Sports Myanmar, 232A SIMS Avenue, Singapore (2024)

10/12/2024

ဘယ်သူက အကျိုးပြုနေလဲ? ဘယ်သူက ဂျင်းနေလဲ?

ပြီးခဲ့တဲ့ နွေရာသီ စျေးကွက် နောက်ဆုံးရက်မှာ မန်ယူနိုက်တက်ကနေ ချဲလ်ဆီးသို့ တရာသီအငှါး ( ပေါင်၂၅သန်း မဖြစ်မနေခေါ်ယူခွင့် ) နဲ့ ရောက်လာတဲ့ ဂျေဒွန် ဆန်ချိုဟာ တော့တင်ဟမ်နဲ့ ပွဲမှာ ဂိုးထပ်သွင်းနိုင်ခဲ့တာကြောင့် ပရီးမီးယားလိဂ်ကို ရောက်လာတဲ့ ၃နှစ်ခွဲ ကာလအတွင်း ပထမဆုံး အကြိမ် ရှေ့ဆင့်နောက်ဆင့် ဂိုးသွင်းနိုင်ခဲ့ခြင်း ဖြစ်ပါတယ်။

တဖက်မှာ မနှစ်က နွေရာသီမှာ ချဲလ်ဆီးကနေ မန်ယူနိုက်တက်သို့ ပေါင်သန်း ၆၀နဲ့ ပြောင်းသွားတဲ့ မေဆင်မောင့်ကတော့ တနှစ်ခွဲကြာလာတဲ့အထိ ပရီးမီးယားလိဂ်မှာ တဂိုးသာ ရထားပါသေးတယ်။

ဆန်ချိုကတော့ ချဲလ်ဆီးကို ရောက်တဲ့ ၃လဝန်းကျင်အတွင်း ချက်ချင်းအကျိုးပြုနေကာ၊ မောင့်ကတော့ မန်ယူနိုက်တက်မှာ ခုထက်ထိ ခြေမပေါ်သေးပေမယ့်၊ ရေရှည် အနာဂတ်မှာ ဒီအသင်းကြီး ၂သင်း အပေါ် ဘယ်သူက ပိုစွမ်းဆောင်ပေးနိုင်မလဲ ဆိုတာ စောင့်ကြည့်ရမှာ ဖြစ်ပါတယ်။

10/12/2024

ကမ္ဘာ့တန်ဖိုးအကြီးဆုံး ပြိုင်ပွဲဖြစ်လာမယ့် ကလပ်ကမ္ဘာ့ဖလား

ဖီဖာ က ၄ နှစ်တကြိမ် ကျင်းပမယ့် ပုံစံအသစ်နဲ့ ကလပ်ကမ္ဘာ့ဖလားပြိုင်ပွဲဟာ လက်ရှိ ဘောလုံးအားကစားရဲ့ prize အမြင့်ဆုံး ပြိုင်ပွဲ ဖြစ်လာတော့မှာ ဖြစ်ပါတယ် ။ ၂၀၂၅ ခုနှစ် ဇွန်လ ကနေ ဇူလိုင်လ အတွင်း ကျင်းပမယ့် အဆိုပါပြိုင်ပွဲအတွက် prize ဟာ ဒေါ်လာ သန်း ၁၀၀ အထိ ရှိနေမှာ ဖြစ်ပြီး ဒါဟာ ချန်ပီယံလိဂ် ပြိုင်ပွဲထက် ၁၀ သန်း ပိုများနေပါတယ် ။ လက်ရှိမှာ ချန်ပီယံလိဂ်ပြိုင်ပွဲဟာ အများဆုံး ပြိုင်ပွဲအဖြစ် ရပ်တည်နေပြီး ဖီဖာကမ္ဘာ့ဖလားပြိုင်ပွဲက ဒုတိယအများဆုံးအဖြစ် တည်ရှိနေပါတယ် ။

လာမယ့် ၂၀၂၅ ကလပ်ကမ္ဘာ့ဖလားပြိုင်ပွဲကို အမေရိကန်နိုင်ငံမှာ ကျင်းပသွားမှာဖြစ်ပြီး မက်ဆီ ရဲ့ အင်တာမိုင်ယာမီ အသင်းဟာ အိမ်ရှင်ကိုယ်စားပြုအသင်းအဖြစ် ပါဝင်ယှဉ်ပြိုင်ခွင့် ရရှိခဲ့ပါတယ် ။

