What are the opening hours?

Friday 09:00 - 17:00 Saturday 09:00 - 17:00

FUI Digit

Home
Sudan
Khartoum
FUI Digit

وكالة تسويق رقمي تقدم خدمات متكاملة في التسويق (عبر السوشيال ميديا، والمحتوى، والبريد الإلكتروني)
(6)

FUiDigit is digital marketing agency supplies multi services like Social Media Marketing, Content Marketing, Search Engine Optimization SEO Services, Email Marketing, Reporting Service, Customer Service and Designing Services , Khartoum Sudan.

09/04/2024

تُهنئكم أسرة FUI Digit بحلول عيد الفطر المبارك أعاده الله علينا وعليكم بالخير واليمن والبركات، سألين الله جلى وعلى أن يُنعم على السودان بوافر الأمن والأمان، وأن يَعُم السلامُ جميعَ ربوع الوطن الحبيب.

وكل عام وأنتم بألف خير

29/04/2023

اللهم لطفك بالسودان وشعبه💚

25/04/2023

نداء لقوات الشرطة السودانية بأن تفعل جهودها وان تبدأ في نشر عناصرها لإجلاء المصابين وفتح المستشفيات والصيدليات ودفن الموتى وإصلاح أعطال المياه والكهرباء وتأمين الأسواق والمرافق الهامة، وتحديد مسارات آمنة للمنظمات الإنسانية وفرق الإنقاذ.

خصوصاً وإن بلادنا اليوم تمر بمنعطف خطير، فإن دور الشرطة الفعلي يبرز في مثل هذة الظروف الصعبة، وان الوطن والمواطن في امس الحاجة لجميع الجهود الشرطية من الدفاع المدني، وشرطة الطوارئ، ومكافحة الشغب، والنجدة وغيرها من الادارات الاخرى المهمة.

هذا ونسأل الله أن يحفظ البلاد والعباد

25/04/2023

عاجل | الجيش السوداني في بيان رسمي: وافقنا على هدنة لمدة ٧٢ ساعة استجابة لمبادرة سعودية أمريكية.

24/04/2023

الفائز الأول في مسابقة ، والمقدمة من وكالة هو يحيى حسين الدومه.

أرجو التواصل معنا للتحقق إذا تمت الاشارة إليك بواسطة متسابق آخر.

ونتمنى التوفيق للجميع 💚

22/04/2023

ماهي مسابقة
هي مسابقة لدعم ومساعدة أصحاب المشاريع الناشئة ورواد الأعمال لخلق تواجد رقمي فعال يحقق النمو والتطور لأنشطتهم التجارية.
وعلى الرغم من الظروف الصعبة اللي بنمر بيها جميعاً، قررنا اننا نلتزم بزمن المسابقة، سائلين الله أن يحفظ السودان واهله وسائر بلاد المسلمين.

والهدف من المسابقة هو خلق حلقة وصل قوية بين (وكالة FUI Digit) وأصحاب المشاريع الناشئة.

لذلك الجائزة عبارة عن(حملة تسويق ربع سنوية)
بقمية 2,200,000 ج.س لشخصين، انت وصاحبك رائد الأعمال اللي ح تعمل ليهو تاق، لانو لو فاز حتفوزوا انتو الاتنين.

🙋 بالمختصر المفيد، تاقي صاحبك البستحق الجائزة دي، واربحو انتو الاتنين 😎

والشروط في رابط المسابقة النهائي في التعليقات

وكالة fuidigit #

21/04/2023

عايزين نقول ليكم إنو قائمة أبرز المعجبين وصلت 144 متابع، وإنو القائمة دي مبنية على معدل تفاعلك مع الصفحة وهي القائمة المخصصة لسحب الفائزين.

وكل عام وأنتم الخير لهذا الوطن💚

مسابقة

21/04/2023

اللهم أحفظ السودان واهله وسائر بلاد المسلمين

21/04/2023

البوست الأساسي والنهائي لتحديد الفائز بـ مسابقة
متابعي الجميلة (وكالة للتسويق الرقمي ) كل عام وأنتم الخير لهذا الوطن.

بدايةً دعونا نترحم على أرواح شهدائنا الأبرار، ونبتهل إلى الله العلي القدير أن يجعل عيدهم في الجنة، كما نسأله أن يحفظ السودان واهله، وسائر بلاد المسلمين.

نُصِرُّ وعلى الرغم مما تمر به بلادنا اليوم من ظروف صعبة، أن نلتزم بتوقيت المسابقة، واللي الغرض الأساسي منها ترسيخ رسالتنا المجتمعية وهي دعم أصحاب الأنشطة التجارية.

ونتمنى أن تكون بمثابة حلقة وصل قوية بيننا وبينكم في (سلسلة دعم المشاريع والأنشطة الناشئة)

وشروطها كألاتي

أن تكون:
1. صاحب نشاط تجاري (اعمل منشن لنشاطك التجاري)
2. من أبرز المعلقين (أو أبرز المعجبين)
3. مشارك لمنشور (المسابقة الحالي) إذا كان ملفك مقفول ح تفقد فرصتك
4. تعليقك حاصل على أكبر تأيد من المتابعين
5. عمل دعوة للاصدقاء

ونتمنى التوفيق للجميع

21/04/2023

تهنئكم أسرة FUI Digit بحلول عيد الفطر المبارك أعاده الله علينا وعليكم بالخير واليمن والبركات، سألين الله جلى وعلى أن يُنعم على المسلمين بوافر الصحة والأمن، وأن يَعُم السلامُ جميعَ ربوع الوطن الحبيب.

