Cabdirisàaq dirir

01/10/2024

Xisbiga Kulmiye 50% ayuu u diyaarsan yahay ilaa hadda ku guulaysashada markale, ee taladda dalka, Kulmiye waa Xisbi guun ah 14kii sanno ee u dambeeyayna ariminaayay, waana mid keenaysaa wax lagu saluugo iyo wax lagu caashaqo labadaba.

Haddaba waxa jira fursado ka duwan kuwii 2017kii ee Mr. Biixi lagu doortay, iyo kuwo kale oo jaanis u ah in uu ku dhaco, ama ku soo baxo.

sidoo kale waxa jira dhaliilo ku xeeran oo in uu dhaco keeni kara, taasi badelkeed wuxuu haystaa jaanisyo uu mar labaad ku soo noqon karro.

Tartanku waa mid adag waxaana la odhan karaa, waa doorashadii ugu adkayd ee abid soo marta Somaliland, inta qabsoontay, ama qorshaysan, se mid soo socota mooji.

Doorashadani waa mid ay danaynayaan guud ahaan beesha caalamku, iyo dalalka jaarka taasi oo uu keenay heshiiskii is af-garad ee Ethiopia iyo Somaliland " Red sea MoU"

Dhaliilaha ku xeeran Kulmiye:

1- ma jiraan maanta fursadihii 2017kii ee ahayd jeeganta, Habar Awal iyo Habar Jeclo sida badheedhka ah ay ugu doortaan Mr. Biixi; waayo HJ wey celisay abaalkii, Sacad Muusana kursigii wuu gaadhay, sidaasi darteed ma jirto qabiilo u ooman dhisida Mr. Biix, sida dhigiisa Mr. Cirro Garxajis ugu heelan yahay kursiga madaxnimo.

2- Madaxweyne Biixi mudaddii uu talinaayay ee 7sanno ahayd waxa jira dhaliilo waa weyn oo ku xeeran waxaana ka mid ah:
* Dagaalkii Laascaanood iyo jabkii goojacadde.
* Waxa jira siyaasiyiin, ganacsato, wadaaddo, fanaaniin, aqoon yahan, badan oo ay isa seegeen intii uu talada hayay kuna hawlan sidii ay u ridi lahaayeen.
* Waxa jira baahiyo dhanka arimaha bulshada, ah sida; caafimaadk, waxbarashada, dhaqaalaha, amniga oo dhamaantood lagula xisaabtamk karro.

3- Nidaamka Ololle ee Madaxweyne Biixi waa mid saluug weyn laga qabo maadaama oo stylekiisu yahay mid xidhxidhan "centralized" go'aamaduna yihiin kuwo shaqsi ah "single decision" waxaana aad moodaa in wax kastaa ku xidhan yihiin Madaxweyne Biixi, lagana sugaayo.
a) dhaqaaluhu waa mid xidhxidhan
b) la kulanka Madaxweyne Biixi iyo balamihiisuna waa kuwo adag
c) Siyaasiyiinta Kulmiye maaha kuwo go'aamo masiiri ah gaadhi karra, ama cid cusub oo waxtar le keeni karra. Waa " canaanka yaab reer ma doojo".
d) habsan dhanka dhismaha gudiyadda olollaha doorashada ah oo ilaa hadda aan la dhamaystirin.

Fursadaha guusha Madaxweyne Biixi ee mar kale:

1- Somaliland waxa ay baahi weyn u qabtaa in ay noqoto dal jira oo la aqoonsanyahay, mudnaanta koowaad u ah, sidaasi darteed heshiiska Itoobiya waa mid saamayntiisa leh, waana guusha ugu weyn ee madaxweyne Biixi gaadhay intii uu talinaayay, waa mid lagu qiimayn karro sida uu ugu dhiiraday, waa mid lagu dooran karro mar kale, Sababta oo ah:
* heshiisku wuxuu muunad u yeelay sumcada jiritaan ee dawladnimadda Somaliland.
* Waxuu kor u kacday heerka duplamaasiyadeedd ee Somaliland caalamka ka joogto maanta.
* Waxa xoogaystay saaxiibadda Somalilad.
* Waxa dhismay doodo sharci oo suuro galin kara hab sharci lagu helo aqoonsi caalami ah.
* Waxa muuqday in Somaliland gali karto heshiisyo waa weyn oo dhaqaale iyo amni layskuna halayn karro.
* Somaliland waxay ka mid noqotay waddamada soo galay ajandayaasha qaramadda midoobay. Sidaa darteed MoUgu waa fursad guul waarta keeni kara madaxweyne Biixi, waa haddi la iib geeyo loona hagar baxo.

