https://www.facebook.com/107984248226391/

D-Day Information

Home
Singapore
City
D-Day Information

Contact information, map and directions, contact form, opening hours, services, ratings, photos, videos and announcements from D-Day Information, Media/News Company, City.

12/12/2021

ဗိုလ်ဂျပန်တို့ နဂါးဖြူ PDF အဖွဲ့ ကွမ်းယာ တအားစား‌ချင်နေတဲ့အချိန် ဆိုင်ရှင်မရှိလို့ ကိုယ့်ဘာသာကိုယ်ပဲ ယာစား ထုပ်ယူပြီး ကွမ်းယာဖိုး ပိုက်ဆံ ၂၀၀၀ နဲ့ ကျေးဇူးတင်တဲ့အကြောင်းပါ စာရွက်လေးနဲ့ရေးပြီး ထားခဲ့တာတဲ့

ပြည်သူ့အချစ်တော် PDFတပ်ဖွဲ့ဝင်တွေ အဲလိုကိုချစ်ဖို့ကောင်းတာ ❤️

Photos Credit

11/12/2021

မုံရွာတွင် မြို့ပြပျောက်ကျားနှစ်ဖွဲ့က စည်ပင်ဝန်ထမ်းများကို ရှင်းလင်းမည်ဟု သတိပေးပြီးနောက် ပိတ်ထားသော စျေးများ ပြန်ဖွင့်ရန် မုံရွာစည်ပင်က လော်စပီကာဖြင့် လိုက်အော်

ရန်ကုန်၊ ဒီဇင်ဘာ၁၁

စစ်ကိုင်းတိုင်း၊မုံရွာမြို့နယ်ရှိ ဈေးများအားလုံး ပြန်ဖွင့်ကြဖို့ ဒီကနေ့ညနေ၄နာရီဝန်းကျင်ခန့်က ကားဖြင့်ပတ်ကာ လော်နှင့်လိုက်အော်နေတယ်လို့ မုံရွာဒေသခံတချို့က Regional News Agency သို့ ပြောဆိုပါတယ်။

ဒီကနေ့မနက်ပိုင်းမှာ မြို့ပေါ်ရှိအချို့ဈေးများကို စစ်တပ်ကဝင်ရောက်ဖျက်ဆီးပြီးနောက် နေ့လယ်ပိုင်းမှာ စစ်ကောင်စီလက်အောက်ခံ စည်ပင်က ကန်သာယာဈေးရှိ ဈေးဆိုင်များကို "စည်ပင်ခွင့်ပြုချက်မရှိဘဲ ဆိုင်မဖွင့်ရ"ဆိုတဲ့ စာရွက်တွေ ကပ်ထားခဲ့တာပါ။ အဲဒီလို ကပ်ပြီးတဲ့နောက် မြို့ပြပျောက်ကျားနှစ်ဖွဲ့က စည်ပင်ဝန်ထမ်းတွေကို ရှင်းလင်းမယ်လို့ သတိပေးစာထုတ်ပြန်ပါတယ်။

"ဒီနေ့နေ့လည်ပိုင်း ကန်သာယာဈေးမှာ စာရွက်တွေ လိုက်ကပ်နေတာကိုတွေ့တယ်၊စည်ပင်က ဈေးဆိုင်တွေမဖွင့်ရဘူးဆိုပြီး မနက်ကလည်း မြို့ပေါ်က ဈေးတချို့ကို သောင်းကျန်းသွားတယ်၊ခဏအကြာတော့ မြို့ပြပြောက်ကျားအဖွဲ့ကစာတစ်စောင် ထုတ်လိုက်တယ်၊ မကြာပါဘူးဗျာ ကားပေါ်မှာ လော်ကြီးတင်ပြီး ပြာပြာသလဲ ဈေးဖွင့်ကြဖို့ လိုက်အော်တော့တာပဲ" လို့ ဒေသခံတစ်ဦးက ဆိုပါတယ်။

မြို့ပြပြောက်ကျားအဖွဲ့နှစ်ဖွဲ့က စည်ပင်ဌာနအရာရှိကြီးတွေနဲ့ နေ့စားပါမကျန် ရှင်းလင်းသုတ်သင်မယ်လို့ ကြေညာချက်ထုတ်ပြီးတဲ့နောက် စျေးတွေ ပြန်ဖွင့်ဖို့ မုံရွာစည်ပင်က လိုက်လံ ကြေညာနေတာလည်းဖြစ်ပါတယ်။

10/12/2021

မျှမျှတတ ခွဲနော်

မမျှတရင် အဘတိုင်မှာ🙂

10/12/2021

ဗိုလ်ချုပ်ရုပ်ရှင်တွင် ဒေါ်ခင်ကြည်နေရာမှ သရုပ်ဆောင်သူ မဇာခြည်လင်းကွယ်လွန်

ဧရာဝတီ ၊ ဒီဇင်ဘာ ၁၀ ၊ ၂၀၂၁။

ဒါရိုက်တာလူမင်းရိုက်ကူးသည့် ဗိုလ်ချုပ်အောင်ဆန်းရုပ်ရှင်တွင် ဗိုလ်ချုပ်၏ဇနီးဖြစ်သူ ဒေါ်ခင်ကြည်နေရာတွင် ပါဝင်သရုပ်ဆောင်သည့် သရုပ်ဆောင်မဇာခြည်လင်းသည် ယနေ့ ဒီဇင်ဘာလ ၁၀ ရက်နေ့ ညနေပိုင်းက ကွယ်လွန်သွားကြောင်း နီးစပ်ရာအသိုင်းအဝိုင်းမှ သိရသည်။

သရုပ်ဆောင် မဇာခြည်လင်းမှာ သွေးကင်ဆာဖြင့် ဆုံးပါးသွားခြင်းဖြစ်ပြီး ကွယ်လွန်ချိန်တွင် အသက် ၃၇ နှစ်ရှိပြီဖြစ်သည်။

မူလတန်းကျောင်းအုပ်ဆရာမတယောက်ဖြစ်သည့် မဇာခြည်လင်းသည် စစ်ကောင်စီက အာဏာသိမ်းပြီးနောက်ပိုင်း CDM ပြုလုပ်ထားသူတယောက်ဖြစ်သည်။

အာဏာသိမ်းပြီးနောက်ပိုင်း ၎င်းပါဝင်သရုပ်ဆောင်ထားသည့် ဗိုလ်ချုပ်ရုပ်ရှင်အား စစ်ကောင်စီဘက်မှ ဆက်လက်ရိုက်ကူးမည်ဟု ကြေညာခဲ့သော်လည်း စစ်ကောင်စီအောက်တွင် ရိုက်ကူးရန်ဆန္ဒမရှိကြောင်း ငြင်းဆိုခဲ့သူဖြစ်သည်။

10/12/2021

ပခုက္ကူ မြို့မ စျေးကြီး

10/12/2021

ရန်ကုန် ဆူးလေတစ်ဝိုက် Silent Stike နေ့ မြင်ကွင်း
------------------

ကမ္ဘာ့လူ့အခွင့်အရေးနေ့ ဒီဇင်ဘာ ၁၀ရက်နေ့တွင် အသံတိတ်သပိတ် Silent Strike ပြုလုပ်ပြီး တော်လှန်ရန် လှုံ့ဆော်ထားရာ လူစည်ကားလေ့ရှိသည့် ရန်ကုန် ဆူးလေတစ်ဝိုက်တွင် လူသူရှင်းလင်းနေသည့် မြင်ကွင်းကို တွေ့ရစဥ်။

10/12/2021

ယနေ့ မနက် ကလေးမြို့ Silent Strike မြင်ကွင်း

Photo- CRD

10/12/2021

မန္တလေးမြို့ အဓိက လမ်းမကြီးဖြစ်သော ၃၅ လမ်း၊ ၃၆လမ်းနှင့် ၃၅ လမ်း ခုံးတံတားအောက်ရှိ စျေး ယနေ့ မနက် မြင်ကွင်း

