Abdullah Talib

08/07/2023

03/07/2023

🛑 تنبيه مهم بخصوص الجوازات 🛑
في الفتره الفاتت ظهرت كميه منشورات بتقول انو تم تركب مصنع جوازات في مدني .. لدرجه في ناس بقو يبالغو يقولو بنطلع ليك الجواز بمليار جنيه

الكلام دا كذب واشاعات .. الجواز عشان يتصنع لازم يتم تركيب مصنع بواسطه شركه ألمانيه متعاقده مع وزاره الداخليه. والمكنه المصنعه دي في سوبا.

وحتى لو قالو ينقلو المصانع من المجمع لمدني او بورتسودان ف دي شغله حتاخد زمن .. ف الناس تصبر حبه.

وعليه .. وللاسف (في لحظه كتابه البوست دا) مافي مصنع شغال ولا وسيله مؤكده لإستخراج الجواز ❌
✅ الشي الجميل انو يمكن يفتحوها في بورتسودان قريب

بعتذر لنشر المعلومه دي .. بس حبيت اوضح الحقيقه لانو في ناس بقو يغشوهم
وقبيل لاقيت ناس جو من الخرطوم مخصوص وحيأجرو بيت ع افتراض انو الجوازات هنا شغاله في مدني.

واكرر تاني انو في جهود كبيره انو يتعمل مصنع في بورتسودان ويتنقل مكن الطباعه لهناك 💙

02/04/2023

القيادة هي ليست الفوز بإعجاب الناس و هي ليست سمات و صفات شخصية...

القيادة نتائج: تكمن في متابعة المؤشرات و العمليات لتحقيق الرؤيا و النتائج.
القيادة علاقات: لأنك لا تستطيع تحقيق وحدك.
القيادة تحديات: لأنك يجب أن تتحدى العمليات و ليس فقط أن تعول علي النتائج و العلاقات... و عند وجود التحديات يجب أن تدخل في عمق التفاصيل، و لا تكتفي بالجلوس بمكتبك كونك مدير فقط

01/04/2023

في مشوار كثير من المشاريع:

كثيراً من رؤوس الأموال تأتي فيما بعد... لأن رأس المال جبان و لا يأتي إلى ساحة غير مجربة

03/03/2023

31/12/2022

عاوز تخلي ليك شيء بيضيع وقتك أو بيشغلك كل يوم أو اشياء غير صحيحة و خاطئة أو حرام بقت ليك عادة و بتعملها كتير لا شعوريا و للزم تخليها؟ زي إنك مثلا بتضيع وقت على مواقع التواصل الاجتماعي بدون هدف أو حتى بدون ما تعرف انت بتسوي في شنو أو بتسوف ليك شغل؟.... جرب الخطوات دي:

#أولاً: تحدد الحاجات الغلط الانت عايز تخليها دي و تعترف بيها، و يفضل انك تكتبها كإقرار منك و تعرف انت بالضبط مشكلتك شنو.

#ثانياً: تحدد ليك وقت معين للحاجات الانت عايز تقيف عنها بس هي ما غلط و لا حرام (لكن بتسبب ليك كسل و تسويف و مماطلة)، زي الترفيه و الدردشات و آخر الأخبار علي مواقع التواصل الاجتماعي. تحدد ليها ساعة واحدة في اليوم، مثلا من الساعة 4 - 5 مساءً مسموح إني أمسك الموبايل و اعمل بيه اللي انا دايره.
أما إذا كان الشي الداير أوقف ممارسته حرام في المقام الأول أو هو غلط و مضر (مثل: مشاهدة اشياء مخلة علي الانترنت، أو التدخين.... الخ)، بالتأكيد ما حا تحدد ليها مواعيد معينة و لازم توقفها فوراً و اعمل ليها خطوط حمراء.

#ثالثاً: حقنة التركيز الفورية. لمن تعمل مواعيد معينة أو تترك فعل شيء غلط اكيد نفسك و الشيطان ما حا يخلوك بسهولة لحدي ما ترجع ليها تاني، ونفسك دي حا تريد ليك إنك تعمل الحاجات العايز تخليها دي طول الوقت لأنها مريحة، ما عشان انت ما داير تعملها؛ لكن عشان انت ما تعمل اي مجهود ذهني للحاجات الصح اللي لازم تعملها.
بكل بساطة لكن ترجع تعمل الحاجات الغلط العايز تخليها دي ادي نفسك حضنك تركيز فورية، (مثال: لمن تجي فاتح الفيس بوك بدون وعي منك، و اذا فتحته بدون الحاجة أو شغل معين لازم تقوم تصلي ليك ركعتين فوراً، لانو ما لازم تفتحه بدون وعي منك)، و هنا الصلاة ليست عقاب علي الفعل ده، عن أبي ذَرٍّ جُنْدُبِ بْنِ جُنَادةَ، وأبي عبْدِالرَّحْمنِ مُعاذِ بْنِ جبلٍ رضيَ اللَّه عنهما، عنْ رسولِ اللَّهِ ﷺ، قَالَ: 《اتَّقِ اللَّهَ حَيْثُمَا كُنْتَ وأَتْبِعِ السَّيِّئَةَ الْحسنةَ تَمْحُهَا، وخَالقِ النَّاسَ بخُلُقٍ حَسَنٍ》 — رواهُ التِّرْمذيُّ
أمثلة أخرى لحقن التركيز:
▪️و هي إنك تتصدق أو تتبرع كل ما تجي تعمل حاجة غلط.
▪️الجري و تمارين الضغط و اي تمارين أخرى لمن تاكل اكل غير صحي و انت عايز توقف.

