CeelWaaq News Times

01/12/2023

Gobalka Gedo somaaliya

Darsada idiin muuqato biyihihii ayaa kadulmaray oo bacaad saaray kadibna cows ayaa kabaxay bal qiyaas xaladaas

Dagmadii Ceelwaaq dadkii daganaa waxa ay kaqaxeen daadadkii oo dagmadii dibad joog ayay kanoqdeen waakuwaan dameerihii daadadka dabaalanaya

Dagmada Ceelwaaq ee gobalka.Gedo dhibaatada kajirto dhanka fatahaada ruux tagay oo indhihiisa kusoo arkay mooyaane ruux wax looga sheekayn karo ma ahan

Magaalada waxaa ladhihi karaa 90%biyo ayaa qaatay oo dadkii banaanka ayay uga qaxeen

07/12/2022

MADAXWEYNE CABDICASIIS LAFTAGAREEN OO KA TACSIYEEYEY GEERIDA AGAASIMAHA ISPITAALKA DEGMADA BUUR-HAKABA

Baydhabo, Disembar 7, 2022; Madaxweynaha Dowladda Koonfur Galbeed Mudane Cabdicasiis Xasan Maxamed Laftagareen ayaa tacsi tiiraanyo leh u diray qoyska, qaraabada iyo guud ahaan ummadda Soomaaliyeed, ee uu ka baxay Alle ha u naxariistee Dr Bishaar Ali Huub oo ahaa Agaasimaha Ispitaalka Degmada Buur-Hakaba ee Gobolka Baay.

Madaxweynaha ayaa tilmaamay in Marxuum Dr Bishaar Ali Huub uu ahaa da,yar dalkiisa wax usoo bartay kuna qanacsanaa uadeegida bulshadiisa balse ay sababsadeen cadowga khawasrijta alshabaab oo marwaliba mashquul ku ah sidii ay dunida udhaafin lahayeen qofka bulshada waxtarka uah.

“inalilaahi waina ileeyhi raajicuun waxaan ehelka,qaraabada iyo guud ahaan shacabka soomaaliyeed ugu tacsiyaynayaa geerida naxdinta leh ee ku timid alle haunaxaristee marxuum Dr Bishaar Ali Huub,tani waxay daliil utahay sida cadowga khawaarijta Alshabaab marwaliba bartilmaameed ugu yihiin haldoorada bulshada uadeegaya marxuum bishaar waxa uu geeriyooday isagoo uadeegayo bulshadiisa.

Madaxweyne Cabdicasiis Laftagareen ayaa Marxuumka Alle uga baryay in uu hoygiisa ka yeelo Jannatul Fardowsa, samir iyo iimaanna uu ka siiyo qoyska, qaraabada iyo guud ahaan ummadda Soomaaliyeed ee uu ka baxay.

DHAMMAAD

03/12/2022

: Degmada Celwaq ayaa waxaa ka dhacay shaqaaqo kabilaabatey muran dhuleed 2 qof oo shacab ah ayaa kudhimatey inkabadan 4 qofna waa dhaawac shacabka oo aan lahadalney waxay muujinayaan walaac badan oo ku aadan sidi xal loogu heli lahaa dhibka dhacay iyadoo ay diideen eheladi ay kadhinteen labada qof in la aaso meydka.

Muuqaal ayan idinla wadaagi doonaa dhawaan.

04/11/2022

Waxii helaa la yaabay Alshabaab siday usaarnaayeen Garigaan mid k**a nolaan ayaga iyo hubkii ay wadeen way isku bas beeleen.

Waxay ahayeen gurmad, mahadsanidiin Ciidanka Xoogga Dalka qaasatan Danab.

