Awami Web

10/12/2024

انڈونیشیا میں جاری گاما ورلڈ ایم ایم اے چیمپئن شپ میں پاکستان کے محمد ثاقب خان نے گولڈ میڈل حاصل کر لیا۔

فائنل میں محمد ثاقب خان نے قازقستان کے فائٹر کو شکست دی۔ محمد ثاقب نے انڈر -18 کے 52 اشاریہ دو کے جی کیٹگری میں کامیابی حاصل کی۔

کراچی کے ایک پسماندہ گوٹ سے تعلق رکھنے والے ثاقب خان نے 78 ممالک کے مقابلے میں پاکستان کا پرچم سر بلند کر دیا اور لگاتار تین کامیابی حاصل کرکے گولڈ میڈل حاصل کیا۔

10/12/2024

سندھ ہائیکورٹ کے آئینی بینچ نے بیرون ملک فرار ملزموں کی عدم گرفتاری کو وزارت داخلہ کی نااہلی قرار دے دیا، عدالت نے اپنے ریمارکس میں کہا کہ 266 افراد کے قتل میں ملوث حماد صدیقی کیوں گرفتار نہیں ہوسکا؟سنگین مقدمات میں ملوث شخص کی کون پشت پناہی کررہا ہے؟

سندھ ہائیکورٹ کے آئینی بینچ نے بیرون ملک فرار ملزموں کی عدم گرفتاری سے متعلق درخواست کی سماعت کی۔

جبران ناصر ایڈووکیٹ نے عدالت میں موقف اپنایا کہ عدالت نے جون 2023 کو مفرور ملزم تقی حیدر شاہ کو دبئی سے وطن واپس لانے کا حکم دیا تھا۔

عدالت نے طویل عرصے سے مفرور ملزم کو وطن واپس لانے کے حکم پر عملدرآمد نہ کرنے پر حیرانی کا اظہار کیا۔

عدالت نے استفسار کیا کہ ملزم حماد صدیقی کا شناختی کارڈ اور پاسپورٹ بلاک کرنے کا حکم دیا تھا اب تک کیا اقدامات کیے ہیں ؟ یہ وزارت داخلہ کی نااہلی ہےکہ مفرور ملزمان کو گرفتار کرکے واپس نہیں لایا جاتا۔

آئینی بینچ نے اسٹیٹ لائف انشورنس کمپنی کے افسر امجد شاہ کے قتل میں ملوث ملزم تقی شاہ کی عدم گرفتاری پر برہمی کا اظہار کیا، عدالت نے پولیس اہلکار کے قتل میں ملوث مفرور ملزم خرم نثار کو وطن واپس نہ لانے پر بھی ناراضی کا اظہار کیا۔

عدالت نے مفرور ملزم حماد صدیقی ،تقی حیدر شاہ اور خرم نثار کی عدم گرفتاری پر وزارت داخلہ ،وزارت خارجہ سے رپورٹ طلب کرلی جبکہ ایڈیشنل اٹارنی جنرل کو 17 دسمبر کو طلب کرلیا۔

10/12/2024

09/12/2024

کراچی میں ٹرک اور واٹر ٹینکروں می لاپرواہی سے آئے روز اموات جاری۔ کورنگی کراسنگ اور مین کورنگی روڈ پر ٹرک اور واٹر ٹینکر کی ٹکر سے 2 افراد جاں بحق جبکہ 3 افراد شدید زخمی ہوگئے۔

کورنگی کراسنگ ندی کے قریب تیز رفتار ٹرک نے موٹر سائیکل سواروں کو روند ڈالا جس کے نتیجے میں ایک شخص جاں بحق جبکہ 3 افراد شدید زخمی ہوگئے

دوسری جانب مین کورنگی روڈ کالا پل نجی اسپتال کے قریب تیز رفتار واٹر ٹینکر کی ٹکر سے ایک شخص جاں بحق ہوگیا۔

اناللہ وانا الیہ راجعون

09/12/2024

کراچی میں بڑھتی ہوئی چوری اور ڈکیتیوں کی وارداتوں پر حکومتی بے حسی اور عوام کی بے بسی اس ویڈیو میں دیکھی جاسکتی ہے

09/12/2024

CM Maryam Nawaz Sharif set the stage for transformative collaborations, emphasizing Punjab's commitment to sustainable development and innovation on the first day of her official visit to China. She met with key stakeholders from Blue Tech Clean Air Alliance to address climate change and air quality, signed MOUs to enhance robotic agricultural machinery manufacturing, and explored cutting-edge health technologies at HYGEA Medical Technology. Highlighting Punjab’s goal to implement smart transportation and green mobility, she toured Beijing’s state-of-the-art transport systems, laying a solid foundation for modernizing public infrastructure back home. A promising start to a visionary partnership for a smarter, greener Punjab.

