ОРГИЛ ТВ\ ORGIL TV

12/08/2024

Armand Duplantis! Өөрийнхөө рекордыг эвдэхэд л тэр дэлхийн рекордыг эвдсэн байсан. Шведийн Dalarna хотод хэдийнэ түүний харайсан өндөрийг улаан морины дэргэд зоожээ.

28/07/2024

12/07/2024

Postnord-оор ирэх ёстой таны захиалга саатсан юм биш биз ?! Гадны орноос захиалсан ихэнхи ачаа Mälmo хотоор дамжин Стокхолмд тараагддаг. Тэгвал Мальмё хотын Весткуствяген чиглэлийн тойрог замд өчигдөр 17:00 цагийн үед Postnord шуудангийн тэрэг осолдож маш олон том багц боодол ачаа зам дээр унасан байна. Тухайн үед замаар зорчигч нар унасан ачаануудыг дайрахаас зайлсхийсэн боловч олонхи нь машины дугуйнд цохиулж дарагдсан ажээ.
Постнордын хэвлэлийн төлөөлөгч Андерс Порелиус “энэ үйл явдлын шалтгааныг тодруулах, яг юунаас болсон бэ гэдгийг тогтоохын тулд дотоод шалгалт хийж байна. Гэмтсэн багцын тухайд бид хүлээн авагчидтай холбоо барьж, захиалгын баримтыг харгалзан хохиролгүй болгоно оо” гэжээ.

12/07/2024

ОРОСЫН ОНГОЦ АХИН ШВЕДИЙН АГААРЫН БҮСЭД НЭВТЭРЛЭЭ.
Өмнө нь Швед улс НАТО-д элсэх сургаар ОХУ-н онгоц Шведийн ойролцоо ниссэн нь улс төрийн зорилготой “сүрдүүлэг” гэж үзэж байсан. Тэгвэл Лхагва гарагийн үдээс хойш Оланд орчимд орж ирсэн Оросын хоёр Су-30 Фланкер сөнөөгч онгоцыг Шведийн Агаарын цэргийн хүчин шалгаж “Шведийн нутаг дэвсгэрээс ердөө 30хан километрийн зайд байсан" гэж хэвлэлийнхэнд мэдээлэв.
Оросын онгоцуудыг бататган танихын тулд Шведийн Jas 39 Gripen маркийн хоёр онгоцыг илгээсэн бөгөөд
"Энэ бол агаарын хүчнийхний гүйцэтгэдэг ердийн ослын даалгавар" гэж Агаарын цэргийн хүчний хэвлэлийн менежер Луиза Левин хэллээ.
Түүнчлэн өнгөрсөн сард буюу
6-р сарын 14-нд Оросын СУ-24 сөнөөгч онгоц Готландын өмнөд захаас зүүн тийш Шведийн агаарын орон зайг зөрчсөн нь мөн тогтоогдлоо. Сүүлийн тохиолдолд Шведийн агаарын байлдааны командлал аман дуудлагаар Оросын нисэх онгоцонд анхааруулга өгсөн бөгөөд Оросын онгоц хөөрөөгүй байхад хоёр JAS-39 Грипен дээш гарч, саатуулахаас өөр аргагүй болсон.
Ийнхүү улсын агаарын хилийг удаа дараа зөрчих нь санаатай эсэхээс үл хамааран манай нутаг дэвсгэрийн бүрэн бүтэн байдлыг үл хүндэтгэж байгааг харуулж байна гэж Агаарын цэргийн хүчний дарга Йонас Викман мэдэгдлээ. Уг хэрэг явдалтай холбогдуулан Шведийн Гадаад хэргийн яам Оросын элчин сайдыг дуудсан байна.

