Radio Hargaysa

Home
Somalia
Hargeysa
Radio Hargaysa

Radio Hargaysa Radio Hargeisa was established in 1943. This is the official page of Radio Hargeisa.

04/02/2025

Waxa naga go'an ka Wasaarad ahaan ka dhabaynta ballan qaadyadii Xisbiga Waddani galay xilligii ololaha.

Wasiirka Tamarta iyo Macdanta JSL

04/02/2025

Wefti uu hogaaminayo Wasiir kuxigeenka wasaaradda Ganacsiga JSL ayaa soo gaadhay xarunta gobalka GABILAY. waxayna kulan la yesheen badhasaabka gobalkaasi.

04/02/2025

warka duhurnimo ee idaacada Radio Hargaysa

04/02/2025

"Berbera waxa dhawaan laga fulin doonaa mashruuc hoos u dhigaya korontada, maadaama madaxweynuhu u ballan qaaday koronto jaban xilligii ololaha"
𝐖𝐚𝐬𝐢𝐢𝐫𝐤𝐚 𝐓𝐚𝐦𝐚𝐫𝐭𝐚 𝐢𝐲𝐨 𝐌𝐚𝐜𝐝𝐚𝐧𝐭𝐚 𝐉𝐒𝐋 𝐄𝐧𝐠 𝐀𝐱𝐦𝐞𝐝 𝐉𝐚𝐚𝐦𝐚𝐜 𝐁𝐚𝐫𝐫𝐞.

04/02/2025

Berbera waxa dhawaan laga fulin doona mashruuc hoos u dhigaya korontada magaalada Berbera maadama madaxweynuhu Berbera u ballan qaaday koronto jaban xilligii ololaha.
Wasiirka Tamarta iyo Macdanta JSL Eng Axmed Jaamac Barre.

03/02/2025

WAR SAXAAFADEED
𝗠𝗮𝗱𝗮𝘅𝘄𝗲𝘆𝗻𝗮𝗵𝗮 𝗝𝗦𝗟 𝗼𝗼 𝗫𝗮𝗳𝗶𝗶𝘀𝗸𝗶𝗶𝘀𝗮 𝗸𝘂 𝗾𝗮𝗮𝗯𝗶𝗹𝗮𝘆 𝗘𝗿𝗴𝗮𝘆𝗴𝗮 𝗴𝗮𝗮𝗿𝗸𝗮 𝗮𝗵 𝗲𝗲 𝗱𝗮𝗹𝗸𝗮 𝗙𝗶𝗻𝗹𝗮𝗻𝗱 𝘂𝘂 𝗾𝗮𝗮𝗯𝗶𝗹𝘀𝗮𝗻 𝗡𝗮𝗯𝗮𝗱𝗱𝗮 𝗶𝘆𝗼 𝗫𝗮𝗹𝗹𝗶𝗻𝘁𝗮 𝗸𝗵𝗶𝗹𝗮𝗮𝗳𝗮𝗮𝗱𝗸𝗮 𝗚𝗼𝗯𝗼𝗹𝗸𝗮 𝗚𝗲𝗲𝘀𝗸𝗮 𝗔𝗳𝗿𝗶𝗸𝗮

Madaxweynaha Jamhuuriyadda Somaliland Mudane Cabdiraxmaan Maxamed Cabdilaahi (Cirro) (oo ay wehelinayaan Wasiirka Arrimaha Dibedda, Wasiirka Madaxtooyada, La-taliyaha Siyaasadda Arrimaha Dibedda, Afhayeenka iyo Xoghayaha Madaxweynaha) ayaa maanta Qasriga Madaxtooyada kulan muhiim ah kula yeeshay Wefti ka socda Wasaaradda Arrimaha Dibedda ee dalka Finland.

Weftigaasi waxa hoggaaminayay Ergayga gaarka ah ee dalka Finland uu qaabilsan Arrimaha Nabada iyo Xallinta khilaafaadka Gobolka Geeska Afrika (Mudane Suldaan Saciid Axmed).

Weftiga waxa kale oo ka mid ahaa Agaasimaha Wasaaradda Arrimaha Dibedda dalka Finland u qaabilsan Bariga Afrika iyo dalalka Afrikada Koonfureed (Mr. Jukka Pajerinen).

