كاشير Cashier

19/12/2024

#عام- جديد-وبلادنا-تشرق-فجر-عيد

18/12/2024

#المغترب النجض

18/12/2024

"ملفات مبعثرة"
تعال يا مان اديك الزيت ،، زيتنا في بيتنا،، لا والله معليش المرة دي الموضوع كبر... من زمان كبير!!
أسمع دي...(يوغندا تهدد السودان، والخرطوم س ستزول عقب تسلم ترامب)!!
لالا الود دا شكلو بحضر اكشن!!
اين النيل، والصحراء، والجبل، والغابة؛ وأين الأبطال، والرجال، والشجعان...؟
شجعان والرجال ماتو في كرري...
كلام نسوان... وبرضو ضلعنا الإنجليز...
لا لا شكلو الجنا نسى يزعل جد ترامب!!
(البيسأل ما بتوه ودارنا نحنا قريبة ليك)
نحن ابناء النيل، ، والصحراء، والجبل،يا مان!!!...
جبل شنو يا سكران!الدهب اتهرب لي دول الجوار...
الله في واملنا كبير...
البلد يبنى بشبابو...والشباب قتلو
ولا بأكر يا حلوة يبقو اولادنا السمر...
كلام شعر...مافي بأكر يا حلوة ماتو أولادنا السمر
ومن الايام بنتعلم ونتألم..أكيد باكر ملامح الضي...
وحنبنيهو البنحلم بيهو يوماتي..
أسكت اسكت دا كلام قحاته...
نحن من سنبني هذا الوطن؛هذه الارض لنا،وسنعود بإي ثمن.الله غالب كاد الإسلام ان ينتهي لولاكم!!
أعطوه من مال ووظيفة وبيت...
وفي الماسنجر الرسائل لا تحصى ولا تعد يا زول انت وطني تعال أنضم لينا الثورة حية.
انا لا اثق بكما الأثنين معآ،انا اعرف النيل والصحراء والجبل،الجيش العريق لا الأسماء
الجيش باقي والشعب باقي ربما نموت نحن وتأتي اجيالآ من بعدنا وسننتصر بإذن الله...
دا كلام زول ساي...انت زول ما فاهم السياسة
ضمانك شنو ح تنتصر...
حسنآ، الجيش لم يبني بيتآ بمال الفقراء،ولا تاجر بإسم الدين،ولا شال حق المواطن المسكين..انت فلنقاي
وقحاتي..
طيب الحل شنو الحل في البل
(بل بس)ويقال ان بل بس اخت( تسقط بس)
وبل بس وتسقط بس لا يتفقان معآ..

دعكم من هذا وذاك انا غيور على بلدي اقف مع الحق دئمآ
الله معي ومع كل ذو حق وعند الله تجتمع الخصوم،والنصر لنا،
والنصر للقوات المسلحةبإذن الله.

17/12/2024

"الجندي السوداني لا يهزم"

بقلمي ✍️توفيق عبدالرحمن
رسالة إلى العالم أجمع وإلى المراهق اليوغندي (موسيفيني أيها:(المراهق الصغير) يبدؤ أن صغر سنك كأنا عاملآ وراء تصرفاتك الطفولية! ولهذا لم تستطيع ان تقراء التاريخ، وتاريخ السودان العريق، البطولي، وقصة الشعب المناضل، سل منا أجداد ترامب، واجدادك ايها الصغير...
الشعب السوداني،( شعبآ واحد ) كما يرددها امام من عصيبة... فهذه الوحدة حيرت كل العالم، من كتاب، وصحفيين، إمراة، وطفل، مدنيين، ونظاميين، حكام، واباطرة... الخ.
الشعب السوداني لا يهزم... التاريخ كتب ذالك على طياتها في الماضي، ويكتب الأن، وسكتب غدآ بإذن الله...
ايها الصغير، المراهق: أستمر في مشاهدة أفلام الأكشن... تلك التى يجيد تمثيلها الغرب... لكن لا تفكر، نعم لا تفكر،، انها ستصبح واقعآ وانت في القرن العشرين،،لا تبعث مع بلاد كتب عنها المؤرخون (أرض الرجال والأبطال) يكفى اننا بدمائنا الطاهرة خدنا حروبآ اما الطغاء في عصر الجاهلية ومن ثم نخوض نفسها في عصر العولمة ولن نقبل ان نكون تحت إمرة الغير...