11/07/2024

АНХААРУУЛГА МЭДЭЭ:
Мальмё хотод байрладаг кебаб махны компани нь Швед даяар зоогийн газрууд болон дэлгүүрүүдэд махан бүтээгдхүүн нийлүүлдэг билээ.
Хэдийгээр тус компаний зүгээс бүтээгдхүүндээ өндөр чанар амладаг ч худалдан авагчдын зүгээс эрүүл ахуйн шаардлагыг хангаагүй гэсэн шүүмжлэлтэй багагүй таарч байснаас нэг удаа хориг тавиулж, үүд хаалгаа барьж байсан. Тодруулбал холбогдох байгууллагын шалгалтаар 2023 оны намар уг газрын кебабнаас дархлаа султай хүмүүст хүнд өвчин үүсгэдэг нян болох листриа илэрсэн нь хаалгах үндсэн шалтгаан болсон юм.
Ерөнхийдөө Шведэд кебабны зах зээлд монополь хэлбэрээр оршин тогтнож байсан тус компаний үйл ажиллагаа түр зогсоход л олон газрууд уг бүтээгдхүүний дутагдалд орсон тул тодорхой шаардлага тавьж, анхааруулга өгөөд хоригийг цуцалсан билээ.
Гэвч Шведийн Хүнсний агентлагийн байцаагч зургадугаар сарын эхээр хийсэн шалгалтын үеэр тухайн газар мөн л эрүүл ахуйн шаардлага хангаагүй нь илэрлээ. Тухайлбал бид бүхний “ хогны хар уут” гэдгээр мэддэг хүнсний зориулалтын бус, хар пластик уутаар бүрсэн, уутны хэсэгнээс маханд хавчуулагдсан, хөлдөөгчид ямар нэгэн хамгаалалтгүйгээр хийсэн, ууталж хөлдөөсөн бүтээгдхүүний огноо зөрсөн буюу хугацааг нь урьдчилж бичсэн зэрэг ноцтой зөрчлүүд илэрсэн байна.
Шведийн хүнсний агентлаг дутагдлыг яаралтай арилгахыг тус компанид үүрэг болгож , дагаж мөрдөөгүйг тогтоох тохиолдол бүрт оноо тутамд 40,000 крон төлөхийг анхааруулжээ.
Ийнхүү удаа дараа шалгалтаар зөрчлүүд илэрсээр байхад бүрмөсөн хаагаагүй учир гадуур тус компаны бүтээгдхүүн зарагдсаар байгааг үгүйсгэхгүй. Тиймээс үзэгч та бүхэн худалдан авалт хийхдээ анхаарал болгоомжтой хандана уу.

ОРГИЛ ТВ
5W1H

11/07/2024

Шведийн Liseberg парк маш урт дараалалтай байгаа нь аялагч, амрагч нарыг ихээхэн бухимдуулж байна. Мягмар гарагт 27 настай Жимми Перссон, ээж 57 настай Мари Перссон нар морин тойруулгад орохоор Катринхолмоос Лизеберг рүү явжээ. Гэвч маш урт дараалал тэднийг цочирдуулаад зогсохгүй, хооллох хэсэгт суудал олдохгүй, удаан хүлээсний эцэст өдрийн хоолоо 17:00 цагт иджээ. Мэдээж тийнхүү хүлээж буй хүмүүс цөөхүүлээ биш бөгөөд маш олон хүн урт дарааллыг хүлээж, хүүхдүүд ихээр ядарч байгаа юм байна. Жимми Мари хоёр бүтэн 9 цагийн хугацаанд 5-хан тоглоомонд тоголж чаджээ. лизеберг зочдынхоо тоог тооцоолох ёстой, дан ганцхан зочид ч бус ажилтнууд маш ихээр ядарч харагдсан гэж Афтонбладет сайтд мэдээлжээ.

