Madbacadda Diiwaan

Home
Somalia
Hargeisa
Madbacadda Diiwaan

Contact information, map and directions, contact form, opening hours, services, ratings, photos, videos and announcements from Madbacadda Diiwaan, Publisher, Hargeisa.

Diiwaan, waa shirkad daabacadeed oo bixisa adeegyada daabacaadda, tafaftirka, faafinta iyo suuqgeynta buugta, isla markaana u taagan qalinka iyo milgeyntiisa! ✍️

31/12/2024

Waxa innoo qabsoomay kulankii 12-aad ee Barkulanka Diiwaan, kaas oo lagu soo afmeeray kalkii 1-aad ee Barkulanka, oo soo taxnaa Jeenaweri ilaa Diseembar, 2024. Waxaana kulanka marti ku ahaa mudanayaasha kala ah:
Cabdillaahi Raage (Sayyidka), Maxamed Xasan Geelle iyo Maxamuud Maxamed Cismaan. Halka ay Balqiis Bilaney innoo daaddihinaysay.

Ugu horrayntii, waxa uu Maxamuud M. Cismaan ka warbixiyay Barkulanka Diiwaan, ujeeddooyinkiisa, mawduucyadii lagu faaqiday, martida ka qayb qaadatay, bulshada uu gaadhay iyo waxyaabihii ka soo baxay. Waxa kale oo uu xusay in Barkulanka kalkiisii 1-aad xidhmay, isla markaana uu bilaabmi doono kalkiisii 2-aad, iyada oo horumarin iyo wax-ka-beddel lagu samayn doono.

Dhanka kale, ustaad Maxamed Xasan Geelle ayaa wax ka tilmaamay muhiimadda ay leedahay in barnaamijyo la jaad ah Barkulanka Diiwaan la badiyo iyo baahida loo qabo in bulsha loo iftiimiyo duruufaha ku gadaaman waxsoosaarka aqooneed ee Soomaalida. Waxa kale oo uu Ustaadku dul istaagay kaalinta uu qaatay Barkulanka Diiwaan iyo waxyaabaha ula muuqday in ay mudantahay in lagu bogaadiyo Barkulanka Diiwaan. Isaga oo ugu danbayntii soo jeediyay talooyin lagu sii horumarin karo barnaamijyada noocan ah.

Ugu dambayn, waxa aannu DIIWAAN ahaan bulshada sharafta leh ee nagu xidhan leennahay: waa innoo shaacinta kalka 2-aad ee Barkulanka Diiwaan iyo toddobaadyada innagu soo aaddan.

ALLAA MAHAD LEH!

30/12/2024

Soo saaridda buug aqoon xambaarsan, farriin sida ama aragti gudbinaya waa hammi iyo riyo in badan oo innaga mid ah ka dhex guuxaysa!

29/12/2024

📌 Ka dib 11 kulan oo xidhiidh ah, oo soo taxnaa Jeenaweri ilaa Noofeembar, waxa aynnu doorkan kulankeennii billaha ahaa ee Barkulanka Diiwaan u astaynnay xidhitaanka kalka 1-aad.
Waa innoo habeen dambe barteennii, 𝐗space.

🗓 30 Diseember, 2024
⏰ 8:30 pm
🔗 Link-ga ka eeg faallada u horraysa.

28/12/2024

📌 Maxay yihiin farsadaha iyo caqabadaha ku gedaaman buugga & faafintiisa?💡
🗣 Prof. Mustafe Fayruus ayaa innooga warramaya.

Waa qayb ka mid kulankii 1-aad ee Barkulanka Diiwaan, kaas oo waxsoosaarkeenna aqooneed iyo waayaha ku xeeran!

20/12/2024

Ma jiraa buug aad jeclaan lahayd in afkeenna hooyo loo turjumo?

Nala wadaag, oo asxaabtaadana u baaq
si ay iyana innoo la wadaagaan!

18/12/2024

Heshiis daabacadeed 📖🤝

Waxa uu heshiis daabacaad buug, dhex maray Madbacadda Diiwaan iyo Garyaqaan Cabdirisaaq Foosi Sh. Cabdiraxmaan, iyada oo ay madbacaddu u soo saari doonto buuggiisa la magacbaxay GARSOOR.

Buuggan ayaa ah buug diiradda saaraya, oo hordhac u ah fahanka nidaamka garsoorka Islaamka, isaga oo akhristaha fahan fiican ka siinaya mawduucan mugga wayn. Waxaana uu buuggani muhiimad gaar ah u leeyahay ardayda, masuuliyiinta, hawlwadeennada iyo guud ahaan bahda caddaaladda iyo garsoorka.