الفكرة أن حقن التركيز دي ليست بعقاب، الهدف منها انها توقف ليك وضع الطيران الآلي لدماغك اللي بتخليك تعمل اشياء بتلقائية أو انت ما دايرها، عشان تخليك بوعدك و تقدر تاخد القرارات الانت دايرها، و لازم تكون اشياء قابلة للبذل و التنفيذ الفوري.

30/12/2022

: مسؤول تسويق

المهام الوظيفية لمهنة مسؤول تسويق:

▫️المساهمة في تنفيذ استراتيجيات التسويق.
▫️التعاون وتقديم الدعم لمدير التسويق في الإشراف على عمليات الإدارة.
▫️تنظيم وحضور المناسبات والأحداث التسويقية لرفع مستوى الوعي بالعلامة التجارية.
▫️التخطيط للحملات الإعلانية والترويجية للمنتجات والخدمات على مجموعة متنوعة من والسائل الرقمية والمطبوعة.
▫️الاتصال مع المساهمين والبائعين لتعزيز نجاح الأنشطة وتعزيز وجود المؤسسة.
▫️متابعة جميع المشاريع حتى الانتهاء وتقييم نجاحها باستخدام مقاييس متنوعة.
▫️إعداد محتوى لنشر المواد التسويقية والإشراف على نشرها.
▫️إجراء أبحاث السوق لتحديد فرص النمو المتاحة.
▫️التعاون مع المديرين في إعداد الميزانيات ورصد النفقات.
______________

متطلبات العمل في وظيفة مسؤول تسويق:

▪️الحصول على درجة الماجستير في التسويق أو إدارة الأعمال.
▪️إثبات الخبرة السابقة في وظيفة مسؤول تسويق او دور مماثل
__________

المهارات اللازمة لوظيفة مسؤول تسويق:

▪️اجادة استخدام أدوات وتقنيات التسويق.
▪️الفهم الجيد لتقنيات إجراء أبحاث التسويق وطرق تحليل البيانات والإحصائيات.
▪️معرفة ممتازة ببرنامج MS Office وبرامج التسويق مثل CRM.
▪️فهم شامل لشبكات الإعلام الاجتماعية وتحليلات مواقع الويب.
▪️امتلاك المهارات التنظيمية وترتيب المهام.
▪️القدرة على التواصل بشكل ممتاز.
▪️التعاون مع فريق العمل وتقديم الأفكار الابداعية.

للإستفسار عبر الواتس اب من خلال الرابط التالي:
https://wa.me/message/JEV43DC7Y2V6B1

20/12/2022

ما تعتبر تنفيذ خطة التسويق عملية سهلة... ممكن تواجه مشاكل. هنا حا نذكر بعض المشاكل الشائعة:

1- مقاومة الموظفين والمدراء للتغير.
2- اهتمام بعض المدراء بالأهداف قصيرة الأمد، رغم أهميتها لكن نغفل الأهداف طويلة الأمد عشان تطور بيها الشركة.
3- إذا ما كانت خطة التنفيذ وخطة التسويق محددة ومتماسكة ويمكن تحقيقها، فإنه حا يكون صعب انك حفز الموظفين عشان يقنعوا ليك الزبائن.
4- عدم الدقة للمعلومات، و ده ممكن يرجع لضعف مراكز استخبارات التسويق/ أبحاث التسويق في الشركة.
5- عدم توفر إمكانيات مادية وبشرية عالية، و ده يؤدي لعدم تطبيق استراتيجيات التسويق بصورة جيدة.
6- التغير السريع في التكنولوجيا وصعوبة مواكبة معطياتها، بيؤدي لممارسات تسويقية تقليدية وبدائية.
7- التغير في البيئة الديموغرافية من حيث العناصر المختلفة بالمستهلكين والتغير في الثقافة.

20/12/2022

الخطة التسويقية لأي شركة هي نافذة النجاح أو خارطة طريق عشان تحقق من خلالها أهداف الشركة دي عشان تصل لغاياتها.
في الواقع في ثلاثة أنواع من الشركات وقس علي ذلك الأفراد و حدد انت منو فيهم.... شركات بتحقق و بتخلي الأشياء تحصل، و شركات بتراقب الأشياء تحدث، و تلك أخرى بتتعجب من اللي بيحصل. خطة التسويق في موضوعنا ده هو هدفها تخلي الأشياء تحدث و تحقق نتائج!...

