23/11/2024
Abdishakuur Mohamed Hassan waa siyaasi iyo wariye Soomaaliyeed oo si weyn looga yaqaan gobolka Hiiraan iyo guud ahaan Hirshabelle, gaar ahaan dhanka saxaafadda iyo maamulka bulshada. Waa shaqsi leh waayo-aragnimo iyo xirfad ballaaran oo ku aaddan hogaaminta, xiriirka bulshada, iyo warbaahinta.
Taariikh Nololeedka,
Dhalasho: Abdishakuur wuxuu ku dhashay magaalada Muqdisho sanadkii 1995-tii
Waxbarashada Hoose, Dhexe, Sare iyo Qur’aanka: Wuxuu ku qaatay magaalada Baladweyne, oo ah halka uu ku koray oo uu xirfadaha iyo aqoonta ka sii ballaariyay.
Waxbarashada Sare iyo Tababarada
1; Shahaadada Heerka Koowaad (Bachelor): Waxbarashadiisa heer jaamacadeed wuxuu dhammaystay isagoo shahaadada Maamulka iyo Maareynta ka qaatay Jaamacadda Jobkey.
2: Tababaro iyo Koorsooyin Saxaafadeed:
Abdishakuur wuxuu tababaro badan oo la xiriira saxaafadda iyo arrimaha bulshada ku qaatay gudaha dalka.
Wuxuu koorsooyin dhanka cilmiga saxaafadda ah ka diyaariyay Akadeemiyada Barashada Saxaafadda ee Alpha, magaalada Baladweyne.
Waayo-Aragnimada Warbaahinta
Abdishakuur wuxuu ku biiray saxaafadda isagoo da’yar, wuxuuna mudo ka badan 10 sano wariye ka ahaa warbaahinta madaxabannaan ee Soomaaliya, isagoo si gaar ah uga soo shaqeeyay magaalada Baladweyne iyo guud ahaan gobolka Hiiraan, Intii uu wariye ahaa, wuxuu caan ku noqday soo gudbinta wararka ku saabsan xaaladaha bulshada, siyaasadda, iyo dagaallada ka jira Soomaaliya.
Xilalka Maamulka iyo Siyaasadda
1: Maamulka Gobolka Hiiraan,
Abdishakuur wuxuu soo qabtay xilal kala duwan oo maamulka gobolka Hiiraan ah, kuwaas oo ay ku jirto isku xirka bulshada iyo maamulka gobollada.
2: Wasaaradda Waxbarashada Hirshabelle:
Hadda wuxuu yahay Agaasimaha Guud ee Waaxda Isgaarsiinta ee Wasaaradda Waxbarashada Hirshabelle, halkaas oo uu si weyn uga shaqeeyay xoojinta xiriirka u dhexeeya wasaaradda iyo bulshada.
Wuxuu ku guuleystay inuu wax badan ka beddelo hanaanka isgaarsiinta wasaaradda, isaga oo gaarsiiyay heer cusub oo isku xiraya bulshada iyo maamulka waxbarashada.
Asalka Qabiilka
Abdishakuur wuxuu ka soo jeedaa beesha Baadicadde, gaar ahaan jufada Maamiye, jilbka Cali Faqay. Beeshan ayaa ka mid ah qabiillada dega gobolka Hiiraan, waxayna door muhiim ah ku leedahay dhaqanka iyo siyaasadda deegaanka.
Saameynta iyo Aqoonta
Abdishakuur Mohamed Hassan waa hogaamiye da’yar oo la jaanqaadi kara horumarka iyo isbeddelada cusub ee Soomaaliya.
Wuxuu si gaar ah u jecel yahay ka shaqeynta horumarinta bulshada, xoojinta waxbarashada, iyo tayeynta warbaahinta,Waayo-aragnimadiisa dhinacyada kala duwan ayaa ka dhigtay qof ay bulshadu si weyn ugu tiirsan tahay.
