31/10/2022
SIDEE JUBBALAND UGA XUROOBI KARTAA AL-SHABAAB?
Maamulka Jubbaland wuxuu si sax ah uga arimiyaa Kismaayo iyo Afmadoobe.Amniga wadada isku xirto labadan magaalo xataa ma la iksu haleyn karo maadaama shuftada Alshabaab ay joogaan jidadka. Bulshada Jubbaland kalsooni iskuma qabto si ay u tiigsadaan hadafkooda mustaqbalka oo ah in deegaanadooda horumar iyo nolol wanagsan gaaraan.
Hubka iyo Gaadiidka dagaalka ee Jubbaland ka heshay beesha Caalamka waxay gacanta ugu jiraan beesha Axmed Madoobe. Beelaha ka soo jeedo degmooyinka Jilib iyo Jamaame waa laga ilaaliyey oo aan loo ogoleyn xataa inay Darawal ka noqdaan tiknikooyinka Jubbaland aduunka ugu deeqay. Haddaba, sidee ciidanka Axmed Madoobe iyo kuwa ka soo jeedo Jamaame iyo Jilib u wada shaqeyn karaan?
Khudbad uu maalin h**e Axmed Madoobe(isagoo iska indha tiraayo xaqiiqooyinka jiro) ka jeediyey shirka beelaha oo Kismaayo ku qabsoomay in Alshabaab ay isku direyso beelaha Jubbaland isagoo xusay in Alshabaab beelaha qaarkood ka dhaadhicineyso in beesha Daarood duulaan ku tahay beelaha degan deegaanada qaar sida Jilib iyo Jamaame.
Fasiraadda kaliya ee laga bixin karo in beelo gaar ah isku koobaan hanti bulshada Jubbaland wada leedahay isla markaasina laga takoorayo beelo kale waa in dano gaar ah ay leyihiin qolada h**e si ay u xaqiijiyaan mar uun.
Iyadoo aan ogsoonahay xasuuqii iyo nabarada aan weli boogsoonin ee ay maleeshiyaadkii Moorgan iyo Axmed Cumar Jees ay u geysteen bulshooyinka deegaanadan Jilib iyo Jamaame. Haddaba, su'aasha waxay tahay: Ma siin karnaa Axmed Madoobe fursad kale oo maleeshiyaadkiisa u suurta galineyso inay noo xasuuqaan sidii kuwii Jees iyo Moorgan 1991-1993-dii?
