IslamTalk PH

25/12/2024

Iisa lamang ang Diyos na dapat nating sambahin. Mapa-Muslim man o hindi ay iisa lang ang Diyos na dapat nating kilalanin at iyon ay si Allah. Yun nga la'y ang tao gaya ng mga kristiyano ang kumilala sa ibang Diyos; hindi si Allah na tunay na tagapaglikha ang kinilala nila bagkus ang tanging sugo ng Diyos ang sinasamba nila --si Hesus. May ibang mga tao naman na hindi nga si Hesus ang sinasamba nila ngunit hindi pa rin akma sa tunay na Diyos ang kinikilala nilang Diyos.

About kay Hesus, si Allah mismo ang nagsalaysay sa Maluwalhating Quran kung ano ang pangaral ni Hesus sa kanyang pamayanan sa kapanahunan niya, kanyang sinabi:

30. Siya [ang sanggol na si Hesus] ay nagsabi: Katotohanan, ako ay alipin ng Allah, Kanyang ipinagkaloob sa akin ang [banal na] Kasulatan at ako ay Kanyang ginawang isang Propeta;’

Maryam | Qur'an Chapter 19

36. [Si Hesus ay nagsabi]: “At katotohanan, ang Allah ay aking Panginoon at inyong Panginoon. Kaya Siya ay inyong sambahin [tanging Siya lamang]. Ito ang matuwid na landas."

Maryam | Qur'an Chapter 19

Hinggil naman sa milagrosong pagkapanganak kay Hesus na siyang dinadahilan ng iba upang siya ay sambahin, misno si Allah ang nagsabi na ang kahalintulad ni Hesus sa pagkalikha ay si Adan, pareho silang nilikha sa kakaibang paraan, si Adan ay nilikha na walang sangkoty na lalaki o babae habang si Hesus naman ay nilikha na wala ngang sangkot na lalaki ngunit may kasankot na itong babae na siyang nagdalangtao sa kanya. sinabi ni Allah:

59. Katotohanan, ang kahalintulad ni Hesus sa [pagkalikha sa kanya ng] Allah ay tulad ni Adan. Siya ay Kanyang nilikha mula sa alabok pagkaraan [ang Allah] ay nagsabi sa kanya: “Maging, kaya nangyari nga.”

Aali-'Imran | Qur'an Chapter 3

Nilinaw ni Allah ang katayuan ni Hesus, na siya ay tanging sugo lamang ni Allah.

171. O Angkan ng Kasulatan, huwag kayong gumawa ng kalabisan sa inyong relihiyon o magsabi ng anumang tungkol sa Allah maliban ang katotohanan. Ang Mesiyas [na si Hesus], anak ni Maria, ay isang Sugo ng Allah at Kanyang Salita na Kanyang iginawad kay Maria at isang kaluluwa [na nilikha sa pag-uutos] mula sa Kanya. Kaya maniwala kayo sa Allah at sa Kanyang mga Sugo. Huwag kayong magsabing: “Tatlo!” Magtigil kayo! Ito ay higit na makabubuti para sa inyo. Katotohanan ang Allah ay [tanging] isang Diyos, Luwalhati sa Kanya [Siya ay Kataas-taasan] sadyang malayo sa pagkakaroon ng anak na lalaki. Sa Kanya ang [pagmamay-ari ng] anumang nasa mga kalangitan at anumang nasa kalupaan. At ang Allah ay sapat na bilang Tagapangasiwa [para sa lahat ng mga pangyayari].

An-Nisa' | Qur'an Chapter 4

25/12/2024

Ang pinakamalaking kasalanan na hinding hindi mapapatawag ng nag-iisang Diyos.

25/12/2024

Sa mga gustong bumili

23/12/2024

Kabilang sa Turo ng ISLAM ay ang mabuting Pag-uugali.

22/12/2024

Kapatid Piliin ang relehiyon na nag mula sa tagapaglikha.

22/12/2024

18/12/2024

Ang turo ni propheta jesus

18/12/2024

Dawah Assistant app. Halos lahat ng need mo ay narito na in shaa Allah. Khutbah, Islamic advice, Islamic articles, Islamic quotes, Islamic Stories, Frequently asked questions about Islam at mga batas sa pilipinas na related sa ating mga Muslim. At lahat ito ay tagalog po. Search niyo lang ang Dawah Assistant JSD sa Play Store o App Store upang ma instal in shaa Allah.