2- Madaxweyne Biixi waxa uu haystaa fursad dawladeed oo uu isku dhisi karo, waxa la yidhi " Isu haye iskama hagrado" dawladnimad iyo Xisbi is kaashaday hadii laga faa'ideeyo maaha kuwo la loodin karro, waxaana ag yaala jaani dahabiya oo aanay haysan dhigiisu, waxa ku xeeran xoog dadeedd, waxa ku xeeran fursad dhaqaale, iyo mid farsamo intaba, wana hadba sidii loo isticmaalo. Xiliyadda doorashada waxa ugu weyn ee ay isticmaalaan Xisbi Xaakimku waa dawladnimadda.

3- Madaxweyne Biixi intiiu uu taladda hayay waxa jirra meelo uu wax badan qabtay kuna faani karro, taasina waxa ugu weyn baahiyaha dhanka Biyaha dalka waxa uu ka hirgaliyay dhaamam waa weyn, sidoo kale wax aad looga shaqeeyay dhanka jidadka, dhiiri galinta wax soo saarka, taladda oo ku urursan gacantiisa.

4- Mr. Biixi waa askari dhaqan yaqaan ah, jabhad ah, si weyna u yaqaana dadka iyo debeecada deegaan, dhaqaale ee shacabka reer Somaliland, waa reer hawd yaqaana dhaqanka raacatada iyo beeralayda sidaasi oo ay tahay haddii uu hagar baxo, jeebka furo, kulanada furo, dadka uu diranaayana kalsooni dhankasta ah siiyo shaki la'aan waa mid guul keeni karta.

Ugu dambayn Mr. Biixi haddii uu dhaco waxa uu noqanayaa Haad geed waayay, wuxuu noqonayaa Maroodi jabay oo habar dugaag ka dhergo. Wuxuu u jabayaa Xassan Sheekha Xamar, Geelaha Djabuuti, Masar, kooxihii ku dagaalamay Laascaanood.

Haddiii uu guulaystana wuxuu noqonayaa boqor geeska Africa ka arimiya, geesi aan la loodin, iyo in uu noqdo shaqsi keena aqoonsiga Somaliland, wuxuuna kaa dhayaa guul taariikhiya oo ku sugnaata soyaalka siyaasadda geeska Afrika.

28/09/2024

Dalka lubnaan
Hogaamiyihii ururka xisbulah xasan Nasrulah ayaa la sheegayaa inuu geeriyooday
Dilka xasan ayaa kusoo beegmaya
Xili wareero adag oo u dhexeeya Israel iyo kooxda xisbulah ee dalka lubnaan

26/09/2024

Kuwa maanta gabiley calanka kulmiye lasoo baxay
Gunbay ahaayeen
Aan raganimada waxba ka aqoon
Hadaan qabyaaladooda u raaco maanta madaxweyne biixi wuxuu joogey cadaadley
Sidoo kale cabdiraxmaan ciro wuxuu joogey gabiley
Midna sida gobta ayaa fadhiga looga kacay
Midna sida cunsuriyiinta ayaa calankale lagu soo dhoweyey

Tusaale ahaan maayarka ceerigaabo
Isagoo mucaarid ah ayuu Madaxweynaha hor cararayey

Waa ceeb
Hadii aad taageerin
Iska dhaaf oo gurigaaga iska joog

26/09/2024

Laabsaaalax
Dhiiqo ayuu cagaha kula jiraa
Mid inadeertii ah ayuu ku sheegay
Shuubadii sorta keeni jirtey
Ilaahay bah gobo hakaa furfuro xasanow

