24 hours
(1)
UPDATE: Madaxii h**e ee sirdoonka Israa’iil, Tamir Pardo ayaa CNN ka sheegay in aysan jirin dad rayid ah oo ku sugan Qasa; “Ma jiro wax la yiraahdo dad aan dagaalamin oo ku sugan marinka Qasa sababtoo ah dhammaan dadka Gazan waxay u codeeyeen Xam***s."
Xogta. Iman Jama
UPDATE: Gantaallo laga riday Qasa ayaa ku dhacay Telaabib, iyadoo iska caabinta ay sheegeen duqeyntan inay uga jawaabayaan xasuuqa shacabka loo geystay.
UPDATE: Telefishinka CNN oo ka falcelinayay hubkii ay muujiyeen ciidanka Israa’iil markii ay galeen isbitaalka al-Shifa, wuxuu yiri “Marka loo eego falllanqaynta la sameeyay...waxaa jirta suurtogalnimo sare ciidanka Israa’iil ayaa ahaa kuwii hubka dhigay isbitaalka al-Shifa ka hor inta aysan saxaafaddu tagin isbitaalka.”
Isha. Iman Jama
UPDATE: Ugu yaraan 50 qof ayaa ku dhintay markii ciidammada Israa’iil ay weerareen dugsiga al-Fakhoora, oo ay maamusho Hay’adda Qaramada Midoobay Falastiin ee UNRWA, sida uu wakaaladda wararka ee AFP u sheegay sarkaal ka tirsan wasaaradda caafimaadka ee Qasa.
Muuqaal uu baahiyay telefishinka Aljazeera ayaa muujiyay meydadka dad u badan dhallinyaro , iyadoo halkaa ay boqollaal ruux ku barakaceen kuwaaso gabaad ka dhigtay.
Isha. Iman Jama
UPDATE: Madaxweynaha Turkiga ,Erdogan ayaa ku celiyay Israa’iil inay tahay waddan argagaxiso , waxaa kalo uu sheegay inay soo dhammaatay maalmihii Netanyahu.
Wuxuu intaa ku daray “Waxaa jira caddeymo badan oo ku saabsan in lagu dacweeyo Dawladda Israa'iil maxk**adda dambiyada caalamiga ah..Xabad-joojin degdeg ah oo Qasa laga sameeyo waa muhiim. Hadafkayagu xabbad joojin waa nabad waarta; waxaan magdhow ka dalban doontaa Israa'iil waxyeelada ay geysatay.”
Erdogan, waxaa kalo uu caddeeyay “Turkiga ayaa dadaal ugu jira dib u dhiska kaabayaasha burburay ee Qasa, oo ay ku jiraan dhismayaal rayid ah oo la burburiyay.”
Isha. Iman Jama
Cole Palmer ayaa qaatay maalmo uu in badan xusuusan doono. 🔝
12 November - 95'daqiiqo waxa uu goolka barbaraha ka dhaliyey kooxdiisii h**e ee Manchester City. 🔥
17 November - Waxa uu kulankiisii ugu horreeyey u saftay xulkiisa qaranka England. 🏴
~
Kooxda kubadda cagta Everton ayaa laga jaray 10 dhibcood kaddib markii lagu helay inay jabiyeen xeerka dhaqaale wanaagga ee Financial Fair Play (FFP).
Waxa ay ka soo dhaceen kaalinta 14-aad oo ay jireen, waxaana kooxda tababare Sean Dyche markii 10 dhibcood laga jaray ay soo degtay kaalinta 19-aad, iyadoo farqiga goolasha kaga badbaadday inay fariisato kaalinta ugu hooseysa horyaalka Premier League.
~
UPDATE: Ruushka ayaa sheegay 30 tan oo gargaar ah inuu u dirayo Qasa, waa markii labaad oo Moscow ay dirayso gargaar bini’aadanimo si loo gaarsiiyo marinka go’doonka ku jira ee Qasa.
UPDATE: Ciidanka YH ee ku sugan isbitaalka al-Shifa ayaa burburiyay qeybtii dhexe ee oxygen-ka, bakhaaradii daawooyinka iyo xaruntii dhexe ee dhismaha isbitaalka siineysay biyaha, sida ay sheegtay wakaaladda wararka Anadolu oo xigatay agaasimaha isbitaalka.