Madbacadda Diiwaan waxa farxad u ah, in ay soo saarto buuggan qiimaha badan, bulshadeedana ay u adeegto. Waxa aannuna qoraaga uga mahadcelinaynnaa xulashada uu DIIWAAN xushay iyo kalsoonida uu na siiyay.

17/12/2024

Buugga "SHAMAC" waa mid ka mid ah buugaggii ugu mudnaa ee aan sannadkan sii dhammanaya akhriyay. Buuggu waa nooca dhexe ee buugaagta. Bogaggiisu waa 172-baal, waxaana uu ibafur u yahay mashruuca Noolays, ee ay gacanta ku hayso Madbacadda Diiwaan.

Si kooban, buuggan qoraagu waxa uu kaga faalloonayaa culimadii hormuudka u ahaaa baraaruggii Islaamka ee ka curtay gayiga Soomaalida iyo guud ahaan caalamka Islaamka, bilawgii qarnigii 20-aad. Waxa uu si wacan innoogu qeexayaa qoraagu baraarugga iyo waxa looga jeedo, maadaama aanay dadka qaarkii fahansanaynba baraaruggu waxa uu yahay.

Buuggani waa buug taariikh ah, taariikhduna waa muraayadda ay bulsho kastaa ka dheehato tagtada, taaganta iyo timaaddadaba, saddexdaa in si qumman loo garto oo si qoto dheer loo fahmana waxa lagamakacaan u ah in dib loo akhriyo, loo qoro ama loo gorfeeyo sooyaalkeenna, in qalin lagu dhiteeyaana waa mid muhiim ah. Qoraaga buuggu waxa uu dhiganahan innoogu soo koobayaa taariikh mug weyn.

Waxa uu soo tabinayaa buuggu 15-ka ka mid ah Culimadii Soomaalida ee hoggaanka u ahaa saxwadii ama baraaruggii Soomaalida, waxaana uu u kala horraysiiyay qoraagu sida ay u kala horreeyeen culimadaasi, fac ahaan. Wakhtiga ay taariikh ahaan ka soo bilaabmayaan waxa ay ku abbaarantahay ammintii uu dhashay Sheekha ugu horreeya oo ah Sheekh Cali Suufi AHUN (1890-1991).

Buuggu waxa uu xog fiican innaga siinayaa culimadaas dhalashadoodi, waxbarashadoodii iyo hayaankoodii dacwadeed, intaba. Waxa uu dib innoo xasuusinaya noloshii halganka iyo dadaalka ku dhisnayd ee ay culimadaasi la yimaaddeen, waxa uu ina tusayaa dacwadda iyo sidii hagrasho la’aanta ahayd ee ay ugu heellanayeen, waxa uu inagu hagayaa sabirkii iyo adkaysigii ay kuwajaheen dhibaatooyinkii dacwadeed ee ay la kulmeen: mid dhaqaale, mid bulsho iyo mid dawladeedba, ayaga oo aan loo kala eegayn aragtiyaha dacwadeed iyo fikradeed ee kala geddisan ee ay xanbaarsanayeen.

Waxa uu buuggu ardayda cilmiga iyo saaxadda dacwadda iyo guud ahaan madarasadaha kala geddisan ku kala abtirsada barayaa in ay kaydiyaan dhaxalka culimadooda, si aan taariikhda halyayadaa loo hilmaamin, kaalintoodina aan dadkale lagu maamuusiin.
Buuggani, waxa uu barbilaw wacan u yahay dhitaynta taariikhda culimada iyo dadaalkoodii nafhurka lahaa in qalin lagu kaydiyo. Waxa uu ku carinayaa qalinlayda in ay waariyaan dadaalka iyo juhdiga culimada; waayo wixii la qoro uuna ayaa waara.

Waxa uu qoraagu ku dardaarmay in sooyaalka dacwadda iyo culimada wakhti iyo dadaal badan la geliyo, taas oo ku suuro gelaysa in la helo isxilqaan wadareed iyo mid gaar ahba. Waxa uuna qoraagu qodobkaa u soo marag gashaday kuna ammaanay dedaalka ay sameeyeen masuuliyiinta gacanta ku haysa Mu’asasada Sheekh Cumar Faaruuq, oo kaydin ballaadhan ku sameeyay taariikhdii Sheekha iyo waxsoosaarkiisi aqooneedba.

