ابوابراهيم ال كابو

04/08/2024

27/07/2024

يمنحنا الله اهتمامات ونقاط ضعف مختلفة حتى لا نشبه بعضنا البعض، ويعلمنا أن نعجب بالتنوع الذي أنشأه في العالم ؛ لكنّنا طلاّب سيّئون وأطفال مهملون: كلّ شيء مختلف عن أنفسنا يزعجنا ."
بولات أكودجافا

26/07/2024

كانت أمي تتفنن في تخيل ما يرضيني، وقد جاءتني مرة بالحساء، وأخذت تطعمنيه بيدها، فكنت أتذمر و أنا ألتهمه.. وفجأة خجلت من تذمري وقلت لنفسي: ربما هي الوحيدة التي أحبها ؛ ومع ذلك أسومها سوء العذاب.

إن الذي نحبه أكثر من غيره نعذبه أكثر من غيره !

25/07/2024

حاول أن تخفي نقطة ضعفك قدر ما أستطعت، هي ليست نقطة، هي أشبه بثقب أو نفق يقود العالم للعبث بداخلك ."

24/07/2024

في الحقيبة مكان فارغ وأنا أحشوه بالقش، وكذا الأمر في حقيبة حياتنا، نحشوها بأي شيء حتى لا تكون فارغة ."

23/07/2024

أطالب بالحق في حياتي، في أن أكون إنسانًا، وأطالب بالحق في التفكير والإبداع، وأخيراً الحق في أن أقول لا .

22/07/2024

كان عليك أن تدرك مدى خطورة، وقوة تلك العاطفة التى كانت تدفع تلك الفتاة إليك! إنها لم تشأ أن يشاركها أحد فيك، وأنت، أنت تركت كل هذا الكنز، وحطمته ."

21/07/2024

في الولايات المتحدة الأمريكية كتبوا على الأوراق النقدية عبارة "نثق بالله" .. بعد كل هذه المصائب التي فعلتها أمريكا في العالم أود أن أعرف أي إله هذا الذي يثقون به .

20/07/2024

كلما أردت أن اخبا بعض #النقود لوقت الشدة ، تأتيني الشدة و #الضمة و #الفتحة و #الكسرة ..!

19/07/2024

اشاهد الأعداد تزداد بصورة سريعة، و ذا دليل على دعمكم فشكرا لمشاعركم وذوقكم الرائع...
#عصام #كابو

19/07/2024

هذا المجتمع قاتل للعفوية والتلقائية والسلاسة والبساطة ، وعاشق للحقد والنفاق والتصنع ."

