https://www.facebook.com/247606599064976/

18may News

Home
Somalia
Hargeisa
18may News

Wanu ku farxsanahay inaad soo booqatay bogan si aad uga mid noqto asxaabta ku xidhan bogan followdheh

04/01/2024

"Kaligay Guusha ma gaadhine waxan jabiyay dayr ku hor gudbanaa hablaha Warbaahinta".
Xoghayaha cusub ee Ururka Saxafiyiinta Somaliland Muna Ibraahim Dhakhtar.

04/01/2024

Xaflada Daahfurka Buuga GAARAABIDHAAN.

Habeenimada Sabtidu soo galayso waxa lasoo bandhgi doona Buuga oo xanbaarsan Fankii iyo Falsafadii Abwaan Xasan Shiikh Muumin, buugani abwaanka laga qoray waxa qalinka uqaatay Aqoonyahan Maxamed Saleebaan Cumar.
Goobtu waa Hotelka Maansoor ee magalaada Hargeysa waqtiguna waa habeen danbe markay goorsheegta Geeska Africa tahay 7:00pm.

Fiiro gaara :- Kaadhadhka waxaad ka heli kartaa Xarumaha Shirkadaha iyo

04/01/2024

Hadii Jaahilnimo Jirto Waa Faarax Macalin Inta iyo Inta La Aragtida ah .

Cuqdada ,naxliga iyo nacaybka aad ummad u qaado ma garan karo Jaahilnmo ka wayn ,waxa muuqata in aan inaba la gaadhin heshiiskii officialka ahaa oo ay ahayd in aynu qiimayno intee faa’ido ku jirta ,intee ayuu xaqiiijinaya Himiladii ummadi ku taamaysay muddada qarniga ku dhow ilaa 1961 bulshadana lagu qaaday Colaad ku dhisan Cuqdad .

Ma waxa Somali Danteeda iyo Wanaageeda ka hadli kara ninka ina Yidhi wiilka Oog iyo Gumays Jooga kala soocda Xoolaha oo wax nolol ahna ha waadigina ee waxa aad nolol wadaagtaan inanka Kismaayo iyo Mudug Jooga ,waana dhaqan Garaadka ummada lagu Caayayo ,waata Somalida ina leh Dhul Somaliyeed baan Ilaalinayna .

Ma waxa Somali ku sheeganaya oo leh Dan Somali baan ilaalinaya Ninka 30 Minute ku bixiyey Afar dekedood Allahayow Ceeb Astur ,Ma waxa Somali lexe Jeclo dhuleed iyo mid badeed ka qaba ka kiiniya habeen madaw u sexeexay Bad Somali leedahay ee lacag yarna qaatay .

Waxa muuqata Duulaan ku dhisan Xaasidnimo ,aragti xumo iyo isir nacayb la inagu soo qaaday Maxaa Yeelay ,hadii ay Jirto heshiiskii oo la inoo furey oo soo gaadhay golayaashi qaranka oo aynu aragnay qaybihiisa iyo nuxurkiisa dhib ilama aha ceebina kuma jirto dhacdooyinkaas in la falanqeeyo ,lakiin waxa muuqata abaabul lagaga hortagayo wax kasta ummada Somaliland dan u ah oo Jiritaankeeni ayaa dulaan cad lagu yahay .

Kiro la kireeyay iyo Goob la kireeyay cidi ma diidana ee inaad adigu dhulkaaga kirayso weeye u jeedka sawaxanka iyo ala-laska baxaya ,waxana la raba sidii farmaajo afarta dekedood u bixiyey in xasan shiikhna u bixiyo .

Aynu is imaansano oo aynu ka hadalo waxyaalaha Muhiimka iyo khasaaraha ku jira Heshiiska Taarikhiga ah ,lakiin yaynaan eegin qofka wada ,Mucaaridnimadu waa in noqotaa anigoo Xukuumada ku mucaarid ahwaxaanu isku haynaa Hiogaaminta ummada anaa kaaga haboon iyo hebel baa kaaga haboon iyo sidoo kale hab maamulka Dawliga ah ee dalka ka dhex socda,lakiin qaranimada Somaliland in lagu kala aragti duwanaado sax uma arko .

Wixii Qaranimada Somaliland wax usoo Kordhinaya Marnaba Faarax Macalin iyo Ciidankiisa anigu Isku Aragti ka noqon mayno .

Alla Mahad leh.

Qalinkii Xildhibaan Garyaqaan Mustafe Khayreeye Gudoomiyaha gudida dabagalka iyo Ilaalinta Hantida Qaranka ee Golaha Wakiilada JSL

04/01/2024

"Somaliland inay Aqoonsi caalamiya hesho sifa kasta ha ku heshee iyo inay ogolaato dib ugu noqoshada Xamar wixii u dhaxeeyaa waa Wakhti lumis iyo Doqoniino.
Guushu ku dhac iyo Go,aan qaadashay u baahan tahay ee uma baahna Fulaynimo".