18/09/2024

Dagaalba socda toos ah ragow xabadu afka ha joogto

08/09/2024

Qaddiyadda somaliland waxay soo billaabatay lixdankii(1960), waxaanay ku billaabatay tabasho-siyaasadeed; maadaama markii la midoobaayey hadafku ahaa shanta soomaliyeed aan u sii noqono gogol dhig annaga oo kala ah somaliland iyo somalia; midowgii dhacay waxaa lagu heshiiyey habka saami qaybsiga siyaasaddu inay noqon doonto; haddii koonfurtu(Somalia) ay madaxweyne qaataan, wuqooyiga(Somaliland) waxaa khasab ahayd in ku xigeen la siiyo sida xeerku dhigayey; haddii somaliland madaxweyne ku soo baxdana, somalia ku xigeen la siiyo; sidoo kale xilalalka wasiiradana in sidaas talantaaliga ah loo qaybsado ayaa la isku af gartay balse maxaa dhacay??
Waa halka tabashada siyaasadeed ay ka soo billaataye, somalia waxay qaadatay wax walba, caasimaddii waa xamar, madaxweynihii wuxuu ka soo jeedaa somalia(Aaden cadde), ku xigeenkiisii waa somalia, xilalkii wasiirada afar wasiir oo kaliya ayaa la siiyey somaliland 🤔🤔🤔🤔

Tabashadii siyaasadeed ee ay reer somaliland qabeen way u dul qaadan waayeen, waxaanay keentay isku dayga afgambigii ugu horreeyey ee afrikaba ka dhaca(1961), balse wuu fashilmay, somaliland iyo soomaaliyana way sii wada joogeen muddo 31 sano ah, ilaa markii dambe 18 may 1991 ay somaliland go'aan ku gaadhay inay la soo noqoto madax bannaanidii ay lahaan jirtay, somalia oo aan wali dhalanin ka hor 26 june 1960, Xasuuq daran oo reer somaliland lagula kacay awgeed, xasuuqaasoo aysan jirin magaalo ay soomaali degto oo sidaasoo kale loo galay, afrikaba kamay dhicin iska daa magaalo soomaali degto'e.

Way kala duwantahay in la yiraahdo Way goosteen iyo in la yiraahdo waxa dib ula noqdeen madax bannaanidii ay lahaan jireen; erayga goosasho waxaa loo isticmaalaa gobol ka tirsanaa waddan jiray, somaliland may go'ine, waxay la noqotay milkiyad ay lahayd 26 june 1960 iyo dawladnimadeedii.

Markii ay Somaliland la soo noqotay madax bannaanideedii, waxay dib u jalleecday Muddadii ay somalia iska lusheen ama isla soo wada socdeen oo 31 sano ah; qiimayn(Analysis) ay somaliland samaysay waxaa u soo baxday hal arrin oo kaliya inay su aal ahaan isu weydiiso, taasoo ah maxay ahayd horta hadafkii aanu somalia ula midoobaynay Lixdankii🤔🤔 ? Jawaabta kaliya ee soo baxaysa ayaa ah hadafkii midowgu wuxuu ahaa in shan soomaaliyeed 🖐️laysu keeno, calanka buluugga ahna ay wada dugsan doonaan shantaasi; si loo raadiyo haddaba shantaas oo midaysan, waxaa la isku af gartay inaynu inagu(Somaliland iyo somalia) sii midownaa oo gogol xaadh iyo tusaale u noqonaa baadigoobka saddexdii kale ee kala ahaa soomaalida faransiiska(jabuuti), soomaalida kenya(NFD) iyo soomaalida itoobiya(DDS) oo intaba la gumaysi ku hoos jiray.
— Nasiib darro laga soo billaabo 1960kii midowga kaddib, baadigoobka saddexdii kale waxay qaadatay 7 sano oo geed gaaban iyo mid dheerba loo korayey sidii loo soo fakin lahaa saddexdaas kale ee maqnaa, ugu dambayn waxaa xoogaystay oo hirgalay xeer uu caalamku soo soo saaray 1963dii, kaas oo adkaynaya xuduudaha afrika inaan la beddeli karin tabtii loo sameeyey, qabiil ahaan looma beddeli karo oo waa in loo daayaa tabtii ay reer yurub u kala qaybiyeen ee ay uga tageen; xeerkaasoo yimid kaddib qulqulatooyin dhiig ku daatay oo ay sameeyeen qabiiladii afrika degenaa ee reer yurub ay kala qaybiyeen oo billaabay inay xoog iyo dagaal ku soo furtaan qabiiladii iyo deegaamadii ka maqnaa intii la gumaysanayey ee laga qaaday, xeerkaas ayaase qabtay qolooyinkii habka beelaysan dagaalka uga furi jiray afrika dhexdeeda, ilaa haddeerna xeerkan ayaa lagu kala joogaa.

