Maxamed Ciiro Gudoomiyaha Kubadda Cagta Puntland ayaa ku tilmaamay muhiimad weyn kulan ciyaareedka la daah furay isagoo uga mahadceliyay qaban qaabiye yaasha soo qaban qaabiyay, sigaar ah jaamacadda Boosaaso-Garowe, isagoo sheegay in jaamacadu aad uga qayb qaado taageerada ciyaaraha gaar ahaan kubadda cagta, waxaana uu tilmaamay in ay dhigtaan jaamacadda laacibiin caanku ah kubadda cagta Puntland.
Waxa kale oo uu bogaadiyay danab Cable oo si daah furan uga qayb qaadaneysa horumarinta ciyaaraha gudaha wuxuuna ku booriyay in ay dadaalkooda halkaas ka siiwadaan.
Prof.Maxamed Cumar oo ah gudoomiye ku xigeenka guud ee jaamacadda Boosaaso ayaa ka hadlay goobta waxa uu u mahaceliyay ururka ardayda jaamacadda isagoo bogaadiyay howshan qaaliga ah ee ay soo qabana qaabiyeen gudoomiyaha ururka iyo golihiisa kaleba,
Waxa uu gudoomiye ku xigeenku sheegay in ciyaaruhu ay ka mid yihiin kobcinta iyo garaadka ardayda, ayna ka qayb tahay dadaalada waxbarasho ee ay jaamacdu u heyso ardaydooda.
Waxa kale oo uu si guud ahaaneed ugu sheegay ardayda ka qayb qaadaneysa koobkan in ay ku dhameystaan kulan ciyaareedkoodaan degenaan iyo ilaalinta tartanka, islamarkaana ka maamul ahaan u rajeynayaan guulo wax ku ool ah.
Maxamed Cismaan oo ka socday Danab Cable Tv ayaa isna kahadlay Daahfurka kulanka, isagoo sheegay in ay ku faraxsan yihiin madashan oo ah madal kulmisay ardaydii iyo ciyaarihii kubadda cagta ayna tahay muhiimad weyn is dhexgalka.
Maxamed Waxa uu halkaasi ka sheegay fursad weyn oo ay Danab Cable Tv u shaacisay Ardayda iyo cid kasta oo ka faaiideysan karta taas oo aheyd in ay Danab qiimo lacageed oo dhan 5USD siineyso cidkasta oo iibisa hal recever oo danab ah.
Waxa uu gaba gabadii ku booriyay dhalinyarada in ay ka faaiideystaan fursaddan qaaliga ah islamarkaana ka qayb qaataan shaca abuurka ay danab u baahisay Caawa.
Dhiinka ardayda jaamacadda Boosaaso- Garowe ayaa isna goobta ka hadlay waxaana uu bogaadiyay qaban qaabada koobkan iyo ujeedkiisa ah is dhexgalka ardayda waxa uu si gaar ah ugu mahadceliyay ururka ardayda jaamacadda iyo Tvga Danab kaalinta ay ka qaadatay koobka.
Gudoomiyaha Ardayda Jaamacadda Boosaaso - Garowe ayaa ka hadlay goobta daahfurka koobka kubadda cagta Kuliyadaha Jaamacadda, waxaana uu sheegay in koob ciyaareedkan furmaya ay uga golleeyihiin isdhexgalka ardayda kuliyadaha Jaamacdda islamarkaana uu u mahadcelinayo Danab Cable Tv oo kaalinta Maalgelinta ka leh koob ciyaareedkan.
DANAB CABLE TV
GAROWE, PUNTLAND, SOMALIA.
Faah faahin Dheeraad ah, Soo wac Tel- 90 5444111 Ama, Lind line- 05 848044
Qaar ka mid ah ciyaaryahannadii ciyaaray koobkan, Mulkiilayaashii lagu ciyaarayay Magacyada Meheradahooda iyo ka soo qayb galayaal kale ayaa bogaadiyay kaalinta danab Cable Tv ay ka qaadatay Kulamada Tartankan, iyagoo ku booriyay in ay halkaas ka sii wado horumarinta Ciyaarhaa gudaha.