04/01/2024

“Dhulka Somaliland lama Iibinkaro, madaxweyne na ma iibin karo, warkaasina waa warkii Cadowga, awooddaasna aniga iyo madaxweynaha soo socdaana toona malihin, mana dhici kartaba. Madaxweynaha Jamhuuriyadda Somaliland, Mudane Muuse Biixi Cabdi

04/01/2024

Madaxweynaha Somaliland Muuse Biixi Cabdi

03/01/2024

Caawa Iyo Fagaaraha Khayriyadda Gabiley.

03/01/2024

Wariye feedhay qofkii uu waraysanayay.
Malmalkii Somaliland shiday xitaa kuwii mikirifoonada sitay bay saamaysay

03/01/2024

Masar miyaanay ahayn tii qadiyada Falastiin ku bedelatey in gobolka siinay looga baxo Suudaana iyadu warba ma leh maxay anigi ii sheegi karaan?
Xildhibaan Jaamac Caanaboodhe

03/01/2024

Madaxweynaha Jamhuuriyadda Somaliland, Mudane Muuse Biixi Cabdi oo booqday qaar ka mida bukaanada kala duwan ee arrimaha caafimaadka u jiifa cusbitaalada dalka Ethiopia oo ay ku jiraan qaar ka mid yihiin Ciidamada kala duwan ee dalka Jamhuuriyadda Somaliland.

03/01/2024

Go’aammo Dhaxalgal Ah Oo Kasoo Baxay Shir Aan Caadi Ahayn Oo Ay Yeesheen Golaha Wasiirrada Jamhuuriyadda Somaliland.

Fadhi aan caadi ahayn oo Golaha Wasiirrada Jamhuuriyadda Somaliland ay yeesheen maanta oo ay taariikhdu tahay 03/01/2024 oo uu Shir-guddoominayey ku simaha Madaxweynaha Qaranka, ahna Madaxweyne ku xigeenka Jamhuuriyadda Somaliland, Mudane Cabdiraxmaan Cabdilaahi Ismaaciil (Saylici).
Go’aanka Golaha Wasiirrada Jamhuuriyadda Somaliland oo u dhigan sidan:-

Markuu Arkay: Dastuurka Jamhuuriyadda Somaliland Qodobkiisa 1aad Farqadiisa 1aad oo u dhigan Dalkii Maxmiyadda ahaa ee 26-kii June 1960-kii gobannimadiisa ka qaatay Boqortooyadii Midowday ee Ingiriiska, Waqooyiga Ayrland (United Kingdom of Great Britain and Northern Ireland), lana odhan jiray Maxmiyadda Somaliland, kuna biiray Soomaaliya 1-dii July 1960-kii si ay u wada curiyaan Jamhuuriyadda Soomaaliya (Somali Republic), kulana soo noqday gooni-isu-taagiisa Go’aankii shirkii beelaha Somaliland ee Burco 27-kii April ilaa 15 May 1991-kii, waxa uu halkan ku noqday sida waafaqsan Dastuurka, dal madax-bannaan oo leh xaqa iyo karaamada Qarannimadiisa, kuna magacaaban “Jamhuuriyadda Somaliland”.

Markuu Arkay: Qodobka 12aad ee Dastuurka Jamhuuriyadda Somaliland, farqadiisa 3aad, kaasi oo dhigaya in Xukuumaddu ay awood u leedahay in ay gacanta ku hayso hanti-guurto ama ma-guurto ah, in ay iibsato, iibiso, kiraysato, kirayso, ku bedelato qiimo u dhigma ama ku samayso hantidaas tasaruf kasta oo sharciga waafaqsan.

Markuu Arkay: Faa’iidooyinka ugu jira Jamhuuriyadda Somaliland ee ay ka mid yihiin aqoonsi caalami ah oo aynu helno kaas oo aynu raadinaynay muddo 32 sanno ah, faa’iidooyin dhaqaale, ganacsi iyo amni.

Go’aan Golle wasiir;

1. Golaha Wasiirrada Jamhuuriyadda Somaliland waxa uu si buuxda u taageersan yahay, una soo dhaweynayaa Heshiiska Is-afgarad (Memorandum of Understanding) ee 01/01/2024 ku dhex maray Dalka Ethiopia gaar ahaan magaaladda Addis Ababa Madaxweynaha Jamhuuriyadda Somaliland, Mudane Muuse Biixi Cabdi iyo Ra’iisal Wasaaraha Dawladda Ethiopia Dr. Abiy Ahmed Ali, heshiiskaasi oo ah guul taariikhi ah oo u soo hooyatay labada Dal.

2. Golaha Wasiirrada JSL wuxu u mahad-celinayaa Dawladda Federal-ka Ethiopia oo noqonaysa dalkii u h**eeyey ee aqoonsada Jamhuuriyadda Somaliland, shacabka JSL.