Dawah Assistant app. Halos lahat ng need mo ay narito na in shaa Allah. Khutbah, Islamic advice, Islamic articles, Islamic quotes, Islamic Stories, Frequentl...

17/12/2024

ANO ang Islam

16/12/2024

Ang paniniwala ng mga Muslim kay jesus.

15/12/2024

Sa gabay ni Allah niyakap ni brother Timothy sa araw na ito Ang pananampalatayang ISLAM nawa ay patatagin siya ni Allah

11/12/2024

Payo para sa mga babaeng muslimah

11/12/2024

Ang Layunin ng Buhay sa Mundo

Ang pinakamahalagang katanungan sa buhay ay ‘Bakit tayo narito? ‘Ano ang Layunin ng Buhay?’

Kaya, bakit tayo narito? Para maglikom ng kayaman at maging tanyag? Para gumawa ng kanta at mga bata? Para maging pinakamayaman o babae sa libingan, na sinasabi natin bilang katatawanan, ‘Sinuman ang namatay na may pinakamaraming laruan (o walang kwentang bagay) ay nagwagi?’

Hindi, katiyakan na mayroon pang higit dyan sa buhay, kaya’t pag-isipan natin ang tungkol dito. Ating simulan dito, tingnan ang iyong paligid. Malibang nakatira ka sa kuweba, ikaw ay napapaligiran ng mga bagay na ginawa ng ating mga kamay. Ngayun, bakit natin ginawa ang mga bagay na yaon? Ang kasagutan, syempre, na ginagawa natin ang mga bagay para gamitin sa bagay makakapaglingkod sa atin. Sa madaling salita, ginagawa natin ang mga bagay upang maglingkod sa atin. Kaya’t kung itutuloy natin, bakit tayo nilikha ng Diyos, kundi para paglingkuran Siya?

Kung kikilalanin natin ang ating Tagapaglikha, na kung kaya Niya nilikha ang sangkatauhan upang paglingkuran Siya, ang susunod na katanungan ay, ‘Paano? Paano natin Siya paglilikuran?’ Walang pag-aalinlangan, ang katanungang ito ay masasagot ng pinakatumpak ng Nag-iisang lumikha sa atin. Kung nilikha Niya tayo upang paglingkuran Siya, kaya inaasahan Niya na kumilos tayo sa itinakdang pamamaraan, kung tayo ay nais na makamit ang ating layunin. Subalit paano natin malalaman kung anong pamamaraan? Paano natin malalaman kung ano ang inaasahan ng Diyos mula sa atin?

Kaya, isaalang-alang ito: ang Diyos ay binigyan tayo ng liwanag, na sa pamamagitan nito ay makikita natin ang daan. Kahit sa gabi, mayroon tayong buwan bilang liwanag at mga buntala para sa paglalayag. Ang Diyos ay binigyan ang ibang mga hayop ng sistemang panggabay na sadyang akma sa kanilang mga kalagayan at pangangailangan. Ang ibong mandarayo ay nakakapaglayag, kahit na sa maulap na mga araw, sa pamamagitan ng kung paanong ang liwanag ay naaninag habang ito ay tumatagos sa mga ulap. Ang mga balyena ay nandarayo sa pamamagitan ng ‘pagbasa’ sa magnetong kaparangan ng mundo. Ang salmon ay bumabalik mula sa karagatan patungo sa eksaktong lugar na kanilang sinilangan sa pamamagitan ng amoy upang mangitlog, kung yan ba ay naarok ng isip. Ang isda ay nararamdaman ang malayong mga paggalaw sa pamamagitan ng pakiramdan na sumasagap ng presyon na nasa kanilang mga katawan. Ang paniki at mga dolpin sa malabong ilog ay nakakakita sa pamamagitan ng sonar. Ilang mga organismong pandagat (elektrikong igat na may mataas na boltahe halimbawa) ay nakakagawa at nakakabasa ng magnetong kaparangan, na nagbibigay kakayahan sa kanila na makakita sa maputik na mga tubig, o kadiliman ng kailaliman ng karagatan. Ang mga insekto ay nag-uusap sa pamamagitan ng pheromone. Ang mga halaman ay nararamdaman ang sinag ng araw at yumayabong tungo dito (phototrophismo); ang kanilang ugat ay nararamdaman ang grabite at yumayabong sa lupa (geotrophismo). Sa madaling salita, ang Diyos ay biniyayaan ang bawat elemento ng Kanyang mga nilikha ng patnubay. Tayo ba ay talagang maniniwala na hindi Niya tayo binigyan ng patnubay sa pinakamahalagang aspeto ng ating pagkalikha, gaya ng ourraison d’etreour dahilan kaya nilikha? Na Siya ay hindi tayo binigyan ng mga magagamit upang makamit ang kaligtasan?