11/07/2024

ХЭРГИЙН МӨРӨӨР…
Өчигдөр 18:00 цагийн үед тэсрэх бөмбөгийн дохиололын дагуу Centralstation хэсгийг хааж байгаад шалгалт явуулсан. Үр дүнд нь хэд хэдэн хүнийг баривчилсан бөгөөд ажиллагааны үеэр баривчлагдсан 30-35 насны эрэгтэй эмэгтэй хоёр хүний цүнхнээс тэсрэх бөмбөг олдсон. Мөн цүнхэнд хутга, хар тамхи байсан байна. Одоогоор мөрдөн байцаалт хэвийн явагдаж байгаа бөгөөд тус хоёр сэжигтэн Стокхолмд амьдардаггүй, өмнө нь гэмт хэрэгт хэд хэдэн удаа холбогдож байсан байна. Мөрдлөгийн эхний дүгнэлтээр сэжигтнүүдийн үйлдлийг захиалгатай, удирдлагатай гэж үзэж байна. Сэжигтнүүд удирдлагаасаа тэсрэх бөмбөгтэй цүнхийг хаана үлдээх зааварчилгааг хүлээн авсан бөгөөд Шведийн хойд хэсэгт хүргэх үүрэг хүлээсэн байж болзошгүй ажээ.
Одоо уг эрэгтэй, эмэгтэй хоёрт олон нийтэд хор хөнөөл учруулах болон хар тамхины гэмт хэрэгт холбогдуулан эрүү үүсгэж үргэлжлүүлэн шалгаж байна гэж прокурор Каролина Фрохм хэллээ.

ОРГИЛ ТВ
5W1H

10/07/2024

Монгол Улсаас Шведийн Вант Улсад суугаа Элчин сайд Т.Жанабазарын томилгоот ажлын хугацаа дуусаж эх орны зүг хүлгийн жолоо заллаа. Ковидын үед ажлаа хүлээн авсан ч эх орноо төлөөлөн , тус улсад суугаа монголчууддаа зориулан цөөнгүй ажил хэргийг санаачлан, зохион байгуулан, дэмжин, хамтран ажилласан танд БАЯРЛАЛАА 🇲🇳
Хоёр орны дипломат харилцааны 60-н жилийн ойг угтан Монгол-Швед улсын хоорондын түүх, соёлын биет болон биет бус соёлын өвийн асуудлаар чамлахааргүй ажил хэргүүдийг хийж гүйцэтгэсэн билээ.

10/07/2024

АНХААРУУЛГА МЭДЭЭ-

Шумуулаас хамгаалах зориулалттай гэх наалтуудыг сүүлийн үед онлайн дэлгүүрүүд болон худалдааны бусад нэгжүүдээр өргөнөөр худалдаалж байгаа. Тэгвэл Шведийн Химийн агентлагаас уг наалтууд нь эрүүл мэндэд сөрөг нөлөөтэй, зарим тохиолдолд өндөр эрсдэлтэйг анхааруулж байна. Уг агентлагийн шинжлэн тогтоосноор жишээ дурдахад л happy patches гэх наалтууд цитронелла тос агуулдаг, энэ нь харшил үүсгэдэг төдийгүй арьсны элдэв өвчний эх үндэс болдог ажээ.
Түүнчлэн энэхүү наалт яг үйлчилдэг эсэх нь баттай биш, ШУ-ы үндэслэл бүхий нотолгоогүй бөгөөд үүнийг нэг төрлийн луйвар гэж үзэн Шведийн зах зээлд борлуулахыг хориглосон байна.

10/07/2024

ШУУРХАЙ МЭДЭЭ-

Үер усны аюул, аянга цахилгаанаас болгоомжлоорой. Өнөөдөр 18:00 цагийн байдлаар Шведэд 40,000 гаруй цахилгаан анивчсан бичлэг бүртгэгджээ.
Jönköping хотод томоохон газар нутаг бүхэлдээ усанд автаж яг одоогийн байдлаар E4 замын зарим хэсгийг хаасан тухай дөнгөж сая тус хотын аврах албаны Виктор Бликст мэдээллээ. SMHI-ийн цаг уурч Виктор Бергманы хэлснээр шуурга зүүн Готланд болон Свеаланд руу чиглэж байгаа аж.
Тиймээс та бүхэн аялал зугаалгаар явахдаа аюулгүй байдлаа нэн тэргүүнд тавьж цаг уурын нөхцөлд тааруулан төлөвлөхийг анхааруулж байна.