3. Golaha Wasiirrada Jamhuuriyadda Somaliland waxa uu bulshada caalamka u cadaynayaa in jamhuuriyadda Somaliland ay tahay dal madax-bannaan, sidoo kale ay maamusho dhulkeeda, baddeeda iyo Cirkaba, heshiisyana ula geli karto cidkasta oo ay u aragto danta qaranka, si waafaqsan dastuurka Jamhuuriyadda Somaliland, Qodobka 12aad ee Dastuurka Jamhuuriyadda Somaliland, farqadiisa 3aad iyo Shuruucda Caalamiga ah.

4. Golaha Wasiirrada Jamhuuriyadda Somaliland waxa uu si cad u cambaaraynayaa hadallada iyo dhawaaqyada ka soo baxaya Dawladda Soomaaliya, kuwaasi oo ku saabsan heshiiska Is-afqarad ee dhex maray Jamhuuriyadda Somaliland iyo Dawladda Federal-ka Ethiopia, waxaanu goluhu si adag ugu sheegayaa Dawladda Soomaaliya in ay ka waantowdo, ficiladdaas oo aanu u aragno inay waxyeelo ku tahay nabad-gelyada geeska Afrika.

5. Golaha Wasiirrada Jamhuuriyadda Somaliland waxay bulshada caalamka u cadaynayaan in dhawaaqyada ka imanaya Soomaaliya uu ka soo hor jeedo dhammaan heshiisyadii ay h**e u gaadheen Jamhuuriyadda Somaliland iyo Dawladda Soomaaliya ee la xidhiidhay Wada-hadaladii kala ahaa: Ankara April 2012, London June 2012, Ankara April 2013, Istanbul July 2013, Istanbul January 2014, Jabuuti December 2014, Istanbul March 2015, Ankara April 2016, Jabuuti June 2020 iyo Jabuuti December 2023. Kuwaas oo dhammaantood dhigayey in aan la carqaladayn heshiisyada, maalgashiga, horumarka dhaqaale iyo deeqaha caalamiga ah.

6. Golaha Wasiirrada Jamhuuriyadda Somaliland waxa digniin adag u dirayaa cid kasta oo isku-dayda in ay carqaladaynayso ama ka hortimaada Heshiiska Is-afgarad dhex-maray dawladaha Jamhuuriyadda Somaliland iyo Jamhuuriyadda Federal-ka Ethiopia 01/01/2024, cidii isku dayda inay heshiiskaa carqaladayso waxa aanu ka qaadi doonaa talaabooyin ku haboon.

7. Golaha Wasiirrada Jamhuuriyadda Somaliland waxa uu dawladaha caalamka ugu baaqayaa in ay ku dhiirradaan oo ay Aqoonsadaan Jamhuuriyadda Somaliland, si la mid ah sida ay yeeshay Jamhuuriyadda Federal-ka Ethiopia, aqoonsigaas caalamiga ah ee ay Somaliland ka heshayna waxa uu golaha wasiirradu u arkaa inay guud ahaan Afrika iyo geeska Afrika ba ay ugu jirto dan weyn mid istaraatiijiyadeed iyo mid nabadgelyoba.

8. Golaha Wasiirrada Jamhuuriyadda Somaliland waxa uu ugu dambayntii shacbi-weynaha Jamhuuriyadda Somaliland ku bogaadinayaa sida ay u soo dhaweeyeen Heshiiska Is-afgarad ee ay kala saxeexdeen Madaxweynaha Jamhuuriyadda Somaliland iyo Ra’iisal Wasaaraha Ethiopia, waxaanu goluhu ugu baaqayaa in shacabku dhan uga soo wada-jeestaan cid kasta oo wax u dhimaysa horumarka Jamhuuriyadda Somaliland, kana feejignaadaan hadallada ka soo yeedhaya dawladda Soomaaliya iyo cid kasta oo cadow ku ah Jamhuuriyadda Somaliland.

03/01/2024

Madaxweynaha Jamhuuriyadda Somaliland iyo weftigii uu hoggaamimayey oo ku guda jira Safarkii shaqo ee Dalka Ethiopia ayaa soo gaadhay Magaaladda Jig-jiga ee Dawlad Deegaanka Soomaalida.

Waxaana Madaxweynaha Qaranka Somaliland, Mudane Muuse Biixi Cabdi Madaarka diyaaradaha ee Garaad Wilwaal ku soo dhaweeyey weftiga Madaxweynaha Jamhuuriyadda Somaliland, Madaxweynaha Dawlad Deegaanka Soomaalida,Mudane Mustafe Muxumed Cumar oo ay wehelinayaan Madaxweyne ku xigeenkiisa iyo madaxda kala duwan ee dawlad deegaanka.

03/01/2024

Madaxweynaha Jamhuuriyadda Somaliland, mudane Muuse Biixi Cabdi iyo wafdi uu hoggaaminayo ayaa kasoo dagay Garoonka Diyaaradaha ee Garaad Wiil-waal ee magaalada Jigjiga. Madaxweynaha DDS, mudane Mustafe Muxummed Cumar iyo masuuliyiin heer deegaan ah ayaa wafdiga qaabilay.