- فيودور دوستويفسكي

16/07/2024

عندما تكون وحيدا وتتحدث مع نفسك، هل تكون أنت المتحدث ام المستمع؟

**er

04/07/2024

#منقول
الناس العندهم عربات وتركترات وتريلات في القضارف شيلوا عصيدة وموية ومشمعات وحبال (سلب) وشاي وبرتقال وقريب وشيلو بلح كتير وأنسلوين وأدوية ولو عندك باور بانك أشحنه وشيلو معاك
وأمشو على منطقة المقرح والبقدر يمشي ينتظر قدام على الجبال في طريق اب رخم يمشي
الناس الطالعين من أب رخم فيهم ناس جعانين شديد وعطشانين وما عندهم قروش لان التلفونات اما مغلقة أو اتسرقت
في ناس راكبين في عربات كاشفة محتاجين مشمعات لأنو المطر نزل من أمس والدنيا بردت والجوع شديد وفي عربات إتعطلت في الطريق محتاجة يجروها
الناس التعبانين أكتر ديل المنتشرين في الطريق بين كبري الدندر وأب رخم على الطرقات من أمس وأول أمس ومافي أكل لكن الترعة قريبة بيشربو منها
الأطفال بيبكوا بأصوات تقطع القلب والله بسبب الجوع
الرضع أمهاتهم ما فيهم لبن بسبب الجوع الشديد وماقادرين يشيلوا نفسهم
العدد النزح دا مقدر ب 50 ألف ويمكن أكتر
والله الناس من أمس بعاينوا للسماء وخايفين المطر يارب حوالينا ولا علينا
المطر بيقفل الطريق وبيزيد المعاناة والجو بيبرد والجوع بشتد
وفي ناس حتموت من الجوع
نحن كان معنا 31 بلحة أدينا مرضى السكري 5 بلحات وفضل 21 بلحة وزعناها على الأطفال بلحة بلحة
والله فرحتهم بيها كانت لا توصف
مافي حاجة أشد من بكاء الأطفال من الجوع
في أب رخم اشتريت 2 عصير مازا لأمهات حوامل عشان جاهم هبوط ويومين جيعانات وعطشانات وقلت ليهم أشربوها بالدس لأنو الأطفال لو شافوها بقولوا عايزين ومافي قروش
والله شايلات العصير وما قادرات يقيفن ولا قادرات يشربن ويخلن أطفالهن
رجعت تاني اشتريت قارورتين لمرضى سكري وقارورة واحدة وزعناها سكتنا بيها الأطفال جرعة جرعة
والله المستعان
#شير يا جماعة شير
يا ناس القضارف شدو حيلكم وأطلعو بالأكل
ياريت الشباب يتطوعوا شكل مجموعات لو وجدوا الإمكانية
لو عندك عصيدة بس بدون أي شيء شيلها وأطلع بيها

27/02/2024

الهدوء سلاح ايضا، ولا نستطيع التفكير من دونه، وهو أكثر فتكا؛ لكن قليل من يدرك ذلك.

23/02/2024

منقول من ملفاتنا السرية، المجلد الأول، صفحة ٧:
١-الرجال ما بقروا الأفكار و ما بعرفوا انتِ بتفكري في شنو من غير ما تقولي.

٢-اطلبي الشي الدايراهو منهم بكل وضوح ، تلميحات ضعيفة ما بتنفع ، تلميحات قوية ما بتنفع ، و تلميحات واضحة برضو ما بتنفع ما غير الكلام.

٣-الاجابة ب "لا"
او "نعم" دي اجابة مقنعة شديد بالنسبة لينا

٤-لمن تجي تحكي عن مشكلة بطبيعتنا بنتوقع انك عاوزة حل "لاننا بنحل بس" لو عاوزة تعاطف امشي لصحبتك.

٥-اي حاجة حصلت قبل اسبوع او اكتر دي من الصعب نتذكرها.

٦-لو حاسة انك سمينة ما تسأليه لانه معناها انتِ سمينة ، و غير كدا السؤال دا بجيب مشاكل

٧- بنعرف الالوان الاساسية بس ، بمعنى انه الخوخ بالنسبة لينا فاكهة ما لون
فما تتوقعي نكون بنعرف لون زينب لأنه زينب ذاتها احتمال ما نعرفها.

٨ـ لمن يسألك مالك و تقولي ليه مافي شي .. المشكلة بالنسبة ليه اتحلت عشان كدا لمن يسألك مالك ٲبدى احكى

٩ـ ما تسأليه بتفكر في شنو لو ما حابة تتمعطي بالكورة.

10- ماتحرميه من الحضن عشان عادي بشوف واحدة تحضنو.
#اولا البوست منقول.
#ثانيهم نمرة عشرة دي خلاصة البوست.
#ثالثها أي نقطة من ديل محتاجة مجلد لشرحها-لحواء-لكن بالنية بس.


#السوداني
#السودان
#شتاء
#اللغةالعربية
🤔

#عصام #عمر #كابو
#ابوابراهيم

21/02/2024

مرادفات كلمة رَحْمَة (اسم)..