فالخطة التسويقية هي وثيقة مكتوبة تحدد الاستراتيجية، و بيئة التسويق، و الزبائن المتوقعين، و المنافسة المنتظرة، بالإضافة لأهداف الموضوعة للمبيعات و الربح للعام القادم، و بتفصل و بتوضح فيها الأفعال و الإجراءات اللازمة عشان تحقق الأهداف التسويقية الموضوعة.

20/12/2022

في أيامنا دي بينتشر "التسويق" في العالم، و بنتعرض لتسويق المنتجات و الخدمات و الأفكار كل يوم تقريبا، حتي الأشخاص و السياسيين. و دراسة التسويق شيقة شديد، و اي زول فينا بيكون قام بأنشطة تسويقية بشكل أو بآخر، علي سبيل المثال: (أيام الكلية، أو العمل بدوام جزئي، أو المنظمات الخيرية، أو حتي محاولة إقناع بسيطة، أو إذا كنت مندوب مبيعات أو طبيب بتعالج مريض)، أي زول فينا تقريباً في حياته دي بيسوق ليهو حاجة لفئة معينة.
التسويق بيتعلق بجمع مواد منطقه معينة عشان تلبي بيها احتياجات فئة معينة من الناس اللي انت بتعتمد عليهم في الأساس. و علي الرغم من إختلاف الأمثلة دي، لكنها بتشترك كلها في شيء ما؛ و إنها بتتكون من انشطة تسويقية.

"فالتسويق هو عملية اجتماعية و إدارية يحصل من خلالها الأفراد و الجماعات علي ما يحتاجون إليه و يريدونه من خلال انشاء و عرض و تبادل المنتجات ذات القيمة مع الآخرين"
—فيليب كوتلر—

18/12/2022

https://fb.watch/huIbbaYWv0/

18/12/2022

اذا كنت صاحب مشروع ناشء ، وترغب في أن يحقق لك الربح المناسب من أهم الأشياء التي يجب أن تركز عليها هو كيفية تسويق ما تقدم من خدمات او منتجات بطريقة فعالة ومبتكرة تخاطب الشريحة المستهدفة بدقة وتخلق لديهم الوعي والرغبة في الحصول على ما تقدم.

____________
في رأيك ماهي افضل طرق التسويق الفعالة المناسبة للمشاريع والشركات الناشئة ؟

18/12/2022

يعتقد الكثير من المدراء و أصحاب المشاريع أن الجانب الرئيسي الذي يجعل الموظفين يشعرون بالحماس و الإنتماء للعمل هو الراتب، بينما الراتب في الحقيقة هو جانب من بين 7 جوانب أو عوامل تجعل الموظفين يعملون بحماس و يشعرون بالانتماء للعمل بشكل حقيقي.
فالراتب هو شيء أساسي، و هو إتفاق تم بين المؤسسة و الموظف، و هو المحفز المادي لوجود علاقة رسمية بين المؤسسة و الموظفين، فهو بلا شك أساسي و ايضاً محفز رئيسي، لكن مشكلة هذا العنصر أنه محفز عند التعاقد لكن أثناء العمل ليس محفزاً حاضر الذهن.
يعني عند تعاقد شخص ما براتب عالي سيكون سعيداً بأنه يأخذ راتباً أعلي أو ممتاز من شركة وفق توقاعته أو أعلي منها، لكن ما أن يبدأ العمل و يحتك بالموظفين و البيئة و مدرائها سيؤثر فيه و علي حافزيته أكثر شيء تلك الست عناصر الموضحة بالشكل أكثر من الراتب نفسه، و لن يتذكر الموظف في كل موقف راتبه و يقول: "أنا موجود عشان راتبي".

18/12/2022

"أنا لا أخاف من الرجل الذي تدرب علي 10 ألف ضربة قتالية، أنا أخاف من الرجل الذي تدرب علي ضربة قتالية واحدة 10 ألف مرة"

بروس لي
تنين الفنون القتالية

_____________
ممكن تورينا حا تستفيد من المقولة دي في شنو في حياتك/ أو استفدت منها كيف؟

06/12/2022

لازم نكون واقعيين في الشغل و ما لازم الواحد يقعد يتهيأ النجاح!!....
(الجزء الأول)

ايوة ده بالضبط الموضوع اللي اتعلمت كيف اقدر اصيغه بالطريقة دي من خلال السنة دي و السنتين اللي قبليها، و عرفت كيف اصيغ الموضوع اكتر بعد ما تابعت فيديو لاحد مدربي التسويق في محاضرة ليهو، حتي ممكن تقولوا اقتبسته ليكم اقتباس عديل و استخدمت نفس الأمثلة اللي ذكرها، و حا اذكره ليكم في التعليقات بإذن الله.
فمافي واحد فينا ما عايز يبقي ناجح، و لا حا تلقى زول اذا سألته حا يقوليك عايز ابقى فاشل!!... لكن بتلقي زول طموحه غير واقعي، مثلاً (في البيزنس، في الدراسة، في العلاقات،... أو أي شي اخر)، و الطموح في النجاح دايماً بيمشي خطوة بخطوة، و في اي شي بتعمله اذا ما اتعمل خطوة بخطوة حا تلقى نفسك قاعد "تماطل".