Masuuliyiinta labada dhinac ayaa kawada hadli doona iskaashiga dhanka ganacsiga iyo amniga xudduuda ee Deegaanka iyo Somaliland.

03/01/2024

Hadal waqtigiisi kusoo aaday.
Fiiro Gaara muuqaalku waa mid h**e,balse muhiimadu waa nuxurka hadalka.

03/01/2024

"Somaliya go'aankayaga waxba k**a bedeli karto" Shacabka Hargeysa oo xalay isugu soo baxay Khayriyada wayn ee Caasimada.

02/01/2024

Degdeg : Dawladda Ethiopia ayaa xaqiijisay in heshiiska Somaliland iyo Ethiopia ay ku jirto qodobka Aqoonsiga Somaliland.

Wasaaradda Arrimaha dibadda Ethiopia ayaa shaacisay warkan sida BBC-da qaybteeda Amxaarigu daabacday.

02/01/2024

Shacabka Magaalada Hargeysa oo caawa soo bandhigay Dhoolatusyo waawayn.

02/01/2024

Caawa iyo Dabaaldagyada kasocda Caasimada Somaliland ee Hargeysa

02/01/2024

Madaxweynaha Jamhuuriyadda Somaliland iyo Weftigii uu hoggaaminayey oo Kormeerku Tegay Safaaradda Somaliland Ku Leedahay Dalka Ethiopia.

Addis-Ababa-02-01-2024-()-Madaxweynaha Jamhuuriyadda Somaliland, Mudane Muuse Biixi Cabdi iyo xubno ka mida Weftigii uu hoggaaminayey oo weli ku guda jira safarkoodu dalka Ethiopia ayaa galabta booqasho ku tegay Safaaradda Jamhuuriyadda Somaliland ku leedahay Dalka Ethiopia.

Madaxweynaha Qaranka iyo xubnaha weftigiisa waxa halkaa ku soo dhaweeyey Amb. Cumar Cabdilaahi Badde iyo Safiir ku xigeenkiisa Amb. Barkhad Maxamed Kaariye oo hormuud u ahaa hawl-wadeenada iyo diblumaasiyiinta ka hawl-gala Safaaradda.

02/01/2024

"Somaliya waxba k**a bedeli karto heshiishka ay wada gaadheen Somaliland iyo Ethopia, xitaa haday tagaan Maxk**ada Aduunka".EX Wasiir Hussein Deyr.

31/12/2023

Agaasimaha guud Ee Waasardda Qorshaynta Qaranka JSL Mustafe Cumar Xasan Oo gobolka Awdal U Tagay Hawlo Shaqo.

Agaasimaha ayaa soo kormeeray xafiiska wasaaradda qorshaynta ee gobolka Awdal isagoo halkaa kulan kula qaatay xafiiska shaqaalaha kala duwan ee ka hawl gala xafiiska gobolka.

Ugu horayn waxa warbixin kooban ka siiyay hawlaha iyo shaqada xafiiska ka socda iskuduwaha gobolka mud Abdilahi ciid, sidoo kale soo bandhigay wixii u qabsoomay xafiiska sannadkan sii dhamanaya.

Intaa ka dib agaasimaha guud ee wasaaradda mudane Mustafe Cumar Xasan ayaa bogaadiyay shaqada xafiiska ka socota sidoo kalana balanqaaday in uu gacan ka siin doono horumarka xafiiska gobolka wixii caqabado ahna ka shaqayn doono xalintooda.

31/12/2023

Madaxweynaha Jamhuuriyadda Somaliland Iyo Weftigii uu Hoggaaminayey Oo Si Heer Sare Ah Loogu Soo dhaweeyey Dalka Ethiopia.
Addis-Ababa-31-12-2023-()-Madaxweynaha Jamhuuriyadda Somaliland, Mudane Muuse Biixi Cabdi iyo weftigii uu hoggaaminayey oo gaadhay dalka Itoobiya oo ay maanta uga bilaabantay booqasho rasmi ah oo uu ka helay Ra’iisal Wasaare Abiy Ahmed Ali.
Madaxweynaha Jamhuuriyadda Somaliland, waxa madaarka Caalamiga ah ee Bole International Airport ku sugayey kuna soo dhaweeyey Ra’iisul Wasaare ku xigeenka ahna Wasiirka Arrimaha Dibadda ee dalka Ethiopia Mudane Demeke Mekonnen, iyo masuuliyiin kala duwan oo ka tirsan Dawladda Itoobiya.

Soo dhawaynta Madaxweynaha oo Habmaamuuskeedu ahaa mid aad u sareeya ayaa qadar nasasho ah ka dib loo galbiyey qasriga madaxtooyada oo madaxweynaha la dejiyey looguna sameeyey hadhimo sharafeed.