23/10/2022

Ciidamadda amniga ee Beledwayne ayaa gacanta ku dhigay gaari dameer lagu soo qariyey walxo qarxa kasoo la doonayay in lasoo geliyo xarunta gobolka

21/10/2022

Garoowe: 21 October 2022: Madaxweynaha Dowladda Puntland Mudane Siciid Cabdullaahi Deni, ayaa Garoowe kusoo dhoweeyay Madaxweynaha Dowlad deegaanka Soomaalida Mudane Mustafe Muxumed Cumar iyo wafdi uu hoggaaminayo oo ay qeyb ka yihiin Wasiiro iyo Xildhibaano ka tirsan Dowladda Federaalka ah ee Itoobiya, Diblumaasiyiin, Isimo iyo Ganacsato.

Soo dhoweynta waxaa Madaxweynaha kala qeybgalay Madaxweyne Ku-xigeenka Dowladda Mudane Axmed Cilmi Cismaan Karaash, Guddoomiye Ku-xigeenk koowaad ee Golaha Wakiillada Mudane Cabdicasiis Cabdullaahi Cismaan, Goleyaasha Dowladda, Maamulka Gobolka Nugaal iyo Kan Degmada Garoowe iyo qeybaha kala duwan ee Bulshada Garoowe.

DHAMMAAD

XAFIISKA WARFAAFINTA MADAXTOOYADA DOWLADDA Puntland State House

21/10/2022

MADAXWEYNE XASAN SHEEKH OO DAAH FURAY QORSHAHA QARAN EE SOOMAALIYA CAGAAR AH

Muqdisho, Oktoobar 21, 2022; Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo daah furay qorshaha Qaran ee Soomaaliya cagaar ah ayaa ku beeray guriga Ummadda geed ka mid ah 10 Malyan oo geed oo lagu dhireynayo dalka.

Madaxweynaha ayaa tilmaamay ahmiyadda dhirtu ay u leedahay dalkeenna oo abaaro soo noq-noqday ay aafeeyeen, saameyn xoogganna ay ku yeelatay duruufihii adkaa ee dalku soo maray, taas oo sababtay nabaad-guur xooggan oo saameeyey nolasha iyo deegankaba.

"Burburkii ku dhacay dalka kaliya ma saameyn dadka ee dhibaato xooggan ayuu gaarsiiyey deegaanka Soomaaliyeed, waxaa naga guuray xayawaanaadkii iyo dhirtii uu caanka ku ahaa dalkeennu. Dib u dhiska dowladnimada waa in ay barbar socotaa dib u cagaarinta deegaanka iyo kobcinta wacyiga dadweynaha ee ku aaddan daryeelka deegaanka.”

Madaxweynaha Jamhuuriyadda ayaa faray hay’adaha dowladda in ay hormuud u noqdaan qorshahan oo dhireeyaan xarumaha ay ku shaqeeyaan, sidoo kale waxa uu ugu baaqay haweenka Soomaaliyeed oo taariikh ahaan door wanaagsan ka qaata daryeelka deegaanka in ay guryaha iyo goobaha ganacsiga ay ku tallaalaan geedahan waxtarka u leh deegaanka ee ay dowladdu diyaarisay.

Madaxweyne Xasan Sheekh Maxamuud ayaa faray Maamulka Gobolka Banaadir iyo Wasaaradda Deegaanka iyo Isbeddelka Cimilada Xukumadda Federaalka Soomaaliya in ay labada bilood ee sannadka ka dhiman ay ku abuuraan Caasimadda 100,000 oo geed si loogu gudbo dhireynta caasumadaha dowlad-goboleedyada iyo guud ahaan degmooyinka iyo deegaannada dalka.

DHAMMAAD.

18/09/2022

Afar askari oo ka tirsan Ciidamada booliska dalka ee ka hawalgala Ismaamulka Mandera ayaa dhaawacyo fudud ay Soo gaareen kadib markii Baabur xaamul ah oo ay la socdeen uu shil ku galay degaan hoostaga degmada Elwak ee ismaamulka Mandera .

Four police officers sustained slight injuries when the vehicle they were using lost control and overturned at FINCHARO trading centre along ELWAK -TABAKA road.