Ano nga ba ang sinabi ng Tagapaglikha, Diyos, sa atin tungkol sa layunin natin sa buhay? Ang Diyos ay nagpahayag sa Qur’an na nilikha NIya ang sangkatauhan upang maging katiwala sa mundo. Ang pangunahing ipinagkatiwala sa sangkatauhan, ang ating tungkulin, ay maniwala at sumamba sa Diyos:

At hindi Ko nilikha ang engkanto at mga tao maliban sambahin Ako. [Maluwalhating Qur’an 51:56-58]

Napakasimple! Ang layunin sa paglikha ng tao ay sumamba sa Tagapaglikha. Ang Islamikong pagkaunawa ng pagsamba ay nagpapahintulot na buong buhay ay maging gawang pagsamba, hangga’t ang layunin ng buhay na yan ay kaluguran ng Diyos, na makakamit sa paggawa ng mabuti at pag-iwas mula sa masama. Ang tao ay magagawang ang lahat ng mga ginagawa ay gawaing pagsamba sa pamamagitan ng pagdadalisay ng layunin at taos-pusong paghahangad na kaluguran ng Diyos sa pamamagitan ng mga gawaing ito. Si Propeta Muhammad (sumakanya ang kapayapaan at mga pagpapala) ay nagsabi:

Ang pagbati sa tao ay kawanggawa. Ang gawang makatarungan ay kawanggawa. Ang pagtulong sa tao sa pamamagitan ng kanyang kabayo ay kawanggawa. Ang mabuting salita ay kawanggawa. Ang bawat hakbang patungo sa pagdarasal ay kawanggawa. Ang pag-aalis ng mga sagabal sa daan ay kawanggawa.

Ang pagsamba para sa mga mananampalataya ay nagdudulot ng maraming pakinabang na nag-aambag sa kanilang espiritwal at makamundong pakinabang. Ang katawan ng tao ay nangangailangan ng pagkukunan ng materyal para sa kanilang pananatili, katulad ng pagkain, inumin at paraan ng pagpaparami. Para naman sa kaluluwa, ang pangangailangan nito ay hindi mapupunan maliban sa pagpapalapit sa Diyos sa pamamagitan ng pananampalataya at pagsunod na makakamit lamang sa pamamagitan ng pagsamba.

Ang Diyos ay dapat sambahin sa oras ng kahirapan at oras ng kaginhawahan at tanging sa pag-alaala sa Kanya ang tao ay makakatagpo ng kapanatagan ng loob:

At katotohanan alam Namin na ang iyong dibdib ay naninikip sa kanilang mga sinasabi. Magkagayun dakilain (si Allah) ng mga pagpuri sa iyong Panginoon at bumilang sa mga nagpapatirapa (sa Kanya). [Maluwalhating Qur’an 15:97-98]

Yaong mga sumampalataya na ang mga puso ay panatag sa pag-alala kay Allah. Walang pag-aalinlangan sa pag-alala kay Allah ang puso ay mapapanatag. [Maluwalhating Qur’an 13:28]

Ang Diyos ay nagpahayag pa na ginawa Niya ang buhay na ito para subukan ang tao upang pagkatapos ng kamatayan ay susulitin sa kung ano ang kanyang inani.