Waxaana Madaxweynaha safarka ku wehelinaya Wasiirrada Wasaaradaha Waxbarashada iyo Sayniska, Dr. Axmed Aadan Axmed (Buuxane), Qorshaynta iyo Horunarinta Qaranka, mudane Axmed Maxamed Diiriye (Toorno), Horumarinta Maaliyadda, Dr. Sacad Cali Shire, ku-xigeenka Ganacsiga iyo Dalxiiska, Mudane Muuse Ibraahim Selef, halka wasiirka arrimaha dibadda iyo xidhiidhka caalamiga ah, Dr. Ciise Keyd Maxamuud uu dalka Itoobiya kaga sii h**eeyo weftiga iyo Safiirka Somaliland u fadhiya Dalka Itoobiya, Amb Cumar Cabdilaahi Badde iyo Safiirku xigeenkIISa Amb. Barkhad Maxamed Kaariye.

ALLAA MAHAD LEH

Naasir Yuusuf Daahir
Agaasimaha Warbaahinta Madaxtooyada JSL.

31/12/2023

Madaxweynaha Jamhuuriyadda Somaliland iyo Weftigii uu Hoggaaminayey oo si heer sare ah loogu soo dhaweeyey Dalka Ethiopia.

Addis-Ababa-31-12-2023-()-Madaxweynaha Jamhuuriyadda Somaliland, Mudane Muuse Biixi Cabdi iyo weftigii uu hoggaaminayey oo gaadhay dalka Itoobiya oo ay maanta uga bilaabantay booqasho rasmi ah oo uu ka helay Ra’iisal Wasaare Abiy Ahmed Ali.

Madaxweynaha Jamhuuriyadda Somaliland, waxa madaarka Caalamiga ah ee Bole International Airport ku sugayey kuna soo dhaweeyey Ra’iisul Wasaare ku xigeenka ahna Wasiirka Arrimaha Dibadda ee dalka Ethiopia Mudane Demeke Mekonnen, iyo masuuliyiin kala duwan oo ka tirsan Dawladda Itoobiya.

Soo dhawaynta Madaxweynaha oo Habmaamuuskeedu ahaa mid aad u sareeya ayaa qadar nasasho ah ka dib loo galbiyey qasriga madaxtooyada oo madaxweynaha la dejiyey looguna sameeyey hadhimo sharafeed.

Waxaana Madaxweynaha safarka ku wehelinaya Wasiirrada Wasaaradaha Waxbarashada iyo Sayniska, Dr. Axmed Aadan Axmed (Buuxane), Qorshaynta iyo Horunarinta Qaranka, mudane Axmed Maxamed Diiriye (Toorno), Horumarinta Maaliyadda, Dr. Sacad Cali Shire, ku-xigeenka Ganacsiga iyo Dalxiiska, Mudane Muuse Ibraahim Selef, halka wasiirka arrimaha dibadda iyo xidhiidhka caalamiga ah, Dr. Ciise Keyd Maxamuud uu dalka Itoobiya kaga sii h**eeyo weftiga iyo Safiirka Somaliland u fadhiya Dalka Itoobiya, Amb Cumar Cabdilaahi Badde iyo Safiirku xigeenkIISa Amb. Barkhad Maxamed Kaariye.
ALLAA MAHAD LEH

31/12/2023

Hargeysa-31-12-2023-()-Madaxweynaha Jamhuuriyadda Somaliland, mudane Muuse Biixi Cabdi iyo wefti uu hoggaaminayo, ayaa safar shaqo ugu ambo baxay dalka Ethiopia.

Madaxweynaha iyo xubnaha weftiga ah oo marti-qaad rasmi ah ka helay Ra'iisal wasaaraha Dalka Ethiopia mudane Abiy Ahmed Ali, ayaa madaarka caalamiga ah ee Cigaal International Airport ka raacay diyaarad gaara oo uu Ra'iisal wasaaruhu u soo diray weftiga Madaxweynaha Qaranka Somaliland, waxaanu safarkoodu qaadan doonaa maalmo kooban.

Madaxweynaha waxa safarka ku wehelinaya wasiirrada wasaaradaha Qorshaynta iyo Horunarinta Qaranka, mudane Axmed Maxamed Diiriye (Toorno), horumarinta Maaliyadda Dr. Sacad Cali Shire, ku-xigeenka Ganacsiga, wershadaha iyo Dalxiiska, Mudane Muuse Ibraahim Selef, halka wasiirka arrimaha dibadda iyo xidhiidhka caalamiga ah, Dr. Ciise Keyd Maxamuud uu dalka Ethiopia kaga sii h**eeyo weftiga.

Naasir Yuusuf Daahir
Agaasimaha Warbaahinta Madaxtooyada JSL.

