https://www.facebook.com/100589738641169/

Diyaa Abbadi-ضياء العبادي

Home
Saudi Arabia
Jeddah
Diyaa Abbadi-ضياء العبادي

مما شاهد...ورأى...وسمع...
(350)

24/12/2024

الله يرحم ايام الفيديوهات، باذن الله راجع قريبا وبقوة...
هاظ الفيديو دافي زي صوبة البواري

24/12/2024

الاهل والاصدقاء والاخوة المسيحيين، ملح البلاد وشركاء الدم والتاريخ والجغرافيا، اعياد مجيدة، وكل عام وانتم ومن تحبون بالف خير ❤️

10/12/2024

بعد كل ما نشاهده من اجرام وجرذان متعطشة للدماء واساليب التعذيب السادية وقتل ارواح البشر وهزيمتهم من الداخل، نحمد الله ونشكره على نعمة الاردن والهاشميين..
حكمونا بالحب والاحترام...
والله السجين عنا يُعامل بكل انسانية ورحمة، ولا يوجد في سجوننا شخص واحد مسجون على ذنب لم يقترفه، وبداخل السجن الاكل والخدمات والزيارات العائلية ومكالمات التلفون كله متوفر، حتى بالعيد بعملولهم افطار جماعي مع اهلهم من باب الرحمة والرأفة فيهم..

صحيح عنا مشاكل داخلية وملفات زي البطالة لازم تتعالج، لكن الحمدلله على نعمة الاردن الحنون، الاردن اللي يغيث الملهوف ويأسى على الناس...

كنت وما زلت وسأبقى دائما اقول الاردن اولاً...شاء من شاء وابى من ابى

08/12/2024

سوريا 💔

07/12/2024

كل ما تصير احداث بهاظ العالم ما بنسمع غير كلمة ترا الدور جاي عالاردن...
صارت احداث غزة، كل ما الواحد يحكي كلمة خير بهذا الجو المليان ناس مصابة بالسعار العاطفي، بطلعلك الف واحد ترا بعد غزة الدور عالاردن..
صارت احداث بلبنان، بطلع الف واحد بقلك ترا جايينكو، الدور عالاردن..
صارت احداث سوريا، بقلك اذا سقطت الدولة (الاسد) الدور جاي عالاردن...

ترا فش دور جاي علينا لانه احنا دولة عندها قيادة تحترم الناس والها وزنها وثقلها بالعالم، بس اصحاب هاي التعليقات عندهم شعور ورغبة ضخمة انه الدور يجي عالاردن..

اقسم بعزة الله لو لا سمح الله يصير عنا شيء، غير يفرحوا من كل قلوبهم، وبجوز يوزعوا كنافة..

بس تخسوا، العالم كله راح يسقط والاردن راح يضل واقف باذن الله..

لما اقول للاردنيين دير بالك عبلدك، والله ما بقولها من فراغ، انا بستشعر ما في قلوب هظول الناس، لانه مرق علي ولاد كلب بحياتي كثير، صرت اميزهم عن بعد عشرة كيلو...

30/11/2024

كلام عام لقوم يتفكرون

24/11/2024

الاطفال اللي قاعدين يموتوا مش ابطال هذول ضحايا لاقذر كيان اجرامي عرفه التاريخ..
والرجال اللي قاعدين يموتوا لم يطلبو الشهادة ولا بدهم حور عين، كان عندهم احلام وطموحات، لكنهم صحيو لقوا حالهم تحت الصواريخ بدافعو عن شرف الامة في عيون مقاومين البرغر اللي بكوفي شوبات عمان..
والنساء اللي قاعدين تشوفوهم بالفيديوهات ببكن دموع قهر وظلم هذول مش صابرات هذول مقهورات ولاحقهن ظيم...

مش قادر استوعب انه في بشر بهاي الخسة والقذارة وينظر لكل البشر اللي بغزة اللي قاعدين يتعرضوا لابشع انواع التنكيل والقتل والذبح وبقلك عادي هظول ضريبة الحرب..