10/12/2024

၂၀၂၂ ကမ္ဘာ့ဖလားဖိုင်နယ်မှာ မက်ဆီကို အရှုံးပေးခဲ့ရတဲ့ အပေါ် ပြန်ပြောင်းမှတ်ချက်ပေးလာတဲ့ အမ်ဘတ်ပေ

‘ ကျွန်တော် အဲဒီတုန်းက အရမ်း ဒေါသထွက်ခဲ့တာပါ။ ဒါပေမယ့် သူက မက်ဆီ ဖြစ်လို့ ခင်ဗျား သူ့ကို လေးစားမှု ထားရပါမယ်။

ကျွန်တော်တို့ဟာ အဲဒီဖိုင်နယ်မှာ အမှတ်တရများစွာ ဖန်တီးနိုင်ခဲ့ကြပါတယ်။ ကျွန်တော်တို့ ဒီအကြောင်း ပြောရင်း ရယ်မောခဲ့ကြပါတယ်။

ဖိုင်နယ်မကန်ခင် သူက ကျွန်တော့ကို ‘ မင်းက ကမ္ဘာ့ဖလား တခါ ရထားပြီးပြီလေ၊ ဒီတခါတော့ ငါ့ကိုလည်း ပေးရသင့်တယ်ကွာ ‘ ဆိုပြီး ပြောခဲ့ပါသေးတယ်။ အဲဒီနှစ်က ဒုတိယ ရာသီဝက်မှာ ကျွန်တော်တို့ ၂ယောက် အတွဲညီခဲ့ပါတယ်။

ဒီဗိုလ်လုပွဲက ကျွန်တော်တို့ကို စိတ်ချင်း ပိုနီးစေခဲ့တယ်လို့ ထင်ပါတယ်။ ‘ 🗣️ ကီလီယန် အမ်ဘတ်ပေ

10/12/2024

မန်ချက်စတာ စီးတီးအသင်းရဲ့ ဘဏ္ဍာရေးဆိုင်ရာ စည်းကမ်းမလိုက်နာမှုတွေ အတွက် စွဲချက်တင်ထားတဲ့ အမှုပေါင်း ၁၁၅ မှု အတွက် ကြားနာမှုတွေဟာ မနေ့က အားလုံးပြီးစီးသွားခဲ့ပြီလို့ ဗြိတိန်သတင်းဌာနတွေက ဖော်ပြလာခဲ့ပါတယ် ။ အခုအချိန်မှာတော့ final decision လုပ်ဆောင်ဖို့သာ ကျန်ရှိတော့ပြီး အခုနှစ်ကုန်ပိုင်း ဒါမှမဟုတ် လာမယ့်နှစ် အစပိုင်းလောက်မှာ ထုတ်ပြန်သွားဖွယ် ရှိနေပါတယ် ။

မန်စီးတီး အနေနဲ့ အချက် ၁၁၅ ချက်ထဲက ဘယ်အချက်တွေ အတွက် ပြစ်ဒဏ်ချမှတ်ခံရမလဲ ဆိုတာကတော့ မသိရသေးပါဘူး ။ အချို့ကတော့ မန်စီးတီး ဟာ တန်းဆင်းရတဲ့အထိ ပြစ်ဒဏ်ချမှတ်ခံရနိုင်တယ်လို့ သုံးသပ်နေကြပါတယ် ။

09/12/2024

ASEAN CHAMPIONSHIP MITSUBISHI ELECTRIC CUP 2024
Group (B) အမှတ်ပေး Table

09/12/2024

Asean MITSUBISHI ဖလားပြိုင်ပွဲ
မြန်မာ (0 - 1) အင်ဒိုနီးရှား
Myanmar 0-1 Indonesia

09/12/2024

မေဂျာလိဂ်အထိ ရောက်ရှိလာတဲ့ ရိုနယ်ဒို ရဲ့ လွှမ်းမိုးမှု

မနေ့တုန်းက မေဂျာလိဂ် ရဲ့ အမြင့်ဆုံးဆုဖလားဖြစ်တဲ့ MLS Cup ကို ရယူဆွတ်ခူးခဲ့တဲ့ LA Galaxy အသင်းက ကစားသမားတွေဟာ ဆုဖလားရယူအပြီးမှာ ရိုနယ်ဒို ရဲ့ နာမည်ကျော် Siuu အောင်ပွဲခံပုံကို ပြုလုပ်သွားခဲ့ကြပါတယ် ။