Baadigoobkii ay somali republic(somalia iyo somaliland) ugu jireen sidii loo soo fakin lahaa saddexdii kale, waxaa culays ku abuuray xeerkaas caalamiga ah ee soo baxay, sida afrikaanka kaleba uu xeerkaasi u qabtay.
— Hayeeshee Wali lagama quusanin baadigoobka saddexdii kale oo si dadban ayaa loo galay in loo soo fakiyo, balse way suuroobi weyday ugu dambayntii; Arrintii ugu la yaabka badnayd ayaa ahayd sannadkii 1977 markii ay jabuuti ka hoos baxday ama ka xorowday faransiiska, waxay ahayd inay ku soo biirto labadii h**e u sii wada joogay ee kala ahaa somaliland iyo somalia, balse jabuuti waxay ka doorbiday inay ka dhaarato wax soomaaliweyn ku soo hadal qaadayaba, dal gooni ah inay noqdaan ayey u xusul duubeen, ugu dambayntiina dal gaar ah way noqotay jabuuti, ilaa haddeerna way tahay, wax soomaali weyn ahna ma rabto.

— 👀 Haddaba Qiimaynta ay maanta ku xisaabtamayso Somaliland kaddib markii ay dib u jalleecday hadafkii ay somalia ula midobaysay lixdankii ayaa ah, in horta hadafkii shan soomaaliyeed uu si dhab ah u dhintay marba haddii jabuuti oo xor noqotay 1977 ay ka dhaaratay inay soo saddaxayso labadii h**e u wada joogtay(Somaliland iyo somalia), kuwa kale ee wali maqan iskaba daa marba haddii jabuuti oo xor ah ay diiday inay la midowdo somalia iyo somaliland; illaa haddeerna jabuuti waa tabteedii iyo go'aankeedii.
— Sidaas darteed, marba haddii hadafkii ay somaliland ula midowday somalia ee ahaa in shan soomaaliyeed laysu keeno uu caynkaas noqday, dee maxaa haddaba somaliland sii ag dhigaya somalia?? 🤔🤔 ileen hadafkii somaliland muu ahayn inay somalia oo kaliya la midowdee, shan soomaaliyeed ayaa hadafku ahaaye??
(haddii ay suuroobi weyday in shan soomaaliyeed ay wada tashadaan, waxaa suuroobaysa inay kala tashadaan oo si kale isu garabsadaan iyagoo daris wada ah oo kala madax bannaan).

Midda kale midowgii ay midoobeen somalia iyo somaliland 1 july 1960 muu ahayn mid la wada saxiixay oo sharci ah, qaramada midoobay ayun baa afka loo galiyey in la is raacay balse wax sharci ah muu ahayn midowgaasi, taas oo ka dhigan 31kii sano ee ay somaliland iyo somalia isla socdeen waxay iskula joogeen waa niyad sami oo kaliya, ee sharciyad lawada saxiixday may jirin !

Ugu dambayntii;(Isku soo wada duub)
Sababta kallifaysa in aanay Somaliland dib ugu noqonin somalia waa saddexdan qodob, oo in lakala reebaa ay dambi noqonayso ☝️:

1) Fashilkii ku habsaday midnimadii somalia iyo somaliland( Sharci la'aan ayuu ahaa).

2) Rajo-beelkii ku dhacay hadafkii minimada loo galayey ee ahaa in shantii soomaaliyeed🖐️ laysu keeno(rajadaasi way dhimatay, jabuutiba kaligeed bay xor tahay maanta, NFD iyo DDS warkooda daa).