أَنَاة، إشْفاق، إِحْسان، تَحَنُّن، تَحْنان، تَعَطُّف، حَدَب، حَنان، حُنُوّ، رَأْفَة، رِفْق، رِقَّة، شَفَقَة، عَطْف، لُطْف، لُيُونَة، لِين، مَحَبَّة، مَرْحَمَة، مَوَدَّة، رِقَّة القَلْب، مَغْفِرَة، رَوْح، رَاحَة.

أسماء تشعر برقتها حتى وانت تنطقها.
الحمد لله على نعمة اللسان العربي.

#السوداني #اللغةالعربية

#عصام #عمر #كابو

01/02/2024

كنت أقصد فبراير 2023 😁، لكن الاحداث في 23 مشت ب إيقاع سريع بصورة مخيفة.

عشر رسائل كل يوم رسالة، من الاول من فبراير حتى العاشر منه.



ابوابراهيم ال كابو

01/02/2024

كتير الشالتو الايام ..
{ ولو شاء الله ما اقتتلوا}

هي ماااا دي العادة في الايام!
بتخمش ساااي بلا استئذان
تشيل بس كف بلا تحنان
تشيل اشخاص
تشيل لحظات
تشيل اخلاق
تشيل ارواح
تشيل افراح
تخت احزان
تخت افراح
تزيد احزان
تزيل اوطان
توادعك ناس
تجيبلك ناس
تصادقك يوم
تخاصمك يوت
تملاك شوق
هموم واتراح
تضحك يوم
ويوم تبكي
لمَت تضحك
تقول دي الحال ...
تاني محال يكون في اتراح
وقت (تكجُر)
تضيّقلك جميع الكون
تكون وسط الحبايب زيييين
تضاحك ده
و تباسم ده
وتهاظر داك
تحس من شدة الفرحة بتشع جواك...
بس (ودابرك)
اتعلم يطير يدووووب
بسيمتك اصلوا ما تخطاك
صباحك وليل
وات في زحمة الافراح...
قليبك يسوي (شح شح شح)
اياربِ الجرالي شنو؟
إيه البيجري يا خلان؟
تمَشيها وتقول في السر..
(اعوووذ بالله من ابليس)
ترجع تاني في اللمات
قعاد اخوان
سعادة الاسرة
لمت اهلك الحلوين
لقاء انسان عزيز ولهان
فجاة تضلم الحتات
ويتخبى الفرح والنور ...
وتتوشح غيومك سود
وتبقى تشابي زي مجنون
وين الريده والتحنان ؟
وين الفرحة والخلان؟
ليه كسرتو طوبة املي..
جوه الروح؟
وانا الفكرت إني خلاص...
(وداعا يافجاج الزيف)..؟
ليه كاسي الكئابة الكون ؟
ليه بدل القعاد البين؟
وين........؟
وليه..........؟
كيف........؟
وبتين..........؟
فجاة بصوت رخيم مكلوم
يجيني الهمس من فوق لي..
ات ماغابي انك (زول)...؟
وعايش جوه بطن الفيل؟
فرح وترح
, ملمة و بين
صديق و عدو
غدر و اخلاص ...
تماما زيي فصول الكون
خريف غنيان بحور وانهار
فجاة الموية تصبح نار
صقيع يقتل
ونارا تهرِس العضّام
تحِن الشمس ياولدان
تقولو كفاكْ.
وتدينا الامان ارتال...
تدفي الشوق
تراضي الذوق
تحلي الضوق...
ونفرح تتتبْ....
هي حتها زااااتها من الكون
زي قمر الليالي الفوق
ليها اتنين وجيه خاينين
تفرِّح زيييين...
يقولها انت زيك مين؟
تقولو بقسوة...
هالمجنون....
انا ماياني زي ناس ديل
مي دايمه
مره عسل...
كمان مرات ببقى بصل
فهادي الحالة (اعمل ذوق)
آآآآآآه وآآآآآآه....
ايا شم الهجير بشويش ....
ايا نار الضلوع ماكفاك؟........
يغِير سيد الاناقة الجّدْ
حبيب الكل
رفيق الكون
جميل الطل
جميل العطر فايح النور
(ربيع )الصوت
دعاش عصفور يغرد فوق
يشابي عشان يِحلي الصوت
تجيك الحان طعم تحنان
تقالدو حبابك آلمبروك
ومرحب بيك كمان وكمان
وتاااني تدور الساقية
ومن تاني الخريف يرجع
خريف غنيان
بحور وانهار
فجاة الموية تصبح نار
صقيع يقتل
ونارا تهرس العضّام ......
تقولوا كفاك
وتدينا الامان ارتال....
وتاني تدور الساقية
وتاني الساقية تاني تدور
و نتلملم مع الفضلوا
نقول وندوبي بتحنان ....
كتييير.....