نحن شعبآ أصيلآ، فريدآ، نبيلآ، شجاعآ،وكل ذالك...
هل تستطيع ان تغذو الخرطوم كما يغذي نجوم الأكشن
مدنآ وهمية صنعت بالذكاء الاصطناعي ايها المراهق؟؟

وسبق وقلتها وسأقولها ثانيآ حتى يدرك الجميع:
(الجندي السوداني لا يهزم)والشعب السوداني عند الشهدة يتحول الى جنود وهذا ما يحدث الأن(شعبآ واحد جيشآ وأحد)

أيها العالم،ما حدث الأن لبلدنا(لمن يكن إلا درسآ سنخرج منه أكثر قوة وتماسكآ،سوف ننهض من جديد،وسوف يعم خيرآ كل البقيع،وما النصر إلإ صبر الساعة وتلك الساعة إقتربت بإذن الله.)

#توفيق عبدالرحمن

17/12/2024

ابن رئيس يوغندا يهدد باحتلال الخرطوم

بتاريخ اليوم 17 ديسمبر 2024، نشر الجنرال موهوزي كاينيروغابا، قائد قوات الدفاع الأوغندية ونجل الرئيس الأوغندي يوري موسيفيني، تغريدة على منصة X (تويتر سابقًا)
قال فيها:
"نحن فقط ننتظر زميلنا موتشويزي، دونالد ترامب، ليصبح رئيسًا. بدعمه، سنستولي على الخرطوم."

تُعد هذه التغريدة جزءًا من سلسلة منشورات مثيرة للجدل نشرها الجنرال كاينيروغابا، والتي أثارت انتقادات واسعة. على سبيل المثال، في أكتوبر 2022، هدد عبر تويتر بغزو كينيا والاستيلاء على نيروبي، مما أدى إلى اعتذار رسمي من والده، الرئيس موسيفيني، للحكومة الكينية.

تجدر الإشارة إلى أن الجنرال كاينيروغابا معروف بنشاطه الكبير على وسائل التواصل الاجتماعي، حيث ينشر بانتظام تصريحات مثيرة للجدل تتعلق بالسياسة الإقليمية والدولية.

17/12/2024

وقعت تفاحة من أعلى الشجرة الى الأرض🍎يومآ!!!
يظن الشخص العادي، أمر عادي...الخ.
اما المفكر، صنع من تلك المصادفة علمآ أستخدام في حياتنا العامة.

17/12/2024

ضمانات عدم عودة النظام الأستبدادي، الديكتاتوري؛ في السودان الى: مقاليد الحكم مجددآ.
"العولمة الرقمية"التى جعلت السياسي والمواطن العادي في حيز واحد، حيث المتعلم في أفضل الكليات، والإنسان العادي في نفس الحيز، حيث أصبح التعليم، عبر الجوال، وهذه من ايجابيات العولمة وإن كان هناك جانب سالب منها.
بإختصار: يمكن ان نقول نحن في عهد الجيل الواعي وكفى.

16/12/2024

«تعالو نتونس شوية"

(يوميات تفق)

نتجول قليلآ في ربوع كردفان...

(الليلة والليلة دار امبادر يا حليلا بريد زولي)...
هنا، اتكئة قليلآ، بعدما كنت استمع لمطربة تدعى: سهير عابدين... برفقة، مطرب من نفس خامت الصوت.

حينها، تذكرت ربيعي وليالي انسي😍
في تلك العروس: (جامعة بحري).

فهناك: تلاقينا، وتعانقنا؛ علي تلك الأشجارالظليلة...
فكنا، نردد اغنايات الحقيبة...
نتغنى وتغني! تلك الطبيعة الساحرة.
فسرعان ما يمر الوقت على عجل...

جمعتنا، تلك الجامعة. اتينا من هضاب كردفان الغرة،
وتلال شرق السودان الكلو مسرة،
ونهر النيل ام خيرآ كره،
وانسان الجزيرة؛ والخرطوم: ام ضحكة جوه وبره
وهكذا...

فإنسان كردفان: يعجز الكتاب،والفلاسفة،والشعراء، عن وصف حفاوته. 😍
اقل ما يقال عنه: عندما تجالسه كما غناه المغني ولحنها الملحن وكتبها الشاعر (بريد زولي)...!

تحبه ويحبك من الوهله الاولى
ف تتعلق بحبه لتخبر الجميع بذالك...

ومن عمق الرواكيب: ادمنت الانسان الدار فوري!

بطبعو، وهمته العاليه، وخصاله؛ التى ورثها وحده!

تعلمت منه، الانسانية، والصدق؛الصبر والاصطبار...
يجعلك: تعبر عن ذالك بعبارة واحده (ولضمي)!

