01/01/2025
Shugaban Najeriya, Tinubu Ya Zazo Na Uku Cikin Shugabanni Masu Cin Hanci Da Rashawa A Duniya – Rahoto
Bola Tinubu, ya kasance na uku a jerin jagororin da s**a fi cin hanci da rashawa a duniya, a cewar kungiyar Organised Crime and Corruption Reporting Project (OCCRP).
Wannan matsayi ya zo ne bayan OCCRP ta yi kira da a gabatar da sunayen mutane a duniya don haskaka daidaikun mutanen da ke ci gaba da ayyukan aikata laifuka da kuma tabarbarewar talauci.
Kungiyar ta OCCRP, wacce ta hada hadakar kungiyoyin ‘yan jarida da masu fafutuka, ta bayyana cewa shugaban kasar Kenya, William Ruto, ya samu mafi yawan kuri’u.
Tinubu ne a matsayi na uku, bayan tsohon shugaban kasar Indonesia, Joko Widodo.
A cewar jaridar People's Gazette, Tinubu, mai shekaru 72, an yi zargin a san shi da sanya tsarin cin hanci da rashawa a Najeriya.
A matsayinsa na gwamnan Legas daga 1999 zuwa 2003, ya tara dukiya mai yawa ga kansa da iyalansa.
Da ya zama shugaban Najeriya a watan Mayun 2023, Tinubu ya ba da aikin titin na tiriliyan nairori ga wani kamfani da dansa ke gudanarwa.
Aikin hanyar Abuja zuwa Calabar mai cike da cece-kuce ya kara dagula fargabar ci gaba da cin hanci da rashawa.
Bugu da ƙari, ga tarihin Tinubu a matsayin dillalin hodar iblis a Chicago
Zarge-zargen yin jabun satifiket din ya kuma taso jim kadan bayan rantsar da shi.
Tinubu ya musanta dukkan zarge-zargen cin hanci da rashawa.