ဒီဇင်ဘာ ၁၀ ရက်

08/12/2021

Followers သန်းနဲ့ချီသော စစ်ကောင်စီ၏ လုပ်ငန်းစုတစ်ခုဖြစ်သည် Mytel Myanmar Page ကို Facebook ကစတင်ဖယ်ရှား

08/12/2021

96 Soilders - PDF အဖွဲ့၏ လက်နက်အစစ်များဖြင့် လေ့ကျင့်ရေးဆင်းနေသည့် ပုံရိပ်များ

Photo: 96 Soilders PDF

07/12/2021

စစ်ကောင်စီရဲ့ပစ်ခတ်မှုကြောင့် သေဆုံးသွားတဲ့ ကလေးငယ်ရဲ့ နာရေး

ဒီဇင်ဘာ(၇)

မနေ့က ညပိုင်းက မန္တလေး မှာ စစ်ကောင်စီတပ်တွေရဲ့ ရမ်းသမ်းပစ်ခတ်မှုကြောင့် သေဆုံးခဲ့ရတဲ့ ၅ နှစ်အရွယ်မိန်းကလေးငယ်ရဲ့ နာရေးကို ဒီနေ့ တောင်အင်း မြောက်အင်းသုဿန်မှာ ပြုလုပ်ခဲ့တယ်လို့သိရပါတယ်။

07/12/2021

ထီးချိုင့်တိုက်ပွဲတွင် ဂုဏ်ထူး (၃) ဘာသာဖြင့်ဆယ်တန်းအောင်ပြီးဖြစ်သော ရဲဘော် (၁) ဦးကျဆုံး

ဒီဇင်ဘာ ၇

ထီးချိုင့်မြို့နယ်တွင် ယမန်နေ့ မနက် ၉ နာရီဝန်းကျင်က တုံလုံကျွန်းတောအနီး၌ စစ်ကြောင်းထိုးလာသော ဒုဗိုလ်မှူးကြီးနေဦးလှိုင်ဦးဆောင်သည့် စကစအင်အား (၆၈) ယောက်အား Fox Army- HPDF မှမိုင်းဆွဲတိုက်ခိုက်ကာ အပြန်အလှန်လက်နက်ကြီး၊ လက်နက်ငယ်များဖြင့်ပစ်ခတ်ခဲ့ကြပြီး စကစဘက်မှ (၁၅) ယောက်ခန့်သေဆုံးပြီး ဒဏ်ရာရသူများလည်းရှိခဲ့သည်။

ယင်းတိုက်ပွဲအတွင်းတွင် စကစဘက်မှပစ်ခတ်သော လက်နက်ကြီးကျည်ထိမှန်၍ HPDF မှ (၃)ဘာသာဂုဏ်ထူးဖြင့် ဆယ်တန်းအောင်ထားသော အသက် (၂၀) ဝန်းကျင် သူရဲကောင်း (၁) ဦး ကျဆုံးခဲ့ရပါသည်။

" တိုက်ပွဲအတွင်း Dead Body အားအရသယ်ဆောင်ကာ တပ်ပြန်ဆုတ်ခဲ့ပြီး မိသားစုဝင်များနှင်အတူ သေနတ်ဖောက် ဂုဏ်ပြုအလေးပြု အမိန့်ထုတ်ပြန်ပြီး မြေမြုပ်သင်္ဂြိုဟ်ခဲ့ပါသည်။အဖွဲ့သားများအားလုံး လွန်စွာဝမ်းနည်းကြေကွဲခဲ့ရပြီး စစ်ကောင်စီအား အမြစ်ပြတ်တိုက်ခိုက်ခြေမှုန်းရန် စိတ်အားပိုထက်သန်လာကြပါသည် " ဟု Fox Army-HPDF မှထုတ်ပြန်သည်

06/12/2021

ဒေါ်အောင်ဆန်းစုကြည်နဲ့ ဦးဝင်းမြင့် ကို စစ်ကောင်စီက ထောင်ဒဏ် ၂ နှစ် လျှော့
အကျဥ်းထောင် မပို့ဘဲ လက်ရှိနေရာမှာ ဆက်ထားမယ်လို့ ဆို

နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကို ဒီဇင်ဘာ ၆ ရက် မနက်မှာ နေပြည်တော်အထူးတရားရုံးက ထောင်ဒဏ် ၄ နှစ် ချမှတ်ခဲ့ပြီး ညနေခင်းမှာ စစ်ကောင်စီဥက္ကဌ ဗိုလ်ချုပ်မှူးကြီးမင်းအောင်လှိုင်က ထောင်ဒဏ် ၂ နှစ် လွတ်ငြိမ်းသက်သာခွင့်ပြုလိုက်ပါတယ်။

ဒေါ်အောင်ဆန်းစုကြည် နဲ့ သမ္မတဦးဝင်းမြင့်တို့ကို ပုဒ်မ ၅၀၅(ခ) နဲ့ ထောင်ဒဏ် ၂ နှစ်စီ၊ သဘာဝဘေးစီမံခန့်ခွဲရေး ဥပဒေနဲ့ ထောင်ဒဏ် ၂ နှစ်စီ ချမှတ်ခဲ့တာပါ။

အလားတူ သမ္မတဦးဝင်းမြင့်ကိုလည်း ထောင်ဒဏ် ၂ နှစ် သက်သာခွင့်ပြုခဲ့ပါတယ်။

ဒါ့အပြင် ဒေါ်အောင်ဆန်းစုကြည်ကို အကျဥ်းထောင်ကိုပို့မှာမဟုတ်ဘဲ လက်ရှိ ထိန်းသိမ်းထားရာနေရာမှာပဲ ဆက်ထားမယ်လို့ စစ်ကောင်စီသတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ဘီဘီစီကိုပြောပါတယ်။

ဒါကြောင့် ဖေဖော်ဝါရီ ၁ ရက်ကတည်းက ထိန်းသိမ်းခံထားရတဲ့ ဒေါ်အောင်ဆန်းစုကြည်နဲ့ ဦးဝင်းမြင့်တို့ဟာ ချုပ်ရက်တွေကိုနှုတ်လိုက်ရင် ထောင်ဒဏ် ၁ နှစ်နဲ့ ၂ လပဲ ကျခံရမှာဖြစ်ပါတယ်။

ဒါပေမဲ့ ဒေါ်အောင်ဆန်းစုကြည်ဟာ နှစ်ရှည်ထောင်ဒဏ်တွေပါတဲ့ နောက်ထပ် အမှု ၉ မှုအထိ ဆက်လက် ရင်ဆိုင်ရမှာဖြစ်ပါတယ်။

ဘီဘီစီ မြန်မာပိုင်း
ဓာတ်ပုံ - GETTY IMAGES

06/12/2021

စစ်ကိုင်းတိုင်းအတွင်းရှိ ရဲစခန်းအချို့အတွင် စကစတပ်များ မနေရဲတော့ဘဲစွန့်ခွာထွက်ပြေး၊ ရဲစခန်းအား PDF များက သေးနဲ့ပန်း

ဒီဇင်ဘာ ၆

စစ်ကိုင်းတိုင်းအတွင်းရှိ ရဲကင်းစခန်းများနှင့် ရဲစခန်းအများစုတွင် စစ်ကောင်စီတပ်များ မနေရဲတော့ဘဲ စွန့်ခွာထွက်ပြေးသွားကြကြောင်းသိရသည်

ထီးချိုင့်မြို့နယ်နှင့် ကသာမြို့နယ်အတွင်းရှိ ရဲစခန်းအများစုတွင် ရဲတစ်ဦးမျှမရှိတော့ဘဲ ထွက်ပြေးသွားကြကြောင်းသိရသည်

အဆိုပါရဲစခန်းများရှိ ဆိုင်းဘုတ်များအား PDF များမှ ဖျက်စီးပစ်ကာ ဆိုင်းဘုတ်အချို့အား သေးနဲ့ပန်းခဲ့ကြသည်။

06/12/2021

နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့သမ္မတဦးဝင်းမြင့် ကို အမိန့်ချမှတ်

နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့သမ္မတဦးဝင်းမြင့်တို့ရင်ဆိုင်နေရတဲ့
အမှုတွေထဲက သဘာဝဘေးအန္တရာယ်ဆိုင်ရာစီမံခန့်ခွဲမှု ဥပဒေပုဒ်မ ၂၅ နဲ့စွဲဆိုခံထားရတဲ့အမှုနဲ့ ပုဒ်မ ၅၀၅(ခ)တို့အတွက် ဒီကနေ့ ဒီဇင်ဘာ ၆ရက်မှာ နေပြည်တော်အထူးတရားရုံးမှာ အပြီးသတ်အမိန့်ချလိုက်ပါတယ်။
ဒေါ်အောင်ဆန်းစုကြည်ကို ၅၀၅ (ခ) အမှုအတွက် ၂နှစ် နဲ့ သဘာဘေးစီမံ ပုဒ်မနဲ့ ၂ နှစ်စီ ချမှတ်ခဲ့ပါတယ်။
အလားတူ သမ္မတဦးဝင်းမြင့်ကိုလည်း ၅၀၅ (ခ) နဲ့ ၂နှစ် နဲ့ သဘာဘေးစီမံ ပုဒ်မနဲ့ ၂ နှစ်စီ ချမှတ်ခဲ့ပါတယ်။
ဒေါက်တာမျိုေးအာင်ကိုလည်း ၅၀၅ (ခ) နဲ့ ၂နှစ် ချမှတ်လိုက်တယ်လို့ သိရပါတယ်။

05/12/2021

ရန်ကုန်လူထုသပိတ်မှ ဖမ်းဆီးခံရသူများတွင် ဒဏ်ရာရရှိသူများပါဝင်ပြီး ဆေးကုသခွင့်မပေးဘဲ စစ်ကြောရေး ခေါ်ဆောင်သွား

ရန်ကုန်၊ ဒီဇင်ဘာ ၅

အကြမ်းဖက်စစ်တပ်က ယနေ့ နံနက်ပိုင်း ကြည့်မြင်တိုင်တွင် ရန်ကုန်လူထုသပိတ်ကို ကားဖြင့်တိုက်၊ သေနတ်ဖြင့် ပစ်ခတ် ဖြိုခွင်းပြီး ၅ ဦးထက်မနည်းကို ဖမ်းဆီးသွားရာ ယင်းတို့အနက်တွင် ဒဏ်ရာရရှိသူများပါဝင်ပြီး ယင်းဒဏ်ရာရရှိသူများကို ဆေးကုသခွင့်မပေးဘဲ စစ်ကြောရေးသို့ ယခု ခေါ်ဆောင်သွားပြီဖြစ်ကြောင်း ရဲသတင်းရပ်ကွက်က အတည်ပြုပြောဆိုသည်။

05/12/2021

ပေတရာပေါ်မှာစီးတဲ့သွေးတွေ မခြောက်သေးခင်
ရန်ကုန်မြို့ရဲ့ ပေတရာလမ်းမကြီးပေါ်မှာ
သွေးတွေထပ်စီးရပြန်ပါပြီ

ရန်ကုန်မြို့၊ ကြည့်မြင်တိုင်မြို့နယ်
သပိတ်စစ်ကြောင်း ဖြိုခွဲခံရမှုတွင်
လူငယ် (၄) ဦးပွဲချင်းပြီးသေဆုံးသွားကြောင်း သိရပါတယ်

အကြမ်းဖက်စစ်တပ်မှ
အိမ်စီးကားနဲ့တိုက်၊ သေနတ်ဖြင့်ပါ ပစ်ခတ်ဖမ်းဆီးခဲ့ခြင်းဖြစ်ပါတယ်

လူငယ် (၈) ဦးထက်မနည်း ဖမ်းဆီးထားခြင်းခံရပါတယ်

02/12/2021

ကိုကြင်စိုး၏ စွန့်ပစ်ခံ ကုန်ကြမ်းများကို အသုံးပြုပြီး လက်တွေ့ဘဝမှာ အသုံးပြုနိုင်သည့် သမိုင်းတင်စေမည့် ပစ္စည်းများကို ခေတ်မှီနည်းပညာတွေနဲ့ ပေါင်းစပ်ကာ GZကလေးများမှ တီထွင်ဖန်တီးလိုက်သောအခါ .....

02/12/2021

မြောက်မြန်မာ အဆိုတော် 🤣
ရန်ကုန်တိုင်းစစ်ဌာနချုပ် အင်းတိုင် ခမရ(၂၁၃) တပ်

မွှင်းငါးများအတွက် စိတ်ဓာတ် မြှင့်တင်ရေး ဂုဏ်ပြုညစာ 😂

02/12/2021

မွန်ပြည်နယ်အခြေပြုတော်လှန်ရေးအစည်းအရုံး (Mon State Revolutionary Union) တော်လှန်ရေး စစ်ရေးပြင်ဆင် စခန်းတွင်း လှုပ်ရှားမှုတွေကို ဒီနေ့မှာထုတ်ပြန်ဖော်ပြလာပါတယ်။

တနင်္သာရီတိုင်းမ်၊ ဒီဇင်ဘာ ၂

ဓာတ်ပုံ - MSRU

02/12/2021

ဆပ်ပြာကျင်းတိုက်ပွဲ ကျဆုံး အရပ်သားနဲ့ ရဲဘော်တွေအတွက် ၅လပြည့်ဝမ်းနည်းအောက်မေ့ခြင်းထုတ်ပြန်

| ဒီဇင်ဘာ ၂

ဆပ်ပြာကျင်းတိုက်ပွဲမှာ ကျဆုံးခဲ့ရတဲ့ အရပ်သားနဲ့ ပြည်သူ့ကာကွယ်ရေး ရဲဘော်တွေအတွက် ၅လပြည့် ဝမ်းနည်းအောက်မေ့ရကြောင်း ဒီပဲယင်း ပြည်သူ့ကာကွယ်ရေးတပ်က ထုတ်ပြန်ပါတယ်။

ဇူလိုင် ၂ရက်က ဒီပဲယင်းမြို့နယ်အတွင်း ထိုးစစ်ဆင်လာတဲ့ အကြမ်းဖက်စစ်ကောင်စီတပ်ကို ပြည်သူ့ကာကွယ်ရေးတပ်ဖွဲ့တွေရဲ့ ပူးပေါင်းတပ်တွေက ဆပ်ပြာကျင်းရွာအနီးမှာ ခုခံတိုက်ခိုက်ခဲ့ပါတယ်။

အဲဒီတိုက်ပွဲမှာ အကြမ်းဖက်စစ်ကောင်စီတပ်က လက်နက်ကြီးတွေနဲ့ တရစပ် ပစ်ခတ်လို့ ပြည်သူ့ကာကွယ်ရေး ရဲဘော်တွေ၊ အရပ်သားတွေနဲ့ ဒဏ်ရာရသူတွေကို ကယ်ဆယ်ဖို့ ကြိုးစားတဲ့ လူမှုကူညီရေးပရဟိတသမားတွေအပါအဝင် ၃၂ဦးခန့် ကျဆုံးခဲ့ရပါတယ်။

အဲဒီတိုက်ပွဲမှာ ဒီပဲယင်း ပြည်သူ့ကာကွယ်ရေးတပ်က
၁/ ရဲဘော်သန်းတိုးအောင် (၂၃ နှစ်)
၂/ ရဲဘော်မောင်မောင် (၂၇ နှစ်)
၃/ ရဲဘော်နေမျိုးကျော် (၂၃ နှစ်)
၄/ ရဲဘော်နေသူအောင် (၁၉ နှစ်)
၅/ ရဲဘော်ဟိန်းဇော်ဖြိုး (၁၉ နှစ်)
၆/ ရဲဘော်မျိုးမင်းထွေး (၂၂ နှစ်)
၇/ ရဲဘော်ရဝေအောင် (၂၁ နှစ်)
၈/ ရဲဘော်သန့်ဇင်ဝင်း (၁၉ နှစ်) တို့ ကျဆုံးခဲ့တယ်လို့ ဒီပဲယင်း PDF ကပြောပါတယ်။

