05/07/2024
دي المره السادسه يجي و يترفض من أهلي 💍💔 ،
بعد طلع زعلته عليهو شديد مشيت لأبوي بكيت ليهو قال لي بالحرف : " لو بقى آخر راجل في الدنيا ما حتعرسي الولد ده فاهمه ولا لا ؟؟ " ...
كلام أبوي ضايقني شديد حسيت روحي مخنوقه و روحي في حلقي 😞💔 ،
جاني إتصال منو ما رديت رسل لي مسج : " أبوك قلبك علي ولا شنو ؟ بطلي بكاء استني المحاوله السابعه بقنعو إن شاء الله . انتظرونا في شاكوش جديد 😂 "
لا إرادياً لقيت روحي بضحك شلته التلفون رجعته ليهو قال لي المفروض يبكي منو فينا هسا ها ؟ انتي عويره كده مالك دي أول مره اتفرض من أهلك ؟؟ اتعودي يااااخ ..
قولته ليهو انت ما ملاحظ انو كل مره أبوي بعنِد أكتر من المره القبليها ؟ قال لي عارف و في كل مره أنا بحاول أكتر من المره القبليها وين المشكله ؟؟ عايني من الآخر انتي حقتي و طالما الله زرع حبك جواي يبقى أكيد انتي لي ..
أنا بعمل بالأسباب و متأكد انو الله حيجمعنا يوم أنا طالب حلالو ما ماشي في طريق غلط ها ؟؟ أمسحي دموعك دي عشان انتي كده بتأذيني ، برجع ليك بعدين مع أصحابي هسا اتفقنا ؟؟ قولته ليهو اتفقنا و فصل الخط ...
حاول بعده مرتين و أهلو هم الإعترضو المره دي قالو ليهو تاني لو ماشي ليها أمشي براك نحنا ما كل مره حنترفض سيرتنا بقت على كل لسان قعد لأمو في الأرض قال ليها يمه انتي عايزه تشوفي شر فيني يوم ؟؟ قالت ليها أعوذ بالله بتقول في شنو إنت ؟؟ قال ليها لو بجد أنا بهم واحد فيكم أرح معاي المره دي أنا لو ما عرستها و الله العظيم و الله العظيم ما تعرفو لي طريق تاني أمو رفضت حاول كذا مره معاها بس استمرت في الرفض ،،،
جا براهو المره التاسعه قعد لأبوي تحت كرعينو قال ليهو إنت عندك أولاد صاح ؟؟ إذا لا سمح الله صحيت يوم لقيت واحد فيهم اختفى للأبد إحساسك بكون شنو ؟؟ أبوي سكت مسااافه ، قال ليهو شايف ما قدرته تتحمل الفكره تخيل لو دا حصل فعلاً ، أبوي قال ليهو إنت ناوي تقتل واحد فيهم عشان رفضتك ؟ قلت ليهو أقتل أخو البت الدايره ؟؟ أنا بس بحاول أشرح ليك إحساسي في كل مره إنت بترفضني فيها بحس إني فقدته شي مني في فراغ جوه قلبي ، أنا معاك بتك تتستاهل يحاولو عشانه ألف مره بس أنا كمان عندي قلب بتوجع لمن أحس إني ما الشخص المناسب ليها ، أنا حاولته تسعه مرات و إنت رفضتني و مستعد أجيك لغاية نهايه عمري و ترفض و أجي تاني و ما ح أيأس أبداً بس عليك الله ما توجع قلبي عليها أكتر من كده إنت بس قول لي " عيبك الشي الفلاني ، رافضك للشي الفلاني " و ليك علي أصلحو وقتي و قدامك بس وافق عليك الله وافق 💔 ..
أبوي قال ليهو عندي شرط هو فرح شديد قال ليهو بلهفه اِشرط أنا جاهز ، أبوي قال ليهو تختها جوه عينك ولو يوم جاتني بتبكي تتطلقه طوالي أنا عندي بت واحده ،،،
ما بتتخيلو لما سمعته الكلام دا إحساسي كان شنو من الفرحه زغردته و أنا ببكي و البكاء و السكلي السويتو لهسي صحباتي كل ما أتشاكل معاهو في شي يقولو لي ده مش الإدردقتي ليهو لمن أبوك وافق ؟؟ .......
عارفه حتى لو ما وافق كنت جيت تاني أنا مش بحبك أنا اللي جواي حروف الدنيا كلها ما توصفو 💙
بحبك قدر ما الله ختى فيني حيل ولو اتهد حيلي روحي بتسندك يا رفيقه 💙
بحبك حب ...
قدر ثقل مويه المطر المن السماء بتنزل ،
قدر رمل البحار الليها بستقبل ،
بحبك حب ...
ما حباهو جن لجن ولا حباهو زول لبشر
ولا الجاين من الأرحام من بعدك و من بعدي حيعرفو كيف دا حصل 💙😘😘