~Iman Jama
UPDATE: Shirkadaha reer galbeedka ayaa si aan kala har lahayn u joojiyay wada-shaqeyntii bartii h**ey loo oran jiray Twitter ee X, kaddib markii bartaa ay noqotay mid si xor ah loogu soo bandhigo gabood-fallada YH, halka milkiilaha shabakadda Elon Musk uu sheegay inay YH ku kaceen dulmi.
• Shirkadda IBM, waxay si rasmi u shaacisay inay joojiyeen dhammaan xayeysiisyadii barta X.
• Shirkadda Apple ayaa sidoo kale tallaabada qaaday.
•Midowga Yurub wuxuu raacay dariiqa isagoo ka codsaday dhammaan adeegyada fulinta ee Midowga inay joojiyaan bandhiga xayeysiiska ee X.
•Shirkada Gilead ayaa joojisay xayaysiiskii.
•Adobe way joojisay xayaysiiskii.
•Shirkadda Disney ayaa ku dhawaaqday joojinta xayaysiiskeeda.
•Lionsgate International waxay joojisay xayaysiisyadii.
~Iman Jama
UPDATE: Hadal jeedintii madaxweynaha Turkiga inta uu ku guda jiray shirkii jaraa’iid ee u la qabtay hoggaamiyaha Jarmalka, ayaa hadal heyn ka dhalisay gudaha dalkaa, iyadoo warbaahinta Jarmalkana ay si adag uga hadleen;
Wargeyska ZEIT, wuxuu leeyahay “Booqashada lagu tilmaami karo wax laga xishoodo, haba yaraatee Madaxweynaha Turkiga ayaa hadalkiisa la yaabka leh ee Xam**s ee bartamaha Berlin uu ka sheegay , Chancellor Schulz k**a uusan jawaabin arrintan....Tani maaha diblomaasiyad, tani waa fulaynimo iyo cabsi laga qabo Erdogan.”
Wargeyska Bild “Fadeexad..!Hadalka Erdogan ee Berlin ee ku saabsan Xam**s waa fadeexad, Erdogaan ma uusan ka hadlin xasuuqa ay Xam**s u geysatay Israa’iiliyiinta.”
Jariirada Focus “Erdogan ayaa weeraray saxafiga Jarmal ka dib markii uu waydiiyay xaqa ay Israa’iil u leedahay jiritaankeeda.”
NTV channel “Erdogan waa uu iska dhega tiray su’aashii weriyaha, uu weydiiyey: ma aaminsantahay in Israa’iil ay xaq u leedahay in ay jirto?, uma uusan jawaabin.
Tagesschau Channel “Waxaa aad u cad farqiga u dhaxeeya Turkiga iyo Jarmalka ee ku saabsan Bariga Dhexe.”
Le Figaro “Erdogan ayaa isagoo ku sugan Jarmalka yiri "Dilka carruurta kuma jirto Tawreed."
Telegraph “Erdogan ayaa sheegay in Jarmalku uusan si xor ah u hadli karin sababtoo ah xasuuqii uu geystay.”
Isha. Iman Jama
UPDATE: Xoghayaha warfaafinta ee Pentagon-ka, Sabrina Singh way awooddi wayday inay ka jawaabto fikirka ay ka qabto muuqaalka ay soo bandhigeen ciidanka Israa’iil , iyagoo sheegaya inay hub ka heleen isbitalka al-Shifa ee waqooyiga Qasa, halkaa oo ay markii h**e gudaha ugu galeen inay ku sheegeen in dhismaha isbitaalka ay ku yaalaan xarun hoggaamineed ee iska caabinta.
Afhayeenka waxay sheegtay inaysan daawan muuqaalka, laakin ay ogtahay inay adeegsadaan iska caabinta.
Waxaa xusid mudan, Netanyahu inuu sheegay hoggaamiyayaasha iska caabinta ee adeegsanayay Isbitaalka al-Shifa markii ay ka war heleen imaatinka ciidanka inay isaga carareen halkaas.
Su’aashu waxay tahay hoggaamiyayaashii iska caabinta ee ku jiray isbitaalka, sababta aysan bixitaankooda u oggaan ciidanka oo waliba habeen iyo maalin sawirro ka qaadayay isbitaalka, haddii uu run sheegay! Si cad way awooddi waayeen ciidanka inay soo bandhigaan caddeyn ku filan isbitaalka inuu yahay goob ay adeegsadaan iska caabinta, sidoo kale hal god xata waa ay soo bandhigi waayeen oo lagu qanci karo.