وفي ظلال تلك الأشجار: يلتقي الود عن كل مساء في اغاني الحقيبة!
التي يرددها ابناء الوسط يعبرون في كلماتها عن احاسيسهم الجياشة، بمثابة السكر في القهوة!
فهم السكر في الجامعة!
مدرسة، التخلص من الخوف، وتنمية المواهب،و القدرات...

وعلى المنصات: تظهر ابداعات ابناء الشرق والبشاشه؛ التي يتميزون بهافي تلك المحافل، بجانب طابع من السكينة والوقار، والحب المتبادل...

لتجد ابناء الشمالية ونهر النيل يرسلون اشارات لكل من تناسى ثقافة ، وفلكور،و تراث السودان- عبر ملابسهم وشعرهم- من مدح ودبيت...

اختم بابيات صغيرة:
خليليا، وهو في الاحشاء نبتآ
وشوقي الى الديار يذيب حسي
رعى الله الديار وساكنيها!
فقد كانت كانو خيرو جلسلي
جامعة بحري زانها الرحمان حسنآ
والبسها ربي ثياب عرسي
شممت ربيعها ولمست سحرآ
فعشت الدهرفي شمآ ولمسي

#توفيق _عبدالرحمن

16/12/2024

16/12/2024

#الأشبال، قالو:( صورنا وجيبنا في الفيس) 😍

16/12/2024

خدمة التحويل عبر الحسابات البنكية متاحة الآن

أعلنت شركة الخدمات المصرفية الإلكترونية (EBS) إطلاق خدمة جديدة لتحويل الأموال بين الحسابات المحلية عبر إستخدام رقم الحساب المصرفي الأساسي (BBAN).
وأوضحت الشركة أن الخدمة تتيح لعملاء البنوك المحلية تحويل الأموال عبر تطبيقات الموبايل .

16/12/2024

إنهيار اتفاق الصلح بين الناظر ترك وشيبة ضرار

المكتب الإعلامي للناظر ترك

بيان حول لجنة الصلح التي عقدت إجتماعها في بورتسودان

قال الله تعالى : (وَالَّذِينَ يَنْقُضُونَ عَهْدَ اللَّهِ مِنْ بَعْدِ مِيثَاقِهِ وَيَقْطَعُونَ مَا أَمَرَ اللَّهُ بِهِ أَنْ يُوصَلَ وَيُفْسِدُونَ فِي الْأَرْضِ أُو۟لَٰٓئِكَ لَهُمُ ٱللَّعْنَةُ وَلَهُمْ سُوٓءُ ٱلدَّارِ) (سورة الرعد: 25)
• نُرحب بجميع المبادرات التي تهدف إلى توحيد الصف البجاوي وتعزيز الترابط الاجتماعي بين أفراد المجتمع البجاوي لما في ذلك من خير وصلاح للجميع.
• كما نؤكد دعمنا الكامل لكل الجهود واللجان التي تعمل على الإصلاح بين قيادات المجلس الأعلى لنظارات البجا والعموديات المستقلة بغرض إعادة الأمور إلى مسارها الصحيح واستكمال المسيرة النضالية في المطالبة بالحقوق المشروعة.
• ونجدد دعمنا لكافة المبادرات التي تدعو إلي توحيد صف نظارة الهدندوة وتكاتف الجهود من أجل تحقيق الأهداف المشتركة وتجاوز الخلافات بما يخدم المصلحة العامة.
• وفي ذات الإطار نشير إلى أن الجلوس مع الأطراف التي نقضت العهود والمواثيق سابقآ لن يكون مطروحا مرة أخرى خاصة بعد ما جرى من نقض للصُلح الذي تم في سنكات بحضور الوكلاء والعمد من نظارتي الأمرار والهدندوة وهو الأمر الذي يعكس عدم الالتزام بما تم الاتفاق عليه.
• نؤكد أننا لن نجتمع مع أي طرف لا يحترم المواثيق والعهود ونتمسك بمبادئنا التي تسعى إلى الخير والإصلاح بما يحقق مصلحة المجتمع البجاوي بأسره.

والله من وراء القصد.
15 ديسمبر 2024


طاهر جوجل محمد ادم
مدير المكتب الاعلامي للناظر ترك

16/12/2024

يا زمن ارجع شوية!!!
(يوميات توفيق)
تعالو نتونس شوية... 🚶نرجع كم عام كدا وراء... 🤔
صراحة: الحال كان ميسور"، بتتذكرو كيف كان السودان🤔
يا سلام ياخ...!!!
والله بالجد كان حلو 🎋
الإمور كانت طيبة!!!
والدنيا دغرية...
وانا بتذكر اول مرة امش "الخرطوم...
كان عم " سماعين🤔 بقول لي: (يا زول اول حاجة طلع شالك الفوق راسك دا... عشان ما يقولو انك جائي من الخلا ويسرقوك الحرامية...) 😂
طبعآ الزمن داك كنت بشوف الخرطوم في التلفزيون بس...
حتى أنو ناسنا البمشو الخرطوم،كانو بحكو لينا قصص مرعبة...
جد والله!!!