#عصام #عمر #كابو
#شتاء 2017
#الذكريات
#الأمل

#السودان
#الجيش #السوداني
#الدعم #السريع

31/01/2024

رسالة....
تمر بالمرء أحيانا لحظات تقطر ألما، ويكأنها تنفح قيحا من شدة نكئها في الروح، يتغير فيها الفرد بالكُلية، فلا يعود بعدها كما كان قبلها البتة.
فاعلم يا لهذا أن تلك الأمور، أي نعم ستطبع فيك سمة جديدة، لكن-بورك فيك- ثق أنك ستأخذ منها دروسا مفيدة، فحاذر من أن تصبغ فيك شخصا لا تحب أن تكونه، إياك -أيها الرائع- أن تسايرها فتُشكِل فيك خِصالا كنت تَمقتَها سابقا، بل اجعلها تُقويك، وتشُد من ساعدك. لا تسمح للحياة أن تُركعك، بل ابتسم لها ابتسامةً؛ تُعلِمها أن خنزيرا في الوحل لا يسعده شيئا مثل أحمق ينازله، فلا تكن ذلك الأحمق.
لا بأس -أيها الطيب- ببعض دموعٍ تُغسل معاناة النفس، وترطب ذلك الجفاف الذي لحق هذه الروح التعِبة (من قال لا يبكي الرجال؟) أُصرخ لوحدك، خاطب روحك الثكلى هذه سرا إن شئت أو جهارا، لكن حذاري من أن تُظهر ضعفا وخورا لهذه الظروف، إذ لو فعلت؛ ستمتطيك، حينها لن أقول سيفتقدك احباؤك، لا، بل ستفتقد أنت نفسك، ستفتقد روحك التي عهِدتَها، ستصبح غريبا عن نفسك التي بين جنبيك، ستستوحشها ، أنت أقوى من هذا و أجمل و أرقّ و أنقى.
اجعل (وكل شيء خلقناه بِقدَر....) و ( إن ربك حكيمٌ عليمٌ) منظارا تقيِّم بهما حالِكَ الظروف التي تواجهك، فربٌ حكيم عليم، لن يُقَدِّر لك إلا ما هو خيرٌ لك، وإن بدا لك أنه شرٌ كله. ثم لعلك تتسلى ب (ما من همٍ أو غمٍ يصيب المؤمن، حتى الشوكة يشاكها الا كان له بها أجر) أو كما قال الرسول الكريم صلى الله عليه وسلم.
كن دائما بخير و على خير.
في آخر صباحا من الشهر العاشر للحرب السودانية.
الساعة السابعة فرحا بتوقيت الأمل.
عصام عمر ال كابو

30/01/2024

علماء النفس وضعوا سبعة أمور قالوا تذكرها حينما تمر بأوقات صعبة
١.أي حاجة مهما بلغت صعوبتها حتتغير.
٢.دا ما أول تحدي تخوضه ولا حيكون الأخير.
٣.بغض النظر عن ماهية البتمر بيهو، لكن حتتعلم منه درس يفيدك في أيامك الجاية.
٤.افرح و امرح وخليك مبسوط وأدى الدنيا شلوت.
٥.احسن علاج ممكن تديهو لنفسك، إنك تكون حِنَين معاها.
٦.سلبيات الآخرين دي نهائي ما حاجة بتخصك سيب اي زول وسلبياته.
٧.فتش في حياتك، حتلقي عندك كممية بتاعة نِعم محتاج تكون ممتن لكونها عندك.
عصام عمر ال كابو

