Maxaa u taqaannaa?
#BiciidMagazine
Saaka waxa aan kor istaagnah xeradii ariga. Barwaaqo weynaa! Eebbow mahaddaa. Sannadkaan waa sano aaranaad, nuro iyo naq ba waa leeyahay. Eebbow siyaadaan kaa idnay.
#BiciidMagazine
Dadka qaba gooryaanka, xanuunnada caloosha, shubanka, majiiradka, dhiigkarka iyo macaanka ba waxa ay daneeyaan in maalin uun ka laacaan kaadida geela. Ma u soo joogtay?
#BiciidMagazin
Saaka arigii baa naga caacay. Iduhu jac ba ma dhahaan, ri’yow illayn inkaari waa dhankiinna! Talo faro kuma jirtee bariisadii saaka na qabatay qubadkeedu mid horey loo arkay ma ahan.
Maxaa la sameeyaa arigu marka uu caacu, si looga bi’yo?
#BiciidMagazine
Subaxdii markii la dareersho, isaga oo kooraha isla dhacaya. Wuxuu qadatooyada hore sarriigtaa bulushka laamaha cargaha noqday iyo qadanka cosobka buuxshay oogada dhirta.
Markaas dhoobigii ku sabaaliyaa;
Saaka qadantiyo
Maxay quraciyo
Qoonne gurataa!
#BiciidMagazine
Markuu doobbada ka digsiiyaa
Dadka qaarkii daallin moodaan!
Anna daawadi laysu soo diray!
Imisaa jeer baa afka abur ka sii daysay? Wacade, carruurnimo dhibkeeday la maqan tahay.
#BiciidMagazine
Goosgoos nololeed iyo ardaydii Jaamacadda Soomaaliyeed. Qurux iyo xusuuso isbiirsaday. Waxa aan gacmaheenna ku burburinnay janno iyo miro hodan ah oo noo baxayey.
#BiciidMagazine
GAR UGUB AH!
Gartani waa mid UGUB ah. Waxa ay ka dhaxaysaa labo nin oo deris iyo waday ah. Waa reer miyi, maalin maalmaha ka mid ah ayaa wiil uu dhalay ninka la dhaho MUUSE MAXAMUUD, waxaa arigii baal ka raacay DAMEER uu lahaa nin asna la IBRAAHIM CALI CAYDIID. Dameerka malaha gadahaan laguma aqoone, goor harsiimo ah buu inanya yaraa XAMSE MUUSE inta soo qabtay cad mar goostay.
Dadkii u horreeyey ee meesha ku soo baxay waxa ay ahaayeen dumar, markii arkeen way qaylo-dhaansheen, waxaa na soo gaaray raggii duddada. Waa la baaray mise belaa ka dhacdayoo dameerkii baa meel walba dhiig ku leh. Ugu dambayn waa tan gartii halkan timid.
See u niqi lahayd, maaddaama dameeruhu aysan ahayn xayawaanka wax cuna? Maxaa ku caddayn lahayd cunistiisa? Show dhurwaa cunee inanka, oo dameerki aagga soo mar? Show inanku iskiis u dhintee oo bahal helyaa aagga?
Haddii bahda Biciid nahay, inta aan qalno, baan calooshiisa hilbaha ka eegi lahayn 😳😄.
#BiciidMagazine
Mar aan maanta dhama’nay nin na tilmaay sidaan buu yeelaye, maxaa aad ka garatay mase ku tegi lahayd tilmaantaas?
#BiciidMagazine
#BuugHel: Caawa qofkii sheega dhasha goroyada magaceeda waxa uu heli doonaa buug ku saabsan sooyaalka Soomaalida.
#BiciidMagazine
JEERAAR AMAADIN!