ОРГИЛ ТВ

10/07/2024

ШИНЭ МЭДЭЭ-
Өнөөдөр 17:45 минутад шатамхай, тэсэрч дэлбэрч болзошгүй бодис Стокхолм хотын төвд хэд хэдэн сэжигтэй хүнийг шалгахад олджээ. Тэсрэх бөмбөг илрүүлэх мэргэжлийн баг бүрэлдхүүн шуурхай ажиллаж centralstation хэсгийг 1 цаг хэртэй хааж байгаад обьектыг аюулгүй болгож цагдаагийн байгууллагынхан уг хэрэгтэй холбогдуулан сэжигтэнүүдийг баривчлан шалгаж байгаа юм байна.
Стокхолмын цагдаагийн газрын хэвлэлийн төлөөлөгч Надя Нортон хэвлэлийнхэнд хандан
“Хэрэг явдал бүрэн нотлогдтол сэжигтэнүүд хэн хэн болох, яг ямар сэдэлтэй байсан талаар яг одоо мэдээлэл өгөх боломжгүй байна” гэлээ
Түүнчлэн Цагдаагийн байгууллагын хүсэлтээр SJ-ийн галт тэрэгний чиглэлийг өөрчлөн,
3-7 дугаар замыг хаасан бол 10-19 дүгээр зам хөдөлгөөнд нээлттэй хэвээр байна.
Мөн SJ-ийн хэвлэлийн албаны Ронни Хорстранд “оройн цагаар тус зам дагуу бага зэргийн саатал гарч мэдэх тул нийт зорчигдоос ойлгохыг хүсье” гэлээ.
Дашрамд дуулгахад Цэнтралын Клараберг гудамжинд Үндэсний тэсрэх бөмбөг илрүүлэх отряд байрладаг бөгөөд Шведийн онцгой обьектуудад тэсрэх бөмбөг, дэлбэрэх бодис илрүүлэх дохиолол байдаг ажээ. Хэрвээ үзэгч та анзаарсан бол Drottninggatan дагуу Шведийн Парламентийн ордон, Нобелын музей явах хэсэгт замын хаалт мэтээр байрлуулсан дохиолол хамгаалалтын хар төмөр шонгууд байдаг бөгөөд үе үе төдийлөн анзаарагддаггүй улаан гэрэл нь анивчиж байдаг.
Дээрх тэсрэх бодистой холбоотой хэргийн талаар бид эргэн мэдээлэх болно.

ОРГИЛ ТВ
5W1H

07/07/2024

Хүчтэний манлайнууд шагналаа гардлаа. 2024.07.06. Швед улс, Стокхолм хот

06/07/2024

2024 оны Швед дэх монголчуудын үндэсний их баяр наадам ийнхүү өндөрлөж байна. Цаг агаарын байдлаас шалтгаалан шууд дамжуулалтыг олон тасалсанд хүлцэл өчье. мөн тог цахилгааны байрлалаас шалтгаалж суурин камераас үндэсний сурын харваа болон, шагайн харвааны бичлэг харуулах боломжгүй байлаа.. Монгол түмэн маань сайхан наадаарай

06/07/2024

Наадам

06/07/2024

“Дээлтэй Монгол”. Стокхолм 2024

06/07/2024

НААДАМ 2024 СТОКГОЛЬМ

06/07/2024

Наадам

26/06/2024

24/06/2024

СОЛОНГОС УЛСЫН ҮЙЛДВЭРТ ГАРСАН ГАЛД 20-Н ГАДААД ИРГЭН ӨРТӨЖ НАС БАРСАН ГЭЖ МЭДЭЭЛЖ БАЙНА‼️

Өнөөдөр өглөө 10.30 цагийн орчимд БНСУ-ын Хуасон хотод байрлах батерейны үйлдвэрт гал гарч, одоогийн байдлаар 22 нас хүн нас бараад байна.
Үүнээс 20 нь гадаад иргэн ажээ.

20/06/2024

2024 оны цаг тооны бичиг дээрх “улаан өдрүүд”.