Hadallo soo dhaweyn ah iyo mahad-naq khuseeya kaalmada ay Finland u fidiso Somaliland xagga horumarka ka dib, Madaxweynaha JSL wuxuu Weftiga Finland u sheegay in Somaliland tahay dal khibrad iyo waayo-aragnimo u leh Xallinta khilaafaadka iyo dhismaha Nabadda muddo ka badan 34 sano, haatana ay Somaliland diyaar u tahay in ay cid kasta kala shaqayso Arrimaha Nabada iyo Xasiloonida Gobolka Geeska Afrika guud ahaan, gaar ahaana Degmada Ceerigaabo iyo bariga Gobolka Sool.
Madaxweynuhu wuxuu Weftiga u sheegay in maalintii xilka loo dhaariyey (12.12.2024) uu ku baaqay Gogol Nabadeed oo aan Shuruud lahayn, welina ay Xukuumadda Somaliland ka go'an tahay in xal waara iyo is-afgarad lagu soo af-jaro shaqaaqooyinka haatan taagan.

Madaxweynuhu wuxuu Weftiga Finland u sheegay in Somaliland tahay dal lagu yaqaano nabad, xasilooni, dimuqraadiyad, sarraynta sharciga iyo dhawrida Xuquuqaha Aadamaha. Sidoo kale, in Xukuumadda Somaliland aanay ahayn mid dadkeeda kula jirta dagaal, balse anaga (Somaliland) lagu soo qaaday duullimaad caadifadaysan taasoo Xukumadiisa yagleelka ah lagu bilaabay dagaal 2 cisho ka dib markii uu xilka la wareegay (14.12.2024 /Ceerigaabo).

Madaxweynaha JSL wuxuu Weftiga Finland u sheegay in Somaliland diyaar u tahay in ay Beesha Caalamka kala shaqayso dhinacyo badan, gaar ahaan Iskaashiga iyo ka wada shaqaynta Amniga iyo xasiloonida Gobolka Geeska Afrika.

Madaxweynuhu wuxuu Weftiga Finland ka codsadey in Finland ka taageerto Somaliland tayaynta iyo dib-u-habaynta adeegyada lagama maarmaanka u ah baahiyaha bulshada JSL, sida adeega Caafimaadka, Waxbarashada Sare iyo Casryeynta Nidaamka Cashuuraha, maadaama dalka Finland uu yahay dalka ugu horreeya Caalamka adeegyadan.

Weftiga uu hoggaaminayay Ergayga Gaarka ah ee dalka Finland uu qaabilsan Arrimaha Nabada iyo Xallinta khilaafaadka Gobolka Geeska Afrika (Mudane Suldaan Saciid Axmed) ayaa iyaguna dhinacooda Jam. Somaliland ku ammaanay doorashooyinkii dayaaqadii 2024-kii ka dhacay Somaliland, dimuqraadiyadda qaan gaadhka ah ee ka hana-qaaday Somaliland iyo sida ilbaxnumada leh ee loola kala wareegay.

Ergayga Nabadda ee Finland waxa kale oo uu Madaxweynaha ku bogaadiyey aasaaska Guddida Nabadda oo M/weynuhu dhawaan magacaabay, isagoo sheegay in arrinkaa dalkiisa aad looga soo dhaweeyey, diyaarna ay u yihiin in Guddida Nabadda la gacan qabto.

Ergaygu wuxuu sheegay in dalkiisu uu diyaar u yahay in uu Somaliland kala shaqeeyo xagga nabadda iyo dhex-dhexaadinta shaqaaqooyinka ka jira Bariga Gobolka Sool iyo Ceerigaabo.

Sidoo kale, Ergayga Nabadda ee Finland wuxuu sheegay in dalkiisu uu diyaar u yahay in ay Somaliland kala shaqeeyaan arrimaha xagga horumarka, dawlad wanaaga, tayeynta adeegyada Caafimaadka, Waxbarashada, adeegyada caddaalada iyo xabsiyada, iwm.

Ugu dambayntii, Wasiirrada Arrimaha Dibedda iyo Madaxtooyada ayaa iyaguna dhinacooda waxay Ergayga gaarka ah ee Nabadda iyo Xallinta khilaafaadka dalka Finland uga mahad naqeen booqashada ay ku yimaadeen Somaliland, waxayna hoosta ka xarriiqeen in ay Somaliland tahay dal la isku hallayn karo dhan kasta oo la eegaba, isla markaana la gaadhay xilligii bulshada caalamku ku baraarugi lahayd wanaaga iyo horumarka ka hirgalay Somaliland.

Wasiirka Madaxtooyadu wuxuu Weftiga Finland ka codsaday in Somaliland laga taageero u-jahaynta da’yarta JSL ee xagga Shaqo abuurka dhallinyarada, gaar ahaan xagga Hal abuurka iyo ciyaaraha oo si gaar ugu wajahan Nabadda, Xasiloonida, Midnimada iyo wax-wada-lahaanshaha ummadda Somaliland.