Isha. Iman Jama
UPDATE: Xisb**h ayaa sheegtay inay saakay soo rideen diyaarad nooca aan duuliyaha lahayn ee ciidanka YH, sida ay werisay Aljazeera.
UPDATE: Afhayeenka guutooyinka iska caabinta Qasa, Cubayda ayaa ka warbixiyay howlgalladii u dambeeyay ee ay la beegsadeen ciidanka YH;
•Afartii maalin ee u dambeysay wuxuu sheegay 62 taangiyo iyo gaadiidka gaashaaman inay ku burburiyeen.
• Wuxuu sheegay inay maanta toogasho ku dileen 9 askari, ayna burburiyeen labo gaari oo nooca gaashaaman ah.
• Dhisme dabaq ah oo ay ciidammada YH ku sugnaayeen ayuu sheegay inay burburiyeen, halkaana ay ku dileen dhammaan ciidankii joogay.
• Howlgal ay ka fuliyeen Beit Hanoun, ayuu sheegay inay ku burburiyeen dhismihii ay ku jiraan ciidan gaar ah, isagoo ku sheegay Beit Hanoun goobta ay cadaabta ku dhadhamiyeen YH oo u tilmaamay shalay inay sidaa oo kale tiro askar ah ku dumiyeen dhismihii ay ku jireen.
• Wuxuu farriin u diray qoysaska ciidanka YH, oo uu sheegay in laga qarinayo dhimashada wiilashooda tirada dhimashada ee la shaaciyana ay tahay mid been ah.
• Arrin lala yaabo wuxuu ku sheegay waxa ay ciidanka YH ka raadinayaan isbitaalka al-Shifa.
• Waddooyinka waqooyiga Qasa, ayuu sheegay inay maalin walba ku baacsanayaan ciidanka YH, isagoo intaa ku daray inay u diyaarsanyihiin dagaal muddo dheer qaata.
• Goobo badan oo ay ku sugnaayeen ciidanka YH ayuu sheegay inay dib uga saareen oo ay ku qasbeen inay dib u gurasho sameeyaan.
Isha. Iman Jama
UPDATE: Warbaahinta YH ayaa sheegtay inay maanta Xisb***h 11 gantaalaha lidka taangiyada ah ku ridday bartilmaameedyada ciidammada YH ee waqooyiga.
UPDATE: Erdogan iyo Madaxweynaha Jarmalka Steinmeier ayaa ku heshiiyey inay ka wada shaqeeyaan xaqiijinta xabbad- joojinta Qasa iyo gaarsiinta gargaarka bini’aadantinimo inta lagu guda jiray booqashada Erdogan ee Berlin, sida lagu qoraal ay baahisay madaxtooyadda Turkiga.
Sidoo kale, waxaa qoraalka lagu sheegay in labada hoggaamiye ay ku heshiiyeen in xal laba Dawladood ah uu yahay daawada keliya ee nabad waarta loogu heli karo colaadda Falastiin iyo Israa'iil.
~Ima Jama
Suuqa Xamarweyne oo ah suuqa labaad ee ugu weyn magaalada Muqdisho ayaa waxaa ka kacay dab xoogan, waxaana suuqan lagu tiriyaa mid ka mid ah suuqyada taariikhiga ah ee ku yaala Bariga Afrika.
Madaxweynayaasha Galmudug iyo Koonfur Galbeed ayaa Maanta Muqdisho soo gaaray waxaana imaanshahood uu la xiriira dhaq dhaqaaqyada Siyaasadeed ee ka socda Magaalada gaar ahan sidii ay ugu qancin lahaayeen Xildhibaanada laga soo doorto Labada Maamul Qorshaha Madaxweynaha Soomaaliya ee ah in la meel mariyo Heshiiskii Golaha Wadatashagi Qaran kaasi oo la filayo in Baarlamanka la horgeeyo marka uu furmo 25ka Bishan.
~Abdullahi Ahmed Nor
UPDATE: Iiraan ayaa ballanqaaday inay sameynayso wax walba si ay u caawiso Xam**s , sida uu telefishinka Ruushka RT ka soo xigtay warqad uu hoggaanka Xam**s u diray madaxa ciidanka ilaalada kacaanka Iiraan ee howlgallada dibadda.