3) Xasuuqii siyaad barre u gaystay reer somaliland.
(Dhacdadan saddexaad ayaana noqotay mid somaliland uga dhignayd "Sun la ii daraa malab ii da'day"; yacnii mar un inaan la soo noqdo madaxbannanidaydii ahayd 26 june 1960, kaddib 31 sano oo aan rafaad kala duwan Somalia kala soo kulmi jiray, maanta waxay iiga dhigantahay meeshaan doonaayey roob ma igu helay, ilaahay ayaana mahad leh, aqoonsigayguna wuu soo carfaayaa, juqraaafi ahaanna ilaahay baa i dhigay albaabka afrikaba laga galo, waana halka ugu istaraatiijiyadaysan qaaraddan afrika, waana sababta ay somalia wali iiga daba qaylinayso oo ay ii diidantahay inaan caalamka kamid noqdo, dhawaan ayeyse soo af jarmi doontaa xinka iyo xaasidnimada ay wadaan, mana illaawi doono).

03/09/2024

Aqoon yahanku gabayga haka jawaabo
Hadii kale warkoodu ma shaqaynayo?

01/09/2024

Suaalo kaftan ah ayaa la is dhaafsadey

25/07/2024

Magaciisa sheeg
Deegaankaaga looga yaqaan?

11/06/2024

Maalin dhoweyd arin ayaa igu dhacday mid Saaxiibkay baa maalin ii sheegay in oday hebel i rabo (Oday maal-qabeen ah, deegaankana magac wayn ku leh) sababta markaan waydiiyayna isagoo aan dareemayo inuu wax iga qarinayo maadaama ay odaygu aad isugu dhaw yahiin ayuu igu yidhi: Isagaa kuu sheegi doonee barri buu inaad la soo qadayso kaa codsaday.
Habeenkii oo dhan anoo is waydiinaya waxa oday hebel iga soo galay ayaan barridii masaajidka oo uu igu ballamiyay iska raacnay salaad duhur kadib. Gurigiisii haddaan tagnay, qado si ilaahay og yahay looga taxadarayna aan cunnay, meel dhir badan oo lagu laydhsado, xaafadiisana aan ka fogayn ayaan tagnay, waxuuna ii diirka ka qaaday qorshahiisii; Adeer, waxaa la iigu kaa sheegay nin cibaado badan, akhlaaqina u dheer tahay, sabankan aan joognana wiilasha noocaas ah lama helo ama wayba yar yahiin. Waxaan rabaa inaan 3dayda gabdhood tii ku cajabisa ku siiyo, waliba kuu dhiso, dhaqaale iyo gacan qabsi fiicana ku siiyo.
Anigii yaab iyo kadis bay arrintu igu noqotay. Gabdhahu waa gabadho ilaahay qurux ku manaystay oo markii horaba hooyadood loo xero-dayay, si wacan loo tarbiyeeyay, waxbarasho diini iyo maaddi heer sare ahna leh. 3duba waxay wax ku barteen jaamacado khaas ah oo dad yari awood u leeyahay inay galaan. Wuxuu ii raaciyay inaan khiyaarka anigu leeyahay, balse uu ila jecel yahay tan u wayn, oo sano 25aad u sii dhamaanayso. Midoodna aqoon fiican uma lihi, balse waxaan maqlay inay rag badan ku gacan saydheen.
Dareen isku-dhaf ah oo is diidan baa durba madaxayga ku hardamay. Dhan waxaan is tusay in soo jeedintani fursad qaali ah tahay, dhanka kalana xaaskaygii oo aan kulayl ba'an ku ogaa iyo waxa ka suurooba ayaan is waydiiyay. Si kastaba ha ahaatee waxaan ka codsaday bal inuu waqti i siiyo aan arrinta naftayda kagala soo shawro. Ninkii saaxiibkay ahaa baan u warramay, isna wuu ii kaba galiyay, wuxuuna ku celceliyay allaw maan ani ahaado! Tuke nasiib uu caano ku helo wuu leeyahay, balse nasiib uu ku calfado ma leh, hali maalin bay ceel joogtay iyo hadalo ka mid ah.
Halkaa markay marayso waxaan rajaxay inaan arrinta galo, duqii ayaana kusoo war celiyay. Wuxuu iskaana tusay gabadhii waynayd oo markaan sida ay arrinta u aragto waydiiyay xoogaa la meeraystigii iyo xishooodkii dumarka ah kadib si dadban iigu sheegtay inay talada waalidkeed raalli ku tahay (Hooyadeedna odayga way isku waafaqsan yahiin go'aankan) Waa sheeko dheer oo aan soo gaabine waxaan duqii u sheegay inaan hawsha galayo, balse aan rabo in marka h**e aan aad loo iclaaminin, maadaama aan xaasle ahay, isna igu raac oo wuxuu i yidhi; Nin ragaa alla kaa dhigaye hadhaw sidaad wax u kala maarayn aday kuu taalla, inaad raganimadeeda leedahayna waan rumaysnahay, waliba gabadha iyo hooyadeedba wuu ka dhaadhiciyay sidaan wax u rabay.
Anigu nin hanti leh ma ahi, balse xoogaa madaxaaan ciidda ka ceshanayaa oo wax baan isku soo yabyabtay, kharashkase sidaan h**e u sheegay odaygaa ballan qaaday. Waxaan isla garanay in dad kooban oo lagu kalsoon yahay munaasabadda maherka yimaadaan, hotel magaalada ka baxsana aan ku aqal galo. Sidii ayaa dhacday oo maalin laga joogo qiyaastii 2 asbuuc markii fikirka la ii soo badhigay ayaa nikaaxii dhacay. Xilli maqrib dabadii ah ayaa qol hoteelkii, waliba qaybta ugu qaalisan ah dhawr gabadhood iigu soo galbiyeen gabadhii oo saacadahii maanta badankoodii salon-ka dumarka lagu qurxiyo ku soo qaadatay.
Casho aa looga soo shaqeeyay, balse iyana ayba diiday, ana wax ugu wacnaaba si fiican iigu socon wayday ayaa naloo keenay, kadibna aroos laguma raago lagamana raago'e xabaal iyo ninkeed loo kala tag. Cishihii oo soo galay ayaan wada tukanay, dharkii badnaana iska badallay oo waan is fududaynay. Cabbaar nus saac ku dhaw markaan sheekaysanaynay, xoogaana gabadha khajilaadii badnaydii kasii baxayso oo ay billawday inay wajiga i siiso, ayaa si xoog ah albaabka loo soo garaacay. Haddaan soo booday xaaskaygii waynayd baa cod dheer ku leh: Hebel, toos, toos salaad subax waa la gaadhaye, waxaana maqlay afarta gees oo aadaan ka baxayo
Riyo macaan ayey ahayd