يا زلمة شو دينك انت، قاعد تارجل تفاحتين وتقاوم عالفيسبوك وتنزل بوستات مثلثات حمر عشان تلم لايكات على حساب دماء البشر...
يفضح ام المصاري على ام السوشيال ميديا على ام اللي اعطاك حرية تسولف..

هاي الحرب لازم توقف الان مش بكرا

24/11/2024

جزء كبير من مقاومين الكيبوردات وابطال البرغر وراكبين موجات التريند ومعاطات الجاج الاعلامية ومثقفين اللويبدة تبعين عرق حداد الذهبي، لا يعنيهم ان يتم اطلاق النار على افراد من جهاز الامن العام، هم اصلا لا يعتبروا انفسهم جزء من هذا البلد ولا بجيبوا سيرته الا بس بدهم يهاجمهوه ويتهموه بالخيانة والعمالة لانهم اعداء للاردن اكثر من العدو نفسه...
وهناك جزء بلش يخترع سيناريوهات لادانة الدولة وتقزيم حجم الفعل الدنيء والخسيس اللي صار ويجد تبريرات لاقذر فعل يقوم فيه شخص بان تمتد يده على احد افواد اجهزتنا الامنية..

انا لما كنت اصنع فيديوهات بصنعها لاني بقرأ عقول الناس وتفاصيلهم وسلوكهم ومشاعرهم مش لاني زلمة كوميدي، ومن بداية الاحداث وانا شايف بعيوني السلوك الخسيس ومشاعر الدناءة والحقد والسواد على هذا البلد..

عاش الاردن وعاش الملك وعاش الشعب الاردني وعاش كل افراد ومرتبات اجهزتنا الامنية...

وللحديث بقية

15/11/2024

قرعة الخمسين دينار بنزاهة وشفافية
الفائز: سامر عشا الدوايمة 🎉🎊🎉🎊🎉🎊🏆🎎🏆🏆

15/11/2024

انا مؤمن بموسى التعمري كما اؤمن بوطني الاردن..
صحيح انه مبارح كان يستعرض، ولكن هذا الاستعراض نابع من ايمانه العميق بنفسه وبقدرته كلاعب ضخم ينافس عمالقة كرة القدم...
وهذا الايمان العميق بالنفس هو اللي احيى اسمه في قلوب الناس واوصله للاحتراف بالاندية الاوروبية العالمية...
ما في لاعب بقدر بهذا الحضور الجماهيري يستعرض بهاي الطريقة، عالاغلب بكونو خايفين ومرتجفين من الجمهور والاضواء...
الاستعراض في وجه من ينتقص منك ويزدريك دليل على القوة والانفة...

سابقى دائماً اقف خلف كل من يؤمن بنفسه ويحترمها، وموسى التعمري واحد ممن يحترمون انفسهم ووطنهم وقلبه عالاردن وعلى الشعب وانا بشوفه احسن من رونالدو مع احترامي لتاريخ رونالدو، بس الاردني لما يبدع ويثق بنفسه بعيوني بشوفه احلى واقوى من الجميع مهما بلغ حجمهم ووزنهم في عيون الاخرين...

الله يوفقك يا تعمري انت والنعيمات وعلوان وابو ليلى وكل النشامى ابناءنا واخواننا وحبايبنا...

14/11/2024

المعلّق والمنتخب العراقي و٧٠ الف متفرج والحكام وقناة بي ان سبورت ووحدة ٨٢٠٠ عتويتر، كل هظول ضدنا مع فيديوهات تيكتوك وتهديدات بكراج حويدر وموسيقى غليص وهيتلر.. وما فازو علينا..

شكرا عالمجهود اللطيف يا نشامى، وحظّاّ اوفر للمعلّق

14/11/2024

خمسين دينار اردني شندي بندي عقولة دحبرها للي بتوقع النتيجة الصحيحة

اذا صدق اكثر من توقّع بنسوي قرعة، لانه معيش غير الخمسين نيرا

07/11/2024

كنت زمان ادافع عن الشب اللي كان يطلع يقول انه ملك جمال الاردن، ايام ما كانت الناس تتمسخر عليه وتسيء له..
كنت اكتب انه شب لطيف ودمه خفيف ولا يؤذي احد بمحتواه...
كان جزء كبير من الجمهور المتطرف يهاجمني ويهاجم الشب ويتعاملوا مع الموضوع وكانه الشب سبب بكل مشاكل المجتمع وبدهم يغتالوه مجتمعيا باي طريقة..