20/06/2024

“Ойн алт” гэж нэрлэгддэг chanterelles мөөг голдуу 7-р сарын дундуур ургаж гүйцдэг. Энэ жил эрт төдийгүй маш ихээр ургажээ. Монголчууд ургамал амьтнаар цаг улиралаа шинждэг шиг эртний викинчүүд энэхүү мөөгний ургалтаар ирэх цагийг шинждэг байжээ. Мөөг нь уураг болон амин дэмээр маш баялаг тул махыг орлуулах боломжтой байдаг, энэ мөөг нь яг одоогийн байдлаар кг нь 250 орчим кроны өртөгтэй байна.
Зуны дундаас намрын сүүл хүртэл буюу газар хөлдөх хүртэл байдаг энэхүү хамгийн үнэ цэнэтэй , амттай хүнсний мөөгийг бусад мөөгөөс ялгаж ядах юмгүй юүлүүр хэлбэртэй, нарийн, шаргал өнгөтэй. Голдуу бөөнөөрөө ургадаг, залуу мөөгний малгай нь хавтгай, дугуй ирмэг нь тэгш биш, хөгшрөх тусам гол нь хотойж юүлүүр хэлбэр олдог.
Чантерелл шиг өвөрмөц хэлбэртэй хортой мөөг байдаггүй ч хажууханд нь төстэй хэлбэртэй улбар ягаан өнгөтэй хөндий иштэй мөөг ургадаг тул андуурч бодохгүй.
Chanterelles нь 92% ус агуулдаг боловч үлдсэн найрлага нь A, B & D витаминууд, уураг, эслэг, өөх тос юм. Эрдэмтэд энэхүү мөөг нь полисахаридын эх үүсвэр учраас хүний эсийг гэмтлээс хамгаалдаг гэж тогтоосон байдаг. Нэмж сонирхуулахад Монгол хэлний толь бичигт Үнэгэн мөөг гэж нэрлэдэг ба хүмүүс Хумбан шар, Салбант мөөг ч гэдэг. Шинэхэн Үнэгэн мөөгийг шарж идэхээс гадна давсалж нөөшлөн хэрэглэдэг.

20/06/2024

АГААРЫН БОХИРДОЛ- АЮУЛ
Дэлхий дээр агаарын бохирдлоос үүдэлтэй эрүүл мэндийн асуудлаас болж өдөр бүр 2000 орчим хүүхэд нас бардаг гэж АНУ-ын Эрүүл мэндийн хүрээлэнгээс өчигдөр танилцуулсан тайланд дурджээ. Уг тайланд мөн дурдснаар 2021 онд нийт 8.1 сая хүн агаарын бохирдлын улмаас нас барсан бөгөөд энэ нь нийт нас баралтын арван хоёр хувьтай тэнцэж байна.
Агаарын бохирдол нь шууд тэр дороо үхэлд хүргэдэггүй ч бохирдлоос үүдэлтэй өвчин эмгэг тодорхой хугацааны дараа амь насыг эрсдэлд оруулдаг. Тиймээс агаарын бохирдол нь цаг бусаар нас барах эрсдэлийн хоёрдугаарт ордог.

Бага насны хүүхдүүд агаарын бохирдолд онцгой өртөмтгий бөгөөд таваас доош насны нийт 700 мянган хүүхэд үүнээс болж нас барсан тухай уг тайланд цохон тэмдэглээд амиа алдагсдын 500,000 гаруй нь ихэвчлэн Африк, Азийн орнуудад нүүрс эсвэл модоор хоол хийсэнтэй холбоотой байжээ гэж дүгнэж байна. Бид нэгэн дэлхий дээр амьдарч буй учраас энэ асуудлыг шийдэх гарц гаргалгааг олох ёстой гэж уг хүрээлэнгийн захирал Паллави Пант хэллээ. Зуны сарыг зургаа мэт аялж зугаалж буй монголчууд маань зурагт сэтгүүлийн нүүрнээс инээмсэглэх суудал горилогчдоос Агаарын бохирдлыг яах гэж байна гэж асуугаад нэг үзээрэй.