وكل عام وأنتم بألف خير

21/04/2023

(بيان مجمع الفقه الإسلامي السوداني للعام 1444 هـ عن الفدية)
الحمد لله رب العالمين والصلاة والسلام على أشرف المرسلين، وعلى آله وصحبه أجمعين. أما بعد:

فإن الفدية مجزئة عن الذين لا يستطيعون الصيام لعذر دائم - كالشيخ الكبير والمريض مرضاً مزمناً
قال تَعَالَى:(وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْرًا فَهُوَ خَيْرٌ لَهُ وَأَن تَصُومُوا خَيْرٌ لكُمْ إِن كُنتُمْ تَعْلَمُونَ ) البقرة.

والأصل فيها الإطعام حيث يكفي المد الشرعي عن اليوم الواحد من غالب قوت أهل البلد.

والمد هو ربع صاع، حيث يساوي الربع (نصف كيلة) عن عشرة أشخاص

كما يجزئه أن يطعم المسكين وجبة مشبعة عن كل يوم، ويجزئ أن يخرجها نقداً، وقد قدرت قيمتها لهذا العام بمبلغ (٦٠٠ جنياً) فقط ستمائة جنيا عن اليوم الواحد.

ويجوز تعجيل الفدية من أول رمضان، كما يجوز إعطاؤها لمسكين واحدٍ أو أسرة واحدة وتسقط الفدية عمن لم يجد قدرة، قال تَعَالَى: (لَا يُكَلِّفُ اللَّهُ نَفْسًا إِلَّا وُسْعَهَا) البقرة 103.

ومن كان خارج السودان فإن الفدية تجب عليه بمقدار ما وجبت في بلده الذي يقيم فيه، كما يجوز تحويل قيمتها للفقراء والمساكين بالسودان.

هذا وتقبل الله من الجميع الصيام والقيام، وصلى الله وسلم وبارك على سيدنا محمد وعلى آله وصحبه أجمعين.

د. قسم الله عبد الغفار قسم الله
أ.د. عادل حسن حمزةحمزة

21/04/2023

بيان زكاة الفطر (رمضان) لعام 1444 هـ 2023 م
الحمد الله رب العالمين والصلاة والسلام على أشرف المرسلين، وعلى آله وصحبه أجمعين أما بعد:

فإن الحكمة من إيجاب زكاة الفطر في رمضان؛ أنها طُهرة للصائم من اللغو والرفث وطعمةٌ للمساكين، وإعانة للضعفاء والمحتاجين.

فقد ثبت عن ابن عمر رضي الله عنهما:
(فرض رسول الله صلى الله عليه وسلم زكاة الفطر صاعاً من تمر أو صاعاً مـن شعير على العبد والحر والذكر والأنثى والصغير والكبير من المسلمين).

ويجوز إخراجها طيلة أيام الشهر الفضيل، وينتهي وقتها بصلاة العيد، فمن أخرها بعد صلاة العيد فإنما هي صدقة من الصدقات، ويأثم بتأخيرها إن كان قادراً على إخراجها قبل الصلاة ولم يفعل، ومن لم يخرجها فإنها دين في ذمته.

ويستحب بذلها للأقربين، لتكون صدقة وصلة رحم، فإن كان أقرباؤه مستغنين فإنه يبذلها لعموم الفقراء والمساكين من المسلمين، وهي صاع وتخرج من غالب قوت أهل البلد الذي هو القمح، وفي بعض الولايات الذرة وفي بعضها الدخن، كما يجوز - رعاية لمصلحة المساكين - إخراجها نقداً.

وقد قُدرت قيمة زكاة الفطر لهذا العام ١٤٤٤هـ بـ مبلغ ( ألف ومئتي جنيها) {1,200 ج.س }.

ومن كان خارج السودان فإن زكاة الفطر تجب عليه بمقدار ما وجبت في بلده الذي يقيم به، لأن الزكاة تبعٌ لبدنِ من وجبت عليه، والأصل أنها تبذل لفقراء البلد الذي يقيم به، كما يجوز تحويل قيمتها للفقراء والمساكين بالسودان.

تقبل الله من الجميع الصيام والقيام، وصلى الله وسلم وبارك على سيدنا محمد وعلى وآله وصحبه أجمعين،،،

مجمع الفقه الإسلامي السوداني
أ.د عادل حسن حمزة

20/04/2023

تهنئكم أسرة FUI Digit بحلول عيد الفطر المبارك أعاده الله علينا وعليكم بالخير واليمن والبركات، سائلين الله جلى وعلى أن يُنعم على الإسلام و المسلمين بوافر الصحة والأمن، وأن يَعم السلام جميعَ ربوع الوطن الحبيب.

وكل عام وأنتم بألف خير

20/04/2023

زيادة أسعار السلع في الأزمات ؟

اذا انت صاحب متجر وعندك سلعة في الوقت دا بالذات أصبحت مرغوبة جداً عند الناس فحاول ماتستقل الوضع لصالحك لانو دا لو فادك الان حيضرك لقدام😓 تعال اوريك كيف ؟!

✅حتفقد الناس الثقة في اسعارك لانك بتراعي لمصلحتك الشخصية علي المصلحة العامة وتاني صعب العملاء يرجعو يثقو في اسعارك البتروج بيها منتجاتك .

✅حتتصف بالجشع وحتكون انسان منبوذ غير مراعي لمصلحة الحوليك ودي حاجه ربما قد تطيح بك الى ابعد الحدود .

✅حتفقد قوة علامتك التجارية بااعتبارها علامة تستغل الازمات وحوجة الناس، عكس لمن تسهل ليهم أمورهم حتكون علامة محببة لقلوب الناس لانها زمن الحوجة كانت خير داعم ليهم .

لذلك يجب عليك الاخذ بالاعتبار و قضاء حوجة الناس قبل مصالحك الشخصيه و بكدا حتلقی كمية تقدير كبيره من الناس وحيكون في اقبال علی سلعك بصوره هائله و حتكون نمبر ون في السوق.