Maxamed Ciiro Gudoomiyaha Kubadda Cagta Puntland oo goob joog ahaa kulan ciyaareedka kama dambeysta ah ee koobka ayaa u hambalyeeyay kooxda koobka Hanatay Isagoo Bogaadiyay Danab Cable Tv iyo Dadaalka ay ku fulisay Maalgelinta Koobkan.
"Danab Cable Waa Tv Dhalinyaro, waxaan noo qorsheysan Waxqabad ballaaran oo ku aadan Horumarinta Ciyaaraha Gudaha " Maxamed Cusmaan oo ka mid ah Maamulka Shirkadda Danab Cable Tv .
Guddoomiye kuxigeenka degmada Garoowe Maxamed Cali Xamari oo caawa ka qayb galay xaflada daah furka DANAB CABLE
Jaamac Deperani oo ah Afhayeenka Madaxtooyada Puntland oo caawa ka qayb galay xaflada daah furka DANAB CABLE TV
Cabdulqaadir Barcelona oo ah Guddoomiyaha Ciyaaraha gobolka Nugaal oo caawa ka qayb galay xaflada daah furka DANAB CABLE TV oo caawa lagu qabtay Magaalada Garowe
Wasiirka wasaaradda warfaafinta Dowladda Puntland Maxamud Caydiid Nuur Dirir oo ka qayb qaatay xafladda Daahfurka Danab Cable Tv islamarkaana xariga ka jaray ayaa Soo dhaweeyay Danab Cable iyo daahfurkeeda, waxaana uu ku booriyay Maamulka iyo Howlwadeennada Shirkadda Danab in ay muujiyaan karti iyo ka shaqeynta danaha dalka iyo dadka .
"Waan ku faraxsanahay Furitaanka Danab Cable, waxan rajeynaya in bulshada Soomaaliyeed iyo tan Puntlandba in uu wax ku soo kordhiyo, waana ii sharaf in aan goob joog ka noqdo furitaankiisa" sidaasi waxaa yiri Wasiirka Warfaafinta Puntland Maxamuud Caydiid.
Faadumo Diiriye Nuur oo ka mid ah Aqoonyahanka Puntland ayaa iyana ka hadashay xafladda furitaanka Danab Cable Tv, waxaana ay sheegtay in ay soo dhaweyneyso ayna tahay wax fiican in ay dalka ku soo biiraan warbaahinno sida danab o kale ah.
"Qolada TV ga madaxda ka ah waxaa la idinka rabaa inaad tartan gashaan, dadka wax qabtay ee waxtarka leh soo bandhigtaan, dhulka quruxda badan ee aan la tegin aad muuqaalo kasoo duubtaan," sidaasi waxaa goobta xafladda ka tiri Faadumo Diiriye Nuur
Guddoomiyaha Ururka Warbaahinta Puntland ee MAP Maxamed Daahir Caynsane ayaa ka mid ahaa martidii daahfurka Shirkadda Danab Cable Tv waxaana uu halkaasi ka jeediyay hadal khiimabadan isagoo soo dhaweeyay Daafurka Danab.
"Tartanka maanta dunida kajira maaha in dhalooyin lasoo dhigto ee waa sidee fariintaadu bulshada u saamayn kartaa, taas baan rajeynayaa inaad ka miro dhalisaan, waana idin soo dhoweynaynaa," Sidaasi waxaa yiri Gudoomiye Caynsane
Jacfar Maxamed Maamulka Danab Cable Tv oo hadal furid ah ka jeediyay Xafladda Daahfurka Danab Cable ayaa faah faahin ka bixiyay ujeedooyinka Loo aasaasay Danab iyo waxqabadkeeda wuxuuna ka sheekeeyay marxaladihii kala duwanaa ee ay soo martay.
Wax kabaro Danab Cable Tv
Danab Cable Tv
Faah faahin Dheeraad ah, Soo wac Tel- 90 5444111 Ama, Lind line- 05 848044
TOOS Xafladda habeen nimo ee Caleemasaarka Madaxweynaha Dib loo dortay ee Puntland
TOOS Xafladda habeen nimo ee Caleemasaarka Madaxweynaha Dib loo dortay ee Puntland