(Siya) na lumikha ng kamatayan at buhay para subukan kayo kung sino sa inyo ang pinakamainam sa gawa – at Siya ang Kataas taasan ang Mapagpatawad. [Maluwalhating Qur’an 67:2]

Subalit para sambahin Siya, kailangan nating makilala Siya ng mabuti dahil kung hindi ay makagagawa tayo ng maling pagkaunawa sa Kanya at pagkatapos ay maligaw. Sa Qur’an,ang Diyos ay nagsabi sa sangkatauhan kung ano Siya at kung anong hindi Siya. Halimbawa, sa sagot sa katanungan tungkol sa Diyos na itinanong sa Propeta Muhammad ﷺ, ang Diyos ay nagsabi:

Sabihin (O Muhammad): Siya ang Diyos [ang] Nag-iisa, Diyos, ang Sandigan ng lahat. Hindi Siya nagka-anak at hindi ipinanganak, at sa Kanya ay walang katulad. [Maluwalhating Qur’an 112: 1-4]

📌Sa Islam ang Diyos ay hindi katulad ng tao o katulad ng anuman na maiisip natin at Siya lamang ang karapat-dapat sambahin.

11/12/2024

Gaya ng isang gusali, ito ay hindi magiging matibay kung wala itong haligi. Ganun din po ang Islam, kinakailangang gampanan ng isang Muslim ang limang haligi ng na ito sa abot ng kanyang makakaya upang mapagtibay niya ang kanyang pananampalataya at maging isang ganap na Muslim. Ito po ang limang haligi ng Islam:

1. SHAHADAH [Pagsaksi]
Ang una sa limang pangunahing pundasyon, ay ang paghahayag, na nauunawaan at kusang-loob, ang: La ilaha illallah wa Muhammadar rasulullah. “Walang ibang diyos maliban kay Allah, at si Muhammad ay Sugo ni Allah”. Ang paghahayag na ito ay ang batayan ng lahat ng mga gawa sa Islam, at ang ibang pangunahing tungkulin ay susundan ang pagpapatotoo na ito.

2. SALAH [Tungkuling Pagdarasal]
Ay inaalay ng limang beses sa isang araw. Ito ay praktikal na pagpapakita ng pananampalataya, at pinananatili ang mananampalataya sa ugnayan nila sa kanilang Tagapaglikha. Ang Salah ay pinag-iibayo sa isang mananampalataya ang kalidad ng disiplina sa sarili, katatagan at pagsunod sa Katotohanan, na magdadala sa isa na maging mapagtiis, matapat at makatotohanan sa mga ugnayan sa kanilang buhay.

3. ZAKAH [Kawanggawa]
sa islam ay may tinatawag na zakah, ang zakah ay isang oblegasyong bayarin mula sa taunang ipon ng isang Muslim kung umabot ang kanyang pera sa panuntunan na halaga sa loob ng isang taon. Ito ay maaari lamang na gugulin sa pagtulong sa mahihirap, nangangailangan, naaapi, at para sa pangkalahatang pagpapaunlad ng lipunan. Ang Zakah ay isa sa pangunahing prinsipyo ng Islamikong ekonomiya, na tumitiyak ng patas na lipunan na kung saan ang lahat ay may karapatang mag-ambag at magbahagi. ang taong magbibigay mismo ang maghahanap ng kanyang mapagbibigyan at hindi niya na ito idadaan pa sa kung sino mang matataas na opisyales gaya ng ginagawa ng ibang pananampalataya na minsan ay hindi na nakakarating sa pagbibigyan o minsan ay hindi na ito buo na makakarating pa.

4. SAWM [Pag-aayuno]
Ito ay taunang tungkulin na pag-aayuno sa mga araw ng buwan ng Ramadan – ang ikasiyam na buwan sa kalendaryong Islamiko. Ang bawat isa ay dapat na umiwas sa pagkain, pag-inom, paninigarilyo, at pakikipagtalik, simula sa madaling-araw hanggang sa paglubog ng araw. Ang Sawm ay pinag-iibayo ang pamantayan ng moralidad at espiritwal ng isang mananampalataya at inilalayo sila mula sa pagkamakasarili, kasakiman, pagmamalabis at iba pang mga bisyo. Ang Sawm ay taunang programa ng pagsasanay na nagpapalakas ng pagpupunyagi ng isang Muslim para tuparin ang kanilang tungkulin sa Makapangyarihang Panginoon.