ايوة ده هو موضوعنا... "المماطلة"...!
لمن يكون مواعيد حضورك للعمل الساعة 6:00 ما سألت نفسك لييه بتحضر بعد الساعة 6 أو الساعة 6:10 مثلاً؟... لأن المماطلة مرتبطة دائماً بالتوقعات، فكلما كانت توقعاتك عالية لآداء مهمة معينة؛ "المماطلة" هنا بتكون أعلى في أنه المهمة دي ما تُنجز.
مثال آخر: أنت عندك إمتحان آخر الأسبوع ده و عندك 5 فصول ما درستهم، توقعاتك لو كانت إنك حا تنجح في الامتحان ده بنسبة 100% (يعني ضامن تنجح) ما حا تدرس للامتحان، أو حا تجيك الأفكار بالطريقة دي: "حا اقرأ فصل بكرا، و بعد بكرة كمان فصل، و حا أواصل كدا... و الخمسة فصول في أسبوع اكون خلصتهم"، و كدا حا تكون برضو ختيت توقعات عالية بأنك حا تخلص الخمسة فصول خلال الأسبوع بمعدل فصل كامل خلال اليوم بدون ما تخت في الحسبان اي معوقات (مناسبات أو حالات طارئة) أو مخاطر (قطوعات كهرباء) و بدون ما تكون صريح مع نفسك في حتتة انو ممكن يكون عندك نقاط ضعف (ضعف الذاكرة/ بطء الفهم او قلة التركيز و كثرة المشتتات/ عدم كفاية المصادر/ الخلفيات و الأساسيات)، و هنا دي حا تكون خطة غير واقعية طبعاً. لمن داير تجي تنفذها في اليوم التالي حا تلقي لنفسك أعذار كتيرة أو حا تتخذ واحدة من المعوقات الغير محسوبة ديك أو المخاطر حصلت فعلا في اليوم ده و انت جيت هنا اتخذتها كعذر ينتهي بيه يومك، و ينتهي بيك المطاف لأنك تقول: "ما مشكلة ممكن اقراه بكرة/ بعد بكرة عادي لسة في زمن"، و حا تقنع نفسك بالفكرة دي: "حا أخلص الفصل الما قريته ده و ادخل معاه فصل اليوم تبع بكرا...!"، و بكدا برضو تكون رفعت سقف توقعاتك، و احتمال كبير ينتهى بيك المطاف علب هذا المنوال و انت في وش الإمتحان و ما درست غير 10 صفحات بالكتير من الفصل الأول.

اذاً ممكن نعالج مشكلة زي دي؟
لمن تكون الخطط غير واقعية أو أن سقف توقعاتك مرتفعة بتلقى نفسك في مشوارك ده قاعد تماطل و بنهاية المطاف يا عزيزي حا تلقي إنتاجيتك 0 أو ضعيفة جداً و عكس توقعاتك، و ما حا تحقق أهدافك المرجوة. فبدلاً من إنك تقول: "أنا الليلة حا اقرأ خمسة ساعات في اليوم ده💪🏼"، ممكن تقول إنك حا تقرأ "25 دقيقة" (و تركز علي ال"25 دقيقة" دي بأنك تضيق الحاجز الزمني بدون ما تضع فيها توقعات عالية) بتلقى نفسك قاعد تكابس و تنجز فيها علي انه تكون ال"25 دقيقة" بمجمل 5 ساعات في اليوم زي ما سبق و خططت تتخل كل 25 دقيقة 5 دقائق و كل ساعتين ربع ساعة الي ساعة راحة.... لكن فقط ابقى مركز علي ال"25 دقيقة. ممكن ساعة العد التنازلي في جوالك تساعدك في الموضوع ده، و تلقائياً بتلاقي نفسك عزلت نفسك عن كل المشتتات.
أو بعبارة أخرى، كل ما كانت التوقعات و الفرص المتاحة أقل... كلما كانت نسبة النجاح أعلى، لأن النجاح بتمشي ليه بوتيرة ثابتة و سريعة بدرجات صغيرة و ليس بتسلق درجات كبيرة.

03/12/2022

ما تركز علي انك تعبر من 0 إلى ال100...
لكن ركز علي إنك تعبر من 0 إلى ال10، و من ال10 إلى ال20، والى ال30...كدا تدريجياً بتوصل.
التقدم التدريجي هو الطريق الاضمن عشان توصل للنجاح بعد توفيق من الله. واتعود كمان دائماً إنك تسجل تقدمك و إنك ترضى بإنجازاتك مهما كانت صغيرة لأنه ده بيديك الدافع لأنك تستمر.

03/12/2022

ايه؟
ما خير و لا شنو يا دكتور؟

دخل واحد من المرضى عشان يكشف عند أحد الأطباء، وبعد انتظار طويل خارج غرفة الكشف بفارغ الصبر عشان يسمع إسمه من الممرضه عشان يدخل للطبيب، عقله بيحدثه: "ياترى عندي شنو؟ يا رب استر... إن شاء الله خير، ممكن هسى الدكتور يطمني".