18/09/2022

Ciidanka Xoogga Dalka gaar ahaan kuwa Kumaandooska Gor-gor, ayaa Howlgal waxaa ay ka sameyeen Degaano hoos taga Gobolka Shabeellaha dhexe.

Ciidanka Kumaandooska Gor-gor, ayaa howlgalka waxa ay ka sameyeen Degmadda Raage-ceele iyo tuuloyinka ku teedsan

Kooxda Argagixisada Al shabaab ayaa la sheegay in ay halkaas is kaga cararay ka dib markii ay dareemeen culeeys soo wajahay

18/09/2022

23/08/2022

QALADAADKA WACDIGII CAAWA MADAXWEYNUHU JEEDIYAY

1. TAN UGU DARAN; Madaxweynuhu wax tacsi ah k**a dirin Ummaddii Cadowgu ku xasuuqay Hotel Xayaat iyo ganacsatadii hantidooda cadowgu weeraray intii u badbaadayna lagu dumay amarka dowladda
2. Madaxweynuhu wuu wacdiyay bulshada waxqabadse ma sheegin
3. Madaxweynuhu wuxuu bulshada la horyimid been cad wuxuuna isku dayay inuu bulshada Maxaas, Teedaan iyo Matabaan kula daarto dagaalka aanu wax shaqo ah ku laheyn oo qabaa'ilka is abaabulay ay Alshabab galeen kagana adkaadeen

4. Madaxweynuhu waa diiday inuu bulshada la wadaago amaradii qaldanaa ee lagu burburuyay Hotel Xayaat

5. Madaxweynuhu isaga oo Masaajidkii Madaxtooyada Amni darro uga baaqday ayuu markale dagaal aanu u diyaargaroobin ku dhawaaqay.

6. Madaxweynuhu markii uu Baagamuundannimadada ahaa wuxuu Madaxweynaha ku eedeyn jiray in aanu Muuqaal soo duubi doonin ee uu si toos bulshada u hor-imaan doono mase dhicin ee wuxuu Caawa soo fasaxay muuqaal laga duubay isaga wacdiga loo soo diyaariyay ka aqrinaya (Teleprompter) hortiisa yaallo.

7. Intaas oo dhan waxay ku soo aaday Caawa ay oo Madaxweynaha u buuxsantay 100-kii Maalmood oo uu qabsaday inuu Shabaab dalka ka xorreynayo iyada oo taas badalkeeda uu Madaxweynuhu arrimo amni uga baaqsaday Masaajidka Madaxtooyada ku dhex yaala.

21/08/2022

Baarlamaanka Jubbalan ayaa si aqlabiyad ah ku meelmariyey in mudo hal sano ah lagu kordhiyo mudo xileedka Madaxweyne Axmed Maxamed Islaam (Axmed Madoobe).

August-2019kii ayaa Axmed Madoobe lagu doortay doorasho uu garwadeen ka ahaa Raysalwasaaraha maanta Xamse Cabdi Barre, sidaas oo kalena Caleema-saarkiisa oo ay diidanayd dawladda Faderaalka, waxaa ka qeybgalay Madashii Mucaaradka oo uu hogaaminayey Madaxweyne Xasan Sheekh oo doorashadaas kusifeeyey mid sharci ah.

August 2024-ka ayuu ku e'eg yahay mudo xileedka cusub ee Madaxweyne Axmed Madoobe.

20/08/2022

30,saacadood kadib, majiro wax kulan ah oo dhex maray madaxda qaranka oo ay ka yeesheen mashaqada caasimadu kusoo jirtay ilaa shalay fiidkii.

30,saacadood kadib majiro wax statement ah oo hay’addaha dawladdu kasoo saareen weerarkan noociisu innagu cusub yahay.

Halka kooxda Aragagixisada ah ee Alshabaab ilaa xalay saacad saacad dadka u update garaynaysay.
Sabab?