Odeygii Jeeraar Amaadin ahaa sida la sheego isaga oo maraya QABRIJEERAAR oo ah meel u dhow magaalada Qabridahar in uu maqlay cod dheer oo samada uga dhawaaqaya kaas oo leh “Jeeraarow, u kaalay jannada!”, sidaas ayaa uu u biibay jannadana u galay. War kale ayaa sheegay in odeyga Amaadin ah uu ahaa nin burhaano waaweyn wata, maalintii dambe na uu go’aansaday in uu iska biibo. Waxaa se intaas ka daran jn la sheego in uu la socday wiil uu adeer u ahaa, asagiina uu sii damiintay lana biibay.
Sheekooyinka biibistu dhulka Soomaalida aad bay ugu badan tahay, ma jiraa mase maqashay awooweyaashaadii hore mid biibay?
#BiciidMagazine
Buuqa magaalada inta aad ka nasatid xoogaa yar, waxa aad dib u milicsataa waayihii samaa ee miyiga. Jabaqda shimbiraha iyo yeerta rahu qofka ay laabihiisa dhaqaajin, dhaawac weeye dhaya. Ciyow wanaagsan gacalleyaal.
#BiciidMagazine
GERI SOOMAALI
In badan waxa aad maqashaa Kenya waxa yimaada dalxiiseyaal u yimaada daawashada nooleyaasha kala duwan ee halkaas ku nool. Balse, ogow in ugaarta dalkaas ku nool 40%+ ka mid ah ay tahay ugaartii Soomaalida. Siigga iyo Geriga dalkaas ku nool waa kuwo Soomaali leedahay. Geriga baraha waaweyn leh ee surkiisu garbihiisa ka fidsan yahay, jeenyaha cad oo dhegaha xaydan waa Soomaali, waxaa na loo yaqaannaa GERI SOOMAALI.
#BiciidMagazine
Wanka noo qalan caawa waxaa noo raaca roob iyo sheekooyin waayo-waayo ah. Sooyaal taariikheed baa nagu socda halkaan baad uga bogan doontaan gacalleyaal. Wan noo qal aan kuu warrannee 😀. Jimce wanaagsan gacalleyaal.
#BiciidMagane
Caawa deegaankaaga roob maka jiraa gacalleyaal?
#BiciidMagazine
Gerilaac, waa nooc ka mid ah libaaxyada gaar ahaan kooda ugu weyn. Soomaalidu aqoon aad u weyn bay u leedahay libaaxa. Bal adigu maxaa sheeko ku haysaa halako uu gaystay libaax oo lagaaga sheekeeyey ama aad u soo joogtay?
#BiciidMagazine
CIRCADDAA
Deegaanno badan dhulka Soomaalida ah waxaa ka curtay deyr-horaaddii, dhulkana iyo cirkaa isu ekaaday. Waxaa la dhahaa hadda oo kale “Circaddaa”. In badan oo ka mid ah culimmada saadaasha hawadu waxa ay ka digayaan roobab ka badan xaddigoodii hore in ay ka hoori doonaan dhul badan Soomaaliya ah. Waxa se aan leennahay “Eebbow saadaal san, oo aan sanan lahayn sixo mooyee”. Haddii uu bato na waxa aan leennahay “Eebbow, araraha iyo awra daaqeenka”.
#BiciidMagazine
Saaka waxa cagta soo dhignay gole geel oo ku yaalla degmada Buurtinle ee gobolka Nugaal. Waa ammin kaliileed lana daaqayo naqhoraadkii deyrta. Waxa aan golehaan ku soo aragnay in uu ku sii harsan yahay adeegsiga agabkii geeljiraha — gudin, gole, gaawe, kashkaash, iyo haamihii caanaha lagu keydin jiray. Waxa se faro ba’an ku haya mukhaadaraadka qaadka iyo dhibta geela la mariyo.
#BiciidMagazine
Hadaljeedintii aasaasaha Biciid, Md. Xoosh Docol Curdan ee shirka “Dibu-qaabaynta Horumarinta Waxbarashada Soomaaliya” oo uu soo agaasimay macadka Heritage Institute. Aasaasaha ayaa hadalkiisu daarranaa — “Dhawrista Dhaqanka & Afka ee Nidaamka Waxbarashada Soomaaliya”.