يدخل علي الطبيب و بعد ما يكشف يكون الحوار كدا:
- المريض: "خير يا كتور؟"
- الطبيب بيكتب الروشتة و لا يتكلم!!
- المريض: "مش خير يا دكتور؟"
- الطبيب بيكتب و لا ينظر للمريض.
- طبعا هنا ممكن احيانا يتكلف المرح عشان يداري القلق.
- الطبيب بيعطيه الروشتة و ما بينظر ليه: "تستمر علي الدواء ده لغاية ما اشوفك الاسبوع الجاي".
- المريض: "يعني انا عندي شنو يا دكتور".
الطبيب يبتسم بضجر: "أهم حاجة إنك تستمر علي الدواء ده لغاية ما اشوفك بعد اسبوع.... مع السلامة!!".

يطلع المريض و في رأسه الف فكرة: "شكلو الحكاية كبيرة، طيب و الأولاد و الشغل وو البيت؟! و كمان نسيت اسأله أمشي الشغل و لا حالتي لازمها اجازة!... ارجع تاني؟.. ارجع وين؟ أنا كدا حا اخد دوري في العيادة من الاول، و أصلا هو بيتكلم معاي بالعافية"....

المشكلة انو مافي مشكلة!.. نزلة برد خفيفة و الدكتور بيعتقد انو الموضوع بيستحق و لو تعليق واحد، في حين انو المريض بتصور انو الموضوع اكبر من انه الطبيب ممكن يوصفه بمجرد الكلام. الطبيب هنا قام بواجبه بشكل كامل من زاوية الفحص الفني و كأنه بيكشف علي سيارة، لكنه كلامه مع المريض جزء مهم و ضروري... من واجبه، و من حق المريض!!

: كتاب فن الكلام
للكاتب/ د. إيهاب فكري

12/11/2022

مدير مصنع حديد خلال تجوله في المصنع
لاحظ شابا يستند الى الحائط ولا يقوم بأي عمل
اقترب منه وقال له بهدوء:
كم راتبك؟
كان الشاب هادئا ومتفاجئا بالسؤال الشخصي
واجاب : ثلاثه الاف جنيه شهريا ياسيدي
لماذا؟؟
بدون اجابة المدير اخرج محفظته واخرج ثلاثة الالف جنيه نقدا واعطاها للشاب ( بمثابة انهاء الخدمة )
ثم قال : انا ادفع للناس هنا ليعملوا وليس للوقوف
والآن هذا راتبك الشهري مقدما
اخرج ولا تعد ولا اريد نقاشا !!
وطرد الشاب من المصنع
نظر المدير الى الباقين وسط ذهولهم !!
وقال بنبرة تهديد :
هذا ينطبق على الكل في هذه الشركة
من لا يعمل ننهي عقده مباشرة
اقترب احد العاملين من المدير وسأله :
هل تعلم من هو الشاب الذي قمت بطرده؟؟
قال المدير : لا ؟؟ فأجابه الموظف :
انه رجل توصيل البيتزا ياسيدي
ولا يعمل هنا.

الخلاصة :
لا تتخذ قراراً قبل ان تدرس جميع جوانبه
لا تتخذ قراراً وانت غاضب

12/11/2022

كيف تنجح الشركات في خفض التكاليف دون خفض العمالة؟!

ﺷﺮﻛﺔ ﺿﺨﻤﺔ لديها ﺃكثر ﻣﻦ ٧٠٠٠ ﻣﻮﻇﻒ د، ﻓﻲ عام ٢٠٠٨ وخلال ﺍﻷﺯﻣﺔ ﺍﻟﻤﺎﻟﻴﺔ ﺍﻟﻌﺎﻟﻤﻴﺔ، ألغت وفي يوم واحد ٣٠٪ ﻣﻦ صفقاتها، ﻭبالطبع ﻛﺎﻧﺖ ﻛﺎﺭﺛﺔ..

ﺍﻟﺸﺮﻛﺔ لم ﺗﺴﺘﻮﻋﺐ القدر الكبير من موﻇﻔﻴها وﺑﻤﺮﺗﺒﺎﺗﻬﻢ العالية، ﻭﻛﺎﻧﻮﺍ ﻣﺠﺒﺮﻳﻦ على توﻓير ١٠ ﻣﻠﻴﻮﻥ ﺩﻭﻻﺭ ﻣﻦ المصروفات..