18/06/2024

Даваа гарагийн орой буюу өчигдөр 22цаг 42 минутанд Стокгольмоос баруун өмнө зүгт орших Салем цэнтрумын хэсэгт буудалцаан болсон тухай дохио цагдаад иржээ.
Нохойтой хэд хэдэн эргүүлүүд орон сууцны хороолол болон зэргэлдээх ой модтой газраар арав орчим минутын турш хайсны эцэст шархадсан хүнийг олсон байна.
20 гаруй насны эрэгтэйн ​​цээжин хэсэгт хэд хэдэн удаа буудсан байсан бөгөөд эмнэлэгт хүргэгдсэн ч харамсалтай нь шөнийн 03:00 цагт шархаа даалгүй нас барлаа. Уг хэрэг хар тамхины бүлэглэлтэй холбоотой байж болзошгүй ба цагдаагийн байгууллага үргэлжлүүлэн шалгаж байна.

5W1H

17/06/2024

Midsommar-аас хойш Шведэд шатахууны үнэ өсөх ба 95 октантай бензин 10 орё-оор нэмэгдэж 18.34 крон, дизель түлшний үнийг литр тутамд 15-н орё-оор өсгөж 18.24 крон болгох гэж байгаа талаар Швед төдийгүй Нордикын хамгийн том хэвлэл Aftonbladet-д мэдээлжээ. Түүнчлэн
Биодизель түлшний үнэ HVO100 мөн 15 орё-оор нэмэгдсэн бөгөөд этилийн спиртийн үнэ өөрчлөлтгүй хэвээр байх юм байна.

5W1H

17/06/2024

5W1H-ТОВЧ МЭДЭЭ.

Японд Стрептококкийн хордлогын шокын хам шинж (STSS) гэгддэг өвчний тохиолдол энэ өдрийн байдлаар 2500 давлаа. Мах иддэг нянгаас үүдэлтэй, маш богино хугацаанд буюу 48 цагийн дотор үхэлд хүргэдэг энэ өвчин цаашид ч нэмэгдэх хандлагатай болж Японы эрүүл мэндийн салбарыг айдаст автуулж байна. Токиогийн Эмэгтэйчүүдийн Анагаах Ухааны Их Сургуулийн халдварт өвчин судлалын профессор Кен Кикүчи мөн нэмж мэдээлэхдээ өвчилсөн хүмүүсийн 30 хувь нь амь насаа алддаг, энэ нь ч бодит байдал дээр биелж байна гэв.
Өвчний шинж тэмдэг нь хоолой өвдөх, хавдах зарим тохиолдолд халуурах, гар хөл хавагнаж бадайрах, цусны даралт буурах зэргээр эхэлдэг юм байна. Ямар нэгэн суурь өвчин болон бусад шалтгаанаас хамаараад амьсгал боогдох тохиолдол буй бөгөөд энэ нь үхэлд хүргэж болзошгүй байдаг байна.
Тэгвэл энэ нь цоо шинээр нэмэгдэж буй өвчин биш бөгөөд анхны тохиолдол 1999 онд бүртгэгдэж байсан бол 2022 оны сүүлээр Ковидын хязгаарлалт суларсны дараа Европын хэд хэдэн оронд энэ өвчний А бүлгийн буюу iGAS бүртгэгдэж байжээ.

Эх сурвалж: The economic times

12/06/2024

5W1H:
Ирэх жил буюу 2025 он гэхэд Шведэд гар утасны 2G болон 3G сүлжээг бүрмөсөн ашиглахгүй болох ба одооноос эхлээд үүрэн холбооны операторууд унтрааж эхэлсэн байна. Үүний үр дүнд олон машины яаралтай дохиоллын автомат систем болох eCall ажиллахгүй болох бөгөөд цахим дуудлагын функц байхгүй тохиолдолд уг зорчих тээврийг ашиглах эрх батлагдахгүй нь тодорхой билээ. Тиймээс Шведэд ойролцоогоор 300 000 орчим автомашиныг жолоодохыг хориглож магадгүй юм гэж Riksförbundet M Sweden компанийн техникийн шинжээч Карл-Эрик Стьернвалл хэвлэлийнхэнд хандаж мэдээллээ. Тэрээр мөн хэлэхдээ 2020-2021 оны машинууд үүнд ихээр өртөх магадлалтай, учир нь үйлдвэрлэгчид машиндаа орчин үеийн технологи суурилуулахын оронд хуучин 2G, 3G модемуудыг эцсээ хүртэл ашигласан байна гэлээ.