30/12/2023

"Waxa Cadaatay In Hayb Ahaan Wax La Isku Siiyey, Marka Qabiilo ahaan la isugu Dooday ama Xaq loogu Raadsaday Ururkii Solja ee Xirfadleyaasha ahaa, qof walba qofkiisaa u Dooday, xataa lama eegin war yaa Inala jooga, Sharcigii Solja waa la laabay laakiin mid qabiil ayaa shaqaynaya mar dambana Ilaahay iguma oga in uu hungiri iga galo, wan ka xumahay Siday wax u dheceen".
Saxafi Khadar Macalim Deeq✍️

30/12/2023

Musharaxiin utartamayay hogaanka ururka Solja oo gashaanka udaruuray Liis maanta ka soo baxay xarunta Solja iyo gobolada Sanaag iyo Awdal oo gabi ahaanba laga reebay liiska musharixinta tartamaysa.

30/12/2023

Waxa Qoray Safiirka Somaliland Ee Midowga Yurub Amb Kaysar Maxamed:-

Laba Qaran oo siman.

Waan Hanbalyaynayaa Dedaalka iyo Guusha Diplomaasiyadeed ee ay Wafdiga Jamhuuriyada Somaliland ka soo hooyeen Wadahadalada ay la yeesheen wafdiga Dawlada Soomaaliya ee Jabuuti ku sugan.

Mawqifka Jamhuuriyada Somaliland waxa uu mar walba ahaa in ay Soomaaliya fuliso heshiisyadii h**e ay u kala saxeexdeen Somaliland iyo Soomaaliya intaan wax kale laga wada-hadal, heshiiska imika la kala saxeexday ayaana lagu caddeeyay in la fuliyo qodobadii h**e loogu heshiiyay oo dhan tan iyo sanadkii 2012.

Dhinaca kale waxaa muhiim ah in muwaadin kasta oo reer Somaliland ahi uu ogaado in Qaranimada iyo Madaxbanaaninada Jamhuuriyada Somaliland lagu Ansixiyay Afti Dadweyne sanadkii 2001, sidaas darteeda aan Xukuumad iyo Madaxweyne midna waxba ka bedeli karin Madaxbanaanida Jamhuuriyada Somaliland sidaas darteed aanay dheg u dhigin kuwa yidhaa Xukuumada ama Madaxweyne ayaa Soomaaliya inagu daraya.

Danta labada Dal ee Somaliland iyo Somalia ayay ku jirtaa in albaabada Wadahadaladu ay mar kasta furnaadaan duruuf kasta oo jirta.

Jamhuuriyada Somaliland Guul

29/12/2023

Degdeg maxaa kasoo baxay, kulankii dawladaha Somaliland iyo Somalia

29/12/2023

DEG DEG:- Halkan ka Ahriso Warmurtiyeedka Shirka Djibouti ee wadahadalada Dawladda Federaalka Soomaaliya iyo Dawladda Somaliland.

28/12/2023

.
Sheeko aad aan u ga argagaxey oo Berbera ka dhacdey baa caawa leyga sheekeeyey. Wiil dhalinyaro ah oo xaas leh oo reerkiisa u shaqeysta ayuu waxoogaa qulub ahi ku dhacey oo yara xanuustey. Xanuunka kaliya ee ka muuqdey waxuu ahaa in uu dadkii ka dhex baxey oo aamusey. Kadibna nin wadaad ah baa yidhi anaa dabiibaya. Wuxuu yidhi jin dhego la' baa ku jira oo in la xanuujiyo mooyee si kale war ku qaadaneyn. Toban maalmood oo xidhiidha wax biyo ah yaan la waraabin. Waa xiliga xagaaga ee qofku saacad xataa biyo la'aan karin. Qol aan wax hawo ahi soo galeyna ii gu xidha. Sariir bir ah afarta waaxood kaga xidha. Dhuxulna hoostuu ka shidey oo sadex girgiruu hoos dhigey. Bacna dushaa la ga ga sii shaqley. Wuu qayliyey, wuu baryootaney, wuu ooyey, maalintii lixaad buuna ku dhintey halkii isagoo sidii u qatan. Waa murugo weyn cawaanimadaa in qarnigii 21aad aynu ku dhaqmeyno.
Waxa qortay Niciima Cilmi Yuusuf✍️

28/12/2023

Kala Guurkii Maaahe Gala Gurashadii Weeye!

28/12/2023

WAR DEG DEGA:- Waftigii Madaxweynaha Somaliland hogaaminayay oo gaadhay Jabuuti iyo kulan Saddex geesooda oo ka qabsoomay Madaxtooyada Jabuuti kulankaasi oo kulmiyay Madaxweynayaasha Dalalka Somaliland Jabuuti Iyo Somaliya.
Kulankaa saddex geesoodka ah ayaa ujeeddadiisu ahayd sidii loo sii ambaqaadi lahaa wada-hadalladii hakadku ku yimi ee u dhaxeeyey labada dal ee Jamhuuriyadda Somaliland iyo Soomaaliya, wada-hadaladaas oo soo bilaabmay sannadkii 2012-kii, dibna u bilaabmay maanta, kulamadiisuna ay weli socdaan.