09/06/2024

Cajiib

19/05/2024

03/05/2024

Beribaa nin Faqaatiir la odhan jiray ayaa wuxuu ahaa nin reer Miyi ah oo jecel inuu Hoobal noqdo ama isu haysta.

Haddaba Faqaatiir waa nin cod xun laakiin isagu isu haysta inuu cod fiican yahay. Mar walba reeraha dushooda ayuu hees ka dul qabsaddaa. Kolkaa Faqaatiir ma waayo dhowr qof oo intay ka naxaan isaga jiibiya oo sacabka u garaaca iyagoo og inuu cod xun yahay.

Maalintii danbe ayaa Oday weyn oo in badan arkaayey Faqaatiir iyo hawlaha aan is lahayn ee uu dhex dabaalanayo ayaa hadal xikmadi ku jirto yidhi kolkuu arkay maalin uu ciyaar reer ka dul qabsaday oo waxooga tiro dad ahi u soo baxeen. Kolkaasuu yidhi;

"Anigu Faqaatiir lamaan yaabine, kuwa u jiibinaya ayaan la yaabay!!"

W/Q Jamaal Cali Xuseen .

15/04/2024

Hoggaamiyeyaasha dunida oo dareen cabsi ah ka muujiyay in khilaafka Iiraan iyo Israa’iil sii xumayn karo xasilloonida gobolka iyo falcelinaha kala duwan ee ay ka bixiyeen

Beesha caalamka ayaa sida fiinta uga qaylisay weerarkii ay Iiraan la beegsatay Israa’iil ee ay u adeegsatay diyaaraha is wada ee qarxa iyo gantaalaha oo ah markii u horreysay ee ay weerar noocan ah Iiraan ka geysato gudaha Israa’iil.

Tehran ayaa Israa’iil ugu hanjabtay weerar aargoosi ah ka dib markii ay 1 bishan yuhuuddu weerar la beegsadeen qusuliyadda Iiraan ee dalka Suuriya kuna dileen 13 qof oo ay ku jiraan laba sarkaal oo sare oo u dhashay dalka Iiraan.