အသက်သွေးနဲ့ ပေးဆပ်ခဲ့သော လူထုလွတ်မြောက်ရေးတိုက်ပွဲကို မြူတစ်မှုန်မျှ တွေဝေနောက်တွန့်ခြင်းမရှိဘဲ ပြီးဆုံးသည်အထိ ဆက်လက်ထမ်းရွက်မယ်လို့ ဒီပဲယင်း PDF က ကတိပြုပါတယ်။

စစ်အာဏာရှင်စနစ်နဲ့ လက်ပါးစေစစ်ကျွန်သဘောက်တွေ မြေပေါ်မှာ ခြေတစ်လှမ်းမှချလို့ မရတော့သည်အထိ အပြီးအပိုင်ချေမှုန်းကြမယ်လို့လည်း ကျဆုံးရဲဘော်တွေကို တိုင်တည်ပြီး သစ္စာအဓိဌာန်ပြုဖော်ပြပါတယ်။

ဓာတ်ပုံ-စိုင်ပြင်သတင်း၊ ဒီပဲယင်း PDF

02/12/2021

SPGF ရဲ့ ဆွဲမိုင်းမိသွားတဲ့ အကြမ်းဖက်စစ်ကောင်စီတပ်များ (၁၈) ဦးထက်မနည်း သေဆုံးသွားပြီး အများအပြားဒဏ်ရာရ
********************

၂ ၊ ၁၂ ၊ ၂၀၂၁ ။

မကွေးတိုင်းဒေသကြီး ပေါက်မြို့နယ် ဝန်းခြုံရွာဘက်သို့ စစ်ကြောင်း (၂) ကြောင်းဖြင့်ချီတက်လာတဲ့ အကြမ်းဖက်စစ်ကောင်စီတပ်အား ယမန်နေ့ ဒီဇင်ဘာလ (၁) ရက် နံနက် (၈) နာရီခွဲအချိန်ခန့် ယောချောင်းအရောက်တွင် ပေါက်တောင်ပိုင်းပြောက်ကျားတပ်ဖွဲ့ (SPGF) မှ ထိထိမိမိ မိုင်းဆွဲတိုက်ခိုက်လိုက်ကြောင်း ဒေသခံတစ်ဦးမှ NBung Dat Kasa သို့ ပြောဆိုသည်။

အဆိုပါ ဆွဲမိုင်းမိသွားတဲ့ အကြမ်းဖက်စစ်ကောင်စီတပ် စစ်ကြောင်းမှ (၈) ဦးထက်မနည်းသေဆုံးပြီး အများအပြား ဒဏ်ရာရသွားကြောင်း ၎င်းမှ ဆက်လက်ပြောဆိုသည်။

ထို့နောက် ယမန်နေ့ ဒီဇင်ဘာလ (၁) ရက် ညနေ (၅) နာရီအချိန်ခန့်တွင် ပေါက်မြို့နယ် ကင်းမရွာအဝင် ဘို့မယ်ချောင်းဘက်သို့ ဆင်းလာတဲ့ အကြမ်းဖက်စစ်ကောင်စီတပ်များအား ပေါက်တောင်ပိုင်းပြောက်ကျားတပ်ဖွဲ့ (SPGF) မှ ထပ်မံ မိုင်းဆွဲတိုက်ခိုက်ရာ အကြမ်းဖက်စစ်ကောင်စီတပ်သား (၁၀) ဦးသေဆုံးပြီး အများအပြားဒဏ်ရာရကြောင်း ၎င်းဒေသခံမှ NBung Dat Kasa သို့ ဆက်လက်ပြောဆိုသည်။

02/12/2021

ကုလမှာ မြန်မာစစ်ကောင်စီကို နိုင်ငံကိုယ်စားပြုခွင့်မပေးဖို့ အရည်အချင်းစစ်ကော်မတီဆုံးဖြတ်၊ သံအမတ်ကြီးဦးကျော်မိုးထွန်းက ဆက်လက်ကိုယ်စားပြုခွင့်ရရှိ
၂ ဒီဇင်ဘာလ ၂၀၂၁

ကုလသမဂ္ဂအရည်အချင်းစစ်ကော်မတီဟာ မြန်မာနဲ့ အာဖဂန်နစ္စတန်တို့ကို ကုလသမဂ္ဂမှာ နိုင်ငံကိုယ်စားပြုခွင့်ပေးဖို့ ဆုံးဖြတ်ချက်ကို ဆိုင်းငံ့လိုက်တယ်လို့ ကော်မတီဥက္ကဌ ဆွီဒင်သံအမတ်ကြီးက သတင်း ထောက်တွေကို ပြောပါတယ်။

လက်ရှိအချိန်မှာ မြန်မာစစ်ကောင်စီနဲ့ အာဖဂန်နစ္စတန်ရဲ့တာလီဘန်တို့ကို ကုလသမဂ္ဂမှာ ကိုယ်စားပြုခွင့်ပေးမှာမဟုတ်ဘူးလို့ ကော်မတီက ဆုံးဖြတ်ခဲ့တာဖြစ်ပါတယ်။

ဒါကြောင့် မြန်မာပြည်သူတွေနဲ့အတူရပ်တည်ပြီး စစ်အာဏာသိမ်းမှုကို ဆန့်ကျင်တဲ့ သံအမတ်ကြီး ဦးကျော်မိုးထွန်းက ကုလသမဂ္ဂမှာ နိုင်ငံကိုယ်စားပြုခွင့်ဆက်လက်ရရှိမှာဖြစ်ပါတယ်။

ကော်မတီရဲ့ ဆုံးဖြတ်ချက်နဲ့ပတ်သက်လို့ အမျိုးသားညီညွတ်ရေးအစိုးရ NUG လူ့အခွင့်အရေးဝန်ကြီးဦးအောင်မျိုးမင်းက ကော်မတီမှာပါဝင်တဲ့ တရုတ်နဲ့ ရုရှားနိုင်ငံတို့က ကော်မတီရဲ့အခုဆုံးဖြတ်ချက်ကို မကန့်ကွက်ခဲ့တဲ့အတွက်ကြောင့် အထွေထွေညီလာခံကနေ ဒီဆုံးဖြတ်ချက်ကို အတည်ပြုနိုင်မယ်လို့ ယူဆရတယ်လို့ သုံးသပ်ပါတယ်။

“သံအမတ်ကြီး ဦးကျော်မိုးထွန်းကို ဆက်လက်ထားရှိဖို့ Credential Committee ဥက္ကဌဖြစ်သူ ဆွီဒင်နိုင်ငံသံအမတ်က တရားဝင်ကြေညာသွားပါပြီ။ ကော်မတီရဲ့ ဒီဆုံးဖြတ်ချက်ကို ကုလသမဂ္ဂအထွေထွေညီလာခံကို တင်ပြသွားမှာဖြစ်ပါတယ်” လို့ ဝန်ကြီးဦးအောင်မျိုးမင်းက သူ့ရဲ့လူမှုကွန်ရက်ကနေ အသိပေးထားပါတယ်။

01/12/2021

ကောလင်းတွင် တရားမဝင်သစ်များကို တင်ဆောင်လာသည့် ကားများကို မီးရှို့ဖျက်ဆီး၊ ဆန်နှင့်ငွေတို့ကို ရိက္ခာအဖြစ် သိမ်းဆည်း

ရန်ကုန်၊ ဒီဇင်ဘာ ၁

စစ်ကိုင်းတိုင်း၊ ကောလင်းမြို့နယ်၊ ရွှေဘို-မြစ်ကြီးနားကားလမ်းတွင် နိုဝင်ဘာလ ၃၀ ရက်နေ့ နံနက် ၅ နာရီ အချိန် တရားမဝင်သစ်များတင်ဆောင်လာသောကားလေးစီးဖမ်းစီးခဲ့ရာ ကျွန်းသစ် ၁၃ တန်၊သစ်မာ ၁၈တန်၊ကျွန်းတံခါးဘောင် တစ်ရာခန့် ဆက်စပ်ပစ္စည်းများအဖြစ်၊ဆန်အိပ်၊ဆန်ကွဲအိတ် ၃၁၅ အိတ်၊ ငွေ ၁၀ သိန်း ကျော် တို့ကိုဖမ်းဆီးရမိခဲ့ကြောင်း ကောလင်း PDF ထံမှ သိရှိရသည်။

