https://www.facebook.com/102240601279178/

ٍSomalia Network

Home
Somalia
Mogadisho
ٍSomalia Network

Isha ku hay goobta Soomaaliya
(1)

11/09/2023

Dowladda Somaliland ayaa sheegtay inay xaqiijisay in ka badan 600 oo dagaal-yahan, oo uu hoggaaminayo Fu’aad Maxamed Qalaf (Shongole), oo ka mid ah horjoogeyaasha Al-Shabaab, ay soo galeen magaalada Laascaanood labadii maalin ee ugu dambeysay tani waxay walaac sii kordhaya ku abuurtay mas’uuliyiinta iyo muwaadiniinta,” ayaa lagu yiri qoraal kasoo baxay Wasaaradda Arrimaha Dibedda Somaliland ilo xog-ogaal ah ayaa sheegay in ujeedka socdaalka Shangole uu yahay sidii maleeshiyaadka degaanka loogu tababari lahaa diyaarinta walxaha qarxa iyo sidii Al-Shabaab saldhig uga sameysan laheyd buuraleyda Ceerigaabo ee gobolka Sanaag Maamulka la baxay SSC-Khaatumo ee dhowaan looga dhowaaqay Laascaanood ayaa wax k**a jiraan ku tilmaamay warka kasoo baxay Somaliland dabayaaqadii August looga adkaaday dagaalkii Laascaanood, ayada oo laga qabsaday saldhigga Gooja-Cadde. Wixii markaa ka dambeeyey waxay wadday abaabul dagaal, ayada oo ciidamo soo dhoobtay aagga.

10/09/2023

Faah-fdaahino dheeraad ah ayaa waxaa laga helayaa howlgal qorsheysan oo ay xalay fiidkii h**e ciidamada dowladda ka sameeyeen duleedka degmada Xarardheere ee gobolka Mudug, kaas oo khasaare lagu gaarsiiyay Al-Shabaab howlgalka ayaa si gaar ah uga dhacay deegaan ay ku sugnaayeen xubno ka tirsan Al-Shabaab oo lagu magacaabo deegaanka Baraag Cali Gaduud oo hoostaga Xarardheere sida uu xaqiijiyay guddoomiyaha degamadaasi, Maxamed Yuusuf Kulmiye ciidamada ayaa weerar gaadmo ku qaaday bar-koontarool oo ay joogeen xbunaha ka tirsan Al-Shabaab, isla-markaana lagu laayay halkaasi, kadibna la burburiyay goobta ay joogeen.

10/09/2023

Wararka ka imaanaya degmada Yeyle oo ka tirsan Gobolka Sool ayaa sheegaya in Somaliland ciidamo soo dhoobtay duleedka degmadaasi ciidamada Somaliland oo ay weheliyaan maleeshiya-beeleedyo ayaa sida la sheegayo saldhig ciidan ka samaystay degaanka Buq-dharkayn oo hoos yimaada degmada Yeyle dadka degaanka ayaa ku soo warramaya in durba dhaq dhaqaaqyo ciidan iyo abaabul laga dareemayo tuulada Buq-dharkayn, oo ay saldhig ka samaysteen ciidamada Somaliland Taliska Somaliland ayaa sidoo kale weli sii wada abaabulkii dagaal ee ka socday dhinaca degmada Oog, halkaas oo ay ku diyaarinayaan maleeshiyaad hubaysan si ay weerar rogaal-celis ah ugu qaadaan ciidamada SSC 25-ka bishii Agoosto ayaa ciidamada Somaliland khasaare isugu jira dhimasho iyo dhaawac lagu soo gaarsiiyay weerar ka dhacay saldhigyadii ay ku lahaayeen Gooja Cadde iyo Maraaga, kuwaas oo laga qabsaday.

09/09/2023

Wararka aan ka heleyno aagga degmada Ruun-nirgood ee gobolka Shabeellada Dhexe waxay sheegayaan in maanta duqeyn culus loogu geystay kooxda Al-Shabaab kooxdaan ayaa la sheegay in lagu beegsaday dhul howd ah 8 KM dhanka waqooyi uga baxsan magaalada, waxaana halkaas laga soo weriyey gaadiid gubanaya dadka deegaanka ayaa Caasimada Online u sheegay in duqeyntaasi ay aad u cusleyd, isla markaana loo maleynayo in bartilmaameedku ahaa saldhig ay Al-Shabaab ku lahaayeen banaanka magaalada Al-Shabaab ayaa ku sugan Ruun-nirgood iyo aageeda, waana dhul howd ah oo kooxda Al-Shabaab ay aad u jeceshahay marar badana ay ciidamada dowladdu kula dagaaleen degmadaan oo dhacda halka ay iska galaan gobollada Shabeellada Dhexe iyo Galgaduud ayaa ka mid noqotay magaalooyinkii ay dhawaan dib uga baxeen ciidamada dowladda oo ka gadooday weerarkii Cowsweyne iyo sida aysan dowladu uga falcelin

07/09/2023

Kooxda Alshabaab ayaa sii deysay muuqaal ay ku muujinayaan askari katirsan howlgalka ATMIS oo kasoo jeeda dalka Uganda, kaasoo ka codsanaya Madaxweynaha Uganda in laga wada xaajoodo sii deyntiisa kooxda Alshabaab ayaa askarigan ku qabtay weerarkii bishii may ee sanadkan ka dhacay magaalada Buulo Mareer ee gobolka Shabeellada hoose. Weerarkaas oo khasaare ba'an lagu gaarsiiyay ciidanka Askarigan oo lagu magacaabo Pow Sergeant M. William, oo 48 jir ah, ayaa ciidamada Uganda kusoo biiray sanadkii 1997. Bishii Abril ee sanadkan 2023 ayuu ka howlgalay xerada ciidanka ee kutaala Buulo Mareer, ka hor inta aan 26-kii may la weerarin Askarigan ayaa ka codsaday dowladda Uganda inay raadiso xal kaste oo lagu siin dayn karo. Wuxuu sheegay kaligiis inuusan ahayn maxbuus, balse ay jiraan maxaabiis oo katirsan ciidanka Uganda oo gacanta ugu jira kooxda Alshabaab.