ရိုနယ်ဒို ရဲ့ Siuu ဟာ အားကစားလောကရဲ့ လွှမ်းမိုးမှုအရှိဆုံး အောင်ပွဲခံပုံအဖြစ် လက်ခံထားကြပြီး ဘောလုံးမှာသာမက အခြားအားကစားသမားတွေပါ လိုက်လံပြုလုပ်အောင်ပွဲခံနေကြတဲ့ အရာတစ်ခုလည်း ဖြစ်ပါတယ် ။

09/12/2024

ယူနိုက်တက်ကို ချစ်တဲ့ အန်သိုနီ

အန်သိုနီ ဒီရာသီဝက်မှာ မန်ယူနိုက်တက်အသင်းက ထွက်ခွါမှာမဟုတ်သေးပါဘူး။ သူအသင်းမှာ ဆက်ရှိနေမှာပါ။သူ ယူနိုက်တက်ကိုချစ်တယ်။ သူ ယူနိုက်တက်အသင်းမှာ ပျော်ရွင်နေပါတယ် လို့ ဘရာဇီး ဂျာနယ်လစ် Jorge Nicol က ပြောကြားသွားပါတယ်။

09/12/2024

"ကျွန်တော် ဘာစီလိုနာမှာ ဘာကြောင့် မအောင်မြင်ခဲ့တာလဲ သိလား . . . နည်းပြကြောင့်ပေါ့ ။ နည်းပြ ( ဗန်ဟား ) က ကျွန်တော့ကို တောင်ပံမှာ ကစားခိုင်းခဲ့တာလေ ။ ကျွန်တော် က ကွင်းလယ်ကစားကွက်ဖန်တီးရှင်လေဗျာ ၊ တောင်ပံ ကစားသမားမှ မဟုတ်ခဲ့တာ"

"ပီယာလို ကျွန်တော့ကို ပြောဖူးတယ် ၊ ကျွန်တော်တို့လို ကစားသမားတွေက ငါးလေးတွေနဲ့တူတယ်တဲ့ ၊ ကိုယ်ကျွမ်းကျင်တဲ့ နေရာမှာပဲ အကောင်းဆုံး အစွမ်းပြနိုင်ကြတာ ။ ရေထဲကနေ ထုတ်လိုက်တာနဲ့ ကျွန်တော်တို့ သွားတော့တာပဲတဲ့ ။ သူပြောတာ မှန်တယ်ဆိုတာ ဘာစီလိုနာက ကျွန်တော့အကြောင်းတွေက သာဓကပါပဲ"
Riquelme

အာဂျင်တီးနား ဘောလုံးကစားသမားဟောင်းကြီး ဟွမ် ရိုမန် ရီကွယ်မီးလ် ဟာ သူ့ခေတ်သူ့အချိန်တုန်းက အကောင်းဆုံးကွင်းလယ်လူတစ်ယောက်အဖြစ် ကျော်ကြားခဲ့သူပါ ။ ဒါပေမယ့် ဘာစီလိုနာမှာတော့ မအောင်မြင်ခဲ့ပါဘူး ။ အဲ့ဒီအချိန်တုန်းက ဘာစီလိုနာ နည်းပြ လူးဝစ် ဗန်ဟား ဟာ သူ မလိုချင်ဘဲ ခေါ်ယူခဲ့ရတဲ့ ရီကွယ်မီးလ် ကို ကောင်းကောင်း ပေးမကစားခဲ့ပါဘူး ( ဗန်ဟား ဟာ မန်ချက်စတာ ယူနိုက်တက်မှာလည်း ဒီမာရီယာ နဲ့ အဆင်မပြေမှုတွေ ဖြစ်ခဲ့ပါတယ် ၊ သူနဲ့ အာဂျင်တီးနား ကစားသမားတွေရဲ့ ဇာတ်လမ်းတွေက စိတ်ဝင်စားစရာပါ ) ။ ဘာစီလိုနာကနေ ထွက်ခွာအပြီးမှာတော့ ရီကွယ်မီးလ် ဟာ သူ့ရဲ့ အရည်အသွေးတွေကို ဗီလာရီးရဲ အသင်းနဲ့ ပြသသွားခဲ့ပြီး ဘိုကာဂျူနီယာ အသင်းဆီ ပြန်သွားကစားခဲ့ပါတော့တယ် ။