29/01/2024

مقدمة:
Life is too short to be little.
-حكمة انجليزية قالها لي مجنون قبل تسعة سنوات، ما عارف مقتبسه ولا ملكه، انا متذكرها من الوقت داك.

نخُش في الموضوع....
مرة وانا ملتحف شجرة منقة وارفة محملة (بنُوّار) قد قَرُبَ ولادته ليصبح منقة، جال في خاطري أوجه الشبه بين المرأة الحبلى والشجرة(الشايلة)، افكارٌ كثيرة قفزت إلى مخيلتي، بعثرتها قمريتان حلتا ضيفتان من الجنوب، استقر بهما المكان على غصنٍ ليس بقصيّ مني، بحيث استطيع أن اراهما بل وأسمع نجواهما إن كنت أفهمها.
لاحقا تبين لي أنني انا الضيف وليس هما، فالطائران يمتلكان بيتا في عِليّة الشجرة المقابلة، لكنهما حطتا هنا -ظننتُ وصدق ظني- انهما كانتا تراقبانني، إذ بعد برهة طارت إحداهما نحو جوف الشجرة المقابلة تاركةً الاخرى تراقب المكان، لكن تلك التي طارت الى الشجرة، حين خرجت بدت منزعجة، حيث بدأت تخفق بقوة، ثم عادت إلى ذات الغصن الذي تستغله رفيقتها الأخرى، ثم اذا بهما تخفقان معا، ثم تزداد حركتهما، فتتحرك الأخرى التى كانت تراقبني لذات جوف الشجرة لتعود بعدها، وتنطلق الأخرى، الأمر ظننت و كأنها حالة طوارئ، لكن ما أكّد لي ظني مجموعة أشقياء صغار، ثلاثة أطفال أقبلوا وصخبهم اهاج الهدوء الذي كان يعُم المكان. جاؤو مصافحين خالهم -انا- وربما هو خلوهم من موضوع، او هو المرح لا شيء غيره. ثم إن هي إلا لحظة و رأوا القمريتان تنظف إحداهما ريش الاخرى، فاذا بالصراخ والضحك يملؤ المكان، كانوا يتكلمون بصوت عالٍ جميعا، مشيرين نحو مكان صويحباتي القمريتان، لدرجة أنهما ارتفعتا طيرا مذعورتان لغصنين أعلى مكانهما الذي كانتا فيه، انتظرتُهم حتى هدؤوا قليلا، واستوعبتُ انهم يتحدثون عن (امهم) أُمُّ من؟ ثم بعد التحري أخبروني أن ثمة أفرخٍ كانوا في تلك الشجرة وأشاروا إلى حيث كانت الطائرتان تطيران، مضيفين أنهم ذات يوم رأوا قطا يتسلق قافزا إلى تلك الشجرة قالوا كأنه كان يلتهم شيئا، موضحين أن القط ذو الفرو الأبيض مشرَّبٍ ببعضٍ من الاحمرار، كانت مؤخرته بادية لكن رأسه و فوقية جسمه كانت مختفية داخل الفوهة، واصفين حركته بالشراسة.
تجمد المشهد أمامي وما عدت أعير الصبية اهتماما، فقد جال بخاطري هاتيك القمريتين، ثم تنبهت إلى أنهما لم تغادرا بعد لكن تحولتا إلى شجرة اخرى بارتفاع أعلى، وكانتا تسجعان بصوت شجوٍ، كانتا تعزفان حنينا، ترسمانا الوانا من الجمال. كانتا ترسلان العذوبة بنقاء لحنيٍ، ثم اذا بالاشجار يزداد حفيفها، وجوغة من الطيور تزقزق بسيمفونية، لا تقوى أمامها إلا تفغُر فاكَ دهِشا.
رمقتُ المنكوبتان مستفهما: أغناءا وأنتما تفقدان فروخكما؟ أطربا وقد اغتال القط المؤفون ثمرة زواجكما؟ وسوف لن تجدا فروخا اخرى إلا بعد تزاوجٍ تمكثان بعدها أشهرا ليفقس البَيض، ومن يدري هل تنجيان انتما و بيضكما من قطٍ، او ثعبان، او ربما أحد الاشقياء الذين حولي وقد بدؤوا يلهون، لكن عيني رمقت بعضهم وهو يجتهد أن يستمتع باللعب دون أن اكتشفُ (النبلة) التي في داخل فانيلته مابين مقدمة سرواله والجلد (راكبها سرِج).
ثم راودني سؤالٌ: هل تلك الأصوات التي نطلق من حناجر الطيور بمختلف أنواعها و أصواتها، وألحانها، فتشجونا ونطرب بها، هل هي غناء وطرب كما يزعم الشعراء (وغني يابلوم....) لما لا تكون بكاءا، لما يكون عويلا ونوحا، لما يكون شكوى، كما هو الحال عند صويحباتي القمريتان؟
ثم اتسعت الفكرة وادركت كم من (انا بخير) كان خلفها، لا لست بخير انا اعاني، انا احتاجك، انا افتقد نفسي، انا بحوجة لمساعدة. كم من ابتسامة كان وراءها شخصا غُدر به، والدة عُقت، ابنا يفتقد حنانا. كم من لوحة جميلة رسمت بقلب خاوٍ من كل جمال.
إن هذه الحياة معقدة برغم بساطتها، لكن حسبك ما بدا لك من بساطتها.
(واستعن بالله ولا تحزن) و (اعلم ان النصر مع الصبر، وأن مع العسر يسرا)
عصام عمر ال كابو