06/09/2023

Dowladda Mareykanka ayaa $2 Milyan oo Dollar ugu deeqay ciidamada Xoogga dalka Soomaaliyeed, si ay u xoojiyaan dagaalka Al-Shabaab mareykanka ayaa lacagtan ku shubay Sanduuqa Taageerada Qaramada Midoobay ee Soomaaliya (UNSOS) oo si gara ah taageero siiyay ciidamada Xoogga dalka sii-hayaha Safaaradda Mareykanka ee Muqdisho, Shane Dixon oo ka hadlay kaalmadan lacageed ayaa shaaca ka qaaday in lagu maalgelin doono gaadiidka iyo daadgureynta daawaynta ciidamada Xoogga Soomaaliyeed iyadoo la raacayo waajibaadka UNSOS Mareykanka ayaa kamid ah dalalka sida tooska ah uga qayb qaato dagaalka lagula jiro Al-Shabaab, wuxuuna dhanka hawada ka taageera ciidamada la dagaalamaya Al-Shabaab

05/09/2023

Ciidanka Midowga Afrika ee jooga Soomaaliya ee h**e loo odhan jiray AMISOM haddana loo yaqaano ATMIS ayaa markii koowaad ka maqan dagaal ka socda Soomaaliya tan iyo markii ay yimaadeen dalka dagaalkan waa kii ugu xoogganaa ee lala galo kooxaha argagixisada oo ah baahidii keentay in ciidan ajnabi ah la keeno Soomaaliya iyo sababta ay weli u joogaan dadweynaha waxay waayahan waayeen ATMIS xilli ay ciidanka xoogga dalka qabsadeen deegaano badan iyaga oo aan wax garab ah ka helayn ciidan ajnabi ah Dowladdii h**e ee madaxweyne Maxamed Cabdullaahi Farmaajo ayaa soo jeedisay in ciidanka Midowga Afrika ay kaga baxaan Soomaaliya muddo laba sano iyo dhowr billood ah, inta ka h**eysana ay dowladda Soomaaliya ku garabsiiyaan in argagaxisada laga adkaado, oo ay ATMIS fuliso dagaal ka xoog badan kuwii h**e heshiiskaas waa la saxiixay laakiin hal qodob ayaa weli la fulin waana midka la xiriira inay ATMIS qaado duulaan xooggan oo ka dhan ah argagixisada.

04/09/2023

Warar kala duwan ayaa ka soo baxaya khasaaraha ka dhashay dagaal maanta ka qarxay deegaanka Daaru-Nicma oo hoostaga degmada Ruun-Nirgood ee gobolka Shabeelaha Dhexe, kaas oo u dhexeeyo dowladda iyo Shabaab dagaalka ayaa yimid kadib markii ay xubnaha Al-Shabaab weerar culus ku qaadeen fariisimo ay halkaas ku leeyihiin ciidamada dowladda iyo kuwa Macawiisleyda, waxaana kadib sidaas ku qarxay dagaal foolka fool ah oo u dhexeeyo labada dhinac ilo deegaanka ah ayaa Caasimada Online u sheegay in dagaalka oo ah mid xoogan la’isku adeegsaday hubka noocyadiisa kala duwan, isla-markaana uu jiro khasaare xoogleh Daaru-Nicma ayaa ah deegaan istaraatiiji ah oo horay looga qabsaday kooxda Al-Shabaab, waxayna aheyd maalmo kahor markii uu taliyaha ciidamad Xoogga dalka uu min hal darajo dalacsiiyay dhammaan askarta difaaca adag kaga jirta gudaha deegaankaasi.

03/09/2023

Dowladda federaalka ah ee Soomaaliya ayaa faah-faahin dheeraad ah ka bixisay howlgal qorsheysan oo ka dhacay gobolka Shabeelaha Hoose, kaas oo lagu beegsaday xubno ka tirsan kooxda Al-Shabaab laguna gaarsiiyay khasaare xoogleh qoraal kasoo baxay dowladda ayaa lagu sheegay in howlgalkan oo ay iska kaashadeen ciidamada Xoogga dalka iyo saaxibada caalamiga ah uu ka dhacay deegaanka Towfiiq oo hoostaga degmada Kuntuwaaray, halkaas oo ay ku sugnaayeen xubno ka tirsan Shabaab dowladda ayaa sheegtay in weerarkaas lagu dilay in ka badan 20 ka tirsanaa kooxda Al-Shabaab, kuwaas oo ku sugnaa guri ku yaalla deegaanka Towfiiq ee gobolkaasi Dhanka kale, ma jiro wax hadal ah oo ka soo baxay Al-Shabaab oo ku aadan weerarkaas ee ay guusha ka sheegatay dowladda Soomaaliya shabeelaha Hoose ayaa kamid ah meelaha ay ku xoogan yihiin maleeshiyada Al-Shabaab, waxaana inta badan ka dhacay dagaallo u dhexeeyo iyaga iyo ciidamada dowladda

02/09/2023

Wararka naga soo gaaraya gobolka Galgaduud ayaa sheegaya in kooxda Al-shabaab ay maanta dad shacab ku dishay deegaanka Ceelshiil oo ka mid ah deegaanada hoostaga magaalada Ceelbuur wararka ayaa sheegaya in ku dhawaad 20 ruux oo ka mid ahaa dadka deegaanka Ceelshiil oo qiyaas ahaan Ceebuur u jirta ilaa 30 KM iney kooxda ku dishay deegaankaas Waxaa sidoo kale wararku intaasi ku darayaan in kooxdu ay dadkaan dishay, xili ay doonayeen iney isaga soo baxaan deegaanka Ceelshiil, islamarkaana ay doonayeen iney u baxsadaan dhanka deegaanada ciidanka dowladda ay joogaan Dhacdadaan ayaa kusoo beegmeysa, iyadoo kooxda Al-shabaab dhawaan lagala wareegay gacan ku heynta magaalada Ceelbuur oo u aheyd taliskoodii ugu weyna gobolada dhexe ee dalka.