Ugu danbayn, buuggan sida magiciisa ka muuqata waa iftiimin ku saabsan taariikhda culimadaas, waana ilays mudan in laga dhinbiil qaato oo xogta iyo waxsoosaarka culimadeenna sidaas oo kale loo kaydiyo. Macnaheedu ma aha buugganu in uu dhamman taariikhdii culimada ka hadlay, balse waa qadhiidh, ibafur iyo jid laga galo taariikhda culimadaas noqon kara, waana dedaal baaxad weyn oo uu sameeyay qoraagu in uu hal buug ku kulmiyay culimada xaddigaa le’g iyo taariikhdoodiib.

Aad ayaan ugu mahadnaqayaa una baariigaya, abaalkiisana Alle janno ha ka dhigo ayaa aan leeyahay qoraa Khadar Faarax Siciid iyo qof kasta kaalin ka geystay in si fudu lagu helo culimadaa taariikhdooda, waxaanan ku dardaarmaya in ay dhallinyaradu buuggan akhriyaan, si ay u fahmaan noloshii culimada; waayo iyaga ayaa ugu mudan cid lagu daydo, oo la isu eekaysiiyo.

15/12/2024

Wax ka ogow labada qodob ee waaweyn ee uu diiradda saarayo buugga BIDHAAN iyo cidda uu ku wajahan yahay ee ay tahay in akhrido!

13/12/2024

"Seddex erey halkii dooni,
Soddon yaanay kaa qaadan!"

— Abwaan Hadraawi, AHUN.

11/12/2024

Heshiis daabacadeed 📖🤝

Waxa uu heshiis daabacaad buug, dhex maray Madbacadda Diiwaan iyo Maxamed Yuusuf Cali (Maxamed-case), iyada oo ay madbacaddu u daabici doonto buuggiisa la magacbaxay CAANNIMO.

Buuggan ayaa innoo iftiiminaya mawduuca caannimada, oo ah mawduuc dul istaaggiisa aynnu bulsho ahaan baahi weyn u qabno.

Madbacadda Diiwaan waxa farxad u ah, in ay soo saarto buuggan qiimaha badan, bulshadeedana ay u adeegto. Waxa aannuna qoraaga uga mahadcelinaynnaa xulashada uu DIIWAAN xushay iyo kalsoonida uu na siiyay.

07/12/2024

Waxa xarunta Diiwaan ka qabsoomay kulan gaar ah oo lagu falanqaynayay buugga BIDHAAN. Waa buug guurdoonka hagaya, qoyskana habraac u ah, kaas oo mudnaan wayn u leh qoyska.

Gorfayntan ayaa ahayd mid kulmisay haldoor & aqoonyahan qiimo badan. Waxa uu bilow u yahay kulammo noocan ah oo lagu gorfayn doonoo waxsoosaarka Madbacadda Diiwaan.

06/12/2024

Sannad cusub ayaa innagu soo fool leh, maalmahanna waa maalmaha badanaa ugu habboon ee la dejiyo qorshaha sannadka cusub.

Haddaba, ma nala wadaagi kartaa buugga qoraalkiisa ama turjumaaddiisa aad ka fekerayso in uu kuugu jiro qorshaha 2025? ✍️

05/12/2024

"Dacwadda Sheekh Maxamed Macallin nidaamkii waagaa jiray ee Hantiwadaagga ahaa liddi ayaa ay ku ahayd, oo Sheekhu tafsiirka dhexdiisa ayaa uu aragtiyohooda ku bushin jiray, dadkana waa uu uga digi jiray. Sidaa darteed, dawladdu colaad ayaa ay u qaadday, waxaana ay damacday in ay si xeeladaysan uga takhalusto, oo mansab iyo hanti ku jeediso, waxaana loo magacaabay Agaasimaha Waaxda Diinta ee Wasaaradda Garsoorka iyo diinta, ka dibna si toos ah ayaa looga codsaday in uu tafsiirka joojiyo ama sida wadaaddada kale uu u akhriyo, se dheg jalaq uma siin!

Mar kale ayaa la isku deyay dalkaba in laga dhoofiyo oo safiir dibadeed loo magacaabo, balse taasina waa ay socon weyday oo waa uu diiday. Ugu dambayn Sheekha waa loo badheedhay oo xabsiga Labaatanjirow ayaa la dhigay 1976-kii. Siyaad Barre, mar la waydiiyay sababta uu Sh. Maxamed Macallin u xidhay, waxa uu yidhi:
— "Waa nin muwaadin ah oo wanaagsan, laakiin magaalada waxa nooga furan 13 Oryantayshan, isagana hal Oryantayshan baa uga furan, dee Oryantayshankiisii baa dadkii naga weecsaday, annaguna waa aannu ka xoog badan nahay oo waa aannu iska xidhaynnaa."