𝐀𝐋𝐋𝐀𝐀 𝐌𝐀𝐇𝐀𝐃 𝐋𝐄𝐇,
𝐗𝐮𝐬𝐞𝐞𝐧 𝐀𝐚𝐝𝐚𝐧 𝐂𝐢𝐠𝐞 (𝐃𝐞𝐲𝐫),
𝐀𝐟𝐡𝐚𝐲𝐞𝐞𝐧𝐤𝐚 𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝

03/02/2025

Michael Rubin oo ka tirsan machadka American Enterprise, ayaa warbixin kaga hadlay haddii Trump uu booqdo Somaliland kadib socdaalkiisa Saudi Carabiya ay fursad weyn u noqonayso Maraykanka.

Warbixinta Micheal Rubin oo ay soo turjuntay wakaaladda wararka ee SOLNA, ayaa sheegay in Madaxweyne Trump ay u wanaagsan tahay inuu booqdo Somaliland oo uu ku tilmaamay mid si weyn uga dhex muuqata Afrika.

Warbixintu waxa ay xustay in muddo xileedkii h**e ee Madaxweynaha Maraykanka Donald Trump uu ammaanay iskaashiga Taiwan ay la samaysay Somaliland. Tan iyo waqtigaasna xidhiidhka u dhexeeya Somaliland iyo Taiwan wuu sii xoogaysanayay uun ayaanba ayaanta ka dambaysa.

Mr. Rubin ayaa intaas ku daray in sababaha kale ee mudnaanta siinaya Somaliland ay tahay in Somaliland la kulantay burbur laxaadleh oo ay gaadhsiisay dawladdii macangaga ahayd ee Siyaad Barre sideetameeyadii. Xagga beesha caalamku ay ballaayiin dollar siinaysay Somalia, waxase uu ku dooday in dawladihii u kala dambeeyay Soomaaliya ay u janjeedhsadeen dhinaca shiinaha.

Mr. Rubin ayaa sheegay taas beddelkeeda in aanay Simaliland caalamka ka helin wax taageero dhaqaale ah, isla markaana aan la aqoonsan weli.

Mr. Rubin wuxuu iftiimiyay waxa ay horumarka ku gaadhay Somaliland aanay ahayn maaha deeqo dibadeed, haseyeeshee dadkeedu yihiin qaar hal abuur leh oo soo dhaweynaya ganacsiga xorta ah. Waxa kaloo uu tilmaamay inay Somaliland ku faanayso dekedda Berbera oo Baanka adduunku ku tilmaamay ta ugu horraysa dalalka saxaraha ka hooseeya ee Afrika.

Micheal Rubin wuxuu sheegay in Somaliland keligeed ay ka hortagtay in argagixisadu gabood ka dhigtaan, iyadoon haddana aanay xidhiidh adag la samaynin dalalka dagaalka kula jira argagixisadu.

"Qurbojoogta Somaliland ee Maraykanka ee sida aadka ah u jooga Columbus, Washington, Atlanta waxay waxtar weyn ay geliyaan dhaqaalaha Maraykanka. Waxaana muwaadiniintaasi ka yimi Somaliland ay boosas muhiim ah ka hayaan shirkadaha Starbucks, dhinaca tacliinta iyo caafimaadka," ayuu yidhi Mr. Rubin.

Waxa kaloo Mr. Rubin carabka ku dhuftay in Somaliland ay tahay dalka kaliya ee Africa ugu sareeya ee leh isku filnaanshiiyo amni iyo isla xisaabtanka uu had iyo jeer uu ku khudbadeeyo Donald Trump.

Micheal Rubin wuxuu ku dooday in Madaxweyne Trump oo booqda Somaliland ay ku qaadanayso 90 daqiiqo marka uu ka soo duulo magaalada Riyaad ee dalka Sucuudiga ilaa Berbera. Waxaanu caddeeyay inay safarkaasi noqonayo mid jBinaya darbi weyn, maadaama oo sida uu tiomaamay muddo dheer wasaaradda Arrimaha dibaddu masaalixda Maraykanka ay ka horreysiin jirtay Soomaaliya.

03/02/2025

Agaasimaha Guud ee Wasaaradda Diinta iyo Awqaafta JSL Md Cabdalle Maxamed Yuusuf ayaa Maanta Kormeer ku Sameeyay Shaqaale waynaha Xarunta Dhexe ee Wasaaradda .
Agaasimaha Guud ee Wasaaradda Diinta iyo Awqaafta Md Cabdalle Maxamed Yuusuf ayaa maanta kormeer ku sameeyay Shaqaale-waynaha Xarunta dhexe ee Wasaarada ,waxana Agaasimuhu intii uu ku gudo jirey Kormeerkiisa uu mid mid u Waraystay Shaqaale-weynaha Wasaaradda.
Dhinaca kale Agaasimaha Guud waxa uu kulan la qaatay Saraakiisha ilaalada Wasaaradda,waxaanay iska xog waraystay arrimo ku Saabsan arrimohooda Shaqo.
Alla Mahad Leh.