يعني بالمختصر محبة الناس فيك حتنميك اقتصادياً و معنوياً وحيكون في اقبال لمنتجاتك ☺️

شاركنا في التعليقات مارايك في زيادة الأسعار الحاصلة في ظل الظروف دي ؟!

بقلم: يسرية اسماعيل
تصميم: يسرية اسماعيل

19/04/2023

(ومن لا يَشكُر الناس لا يَشكُر الله)
رسالة شكر للعاملين في الهيئة القومية للمياه والكهرباء 💚 كونهم يقومون بواجب عظيم في ظل الظروف الحالية؛ لتوفير أهم مقومات الحياة، فالتحية لهم جميعاً ولكل من يخدم الوطن.

19/04/2023

السودانيون في الأزمات

نحن كشعب سوداني في الأزمات دايما بندعم بعض ونكون كاسرة واحدة، ودا الحاصل حالياً معانا..

فتح الأبواب امام الناس ودعوت الغريب لبيتك وهو في أشد الحوجة ليك بدون ماتعرف هو منو اصلا💁دا اكبر إثبات علي أننا ناس كرم فعلا 😍

وكمية المبادرات والدعوات لكل بيت وكل أسرة انو ينزلو عند اقرب ناس وكمية الحوجات لو عايزين موية أو كهرباء أو مؤن بالجد منشورات كتيرة وناس الخير داخل وخارج السودان أثبتو انهم ناس حارة وبتكاتفو حتي وهم بعاد عن بعض..
وبكرة شمس الفرحة تشرق وينجبر لقلوبنا خاطر💛

فليشهد لينا التاريخ علي مساندتنا لبعضنا وعلى حب الخير الجوانا فالسلام علي قلب كل سوداني حتى يهدأ 💛

كمية الارقام والمنشورات الكتيرة لو زول محتاج اي شي مهما كان بسيطه حاجه تفرح
و بتخليني مافي يدي شي اعملو غير اني انزل كلمات شكر وحب من كل قلبي لي كل سوداني 💛 بالجد انا بفخر بيك ياوطني 😍💛

تاقي زولك زول الحارة وقولي كيف كان يكون الحال لو ماكنت سوداني 🇵🇸😍

بقلم: يسرية اسماعيل
تصميم: يسرية اسماعيل

19/04/2023

متابعي (الجميلة ) عايزين نقول ليكم إننا - على الرغم مما تمر به البلاد - ح نكون ملتزمين بمسابقتنا واللي الغرض منها دعم أصحاب الأنشطة التجارية.

هذا ونسألكم الابتهال بالدعاء بان يحفظ الله السودان واهله وسائر بلاد المسلمين.

19/04/2023

الأخبار الواردة عن عودة بعض محطات المياه في الخرطوم للعمل مفرحة جداً، نتمنى أن تنشأ مبادرات لإعادة المستشفيات المتوقفة عن العمل إلى الخدمة، ستجد مننا كل الدعم الإعلامي في نشر حوجاتها، السادة الكوادر الصحية ولجان المقاومة بالأحياء التي بها مستشفيات والمنظمات والنشطاء الإنسانيين.. لنرى إن كان ذلك ممكناً♥️

ستعود الخرطوم إلى الحياة قريباً🌷

19/04/2023

اهم توجيهات الإسعافات الأولية للطوارئ

في ظل الظروف دي مامعروف يحصل شنو، ومامعروف تجيك رصاصة طائشة من وين لا قدر الله وتاذيك 😓 فلو انت انصبت أو في شخص اتصاب قدامك اتعلم الاسعافات الاوليه في حالات الطوارئ عسى ولعل تقدر تنقذ بيها شخص
اول حاجة في الإسعافات المفروض تعملها هي :

✅اذا في زول جمبك اتصاب بي رصاص، اربط مكان النزيف بس ولفو وما تخلو الزول يتحرك.

✅ما تدوهو سوائل ولا مويه ولا غيرو سوائل ما تدوهو لانو ممكن يجهد عمل القلب ويسبب في وقف القلب لا قدر الله.

✅ ماف طريقه لي اسعاف حاليا ، بس وقف النزيف وما تربط العضو فوق الجرح عشان ما يتحقن الدم والمده تطول بتاعت الاشتباكات دي وما معروف يقدر يمشي المستشفى متين ويدخل بعدين في دوامه بتاعت بتر وغيرو اربطوا محل الجرح زاتو ووقفو النزيف بس بي قطعه ولو اتملت دم ما تزحوها جيبو فوق ليها قطعه تانيه.

✅تابع النبض والتنفس تبعو كل شوية لحدي ماتقدرو تصلو لي مستشفى.

شاركنا في التعليقات لو عارف طرق تانية للاسعافات ممكن تساعد بيها غيرك 🙇

بقلم: يسرية اسماعيل
تصميم: مازن ياسر

18/04/2023

خطورة إستخدام الاشاعات (الاعلام الالكتروني المغلوط) في بث الرعب بين المواطنين.

18/04/2023

اهم الإرشادات لمرضى غاسلي الكلى 🙋

اولاً الفشل الكلوي من الأمراض الصعبة جداً ومريض الفشل الكلوى بحتاج علي الاقل لي 3 أو 2 غسلة في الاسبوع، وبكون قاعد في مكنة الغسيل حوالي 4 ساعات.

وفي ظل الظروف دي لو انت بتغسل كلى أو بتعرف شخص بغسل دي اهم الإرشادات الممكن تفيدكم في الوقت الراهن 🤗

✅ مريض الغسيل مفروض شرابه من السوائل في اليوم ما يتعدى ال ٦ كبابي صغيرة و في وضعنا دا قلل كمية السوائل، وممكن يخت تلجة صغيرة في فمه بتبرد عليه و ترويه بدون ما يحتاج يشرب كباية كاملة.