Warbixinta ayaa intaa ku dartay Iiraan iyo xulafadeeda inay wacad ku mareen inaysan cadowga u oggalaan doonin inay qabsadaan Qasa, sida ay ku warrantay wakaaladda wararka Iiraan ee IRNA.
~Iman Jama
Ra’iisul Wasaaraha Xukuumadda Soomaaliya Xamsa Cabdi Barre, ayaa kormeer dhiirigelin ah ugu tagey ciidanka xasillinta caasimadda ee millatariga sida Booliska u howlgala (Polizia militare) ee ku sugan xerada Hiil-weyne oo ku taalla inta dhaxeysa Muqdisho iyo Balcad.
Ra’iisul Wasaaraha ayaa sheegay in ummadda Soomaaliyeed ay abaal uga hayaan ciidanka xasillinta ee sida ay u xaqiijiyeen amniga caasimadda muddo gaaban.
UPDATE: Imaaraadka Carabta ayaa iibsaday saami 30% ah shirkadda ugu weyn ee soo saarta tubaakadda Masar, iyadoo tani ay noqonayso saamigii u horreyay ee laga iibiyay hanti ay leedahay Dawladda Masar.
Saamigan ayaa qiimiihi yahay $531.60 milyan , sida ay sheegtay wakaaladda wararka Reuters.
~Iman Jama
UPDATE: Shirkadda warbaahinta Aljazeera ayaa hawada galisay idaacad ay ka dhageysanayaan dadka Qasa, dhammaan barnaamijyada ka baxa Aljazeera , gaar ahaan dhacdooyinka ka dhacaya Qasa, tana shirkadda waxay ku sheegtay inuu go’aankan ku yimid maaddama aysan bulshada Qasa haleeli karin telefishinnada.
Isha. Iman Jama
UPDATE: Agaasimaha isbitaalka ay ku jiraan ciidanka YH ee al-Shifa ayaa sheegay dhammaan dadka ku jira isbitaalka inay qarka u saaranyihiin inay wada dhintaan, wuxuu sheegay inay wajahayaan xaalad nolasha lagu silcinayo dhaqdhaqaaqi,.daaweyntii bukaannada, cunis iyo cabisba ina laga dhowray ayuu sheegay, sida uu ku sheegay waraysi uu siiyay Aljazeera.
~Iman Jama
UPDATE: Ruushka ayaa ugu baaqay waddamada Carabta iyo ururka Iskaashiga Islaamka inay soo diyaariyaan qorshe damaanad qaadaya dhismaha Dawlad madax bannaan oo Falastiin ah.
Wasiirka arrimaha dibadda, Lavrov oo u muuqda inay Dawladiisa aqoonsatay madax bannaanida Falastiin ayaa ku sheegay dhismaha Dawladdaa inay noqon doonto tallaabo loo qaaday jihada saxda ah.
~Iman Jama
UPDATE: Labadii saac ee u dambeysay tiro weerarro lagu beegsaday YH ayaa ka dhacay marinka Qasa iyo xadka Lubnaan;
• 3 ka mid ah baabuurta gaashaaman ee YH ayaa lagu gubay, howlgallo iska caabinta ay ka fuliyeen galbeedka Qasa.
• Weerar dhimasho lagu gaarsiiyay YH oo loo adeegsaday madaafiic ayaa ka dhacay goobta Al-Malikiyah.
• Tiro madaafiic ah ayaa lagu gaaray goob ay ku sugnaayeen YH ee Kibbutz Nirim.
Weerarrada xadka Lubnaan;
• Isku imaatin ay ku lahaayeen ciidanka YH xerada Raim ayaa madaafiic lagu garaacay.
• Aagga Al-Marj ayaa sidoo kale madaafiic lala dhacay xilli uu halkaa kulan uga socday ciidanka YH.
• Weerar kale oo bartilmaameed toos ah ayaa ka dhacay Tayhat, xilli ay halkaa ku sugnaayeen tiro ka mid ah ciidanka YH.
Isha xogta: Aljazeera =Iman Jama
Uruguay ayaa 2-0 ku garaacday Argentina. 😱
Waa guuldarradii ugu horreysay ee soo gaarta xulka Argentina tan iyo markii uu ku guuleystay Koobka Adduunka. 😳
Sidoo kale waa kulankii ugu horreeyey ee Lionel Messi uu safka h**e ugu soo billowdo Argentina oo uusan gool dhalin tan iyo bishii November ee la soo dhaafay. ❌
Araujo iyo Nunez ayaa ka adeegtay Argentina.