တရားမဝင် သစ်ကားများက တင်ဆောင်လာသည့် ငွေနှင့်၊ဆန်များအား ရိက္ခာအဖြစ်အဖြစ်သိမ်းဆည်းပြီး၊ကျန်ရှိပစ္စည်းများအား မီးရှို့ဖျတ်ဆီးခဲ့ကြောင်း၊ ကားသမားများနင့် ကားပေါ်ပါလာသူများကို ကြိမ်ဒဏ်အ ပြစ်ပေး၍ လမ်းစရိတ် ပြန်ပေးကာ ပြန်လည်လွှတ်ပေးခဲ့ကြောင်း ကောလင်း PDF က ထုတ်ပြန်သည်။

ကောလင်း PDF က တရားမဝင်စီးပွားရှာသူများအား ထိရောက်စွာ အရေးယူမှုများ ဆက်လုပ် ဆောင်သွားမည်ဖြစ်ဟု အသိပေး ချက် ထုတ်ပြန်ထားသည်။

01/12/2021

မင်းအောင်လိှုင်ရဲ့ အကြမ်းဖက် စခတွေ ကျွေးဖို့
(....)မြစ်တစ်နေရာမှာ ကနောင်လက်သစ် စမ်းသပ်ချက် အောင်မြင်မှု။

01/12/2021

Mytel ကနေ လက်နက်ကြီးအဖြစ်
ဖန်တီးနိုင်သော စစ်ကိုင်းတိုင်း PDF
ညီငယ်လေးများ လေးစားလျက်

01/12/2021

လှေမှောက်ပြီးပျောက်ဆုံးနေတဲ့ PDF လူငယ်တစ်ဦးရဲ့အလောင်း ၃ ရက်အကြာမှာ ပြန်ရှာတွေ့

ဒီဇင်ဘာ ၁၊ PDF Newsflash

ပြည်သူ့အတွက် အသက်ပေးတိုက်ပွဲဝင်လျက်ရှိသော PDF ရဲဘော် (၂) ဦးဟာ နိုဝင်ဘာ ၂၈ ရက်နေ့က သေနတ်ပစ်လေ့ကျင့်ပြီးအပြန် မြစ်တစ်ခုမှာ လှေနစ်ပြီး ဆုံးပါးသွားခဲ့ပါတယ်။ လှေပေါ်မှာ အားလုံးပေါင်းရဲဘော် (၉) ယောက်ရှိပြီး (၇) ယောက် ကမ်းပေါ်ပြန်ရောက်လာနိုင်ခဲ့ပြီး ကံမကောင်းစွာပဲ (၂) ယောက်ရေထဲမှာ နစ်ကျန်ခဲ့တယ်။

အနီးနားရွာက ရွာသားတွေရယ် ရဲဘော်တချို့ရယ် ရေငုတ်ရှာဖွေခဲ့ပေမဲ့လဲ မနက်ပိုင်းမှာလုံးဝမတွေ့ခဲ့ပါဘူး။ ညနေလောက်ကျတော့ Body တစ်ခုကိုပြန်ရှာတွေ့ခဲ့ပါတယ်။ ရှိနေတဲ့နယ်မြေရဲ့ ဓလေ့အရ နေ့မကူးခင်အားခြင်းပဲ မြေချခဲ့ရတယ်။

ရှာလို့မတွေ့သေးပဲ ကျန် Body နောက်တစ်ခုကို မနေ့က ၃ရက်မြောက်နေ့ မနက်မှာရှာတွေ့ခဲ့ပါတယ်။ ၃ရက်မြောက်နေ့ဖြစ်တာကြောင့် ရဲဘော်လေးတွေအတွက် သက်ပျောက်ဆွမ်းကပ်ခဲ့ကြတယ်။ နောက်ပြီး အသုဘမြေချမှာ အခမ်းနားပုံစံနဲ့ပါပြုလုပ်နိုင်ခဲ့ကြတယ်။ ပုံမှန်စစ်ရေးစစ်ရာအတိုင်း အမိန့်စာပြန်၊ အလေးပြုတာအပြင် ကဗျာရွက်ပြီး ကမ္ဘာမကြေသီချင်းကို ဟစ်ကြွေးလို့ သေသူရဲဘော်တွေအတွက် ဂုဏ်ပြုခဲ့ကြတယ်။ သူ့တို့မိဘတွေအနေနဲ့လဲ သူတို့သားတွေဆုံးတာဟာ စစ်အာဏာရှင်ကိုတော်လှန်ဖို့အတွက် စစ်ပညာသင်နေရင်းဆုံးပါးသွားတာ ဖြစ်တဲ့အတွက် ဂုဏ်ယူတယ်ဆိုတဲ့အကြောင်းလဲ စကားပါးလိုက်ပါတယ်။

30/11/2021

CNDF တပ်သားများမှ ထမင်းရှင်ပြည်သူများ၏ ကောက်ရိတ်လုပ်အားပေးခဲ့သည်။

30/11/2021

မင်းကင်းတွင် တိုက်ပွဲဖြစ်ပြီးစစ်ကောင်စီဘက်မှ အရာရှိအပါအဝင် ၈ ဦးသေဆုံး ၊ ရဟတ်ယာဉ်ဖြင့် အလောင်းသယ်

ရန်ကုန်၊ နိုဝင်ဘာ ၃၀

စစ်ကိုင်းတိုင်း၊ မင်းကင်းမြို့နယ်တွင် နိုဝင်ဘာလ ၃၀ ရက်နေ့ တိုက်ပွဲဖြစ်ပွားပြီး စစ်ကောင်စီဘက်မှ အရာရှိ အပါအဝင် ၈ ဦးသေဆုံးပြီး ၁၂ ဦးဒဏ်ရာရရှိကာ ရဟတ်ယာဉ်ဖြင့် အလောင်းသယ်ဆောင်သွားကြောင်း မင်းကင်းမြို့နယ် ပြည်သူ့ကာကွယ်ရေးအဖွဲ့ - မြစ်ရိုးအောက်ဒေသ (ပကဖ)က သတင်းထုတ်ပြန်သည်။

စစ်ကောင်စီတပ်များနှင့် မင်းကင်း ပြည်သူ့ကာကွယ်ရေးတပ်ဖွဲ့များသည် မင်းကင်းမြို့နယ်၊ ဖက်ခက်ကျေးရွာအနီးတွင် ယနေ့ နံနက် ၈ နာရီ မှ ၁၀ နာရီ အထိ တိုက်ပွဲဖြစ်ပွားခဲ့ကြောင်း၊ အကြမ်းဖက် စစ်ကောင်စီတပ်သည် အင်အား (၁၀၀) ခန့်ဖြင့် ယနေ့နံနက် (၄) နာရီအချိန်တွင် စတင်၍ စစ်ကြောင်းထိုး လာရာ ကျောက်ခဲတတ်ကျေးရွာ သို့ ဝင်ပြီး ဖက်ခက်ကျေးရွာ ဘက်သို့ ဦးတည်တတ်လာပြီးနောက် တိုက်ပွဲဖြစ်ပွားခဲ့ခြင်း ဖြစ်ကြောင်း သိရှိရသည်။