✅ الأكل الـ فيه بوتاسيوم ما ياكله اللي هو للأسف في أغلب الأطعمة موجودة، وكتير في الفواكه و الخضار موجودة برضو.
ممكن تنقعو الجزر والبطاطس في موية نص ساعة أو تدوهم سلقة خفيفة وتدفقوا الموية وتستخدموهم، وطبعاً بكون الغسيل بناء علي نسبة البوتاسيوم الموجودة في الجسم ولو زادت ممكن تدخلك في تسمم لا قدر الله.
الزيتون والكوسة والأسود البوتاسيوم فيهم قليل وكذلك الخضار الورقية.

✅ اللبن ومشتقاته فيها الفسفور لو احتجتوا تكتروا منها خلوا المريض يقرش حبوب الكالسيوم بدل يبلعها دا بيساعد إنه يطلع من الجسم، كترة الفسفور بتعمل حكة مزعجة ليه.

✅ مريض الفشل الكلوي النشويات ح تكون خيار كويس بالنسبة ليه، مثل الرز، المكرونة، الفطاير.

و ما تتوترو وتوتروهم معاكم خليكم هادين وساعدوهم يقللو من شراب الموية واكل الأطعمة الغنية بالبوتاسيوم لحدي ماتلقو شوارع امنة تقدرو توصلوا مكان الغسيل إن شاء الله، ولو حافظ ممكن مايحتاج لي غسيل كذا يوم إن شاء الله☺️

شاركنا ببعض المعلومات البتساعد مريض الغسيل الكلوي غير المذكورة 🤗

وشارك البوست لانو مشاركتك تعني عمل خير لغيرك وكان الله في عون العبد مادام العبد في عون اخيه 💛

بقلم: يسرية اسماعيل
تصميم: صبري عثمان

18/04/2023

يُتوقع فلكيًا أن يكون عدد أيام شهر رمضان للعام 2023 (الموافق 1444 هـ) 29 يومًا، إذ بدأ أول أيام الشهر الفضيل يوم الخميس 23 مارس/آذار الماضي، ويستمر لمدة 29 يومًا، بحسب الحسابات الفلكية، ليأتي بعدها عيد الفطر يوم الجمعة الموافق 21 أبريل/نيسان 2023.

وسيتم تحري هلال شهر شوال في معظم الدول العربية والإسلامية مساء يوم 29 رمضان 1444هـ الموافق يوم الخميس 20 أبريل/نيسان 2023.

هذا ونسأل الله العلي القدير في تلك المناسبة العطرة، أن ينعم على السودان واهله بوافر الصحة والأمن، وان يعم السلام جميع ربوع الوطن الحبيب.

المصدر: قناة الجزيرة

18/04/2023

نصائح لدعم أطفالك وراحتهم في ظل الظروف الحاصلة في البلاد!

وقت النزاعات والحروب والأوضاع الحاصلة في البلاد، الصحف والاخبار دائماً بتشكل مشاعر من الخوف والقلق والرعب عليكم.

وانتو عارفين انو الاطفال وقت الازمات دي هم ضعاف، تلقى الواحد داير يكون قريب من ابوه او امه عشان يكون مطمئن ويشعر بالأمان.

دي بعض النصائح عشان تقدم الدعم لطفلك:👇

✅ اسأل طفلك عن الوضع الحاصل ده عارف عنو شنو؟ وهل هو حاسي بي شنو ؟
لانو في اطفال كتومين الواحد بكون خايف وملان رعب بس ما قادر يعبر عن مشاعرو ويوصلها لي اهلو، عشان كدا حاول افتح معاهم حوار إيجابي واخلق ليهم جو مثلا احكي ليهم قصص او ارسم معاهم او اي نشاط مختلف وكدا بتكون اكتشفت شعورهم الحقيقي.

✅ الاطفال عندهم حق يعرفو البحصل شنو في العالم، والاهل هم البتحملو المسؤولية انو يحافظو علي سلامة اطفالهم من الخوف والتوتر،
انت بتعرف طفلك اكتر من اي شخص، عشان كدا استخدم لغة بتناسب عمرو، وراقب ردود افعالو، كون منتبه لمستوى خوفو.

أما بالنسبة ليك انت، من الطبيعي تكون حزين وبتشعر بالقلق لي الوضع الحاصل ده، ولكن خت في اعتبارك أنو الأطفال ديل هم بستمدوا ردة فعلهم العاطفية من البالغين يعني منك انت، عشان كدا احزر من انو تشارك مخاوفك مع طفلك، اتكلم بهدوء وخليك عارف لغة جسدك وتعابير وجهك.

✅ من المهم انو تفهم الطفل انو في ناس بتساعد بعض بأعمال بتدل علي الشجاعة والكرم، احكي ليهم قصص ليها تأثير إيجابي امثال الناس البتلبي نداء المساعدة، والشباب البدعو للسلام ....الخ.

✅ بعد تنتهي من حوارك مع طفلك ما تخلي و هو في حالة ضيق خليك معاهو، وحاول تقيم مستوى قلقه من خلال مراقبة لغة جسدوا، وراقب نبرة صوتو هل هي نفس نبرتو الطبيعي او لا، وراقب طريقة التنفس برضو، وذكرو بأنك بتهتم بيه وأنك موجود عشان تسمع ليه وتدعمو كل ما شعر بالقلق.

شاركنا المنشور لتعم الفائدة.

شاركنا بتعمل شنو مع اطفالك، عشان الناس تستفيد منك.

بقلم: صبري عثمان
تصميم : صبري عثمان

17/04/2023

اهم الارشادات لطلاب الداخليات، ومساندتهم في ظل الظروف!