~
UPDATE: Pakistan ayaa beenisay inay wax hub ah ka iibiisay Ukraine, kaddib markii ay BBC-da toddobaadkan sheegtay inay Pakistan hub ka iibisay Ukraine, iyadoo la marayo Mareykanka.
Afhayeenka wasaaradda arrimaha dibadda Mumtaz Zahra Baloch, ayaa sheegtay Pakistan inay ku taagantahay siyaasadda dhex dhexaadnimada ee ay ka qaadatay colaadda Ruushka iyo Ukraine, waxaana ay markaa sheegtay inay si cad u xaqiininayso Pakistan labada dhinacba midkoodna inaysan hub ka iibin.
Isha. Iman Jama
UPDATE: Dhakhaatiirta isbitaalka Ibn Sina ee u dhow xerada Jenin ee ku taalla Daanta Galbeed , ayaa ka diidday ciidanka YH oo xerada duullaan ballaaran ku qaaday inay isaga baxaan isbitaalka, sida ay werisay Aljazeera.
Iska horimaad xooggan ayaa xalay ka dhacay Jenin, iyadoo Xam**s ay sheegtay inay dagaal la galeen ciidanka YH. Xerada iyo guud ahaan magaalada Janin ayaa inta uu dagaalka socday korontada laga jaray.
~Iman Jama
UPDATE: Warbaahinta Dawladda Suuriya ayaa sheegtay in difaaca cirka ee dalkaas uu ka hortagay dhowr gantaal oo lagu soo riday , magaalada caasimadda ah ee Dimishiq. Ilo militari ayaa u sheegay wakaaladda wararka Suuriya ee SANA in weerarku dhacay 2:25am ee xalay wakhtiga maxalliga ah, waxaana gantaallada laga soo ganay buuraha Golan Heights – dhulka Suuriya oo ay si sharci darro ah u haysato Israa’iil.
Warbixinta ayaa intaa ku dartay in "inta badan" gantaalada loo ganay dhanka Dimishiq la soo riday, mana jirto wax khasaaro ah oo la soo sheegay, iyadoo warbaahinta taageerta Israa’iil ay ku warramayaan in illaa 8 gantaal lagu bartilmaameedsaday xarumaha ciidanka ay Iiraan taageerto ee ku yaalla dulleedka Dimishiq.
Isha. Iman Jama
UPDATE: Iska horimaad xooggan oo u dhaxeeya ciidanka YH iyo kooxo iska caabin ah ayaa ka socda xerada Jenin ee ku taalla Daanta Galbeed, iyadoo sidoo kale xerada iyo goobaha ku dhow korontada laga jaray, sida ay sheegtay Aljazeera.
~Iman Jama
UPDATE: Taliyaha ciidanka Ilaalada kacaan Iiraan, qeybta howlgallada dibadda ee Quds, Ismac**l Qa**ni, ayaa warqad uu u qoray garabka militariga ee Xam**s, wuxuu wacad ku maray inaysan oggalaan doonin cadowga inuu hadafkiisa gaaro, isagoo ballanqaaday taageerro buuxda, balse lama sheegin tallaabooyinka ay qaadayaan Quds, oo sidoo kale ah unug fuliya howlgallo qarsoodi ah, sida ay werisay Aljazeera.
Isha. Iman Jama
UPDATE: Qodobbadii ugu muhiimsanaa khudbad u jeediyay hoggaamiyaha Xam**s, Ismaaciil Haniyah;
• Wuxuu ugu horreyntii la hadlay Falastiiniyiinta iyo caalamka oo u sheegay inuu kalsooni badan ku qabo, inay guuleysan doonaan.
• Dhimashada Falastiiniyiinta, wuxuu ku sheegay inay indha u furtay bulshada caalamka , wuxuu ammaanay adkeysiga iyo sida ay dunidda u tusayaan waxa ay doonayaan.
• Wuxuu gardarro iyo been ku sheegay weerarka isbitaalka al-Shifa.
• Wuxuu sheegay inan waxba laga beddeli karin dhaqdhaqaaqooda oo u ku tilmaamay mid xididaysan oo la midoobay shacabkiisa.
Dagaalka
• Wuxuu caddeeyay inay tahay wax aan u suuragalayn Israa’iil inay aragto maxaabiista, wax natiijo ahna ka gaarto dagaalka, wax walba go’aamada iska caabinta ayuu sheegay inay ku xirantahay iyo shuruudahooda.
