01/12/2024
امبارح زي هاد الوقت استشهدوا الحبايب عازم وعهد علاقتي فيهم صارت أقوى كتير في الحرب لانه كان عنا هدف واحد وهو خدمة الناس عازم كان اكتر حدا قلبه على الناس كان ينقل هم كل الناس ويعمل كل اشي بيقدر عليه عشان يوفر اكل للناس في الأماكن الي كل المنظمات كانت ترفض تشتغل فيها دايماً كان عازم هو السباق والمبادر لفعل الخير قبليها بيوم بكلمني بقولي باركلي اترقيت وصرت مسؤول عن كل المطابخ المجتمعية في قطاع غزة قلتله الحمد لله بدنا نحتفل فيك قلي بس تخلص مشكلتك بنعمل احلى احتفال كل يوم كان يكلمني ويحاول يساعد ويلاقي حل ، عهد كان همه على البلد وكيف يقدر يخدم اكتر عدد من الناس كان مهندس كل اشي وبيلاقي حل لكل اشي فش اشي اسمه صعب او مستحيل كل اشي اله حل عند مهندسنا ، رن عليا قبل بيوم واعطاني ام عازم وابوه وخلاهم يطمنوا عليا وقالولي احنا اهلك أيش بتحتاج باي وقت كلمنا بس. الفترة الي عرفتهم فيها كانت يمكن سنة بس حبيتهم زي كانّهم حدا من اخواني الله يرحمكم ويدخلكم الجنة والحمد لله على كل اشي