11/06/2024

Мөнгө илгээхэд илүү хялбар болжээ 👏👏👏Швед улс дахь Gubira Pay AB компани нь олон жилийн дадлага туршлагын үндсэн дээр энэхүү шинэ үйлчилгээг нэвтрүүлж, Монгол руу онлайнаар мөнгө шилжүүлэх боломжийг хэрэглэгчдэд санал болгож байна. Таны гүйлгээнүүд илүү хурдан, хялбар, аюулгүй болсон ба Заавал өөрийн биеэр очихгүй дараах зааврын дагуу хийнэ

GubiraPay-ийн онлайнаар шилжүүлэг хийх үйлчилгээг хэрхэн ашиглах вэ?
Гүйлгээ хийх заавар:
1. GubiraPay вэб сайтыг нээнэ үү: www.gubirapay.com сайтад хандан өөрийн бүртгэлд нэвтрэн орно уу.
Хэрэв танд бүртгэл байхгүй бол шаардлагатай мэдээллийг оруулан шинээр бүртгүүлнэ үү.
2. Олон улсын шилжүүлгийн сонголтыг сонгоно уу:
Нэвтэрсний дараа “Олон улсын шилжүүлэг” хэсэг рүү орж, Монгол улсыг очих ороноор сонгоно.
3. Хүлээн авагчийн мэдээллийг оруулна уу:
Та мөнгө шилжүүлэх хүний нэр, утасны дугаар болон Монгол дахь банк эсвэл бэлэн мөнгөний цэгийн мэдээллийг оруулна уу.
4. Шилжүүлэх хэмжээг сонгоно уу:
Шилжүүлэх мөнгөний хэмжээг оруулсны дараа GubiraPay нь тухайн мөнгийг таны сонгосон Монгол төгрөг (MNT) болон ам.доллар (USD) руу автоматаар хөрвүүлэх бөгөөд одоогийн валютын ханшийг ашиглана.
5. Шилжүүлгийн хураамжийг шалгана уу:
GubiraPay нь шилжүүлгийн хураамж болон гүйлгээний хугацааны талаар ил тод мэдээлэл өгдөг. Гүйлгээгээ дуусгахаас өмнө эдгээр мэдээллийг шалгах боломжтой.
6. Төлбөрийг хийнэ үү:
Кредит / дебит карт гэх мэт төлбөрийн аргыг сонгон, шилжүүлгийн төлбөрийг хийнэ үү.
7. Гүйлгээг баталгаажуулна уу:
Төлбөрийг хийсний дараа BankID-ээр дамжуулан гүйлгээг баталгаажуулна. Та гүйлгээний дэлгэрэнгүй мэдээлэл, лавлагааны кодтой дугаарыг багтаасан баталгаажуулалтыг авах болно.
8. Шилжүүлгийн явцыг хянана уу:
Та GubiraPay данснаасаа шилжүүлгийн явцыг хянахаас гадна, хүлээн авагч нь мөнгө авах боломжтой болсон тухай мэдэгдлийг авах боломжтой.

GubiraPay онлайн вэб сайтыг ашиглахын давуу талууд:
Хурд ба тохиромжтой байдал:
Шилжүүлэг хурдан хийгддэг бөгөөд үйл явц нь хялбар, тохиромжтой.
• Хямд хураамж: GubiraPay нь өрсөлдөхүйц хураамжтай тул олон улсын гүйлгээ хийхэд гүйлгээ ердөө 1-хэн минутын дотор тухайн дансанд очно.
• Аюулгүй байдал: Бүх гүйлгээг дэвшилтэт технологиор хамгаалсан тул таны мэдээлэл болон мөнгөний аюулгүй байдлыг хангаж байна.
• Өдөрт шилжүүлж болох дээд хэмжээ: Нэг хүнд өдөрт 29,999 SEK (шилжүүлгийн хураамж 29 SEK багтаасан) мөнгөн дүнг шилжүүлэх боломжтой.
• Шилжүүлэх боломжтой валютууд: Та 29,970 SEK-д тэнцэх хэмжээний ам.доллар (USD) эсвэл Монгол төгрөг (MNT) шилжүүлэх боломжтой.