في ظل الظروف الراهنة اكتر فئة ممكن تكون متضررة هي طلاب الداخليات وبالاخص البنات😢
اول حاجة هم بعاد عن اهلهم،👪 تاني حاجة هم في بلد غريبة عنهم 🏘️حتي لو كانو في وطنهم لانو ما مطمنين وخايفين😪، تالت حاجة هم معرضين للذئاب البشرية بكل انواعها.🙇
عشان كده،،،

✅ حاول قدم المساعدة للفئة دي، ساعدهم يوصلو لي اقرب أهل ليهم.

✅قدم ليهم المساعدة في انو يطلعو من الداخليات تبعهم حتي لو كان هم معتبرنها امان بعد الأحداث القديمة الحصلت في الايام الماضية الداخلية ابداً ما امان، او افتح ليهم باب بيتك، لانو هي فترة وح تعدي بإذن الله.

✅ مش البنات بس حتي الاولاد في منهم ما عندهم أهل هنا حاول قدر الإمكان مساندتهم وتوفير الأمن ليهم ولو لي مدة قصيرة وكان الله في عون العبد مادام العبد في عون اخيه.

✅ لو كنتي ساكنة في داخلية و سمعتي البلد جاطت ماتنزلي براك مهما كان حاولوا تنزلوا مجموعة مع بعض عشان تكونوا مامنين لبعض واهم شي خلي معاك بخاخ فلفل في شنطتيك بنقذك من المهالك وزمن الكتمات😉.
خليك قريبة من ربنا وحاولي اتحصني دائماً وواظبي علي صلاتك والاذكار لانو هي المنقذ الوحيد ليك.

شارك البوست عشان يصل اكبر عدد من الطلاب.

وشاركنا في التعليقات بي ارشاداتك ليهم في الظروف دي.

بقلم: يسرية اسماعيل
تصميم: مازن ياسر

17/04/2023

كيفية إعداد خطة طوارئ شخصية؟!

أولاً شنو يعني خطة طوارئ؟!
خطة الطوارئ يعني هي البتحدد ليك الاجراءات الممكن تقوم بيها عند حدوث اي حالة طوارئ، يعني تقدر تتعامل مع الموقف بسرعة تامة، وتحمي الناس من المخاطر بأقل الخسائر.

تحت اي لحظة ممكن تحدث حالات الطوارئ بسرعة وبدون اي إنزار، يمكن تجبرك انو تخلي بيتك او حيك.

ويمكن لي اي اسرة التعامل مع الحالات دي، انو تاخد احطياطات من الاول عشان يكونو مستعدين ليها، والعمل الجماعي كفريق واحد

ح اوريك بعض النقاط👇:

✅ اول حاجة حدد كل المخارج البتسهل ليك خروج اسرتك عند وقوع اي مشاكل طارئة.

✅ اذا كنت بتسكن في شقة، والدنيا كتمت استعمل السلم بدل المصعد، عشان تنزل بسلام.

✅ ولازم تخت ليك كم خيار عشان تخرج بيه من البيت في حالة الطوارئ.

✅ اهم حاجة للانسان هي الموية والطعام، وبالاخص في الايام الصعبة دي عشان كدا لازم تاخد احطياطاتك.
بقدر الامكان حاول وفر المياه لمد ثلاث ايام في براميل او حافظات مياه، واحتفظ بي مواد الطعام الما بتفسد عشان تغطي ليكم كم يوم.

شارك المنشور لتعم الفائدة!

بقلم : صبري عثمان
تصميم : صبري عثمان

16/04/2023

الساعة 12 ونص بتوقيت FUI Digit 🙋
جاتنا إستفسارات كتيرة من عملاء ومتابعي (الجميلة ) بخصوص التعامل مع الوضع الحالي.

وذي ما عارفين في ضرر كبير واقع على اصحاب الأنشطة التجارية وعلى الناس بصورة عامة بسبب الازمة الحالية، وخصوصاً مع موسم العيد.

فحابين نوضح بعض النصائح المهمة الممكن تخليك تشتغل رغم الظروف، عشان الناس ما تتضرر اكتر من كدة. وهي كألاتي 👈:

1. بالنسبة لاصحاب الانشطة التجارية (عسى ان تكرهو شئ وهو خيرٌ لكم) أكيد أقدار ربنا كلها خير لينا، ولكن ضروري جداً تفتش على الخير ده داخل الازمة، وتحاول تستفيد منو، لأنو حتى الخير ما ح يجيك براهو محتاج تعمل ليهو عشان يصلك، وصدقني لو اتعلمت من الموضوع الحاصل ده، إنك تعرف قيمة الامن والسلام، ده بالنسبة ليك ح يكون درس مهم لولا الازمة دي ما كان ح تعيشو.

2. لو عايز تفيد الناس مهم جداً تفعل التسويق الرقمي، كصاحب سلعة (ضرورية) في فترة العيد، وأكيد الحوجة ح تكون كبيرة عليها في الوضع الحالي، واحنا لاحظنا إنو اغلب الناس ما قادرة تتصرف ومقفلة حرفياً، يلا بما إنو النت شغال حاول تتواصل مع زباينك وتعرض عليهم منتجك.

3. ضروري تفتشو مع بعض كصاحب نشاط او كعميل لحلول تقدرو توصلو بيها المنتجات بصورة آمنة، نعم في خطر على التوصيل، ولكن فكرو في طرق تانية تكون امنه، وصدقني ح تفرق معاك شديد من ناحية تطور عقلية ومن ناحية فايدة للناس.

4. حاول تتعلم من الكارثة دي، كيفية إدارة الأزمات وتحديات الأعمال، وصدقني بعد تنتهي الازمة ح تكون اتعلمت حاجات مفيدة، لولا الازمة دي ما كان ح تفكر فيها.

5. كصاحب نشاط حاول تركز على الجودة والقيمة المضافة للمنتجات والخدمات، واياك تستغل حوجة الناس وتقدم حاجه بجودة ضعيفة او بسعر خرافي.