တိုက်ပွဲတွင် အကြမ်းဖက် စစ်ကောင်စီတပ်သား ၈ ဦးသေဆုံးပြီး ၁၂ ဦးအပြင်းအထန် ဒဏ်ရာရရှိကြောင်း အတည်ပြုနိုင်ခဲ့ကြောင်း၊ သေဆုံးသူများနှင့် ဒဏ်ရာရသူများကို မိုးကာများဖြင့် ပတ်ပြီး မော်တော် (၄) စီးဖြင့် တင်ဆောင်၍ ပန်းဆက်ကျေးရွာဘက်သို့ ပြန်လည် နောက်ကြောင်းဆုတ်သွားခဲ့ကြောင်း၊ာ ပြည်သူ့ကာကွယ်ရေးအဖွဲ့ အနေဖြင့် အထိအခိုက်မရှိကြောင်း သိရှိရသည်။

တိုက်ပွဲတွင် သေဆုံးသူများတွင် စစ်တပ်ဘက်မှ အရာရှိအဆင့်ပါဝင်သည်ဟုသိရပြီး အဆိုပါ အရာရှိ၏ အလောင်းကို ရဟတ်ယာဉ်ဖြင့် ပန်းဆက်ကျေးရွာသို့ လာရောက်သယ်ဆောင်သွားကြောင်း၊ ရဟတ်ယာဉ်ဖြင့် အလောင်းလာသယ်စဉ် ဝါဒဖြန့် မှိုင်းတိုက် စာရွက်များ ကျဲချသွားကြောင်း ဒေသခံ ကာကွယ်ရေးတပ်၏ ထုတ်ပြန်ချက်အရ သိရှိရသည်။

ဓာတ်ပုံ- ရန်ကုန်တွင် ဇွန်လ ၆ ရက်နေ့ ကျောင်းကားများကိုပါ အသုံးပြု ကင်းလှည့်နေသည့် အကြမ်းဖက်စစ်ကောင်စီတပ်ဖွဲ့ဝင်များ။

Photo Credit - laprensalatina

30/11/2021

ခြေထောက်ကျိုးသွားတဲ့ သမဂ္ဂ ဥက္ကဋ္ဌဟောင်း CDM ဆရာမ မသဲစုနိုင် စစ်ကြောရေးတွင်သာရှိနေ ဆေးကုသခွင့်မရ
=========================
ငမိုး

နိုဝင်ဘာလ ၂၂ ရက်တွင် အကြမ်းဖက်စစ်ကောင်စီတပ်များ နေအိမ်ထိလာရောက်ပြီး သေနတ်ပစ်ဖောက်ဖမ်းဆီးခြင်းခံရသည့် မိတ္ထီလာတက္ကသိုလ်ကျောင်းသားများ သမဂ္ဂ ဥက္ကဋ္ဌဟောင်း CDM ဆရာမ မသဲစုနိုင် ခြေထောက်ကျိုးသွားခဲ့ပြီ လက်ရှိအချိန်ထိ စစ်ကြောရေးတွင်သာရှိနေသေးကြောင်း သိရသည်။

“မသဲစုနိုင် မှာခြေထောက်ကျိုးကာ ဆေးကုသခွင့်မပေးပဲ ဆေးပတ်တီးသာ စီးထားရသည်” ဟု မိတ္ထီလာတက္ကသိုလ်ကျောင်းသားများ သမဂ္ဂက ဒီကနေ့နိုဝင်ဘာလ ၃၀ ရက်စွဲဖြင့် ထုတ်ပြန်ထားသည်။

သူမသည် မိတ္ထီလာမြို့၊ရန်မျိုးအောင်ရပ်ကွက်(၁၃)ရှိနေအိမ်တွင် သေနတ်ပစ်ဖောက်ကာ ပြည်သူ့ကာကွယ်ရေးတပ်ခေါင်းဆောင်ဟု စွတ်စွဲခံရကာ သူမ၏ဖခင်ကိုပါ စစ်တပ်ကဖမ်းဆီးခံရခြင်းဖြစ်သည်။

လက်ရှိအချိန်တွင် တပ်မ ၉၉ ထဲတွင် ရှိနေပြီး ခြေထောက်ကျိုး ဒဏ်ရာနှင့် တစ်ပတ်ကျော်သည်အထိ စစ်ကြောရေး လုပ်နေခြင်းဖြစ်သည်ဟု မိတ္ထီလာတက္ကသိုလ်ကျောင်းသားများ သမဂ္ဂ၏ ထုတ်ပြန်ချက်တွင် ရေးသားထားသည်။

29/11/2021

ကိုယ်စားတဲ့ပန်းကန်ကိုယ်မဆေးမိလို့ပါတဲ့ ဒဏ်ပေးခံရချစ်ဖို့ကောင်း

29.11.2021

29/11/2021

ဒကာ ဒကာမများက စစ်ဘေးရှောင်နေကြတယ်...
စပါးများက တခင်းလုံး မှည့်လို့ ဝါထိန်နေကြတယ်...
ရဟန်း သံဃာများက ကူရိတ်သိမ်းပေးနေကြတယ်...
" တရားလည်း ဖက်တယ်
စပါးလည်း ထွက်တယ် "

ကြည်ညိုစရာ ကောင်းလိုက်တာ...
အရှင်ဘုရားတို့အား ရိုသေစွာ ရှေ့ခိုးကန်တော့လိုက်ပါတယ် ဘုရား။
Photo crd.

29/11/2021

မတူပီမြို့ စစ်တပ်ရင်းတွင် အချင်းချင်းပစ်ခတ်၍ အရာရှိအပါ အဝင် ၂ ဦးသေဆုံး၊ ၃ ဦးဒဏ်ရာရ
===============

ချင်းပြည်နယ်၊ မတူပီမြို့ရှိ အမှတ် (၁၄၀) စစ်ကောင်စီ အထိုင်တပ်ရင်းတွင် အချင်းချင်း ပစ်ခတ်မှု ဖြစ်၍ သုံးပွင့် ဗိုလ်ကြီးတစ်ဦး အပါအဝင် နှစ်ဦး သေဆုံးပြီး သုံးဦး ဒဏ်ရာ ရရှိသွားကြောင်း တပ်တွင်း သတင်းရင်းမြစ်နှင့် နီးစပ်သူတစ်ဦးက မဇ္ဈိမကို ပြောသည်။

နိုဝင်ဘာလ ၂၆ ရက် ည ၆ နာရီဝန်းကျင်တွင် ဖြစ်ပွားခဲ့ခြင်း ဖြစ်ပြီး ဗိုလ်ကြီးတစ်ဦးနှင့် ၎င်း၏ လက်ထောက် ဖြစ်သူ ကိုယ်ရေးအရာရှိတို့ နှစ်ဦး သေဆုံးသွားကာ ထိခိုက် ဒဏ်ရာရရှိသူ သုံးဦး တပ်တွင်းဆေးရုံ၌ ဆေးကုသမှု ခံယူနေကြောင်း အဆိုပါ သတင်းရင်းမြစ်က ပြောသည်။

“တပ်ထဲက သူတို့ အချင်းချင်း စိတ်ဝမ်းကွဲပြီးတော့ အချင်းချင်း ပစ်ခတ်မှုတွေ ဖြစ်တယ်။ သုံးပွင့် ဗိုလ်ကြီး အရာရှိနဲ့ သူ့ရဲ့ ကိုယ်ရေးအရာရှိပေါ့။ နှစ်ယောက်က ပွဲချင်းပြီး သေတယ်။ သုံးယောက်ကတော့ အခု တပ်ဆေးရုံမှာ ဆေးကုနေရတယ်” ဟု သတင်းရင်းမြစ်က ပြောသည်။

မည်သည့်အတွက်ကြောင့် အချင်းချင်း ဖြစ်ပစ်ခတ်မှု ဖြစ်သည်ကိုမူ မသိရှိရကြောင်း ယင်း သတင်းရင်းမြစ်က ပြောသည်။ အာဏာသိမ်း စစ်ကောင်စီသည် တပ်တွင်း ပစ်ခတ်မှုများနှင့် ပတ်သက်၍ ထုတ်ပြန်လေ့ မရှိသကဲ့သို့ မဇ္ဈိမအနေဖြင့်လည်း သီးခြား အတည်ပြုနိုင်ခြင်း မရှိသေးပေ။