5. HAJJ [Pagbisita]
Ito ay isang taunang kaganapan, tungkulin ng mga Muslim na may kakayahan na gawin ito kahit isang beses sa kanyang buhay. Ito ay paglalakbay [pagbisita] sa “Bahay ni Allah” [Al-Ka’bah] sa Makkah, sa Saudi Arabia sa ikalabing dalawang buwan ng kalendaryong Islamiko. Ang Hajj ay sumisimbolo ng pagkakaisa ng sangkatauhan; ang mga Muslim mula sa ibat-ibang lahi at bansa ay nagtitipon sa pagkakapantay-pantay at kapatiran para sumamba sa kanilang Panginoon.

10/12/2024

Pakinggan

09/12/2024

Ang Muslim ay may matapat at buong pusong paniniwala sa mga sumusunod:

1. Paniniwala sa Kaisahan ng Allah at ang Pagsamba sa Kanya lamang. Ang Muslim ay naniniwala sa nag-iisa lamang na Diyos (Allah). Siya lamang ang karapat-dapat na sambahin sapagka’t Siya lamang ang nagkaloob ng buhay sa lahat. Ang tunay na paniniwala sa kaisahan ng Allah ay ang taus-pusong pagsaksi na Siya ay nag-iisang Diyos. Siya ay walang anak, ama o ina. Hindi Siya maaaring ihambing kaninuman o sa anuman na Kanyang nilikha.

Ayon Sa Banal na Qur’an (112:3-4)
“...Hindi Siya nagka anak at hindi Siya ipinanganaak, at Siya ay walang katulad.”

Ang Allah –Ang Maawain at ang Mahabagin ay nagpapatawad sa lahat ng kasalanan na Kanyang naisin. Subalit ang kasalanang hindi Niya mapatatawad ay ang pagtatambal sa Kanya sa anumang kalagayan at ang pagsamba sa iba maliban sa Kanya. Kapag ang tao ay namatay sa isang kalagayan na siya ay sumasamba sa iba o nagtatambal sa Allah ng anuman sa anumang kalagayan, isinara na niya ang kanyang tadhana sa Paraiso. Subalit habang siya ay nabubuhay, mayroon siyang pagkakataong bumalik sa likas na pagsamba sa Dakilang Lumikha. Ang Allah ay laging nagpapatawad sa kaninumang matapat na nagsisisi.

Ayon Sa Banal na Qur’an (4:48)
“Katotohanan, hindi pinatatawad ng Allah ang pagbibigay katambal sa pagsamba sa Kanya, ngunit pinatatawad Niya ang lahat (maliban dito) sa kaninuman na Kanyang naisin...”

Ang Islam ay naghihikayat sa tao na kilalanin nang tapat ang Lumikha na nagkaloob ng buhay sa kanya. Kaya’t ang Allah lamang ang dapat na pag- ukulan ng pagsamba.

2. Paniniwala Sa mga Orihinal na Kasulatan

Ang Muslim ay naniniwala sa lahat ng mga Orihinal na kasulatan na ipinadala ng Allah sa Kanyang mga Propeta. Ang mga kasulatang nababanggit sa Banal na Qur’an ay ang mga sumusunod:

i) Suhuf (Kalatas) na ipinahayag kay Propeta Abraham (SAWS)
ii) Tawrat (Torah) na ipinahayag kay Propeta Moses (SAWS)
iii) Zabur (Salmo ) na ipinahayag kay Propeta David (SAWS)
iv) Injeel (Ebanghelyo) na ipinahayag kay Propeta Hesus (SAWS)
v) Qur’an na ipinahayag kay Propeta Muhammad (SAWS)

Ang mga Orihinal na kapahayagan na nabanggit ay pinaniniwalaan ng mga Muslim sapagkat iisa lamang ang kanilang pinagmulan,- ang Allah.

Ngunit sa kasalukuyan, tanging ang Banal na Qur’an na lamang ang nalalabing kapahayagan na nananatili sa kanyang Orihinal na anyo. Ito ay nagsisilbing patotoo sa mga naunang mga aklat na ipinahayag sa mga naunang Propeta.