20/08/2022

5-ta su’aalood ee Wasiirka arrimaha gudaha XF Soomaaliya Ahmed Moallim Fiqi ka qabay weerarkii 10-kii December-2019, ayaa caawa markale taagan oo u baahan jawaabo, iyadoo Kooxaha Argagixiso wax ka badan 24-saac ka dagaalamayaan Hotelka Xayaat ee Muqdisho.

Kooxda Argagixiso ee Al Shabaab, waxay sheegeen in qaar kamid ah kuwii weerarkan fuliyey ah si nabad ah uga baxeen dhismaha oo ay kuwareegsan yihiin ciidamada kala duwan ee Amniga Soomaaliya.

16/08/2022

Shir aan caadi ahayn oo uu shir guddoominayay Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamse Cabdi Barre ayaa caawa waxaa isugu yimid dhammaan xubnaha Golaha Wasiirrada Xukuumadda DanQaran. Shirkan degdegga ah ee caawa oo ahaa kii ugu horreeyay ee xukuumadda cusub, ayaa waxa lagu go’aamiyay dhawr qodob oo kala ah: Dib u hawlgelinta Hey’adda Maareynta Masiibooyinka Qaranka Waxaa la magacaabay Guddi Qaran oo ka kooban xubno ka tirsan Golaha Wasiirada iyo Culimada, Ganacasatada iyo Ururada Bulshada Rayidka....

http://ceelwaaq.news.blog/2022/08/17/shir-degdegga-ah-ee-caawa-oo-ahaa-kii-ugu-horreeyay-ee-xukuumadda-cusub-ayaa-waxa-lagu-goaamiyay-dhawr-qodob-oo-kala-ah/

Shir aan caadi ahayn oo uu shir guddoominayay Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamse Cabdi Barre ayaa caawa waxaa isugu yimid dhammaan xubnaha Golaha Wasiir…

06/08/2022

Ciidamada Itoobbiya oo gaadhay guddaha Doolow, waxaa lasoo warinayaa inay toos u degeen garoonka diyaaradaha ee Doolow.

04/08/2022

Shiinaha oo tallaabo millateri ku qaaday Taiwan.

Shiinaha ayaa gantaallo nooca riddada dheer ah ku riday biyaha u dhow jasiiradda Taiwan.

Warkan waxaa shaacisay Jamhuuriyadda iskeed madaxbannaanida ugu dhawaaqday ee Taiwan oo walaac wayn ka muujinaysay tallaabadaas militeri oo maalmihii lasoo dhaafay laga digayay.

Ridista gantaalladaas ayaa qayb ka ah dabrid toos ah oo ay samaynayaan militeriga Shiinaha – waana dhoollatuskii ugu waynaa ee abid ka dhaca gobolkaas iyo agagaarka jasiiradda.

Arrintan ayaa daba socotay booqasho ay Afhayeenka Golaha Wakiillada Mareyknaka, Nancy Pelosi ku tagtay Taiwan, taasoo muran xoog leh dhalisay.

Shiinaha oo si wayn uga carooday safarka siyaasiyadda kasoo jeedda xisbiga Jamhuuriga ayaa horay ugu hanjabay inuu jawaab culus ka bixin doono haddii ay tagto Taiwan.

Qaar ka mid ah meelaha ay gantaallada ku dhaceen waxay aad ugu dhow yihiin dhulka caadiga ah ee jasiiradda, waxayna u jiraan 12 mayl oo keliya.

03/08/2022

Xarunta Gobolka Bakool ee Xudur waxaa maanta gaarey General Tasfaye madaxa hawlgalinta ciidanka militariga ah ee ethiopia iyo Taliyaha guud ee ciidanka xooga gaaarka ee Dds sareeye guud Mohamed Ahmed muhumed.