စစ်ကောင်စီ၏ အမှတ် (၁၄၀) အထိုင် တပ်ရင်းနှင့် သုံးမိုင် ဝန်းကျင်ခန့်အကွာ ဖနိုင်နှင့် ခလိုင်ကျေးရွာ အကြားတွင် ခရိုင်အထွေထွေ အုပ်ချုပ်ရေးဦးစီးဌာနရုံး တည်ရှိသည်။

ပြီးခဲ့သည့် နိုဝင်ဘာလ ၂၆ ရက် နံနက် ၆ နာရီခန့်ကလည်း ထိုခရိုင်ထွေအုပ်ရုံးအတွင်း တပ်စွဲထားသော အင်အား ၂၀ ဝန်းကျင်ရှိသည့် အာဏာသိမ်း စစ်ကောင်စီ တပ်သားများကို ချင်းကာကွယ်ရေးတပ်ဖွဲ့ (မတူပီ) တပ်ဖွဲ့ဝင်များက သွားရောက် တိုက်ခိုက်ခဲ့ရာ စစ်ကောင်စီတပ်သားများ သေဆုံးခြင်းနှင့် ဒဏ်ရာရသူများ ရှိခဲ့သည်။

ဓာတ်ပုံ- (မတူပီမြို့)
==================

29/11/2021

လောက်သူ CDF က သင်တန်းပုံရိပ်များ
နိုဝင်ဘာ ၂၉

ချင်းပြည်နယ် လောက်သူဒေသက ဒေသကာကွယ်ရေးတပ်ဖွဲ့တစ်ခုဖြစ်တဲ့ ချင်းလဲန်းကာကွယ်ရေးတပ်ဖွဲ့ (Chinland Defense Force - CDF) -Lautu က သူတို့တပ်ဖွဲ့ဝင်တွေရဲ့ သင်တန်းဆောင်ရွက်နေတဲ့ ပုံရိပ်တွေကို ဒီကနေ့ (နိုဝင်ဘာလ ၂၉ရက်) မှာထုတ်ပြန်ပြသလာပါတယ်။

ဓါတ်ပုံ - CDF Lautu

29/11/2021

မန္တလေး MPT ရုံးတွင် တပ်စွဲထားသော စကစတပ်သားများ ဖောက်ခွဲတိုက်ခိုက်ခံရပြီး ( ၄) ဦး သေဆုံး ဟုဆို

နိုဝင်ဘာလ ၂၉ ရက်

ယနေ့ (29.11.2021) နံနက် ၇ နာရီ ၄၅မိနစ်ခန့်တွင် မန္တလေးမြို့ ပြည်ကြီးတံခွန်မြို့နယ် ၊ မင်းကြီးရန်နောင်လမ်း ၊ အင်းခရုဘုရားအနီးရှိ (MPT)မြန်မာ့ဆက်သွယ်ရေး ရုံးတွင်တပ်ဆွဲထားသော စကစများအား Generation Z Power ( Mandalay ) ပြည်သူ့ကာကွယ်ရေးမြို့ပြပြောက်ကျားတပ်ဖွဲ့ မှ ဖောက်ခွဲ ပစ်ခတ် တိုက်ခိုက်ခဲ့ကြောင်းသတင်းထုတ်ပြန်ထားသည်။

ထိုတိုက်ခိုက်မှုတွင် GZP မှ ဖောက်ခွဲမှုအပြီး စစ်ခွေးများအား ၂၅ ချက်ခန့် ဝိုင်းဝန်း ပစ်ခတ်ခဲ့ကြောင်းလည်းသိရသည်။

နောက်ဆက်တွဲသတင်းအနေဖြင့် စစ်ခွေး ၄ ကောင်ခန့် နေရာတွင်ပင် ပွဲခြင်းပြီးသေဆုံးသွားကြောင်းသိရှိရသည်။

စကစ များမှ ပြန်လည်ပစ်ခတ်သော်လည်း GZP အဖွဲ့သားများ ထိခိုက်မှုလုံးဝမရှိပဲပြန်လည်ဆုတ်ခွာနိုင်ခဲ့ကြောင်းသိရသည်။

မိဘပြည်သူတို့အနေဖြင့်လည်း စစ်ကောင်စီတပ်သားများနှင့် ဝေးရာမှ ( မီတာ ၂၀ ခန့်အကွာ ) သွားလာနေထိုင်ကြပါရန် ထပ်မံမေတ္တာရပ်ခံ သတိပေးထားသည်။

29/11/2021

ဒီပဲယင်း ညောင်လှကျေးရွာအနီး စစ်ကောင်စီတပ်နှင့် ဒေသကာကွယ်ရေးမဟာမိတ်တပ်ဖွဲ့များကြား တိုက်ပွဲတွင် စစ်ကောင်စီတပ်သား ၅၀ ခန့် သေဆုံး

စစ်ကိုင်းတိုင်း၊ ဒီပဲယင်းမြို့နယ်၊ ညောင်လှကျေးရွာသို့ ဆည်ကြီးကျေးရွာဘက်မှ အင်အား ၁၅၀ ခန့်ဖြင့် စစ်ကြောင်းထိုးလာသော စစ်ကောင်စီတပ်နှင့် ရွှေဘိုမိုးကြိုးမုန်တိုင်း၊ မဟာမိတ်ပူးပေါင်းတပ်ဖွဲ့များကြား နိုဝင်ဘာလ ၂၈ ရက် ယမန်နေ့တွင် ထိတွေ့ တိုက်ပွဲ ဖြစ်ပွားခဲ့ပြီး စစ်သား ၅၀ ခန့် သေဆုံးကြောင်း ရွှေဘိုမိုးကြိုးမုန်တိုင်းအဖွဲ့က သတင်းထုတ်ပြန်သည်။

အကြမ်းဖက်စစ်ကောင်စီသည် ညောင်လှကျေးရွာသို့ မြေပြင်မှ စစ်အင်အားအများအပြားဖြင့် စစ်ကြောင်းထိုးခဲ့သလို၊ Mi35p အမျိုးအစား တိုက်ခိုက်ရေးရဟတ်ယာဉ် ၂ စီး အသုံးပြု၍ ပစ်ခတ်တိုက်ခိုက်ခဲ့ပြီး ယနေ့နံနက်အထိ တိုက်ပွဲများအတွင်း ပြည်သူ့ကာကွယ်ရေးတပ်ဖွဲ့ဝင် ၁ ဦး ဒဏ်ရာရကြောင်း သိရှိရသည်။

29/11/2021

တောထဲမှာ ရေအားလျှပ်စစ်ထုတ်ပီး power bankတွေအားသွင်းနေတဲ့ PDF

တော်လိုက်တဲ့ PDF လေးတွေ❤️❤️

28/11/2021

Breaking News❗❗❗
PDF ဆရာဝန် နိူင်ထူးလွင် အသက်ရှင်လျက်ရှိနေ ကြောင်းသိရပါသည်။

28/11/2021

NLDခေါင်းဆောင်တစ်ဦးဖြစ်တဲ့ မုံရွာအောင်ရှင်ကွယ်လွန်
#အမျိုးသားဒီမိုကရေစီအဖွဲ့ချုပ်

အမျိုးသားဒီမိုကရေစီအဖွဲ့ချုပ်ရဲ့ ဗဟိုပြန်ကြားရေးကော်မတီအတွင်းရေးမှူး ကဗျာဆရာမုံရွာအောင်ရှင် ဟာ ဒီနေ့မနက် ၆နာရီလောက်က နှလုံးသွေးကြောပိတ်ရောဂါ နဲ့ ကွယ်လွန်သွားပါတယ်။

ဆရာမုံရွာအောင်ရှင်ဟာ ရန်ကုန်၊တာမွေမြို့နယ်၊ကျောက်မြောင်း၊မလွှဲကုန်းက နေအိမ်မှာ ကွယ်လွန်သွားခဲ့ခြင်း ဖြစ်တယ်လို့သူ့ရဲ့မိသားစုဝင်တစ်ဦးကပြောပါတယ်။