6. حاولو تطوروا وتجددوا منتجاتكم وخدماتكم باستمرار، مع الوضع الحالي عشان تلبوا احتياجات العملاء بشكل أفضل وتحافظوا على مكانتكم في السوق.

7. فتش عن فرص للتعاون مع الشركاء والموردين والعملاء، واتكاتفوا مع بعض وصدقني ح تفيد غيرك شديد .

8. استفاد من فرصة موسم عيد الفطر المبارك وتسويق منتجاتك وخدماتك الضرورية، وتقديم العروض والتخفيضات الخاصة للعملاء.

9. خلي التواصل مع العملاء سهل ومريح، واستخدم قنوات التواصل الرقمية الآمنة والموثوقة. كده كده انت قاعد في البيت.

10. فعل خطة عمل واضحة ومحددة للاستخدام التسويق الرقمي وقنوات التواصل الرقمية، وحدد الأهداف والخطوات بصورة دقيقة.

🙋شارك المنشور لتعم الفايدة

مبادرة

16/04/2023

ارشادات هامة جدا لتقليل مخاطر الاصابة من سقوط القذائف علي منطقتك وبيتك!

1. ما بتقدر تتجنب القذائف والرصاص الا بعد تسقط، وافضل طريقة عشان تقلل مخاطر الاصابة دي هي انك تكون بعيد عن الاماكن المكشوفة، انت عارف انو معظم الضحايا بقعو في الاسواق والشوارع من الشظايا، يعني يا حريف اذا ما لقيت مكان عشان تختبي فيه طوالي ارقد علي الارض دا بقلل من اصابتك.

2. اختار غرفة في بيتك عشان تتجهو ليها انت وعائلتك في حالة سمعت صوت رصاص، ولازم الغرفة تكون في محل بعيد عن الشارع.

3. كتير من المواطنين بتصابو في بيتهم من الشظايا المتطايرة، كان اصابة مباشرة اواصابة من شدة القصف، و زي ما شفتو الحاصل الان، ممكن تقلل المخاطر دي عليك بأنو تخت شريط لاصق وعلامة (❌) عشان الناس تبتعد من الشبابيك.

4. ابعد انابيب الغاز و براميل الجاز عن الحوش عشان تتجنب الشظايا من انفجارها، واحتفظ بمعدات الاسعافات الاولية اذا حدثت اصابة لا قدر الله.

5. حاول اتفقد جيرانك وطمنهم وحسسهم انك واقف معاهم وانو الوضع ح يتصلح بإذن الله.

6. اتدرب ودرب معاك اولادك وناس الحي واصحابك، علي اجراءات السلامة عشان يقدرو يتصرفو، ان شاءالله عن طريق الإنترنت.

وان شاء الله الوضع بتصلح بس كترو الدعوات

اذا لقيت فائدة في المنشور دا شارك بيه غيرك، عشان الناس تاخد حزرها!

شاركنا بي ارشاداتك في التعليقات عشان تعم الفايدة!

بقلم : يسرية اسماعيل
تصميم : مازن ياسر

16/04/2023

رجعنا ليكم من جديد 🙋متابعي (الجميلة ) واكيد خلال اليومين الفاتو، كـ رواد أعمال، اغلبنا كان مصدوم وطاشي شبكة😳، وفي ناس وقفو شغل بصورة تامة وما عارفين يتصرفو كيف🙆.

وإحنا حرفياً كده كنا من النوع الطاشي شبكة في اللحظات الأولى من الصدمة🤦ولكن الحمد لله على كل حال، وده أمر طبيعي ولا بد منو👌 يلا خلينا ندخل في المهم👇

إنو اللي بحدد نجاحك عند الصدمات هو ردة فعلك المباشرة، وطبعاً الناس بختلفو في الحته دي، ولكن فقط في النوع ده من الازمات بتظهر معالم القيادة والحكمة.

واحنا بعد 48 ساعة والحمدلله، بعد وقفتكم معانا، قدرنا نجمع اطرافنا🧘، وبدينا نفكر بصورة واضحة ونشوف واجبنا شنو تجاه الوضع الحالي، عشان كده حابين نقدم نصيحه مهمة👈

ولعلها تكون سبب في فتح بصيرة بعض الناس، وهي إنك مفروض بعد كده تبدأ تتعامل مع الوضع الحالي على إنو ازمة لابد من التأقلم معاها، ومفروض ما توقفك عن شغلك وعن اهدافك.

و🧏افضل نصيحة ممكن نستدل بها في الوضع ده، هي نصيحة عمرو بن العاص لما سألوه عن أفضل الشعوب

فقال عمرو بن العاص، رضى الله عنه، أما لئن قلت ذلك إن فيهم خصالا ً أربعا: «إنهم لأحلم الناس عند فتنة.. وأسرعهم إفاقة بعد مصيبة.. وأوشكهم كرة بعد فرة.. وأرحمهم لمسكين ويتيم وضعيف.. وخامسة حسنة جميلة وأمنعهم من ظلم الملوك». أو كما قال .

و🧏الحاجه البتهمنا هنا (اسرع الناس افاقة بعد المصيبة)، وكـ مجتمع محتاجين نتعلم كيفية النهوض بعد المصائب وانها سبب اساسي في نجاح المجتمع والفرد، وعندنا عادات وتقاليد كتيرة عكس الحاجة دي (عادة رفع الفراش) واللي الناس بتقعد فيهو اكتر من اسبوع، حداداً على المفقود؛ وطبعاً دي عادة خاطئة محتاجين نتعاون عشان نتخطاها.

ختاماً بنترحم على جميع الشهداء جراء أحداث 15 أبريل ، ونسأل الله أن يتغمدهم بواسع رحمتة، وانهم نالو شرف عظيم وفضل كبير كونهم انتقلو إلى الرفيق الأعلى في هذا الشهر المبارك، ونسأل الله أن يحفظ السودان واهله.