28/12/2023

WAR-SAXAAFADEED.
Madaxweynaha Jamhuuriyadda Somaliland Oo Safar Shaqo Ugu Baxay Dalka Jabuuti.

Hargeysa-28-12-2023-()-Madaxweynaha Jamhuuriyadda Somaliland, Mudane Muuse Biixi Cabdi iyo wefti uu hoggaaminayo, ayaa safar shaqo ugu baxay dalka Jamhuuriyadda Jabuuti.

Ujeedada safarkan weftiga Madaxweynuhu hoggaaminayo ayaa ah in halkaa laga sii amba qaado wada hadalladii u dhexeeyey Somaliland iyo Soomaaliya oo ku bilaami doona heer Madaxweyneyaal.

Safarka shaqo ee Madaxweynaha iyo weftigiisa, ayaa muddo kooban qaadan doona, waxana ku wehelinaya wasiirrada wasaaradaha horumarinta Maaliyadda, Dr. Sacad Cali Shire, Qorshaynta iyo Horumarinta Qaranka, Mudane Axmed Maxamed Diiriye (Toorno), Arrimaha Gudaha, Mudane Maxamed Kaahin Axmed, Waxbarashada iyo Sayniska, Mudane Axmed Aadan Buuxane iyo Ergeyga gaarka ah ee Somaliland u qaabilsan wada-hadallada Somaliland iyo Soomaaliya Marwo Edna Aadan Ismaaciil oo iyadu dalka Jabuuti kaga sii horraysa weftiga Madaxweynaha.

ALLAA MAHAD LEH

Naasir Yuusuf Daahir
Agaasimaha Warbaahinta Madaxtooyada JSL.

28/12/2023

Wax badan ka ogow dhacdooyinkii kala duwana ee ka dhacay Qudus. ||Shiikh Mustafe||

27/12/2023

Mar Labaad baan ku celinayaaye Oromo iyo Daarood waxaan raacayaa Daarood kuwasaanuna Dhiig iyo Dheecan wadaagna". Faadumo Saxar

27/12/2023

"Waa Danbi weyn in Calanka Tawxiidku ku yaalo in inta Music lagu daaro misana dadka loo kiciyo".
Suldaan Maxamuud Guuleed Mire.

26/12/2023

Waxa Qortay Amb Samia Muse :-

Waxaa ayaan darro weyn ah in 33 sano kabacdi lagu qabto Somaliland dood noocan oo kale ah oo shaki lagu galinayo haybtaada..! Hadaba anagu waxaano sugaynay in laga doodo caqabadaha Somaliland hor taagan iyo siyaasada Geeska Africa... laakin in assalkeena iyo dhalashadeena laga doodo ama muran iyo dood lagu furo maanaan sugaynin...??

Allah weyn ninkii aamina awood leh...!

26/12/2023

Ex Madaxweyne Siilaanyo iyo Kaalintii uu ku lahaa Qoritankii Afka Soomaliga "1972".

26/12/2023

Dhacdo Murugo badan oo Burco ka dhacday "Aabe ilmihiisii tuuray"!

26/12/2023

Hada ma waxaad aqbalay ama Caqligaagu rumaysanayaa inaad Oromo walaala tihiin oo uu kaaga dhow yahay qofka Soomaliga ah ee Diinta Dhaqanka Luqada Midabka iyo Wadankuba idinka dhexeeeyo?

Hadaan taa idinka rumaysto waa halkii Fihima Yusuf Quuje ee waxaan idhaahdaana waa Been waxaan Bireeyaana waa Xaaraan.
Sheekooyinkaa wax ma Garatada iyo dadka Waalwaalan ugu sheekeeya!

Colaadu way dhamaanay Dadkuna wuxuu isu ahaa uun buu isu ahaanayaa ee yaan hadal xumi idinka tegin.
Xildhibaan Jaamac Caanaboodhe

Address

Hargeisa

Website

facebook.com

Alerts

Be the first to know and let us send you an email when 18may News posts news and promotions. Your email address will not be used for any other purpose, and you can unsubscribe at any time.

Videos

"Kaligay Guusha ma gaadhine waxan jabiyay dayr ku hor gudbanaa hablaha Warbaahinta". Xoghayaha cusub ee Ururka Saxafiyiinta Somaliland #SOLJA Muna Ibraahim Dhakhtar.

Caawa Iyo Fagaaraha Khayriyadda Gabiley.

Wariye feedhay qofkii uu waraysanayay. Malmalkii Somaliland shiday xitaa kuwii mikirifoonada sitay bay saamaysay

Madaxweynaha Jamhuuriyadda Somaliland iyo weftigii uu hoggaamimayey oo ku guda jira Safarkii shaqo ee Dalka Ethiopia ayaa soo gaadhay Magaaladda Jig-jiga ee Dawlad Deegaanka Soomaalida. Waxaana Madaxweynaha Qaranka Somaliland, Mudane Muuse Biixi Cabdi Madaarka diyaaradaha ee Garaad Wilwaal ku soo dhaweeyey weftiga Madaxweynaha Jamhuuriyadda Somaliland, Madaxweynaha Dawlad Deegaanka Soomaalida,Mudane Mustafe Muxumed Cumar oo ay wehelinayaan Madaxweyne ku xigeenkiisa iyo madaxda kala duwan ee dawlad deegaanka.