‘လွန်ခဲ့တဲ့၅ရက်လောက်က နှလုံးသွေးကြောပိတ်ရောဂါနဲ့ ရန်ကုန်ဆေးရုံကြီး တက်လိုက်ရသေးတယ်။ ကောင်း ပြီဆိုပြီးပြန်ဆင်းလာတာ’လို့ မိသားစုဝင်တစ်ဦးကပြောပါတယ်။

ဆရာမုံရွာအောင်ရှင်ဟာ အကြမ်းဖက် စစ်တပ်က အာဏာသိမ်းတဲ့ ဖေဖော်ဝါရီ၁ရက်နေ့မနက်မှာပဲ ဖမ်းဆီးခံခဲ့ရပြီး အောက်တိုဘာ၁၈ရက်မှာ ပြန်လည်လွတ်မြောက်လာတာပါ။

ဆရာမုံရွာအောင်ရှင်ဟာ NLDပါတီက ထုတ်ဝေတဲ့ ဒီလှိုင်းဂျာနယ်ရဲ့ အယ်ဒီတာချုပ်လည်းဖြစ်ပြီး ကွယ်လွန် ချိန်မှာ အသက်၇၆နှစ်ရှိပြီဖြစ်ပါတယ်။

27/11/2021

ရေစကြိုမှ မော်တော် ၅ စီးဖြင့် ထွက်ခွာလာသော စစ်ကောင်စီစစ်ကြောင်းကို PDF ပူးပေါင်းအဖွဲ့ ကြားဖြတ်တိုက်၊ စစ်သား ၄ ဦးသေဆုံး

ရန်ကုန်၊ နိုဝင်ဘာ ၂၇

မကွေးတိုင်း ရေစကြိုမှ မအူကျေးရွာသို့ ထွက်ခွာလာသော စစ်ကောင်စီတပ်၏ မော်တော် ၅ စီးကို မြင်းခြံ တော်လှန်ရေးအင်အားစုများက ပူးပေါင်းတိုက်ခိုက်ရာ စစ်ကောင်စီတပ်ဖွဲ့ဝင် ၄ ဦးသေဆုံးကြောင်း PDF ပူးပေါင်းတပ်ဖွဲ့က သတင်းထုတ်ပြန်သည်။

ရေစကြိုမှ မအူကျေးရွာသို့ ထွက်ခွာလာသော စခမော်တော်(၅)စီးကို မြင်းခြံအင်းအားစု တော်လှန်ရေးတပ်ဖွဲ့များ ဖြစ်သော နှလုံးလှလူမိုက်ကြီးများအဖွဲ့ ၊ MGN Ranger၊Burmese Guerrilla Force-BGF ၊ PDF Taloke ၊ MGN Tiger တို့နှင့် မြောင်မြို့နယ် ပြည့်သူ့ကာကွယ်ရေးနှင့် လုံခြုံရေးအဖွဲ့ (CDSOM) ၊ မြင်းမူလျှက်စီးပြောက်ကျားအဖွဲ့ (မြင်းမူ) ညီနောင်မဟာမိတ်များ စည်းလုံးညီညွတ်စွာ ပူးပေါင်း၍ ကြားဖြတ်တိုက်ခိုက်ခဲ့ရာ ဖက်ဆစ်စစ်တပ်ဖွဲ့ဝင် ၄ သေဆုံးပြီး ထိခိုက်မှုများလည်း ရှိနိုင်ကြောင်း PDF ပူးပေါင်းတပ်ဖွဲ့က သတင်းထုတ်ပြန်သည်။

Address

City

Website

facebook.com

Alerts

Be the first to know and let us send you an email when D-Day Information posts news and promotions. Your email address will not be used for any other purpose, and you can unsubscribe at any time.

Videos

မအူအောက်ဆိပ်ရဲစခန်းသိမ်းတိုက်ပွဲတွင် People Defense Force Yesagyo ရဲဘော် များရဲ့ ရဲရဲဝံ့ဝံ့ ထိုးစစ်ဆင်တိုက်ပွဲဝင်နေပုံများ တိုက်ပွဲရှိက အောင်ပွဲရှိတယ် ရေစကြိုသတ္တိကမ္ဘာကသိစေ #PeopleDefenseForceYesagyo #ddayinformation

Kalay PDF - တပ်ရင်း-၅ ရဲ့ မှတ်တမ်း(RNA) နိုဝင်ဘာ၁၀၊RNA ကလေးဒေသခံကာကွယ်ရေးတပ်ဖွဲ့တစ်ခုဖြစ်သည့် Kalay PDF-တပ်ရင်း-၅ သင်တန်းပို့ချမှုနှင့် စစ်ဆင်ရေးတချို့ကို တောတွင်းတစ်နေရာကနေ ရိုက်ကူးတင်ဆက်ပေးလိုက်ပါသည်။ #regionalnewsagency #RNA #ddayinformation

🇵🇾ကရင်နီ(ကယား)ပြည် တိုက်ပွဲ အခြေအနေ.. ပြည်သူ့ကာကွယ်ရေး သူရဲကောင်း ရဲဘော်များ အတွက် ဝိုင်းဝန်းဆုတောင်းပေးကြပါဦးဗျ..🙏 🙏🙏 #KhăuDoLayPage #ddayinformation

မိဘပြည်သူများသိရှိထားရမည်က စခတွေနဲ့တွေ့ရင် ဆိုင်ကယ် ဇာတ်သော့ခတ်လည်း ခိုးမာပဲနော် မိမိအိမ်တွင်းထိ သိမ်းဆည်းထားကြပါ #pdfသတင်းစုံ #ddayinformation

ကရင်နီပြည်နယ်မှာ ဒေသခံပြည်သူ့ကာကွယ်ရေး တပ်ဖွဲ့များနှင့် စစ်ကောင်စီတပ် တိုက်ပွဲပြင်းထန် နိုဝင်ဘာ ၉ ရက်၊ ၂၀၂၁ ခုနှစ်။ ကရင်နီ( ကယား) ပြည်နယ်မှာ ဒေသခံပြည်သူ့ကာကွယ်ရေး မဟာမိတ်အဖွဲ့တွေနှင့် စစ်ကောင်စီတပ်တို့ တိုက်ပွဲ ပြင်းထန်နေတာ နိုဝင်ဘာလ ၁ ရက်မှ ယနေ့ နိုဝင်ဘာလ ၉ ရက်နေ့ထိ ဖြစ်ကြောင်း ဒေသခံ ပြည်သူ့ကာကွယ်ရေးတပ်ဖွဲ့ထံမှ သိရသည်။ ဒီးမော့ဆိုမြို့နယ်အတွင်းက ထူးလွီးဘီလာ ကျေးရွာ၊ ခြေရာတော်ဘုရားတောင်အနီး၊ ဖယ်ခုံမြို့နယ်အတွင်းက ခေါင်းအိကျေးရွာ၊ လတူးရွာသစ်၊ လွယ်ဝှဲကျေးရွာ စသည်တို့ အနီးတွင် တိုက်ပွဲပြင်းထန်ခဲ့ပြီး စစ်ကောင်စီတပ်က အကျအဆုံးများခဲ့ကြောင်း၊ ဒေသခံ ပြည်သူ့ကာကွယ်ရေးတပ် ကရင်နီးတပ်မတော်က ၁ ဦးကျဆုံးခဲ့ကြောင်း သိရသည်။ ထိုးစစ်ဆင်လာသည့် စစ်ကောင်စီတပ်က ဒေသခံ ကျေးရွာများကို မီးရှို့ခြင်း၊ ထိုးစစ်ကြောင့် ရွာလု

ဒါကစကစဆီက ရထားတာလေးပါ 🤣 တချက်ရှိုးကြည့်ပါအုံး စတန်းဒက်အာမီကြီးရဲ့စကစတပ်သားတွေကိုင်တဲ့လက်နက် သစ်လွင်မှု‌ကြီး #pdfသတင်းစုံ #pdfသတင်းပေါင်းစုံ #ddayinformation