• Haddii ay Israa’iil dagaalka dheerayso, wuxuu sheegay inay dhinacooda u diyaarsanyihiin.
• Wuxuu u mahad celiyay xulafada iska caabinta, isagoo aan cidna magacaabin.
Hadalkiisa ayaa yimid maalin kadib markii Xam**s ay beenisay warbixin ay qortay wakaaladda wararka ee Reuters iyo Al Arabiya oo sheegay in Iran ay ku wargelisay kooxda falastiiniyiinta weerarkii 7-dii October ka dib in Tehran aysan ku lug yeelan doonin dagaalka.
Xogta. Iman Jama
UPDATE: Ciidanka Israa’iil ayaa godod ka dhex qodaya gudaha isbitaalka al-Shifa oo maalintii labaad ay ku suganyihiin gudahiisa, sida Telefishinka Aljazeera uu ka soo xigtay maamulka Qasa.
Lama ogga ujeeddada gododka looga dhex qodayo gudaha isbitaalka, oo dhammaan ay ku fashilintay caddeymo ku filan inay YH ka soo bandhigaan eedeymihiisa isbitaalka ee ay ku sheegeen inay hoostiisa tahay xarunta howlgalka hoggaanka iska caabinta, balse maaddama aysan jirin cid la xisaabtamaysa oo ku celinaysa beenaha fashilka ah ee ay soo bandhigayaan, tallaabadan mid kale oo ay kaga been sheegi karaan godod inay isbitaalka ka helaan ayaa looga qaadan kara, sida laga soo xigtay ilo Falastiiniyiin ah.
~Iman Jama
UPDATE: Baarlamaanka Norway ayaa ansixiyay sharci qabyo ah oo ay kaga codsanayaan Dawladda Norway inay isu diyaariso inay Falastiin u aqoonsato dal madax-bannaan. Waa dalkii labaad oo Yurub ku yaala oo qaadanaya go’aan uu dal ugu aqoonsayo Falastiin , h**ey waxaa qorshahan usoo bandhigtay Spain, halka Ruushka uu sheegay inay ka qamuumyoonayaan inaysan dadaal galin aqoonsiga Dawlad madax bannaan oo ay sheegeen hadda inay diiradda saarayaan.
Isha. Iman Jama
UPDATE: Xam**s ayaa si rasmi ah u sheegatay mas’uuliyada weerar toogasho ah oo ka dhacay saacadihii h**e ee maanta barkoontarool oo ku taalla Qudus oo ay ku sugnaayeen ciidanka Isr**l, halkaa oo uu ku dhintay hal askari iyo dhaawaca afar kale.
Waa weerarkii u horreyay ee ka dhacaya Daanta Galbeed oo ay sheeganayso Xam**s.
~Iman Jama
UPDATE: Danjirihii h**e ee Faransiiska u fadhiyay Israa’iil,Gérard Araud “Waxa hadda ka socda Daanta Galbeed waa fadeexad buuxda. Israa'iil ayaa halkaas ka wadda isir sifeyn. Waxay wadaan xasuuq.Aamusnaanta Yurub ee arrintan ayaa ka mid ah fadeexadahaas.”
~Iman Jama
Soomaaliya iyo Jabuuti waa laga badiyey, isreebreebka koobka 2026🏆✨
Algeria 🇩🇿 3-1 Somalia 🇸🇴
Egypt 🇪🇬 6-0 Djibouti 🇩🇯
UPDATE: Imaaraadka Carabta ayaa sheegay in ay marinka Qasa ka sameyn doonaan saddex warshadood oo lagu nadiifiyo biyaha.
UPDATE: Wariyaha Fox news, Trey Yingst ee la socda ciidanka Israa’iil ee ku sugan isbitaalka al-Shifa, wuxuu yiri “ Kooxdayadu waxa ay awoodeen oo kaliya in ay ka warbixiyaan meelaha ay ogolaadeen Israa'iiliyiintu. Ma aanan awoodin inaan la hadalno qof rayid ah ama dhakhaatiirta isbitaalka. Boqolaal Falastiiniyiin ah ayaa ku haray Al-Shifa. Waxay ku sugan yihiin xaalad quus ah , waxayna u baahanyihiin taageero caafimaad.”