Hadal waqtigiisi kusoo aaday. Fiiro Gaara muuqaalku waa mid hore,balse muhiimadu waa nuxurka hadalka.

"Somaliya go'aankayaga waxba kama bedeli karto" Shacabka Hargeysa oo xalay isugu soo baxay Khayriyada wayn ee Caasimada.

Shacabka Magaalada Hargeysa oo caawa soo bandhigay Dhoolatusyo waawayn.

Caawa iyo Dabaaldagyada kasocda Caasimada Somaliland ee Hargeysa

"Somaliya waxba kama bedeli karto heshiishka ay wada gaadheen Somaliland iyo Ethopia, xitaa haday tagaan Maxkamada Aduunka".EX Wasiir Hussein Deyr.

Madaxweynaha Jamhuuriyadda Somaliland Iyo Weftigii uu Hoggaaminayey Oo Si Heer Sare Ah Loogu Soo dhaweeyey Dalka Ethiopia. Addis-Ababa-31-12-2023-()-Madaxweynaha Jamhuuriyadda Somaliland, Mudane Muuse Biixi Cabdi iyo weftigii uu hoggaaminayey oo gaadhay dalka Itoobiya oo ay maanta uga bilaabantay booqasho rasmi ah oo uu ka helay Ra’iisal Wasaare Abiy Ahmed Ali. Madaxweynaha Jamhuuriyadda Somaliland, waxa madaarka Caalamiga ah ee Bole International Airport ku sugayey kuna soo dhaweeyey Ra’iisul Wasaare ku xigeenka ahna Wasiirka Arrimaha Dibadda ee dalka Ethiopia Mudane Demeke Mekonnen, iyo masuuliyiin kala duwan oo ka tirsan Dawladda Itoobiya. Soo dhawaynta Madaxweynaha oo Habmaamuuskeedu ahaa mid aad u sareeya ayaa qadar nasasho ah ka dib loo galbiyey qasriga madaxtooyada oo madaxweynaha la dejiyey looguna sameeyey hadhimo sharafeed. Waxaana Madaxweynaha safarka ku wehelinaya Wasiirrada Wasaaradaha Waxbarashada iyo Sayniska, Dr. Axmed Aadan Axmed (Buuxane), Qorshaynta iyo Horunarinta Qaranka, mudane Axmed Maxamed Diiriye (Toorno), Horumarinta Maaliyadda, Dr. Sacad Cali Shire, ku-xigeenka Ganacsiga iyo Dalxiiska, Mudane Muuse Ibraahim Selef, halka wasiirka arrimaha dibadda iyo xidhiidhka caalamiga ah, Dr. Ciise Keyd Maxamuud uu dalka Itoobiya kaga sii horeeyo weftiga iyo Safiirka Somaliland u fadhiya Dalka Itoobiya, Amb Cumar Cabdilaahi Badde iyo Safiirku xigeenkIISa Amb. Barkhad Maxamed Kaariye. ALLAA MAHAD LEH Naasir Yuusuf Daahir Agaasimaha Warbaahinta Madaxtooyada JSL.

Musharaxiin utartamayay hogaanka ururka Solja oo gashaanka udaruuray Liis maanta ka soo baxay xarunta Solja iyo gobolada Sanaag iyo Awdal oo gabi ahaanba laga reebay liiska musharixinta tartamaysa.

Degdeg maxaa kasoo baxay, kulankii dawladaha Somaliland iyo Somalia

Kala Guurkii Maaahe Gala Gurashadii Weeye!

Waftigii Madaxweynaha Somaliland hogaaminayay oo gaadhay Jabuuti iyo kulan Saddex geesooda oo ka qabsoomay Madaxtooyada Jabuuti kulankaasi oo kulmiyay Madaxweynayaasha Dalalka Somaliland Jabuuti Iyo Somaliya.

WAR DEG DEGA:- Waftigii Madaxweynaha Somaliland hogaaminayay oo gaadhay Jabuuti iyo kulan Saddex geesooda oo ka qabsoomay Madaxtooyada Jabuuti kulankaasi oo kulmiyay Madaxweynayaasha Dalalka Somaliland Jabuuti Iyo Somaliya. Kulankaa saddex geesoodka ah ayaa ujeeddadiisu ahayd sidii loo sii ambaqaadi lahaa wada-hadalladii hakadku ku yimi ee u dhaxeeyey labada dal ee Jamhuuriyadda Somaliland iyo Soomaaliya, wada-hadaladaas oo soo bilaabmay sannadkii 2012-kii, dibna u bilaabmay maanta, kulamadiisuna ay weli socdaan.