المهم كنت خات لي كم هدف كدا...
اول حاجة( عايز اجي في التلفزيون) اكون اعلامي...
تاني حاجة عايز اكون( فنان)...
ك شغف وكدا...

التذكرة كلها كانت حاجة رمزية كدا ما عارف كم...؟!
اول ما دخلت الخرطوم طبعآ نزلت الثورة العاشرة؛
في ضيافة الاخ( احمد العمدة) ربنا يمتعو بالصحة العافية...

طبعآ ادهشتني الخرطوم انذاك...
عمارات ما ليها حد...
أخوكم ما قضروفي!!!
(نحنا من ناس قطاطي ساي)...


ف وصلت الخرطوم وأتذكرت كلام الفنان(البيسئل ما بتوه)
دارنا نحنا قريبة ليك...!!!
ف سئلت من العاشرة...
سبحان الله مجتمع الخرطوم فعلآ، متعلم، وطيب، وجذاب. ❤

اتخيلو سألت بنات اتنين لي هسي بتذكر شخصياتهم... 🤔

المهم، وصلت هناك،ولقيت الاخوان مجهزين العشاء...
فى اتعشيت وشربته كولا،ودوني السطوح عشان اخد رائحة

نظام جائي سفر وكد...

صدقو ما نمت كل الليل بعاين في العمارات!!!

وطلع اول صبح،وطبعآ الحماس كان عالي...

توفيق: الفنان، الاعلامي، في سماء ام درمان...
طبعآ نحنا ماشين بحري عشان نشوف الجامعة والمواضيع ديك ما خليت لافته ماقريتها...!!!

المواصلات من ام درمان لي بحري كانت كلها بي(١٠٠)
كمان ممكن تقعد( مقعد شكرن) بي(
٥٠٠)
تقول للكمساري (طالب) بس وتسكت تاني ما بكتر معاك...!
وتدفع لي كل المعاك عادى يعني الخير كان مردوم
والدنيا دغرية...

كمان نمشي الجامعة هناك نعيشه (جبنات وباكما وبليلة وقعدات)...دنيا بالجد كانت حلو. 🎋

احكي ليكم دي...

اول بت اتعرفته عليها في المواصلات،كنت شايل تلفون ستكول...!
اديتها الموبايل وعادي سجلت الرقم،بذكر حتى في دواسة كانت ما شغالة... 🤣

بس عادي جدآ قلت ليها بتمو بعدين...
الله ياخ والله زمن جد كان حلو 🎋

هسي عليكم الله اتغير الزمن ولا نحنا الاتغيرنا...

الزمن ياهو الزمن لا لا نحنا الاتغيرنا والله جد...!

#توفيق عبدالرحمن

16/12/2024

نغنيلك وفي نيلك حكاوينا
وقت نتلاقى فوق ام در
تعال يا مان هنا ام درمان
ارح يا خليل نعبر النيل
جمال مقرن جميل بالحيل
هنا الخرطوم ثقافة علوم
وهنا العربي وهنا الافريقي والعربي
قعدنا سوى وظلال توتي
تصابحنا وتماسينا
وغناوي الحب بتجمعنا
ومراسي الريد تنادينا
ارح بحري عصري السوق
ارح شمبات ارح بالذوق
أمساسي الكبرى تطربنا
نغني سوى علي نيلك
ونغنيلك...