ﻣﺠﻠﺲ ﺍﻹﺩﺍﺭﺓ ﺍﺟﺘﻤﻊ ﻭﻗﺮﺭ تسريح ﺟﺰﺀ ﻣﻦ ﺍﻟﻤﻮﻇﻔﻴﻦ، ولكن (ﺑﻮﺏ ﺷﺎﺑﻤﺎﻥ - الرئيس التنفيذي للشركة) ﺭﻓﺾ الفكرة، ﻭظل يناقشهم لفترة ﻃﻮﻳﻠﺔ، حتى ﻭﺻﻠﻮﺍ ﻟﺒﺮﻧﺎﻣﺞ ﻣُﺮﺿﻲ ﻳﺤﻞ ﺍﻷﺯﻣﺔ... وهو :
أن يقوم كل ﻣﻮﻇﻒ، ﻣﻦ ﺃبسط عامل إلى ﺭﺋﻴﺲ ﻣﺠﻠﺲ ﺍﻹﺩﺍﺭﺓ بأخذ إﺟﺎﺯﺓ لمدة ٤ أﺳﺎﺑﻴﻊ ﺑﺪﻭﻥ راﺗﺐ، ﻓﻲ أي وﻗﺖ يريده، وليس ﺷﺮطًا أن تكون اﻷسابيع متتالية..

ﺍﻟﻌﺒﻘﺮﻳﺔ ليست ﻓﻲ ﻓﻜﺮﺓ ﺍﻟﺤﻞ، إنما كانت ﺍﻟﻌﺒﻘﺮﻳﺔ ﻓﻲ ﺍﻟﻄﺮﻳﻘﺔ ﺍلتي ﺃﻋﻠﻦ ﺑﻬﺎ رئيس الشركة ﺍﻟﺒﺮﻧﺎﻣﺞ، فقد ﻗﺎﻝ ﻟﻠﻤﻮﻇﻔﻴﻦ :

((الأفضل أن نعاني جميعا القليل... بدلا من أن يعاني بعضنا الكثير))

عندما استشعر ﺍﻟﻤﻮﻇﻔون اﻷﻣﺎﻥ والتقدير من ﺷﺮﻛﺘﻬﻢ ﻭوجدوا أﻥ ﻟﻬﻢ ﻗﻴﻤﺔ، ﺑﺪﺃﻭﺍ بتطبيق المطلوب وزيادة،
فمن كان منهم لديه ما يكفيه من المال اخذ 5 ﺃﻭ 6 ﺃﺳﺎﺑﻴﻊ إﺟﺎﺯﺓ، ومن كان أقل قدرة اخذ أﺳﺒﻮﻋﻴﻦ، ﻭﻫﻜﺬﺍ.

وكانت المفاجاة...!! أن ﺍﻟﺸﺮﻛﺔ ﻭﻓّﺮﺕ 20 ﻣﻠﻴﻮﻥ ﺩﻭﻻﺭ، أي ﺿﻌﻒ ﺍﻟﺮﻗﻢ ﺍﻟذي ﻛﺎﻧﻮﺍ بحاجته، ﻭلم يُفصل إنسان واحد من الشركة.

(بوب شابمان)

12/11/2022

يُحكى أن أديسون وهو في السبعين استيقظ من النوم على مشهد اشتعال النار في معمله، كان الحريق كبير، أتى على كل أوراقه وأبحاثه وأدوات مختبره.

وقف الرجل العجوز بهدوء يشاهد ألسنة اللهب، مما دفع ولده الذي جاء مسرعا لمشاهدة المأساة أن يقول: "اقتربت من أبي وأنا خائف مما يمكن أن تفعله تلك المصيبة به، هذا رجل يشاهد جهد عمره يحترق أمامه".

غير أن المدهش هو ما حدث، حيث فوجئ الإبن بابتسامة هادئة قد افترشت وجه أبيه، والذي قال حينما رآه: "أيقظ أمك يا بني لتشاهد هذا المشهد الفريد، أظنها لم تر نارا بهذا الشكل من قبل!"

توقف الإبن مذهولا وقد ظن أن ثمة لوثة قد أصابت الأب من أثر المصيبة، إلا أن اديسون قال له وقد فطن إلى ما يدور بخلده: "لدينا غدا فرصة لبداية جديدة خالية من أخطاء الأمس".

هذه القصة - والتي لم أتوقف على توثيق أكيد لها - مهمة جدا لاستيعاب فلسفة المصائب وقبول المرء لها.
المصائب تحدث يقينا، سيموت من نحب، ويخون من نثق به، ويضيع ما نتمنى دوام امتلاكه.. ستحدث المصائب لأننا لا نملك قواعد اللعبة.. وعندما تقع المصيبة فالمرء منا أمام أن يجزع جزعا يذهب العقل ولا يعيد ما فات.. وإما أن يصبر محتبسا على أمل أن يحمل الغد خبرا سعيدا.

كلنا في مصيدة الأقدار.. توزع علينا الحياة أوراق اللعب، والحقيقة أن الفائز ليس فقط من يملك أوراق جيدة، وإنما من
يقدر على اللعب جيدا بالأوراق السيئة.

21/10/2022

إعلان عن وظيفة مسؤول/ة تسويق ومبيعات

أعلن حوجتنا لمسؤول/ة تسويق ومبيعات بالشروط والمتطلبات التالية:
- بكالوريوس تسويق أو تخصص ذي علاقة
- خبرة سنة على الأقل في وظيفة مباشرة في التسويق و/أو المبيعات
- مهارات اتصال وتسويق وتشبيك (networking) عالية
- مهارات لغة انجليزية عالية
- القدرة على صياغة خطط تسويقية
- مرونة بما يتعلق بساعات العمل
- القدرة العالية على تحمل ضغط العمل والعمل ضمن فريق
- موقع العمل في رام الله مع الحاجة لعمل زيارات واجتماعات تسويقية داخل ولاية الخرطوم.