Sida la sheegey Labada taliye ayaa intii ay ku sugnaayeen Magaalada xudur. kulumo la qaateen sarakiisha Ciidamada qeybta ka ah Howlgalka ATmis iyo kuwa xooga dalka, si loo helo xogaha maleeshiyada Alshabaab oo maalmihii ugu danbeeyey isku uruursanayey degaano ka tirsan Gobolka Bakool iyo sidii weerar ka dhan ah loogu qaadi lahaa

Qaar ka mid ah Maleeshiyada Alshabaab ayaa todobaadyo ka hor u gudbey gudaha Ethiopia kuwaasi oo doonayey in ay gaaraan buuralayda baali si halkaasi ay ugu abuuraan kooxo lidi ku ah amaanka guud ee Ethiopai balse ciidamada Xooga gaar ah ee Dowlad Degaanka Somalida ayaa is hor istaag iyo dagaal culus kula galey Meelo ka mid ah Gobolka Afdheer gaar ahaan meel sidaa aan uga fogeyn Degmada Ceelkari

ka dib maalmihii xigey ayey weeraro kale maleeshiyada Alshabaab ku soo qaadeen fariisimo ciidamada liyuu Police ku lahayeen degaanada Yeed Atto si mar kale gudaha Ethiopia u galaan balse ciidamada Dowlad degaanka oo qabey feejignaan dheeraad ah ayaa iska difaacey

Sida ilo kala duwan ay soo wariyeen dhowrkii maalmood ee aan soo dhaafney ayaa kooxda Alshabaab oo wali quusan Gobolka Bakool ka wadaa is abaal ciidan iyo in mar kale u rumowdey riyadoodii galintaan gudaha Ethiopai

Sidoo kale sarakiishan ayaa imaashahooda magaalada xudur ka hor. waxay Baydhabo kulan, kula yesheen Madaxweynaha Dowlada Goboleedka Koonfur galbeed Somaliya Mudane Cabdicasiis lafta gareen.

02/08/2022

Wakaalada Wararka Adduunka. Reuters

Sababta ay ciwaankan u qaateen ma taqaan? Mukhtaar Alshabaab maa hayn ee waa mid kamid ah Aasaaseyaashii. Sideedaba Alshabaab waa Mulkiilyaashii aragtida lahaa iyo Raaciyadii, ninkii Xalay la dilay, Godane, Cayroow, Usama iyo Rooboow waa raggii laga loox jiidanayey ee maaha kuwii la dhaqan celinayey.

02/08/2022

Terrorism Terrorists are very likely to try to carry out attacks in Somalia, including kidnapping. UK Counter Terrorism Policing has information and advice on staying safe abroad and what to do in the event of a terrorist attack. Find out more about the global threat from terrorism. There’s a high threat to Western, including British, interests in Somalia, including Somaliland....

http://ceelwaaq.news.blog/2022/08/02/uk-government-foreign-travel-advice-somalia/

Terrorism Terrorists are very likely to try to carry out attacks in Somalia, including kidnapping. UK Counter Terrorism Policing has information and advice on staying safe abroad and what…

29/07/2022

Wakaaladda warraka ee Ethiopia ayaa shaacisay in la dilay Fu’aad Maxamed Khalaf (Shongole) oo kamid ah madaxda Al-Shabaab iyo saddex sarakaal oo kale.

Saraakiisha kale ee la dilay sida wakaaladu sheegtay ayaa waxaa ku jira Cabdicasiis Abuu Muscab oo afhayeen u ah Al-Shabaab.

Marka laga tago wakaalada Wararka Dowladda Ethiopia ma jirto ilo kale oo warkaan xaqiijiyay Shabaabkana k**a aysan hadlin.

29/07/2022

Waxa isa soo taraya wararka sheegaya dilka Fu’aad shan go’le, oo kamid ah Aasaaseyaashii kooxda Alshabaab, kaasoo ay duqayn ku dileen ciidamada Liyuu booliiska oo kaa shanaya Ciidamadooda cirka ee itoobbiya.

Sheekh Fu'aad Maxamed Khalaf (Shan-go’le) waxa uu ka mid ahaa toddoba xubnood oo hoggaanka Al-shabaab ugu sareeya kuwaasoo Mareykanku h**e u dul dhigay malaayiin dollar.