29/01/2024

أحيانا الأمور بتجوووط و قدر ما تحاول تحِلها ما بتلقى ليها حل، وحَلها انك ما تحاول تحِلها، بكلمك جد والله.
خلي العاصفة تعدي، بس دنقر راسك واستحمل العاصفة و الكتاحة والمطر البتنزل، هو كمان في زول بيقدر يوقف المطر او يخففها؟ بس انت انتظر -واركِز- لان العاصفة حتمر وبعدها حتجي مطر، بس كمان لو لقتك راخي وما ثابت، فالعاصفة دي يا قريبك حتقلعك.
زي ما وريتك العصرة اصلا في بدايتها بس، بعدها صدقني حتعتاد على التراب والهوا والموية الباردة، بعدها حيقيف اي شي، وتجي الشمس مبتسمة، كأنها بتقول: ما فقدتونييييي؟!!!
فااااا لو ركزت وما حاولت تتحرك حتستمتع، كمان لو اتلكلكت وقعدت تتجرس، حتبهدلك العاصفة وتجدعك وتبشتن عيشتك وعلي العليها المطر حتعزك عِزة شينة. وفي كل الحالات كل الناس ديل بتجيهم كتاحات وأمطار وبعدها بتجيهم مطر وتقول ليهم: مافقدتونييي؟! فمنهم من قضت عليه ومنهم من نجى، وأفلح من نجى.
ختاما أكرر، في أوقات كدا -طبعا ما دايما- لما الأمور تجوط شديييد، وتحاول تحِلها وما تتحَل، فَحَلَها إنك ما تحاول تحِلها.

عصام عمر ال كابو

28/01/2024

الزول الكنز
كونه الزول يكون (قنعان) راضي، عينه مليانة، دا احلى زول، ويا حظ من عنده زول زي دا.