09/12/2024

မန်ယူနိုက်တက် ဝင်ရှုပ်သွားတဲ့ အမော်ရင် နဲ့ စပို့တင်း

မန်ချက်စတာ ယူနိုက်တက်အသင်းက ကမ်းလှမ်းလာမှုဟာ ရူဘန် အမော်ရင် နဲ့ စပို့တင်း အသင်းတို့ကို ဒွိဟများစွာ ဖြစ်စေခဲ့ပါတယ် ။ စပို့တင်း ဟာ အရမ်းကောင်းမွန်တဲ့ ရာသီတခုကို ပိုင်ဆိုင်နေပြီး အမှတ်ပေးဇယားထိပ်ကနေ ဦးဆောင်ထားသလို ချန်ပီယံလိဂ်မှာလည်း မန်စီးတီးလို အသင်းကိုပါ ဂိုးပြတ်အနိုင်ကစားထားတဲ့အထိ ပုံစံကောင်းတွေပြသနေခဲ့တာပါ ။ နည်းပြ အမော်ရင် ကလည်း ပွဲတိုင်း အနိုင်ရယူထားပေးခဲ့ပါတယ် ။

ဒါပေမယ့် မန်ချက်စတာ ယူနိုက်တက် က ရာသီကုန်အထိ မစောင့်နိုင်ဘူးလို့ ပြောလာချိန်မှာတော့ အမော်ရင် တစ်ယောက် အခွင့်အရေးကို လက်မလွှတ်ဘဲ အရယူခဲ့ရပါတော့တယ် ။ အဲ့ဒီနောက်မှာတော့ အမော်ရင် ရော စပို့တင်း ပါ အခက်အခဲတွေနဲ့ ကြုံလာရတော့တာပါပဲ ။

အမော်ရင် ဟာ မန်ယူနိုက်တက် နည်းပြဘ၀ အဖွင့် ၅ ပွဲမှာ ၂ ပွဲသာ အနိုင်ရထားပြီး ၂ ပွဲရှုံး ၁ ပွဲသရေ ကျကာ အသင်းသစ် ၊ လိဂ်အသစ်မှာ ရုန်းကန်နေရပါတယ် ။ စပို့တင်း အသင်းကလည်း အမှတ်ပေးပွဲ ၂ ပွဲဆက် ရှု့းနိမ့်သွားခဲ့တာကြောင့် ပေါ်တို ၊ ဘင်ဖီကာ အသင်းတွေနဲ့ အမှတ်နီးကပ်သွားခဲ့ရပါပြီ ။ ဘင်ဖီကာသာ ပွဲကျန်ကို အနိုင်ကစားခဲ့မယ်ဆိုရင် အဆင့် ၁ နေရာကိုပါ ရယူသွားတော့မှာပါ ။

တကယ်လို့သာ မန်ချက်စတာ ယူနိုက်တက် နည်းပြ အလုပ်ကို အမော်ရင် လက်မခံခဲ့ဘူးဆိုရင် စပို့တင်း နဲ့ အမော်ရင် တို့ ဘာတွေ ဖြစ်လာနိုင်မှာလဲ . . .

09/12/2024

တစ်နှစ်ကျော် အထိ အနားယူရမယ့် အန်တိုနီယို

ကားမတော်တဆ မှုမှာ ပါဝင်ပြီး ခြေထောက် ကျိုးသွားခဲ့တာကြောင့် ခွဲစိတ်ကုသမှု ခံယူ ခဲ့ရတဲ့ ဝက်စ်ဟမ်း တိုက်စစ်မှူး အန်တိုနီယို ဟာ အနည်းဆုံး တစ်နှစ် နီးပါး အနားယူရမှာ ဖြစ်တယ်လို့ သိရပါတယ် ။

09/12/2024

ချန်ပီယံလိဂ်ရချင်တယ်

" ကျွန်တော်က ချန်ပီယံလိဂ်ဖလားကို ဆွတ်ခူးဖို့အတွက် ကမ္ဘာ့ အကောင်းဆုံး အသင်းဆီ ရောက်ရှိနေတာပါ "

" ကျွန်တော် ချန်ပီယံလိဂ်ဖလားရချင်ပါတယ် ။ PSG အသင််း လား? သူတို့ အကောင်းဆုံး ဖြစ်နိုင်ပါစေလို့ ဆန္ဒပြုပါတယ် ။ ဒါပေမဲ့ ချန်ပီယံလိဂ် ဖလား... ဒါကိုတော့ ကျွန််တော်လိုချင်ပါတယ် ။ ကျွန်တော် ရီးယဲမက်ဒရစ် အသင်းနဲ့ အတူ ဒီဖလားကို ဆွတ်ခူးချင်ပါတယ် "

ကိုင်လီယံ အမ်ဘာပေ (ရီးယဲ မက်ဒရစ်)

ကစားသမားဘဝအတွင်း တခါမှ မရဖူးသေးတဲ့ ဖလားကို အမ်ဘာပေ ဒီနှစ်ရနိုင်မလား???