02/09/2023

Korneel Mukhtaar Xasan Tifow Shaah-macabe oo ahaa taliyihii guutada Khaalid Bin Waliid ee ciidanka xoogga dalka Soomaaliyeed, ayaa la waayay wixii ka dambeeyay weerarkii xerada Cowsweyne sarkaalkan ayaa ku sugnaa xerada markii ay Alshabaab kusoo qaadeen weerarka Shabaab, oo maalmo ka hor soo bandhigay muuqaalka weerarkaas, weli ma aysan sheegin in sarkaalkan uu katirsanaa saraakiishii iyo ciidamadii ay ku dileen weerarkaas Cowswayne jawaahir Baarqab oo ka mid ah qoyska sarkaalkan oo la hadashay BBC Soomaali, ayaa sheegtay inay maqleen warar is khilaafsan oo ku saabsan inuu nool yahay iyo inuu geeridooday. waxayse sheegtay in qoyskoodu aaminsan yahay inuu nool yahay oo uu ku maqan yahay shaqada qaranka Dhinaca kale, Dowladda Soomaaliya illaa iyo hadda wax war ah oo ku saabsan xaaladda sarkaalkan masoo saarin, walow wasiir ku xigeenka warfaafinta uu beeniyay in sarkaalkan nolol iyo geeri lagu la’yahay dowladda Soomaaliya ayaa saraakiil muhiim ah h**ey ugu weyday dagaalka Alshabaab. Waxaa kamid ah, taliye ku xigeenkii Danab, Xasan Tuure, taliyihii ciidanka booliiska gobolka Banaadir, Farxaan Qaroole, iyo taliyihii guutada 3-aad ee qeybta 27-aad ee ciidanka xoogg dalka, Abshir Maxamuud Maxamed Shataqeey.

31/08/2023

Madaxweynaha Hirshabeelle Cali Guudlaawe Xuseen ayaa saacadihii lasoo dhaafay deeq xoolo ah ku wareejiyay ciidamada dib u xoreynta ee sugan deegaanka Nuur-Dugle ee gobolka Shabeellada Dhexe dhiira-gelinta ciidanka deegaanka ee Macawiisley, wuxuu Cali Guudlaawe bilaabay markii gobolka Shabeellada Dhexe ay soo buux-dhaafiyeen ciidamada xoogga dalka oo ka soo gadooday furimaha dagaalka ee gobolka Galgaduud madaxweynaha ayaa fagaare kula hadlay boqolaal ciidamada dib u xoreynta deegaanka ee fadhigoodu yahay deegaanka Nuurdugle, wuxuuna ku bogaadiyay sida nafhurnimada leh oo ay isaga dulqaadeen cadowga khawaarijta ah Madaxweyne Cali Guudlaawe ayaa tilmaamay inay u taagan yihiin xoojinta iyo dhiirigalinta ciidamada ku sugan furimaha dagaalka ee u babac dhigaya dhagarta argagixisada sidoo kale Madaxweynaha HirShabeelle wuxuu xusay in ciidanka xoogga dalka iyo kuwa deegaanka oo is garabsanaya ay wajihi doonaan ciribtirka khawaarijta ku dhuumaaleysanaya deegaanada u dhaxeeya Hirshabeelle iyo Galmudug maalmaha soo socda.

30/08/2023

Guddoomiyaha maamulka degmada Warta Nabadda oo shir jaraa’id u qabatay Wariyeyaasha ayaa ka hadashay warar saacadihii ugu dambeeyay lagu baahiyay baraha bulshada oo sheegayay inay taageertay kooxda Al-Shabaab warkan ayaa soo shaac baxay, kadib markii ay hadal heyn xoogan ka dhalatay kiiska horjooge sare oo shalay iska soo dhiibay Khawaarijta Al-Shabaab, kaas oo lagu magacaabo Nuur-deeq Cabdulaahi Maalinguur, una dhashay beesha Sacad ee Habargidir guddoomiye Seynab Xaabsey ayaa waxaa xalay barteeda Facebook-gga lagu soo qoray “Ma isla soconaa? Waxaa yimid maandheere, soo dhawaaw mudane soo dhawaaw. Inta maangaabka ahna warkooda waa in bartooda loogu tago hadii kale noqda maandheerayaal gacan save ahna soo gala, dalkaan mudo yar kadib waa wada save inshaallah.”

29/08/2023

Xilildhibaan Yaasiin Cabdullaahi Maxamuud (Yaasiin Farey), oo ka mid ah Xildhibaanada Golaha Shacabka ee Baarlamaanka Federaalka ayaa war aan sal iyo raad toona lahayn ku tilmaamay wararka sheegaya in Ciidanka Xoogga Dalka iyo xoogaga deegaanka ay isaga soo baxeen Degmada Ceeldheer ee Gobolka Galgaduud waxa uu sheegay in ciidamadu ay si buuxdo gacanta ugu hayaan degmadaasi, isla-markaana aanay waxba ka jirin inay soo banneeyeen degmada Waxa kaloo uu yiri “Waxaan rabaa inaan u sheego guud ahaan dadka Soomaaliyeed, gaar ahaan dadka reer Galmudug iyo Bariga Gobolka Galgaduud ee bartamaha dalka inaysan jirin wararka sheegaya, ee ah in Ciidanka Xoogga Dalka Soomaaliyeed ay ka soo baxeen furimaha dhanka aniga aan ku suganahay Yaasiin Farey oo h**ey u soo noqday Kusimaha Agaasimaha Hay’adda Nabad Sugidda iyo Sirdoonka Qaranka (NISA) ayaa iftiimiyay inaanu wax dhib ama culeys ah midna ka jirin degmadaasi.

28/08/2023

Wararka ka imaanaya magaalada Jigjiga ee dowlad degaanka Soomaalida ayaa sheegaya in gabar yar oo 11 jir ah kufsi iyo dil loogu gaystay xaafadda 13aad ee magaalada Jigjiga, sida ay Warbaahinta la wadaageen dadkii ka ag dhawaa xaafadda gabadha yar kufsiga iyo dilka loogu gaystay ee magaalada Jigjiga falkan oo dhacay galabta abaaro 4tii galabnimo ayaa waxaa gabadha yar kufsaday 4 nin oo aan ka soojeeda qowmiyada kale ee Itoobiya kuwaas oo ka shaqaynayay Faarad uu lahaa Aabaha dhalay gabadha yar ee kufsiga iyo dilka loogaystay, sida ay Warbaahinta u sheegeen ehellada gabadhan yar ee kufsiga iyo dilka loogaystay Dadka degaanka ayaa waxay dhacdadan ku tilmaameen mid argagax leh, iyagoo dhinaca kale ugu baaqay dadka ku dhaqan magaalada Jigjiga inay ka warhayaan caruurtooda, isla markaana ay la socdaan dhaqdhaqaaqa dadka shaqooyinka hoose uga haya xaafadaha magaalada Jigjiga gabadhan yar ee kufsiga iyo dilka la isugu daray oo lagu magacaabo Faadumo Ugaas Carab Muxumed ayaa caawa lagu aasay magaalada Jigjiga.