GubiraPay-тэй холбогдох:
Асуулт, санал байвал www.gubirapay.com сайтын холбоо барих эсвэл тусламжийн утас руу залган GubiraPay-ийн хэрэглэгчийн үйлчилгээнд хандаарай.

GubiraPay-ийн энэхүү шинэ үйлчилгээгээр олон хүн Монгол руу мөнгөө илүү хялбар, хямд шилжүүлэх боломжтой боллоо. Бидний үйлчилгээг ашиглаж, санал болгож буй давуу талыг эдлэхийг урьж байна.

-ийн Аппликэйшн тун удахгүй шинээр нэмэгдэх тул мэдээллийг тухайн үед нь шинээр оруулна!☺🪐

.

11/06/2024

НАТО-с Орос руу чиглэсэн “landkoridor “ буюу газрын хонгил болох 5-н улсад Швед, Норвеги, Финланд, Герман , Украйн нэрлэгджээ.

11/06/2024

5W1H-товч мэдээ.
Хэрвээ анзаарсан бол сүүн болон бусад төрлийн ийм савалгаатай бүтээгдхүүний таглаа салдаггүй болсон. Энэхүү хуванцар таглаа нь харахад жижиг хэдий ч дэлхийд маш олон хүн хэрэглэдэг, түүнчлэн зориулалтын бус газар хаядаг учраас байгаль орчин, далай тэнгис, амьтдад маш ихээр хор хөнөөл учруулах болжээ. Тиймээс Европын холбооноос удирдамж гаргаж энэ оны 7-р сарын 1-нээс хүчин төгөлдөр хуулийн хүрээнд хэрэгжих савалгааг салдаггүй таглаатай болгох журам баталжээ.
Шведэд маш том байр суурь эзэлдэг Арла foods компани уг журам хэлэлцэгдэж эхэлсэн цагаас буюу 2023 оны 9-р сараас эхлэн сүү, цөцгий, тарагныхаа савалгааг сольсон нь цаг үеэ мэдэрсэн, хүрээлэн буй орчин , хүн амьтанд ээлтэй үйлдэл байлаа. Түүнчлэн сонирхуулахад Арла-ийн 0,5 болон 3%-ын тослогтой сүүний багцууд 1960-аад оноос хойш гарч байгаа ба
хуванцар таглаатай болохоос өмнө таглаагүй , цаасыг нь урж хэрэглэдэг байжээ.
Анхны сав баглаа боодол нь Tetra Brik нэртэй байсан ба одоогийн савалгаанд 2009-2012 оны хооронд аажмаар шилжсэн байна. Харин хуванцар буюу шураг таглааг 2013 онд нэмсэн гэж Arla foods компанийн хэвлэлийн менежер Макс Валленберг Nyheter24-т ярьсныг энд сонирхуулан хүргэж байна.

05/12/2023

Хүүхэд багачууд та бүхнийг УРЬЖ байна.
" Үлгэрийн орноор" хүүхдийн шинэ жилийн баярын цэнгүүн, театрчилсан тоглолт 2023.12 09 11:00 цагаас Sollentuna AMORINA танхимд болно.
Хүүхэд бүрт БЭЛЭГТЭЙ.

ЕРӨНХИЙ ЗОХИОН БАЙГУУЛАГЧ : ТӨГС БИЛЭГТ ТӨВ
Тоглолт ОРГИЛ ТВ--ээр Jul kalendar-ийн нэгэн хуудас болон дэлгэцийн уран бүтээл болно.