03/02/2025

| wararka Caawa ee Radio Hargeysa

03/02/2025

| wararka duhurnimo ee Radio Hargeysa

03/02/2025

Booliska, dawladda hoose, ciidanka dhammaantood way noo soo gurmadeen Taliyaha ciidanka dabdamiska.

03/02/2025

"Haddii aan dawladda hoose ee shacabku is kaashan lahayn qasaaruhu intaa wuu ka badan lahaa" Maayer ku xigeenka Hargeysa.

03/02/2025

"Waxa shaqo weyn qabtay oo naf hur ah dadweynaha" Badhasaabka gobolka Maroodijeex.

03/02/2025

Wasaaradda ganacsiga iyo dalxiiska JSL ayaa daah-furtay madax-taabashada Shaqaalaha wasaaradaasi

03/02/2025

Madaxweynihii h**e ee Jamhuuriyadda Somaliland, Mudane Muuse Biixi Cabdi ayaa dhambaal murugo ah u diray dhammaan dadka iyo ganacsatada hantidoodii ku waayey ama waxyeelladu ka soo gaadhay dabkii ka kacay xalay Suuqa Idaacadda ee magaalada Hargeysa.
Madaxweynihii 5-aad ee JSL Mudane Muuse Biixi Cabdi oo ku sugan dalka Isu taga Imaaraatka Carabta ayaa Alle uga baryey ganacsatadii suuqa gubtay inuu siiyo cawil celin khayr qabta, shacabweynaha iyo Dawladda Jamhuuriyadda Somaliland-na waxa uu ka codsanayaa inay garab ku siiyaan ganacsatadaa dhibtaadu soo gaadhay sidii ay mar kale lugohooda ugu istaagi lahaayeen, cawil celinna uga heli lahaayeen hantidoodii waxyeelladu soo gaadhay.
Dabayaaqadii bishii March, 2022 ayaa sidan oo kale dab ka kacay suuqii weynaa ee Waaheen ee magaalada Hargeysa waxa uu dhibaato laxaad leh ay ka soo gadhay ganacsatadii suuqaasi kuwaasi oo ku waayay hanti badan.
Sidaasi si la mid ah ayaa dab ka kacay suuqa ganacsiga ee magaalada Tog Wajaale waxa ku xoolo waayay ganacsato badan oo hantidoodu ku gubatay suuqaasi mudo haatan laga joogo sanad.

03/02/2025

Madaxweynaha JSL oo ka hadlay Dabkii ka kacay Suuqa Idaacada ee Magaalada Hargeysa.

03/02/2025

"Cid kasta oo ka gacan ka geysatay hawsha dabka suuqa idaacadda waan u mahad naqayaa" Wasiirka Warfaafinta.

03/02/2025

"Waxaan u mahad naqayaa shacab weynaha oo ciidanka gacan weyn ka siiyay xakamaynta dabka" Wasiirka Arrimaha gudaha.

Address

Idaacada
Hargeysa

Telephone

+2522523094

Website

https://radiohargeisa.net/

Alerts

Be the first to know and let us send you an email when Radio Hargaysa posts news and promotions. Your email address will not be used for any other purpose, and you can unsubscribe at any time.

Videos

Waxa naga go'an ka Wasaarad ahaan ka dhabaynta ballan qaadyadii Xisbiga Waddani galay xilligii ololaha. Wasiirka Tamarta iyo Macdanta JSL

Wefti uu hogaaminayo Wasiir kuxigeenka wasaaradda Ganacsiga JSL ayaa soo gaadhay xarunta gobalka GABILAY. waxayna kulan la yesheen badhasaabka gobalkaasi.

#Toos warka duhurnimo ee idaacada Radio Hargaysa

"Berbera waxa dhawaan laga fulin doonaa mashruuc hoos u dhigaya korontada, maadaama madaxweynuhu u ballan qaaday koronto jaban xilligii ololaha" 𝐖𝐚𝐬𝐢𝐢𝐫𝐤𝐚 𝐓𝐚𝐦𝐚𝐫𝐭𝐚 𝐢𝐲𝐨 𝐌𝐚𝐜𝐝𝐚𝐧𝐭𝐚 𝐉𝐒𝐋 𝐄𝐧𝐠 𝐀𝐱𝐦𝐞𝐝 𝐉𝐚𝐚𝐦𝐚𝐜 𝐁𝐚𝐫𝐫𝐞.