01/12/2024
Maayir mooge waxa lagu haystaa 5-arrimood oo markii uu bulshada reer Hargaysa codkooda waydiisanayay kula balamay.
1: Maayir Mooge waxa uu bulshada reer Hargaysa kula balamay, in midnimada iyo wadajirka shacabka reer Hargaysa uu yahay yoolkiisa iyo aragtidiisa koobaad ee uu xambaarsan yahay, wax kastoo taa lid ku ahna, aanuu shuqul iyo shaqo midna ku darsan doonin.
2: Maayir Mooge waxa uu bulshada reer Hargeisa kula balamay, in uu u cadaalad-samayn doono dagmooyinka iyo xaafadaha kala duwan ee magaalada Hargaysa, hadday tahay xil, iyo hadday horumar tahayba.
3:Maayir Mooge waxa uu bulshada reer Hargasa kula balamay, in cashuurta yar ee laga qaado uu u ilaalin doono, haddii ay xisaab celin u baahdaana, uu mar walba diyaar u ahaan doono.
4: Maayir Mooge waxa uu bulshada reer Hargaysa kula balamay, in aanuu ku milmi-doonin loolanada siyaasadeed ee u dhexeeya xisbiyada s/land, haddii ay taasi dhacdana, uu xilka maayirnimo ee magaalada Hargaysa iska wareejin doono.
5: Maayir Mooge waxa uu bulshada reer Hargaysa kula balamay, inuu ahaan doono maayir u dhaga-nugul tabashadooda, mar kasta oo ay u baahdaanna uu diyaar u ahaan doono.
Hadaba shantaa arrimood ee maayir Mooge kula balamay maalintii uu codkooda doonayay bulshada reer Hargaysa, maanta waa lays-waynayaa halka ay ku denbeeyeen.