09/12/2024

ဘာမဆိုလေ့လာသင်ယူလို့ရပါတယ်

" မက်ဆီဟာ အရာရာတိုင်းကို ကောင်းကောင်းလုပ်နိုင်ခဲ့ပါတယ် ။ ဒီလို ကစားသမားမျိုးဆီက ခင်ဗျားဟာ ဘာမဆို လေ့လာသင်ယူနိုင်တယ်လေ "

" ကျွန်တော်ဆို သူ့ဆီသွားပြီး ' ဒါ ဘယ်လိုလုပ်လိုက်တာလဲ? ဒါကို ဘယ်လိုလုပ်ရလဲ? ' ဆိုပြီး မေးမြန်းလေ့ရှိတတ်ခဲ့ပါတယ် "

ကိုင်လီယံ အမ်ဘာပေ
(PSG အသင်းဖော်ဟောင်း နှစ်ဦး)

09/12/2024

ချဲလ်ဆီးအသင်းမှလွဲပြီး ကျန်တဲ့အသင်းကြီးတွေ ရလဒ်မကောင်းခဲ့တဲ့ ပရီးမီးယားလိဂ် ပွဲစဉ် ၁၅

09/12/2024

🔵🚀 ဇနီးနဲ့ ကွာရှင်းပြီးနောက်ပိုင်း ခြေစွာလာတဲ့ အန်ဇို

ချဲလ်ဆီး အသင်းရဲ့ အာဂျင်တီးနား လက်ရွေးစင် ကွင်းလယ်လူ အန်ဇို ဖာနန်ဒက်ဇ်ဟာ နိုဝင်ဘာ ၁ရက်နေ့မှာ ဇနီးဖြစ်သူ ဗယ်လန်တီနာနဲ့ ကွာရှင်းပြီးနောက်ပိုင်း ကွင်းတွင်းခြေစွမ်း တမဟုတ်ချင်း တိုးတက်လာပါတယ်။

အန်ဇိုရဲ့ နောက်ဆုံး ၆ပွဲ ခြေစွမ်း

Vs Noah ( 3 assists )
Vs Arsenal ( 1 assist )
Vs Leicester ( 1 assist, 1 goal )
Vs Aston Villa ( 1 goal )
Vs Southampton ( 1 assist )
Vs Tottenham ( 1 goal )

09/12/2024

ပရီးမီးယားလိဂ်ရဲ့ Penalty King ဖြစ်လာတဲ့ ကိုးလ် ပယ်လ်မာ

မနေ့ညက စပါးနဲ့ ပွဲမှာ ပင်နယ်တီ ၂ ဂိုးသွင်းယူနိုင်ခဲ့တဲ့ ချဲလ်ဆီးကြယ်ပွင့်လေး ကိုးလ် ပယ်လ်မာ ဟာ ပရီးမီးယားလိဂ်သမိုင်းမှာ ပင်နယ်တီ တကြိမ်မှ မလွဲဘဲ ၁၁ ဂိုးဆက် သွင်းယူထားနိုင်တဲ့ ယာယာတိုရေး ရဲ့ မှတ်တမ်းကို ကျော်ကာ ၁၂ ဂိုးဆက်နဲ့ စံချိန်သစ် စိုက်ထူသွားနိုင်ခဲ့ပြီ ဖြစ်ပါတယ် ။

09/12/2024

ဒီတစ်လအတွင်း မန်းစီးတီးမှလွဲပြီး တစ်ခြားဘယ်အသင်းကိုမှ မနိုင်တဲ့ စပါးအသင်း

09/12/2024

ကာရေဂါ " လက်ရှိ ချဲလ်ဆီး အသင်းက underdog အသင်း အဖြစ်နဲ့ ခုလို ဖြစ်လာတယ်လို့ ပြောလို့ မရနိုင်ပါဘူး ၊ သူတို့ သုံးထားတဲ့ ငွေကိုလည်း ကြည့်ဦးလေ ၊ ဒေါ်လာသန်း ၁၂၀၀
တောင် သုံးထားတာပါ။ ဒါပေမဲ့ ဒီနှစ် သူတို့ လုပ်ပြထားတဲ့ အရာတွေက ဘယ်သူမှ ထင်မှတ် မထားခဲ့တဲ့ အရာတွေ ဆိုတာ လက်ခံပါတယ်၊ ချန်ပီယံဆုကို စိန်ခေါ်နိုင်တဲ့ အသင်း စာရင်းထဲမှာ ထည့်ထားရတော့မှာပါ ။ "