Xoogagga Israa’iil ayaa bayaan ay soo maanta ku sheegay in ay gantaalaha ay Iiraaniyiintu ku so ganeen badankoodii ay ku qabteen meel dibadda ka ah xuduudda Israa’iil.

Hadda ba side madaxda dunida iyo ururrada caalamiga ahi uga fal-celiyeen weerarkii xalay ee ay Iiraan kaga aargoosatay Israa’iil.

Arjentiina

Xafiiska madaxweynaha dalka Argentina Javier Milei ayaa laga soo saaray bayaan lagu garab istaagayo yuhuudda, kaas oo lagu sheegay in dawladda Argentina ay garab taagantahay Israa’iil oo weerar ka lagu soo qaaday dartii. Waxaana ay intaa ku dareen in Argentina ay ka go’antahay in ay difaacdo Israa’iil oo ay ku tilmaameen in ay jiritaankooda ka difaacayaan maammullada taageerada siiya argagixisa, oo ay ula jeedaan Iiraan.

Baraasiil

Wasaaradda arrimaha dibedda ee dalka Baraasiil ayaa warqad ay soo saartay iyana ku sheegtay bayaan kaas Arjentiin la mid ah oo ay ku leeyihiin waxa aanu Israa’iil siinaynaa ka hortag kasta oo ay u baahantahay in ay kaga gaashaamato weerarrada Iiraan.

Kanada

Raysal wasaaraha dalka Kanada Justin Trudeau oo werbaahinta kula hadlay magaalada Ottawa ayaa isna sheegay in uu si weyn u cambaaraynayo weerrarada cirka ah ee ay Iiraan ku qaadday Israa’iil, isaga oo intaa ku daray in ay garab taaganyihiin Israa’iil.

Waxa uu Iiraan ku eedeeyay in ay bishii Ogtoober 7 deedii ururka Xamaas ku taageereen weerarkii ay Israa’iil ka geysteen, taas oo gobolka bariga dhexe ku keentay in nabadgelyadiisu degi weydo.

Shiinaha

Shiinuhu waxa uu isaga u hadlay qaab dhexdhexaadnimo ah, waxaana afhayeen u hadlay wasaaradda arrimaha dibedda ee dalka Shiinuhu yidhi “Waxa aanu ka xunnahay weerarrada dhacay, waxaanaanu ugu baaqaynaa labada dhinac in xaaladda la dejiyo oo dhinacyadu is xakameeyaan si aan amniga gobolku faraha uga sii bixin”

Kolombiya

Madaxweynaha Kolombiya Gustavo Petro isagu waxa uu waxa uu si cad u sheegay in qalalaasaha iyo waxa dhacaya ba cidda shidday ay tahay Maraykanka oo Israa’iil ku taageeray xasuuqa dad bani aadam ah iyo Yuhuudda oo iska qaban waayay waallida hoggaamiyahooda.
Madaxweyne Gustavo Petro waxa uu yidhi “Cid waliba way taqaan sida dagaalladu ku bilaabmaan, ma se jirto cid taqaanna sida ay ku dhammaadaan. Qarammada midoobay waa in ay degdeg u fadhiistaan oo ay nabad ku baaqaan”

Masar

Wasaaradda arrimaha dibedda ee dawladda Masar ayaa iyana ku tilmaantay weerarka cadaawad iyo wax laga xumaado, waxaana ay ku baaqday in la is xakameeyo oo dagaalka la joojiyo.
Masar waxa ay bayaankeeda ku sheegtay in ay ka digayso colaadda oo gobolka ku fidda. Waxaana ay Masar sheegtay in ay diyaar u tahay in ay wada hadalsiiso dhinacda khilaafku ka dhexeeyo.

Midowga Yurub

Ururka Midowga Yurub isagu si culus ayuu u cambaareeyay weerarka Iiraan waxaana uu ku tilmaamay wax aan la aqbali Karin.

Fansiiska

Wasiirka arrimaha dibedda ee dalka Faransiiska Stephane Sejourne ayaa isna ka hadlay sida ay uga xun yihiin weerarka Iiraan, waxaana uu ku tilmaamay in Iiraan ay qaadayso tallaabo qaldan oo horseedaysa amnidarro iyo mushilado hor leh.