Sheekhu xabsiga waxa uu kula kulmay ciqaab iyo duruuf adag, oo caafimaadkiisa waxyeello weyn u geysatay, jidh ahaan iyo nafsad ahaanba. In kasta oo Sheekha xitaa cibaadada lagu cidhiidhyay balse isma dhiibin e, Qur’aanka ayaa uu wehel ka dhigtay oo akhriskiisa badsan jiray, toddobaad kastana waa uu dhammayn jiray, dacwaddana waa uu waday, oo maxabiis ay ka mid ahaayeen Maxamed X. Ibraahin Cigaal ayaa uu Qur’aanka iyo tafsiirkiisaba ku baray xabsiga gudihiisa."

Buugga: SHAMAC: sooyaalka culimadii baraarugga
Bogagga: 73 & 74

03/12/2024

📖 Sidee ayaa lagu helaa fikradda buugga?💡
🗣 Ustaad Bodhari Warsame ayaa innooga warramaya.

Waa qayb ka mid kulankii 4-aad Barkulanka Diiwaan, kaas oo daarranaa qoraalka & geeddigiisa.

01/12/2024

Waxa innoo qabsoomay kulankii 11-aad ee Barkulanka Diiwaan, kaas oo ku saabsanaa kaalinta aqooneed ee maktabadaha buugta iibiya. Waxaana kulanka marti ku ahaa mudanayaasha kala ah:
Maxmedweli Cabdi Sheekhrashiid, Hud-Hud Books. Maxamed M. Yuusuf, Dhigaal Bookshop. Kayse Cabdillaahi, HEMA Books & Maxamed Axmed Mataan, Diiwaan Bookstore. Halka ay Nadiira Nuur Hajji innoo daaddihinaysay kulanka.

Ugu horrayn, wax uu ustaad Maxamedweli Cabdi Sheekhrashiid si weyn u dul istaagay sida ay maktabaduhu ay door muhiim ah ugu jiraan jihaynta dhanka aqoonta ee bulshada, gaar ahaanna dhanka qoraalka iyo faafinta qalinka.

Halka uu ustaad Kayse Cabdillaahi xusay in maktabaduhu ay haystaan fursado badan, ayna uga faa'iidaysan karaan in ay bulshada u jiheeyaan dhinaca wanaagsan, maadaama oo ay maktabaduhu gacanta ku hayaan ilihii aqoonta.

Dhankiisa, waxa uu ustaad Maxamed M. Yuufus tilmaamay in jiraan siyaabo kala duwan oo maktabaduhu ay horumar u samayn karaan dhaqaale ahaan, oo ay ka mid yihiin in maktabaduhu xoogga saaraan kordhinta adeegyada ay bixiyaan, oo aanay keliya ku koobnaanin iibinta buugta.

Halka uu ustaad Maxamed Mataan xoojiyay in ay jiraan caqabado dhawr ah oo soo wajaha maktabadaha Soomaalida oo ay ka mid yihiin heerka akhriska ee bulshada oo aad u hooseeya. Sidoo kale waxa uu tilmaamay in caqabado dhaqaale iyo dhanka faafinta buugta ahiba ay jiraan. Taasna lagu xallin karo in kor loo qaado wacyigelinta bulshada ee dhanka akhriska iyo qoraalka, sidoo kalena in ay dawladdu ka shaqayso sidii dhaqaalaha kor loogu qaadi lahaa, si bulshadu u hesho dhaqaale ay buugta ku iibsadaan.

Ugu dambayntii, dhanka talooyinka la soo jeediyay, waxa ugu mudnaa oo aynnu xusi karraa:
– In ay maktabaduhu yeeshaan iskaashi, iskuna xidhnaadaan.
– In ay maktabaduhu si weyn u gutaan doorkooda ku aaddan wacyigelinta bulshada iyo faafinta aqoonta.
– In maktabaduhu ay ababalaan bandhigyo buugta u gaar ah oo ay iskood u abaabuleen.
- In maktabaduhu ay ilaaliyaan akhlaaqiyaadka aqoonta iyo in aanay keliya eegin maxsuulka dhaqaale balse ay tixgeliyaan karaamada cilmiga.
– In maktabaduhu la jaanqaadaan tiknoolajiyadda oo ay ka faa’iidaystaan fursadaha ay abuurayso.