#BiciidMagazine
Halkaan waxaa ku jira casharro aad u waaweyn oo garta ah kaas oo ah “Mudantida garta” iyo “Garyigilka”.
Qeexid: Mudantidu waa cidda garta loo dhiganayo. Haddii ay qabiil tahay, waa in lbada reer ee garta isu dhiganaya ay yihiin reer abtirsi ahaan siman. Halka Garyigilku yahay, cidda garta loo haysto, falka gaysatay.
Sida garta ka muuqata reerka garta dhigtay waa HABAR JECEL, ISXAAQ. Halka kuwa garta loo dhigtayna ay ahayd HABARYOONIS, ISXAAQ. Balse, sida la dareemi karo HJ waxa ay surmaseegtay ciddii ay gartu taallay, sidaas bay raas HY ah ula gole galeen. Waa ma iska deeddifeeyeen gartaas, waxa ayna sheegeen in aysan gartaas furi karin heerkeeda na aysan joogin, oo ay ayagu raas yihiin.
Qodobka labaad ee muhiim ah ee gartaan asna ka muuqda waa in aysan caddayn cidda wax doonaysa iyo cidda laga doonayo. Bidaal ma ahan, oo qoraal ma ahan, oo ogaal ma ahan. Reer Riyaxirood, wiilashoodaa gaari dhacay waxaa ka horraysay;
— Yaa dhacay? “Garyigilka”.
— Yaa laga dhacay? “Muddaciga”.
— Goormaa la dhacay? “Goorta”.
— Xaggee loo dhacay? “Goobta”.
— Maxaa loo dhacay? “Dhabbaqada”.
Labada qodob ee hore ma cadda, mar dowladdaa laga dhacay oo reer baa k ergaynaya, marna reer baa doonaya oo xoolo reerood buu u egyahay, marna cidda dhacday ma aysan sheeginoo waa iyaga yiri; “Reer Riyaxiroodow, nimankii aad habeen hore u hilba qasheen baa baanuur lambar madoobe ah dhacaye ka keena”.
Maxaa kale oo garta kaaga muuqda. Haddii naq lagu dhahana maxaa ku naqi lahayd?
FG: muuqaalkaan wax nacayb ah ma huwana, haddii uu cid gaar ah ku gefayana, in aan ku gefno uma aannaan soo gudbine waxa aan ula jeed aa oo keli ah in aan ka baranno casharka gareed ee halkaas ku jira. Mahadsanid.
#BiciidMagazine
Subax wanaagsan. Saaka inta xurkaga loo deebinayo buu gosha u baxay. Barqaysinkani kama dhaco daaqsin. Bal aroortaada aan aragno gacalleyaal.
#BiciidMagazine
Bal nala arag qaabka abeesadu u seexato. Soomaalidu abeesada waxa ay ka aamminsan tahay in tahay nooleyaasha ugu dhaqaalayn badan. Waxaa la yiri; “abeesadu carradaas Ilaahay badshay, bay u habeen dhaxdaa”. Noocani dalka waa ku nooshahay. Waxa ay ku jirtaa labada nooc ee dalkeenna ku nool.
#BiciidMagazine
Ilaahow hooya ba ha cadaabin. Uma qalanto hooyo jirkeeda dhibi gaarto. Hilowga, hooyadu ma go’o. Dadka hooyadood iilatay baan muuqaalkaan hibo uga dhignay. Waxaa duubay Cawaale Koronto.
#BiciidMagazine
Ciyaaraha Soomaalida magacyadooda maxaa ka xusuusataa? Ummad walba waxa ay leedahay nooc ciyaar ah oo lagu garto. Gobollada ugu ciyaaraha badan Soomaaliya waa gobollada dhexe iyo koonfurta.
Saylici
Kabeebeey
Haan
Wiglo
Hurbo
Hirwo
Wilwilo
Waalo
Beerreey
Saar
Dhaanto
Walasaqo
Jaandheer
…
#BiciidMagazine