Jarmalka

Dalka Jarmalka oo isna ka mid ah dalalka Yurub ayaa si adag uga hor yimi weerarkaas, waxaana ay sheegeen in ay si kulul u cambaaraynayaan, waxa ay Iiraan ku kacday oo ah bay yidhaahdeen khatar cusub oo aan dan u ahayn guuda ahaan gobolka bariga dhexe.
“Si buuxda ayaanu u garab istaagaynaa Israa’iil xilligan” ayaa ay tidhi wasiirka arrimaha gudaha ee dalka Jarmalku Minister Annalena Baerbock.

Joordan

Dalka carbeed ee Joordan oo isna maqif dhexdhexaadnimo ah qaatay ayaa sheegay in aargoosi iyo weerar kasta oo dhaca uu gobolka ku hoggin doono waddo khatar ah. “Waa in dhammaan dhinacyadu dhimaan weerarrada oo xaaladda la dejiyaa” ayaa uu yidhi raysal wasaaraha dalkaas Joordan Bisher Khasawneh.
Gadar
Dawladda Gadar ayaa iyana bayaan ay soo saartay ku sheegtay in ay dhinacyada ugu baaqayso in xaaladda cagaha loo dhigo oo aan halkaa mushkiladda la dhaafinnin. Wasiirka arrimaha dibedda ee Gadar ayaa qoraal uu soo saaray ku sheegay in weerarradani khatar ku yihiin horumarka gobolka, sidaas darteed na ay ugu baaqayaan dhinacyada xurguftu ku dhaxayso in ay is dejiyaan oo ay isxakamayn ku daraan.

Ruushka

Dawladda Ruushku waxa ay iyana sheegtay in ay dhinacyada ugu baaqayaan is xakamayn iyo xaaladda oo la dejiyo, si aanay khatar kale oo intaa ka badni u iman. Wasiirka arrimaha dibedda ee Ruushka ayaa qoraal ku yidhi “Waxa aanu ku celinaynaa digniinta ah in mushkilad kasta oo aan la xallinin oo ka jirta bariga dhexe kana soo bilaabmatay khilaafka Falastiin iyo Israa’iil ay horseedki karaan in xaaladudu sii cakiranto, taas oo ay dabka ku sii shidayaan cid gaar ah oo qayrul masuul ah”

Sucuudi Carabiya

Wasiirka arrimaha dibedda ee dalka Sucuudiga oo isna bayaan soo saaray ayaa sheegay in ay dhinacyada ugu baaqayaan is dejin, waxaana uu tilmaamay in arrintan oo sii socotaa khatar ku tahay gobolka, sidaas darteed na ay soo jeedinayaan in nabad geliyada gobolka loo tudho, Qarammada midoobay na ay qaataan doorkooda nabadaynta.

Spain

Raysal wasaaraha dalka Spain Pedro Sanchez oo brtiisa X qoraal ku baahiyay ayaa muujiyay door dhexdhexaadnimo ah waxaana uu dhinacyada ugu baaqay in ay joojiyaan weerarrada.

Yukrayn

Madaxweyne Volodymyr Zelenskyy ga dalka Yukrayn ku baaqay in laga hor tago dhibaato kale oo ka sii qaraxda gobolka. Iiraan ayaa uu ku eedeeyay xasilloonidarrada gobolka. Zeleneskyy ayaa is garab dhigay Iiraan iyo Ruushka waxaana uu sheegay in ay yihiin maamullo arxan daran oo argagixisada taageera, sidaas darteed na ay muhiim tahay in dunidu u midowdo oo laga hor tago dhibaatadooda.

Ingiriiska

Raysal wasaaraha dalka Ingiriiska Rishi Sunak ayaa isna qoraal uu bartiisa X soo dhigay ayaa Iiraan ku eedeeyay in dhibta oo dhammi iyada ka bilaabmato, waxaana uu sheegay in Ingiriisku uu u kacayo sugidda nabadgelyada Israa’iil iyaga oo kaashanaya saaxiibbada kale ee gobolka oo ay ka mid yihiin Joordan iyo Ciraaq

Xigasho television 📺 qaranka somaliland