28/08/2023

Xisbiga mucaaradka Somaliland ee UCID ayaa soo dhaweeyay go'aankii ay khilaafka doorashooyinka Somaliland kasoo saareen guddida dhaqanku guddoomiyaha Xisbiga UCID Faysal Cali Waraabe, oo isaga oo tuute ciidan xidhan la hadlay warbaahinta ayaa sheegay in ka xisbi ahaan ay aqbaleen go'aankii guddida dhaqanka Faysal waxa uu sheegay in danta Somaliland, wadajirka iyo nabadgalyada darteed ay u aqbaleen go'aanka ay soo saareen guddida dhexdhexaadintu, shacbiga guud ahaan ayuu usoo jeediyay in ay go'aanka soo dhaweeyaan xisbiga mucaaradka ah ee Waddani ayaa isaguna aqbalay go'aanka guddida dhexdhexaadintu ay soo saartay, ilaa hadana 6 kamid ah tobanka urur siyaasadeed ayaa diiday ugu danbayn, madaxweynaha Somaliland Muuse Biixi Cabdi, iyo xisbigiisa Kulmiye ayaa la sugayaa go'aanka ay ka qaadan doonaan go'aanka guddida.

27/08/2023

Warar dheeraad ah ayaa kasoo baxaya howlgal qorsheysan oo ciidanka Kumaandooska Danab ay ka sameyeen saacadahii lasoo dhaafay deegaanka Yaaq dabey oo ka tirsan gobolka Jubbadda Hoose howlgalka ayaa la sheegay in ciidanka Kumaandooska Danab ay ku dileen ilaa 47 xubnood oo ka mid ah dagaalyahanada kooxda Al-shabaab, sida uu warbaahinta dowladda u xaqiijiyay taliyaha Ururka 5-aad ee Kumaandooska Danab Carab Dheeg Axmed Taliyaha Carab Dheeg Axmed ayaa sidoo kale sheegay in ciidamada ay halkaasi ku bur buriyeen fariisimihii kooxda ku lahaayeen deegaanka Yaaq dabayl ee gobolka jubadda hoose Howlgalkaan ayaa kusoo beegmaya, iyadoo ciidamada dowladda Fedaraalka Soomaaliya ay kordhiyeen weerarada ka dhanka ah Al-shabaab ee lagu doonayo in guud ahaan dalka looga saaro Ururka Al-shabaab.

26/08/2023

Taliyaha ciidanka xoogga dalka, oo wareysi siiyay laanta VOA Somali, ayaa sheegay in ay si nabad ah kula wareegeen magaalada Ceelbuur, wuxuuna tilmaamay, Shabaabku in aysan awood u lahayn inay ka hor yimaadaan ciidamada xoogga dalka Soomaaliyeed taliyuhu wuxuu Ceel Buur ku sheegay inay ahayd meelaha Shabaabku kasoo abaabuli jireen dhibaatooyinka ugu waawayn ee ay dalka ka geysan jireen Dhinaca kale, taliyaha xoogga ayaa beeniyay in degmada Ruun Nirgood ay Alshabaab dib u qabsadeen. Wuxuu sheegay koox go’doon ku jirtay inay mar yimaadeen, kuwaas oo uu sheegay in aanay jirin meel ay u baxsadaan wuxuu sheegay howlgalka inuu sii socondoona illaa laga xaqiijinayo in Shabaab laga nadiifiyo dalka. Wuxuu sheegay madaxweynuhu inuu u joogo magaalada Dhuusomareeb in la xaqiijiyo sifaynta Shabaab ee degaanada Galmudug.

26/08/2023

Ciidamada dowladda fedaraalka Soomaaliya oo kaashanaya saaxiibada Caalamiga ah ayaa Xalay howlgal qorsheysan ka sameeyay beerta Sheekhoow oo qiyaas ahaan degmada Awdheegle ee gobolka Shabeellaha Hoose u jirta ilaa 16 KM howlgalka ayaa la sheegay in ciidamada ay ku dileen 27 xubnood oo ka mid ah dagaalamayaasha kooxda Al-shabaab oo la tilmaamay iney isku aruursanayeen beerta Sheekhoow, islamarkaana sidoo kale lagu burburiyay saanad ciidan iyo fariisimihii kooxda ku laheyd halkaas 24 saacadood gudahood waxaa deegaano ka tirsan gobolka Shabeellaha Hoose ciidamada dowladda Soomaaliya ka sameyeen ilaa sadax howlgal oo lagu beegsaday goobo kala duwan oo Al-shabaab isku aruursanayeen tirada guud ee howlgaladaasi looga dilay 24-kii saac ee lasoo dhaafay kooxda Al-shabaab ayaa noqoneyso 47 dagaalame oo ka mid ah Ururka Al-shabaab.

24/08/2023

Guddoomiyaha odayaasha dhaqanka beelaha Hawiye Nabadoon Maxamed Xasan Xaad ayaa bogaadiyay howl-gallada ay ciidamada dowladda iyo kuwa dadka deegaanka ka wadaan dalka ee lagu baacsanayo Al-Shabaab, gaar ahaan kuwa ka socda gobolka Galgaduud waxaa bogaadinayaa guulaha ay ciidamada ka gaareen meelo kamid ah gobolka Galgaduud, guulahaas waxaa leenahay hambalyo oo runtii waa wax lagu naaloon karo, Ilaahay garabkiina ha galo waa u duceynaynaa,” ayuu yiri Nabadoon Xaad sidoo kale waxa uu sheegay in xoreynta deegaanadan ay xigeyso xoreynta Ceelbuur iyo kuwa kale ee deegaanadaasi ee weli ku jira gacanta kooxda Al-Shabaab, si loo guda galo wejiga labaad ee dagaalka.

24/08/2023

Maxk**adda gobolka Banaadira ayaa weli sii wadda dhageysiga dacwadda ka dhanka ah mas’uuliyiin dowladeed oo ku eedeysan falal la xiriira musuq-maasuq, gaar ahaan xatooyo xoolo dadweyne, kuwaas oo horay loo soo xiray kiiskan oo ah mid xasaasi ah ayaa keenay doodo xoogan oo hareeyay maxk**adda, kuwaas oo u dhexeeya xeer ilaalinta iyo qareenada difaacaya eedeysanayaasha Guddoomiyaha Maxk**ada gobolka Banaadir Saalax Cali Maxamuud (Dabbaan) oo g’aan culus qaatay ayaa hoolka maxk**adda ka saaray mid kamid ah qareenada u doodayay ragga u xiran masuq-maasuqa, kadib markii uu la dooday guddoonka sare ee maxk**ada abuukaataha bannaanka loo saaray ayaa waxaa lagu magacaabaa Jibriil, waxayna is qabteen guddoomiye Dabbaan oo markii dambe ku amray inuu ka baxo hoolka.