~Iman Jama
UPDATE: David Cameron, ayaa socdaalkii u horreyay ee shaqadiisa diblumaasiyada tan iyo markii toddobaadkii h**e loo magacaabay xilka xog-hayaha arrimaha dibadda Ingiriiska ku tagay Kyiv, halkaa oo uu kula kulmay madaxweynaha Ukraine, Volodymyr Zelenskiy — isagoo u xaqiijiyay inay sii wadayaan taageerada militari. Britain waxa ay xulafo dhaw la ahayd Ukrain intii lagu jiray dagaalkii Ruushku billaabay February 2022.
Isha. Iman Jama
Mogadishu
HOTELWEHLIYEAREA
Be the first to know and let us send you an email when Mogadishu Channel posts news and promotions. Your email address will not be used for any other purpose, and you can unsubscribe at any time.
Madaxweynihii hore ee Soomaaliya Maxamed Cabdilaahi Farmaajo iyo Marwadiisa oo ka baxay Villa Soomaaliya.
Eid Mubarik dhammaan walaalaha ku xidhan boggan. Xuquuqda takbiirta iyo codka hoos ku lifaaqan waxaa leh Prof. Ahmed Ismail Samatar.
26 Juun iyo 1da Luulyo, todobaadka Xoriyadda 🇸🇴🇸🇴🇸🇴🇸🇴🇸🇴🇸🇴🇸🇴🇸🇴🇸🇴🇸🇴🇸🇴🇸🇴🇸🇴🇸🇴🇸🇴🇸🇴 #Nalasoco
Prank Mudug kama shaqeeyo ee naftiinna u naxa. Dagaal cijiyaha la isugu tagay🤸🤸 #likeforfollow #sharethelove #Nalasoco
Rasaas nool nool haddii aad maqli jirtay waa tan caawa iyadoo yaaceysa #DAAWO
DEG DEG: Qarax Xoogan ayaa goordhow ka dhacay Muqdisho gaar ahaan agagarka Dekada, warar soo baxaya oo aan la hubin ayaa sheegaya in lala eegtay Maqaayadda Luuley Yamani.
"Laaskii Biyaha laga maaxiyee lagu oon bexee la ilaashadaay" -SOMALIA 🇸🇴 #OmerrKozzan🎂🍰 Codka #Khaalid_Kaamil🎙 Yahya Yussuf
TV-ga #Dalsan oo gudaha u galay Hotelka Maa'idda Ex Naasahablood 2 oo xalay xilli dambe ay dageen Hassan Sheikh Mohamud iyo Sharif Sheikh Ahmed Kulamo kala duwan iyo shirar gaar-gaar ah ayaa ka socda sidoo kale ammaankana waxaa la wareegay ciidamo u gaar ah musharaxiinta. Mohamed Abdi Hassan Iidle oo tagay Hotelka ka waramaya.
Shacabka Gobolka Gedo oo hubkooda qaatay, Sheegayne in ay iska difaacayaan Ahmed Madoobe hadii Dowladda uu hogaamiyo #Madaxweyne_Farmaajo ay ku wareejiso Gobolka Gedo. Mowliid Galwaaq Xuquuda. Muuqaalka. Shabelle TV
Geesinimada Hablaha Soomaaliyeed. Waa inantii Libaaxa seeynta haaysato. Sidee u aragtaa? Sii #share gareey #likeforfollow
Bandhiggii cajiibka ahaa ee shalay!. #Amazing_view #KOONFUR_GALBEED Fans shalay Record ayey dhigeen. Xuquuqda muuqaalka: #Asal24
#2009 #Mahdi_Maxamed_Guuleed, Raysal Wasaare Ku-xigeenka Soomaaliya oo ka tirsana #Guddiga_Doorashooyinka_Somaliland ayaa is casilay, isagoo wakhtigaas sheegay in uu u tanaasulay danta qaranka, kadib muran doorashada la xidhiidha oo dhex maray axsaabta siyaasadda. Khaalid Foodhaadhi
SAUDI ARABIA OO LA FASAXAY ALAABAHA LAGU CIIDO XUSKA CIIDA MASIIXIGA IYO WAXYAABO KALE SANADKA. X-MAS IN SAUDI ARABIA.
#HEESTA_CALANKA_SOOMAALIYA WAA CIBAADO LAGU CAABUDO SHAYDAANKA IBLIIS. #YAABKA2020 SUFYAAN SHEIKH AXMED Aragtidaada!