3. Paniniwala Sa mga Anghel

Ang mga Muslim ay matapat na naniniwala sa mga Anghel. Nilikha ng Allah ang mga Anghel mula sa liwanag samantalang ang tao ay nilikha mula sa alabok. Bawat tao ay may dalawang anghel na nagbabantay at nagtatala sa lahat ng kanyang ginagawa, mabuti man o masama.Ang talaang ito ay tinatawag na Talaan ng Gawa. Ito ang ihaharap sa tao sa Araw ng Paghuhukom. Kung matimbang ang kanyang mabubuting gawa, siya ay mapuputa sa Paraiso. Ngunit kung higit na matimbang ang kanyang masasamang gawa, siya ay mapupunta sa Impiyerno.

Kung tutuusin, nag pagkakalikha sa tao ay nakahihigit kaysa sa Anghel sa dahilang ang tao ay nilikha ng Allah na may kalayaan – ang sumunod o sumuway. Ngunit ang mga Anghel ay nilikha ng Allah na walang layang sumuway. Tanging ang ipinag-uutos lamang ng Allah ang kanilang ginagawa.

4. Paniniwala sa mga Propeta

Mahigpit na ipinag-uutos sa mga Muslim ang maniwala sa lahat ng mga Propeta. Hindi siya matatawag na Muslim kung itatakwil niya ang isa man sa mga Propeta . Ang ilan sa mga Propetang ito ay sina: Noah, Abraham, Ismael, Isaac, Jacob, David, Solomon, Joseph, Moises, Aaron, Juan Bautista, Hesus at si Mohammad (SAWS).

Ang Paniniwala sa kanila ay pantay at walang pagtatangi. Kailangang mahalin at igalang silang lahat sapagkat sila ay isinugo ng Nag-iisang Tagapaglikha—ang Allah. Magkagayunman, ni isa sa kanila ay hindi dapat sambahin. sa katunayan, walang sinumang Propeta ang nagturo na siya mismo ay dapat sambahin. Ang lahat ng Propeta ay Muslim sapagkat sila, noong kanilang panahon ay sumunod, sumuko at tumalima sa Iisang Allah- Ang Tagapaglikha. Ang kanilang pangunahing turo o aral ay ang pagsamba, pagsuko at pagtalima sa Allah. Ang pamamaraan ng kanilang pagsamba ay iisa. Silang lahat ay tuwirang tumalima at nagpatirapa sa Allah sa kanilang pagdarasal.
Sadyang iisa ang buod ng Mensahe ng lahat ng Propeta sa dahilang iisa ang Allah na nagsugo sa kanila. Kung marami man ang uri ng pananampalataya sa ngayon, ang mga ito ay hindi nagmula sa Allah bagkus ay nagmula sa pagtuturo ng tao.

Ang pagmamahal at paggalang sa mga Propeta ay kailangan sapagkat sila ang daan, ang ilaw at ang katotohanan. Ang aral o mensahe nilang lahat ay nagmula sa Iisang Tagapagsugo—ang Allah. At tiyak na makakamtan ng tao ang kaligtasan sa Araw ng Paghuhukom kung siya ay tunay na sumusunod sa aral at turo ng Propeta.

5. Paniniwala sa Araw ng Paghuhukom

Ang Muslim ay kailangang maniwala sa Araw ng Paghuhukom. Ang lahat ng tao ay mamamatay na siya namang simula ng buhay na walang-hanggan; Paraiso o Impiyerno.

Sa Banal na Qur’an (3:185), ang Allah ay nagsabi:
“Ang lahat ng tao ay makararanas ng kamatayaan at sa Araw ng Paghuhukom lamang kayo’y gagawaran ng sapat na kabayaran…”

At sa Araw na iyon, ang lahat ng tao ay ibabangong muli ng Allah at Kanyang hahatulan batay sa kanilang gawa. Sinuman ang sumamba tanging sa Allah lamang at gumawa ng mabuti ay mapupunta sa Paraiso. Ngunit ang sinumang sumamba sa iba maliban sa Allah ay mapupunta sa Impiyerno.