30/11/2024

Muxuu buugga SHAMAC xambaarsan yahay oo uu akhristuhu ka dheefi karaa?

28/11/2024

📌 Xogwarran iyo waayo-aragnimo la xidhiidha kaalinta aqooneed ee Maktabadaha buugta iibiya, ayaa aynnu ku qaadaa dhigi doonnaa kulankan, oo habeen dambe innooga qabsoomi doona barta 𝐗space (Twitter).

Kulankan oo ah kalkii 11-aad ee Barkulanka Diiwaan, waxa marti innoogu ah mudanayaasha kala ah: Maxmedweli Cabdi Sheekhrashiid, Hud-Hud Books. Maxamed M. Yuusuf, Dhigaal Bookshop. Kayse Cabdillaahi, HEMA Books & Maxamed Mataan, Diiwaan Bookstore iyada oo ay Nadiira Nuur Hajji innoo daaddihin doonto.

🗓 29 Nofeembar, 2024
⏰ 8:30 pm
🔗 Link-ga ka eeg faallada u horraysa.

26/11/2024

Heshiis daabacadeed 📖🤝

Waxa uu heshiis daabacaad buug, dhex maray Madbacadda Diiwaan iyo Abwaan Maxamedcali Cabdilaahi. Iyada oo madbacaddu u daabici doonta buugga MIDHIFTIRE, oo ah buug uu qoraagu ku ururiyay maahmaahyo 1,600 kor u dhaafaya; oo uu abwaanku hab cusub u hannaaniyay.

Madbacadda Diiwaan waxa farxad u ah, in ay soo saarto buuggan qiimaha badan, bulshadeedana ay u adeegto.

Waxa aannu qoraaga uga mahadcelinaynnaa xulashada uu DIIWAAN xushay iyo kalsoonida uu na siiyay. Diiwaan ahaan, waxaa kol kasta naga go'an xilkasnimo iyo adeeg hufan, tayo iyo tiro, haddii Alle oggolaado.

Address

Hargeisa

Website

http://www.madbacaddadiiwaan.com/

Alerts

Be the first to know and let us send you an email when Madbacadda Diiwaan posts news and promotions. Your email address will not be used for any other purpose, and you can unsubscribe at any time.

Videos

📖 Sidee ayaa lagu helaa fikradda buugga?💡 🗣 Ustaad Bodhari Warsame ayaa innooga warramaya. Waa qayb ka mid kulankii 4-aad Barkulanka Diiwaan, kaas oo daarranaa qoraalka & geeddigiisa.

Muxuu buugga SHAMAC xambaarsan yahay oo uu akhristuhu ka dheefi karaa?

Diiwaan ahaan, waxa aannu diyaar u nahay qoraa kasta oo u baahan in buuggiisa laga la shaqeeyo, annaga oo ballan qaadaynnaa xilgudasho qalinka milgihiisa u qalanta!

Buugga BIDHAAN waxa uu ku salaysan yahay jacaylka Ilaahay swt, oo sees u ah dhammaan jacayllada dunida ka jira oo dhan. – Qayb ka mid ah falanqaynta buugga BIDHAAN & ustaad Xamse Cumar Kujoog

Falanqaynta buugga BIDHAAN

Falanqaynta buugga BIDHAAN iyo ustaad Xamse Cumar Kujoog.

"Intii aan buuggan akhriyaayay waxaa aad ii soo jiitay, nin walba oo ka mid ah culimada buuggan ku qarani, waxa uu safar dheer u galay sidii uu cilmi u soo barto! Taasi waxay ina tusaysaa in qofkii doonaya in uu cilmi raandhiis leh doonayaa ay tahay in uu nafhur badan la yimaaddo." Sheekh Cabdirisaaq Rakuub

Buugga SHAMAC iyo erayga Sheekh Khadar Badeed

Buugga SHAMAC iyo erayga Sheekh Khadar Badeed.

Buugga SHAMAC iyo erayga Sh.Mohamed Sh.Omer Dirir.

Buugga SHAMAC iyo erayga Sheikh Almis Sheikh Yahye.

Buugga SHAMAC iyo erayga Dr.Xasan Sh.Cali Warsame

Buugga SHAMAC iyo erayga Sh Dr Khadar Xasan Axmed.

Buugga SHAMAC iyo erayga ustaad Xamse Cumar Kujoog.