariyey qaraarka maareynta isticmaalka khaldan ee baraha bulshada.

Shirka oo uu guddoominayey ra'iisul wasaare ku-xigeenka labaad ee XFS Cabdisalaan Dhaay ayaa waxaa lagu ansixiyey heshiisyo ku saabsan amniga internet-ka. Sidoo kalena waxaa lagu meel-mariyay heshiis is-afgarad wada-shaqayn oo u dhaxeeya guddiyada warbaahinta ee hey'addaha isgarsiinta dowladaha Soomaaliya iyo Malaysia.

Hay’adda socdaalka iyo kastamada ee Mareykanka (ICE) ayaa sare u qaadday dadaalladeeda la xiriira tarxiilidda muhaajirii...
30/01/2025

Hay’adda socdaalka iyo kastamada ee Mareykanka (ICE) ayaa sare u qaadday dadaalladeeda la xiriira tarxiilidda muhaajiriinta aan sharciga haysan, iyadoo Soomaaliya ay hormuud u tahay waddamada Afrika ee ay sida gaarka ah u beegsanayso.

Tirada muwaadiniinta Soomaaliyeed ee hadda loo qorsheeyay in dalka laga saaro ayaa gaareysa 4,090, taasoo ka tarjumeysa baaxadda hawl-gallada lagu hayo muhaajiriintan. Waxaa Soomaaliya ku xiga Nigeria oo leh 3,690 kiis oo la sugayo in la tarxiilo, halka Ghana ay ka joogaan 3,228 kiis.

Culeyska saaran hay’adda ICE ayaa si xawli ah u kordhay tan iyo markii uu xilka dib ula wareegay madaxweynaha cusub ee Mareykanka Donald Trump, iyadoo la raacayo siyaasadihiisa adag ee dhanka socdaalka.

Dowladaha qaar ayaa isu diyaarinaya inay dib u soo dhaweeyaan muwaadiniintooda, halka kuwa kalena ay walaac ka muujinayaan habka loola dhaqmayo dadka la tarxiilayo xagga arrimaha bini’aadantinimada.

Sagaal muhaajiriin ah oo ay ku jiraan Soomaali iyo Eritrean ayaa laga dhex helay konteenar xamuul ah oo ku sugnaa dekedd...
30/01/2025

Sagaal muhaajiriin ah oo ay ku jiraan Soomaali iyo Eritrean ayaa laga dhex helay konteenar xamuul ah oo ku sugnaa dekedda Rosslare Europort kadib markii ay afar maalmood ku go'doonsanaayeen cunto iyo biyo la’aan.

Kooxdan oo loo sheegay in si sharci-darro ah loogu tahriibinayo Boqortooyada Ingiriiska (UK) ayaa ka hor intii aan la soo badbaadin la soo xiriirtay mas'uuliyiinta, iyagoo codsaday gargaar deg-deg ah.

Markii la helay, ayaa la xaqiijiyey in muhaajiriintani ay ku jireen xaalad caafimaad oo deggan, inkastoo labo carruur ah ay u baahdeen in isbitaal la dhigo dhaawacyo fudud oo soo gaaray awgood. Shaqaalaha caafimaadka ayaa isla goobta, oo ahayd dekedda, ku qiimeeyay xaaladda kooxda, ka hor inta aan loo gudbin baaritaanno dheeraad ah.

Saraakiisha ayaa xaqiijiyay in muhaajiriintan, oo da’doodu u dhaxayso 16 iyo 27 sano ay midkiiba bixiyey lacag ka badan €2,000 oo Yuuro. Lacagtan ayay siiyeen shabakadaha dadka tahriibiya, kuwaasoo si been abuur ah ugu ballan-qaaday inay si nabad ah ku gaarsiin doonaan Boqortooyada Ingiriiska. Balse, halkii ay ka gaari lahaayeen halkii ay u socdeen, waxay safarkoodii ku soo idlaaday Ireland.

