Азатлык Радиосы - ничек бар, шулай, Kazan (2024)

23/12/2024

2024 ел: татар-башкорт нәтиҗәләре.

Татар-башкорт дөньясында билгеле шәхесләр: журналист Фәридә Корбангалиева, башкорт активисты Айгөл Лайон, сәясәт белгече Руслан Айсин һәм татар активисты Фәнис Фәхретдинов 2024 елга нәтиҗәләр ясый, Азатлык Радиосы биргән актуаль сорауларга җавап бирә һәм киләсе, 2025 елга максатлар куя.

#башкорттар #татарлар #ФаридаКурбангалеева #РусланАйсин #2024ел

21/12/2024

Игътибар! Видеода сүгенү сүзләре бар!

21 декабрь иртәсендә Казанга дроннар һөҗүм итте.

Хакимиятләр барлыгы 8 дрон һөҗүме булган, беркем дә яраланмаган дип белдерә.

Пилотсыз очкычларның икесе — Альберт Камалиев проспектындагы "Лазурные небеса" торак комплексы, берсе — Оренбур трактындагы "Манһэттен" торак комплексына, тагын берсе — Кызыл Позиция урамына һөҗүм итте.

Тагын бер дрон елга өстендә бәреп төшерелгән, бәреп төшерелгән дронның калдыклары Клара Цеткин урамындагы йортка килеп төште.

Тагын бер дрон сәнәгать оешмасына юл тоткан булган, аны бәреп төшергәннәр дип хәбәр ителде.

2022 елда Русия Украинага каршы сугыш башлады. Шуннан соң Украина да Русия җирләренә дрон һөҗүмнәре оештырып килә. Татарстанга дроннар инде 6 тапкыр очып килде. Апрельдә булган дрон һөҗүме аркасында Татарстанда 14 кеше яраланган иде.

#Казан #дроннар #атакадронов #ЛазурныеНебеса #татарстан

20/12/2024

"Әни!"

Азатлык Радиосы Киевка төшкән Русия бомбаларын видеога төшергән.

Бүген Украина башкаласы Русиянең чираттагы һөҗүменә дучар ителде. "Кеше түгелдер алар, торак йортка бомбалар аталар" ди Киевта яшәүче бер ир-ат.

Русия Украинага каршы сугышын 2022 елның 24 февралендә башлады. Дөньяның күпчелек илләре Мәскәүнең бу адымын хөкем итте.

#сугыш #Киев #Украина #Русия

15/12/2024

Мөһаҗир башкортлар чит илдә кеше хокукларын яклау үзәге булдырды.

Омбудсмен БМО, Европа парламент, халыкара мәхкәмәләр белән эшләячәк.

Бу хакта Азатлык Радиосында тулырак укырга була, монда - каймагы.

12/12/2024

Миңтимер Шәймиев хакимияткә ничек килгән? 😳 Без сезне үткәннәргә сәяхәткә чакырабыз. 1989 елга багышланган зур видеобыздан өзек карарга тәкъдим итәбез.

P.S. Видеоның тулы версиясен Азатлык Радиосының YouTube-каналында карагыз! 👍

#1989ел #Казан #Татарстан #татарлар #Шәймиев

12/12/2024

2024 елга нәтиҗәләр ясый башлыйбыз.

Беренче нәтиҗә — 👉харитада.

11/12/2024

"Үстергәндә әти бервакытта да безгә кырыс карамады. Бервакытта да безне ачуланмады." Кичә Татарстанның Саба районы Сабабаш авылында Украина сугышында һәлак булган Флорит Шәмсетдиновны күмделәр.

Русия Украинага 2022 елның 24 февралендә бәреп керде. Шуннан бирле бу сугышта Татарстаннан кимендә 3461 ир һәлак булган. Республика шушы сугышта үтерелгән ирләр саны белән Русия төбәкләре арасында икенче урында тора.

#сугыш #Украина #Сабабаш #Сабарайоны #татарлар

11/12/2024

Сүриядәге җирләр хәзер кем кулында?

Якынча харита әзерләдек.

Карагыз.

10/12/2024

Сүриядә 24 ел идарә иткән Бәшәр Әсад режимы тәмам. Элекке президент Мәскәүгә качып китте, ә Сүрия халкы аның идарә символларын җимерә башлады. Эчке сугыш аркасында Сүриядән күрше илләргә качып киткән качакларның күбесе дә инде ил чигендә тора: бу кешеләр ватаннарына кайтырга тели.

*Бу видеода күрсәтелгән саннар рәсми вә ачык чыганаклардан алынды.

#Сүрия #Сирия #татарча

09/12/2024

Русиянең Краснодар төбәгендә урнашкан 09332нче хәрби бүлектә авыр чирләре һәм яралары булган хәрбиләрне БОГАУЛАП фронтка җибәргәннәр.

Исегезгә төшерәбез: Русия Украинага 2022 елның 24 февралендә бәреп керде. Дөньяның күпчелек илләре бу сугышны хөкем итеп чыкты.

#сугыш #Русия #Украина #Краснодар

08/12/2024

Бу көннәрдә Азатлык Радиосы җыйган исемлектә Башкортстан һәм Татарстаннан үлүчеләр саны 7 меңнән артты.

Ачык чыганакларда еш кына кешеләрнең сугышка ни рәвешле китүе турында мәгълүмат әйтелми, яшерелә, шуңа бу саннар чынлыкта күпкә зуррак булуын фаразлап була.

▪️Башкортстанда иң күп үлүчеләр Уфадан (кимендә 386 кеше)
▪️Татарстанда иң күп үлүчеләр Казаннан (кимендә 515 кеше).