اليوم شفتله صورة مؤلمة وهو مريض ما قدرت انشرها وهو بحالة صحية متردية...

يخوان خلونا نرحم بعض وما نسيء لبعض، وانك تلم لايكات لا يعني ان تغتال ابناء جلدتك وتسيء لهم...
الدنيا رايحة وكل شيء مسجل عند رب العالمين..
واسال الله العظيم رب العرش العظيم انه يشفيه ويعطيه الصحة...

بس لكل شخص اساء له، والله ستقف انت واياه بين ايدين ربنا بيوم من الايام، وان شاء الله انه يسامحك..

05/11/2024

قبل ما يفوز ترانب وينتهي العالم، قلت خليني اتصور..
كل التحايا للغانمين

05/10/2024

عمري بحياتي ما كنت شخص سياسي ولا كان عندي طرح سياسي ولا عندي اي اطماع سياسية، وانا رجل حرّ لا أُباع ولا أشترى ولو كان لي ثمن ما فيه جهة عالارض بتقدر تدفعه..
‏كنت شخص غارق بحياتي وبعملي وبمستقبلي، وكنت اصنع محتوى يناقش قضايا اجتماعية بشكل ساخر وعمري ما نزلت صورة للملك، ولا عمري دافعت عن الاردن، لانه ببساطة ما كان في داعي...

‏لكن من لما صارت احداث ٧ اوكتوبر وشفت كيف يتكالب الانذال والسفلة على الاردن، وشفت كيف يجتمع الكثيرين من شتى بقاع الارض عشان يسيؤو للملك وللدولة ويختطفوا انجازاتنا ومجهودنا ويعيدوا تصويرها من زاوية الخيانة...هون اختلف الموضوع بالكامل..
‏عند امن الوطن وسمعته لا يوجد اعتبارات ولا ننظر للخسائر، ولا يهمنا كل كلاب الارض لو نبحت، هذا وطن دفعنا ضريبة بقاؤه بحر من الدماء، ولن نتركه الا على جثثنا..

‏طعن الوطن بخاصرته الرخوة بأوقات الضعف صارت مهنة برأس مال بسيط لا تتعدى بطاقة انترنت بدينارين وان يتجرد الانسان من الشرف بالكامل.

‏نعرف ان الاردن مريض بالذباب اللي ينهش فيه من كل مكان، لكنه لن يموت طالما أن الشمس تشرق فوق جباه شبابه يوميآ وطالما أن اعتزازنا بوطننا فأس حادة كفيلة بقطع رؤوس الافاعي التي تسعى من منفاها لتسميم قدور حليب اطفالنا

‏الاردن وُلِد في النار، لكنه لم ولن يحترق 🇯🇴

‏⁧‫ ‬⁩

03/10/2024

المطلوب من الاردن في الفترة الحالية 🇯🇴

30/09/2024

بتقدر تركب مواصلات للجنوب اللبناني من نص عمّان بتقريبا عشرين دينار اردني... يعني اقل من سعر لتر العرق اللي بتشربه عشان تنزل بوستات وتسب علينا وتتهمنا بالخيانة وتملأ الدنيا جعجعات..
عشرين دينار اردني كافيات انك تحقق حلمك وتنال شرف المقاومة..

بس ما راح تروح ، بتعرف ليش؟
لانك شذاب ومنافق والموضوع بالنسبة الك مش اكثر من تعليلة ومسلسل ممتع وجهاد الكتروني وشوية ادرينالين، وعقولة المثل، الغايب عن الهوشة بتكثر مراجله..

30/09/2024

بوصلتنا الاردن ثم الاردن ثم الاردن...شاء من شاء وأبى من أبى

Address

Jeddah

Website

facebook.com

Alerts

Be the first to know and let us send you an email when Diyaa Abbadi-ضياء العبادي posts news and promotions. Your email address will not be used for any other purpose, and you can unsubscribe at any time.