Barnaamijka Deegaanka: Saamaynta dhul-gariirkii Itoobiya | Marti Dr-ibraahin Dhuxul
Xaalka magaalada gubanaysa ee Los Angeles!
Bilicda Dooxa Dhabar-yare iyo muqaalkiisa cajiibka ah.
Shirarka isbadelka cimiladda iyo doorka dhalinyarada Somaliland
Maxaad ka taqaanaa laba geed oo midi sun yahay, midka kalena daawo ka yahay suntiisa ?
Wiil labiyo toban jiray hadduu, lali ahaan waayo,
Looyaanka dirireer hadduu, luuf Ka kicin waayo,
Marti leyl dhexe timid hadduu luunka ka rogi waayo,
Ragannimo luddiis kuma jirtee, leexaye ogaada.
>>> DIGNIIN <<<
Buurta Dofen ee deegaanka Canfarta ee dalka Itoobiya waxa shalay ka dhacay qarax Fulkaane. Qiiq, ciid iyo dhagxaan burbursan iyo neefo kulul oo kor isula kacay ayuu ku bilaabmay, maanta se, waxa dhuumihii iyo dillaacyadii furnaa ka soo butaacay dab iyo dhagxaan dhalaashan oo shubmaysa. Dhacdadani kuma cusba dhulkan, sababta oo ah deegaankani waxa uu raacsan yahay aagga Dillaac-dooxeedka weyn ee bariga Afrika (East African Rift Valley). Dillaacani waa mid mustaqbalka fog qaaradda Afrika u kala qaybin doona laba saxan oo kala ah saxanka Nuba (Nubian plate) iyo Saxanka Soomaalida (Somalian Plate), taas oo macnaheedu yahay in waddamada geeska Afrika iyo Afrika inteeda kale u kala hadaafi doonaan Bari iyo Galbeed islamarkaana ay kala qaybin doonto bad ku soo faruurmi doonta dillaaca Afrika.
Gobolka canfarta waxa kale oo ku yaalla isgoyska saddex geesoodka ah ee Canfarta (Afar triple junction) oo isna ah halka ay isugu yimaaddaan farraaraha dillaaca weyn ee Afrika. Aagga noocan ahi waa aag firfircoon xagga dhaqdhaqaaqa dhuleed iyo hababka Jiyoolajiyeed (tectonically active zone) waxana goor kasta iyo goob kasta oo aaggan raacsan ka dhici kara qarax Fulkaane, dhulgariir iyo dhulgo’yo waawayn.
Silsiladda Golis ee waddankeenna oo kala qaybisa dhulxeebeedka iyo oogooyinka sare waxa ay ku xidhiidhsan tahay buuralayda Itoobiya ilaa suunka Muusanbiig (Mozambique belt), sidaas darteed dhaqdhaqaaqyada dhuleed ee ka dhaca dillaaca Afrika ama isgoyska Canfartu waxa uu si toos ah u saameyn karaa ama u saameeyaaba gobollada galbeed ee Somaliland sida Awdal iyo Maroodijeex. Dhulgariirro badan oo hore uga dhacay magaalooyinka Boorama, Wajaale, Gebilay iyo Hargeysa waxa ay ku xidhiidhsan yihiin dhacdooyinka aaggaas.
Sidaas darteed, waxa waajib qofeed iyo mid qaranba ah in la sameeyo wacyigalin xooggan oo ku wajahan bulshada si guud, gaar ahaan, bulshada ku nool gobollada galbeedka. Waxa aan si gaar ah uga digayaa dhulgariir goor kasta ku dhufan kara gobolladaas.
Iyadoo dhimbiishii suddiyo iyo dhilatay maygaagga
· Iyadoo dhammaan wada rintoo dhaaddan oo quruxsan
· Oo farowga oofaha ku dhigay dhinacu goobaystay
· Iyadoo dhawaysoo candhiyo dhays la socon wayday
· Ayay jeelka ka ma dhawrsatee dhanaha xiistaaye
· Dhabbaduu ku soo ururiyaa dhoobbigii jiraye
· Markay dhawr habeen soo dhaxday Dhamal timaaddaaye
· Dharaar bay carrada joogsataa dhegadka ruugtaaye
· Habeenkaa wax la ga dhiijiyaa dhay habeed badane
· Ragga laxaha sii dhawrayow dhaqasho waa geele
Cumar Xuseen Gorse (Cumar Ustareeliya) oo ahaa
Gabayaaga Soomaalida ragii ugu farshaxansanaa ayaan tuducyadan yar idiinka garoocey.
Mustafe Dheereeye
Faa'idooyinka cajiibka ah ee geedka madaah ama daabaan?
Wasiir Shugri: Halgamaa iyo hooyo deegaan.