زول ما عنده حاجة لداك عندو شنو وانا عندي شنو، ولا داك وصل وين وانا وصلت وين، ولا بيت أو عربية، ولا بيقيس إنجازاته بانجازات التانين.
زول أحلى حاجة وأغلى حاجة عنده ناس بيتهم. ما بيملى عينه غيرهم، رغم الطلبات الكتيرة، ومشاكله الدورية مع داك ولا ديك، لكن برضو هم (كل الحب) بغض النظر هم منو ولا شنو ولا عندهم شنو. وفردو وصحبانه هم الكون كلله، راضي بيهم، بخلقنتهم وبهدلتهم وتشغيلاتهم ليه، ومواسيرهم الكتيرة اللي لو جمعوها ممكن تبني كبري شمبات و تبني معاهو تلاتة برج خليفة، لكن برضو ما بيرضى فيهم سواء قاعدين ولا غايبين.
زول لما يزعل منك وتجي تراضيهو، ما بتجنن ويعمل فيها تقيل، وعزة نفسي، وكرامتي. معقولة! عزة نفسك وكرامتك دي فتش دربها وين، بس ناسك و اهلك واخوانك ديل خط احمررر، ما تخلي العَمَه والغضب يعميك، جوط فيهم واخرب وش وطلع الجواك، بس ما تشيل في قلبك منهم وتقطعها ناشفة جوا وبرا.
زول تلقاهو مع الاقل منو مكانة أو عمرا توقير وتقدير، ومع الأكبر منو احترام واجلال، ما من إذلال أو مهانة نفس، انما من منطلق انه كلنا من تراب، ولا فرق الا بالتقوى.
زول تلقاه وسط الألف واحد، ممكن لو يكون قاعد و ماف زول مديهو اهتمام او داقي في نمرته، مش لأنه ما بيستحق، لكن لانه هو ما عاوز كدا.
زول حقاني ما بيرضى الضيم و هضم حقوق الناس، و ممكن يتنازل عن حقه، ليس ضعفا وخورا انما جبرا لامور، وسترا لكسور.
الزول العينه مليانه، وقلبه راكز، ومبدؤو ثابت.
هنيئا لمن نيل مثله.

عصام عمر كابو
يناير،2024,26

26/01/2024

ابتلاءات الخالق تتنزل عليك بطرق مختلفة في كل وقت ومع كل طرفة عين.
فتلقى نفسك مرات غنيان ومرات فقران ومرات كمان تكون ما عارف انت مالك زاتو، ودا كللو امتحان واختبار، زي ما الخير فتنة ورحمة، كمان الشر امتحان ورحمة. مرات ربنا يجدع في طريقك ناس، أيا كان دورهم في حياتنا، هم اختبار وتمحيص لينا، قربهم منك لكن لا تذوب فيهم، بكلمك عن الحب الصداقة واي حاجة بتربطك وتربط الآخرين بيك، بوتقة المصالح والمنفعة المتبادلة وحنك: عندك انا معاك، ما عندك انا ما عندي ليك حاجة... من أظلم القوانين للنفس- نفسك انت البتقول القانون دا.
اهرب من تلونات النفس، و جد لك أحدية ذات تسكن فيها، امحُ ضدية الوجود التي تسكنك وكن واحدا. دع التشكُل.
ما هو انت لازم تكون شي، وما حتكون الشي دا ما دمت خاشي جواك كدا وما مدي الآخرين جزو منك، لكن كمان منحك للآخرين بعض منك نهائي ما بيبرر ليك تناسخ أناك مع الآخرين. واصِل تصلْ، و اعرف انو حدود الوجود وصولك لنقطة يختفي فيها مادحَك وذآمّكْ.
عصام عمر ال كابو

26/01/2024

‏لا تتركوا الناس من غير أسباب واضحه، لا أحد في الدنيا يستحق أن ينام وهو يشعر بأنه لم يكن كافيًا..