Xisbiga UPD ee Soomaaliya iyo xisbiga AK Party ee haya talada dalka Turkiga ayaa maanta heshiis is-afgarad ku kala saxii...
29/01/2025

Xisbiga UPD ee Soomaaliya iyo xisbiga AK Party ee haya talada dalka Turkiga ayaa maanta heshiis is-afgarad ku kala saxiixday magaalada Ankara.

Heshiiska ayaa labada dhinac waxaa u kala saxiixay xoghayaha guud ee xisbiga UPD xildhibaan Cabdiraxmaan Odowaa iyo guddoomiye ku-xigeenka AK Party Mr. Zafer Sirakaya.

Heshiiskan ayaa wuxuu u gogol xaarayaa in labada xisbi ay yeeshaan iskaashi qoto dheer oo ku aaddan; is-waydaarsiga khibradaha, aragtiyada iyo cilmi baarista, hindisaha iyo hirgalinta barnaamijyada siyaasadeed, kobcinta xirfadda kaadirka iyo sare u qaadista wacyiga siyaasiga ah ee bulshada.

Is-afgaradka xisbiga madaxweyne Xasan Sheekh iyo xisbul xaakimka dalka Turkiga ayaa ku soo aadaya xilli uu dhawaan guddigga doorashooyinka qaranka ku dhowaaqay inay furan tahay diiwaan-gelinta ururrada siyaasadda. Qorshahan ayaa waxaa si adag uga horyimid madaxdii h**e iyo siyaasiyiinta mucaaradka.

Madaxweynaha Soomaaliya Dr. Xasan Sheekh Maxamuud ayaa la kulmay madaxweynaha Tanzania Marwo Samia Suluhu Hassan oo ay k...
29/01/2025

Madaxweynaha Soomaaliya Dr. Xasan Sheekh Maxamuud ayaa la kulmay madaxweynaha Tanzania Marwo Samia Suluhu Hassan oo ay ka wada-hadleen xoojinta xiriirka labada dal iyo iskaashiga istiraatiijiga ee arrimaha bulshada bariga Afrika.

Labada dowladood ayaa kala saxiixday heshiisyo muhiim ah oo lagu xoojinayo wada shaqeynta dhinacyo badan, taas oo muujineysa rabitaanka labada dal ee kobcinta xasilloonida iyo horumarka gobolka.

Address

Maka Al-Mukarama Road
Mogadishu

Website

Alerts

Be the first to know and let us send you an email when Caasimada Online posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Caasimada Online:

Videos

Madaxweyne Xasan ayaa farriin u diray dadka ka caytama baraha bulshada.

Farriinta Madaxweyne Xasan Sheekh ee xaaladda dalka.

Deni (2).mp4
Deni (2).mp4

Saciid Deni: “Waan ognahay in xarumihii iyo xiryahii dowladda, in la yiri waa laga maarmay oo la iibinayo, haddana la leeyahay qabuuraa laga maarmi waayey waa la faagayaa, waa arrimo aan is-qaban karin.”

Muxuu Saciid Deni ka yiri arrinta qabuuraha Iskuul Polizia?

Qatar ma waxay isku dayeysaa in ay dhex-dhexaadiso Soomaliya iyo Itoobiya?

Sharaxaad: Waa maxay ujeedka safarka Xasan Sheekh ee Oslo?

Sababta ka dambeysa inay Fly Dubai joojiso safaraddii Muqdisho
Sababta ka dambeysa inay Fly Dubai joojiso safaraddii Muqdisho

Sababta ka dambeysa inay Fly Dubai joojiso safaraddii Muqdisho

Xasan Sheekh: War ha cararin
Xasan Sheekh: War ha cararin

Madaxweyne Xasan Sheekh: “War ha cararin haddaadan tuug aheyn oo aadan wax isku ogeyn. In maalin aad maxakamad hor-istaagtay oo aad garantay danbi ma ahan, laakin in lagugu caddeeyo waxii laguugu eedeeyay ayaa danbi ah.”

Madaxweyne Xasan Sheekh oo heshiis dhex-dhigay Lafta-gareen iyo mucaaradka Koonfur Galbeed.

Darawalkii guddoomiye Mursal oo ku biiray Al-Shabaab

Shortcuts

Share

Category