23/08/2023

Wararka naga soo gaaraya gobolka Galgaduud ayaa sheegaya in ciidamada Xoogga iyo kuwa dadka deegaanka ay howlgal ka sameeyeen deegaanka Cowsweyne ee gobolkaasi, kaas oo ay kusoo qabteen xubno Shabaab ah ragga lasoo qabtay ayaa isugu jiro horjoogayaal iyo maleeshiyaad ka tirsan kooxda Al-Shabaab, sida ay shaaca ka qaaday warbaahinta dowladda xubnaha nolosha lagu soo qabtay waxaa kamid ah horjoogayaasha kala ah Cabdiraxmaan Foodey kulmiye, Cabdullaahi Ibraahim Xasan , Aadan Ibraahim Abshir iyo malleeshiyaad kale, kuwaas oo lagu soo bandhigay gudaha deegaanka Cowsweyne oo ay shalay la wareegeen ciidamada huwanta Saraakiisha ciidamada Xoogga dalka ayaa shaaca ka qaaday in raggan oo duurgal ah lagu soo qabtay howlgal ay ka sameeyeen halkaasi, ayna hadda ku hayaan gacanta sidoo kale xubnahan ayaa waxaa lagu eedeeyay inay muddo ka shaqeynayay dhibaateynta shacabka Cowsweyne, isla-markaana laga qaadi doono tallaabo adag Xaaladda ayaa haatan ah mid aad u kacsan, waxaana dhaq-dhaqaaqy ugu dambeeyay laga dareemaya aagga magaalada Ceelbuur oo ay kusii dhawaanayaan ciidamada huwanta.

22/08/2023

Xildhibaanada iyo Senotarada kasoo jeeda beesha Jareerweyne ee ku jira labada aqal ee baarlamaanka Soomaaliya, ayaa waxay ku baaqeen in baaritaan hufan lagu sameeyo dhacdadii lagusoo xiray Gen. Sheegow kulan ay maanta ku yeesheen magaalada Muqdisho, ayaa waxay bayaan kagasoo saareen xariga Sheegow, iyagoo dareen aan fiicnayn ka muujiyay habka ay Dowladdu u maaraysay xiritaanka sarkaalka ciidan iyo askartiisa waxay sheegeen in laga baaqsan karay dhimashada, dhaawaca iyo burburka ka dhashay xiritaanka sarkaalka ciidan. Waxay kaloo sheegeen waxa dhacay in ay ahaayeen dulmi 19-kii bishaan ayay ahayd markii ay dowladdu xirtay Gen. Sheegow, kaddib dagaal saacado badan socday oo dhexmaray ciidamo isaga daacad u ah iyo ciidanka booliiska waxaa loo haystaa in hoygiisa lagasoo abaabulo dhac iyo dhibaayooyin kale oo loo geysto shacabka ku nool degmada Wadajir.

22/08/2023

Warar dheeraad ah ayaa kasoo baxaya qarax xoogan oo jugtiisa laga maqlay qeybo ka mid ah magaalada Muqdisho, kaasoo aroorninadii h**e e Saakay ka dhacay agagaarka Isgoyska Ifka Xalane ee magaalada Muqdisho qaraxa oo la sheegay inuu ahaa mid loo adeegsaday gaari noociisu Soomaalida u taqaan Leylo Calaawi ayaa ku qarxay Isgoyska Ifka Xalane oo nawaaxigiisa ay dagan yihiin ciidamo ka tirsan kuwa xasilinta Caasimadda ee loo yaqaano Boolis Milataare Qaraxaan ayaa saameyn ku yeeshay mudo ku dhaw hal aaac dhamaan dhaqdhaqaaqa iyo isku socodka gaadiidka iyo dadweynaha, hayeshee waxaa haatan wararkii ugu dambeeyay sheegayaan in xaaladu ay caadi kusoo noqotay m ajirto wax faahfaahin ah oo wali kasoo baxay dhanka laamaha amaanka dowladda Fedaraalka Soomaaliya oo ku aadan khasaaraha ka dhashay qaraxaan Ismiidaaminta ah ee gaariga looga adeegsaday.

21/08/2023

Maamulka gobolka Banaadir ayaa ka hadlay dibad-baxyo maanta ka billowday magaalada Muqdisho, kuwaasi oo ay dhigayaan dadweyne ka careysan xarigga Jeneraal Sheegow oo ay shalay soo xireen ciidamada ammaanka ee dowladda gudoomiyaha gobolka Banaadir ahna Duqa Muqdisho Yususf Xuseen Jimcaale (Madaale) oo shir jaraa’id qabtay ayaa si adag uga hadlay dibad-baxyadaasi, wuxuuna sheegay in laga baaqsan karay khasaaraha ka dhashay dibad-baxyadii maanta ka dhacay caasimada Madaale ayaa sheegay in dastuurka uu shacabka u baneynayo in banaanbax nabadeed ay ku muujiyaan rabitaankooda, hase ahaate ay ka reeban tahay mid rabshado wata oo wax lagu gubo, laguna burburiyo

21/08/2023

Guutada Khaalid Binu waliid ee ciidanka xooga dalka ayaa shalay fulisay howlgal culus oo lagu burburiyay fariisimo dhulka miyiga ah ay ku lahayeen Khawaarijta Khawaarijta Al-Shabaab taliyaha Guutada Khaalid Binu waliid Maxamed Dhagaweeyne oo hogaaminayay howlgalkaan sifaynta ah ayaa Warbaahinta Qaranka u sheegay in dhulka howdka ah ee hoostaga dagmooyinka Run-nirgood iyo Galcad ay ku burburiyeen fariisimihii Al-Shabaab ay ku lahaayeen waxaa lasoo bandhigay sawirrada godad waaweyn oo ay dhulka howdka ah ka qodatay kooxdu iyo bicihii ay biyuhu ugu jireen oo ay ka carareen Aagga degmada Ruun-nirgood oo ah dhul howd ah maalmihii lasoo dhaafay waxaa ka socday howlgallo culus oo duqeymo wata, maadaama kooxda Al-Shabaab ay isugu tagtay howdkaas howlgallada ka dhanka kooxda Al-Shabaab ayaa hadda sii xoogeysanaya waxayna ciidanka qaranku bilaabeen guluf dagaal oo ku wajahan deegaanada ay Galgauud ka joogto kooxda Al-Shabaab.