Majirto war kasoo baxay dhanka Alshabaab oo ay ku qirayaan geerida Fu’aadkoodi.

Dhanka kale Alshabaab ayaa iskudaygoodi labaad maanta kala kulmay Ciidamada Iiyuuga dhirbaaxo kulul.

29/07/2022

Ciidamada Soomaali Galbeed ee Liyuu bilaysku, dhaawacyada ay Al-shabaab ku gaadhsiiyeen mudo 24,saacadood guddahood ah, AMISOM (ATMIS) weligood ma gaadhsiin.

Sababta miyaad taqaan?
Sabab kale maaha, Amisom/Atmis, sanad kasta waxay ku qaataan joogitaanka Soomaaliya, ku gabashada la-dagaalanka Alshabaab in ka badan $250 million, taas weeye sababtu oo ma doonayaan in qandaraaskooda nololleed ay soo afmeeraan.

Amisom waa sababta Alshabaab u jirto, insha Allaah innagoo aan wax abaal ah u hayn ayey dhakhso dalkeena uga bixi doonaan.

26/07/2022

Madaxweynaha Dowlada Jubaland Mudane Axmed Maxamed Islaam ayaa magaacabay wasiiro iyo ku xigeeno iyadoo la isku badalay Wasaaradaha qaar si loo dardar galiyo shaqada loo hayo bulshada.

26/07/2022

Ra'iisul Wasaaraha Xukuumadda Federaalka Soomaaliya Mudane Xamse Cabdi Barre oo maanta xafiiskiisa ku qaabilay Agaasimaha Tvga Qaranka Sharmake Maxamed Warsame ayaa uga mahadceliyay kuna dhiiri galiyay dhiirananta iyo sida geesinimada leh ee ay uga go’an tahay u adeeg-gida Dadka iyo Dalka Soomaaliyeed.

26/07/2022

Ciidanka sida gaarka ah u Tabababaran ee Kumaandooska Danab XDS ayaa xalay saqdii dhexe hawlgal qorshaysan ka sameeyey deegaanka Tooratoorow ee Gobolka Shabeelaha Hoose . Hawlgalkan ayaa lagu burburiyey Goob maxk**ad Beenaad u ahayd kooxaha argagaxisada ah ee Alshabaab madaama ay halkan ku dhibaatayn jireen dadka shacabka ah. Saraakiisha Ciidanka Howlgalka fuliyay ayaa warbaahinta Qaranka u sheegay in howlgalka uusan wax khasaare ah kasoo gaarin dadka shacabka ah, mana jirin duqeyn cirka ah oo la adeegsaday inta uu howlgalka socday.

http://ceelwaaq.news.blog/2022/07/26/cidamada-danab-xds-aya-calay-saqdii-dhexe-howlgalo-ka-sameeyey-deegaanada-tooratoorow-ee-gobolka-shabeelaha-hoose/

Ciidanka sida gaarka ah u Tabababaran ee Kumaandooska Danab XDS ayaa xalay saqdii dhexe hawlgal qorshaysan ka sameeyey deegaanka Tooratoorow ee Gobolka Shabeelaha Hoose . Hawlgalkan ayaa lagu burbu…

26/07/2022

Akhriso war kasoo baxay ciidanka Laanta Socdaalka Somaliland. ** Wargalin & Digniin ** Taliska Ciidanka Socdaalka Jamhuriyadda somaliland wuxuu ku wargalinayaa Ajaanibka Sifo Sharci daro ah ku jooga dalka Somaliland in ay kaga baxaan muddo Labatan (20) cisho ah oo ka bilaabma 28/07/2022 ilaa 17/08/2022. Sidoo kale waxaa lagu wargalinaya shirkadaha, Hayadaha iyo Ganacsata ay ka hawl’galaan shaqaale ajaanib ah, in ay ka shaqeeyan oo qudha ajaanibka haysta dalkujoog sax ah (Visa ama Qaxoonti)....

