Ciidamada Qaranka JSL

12/04/2023

Taliyaha Ciidamada Qaranka Jamhuuriyadda Somaliland Sarreeye Gaas Nuux Ismaaciil Taani ayaa kulan la qaatay Safiirka dalka Ethiopia Somaliland u jooga iyo saraakiil ciidamada dalka Ethiopia ka tirsan.

Taliyaha oo ay wehelinayeen ciidamada Qaranka Saraakiil ka tirsan iyo weftigan ayaa ka wada hadlay xoojinta ka wada shaqaynta amaanka labada dhinac ee Somaliland iyo Ethiopia.

06/04/2023

Waxay kamid yihiin qoryahani kuwa ciidamada Qaranku ka furteen Kooxaha Huwanta ah.

06/04/2023

Arrinta Laascaanood Oo Laga Hadlay.

WAR-SAXAAFADEED

Shirkii Golaha Wasiirrada Jamhuuriyadda Somaliland Oo Lagaga Hadlay Qodobbo Kala Duwan Oo La Xidhiidha Xaaladda Guud Ee Dalka.
Hargeysa-06-04-2023-()-Fadhigii 109aad ee Golaha Wasiirrada Jamhuuriyadda oo uu shir-guddoominayey Madaxweynaha Jamhuuriyadda Somaliland, Mudane Muuse Biixi Cabdi, kuna wehelinaayey Madaxweyne Ku-xigeenku Mudane Cabdiraxmaan Cabdilaahi Ismaaciil (Saylici) waxa lagaga hadlay qodobbo kala duwan.
Ugu horreyn, waxa war-bixin guud oo la xidhiidha amniga dalka laga dhegeystay Wasiirka Wasaaradda Arrimaha Gudaha, Mudane, Maxamed Kaahin Axmed, sidoo kale waxa goluhu war-bixin ku saabsan Dhaqaalaha Dalka laga dhageystay Wasiirka Wasaaradaha Horumarinta Maaliyadda, Dr Sacad Cali Shire.
Intaa ka dib, goluhu waxa uu dood iyo falan qayn dheer ka dib soo saaray qodobbo muhiima oo salka ku haya arrinta Laascaanood, kuwaas oo kala ah:
1. Wuxuu goluhu hambalyo iyo taageero u muujiyey ciidammada qalabka sida ee heeganka iyo difaaca hadh iyo habeenba ugu jira dalkooda iyo dadkooda sidii ay u difaaci lahaayeen, una sugi lahaayeen amniga guud ee dalka.
2. Goluhu waxa uu caddaynayaa in dagaalka Puntland ka waddo Magaalada laascaanood uu yahay mid ay ku doonayso in ay ku samayso xuduud qabyaaladeed, kaas oo saamayn ku yeelan kara xasilloonida iyo degenaanshiiyaha Geeska Afrika.
3. Goluhu waxa uu garawsan yahay in ay Xukuumadda Jamhuuriyadda Somaliland iyo shacabkeeda Laascaanood ay heshiin doonaan, mar walba oo dagaal dhacana waa laga heshiiyaa, balse Goluhu waxa uu dul istaagay muhiimadda ay leedahay in Laascaanood laga sifeeyo Ciidammada Puntland iyo Kooxaha Argagixisada ah ee ciidamada dagaalka kula jira, si loo sugo Xuduudaha Dalka.
4. Goluhu waxa uu iftiimiyey in ay Jamhuuriyadda Somaliland mar kastaba diyaar u tahay in arrinta Laascaanood lagu soo dabbaalo nabadgelyo, xabbad-joojin iyo wada-hadal, intaan khasaaruhu intaa ka sii ballaadhan.
Ugu danbayn, golaha waxa loo qaybiyey si ay u soo akhriyaan, isla markaana shirarka danbe looga doodo labadan xeer ee kala ah;-
1. Qabyo-qoraalka xeerka Komishanka Doorashooyinka Qaranka.
2. Kaabista iyo wax-ka beddelka xeerka gaadiidka iyo waddo-marista (Xeer Lr.56/2023.

ALLAA MAHAD LEH

02/04/2023

Taliye Faysal Cabdi Bootaan Oo Ka Hadlay Dagaalkii Shalay Ka Dhacay Laascaanood.

01/04/2023

Dhaar Iyo Dagaal Oogenimo Ka Dib,Ciidamada Qaranka Ayaa Qabtay Saaka.

01/04/2023

Gadiid Dagaal Ayaa Kooxaha Huwanta Ah Laga Qabsaday.

01/04/2023

Gadiidka Dagaalka ee Ciidamada Qaranka Jamhuuriyadda Somaliland ay ka qabsadeen Huwanta ka dagaalamaysa magaaladda Laascaanood.

01/04/2023

Maxaabiista Saaka Lagu Qabtay Dagaalka Laascaanood.

Ciidamada Qaranka ayaa saaka weerar lagu soo qaaday ku qab qabtay maxaabiis iyo gaadiid dagaal.

01/04/2023

Ciidamada Qaranka Jamhuuriyadda Somaliland oo saaka gacanta ku dhigay Xildhibaan Maxamed Faarax Dalmar oo ka tirsan Barlamaanka Puntland,kana dagaalamaayey Laascaanood.

31/03/2023

Sawirkani waa been,waana dagaaladii Azerbijan iyo Armenia.
waxay kooxaha ciidamada Qaranka Laascaanood kula dagaalamayaa ka dhigayaan Gaadiid Ciidanka Qaranka Laga gubay.

31/03/2023

Ciidamada Qaranka Jamhuuriyadda Somaliland Oo Gabay Ku Karbaashay Cadawga.

30/03/2023