20/08/2023

Afhayeenka ciidanka Booliiska, Saddiiq Aadan Cali Doodishe ayaa ka warbixiyay howlgal ay ciidanka Booliisku kusoo qabteen sarkaal ciidan oo lagu magacaabo Axmed Cali Sheegow (Jeneraal Sheegow) afhayeenka Booliiska wuxuu sheegay qabashada sarkaalkan in ay ku timid, kaddib markii sida uu tilmaamay ciidamo burcad ah oo ka amarqaata sarkaalkan in ay shalay soo weerareen ciidamada booliiska Militariga ee qaabilsan howlgalka Ciiltire ee la dagaalanka burcadda hubaysan afhayeenka Booliiska wuxuu sheegay, sarkaalkaan oo dhamme ah, oo aan katirsanayn ciidamada, inuu madax u ahaa maleyshiyaad dhac ka geysta degmada Dharkaynley Wuxuu sheegay markii ciidanku gurigiisa ay galeen in lagu arkay lacagta madow ee la dhaqo, taasoo uu sheegay inay qeyb ka tahay waxyaabaha lagusoo dacwayn doono.

19/08/2023

In ka badan 20 Alshabaab ah ayaa lagu dilay howlgal qorshaysan oo ciidamada dowladda Qaranka iyo Saaxiibada caalamka ay ka fuliyeen deegaanka Cali Fuuto oo qiyaastii 35 KM u jira degmada Kuntuwaaray ee Shabeellaha Hoose Howlgalka waxaa lagu burburiyey guryihii Alshabaab fariisinka u ahaa iyo wixii saanad ciidan ahaa ee halkaas ay ku diyaarinayeen, sida ay sheegtay Dowladda Soomaaliya dhawaan maamulka Koonfur Galbeed ayaa sheegay in duqeymaha ka dhanka ah Alshabaab ay noqon doonaan kuwa si joogto ah looga fuliyo goobaha Shabaabku isugu yimaadaan

17/08/2023

Ciidamada dawladda Soomaaliya ayaa sheegay inay toogteen ismiidaamiye waday baabuur laga soo buuxiyey waxyaabaha qarxa, duleedka tuulada Xuseen Cagey oo u dhow Masagaway oo ka tirsan gobolka Galguduud warbaahinta dawladda Soomaaliya ayaa soo tebisay in ciidamada amnigu ay ismiidaamiyahaas ku dileen toogasho dhinaca kalena, ururka al-Shabaab ayaa sheegtay in qof ka tirsan maleeshiyaadkooda oo ismiidaamiyey uu beegsaday ciidamo ka tirsan kuwa dawladda oo gaadiid watay, kuna jiray hawlgal Ilaa hadda ma jiraan warar madaxbannaan oo xaqiijinaya sawirka buuxa ee weerarkan shalay ayey aheyd sidoo kale markii ugu yaraan shan ka tirsan maleeshiyaadka Al-Shabaab lagu dilay hawlgal ka dhacay gobolka Galguduud saaka, sida ay tebisay warbaahinta dawladda Soomaaliya hawlgalkan ayey ka wada qayb qaateen ciidamada dawladda federaalka Soomaaliya iyo taliska milatariga Maraykanka ee qaaradda Afrika loona yaqaan AFRICOM, sida ay sheegtay warbaahinta dawladdu.

16/08/2023

Warar kala duwan ayaa kasoo baxaya weerar ay xubno ka tirsan Al-Shabaab shalay ka fuliyeen dalka Kenya, kaas oo uu xigay afduub ay kooxda ka geysatay gudaha dalkaasi weerarkan oo ahaa mid culus ayaa ka dhacay deegaan hoostaga is-maamulka Laamu ee dalka Kenya, kadib markii ay xubno hubeysan tageen halkaasi ragga hubeysan ayaa waddada u galay gaadiid ay la socdeen dadka shacabka ah, waxayna ku fureen rasaasi, sida laga soo xigtay Booliska dalka Kenya Ugu yaraan laba qof ayay kooxdaasi ku dileen goobta, yaga oo kadib horay afduub ahaan ugu sii kaxeystay saddex kale oo kamid ah shacabka la socday gaadiidka la weeraray sidoo kale waxaa goobta la geeyay ciidamo dheeraad ah oo haatan howlgallo daba tag ah ka wada aagga ay wax ka dhaceen oo ka tirsan gobolka xeebta ee Lamu xaaladda ayaa haatan mid aad u kacsan, waxaana dhaq-dhaqaaqyo iska soo horjeedo laga dareemayaa halkaasi, sida ay warbaahinta u sheegeen qaar kamid ah dadka deegaanka.

15/08/2023

Madaxweynaha Maamulka HirShabeelle Cali Cabdullaahi Xuseen Guudlaawe ayaa markale ka hadlay howl-gallada dagaal ee kooxda Al-Shabaab ka dhanka ah, isaga oo shaaciyay deegaano uu ku wajahan yahay duulaan culus madaxweyne Guudlaawe ayaa marka h**e bogaadiyay howl-gallada ciidanka xoogga dalka iyo ciidamada dib-u-xoreynta deegaanka ay ku xoreeyeen degmada Ruunir-good ee gobolka Shabeellaha Dhexe qeybaha kala duwan ee ciidanka xoogga dalka Soomaaliyeed iyo ciidanka dib-u-xoreynta deegaanka oo iskaashanaya ayaa si buuxda gacanta ugu dhigay degmada Ruunirgood iyo deegaanada hoosyimaada sida Hilowle gaab iyo Ceelbacad Sida ay horay u sheegeen madaxda dowladda federaalka, dagaalka gobollada dhexe looga saarayo Al-Shabaab waxaa loo qorsheeyey waqti kooban, si koonfurta Soomaaliya looga bilaabo howl-gallo militeri oo ay ka qeyb qaada doonaan ciidamada wadamada safka h**e.