#توفيق-عبدالرحمن

15/12/2024

«كنز امونه»
#الرواية-المثيرة-🔥
#الجزء- الاول-(١)
اسيقظت:(امونه بت يعقوب) عند الساعة الرابع صباحآ؛ بصوت الديك الاحمر، وبقية ديوك الحلة.
بعدما، ارتفعت اصواتهنا لتجتاح اسوار قطاطي القش المزخرفه؛ وكأن، الديك الاحمر يناديها:امونه امونه قومي خلاص الشمس طلعت!
فينادي: كل ديك صاحبه بنفس الايقاع!
حينها، نهضت بشكل مفاجئ لكي تكمل شور اللوبة قبل منتصف النهار و ارتفاع درجة الحرارة.
اوقدت امونه اللمبة، بعدما ظلت تبحث عن الكبريت لدقيقة
بداءة اللمبة تضيء بشكل كسول وينخفض ايقاعها مع شح الجاز
حيث (فكي بروية) ينادي لصلاةالصبح بصوته المرتفع دئمآ؛ ويصيح للجميع باسمائهم... حينها استيقظ( مصطفى ود عطية) فاصدر نحنحة اعتاد عليها وبدء يرتل القران... لتطهي امونه الشاي على الكانون المصنوع من الطين وبعد تناول الشاي خرجت مسرعة الى شور اللوبه وظلت تعمل بكل همة رغم تقدم العمر لكنها لم تستسلم للمشيب يومآ!
-سمعت امونه، صوت شبيه بصوت الدلوكة
سئلت: نفسها، يا ربي دا صوت شنو هسي؟
-واصلت الحفر بيدها لبضع دقائق وهي تنتظر المفاجئة
-خيرآ راءت ما لم تتوقعه في يومآ ماء-
برميل من الذهب مغطاء بغطاء من نفس النوع.
-اصابها الهلع حيث قامت بإرجاع ذاك التراب الى مكانه
، وعادت مسرعة الى القطية- لتفكر فيما حدث- لكنها لم تخبر شخص عما حدث.
حتى اتى موعد القهوة التى يجتمع لها جميع الاقرباء فتقوم امونه برمي الودع للجميع وتخبرهم عن تكهنات يخبرها عنها الودع بذالك...
بداءت: ترمي الودع لكنها ليست ككل المرات تبدؤ افكارها متبعثرة...
- سئلتها:' بنتها اجي يا مي الليلة مالك؟
-اجابت: لا لا مافي حاجة.
_بنتها: لا والله في اصلو ما من عوايدك!
_امونه: قلت ليك ما في فترانه شويه بس.
حيث، اكلمت ذاك اليوم في صمت تام الى حين؛ اتى المساء عند منتصف الليل... سمعت صوت من اعلى القطية ينادي:
امونة امونه انا على...
استيقظت، لتجد جان في شكل رجل ناصع البياض، يرتدي جلابية بيضاء، يظهر الشيب على جبينه
-خافت امونه بت يعقوب خوفآ شديدآ لفظاعة الموقف حيث اصابها الهلع حتى تقل لسلانه!
_اخيرآ اخبرها قائلآ: م تخافي ان سيد الخزنة القبيل، وجيت اكافيك؛ لانك حفظتي لي خزنتي دايرة شنو؟
اجابت: انا ما دايرة حاجة بس ما تضرني الله بيني وبينك... الخ)
-وتفاعل-لتصلك-باقي-الأجزاء
#كنز-أمونه

15/12/2024

ملحوظة، الصحافة مهنة لها قوانينها، وإلتزاماتها، ما اود أن أقوله: على رواد مواقع التواصل الإجتماعي؛ ترك هذا الشان لمختصيه ، وإلا سيتحول المشهد السوداني الى ضباب وأكاذيب تشكك في ثقة الجيش السوداني
_جيشآ_وشعبآ.

15/12/2024

#مدني،
مدينة السحر والجمال، عروس الجزيرة ودرّة النيل الأزرق. هي نبض الزراعة وروح السودان الوسيط، حيث تمتدّ الحقول الخضراء حولها كأنها سجادة من الخير اللامتناهي. مدني ليست مجرد مدينة؛ إنها حكاية عن العمل والكفاح، وعن حياة تنبض بالتفاؤل والعطاء.

في #مدني، تجتمع البساطة بالكرم، وحياة الريف بأناقة المدينة. شوارعها الهادئة تحمل في طياتها قصصًا عن الناس الطيبين الذين يفتحون قلوبهم قبل أبوابهم للضيف. وفي أمسياتها، تشع أضواء النيل الأزرق، عاكسةً هدوءها وسحرها الذي لا يُقاوم.

#مدني، مدينة الثقافة والفن، منبت الشعراء والمبدعين. هي الحلم لكل من يبحث عن الراحة والجمال الطبيعي. في مدني، تشعر بأنك قريب من الأرض ومن السماء في آنٍ واحد. إنها واحة الروح ومصدر الإلهام لكل من زارها أو عاش فيها.


#مدني

14/12/2024

" #الخرطوم،❤️🇸🇩
مدينة النيل والجمال، حيث يلتقي الأزرق بالأبيض ليمنحا الحياة."
"في الخرطوم، يمتزج عبق التاريخ بحيوية الحاضر، وتشرق الأصالة في كل زاوية."

تتميز بجمال طبيعتها، نيلها الساحر، وجسورها التي تربط بين ثقافات وأصالة أهلها.
المحطات الحنينة القصّرت مشوار سفرنا..💙

..
..

#الخرطوم