آخر موعد لتقديم السيرة الذاتية هو يوم الثلاثاء 27/ 10/ 2022م على إيميل:
[email protected]

(يرجى ذكر اسم الوظيفة في خانة العنوان)

للإستفسار و التواصل من خلال الرابط التالي على الواتساب:
https://wa.me/qr/WCIERBYBHPLSJ1

21/10/2022

المانى شاف مصري قاعد بياكل بذر تفاح من كيس بإيده.
سأله - بتاكل إيه؟؟
قال له - بذر تفاح
قال له الألماني - معقول بتاكل بذر تفاح
فيه حد بياكل بذر تفاح؟؟!
قال المصري - بذر التفاح مليئ بالفوائد وهو منشط ومقوي للذاكرة ويرفع مستوى الذكاء
رد الألماني - طيب ناولني حبة
قال له المصري - لا، لو عاوز هبيعلك ال ١٠ بذرات ب ٥٠ يورو
رد الألماني - ياااااه، ليه هذا الإستغلال؟؟!
عموماً خد ٥٠ يورو وأعطيني ١٠ بذرات
أكل الألماني أول بذرة ولم يستلذ طعمها
أكل الثانية وبعدين سكت شوية وبعدين صرخ بوجه المصري
أنا طلعت أهبل، ماذا فعلت لكى أشتري ١٠ بذرات ب ٥٠ يورو؟؟!
كان ممكن إني أشتري ٢٠ كيلو تفاح ب ٥٠ يورو وباخذ منهم ١٠٠ بذرة
قال له المصري- شوفت إزاي، من تاني بذرة بقيت ذكي😎
أومال لما تخلص العشرة، إحتمال تبقي مصري.😅

18/10/2022

قد تُحرم من أشياء عزيزة علينا و تأتينا الآلام نتيجة ذلك، لكن بفضل من الله... مرورنا بآلام التجارب دي متعتنا بأمور أعظم.

قال احدهم: ما من تجربة حلت بي و إلا انطقتني شعراً....

17/10/2022

؟!

فترة العشرينات هي فترة ذهبية بيقدر الفرد انو يكسب فيها أكبر قدر من العلوم و الخبرات، و علي عكس المفاهيم الشائعة بتعتبر كمان فترة العشرينات فترة مثالية لبداية تجاربك الإنتاجية.

الإستثمار في عمر العشرينات حا يغير حياتك و للأبد، و اي شيء بتعمله في الفترة دي ما هو إلا حجر أساس لمستقبلك. الي جانب ده لازم تمتلك مهارة تنظيم الوقت، و اتذكر إنك في المرحلة دي انت ما زول مرتبك.... انت منظم.
و بدل من إنك تبحث عن الذهب في الاخرين، أبحث عنه جواك أنت.... لأنك و لابد و إنك بتمتلك المهارة و الإبداع، و التركيز هو المسافة اللي بتفصل بين واقعك و الحياة الانت عايزها... لانو أي زول عايز نتيجة لكن ما أي زول بيقدر يركز عشان يحقق النتيجة العايزها!

ما تقيف عن التعلم و طور ذاتك و أتعلم من أخطائك و اتذكر انو الإنسان هو عدو نفسه الأول، و اتذكر انو مهما امتلكت من دوافع و محفزات ما حا تنجح لو ما بقي عندك إلتزام تجاه أهدافك.

و لازم تقيف عن انو تلوم غيرك لمن يحصل خطأ، لمن تقيف عن ده و تتحمل المسؤولية حا تلاحظ انو في تغيير حا يحصل لكل شيء من حولك... وفتش هدفك و غايتك لأنو من دون خطة واضحة صعب انو يكون عندك القدرة علي الإنجاز.

13/10/2022

من الحاجات الما قادر انساها تعابير وش ابوي لما كان موديني الصباح المدرسة لأول مرة زمان وبدي فيني دروس عن المسؤولية وكدا وبعد خلص كلامو قلت ليه: نسيت الشنطة في البيت🙂.!

رحمك الله يا من اعز الناس

11/10/2022

انا ما ضد التنمية البشرية ولا ضدك انت گ مدرب تنمية بشرية طالما بتوظف الحاجة دي في مسارها الصحيح وفي الفكرة بتاعة التنمية البشرية بمفهومها العلمي، انا بكون ضدك لما تعملها استغلال للإحساس بتاع الاحباط والتشتت النفسي والاكتئاب بتاع بعض الناس وتلمهم في مركز ولا قاعة وتديهم كلام ناعم بمسمى (تحفيز) عشان تلم منهم قروش وتوهمهم انهم ح ينجحوا ويكونوا غير، انا ضد كل أنواع الاستغلال بتاع مهارات الإقناع عشان تدي ناس كلام نفسهم يسمعوه وتاخد منهم قروش وبكرة يرجعوا للواقع بتاعهم وينتكسوا لأسوأ من الحالة الأولى.. لمجرد انك بتلم في قروش 🤷🏾‍♂️

11/10/2022

ما فيها شي إذا وفقت شوية، ما دام حا تكون الوقفة دي هي مرحلة انطلاقتك مرة ثانية.... و الأهم من ده كله تعرف كيف تستفيد من التوقف ده و تسخره في خدمة المرحلة الجاية.