14/08/2023

Madaxweynaha Maamulka Puntland Saciid Cabdullaahi Deni ayaa sheegay in walxaha maanka-dooriya uu fara ba’an ku hayo maamulka Puntland madaxweyne Saciid Deni ayaa nasiib darro ku tilmaamay in qaar kamid ah ciidamada ay qeyb ka noqdaan dadka isticmaala, xilli maamulka uu si adag ula dagaalamayo noocyada kala duwan ee maandooriyaha sidoo kale waxa uu faray ciidamada, saraakiisha, masuuliyiinta, shacabka iyo qeybaha kala duwan ee bulshada in si wadajir ah loola dagaalamo mukhaadaraadka, si looga hortago dhibaatooyinka ka dhalan kara “isticmaalka walxaha maanka-dooriya Puntland ayaa dagaal adag kula jirta kooxaha ka ganacsada maandooriyaha ee ku sugan magaalooyinka maamulkaas, islamarkaana dhibaatada ku haya bulshada si kastaba arrimahan ayaa kusoo aadaya xilli ay caasimada Puntland ee Garoowe ay ka taagan tahay xiisad culus oo ka dhalatay damaca madaxweyne Saciid Deni ee furista dastuurka Puntland iyo khilaafka doorashooyinka maamulka.

13/08/2023

Kooxda Al-Shabaab ayaa ku qasabtay dadka ku nool deegaanka Cowswayne oo hoos taga degmada Ceeldheer iyo tuulooyin kale oo u dhow deegaankaas inay berri oo Axad ah isku soo baxaan, si looga dhigo dad taageersan oo ku aragti ah sida ay dadka deegaanadaasi sheegeen qoysaska qaar waxay Al-Shabaab si xoog ah uga qaateen dhowr neef oo Geel ah, kuwaas oo qalay maleeshiyaadka u dagaalama kooxda oo hadda abaabul xoog leh ka wada bariga gobolka Galgaduud sida ay noo xaqiijiyeen dadka reer miyiga ah ee ku nool deegaanada hoostaga Ceeldheer kooxda ayaa balan qaaday in berri ay odayaasha iyo qof kasta oo dagaalami kara ay qoryo u qeybinayaan, si ay ciidamada dowladda uga difaacdaan dhulkooda, sida ay hadalka u dhigeen Sidoo kale xogta aan helnay waxay sheegeysaa in deegaanka Cowswayne ay maanta ku dileen gabar, halka gabar kalena ay ku dhaawaceen, kadib markii ay rasaas ku fureen dad isku dayey inay diidaan oo ka banaan-baxaan amarka lagu hubeynayo dadka ee ka soo baxay kooxda Al-Shabaab.

13/08/2023

Warar dheeraad ah ayaa kasoo baxaya howlgal qorsheysan oo ciidamada sida gaarka ah u tababaran ee Kumaandooska Danab ka sameeyeen tuulooyin hoostaga deegaanka Janaay Cabdale ee gobolka Jubbada Hoose howlgalka Kumaandooska Danab ka sameeyeen tuulooyinka hoostaga Janaay Cabdale ayaa la sheegay in ciidanka ay ku dileen 7 ka mid ah dagaalamayaasha kooxda Al-shabaab Taliyaha ayaa sidoo kale sheegay in ciidanka Danab iyo kuwa Daraawiishta Jubbaland ay wadaan dhaqdhaqaaqii ugu dambeeyay ee kooxda Al-shabaab ugu saari lahayeen deegaanada ay kaga sugan yihiin maamulka Jubbaland howlgalkaan ayaa sidoo kale kusoo beegmaya, iyadoo Shalay ciidanka dowladda Soomaaliya howlgalo ay ka sameeyeen deegaanada Baladul Amiin, Baladul Kariim iyo Buulo fulaay oo ka kala tirsan Shabeellaha Hoose iyo Baay lagu dilay 41 ka mid ah dagaalamayaasha Ururka Al-shabaab.

12/08/2023

Warar dheeraad ah ayaa kasoo baxaya howlgal qorsheysan oo ay ciidamada dowladda Fedaraalka Soomaaliya maanta ka sameeyeen degmada Galhareeri ee gobolka Galgaduud warsaxafadeed kasoo baxay Wasaaradda Warfaafinta Xukuumadda Fedaraalka Soomaaliya ayaa lagu sheegay in howlgalka lagu beegsaday saddex xarumood oo ay ku sugnaayeen kooxda Al-shabaab oo ku yaala gudaha degmada Galhareeri

10/08/2023

Dagaalka ka dhanka ah Al-Shabaab oo ay ku jirto dowladda Soomaaliya ayaa maalmaha soo socda geli doona marxalad cusub. Diyaar garow ciidan oo xoog leh ayaa ka jira gobollada dhexe, gaar ahaan magaalooyinka ku dhow caasimadda Galmudug ee Dhuusamareeb gulufkan cusub ayaa waxa uu ujeedkiisu yahay in Al-Shabaab looga qabsado magaalooyin iyo deegaanno badan oo ay muddo dheer gacanta ku hayeen oo ku yaalla gobollada Galgaduud iyo Shabeellaha Dhexe, si loo xaqiijiyo in si buuxda dowladda uga taliso dhulka ballaaran ee ku yaalla dacallada bari iyo Koonfur ka xiga Webiga Shabeelle

Address

Mogadisho

Website

facebook.com

Alerts

Be the first to know and let us send you an email when ٍSomalia Network posts news and promotions. Your email address will not be used for any other purpose, and you can unsubscribe at any time.

Videos

Ruushka iyo Mareykanka ayaa Arbacadii isweydaarsaday maxaabiis inkasta oo ay u dhaxeyso xiisad ka dhalatay dagaalka Moscow ay ku qaaday Ukraine, Moscow ayaa Washington ku wareejisay askari horey uga tirsanaa ciidamada Mariiniska Mareykanka, ayada oo ku beddelatay duuliye Mareykanka loogu xiray inuu soo geliyey daroogo. Trevor Reed, oo ah 30 jir kasoo jeeda gobolka Texas oo lagu xiray Ruushka 2020, ayaa lagu beddeshay Konstantin Yaroshenko oo ah 53 jir Mareykanka ku qaadanayey 20 sano oo xabsi ah oo lagu xukumay 2011. Afhayeen u hadashay Wasaaradda Arrimaha dibedda Ruushka Maria Zakharova ayaa sheegtay in maxaabiis isweydaarsiga ay dhacday Arbacadii kadib “hanaan wada-xaajood oo muddo socday.” Joey Reed oo ah Aabaha Trevor ayaa CNN u shegay in maxaabiista la isku weydaarsaday dalka Turkiga. Madaxweynaha Mareykanka Joe Biden ayaa bayaan uu soo saaray ku sheegay in is-dhaafsiga uu u baahnaa “go’aano adag oo aanu si fudud u qaadan.” “Si nabad u soo laabashadiisa waxa ay caddeyn u tahay ahmiyadda uu maamulkeyga siinayo inuu dalkooda kusoo celiyo muwaadiniinta Mareykanka ee sida khladan loogu xabisay dibedda,” ayuu yiri Madaxweyne Biden. Xoghayaha arrimaha dibedda Mareykanka Antony Blinken ayaa sidoo kale ammaanay maxaabiis is-dhaafsiga, “Waxa aan ku faraxsanahay inaan ku dhowaaqo in lasii daayey muwaadinka Mareykanka ah ee Trevor Reed oo si khaldan loogu xiray Ruushka,” ayuu ku yiri bayaan uu soo saaray. Reed ayaa maxkamad ku taalla Ruushka waxay ku xukuntay sagaal sano oo xabsi ah bishii July 2020, kadib markii lagu eedeeyey inuu weeraray askari boolis ah isaga oo cabsan. Reed ayaa beeniyey eedeymaha loo jeediyey, wuxuuna sheegay inuusan waxba ka xasuusan dhacdadaas. Isha: VOA/Mustaqbal