Бу хакта тулырак укыйм дисәгез, Азатлык Радиосы сәхифәсенә рәхим итегез.

06/12/2024

1989 елда Казан группировкалары нинди булган? 😳 Без сезне үткәннәргә сәяхәткә чакырабыз. 1989 елга багышланган зур видеобыздан өзек карарга тәкъдим итәбез.

P.S. Видеоның тулы версиясен Азатлык Радиосының YouTube-каналында карагыз! 👍

#1989ел #Казан #Татарстан #татарлар #чушпан

05/12/2024

"Әни, берәр нәрсә эшләсәң, тавыш күтәрсәң, миннән бер мизгелдә юеш урын да калмаячак. Тавыш күтәрә күрмә!"

Русия-Украина сугышына киткән Александр Нестеровның әнисе улының үлеме турында рәсми документлар алырга тырыша, әмма документларны бирмиләр. Саняның һәлак булганын аның белән бергә сугышкан ирләр хәбәр иткән. Кая барырга белмәгән әнисе улы белән булган язышуларны һәм аудио сөйләшүләрне интернетка чыгарган. Ул шулай ук түрәләр һәм хәрби комиссариатта эшләүчеләр белән дә ничек аралашканын да уртаклашкан.

Русия Украинага 2022 елның 24 февралендә бәреп керде. Дөньяның күпчелек илләре бу сугышны хөкем итеп чыкты.

#сугыш #Русия #Украина #колония

04/12/2024

Русия-Украина сугышында катнашкан татарлар турында ни уйлыйсыз?

Мордовиядән Миразыйм Исмәгыйлев сугышка үзе теләп кенә түгел, ә улы Ринат белән китеп барган. Икесе дә сугыштан яраланып кайта. Хәзер Исмәгыйлев мәктәпләр буйлап йөри һәм балаларга (шул исәптән татар балаларына да) сугыштагы хәлләр турында сөйли.

Русия Украинага каршы сугышын 2022 елның 24 февралендә башлады. Дөньяның күпчелек илләре бу сугышны хөкем итеп чыкты.

#сугыш #татарлар #Мордовия #Украина #Татарстан

02/12/2024

Татарстанга Русия-Украина сугышыннан мәетләр көн саен диярлек кайта. 30 ноябрьдә Кайбыч районында 23 яшьлек Булат Вәлиуллинны күмделәр. Ул Русия гаскәре белән контракт төзеп сугышка июньдә киткән булган. Берничә атнадан соң һәлак та булган. Үзен 30 ноябрьдә генә җирләделәр...

Русия Украинага 2022 елның 24 февралендә бәреп керде. Шуннан бирле бу сугышта Татарстаннан кимендә 3386 ир һәлак булган. Республика шушы сугышта үтерелгән ирләр саны белән Русия төбәкләре арасында икенче урында тора. Беренче урында — күрше Башкортстан.

Ике республикадан шушы сугышта һәлак булган ир-атлар саны 7 меңнән артып китте.

#сугыш #Татарстан #Кайбыч #Украина #Русия

02/12/2024

🔥Татар-башкорт дөньясының 2024 ел шәхесен сайлыйбыз!

2024 ел шәхесе — кем ул? Татар-башкорт дөньясында ел дәвамында җәмгыятькә тәэсир ясаган шәхес өчен тавыш бирүдә катнашырга тәкъдим итәбез! Бу исемлеккә сез лаеклы дип санаган шәхесләр кермәгән дип саныйсыз икән — безгә языгыз.

Сезнеңчә, 2024 ел шәхесе кем? Комментарийларда языгыз! 👇🏼

02/12/2024

Фәрит Зәкиевнең шәхси тарихы

Быел аңа 70 яшь тулды. Әмма Татар иҗтимагый үзәге рәисе Фәрит Зәкиев юбилеен ялгыз каршы алды. Ни өчен шулай килеп чыкты һәм моны ул ничек кабул итә?

Милли хәрәкәткә килеп кергәндә ул картлыгын ничек күзаллаган? Милләт эшләре белән йөреп, мәхкәмәләрдә хөкем ителеп, төрлечә кыйналса, камчыланса да, ул милләт өчен көрәшен дәвам иттерә. Ни өчен? Авыру, өлкән килеш көчне каян таба?

Без аның белән якыннары белән мөнәсәбәтләре турында сөйләштек, ул мөһаҗирлек һәм сукырая калуы турында да, Сталин золымының корбаннары булган ике бабасы тарихын да сөйләде.

Монда кайбер фикерләр генә. Әңгәмәне тулысы белән сәхифәбездән укый аласыз.

29/11/2024

1989 елда Татар иҗтимагый үзәге ничек оешкан? Без сезне үткәннәргә сәяхәткә чакырабыз. 😀 1989 елга багышланган зур видеобыздан өзек карарга тәкъдим итәбез.

Ә сез 1989 елда туган идегезме инде? Ничә яшь иде сезгә? 👀

P.S. Видеоның тулы версиясен Азатлык Радиосының YouTube-каналында карагыз! 👍

#1989ел #Казан #Татарстан #татарлар #ТИҮ

Азатлык Радиосы - ничек бар, шулай

23/12/2024

21/12/2024

20/12/2024

15/12/2024

12/12/2024

12/12/2024

11/12/2024

11/12/2024

10/12/2024

09/12/2024

08/12/2024

06/12/2024

05/12/2024

04/12/2024

02/12/2024

02/12/2024

02/12/2024

29/11/2024

Address

Website

Alerts

Contact The Business

Shortcuts

Share

Category