؟!

إنك تقيف معناها إنك ترجع تعاين للشيء اللي انجزته و علي التقدم اللي حققته و تراجع النتائج و الأخطاء اللي ارتكبتها عشان تصححها.

الفجوة بين الانت دايره و الشي اللي وصلته ليه هي نسبة الخطأ، كلما ارتفعت النسبة دي كلما توسعت الفجوة بين الرغبة و الغاية.

بين واقعك و هدفك في مسافة مليانة بعمليات و حاجات أنت لازم تعملها و انت ما ممكن تتخطاها عشان توصل لهدفك بسرعة او بسهولة، ما بتقدر تتخطى العمليات او الحاجات الانت لازم تعملها دي لأنك ما بتقدر توصل بدون ما تخوض فيها او تنفذها... و مهم جدا إنك تراجع دقة اي عملية او شي انت بتقوم بيهو و تأثيره الحقيقي علي خط سير رحلتك للنجاح.

حتى لو وقفت شوية، اللي حا تكتشفه من أخطأ حا يسرع من عملية انجازك للمهام حقتك... علي عكس إنك تخلي الأخطاء دي عشان تعالجها في وقت تاني او آخر.

و اتذكر دائما انو الفشل ما إنك تغلط، الفشل إنك ما تتعلم من غلطك....

10/10/2022

الغاية ما عايزة تبرير عايزة اجتهاد، والوسيلة دا بتاع بوتيك.!

10/10/2022

النجاح ما بعتمد على التفوق والذكاء الأكاديمي بس، ولا تفوقك أكاديمياً هو الضامن لأنك تكون قيادي في الحياة العملية لأنه الخبرات والمهارات المكتسبة من الحياة هي أهم بكتير من الدرجات العلمية ودي بتعتمد على نقاط قوتك وشغلك عليها عموماً وبذكاء.!

𝐖𝐨𝐫𝐤 𝐒𝐦𝐚𝐫𝐭 , 𝐖𝐨𝐫𝐤𝐢𝐧𝐠 𝐇𝐚𝐫𝐝 𝐢𝐬 𝐍𝐨𝐭 𝐄𝐧𝐨𝐮𝐠𝐡 🙏

09/10/2022

طالما الشكية الكتيرة والدراما وانا حاصل لي وحاصل لي و و كلها نهايتها انك تسمع جملة (الله يعينك)..
شيل شكيتك دي كلها وامشي بيها للبعينك دا مباشرة..

( وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونْ )

08/10/2022

ممكن نقول "الإستمرارية" أكثر سبب بخليك تصل لي أهدافك ولو تطرقنا لي أمثلة في الإطار دا "أفرض إننا وضعنا كفتيرة فيها مياه في النار لو خليناها فترة لحدي ما تبدأ تسخن وطفينا النار وتاني تبدا تسخن وطفينا النار أكيد ما ح تصل لي درجة الغليان 100%".
طيب يا عزيزي "لو وضعناها في النار لي فترة مستمرة وغير متقطعه أكيد ح تصل لي نقطة الغليان✅"
يعني يا زول مهتم ببناء قدراتك وعايز تتعلم مهارات جديدة او تنجز أي حاجه أو هدف معين عشان تكون مستمر عليه وتصل للعايزو لازم يبق بالنسبة ليك عادة يومية وتقتنع بأنو "كلها مسألة وقت"

#منقولة

06/10/2022

اول م دخلت السوبر ماركت لفت انتباهي العرض ده قداااام الباب طوالي... سألت صاحب المحل قلت ليه التخفيض دع منكم ولا الشركة... قال لي الشركة لأنه هي أساسا مااماشة.!!



المنتجات دي لما نزلت السوق كانت كاسحة وعملت دعاية لنفسها بنفسها شنو الحصل عشان تضطر الشركة تنزل بالخصم الكبير ده!! وهل من طريقة أخرى غير الخصم... طالما الشركة رائدة في توسيع خطوط الإنتاج واختراق السوق

#منقول

01/10/2022

أتخيل معاي تعمل حملة أعلانية لعربات فراري موديلات حديثة يجيكم عميل للمعرض ويسالك من سعر فراري موديل 2022 وتقول ليه مثلآ 2 مليون دولار .
يرد ليك غالية والله الكورلا 2007 ارخص منها وعالية وبتستحمل😅.
دي نظرية التسويق الخاطئ والجمهور الخاطئ .
تسويقك 99% من نجاح اي مشروع.

لو اي زول محتار ماف مبيعات ليه يهتم بالتسويق... واي شي في العالم بتباع.

بس ورونا انتو كيف بتبيعو؟