#Soomaaliya | Beeninta odowaa? Qirashada dubbe?

#Farmaajo, oo ku nool argagax iyo balaayo 🎆✨🎇

Video | Kuwani waa qaar ka mid ah dhalinyarada #Soomaaliyeed ee reer #Muqdisho ee lagu khiyaaneeyey inay u safraan #Qadar ka dibna loo diro xeryaha tababarka ee Ereteriya halkaasna looga sii qaado jiidda hore ee gobolka Itoobiya ee #Tigray, halkaas oo ay ku wehelinayeen ciidammada #Ereteriya.

#Soomaaliya | Muqaal .. Iska hor imaad ka dhacay gudaha garoonka diyaaradaha #Muqdisho ayaa joojiyay shaqadii waxaana ka dhashay fowdo Garoonka Diyaaradaha ee Magaalada Muqdisho, subaxnimadii Khamiista, waxaa iska hor imaad gacan ka hadal ah ku dhex maray xubno ka tirsan Sirdoonka iyo Nabadsugida Qaranka iyo saraakiisha socdaalka, taasoo keentay in la burburiyo daaqadihii iyo qalabkii yaalay xafiiska Maamulka Socdaalka. Iska hor imaadkan ayaa yimid kadib markii shalay uu khilaaf soo kala dhex galay saraakiisha socdaalka iyo sirdoonka kadib markii waaxda socdaalka ay xireen ajaaniib timid garoonka si ay u hubiyaan cida ay yihiin iyo inay cadeeyaan halka ay u socdeen, laakiin xubno ka tirsan laamaha sirdoonka ayaa diiday arintaas waxayna ka saareen garoonka. . Iska hor imaadka ayaa sababay in shaqada garoonka la joojiyo muddo kooban isla markaana qalalaase sababay, waxaana garoonka ka soo degay madaxa Waaxda Socdaalka Muxammad Aadam Koofi si uu xaaladda u dejiyo, wax walbana ay caadi ugu soo noqdaan.

Soomaaliya | Fiidiyowga waxaa dadka lagu bartilmaameedsaday rasaasta Farmaajo, oo ula macaamilaya sida maafiyada kadib markii dowladiisa ay lumisay sharciyadeed.

#Soomaaliya | Imaatinka hubka iyo rasaasta ee ka timid Eriteriya !! .. #Farmaajo ayaa doonaya inuu labo sano oo dheeri ah ugu daro madaxtinimadiisa Xukuumadda Washington ayaa uga digtay Madaxweynaha Soomaaliya Maxamed Cabdalla Farmaajo cawaaqibka ka dhalan kara qabashada doorasho hal dhinac ah taas oo masiirka dalka aan la garanaynin "Ma aqbali doonno doorashooyinka hal dhinac ah, ma aqbali doonno doorashooyinka is barbar socda, mana aqbali doono in rabshado ay dhacaan doorashooyinka dartiis," ayaa lagu yiri bayaan si adag erayga loogu qoray safaaradda Mareykanka. Farriinta Mareykanku waxay umuuqatay mid dhowr dhinac loo kala diray, laakiin waxay wadada ka xireysaa Farmaajo, oo ku dhawaaqay go'aankiisa ah inuu sii wado qabashada doorashooyin ay mucaaradka su’aal ka qabaan daacadnimadooda. Xilli ay guddi ka codsanayaan dowladda Soomaaliya inay caddeyso shixnadaha hubka iyo rasaasta ee ka yimid Eriteriya, waxayna u muuqataa in hubka aan kor ku soo sheegnay uu ahaa in la hubeeyo askarta ay Eritrea u tababartay Farmaajo, si loogu adeegsado in lagu cabudhiyo mucaaradka Soomaaliya. oo uu ku shubto doorashooyinka, taas oo macnaheedu yahay in muddo kordhintiisa madaxweynenimada xoog loogu kordhiyo laba sano oo dheeraad ah iyo in dalka loo bandhigo Qaddar aan la aqoon oo lagu laabto fagaaraha Dagaalkii Sokeeye. #maskasomaalia

Qaabkee ayaad kusoo saari lahayd maroodi ceel dheer ku dhacay?. Waa dhacdo dhif ah oo ka dhacday dalka Hindiya, wax kastana kaamirooyin ayaa duubay.

Samiira cali axmed waa gabadh soomaaliyeed oo baafinaysa hooyadeed marki ugu war dambeysay hooyadeed waxay joogtay dalka jibuuti marka wallaalaha soomaaliyeed waxay ka codsaneysaa in ay caawiyaan oo qofkii arka hooyadeed uu la soo xidhiidho

Video | Madaxweyne Trump: Ma u malaynaysaa in Jo-ga oo hurda uu heshiis noocan oo kale ah ka dhex dhigi doono adiga iyo # Suudaan, Netanyahu? Uma maleynayo. Netanyahu: Mudane Madaxweyne, waxaan kuu sheegayaa hal shay, waxaan ku qanacsanahay gabagabada heshiisyada nabadeed ee qofkasta oo Mareykan ah, waana ku faraxsanahay daacadnimada waxaad qabatay.

Meydka wiil 20 jir ah oo rasaasta ay haleeshay ayaa la helay, oo ay qafaasheen ciidamada Kenya waxaana loo qaaday magaalada Eloak ee gobolka Soomaalida ee Gedo. Askarta #KDF oo wata gawaarida gaashaaman ayaa sidoo kale lagu eedeeyay inay jir dileen oo ay qaateen seddex kale. #Soomaaliya