http://ceelwaaq.news.blog/2022/07/26/degdeg-somaliland-ayaa-muddo-20-maalmood-ah-u-qabatay-inay-dalkeeda-kaga-baxaan-dadka-ajaanibta-ah-ee-aan-haysan-sharciga/

Akhriso war kasoo baxay ciidanka Laanta Socdaalka Somaliland. ** Wargalin & Digniin ** Taliska Ciidanka Socdaalka Jamhuriyadda somaliland wuxuu ku wargalinayaa Ajaanibka Sifo Sharci daro ah ku …

26/07/2022

DEGDEG: Somaliland ayaa muddo 20 maalmood ah u qabatay inay dalkeeda kaga baxaan dadka ajaanibta ah ee aan haysan sharciga.

Akhriso war kasoo baxay ciidanka Laanta Socdaalka Somaliland.

** Wargalin & Digniin **

Taliska Ciidanka Socdaalka Jamhuriyadda somaliland wuxuu ku wargalinayaa Ajaanibka Sifo Sharci daro ah ku jooga dalka Somaliland in ay kaga baxaan muddo Labatan (20) cisho ah oo ka bilaabma 28/07/2022 ilaa 17/08/2022.

Sidoo kale waxaa lagu wargalinaya shirkadaha, Hayadaha iyo Ganacsata ay ka hawl’galaan shaqaale ajaanib ah, in ay ka shaqeeyan oo qudha ajaanibka haysta dalkujoog sax ah (Visa ama Qaxoonti).

Waxaa looga digaya goobta ganacsi, shirkad ama haayad ee lagu helo shaqaale bilaa sharci ku jooga dalka jamhuriyadda somaliland oo ka shaqeenaya, in laga qaadi doona talaabo sharciga waafaqsan mulkiilaha goobtaas.

24/07/2022

Sida ay xaqiijinayaan Ilo wareedyo muhiim ah, waxaa isbedel lagu sameeyey Mushaaradka Shaqaalaha Hay’adda Nabadsugida iyo Sirdoonka Soomaaliya, waxaana la dhimay inta badan dhammaan Mushaharaadka shaqaalaha, iyadoo loo kala qeybiyey.

1- Shaqaalihii haystay Shahaadada Master waxaa laga dhigay Mushahaarkiisa 550$, halka markii h**e ahayd 1,000 ilaa 1,500$.

2- Shaqaalihii shahaadadoodu ahayd Degree waxaa laga dhigay 350$, halka markii h**e ahayd 700$ ilaa 1,000$.

3- Xirfadlayaasha kaduwan labada qeybood ee h**e, oo lagu qiimayn jiray aqoontooda, mushahaar ahaana qaadan jiray, inta u dhaxaysay 500$ ilaa 1,000$ waxaa lagu soo koobay hadda 200$ oo ay ka wada siman yihiin.

4- Shaqaale qaabilsanaa dhinaca xuuraanka oo qaadan jiray gunno joogto ah, oo iyagana lagu soo koobay mushahar dhan 400$.

Dhinaca kale waxaa gabi ahaanba la joojiyey shidaalkii ay lahaayeen saraakiisha hawlgalada, degmooyinka iyo kuwa dabagalka, mana cada ilaa hadda meel loo leexiyey lacagta lajaray, xili Miisaaniyadii u dambeysay ee 2022-ka ee baarlamaanku ansixiyey lacag dheerad ah loogu daray Hay’adda NISA.

24/07/2022

Guddoomiye kuxigeenka koowaad ee Golaha Shacabka ee BJFS Sacdiya Yaasiin Samatar oo maalmihii lasoo dhaafay safar dibada ah ku maqneyd ayaa maanta dalka dib ugu soo laabtay,waxaana garoonka diyaaradaha ee Magaaladda Muqdisho kusoo dhoweeyay xildhibaano ka tirsan Golaha Shacabka.