🙋واخيرا اكتب لينا في التعليقات وطمنا إنك بخير

في مبادرة

Address

Sudan
Khartoum
11111

Opening Hours

Friday	09:00 - 17:00
Saturday	09:00 - 17:00

Telephone

+249909984399

Website

https://instabio.cc/fuidigit

Alerts

Be the first to know and let us send you an email when FUI Digit posts news and promotions. Your email address will not be used for any other purpose, and you can unsubscribe at any time.

Contact The Business

Send a message to FUI Digit:

Videos

كل عام والسودان بألف خير

خطورة إستخدام الاشاعات (الاعلام الالكتروني المغلوط) في بث الرعب بين المواطنين. #اللهم_احفظ_السودان #السودان_الان #fuidigit

#رمضان_بعيون_سودانية

رحلتنا معاكم خلال شهر الخير ياعمالقة التسويق الرقمي تعالو قريب وشوفو المفيد دايرين نختصر ليكم مشوارنا الطويل في المنشور دا !😍 رحلتنا في رمضان معاكم بنكهة سودانية أصيلة حنمر فيها على مقتطفات من عاداتنا وتقاليدنا السمحة ، هي رحلة بتخص أصحاب المشاريع الناشئة رتبنا ليك فيها حلول وخطوات ناجحة خطوة بخطوة حتتعرف فيها على عدة مواضيع منها انك كيف تعمل خطة محكمة لمشروعك ، وأهم المهارت البتقودك للنجاح ، وكيف تقدر تستهدف جمهورك ، و تصمم الهوية البصرية ، وكمان كيف تختار اسم العلامة التجارية الخاصة بيك وغيره الكتير يعني حنخيلك زول مؤسس بطريقة سليمة ومدروسة 😊 وكمان عندنا ليك مسابقات درعة ومتنوعة كل اسبوع مسابقتين والأهم والأضخم المسابقة الكبرى الشهرية #رمضان_بعيون_سودانية و دي موضوعها درعة درعة 😍حتبدا المسابقة من الاسبوع الاول و حتستمر لي اخر الشهر الجائزة فخمة جدآ قيمتها بما يعادل 2 مليار 🔥 اعمل دعوة لي اصحابك واحبابك عشان يلحقو يستفيدو! ويفوزوا معانا بالعرض الضخم ده 🥰 الفائز صاحب اكبر تفاعل خلال الشهر😊 الجائزة ما تفوتك يا حريف عشان تبدأ صح و تحقق حلمك بقلم : يسريه اسماعيل و صبري عثمان #رمضان_2023 #رمضان_بعيون_سودانية #fuidigit

هل إعلان فودافون مصر لعيد الأم سيئ إلى هذة الدرجة؟ مدخل دراسة حالة: فودافون مصر تحذف إعلانها لعيد الأم من جميع منصات التواصل، بعد وصفة (بالمؤذي نفسياً) وتلقيه العديد من الانتقادات من قبل رواد مواقع التواصل، ويعتقدون أن فكرة الإعلان لا تناسب الأم (فكرة التفرقة بين الأبناء). شاركنا رأيك في الإعلان، وهل هو مناسب من وجهة نظرك؟ #fuidigit

رمضانك أحلى في السودان

اللهم بلغنا رمضان #رمضان2023 #digitalmarketing #fuidigit

رمضان أحلى مع FUI Digit اللهم بلغنا رمضان وأرزقنا خيره #رمضان2023 #رمضان_احلى_في_السودان #fuidigit

فريق الابداع (برنامج التدريب المتقدم النسخة الخامسة)

الشباب المبدعين ديل عرفتوهم، يلا ده تيم النسخة الخامسة من برنامج التدريب المتقدم كل واحد فيهم مبدع أكتر من التاني، لدرجة إننا بنتعلم منهم، عارفينهم مجهزين ليكم شنو؟ التيم ده ح يشتغلو مع بعض خطة تسويقية كاملة لرمضان، والعجيب في الموضوع ما ح يشتغلو خطة واحدة بس ح يشتغلو مجموعة خطط، وبراهم بدون تدخل مننا، لانهم اصبحو جاهزين تماماً. إنحنا ممتنين ليهم جداً وبنشكر كل شخص شارك معانا أو عندو الرغبة يشارك في المجتمع ده. اشكروهم شكر خاص وما تنسو، لو عندكم اي سؤال ليهم أو معلومة حابين تسالو عنها اتفضلو وهم ح يجاوبو ليكم. 1. تقوى الزبير 2. صبري عثمان 3. يسرية إسماعيل 4. ليلى الرفيع 5. مازن ياسر ما هو برنامج التدريب المتقدم: هو برنامج يشمل المجتمع المحلي و الإقليمي، لدعم رواد الأعمال المبتدئين، يهدف إلى صقل مهاراتهم و تزويدهم بالمعرفة والخبرة العملية اللازمة لجعلهم قادرين على إدارة و تطوير مشاريعهم الإستثمارية ذاتياً. و تم تقديم خمس نسخ متتالية حتى الآن من برنامج التدريب المتقدم. مهمتنا: هي مساعدة رواد الأعمال وأصحاب الأنشطة التجارية نحو تواجد رقمي فعّال، وذلك لتحقيق التطور والنمو للأنشطتهم التجارية، وإلهامهم لترجمة أفكارهم الناجحه إلى إستراتيجيات رقمية تحقق فائدة إقتصادية للمجتمع. #امساكية_رمضا