Dapat lamang na maniwala sa Araw ng Paghuhukom upang magkaroon ng saysay ang buhay ng tao sa mundong ito. Sa batas ng tao, marami ang gumagawa ng mabuti ngunit hindi nabibigyan ng sapat na gantimpala. Marami din ang gumagawa ng masama ngunit hindi nahahatulan o nabibigyan ng tamang kaparusahan. Subalit sa Araw ng Paghuhukom, ang Allah na Siyang Makapangyarihan at Dakilang Hukom ay magbibigay ng tama at sapat na gantimpala o parusa sa lahat.

Sa Araw na iyon, doon matatagpuan at makakamtan ang lahat ng tunay na katarungan, at tanging ang Allah lamang ang makapagbibigay nito.

6. Paniniwala sa Kahihinatnan at Walang Hanggang Kaalaman ng Allah.

Ang Muslim ay kailangang maniwala na ang lahat ng nangyayari ay pinahihintulutan ng Allah: mabuti man o masama sa paningin ng tao. Walang magaganap sa kaharian ng Allah na salungat sa kanyang nais. Siya ang Maalam at ang Maawain, at ano man ang Kanyang naisin ay may makahulugangg layunin.

Dapat din siyang maniwala na ano man ang kanyang mga kahihinatnan ay pinahihintulutan ng Allah. Ang kahihinatnan ng tao ay bunga rin ng kanyang gawa sapagkat binigyan siya ng Allah ng kalayaan na pumili ng mabuti o masama.

Anuman ang magiging bunga ng kanyang pagpili ay itinalaga at pinahintulot ng Allah. Ang Allah lamang ang tanging nakababatid sa kahihinatnan ng lahat ng pagsisikap ng tao. Kung ito ay mailalagay ng tao sa kanyang puso, tatanggapin niya ng buong pananampalataya ang lahat ng loobin ng Allah kahit ito ay hindi niya nauunawaan nang ganap.

Dapat ding paniwalaan ng Muslim na bagamat hindi niya nakikita ang Allah, ay nakikita naman siya Nito. Batid ng Allah ang lahat maging ang nakatago sa puso.

Bukod sa mga nabanggit na paniniwala ng Muslim, ang Islam ay mayroon ding limang haligi na dapat gampanan o isagawa. Ang Paniniwala ay hindi sapat. Ang pananampalataya na walang gawa ay walang buhay o saysay. Sa Islam, ang mga sumusunod ay nararapat na isagawa ng isang Muslim bilang pangunahing daan tungo sa kaligtasan at upang matamo ang biyaya ng Allah.

05/12/2024

Marami ang nag aangkin na sila ay nasa tamang relihiyon at ang Diyos na sinasamba nila ang tunay. ngunit ano nga bang basihan meron sila? sa anong paraan nga ba natin malalaman kung tunay bang Diyos ang ating sinasamba?sa Islam, ipinakilala ng Diyos mismo ang kanyang sarili sa kanyang huling aklat; ang Quran, kanyang sinabi:

1. Sa Ngalan ng Allâh, ang Pinakamahabagin, ang Napakamaawain at Ganap na Mapagmahal
Sabihin mo, O Muhammad (ﷺ): Siya ang Allâh na Ahad – Bukod-Tangi na ang pagsamba ay para lamang sa Kanya, na wala Siyang katambal na kahit na sinuman.
2. Ang Allâh ay As-Samad – ang Bukod-Tangi na inaasahan ng Kanyang mga nilikha sa lahat ng kanilang pangangailangan, Ganap, walang kakulangan at walang pangangailangan.
3. Kailanman ay hindi Siya nagkaroon ng anak at kailanman ay hindi Siya ipinanganak at wala Siyang asawa.
4. At kailanman ay walang maihahalintulad sa Kanya, sa Kanyang Pangalan, sa Kanyang mga Katangian at sa Kanyang mga Gawain, na luwalhati sa Kanya na Kataas-Taasan.

Al-Ikhlas | Qur'an Chapter 112

Hindi po bat napaka akma ng mga katangiang iyan para sa isang tunay na Diyos? Ngayon, ikaw na mismo sa sarili mo ang kumilatis kung tunay nga bang ang sinasamba mo ay tinataglay ang mga katangiang iyan.