برنامج التدريب المتقدم النسخة الخامسة

تحدي كتابة المحتوى الخاص بالدفعة الخامسة من برنامج التدريب المتقدم . المرحلة الحالية ، هي مقارنة بين التسويق الرقمي و التسويق التقليدي من 6 جوانب مختلفة . تم تقسيمها على المتدربين عشوائياً ، لصقل مهاراتهم العملية ، كالبحث ، وارفاق مصادر المعلومات الصحيحة ، و الفلترة ، و استخراج نسخة اصلية من مصادر متعدد ..الخ . الموضوع الأول ايهما أفضل لرفع معدل المبيعات ( التسويق الرقمي أم التقليدي) بقلم / صبري عثمان مدة البحث 7 ايام متواصله هل تعتقد أن الكاتب سيتمكن من تغطية الموضوع بصورة احترافية ؟ وهذا ما يحدد جودة المحتوى من عدمة . شاركنا توقعاتك سيتم نشر النسخ في الأيام القادمة ، ويتوقف ذلك على مهارات التعلم لدى المتدرب . فريق عمل fuidigit ، مهتم بنشر محتوى متعلق بتطوير التواجد الرقمي للجميع الانشطة التجارية. إذا كنت مهتم شاركنا رأيك رسالتنا الأساسية هي الإلهام Inspiration Is Our Core Mission Fuidigit Inspires You To Think Of Growing #fuidigit #digitalmarketing #digitalmarketingagency

ابرز التحولات الرقمية لعام 2023 (الإعلانات ثلاثية الأبعاد LED ) تقرير صادر عن صحيفة UK daily News وحسب الصحيفة ، يعتبر الاعلان هو الاستحواذ الأول لشركة ميتا Meta على الاعلانات ثلاثية الأبعاد 3D Piccadilly Lights . طورت ميتا حملة رأس السنة الميلادية للترويج للنسخة التانية من منتجها Meta Quest 2 ، سماعات الواقع الافتراضي (VR) . تم تنفيذ حملة سماعات الرأس ، في وقت حرج بالنسبة للشركة. وذلك قبل أسابيع بسيطة من إطلاق الحملة ، اضطرت الشركة إلى مجموعة من عمليات التسريح الجماعي للموظفين ، كانت ميتا بتكافح عشان يحصل توازن بين استثمارها في الواقع الافتراضي وتوقعات المستثمرين للعائدات. روجت شركة Meta لنظارات الواقع الافتراضي الخاصة بها عن طريق رجل فضاء ثلاثي الأبعاد ينفجر من لوحة الإعلانات الشهيرة في لندن شمل الاعلان طريقة تفاعل وايصال للمعلومة بصورة فريدة ، تمكن الجمهور من التفاعل مع الاعلان . ختاماً ..نعتقد ان الحملة مناسبة من ناحية التوقيت و الاهداف و الاستهداف . هل تعتقد أن شركة ميتا يمكن ان تنجح في تحقيق هدفها لخلق واقع افتراضي (ميتافيرس) يشمل الجميع ؟ شاركنا رأيك و راجع المصادر في التعليقات فريق عمل fuidigit ، رسالتنا الأساسية هي الإلهام Inspiration Is Our Core Mission Fuidigit Inspires You To Think Of Growing #fuidigit #digitalmarketing #digitalmarketingagency

New brand 💚

النسخة الاصلية من التقرير المدير التنفيذي لمنصة انستغرام : سيظل المحتوى الذي يحتوي على شعارات مرئية أو علامات مائية يُعاقب عليه بموجب هذه السياسة ، في Reels على الأقل ، ولكن خارج ذلك ، لم يتم تصميم التغيير لمنع الأشخاص من مشاركة المحتوى الذي تم تحريره خارج IG نفسها. تاريخ النشر هو عامل. يلاحظ Mosseri أن مجمعي المحتوى هم محور هذا التحديث ، وسيتمكن Instagram من الإشارة إلى سجل نشر الحساب كطريقة لتحديد ذلك. "إذا كان الحساب مُجمِّعًا ، فسنكون على الأرجح قادرين على اكتشاف أنه ليس أصليًا." لذلك إذا كنت تعيد نشر الكثير من العناصر من حسابات أخرى ، فمن المحتمل أن ترى انخفاضًا في مدى الوصول. كان نشر الميمات الشائعة طريقة بسيطة لتعزيز المشاركة حتى الآن ، ولكن ربما لم يعد الأمر كذلك. يعد تصنيف المحتوى الأصلي في Instagram عملاً قيد التقدم. يعترف موسيري بأن Instagram لا يمكنه معرفة ما إذا كان المحتوى أصليًا أم لا. فقد قال "نبني الخوارزميات للتنبؤ بمدى * احتمالية * أن يكون المحتوى أصليًا ، لكن هذا لا يعتبر قياسا دقيقاً. نحن ننظر إلى أشياء محدده ، مثل من يظهر في الفيديو ، وما إذا كنا قد شاهدنا الفيديو من قبل . لذلك ربما ، إذا كنت تشارك محتوى من مصادر أخرى ، فسيكون هناك أشخاص مختلفون في جميع تحميلاتك ، وقد يكون ذلك بمثابة إشارة ، ب

تخفيضات وعروض 2023 تخفيض 25% على خدمة السوشيال ميديا #fuidigit #DigitalMarketing #DigitalMarketingAgency #socialmediamarketing #contentmarketing

#fuidigit #Startup #Sudanese #InspireOthers #DigitalMarketing #DigitalMarketingAgency

#Sudanese #Startup #fuidigit #InspireOthers #DigitalMarketingAgency

#ألهم_غيرك #شارك_مع_غيرك #Sudanese #Startup #fuidigit #InspireOthers #DigitalMarketingAgency

We believe in you We believe that you are an important source of inspiration . #fuidigit #digitalmarketing #digitalmarketingagency #socialmediamarketing #content

13th November World Kindness Day We believe in you queen as a strong & an inspirational source of the future 💚 #fuidigit #MarketingAgency #SocialMediaMarketing