09/12/2024

وفاقی حکومت نے بیرون ملک سے 1200 ڈالرز مالیت سے زائد کا سامان ساتھ لانے پر پابندی عائد کرنے کا فیصلہ کر لیا۔

ڈان نیوز کے مطابق فیڈرل بورڈ آف ریونیو (ایف بی آر) نے بیگیج رولز 2006 میں مزید ترمیم کرنے سے متعلق نوٹی فکیشن جاری کر دیا۔

نوٹی فکیشن میں بتایا گیا ہے کہ ترمیم کے تحت بیرون ملک سے ذاتی استعمال کے لیے مسافر کو ایک موبائل فون لانےکی اجازت ہوگی، ایک موبائل فون کے سوا تمام موبائل فون ضبط کرلیےجائیں گے۔

مزید کہا گیا ہے کہ ترمیم کے تحت 1200 ڈالر سے زائد مالیت کی اشیا کمرشل تجارت تصور ہوگی اور اضافی مالیت کی اشیا ڈیوٹی، ٹیکس اور جرمانے کے باوجود کلیئر نہیں ہوں گی۔

نوٹی فکیشن کے مطابق قوانین میں ترامیم سے متعلق 7 روز میں سفارشات دی جاسکتی ہیں، مقررہ معیاد کے بعد موصول ہونے والی تجاویز اور آرا قابل قبول نہیں ہوں گی۔

09/12/2024

پاکستان انوائرمنٹل پروٹیکشن ایجنسی (پاک ای پی اے) اسلام آباد کے ڈائریکٹر جنرل (ڈی جی) نے انکشاف کیا ہے کہ وفاقی دارالحکومت کے تمام سرکاری بنیادی ہیلتھ مرکز میڈیکل ویسٹ کے حوالے سے اپنی کوئی رپورٹ جمع نہیں کراتے ہیں، طبی فضلہ ایک بڑا چیلنج ہے جب کہ منظم مافیا اسے چوری کرکے اس سے سستے برتن اور کھلونے بنا رہا ہے۔

شائستہ پرویز ملک کی زیرِ صدارت قومی اسمبلی کی قائمہ کمیٹی برائے موسمیاتی تبدیلی کا اجلاس پارلیمنٹ ہاؤس میں ہوا، اجلاس میں میڈیکل ویسٹ کا ایجنڈا زیر بحث آیا۔

ممبر کمیٹی شازیہ سومرو نے کہا کہ میڈیکل ویسٹ بھی ماحول میں آلودگی کا بڑا سبب ہے، اس کے خلاف کیا کارروائیاں ہو رہی ہیں، بلیو ایریا میں بہت زیادہ نجی لیبز بنی ہوئی ہیں، کیا کوئی میڈیکل رپورٹ دے رہا ہے؟

ڈی جی ای پی اے اسلام آباد نے قائمہ کمیٹی کو بریفنگ دی کہ ہسپتالوں سے میڈیکل ویسٹ چوری ہو رہا ہے، یہ ایک منظم مافیا ہے، راولپنڈی کے پبلک ہسپتالوں سے ویسٹ اسلام آباد کے گوداموں سے پکڑا ہے، ہسپتالوں کا ویسٹ بہت بڑا چیلنج ہے، اس سے سستے کھلونے، برتن بنائے جا رہے ہیں۔

ان کا کہنا تھا کہ ٹیمیں تشکیل دی ہیں جو میڈیکل ویسٹ پر ڈیٹا اکٹھا کر رہی ہیں، کیپیٹل ڈیولمپنٹ اتھارٹی (سی ڈی اے)، قومی ادارہ صحت (این آئی ایچ)، اٹامک انرجی کمیشن کے ہسپتالوں کے میڈیکل ویسٹ کے حوالے سے کسی نے کوئی رپورٹ جمع نہیں کرائی ہے۔

09/12/2024

انڈونیشیا میں جاری گاما ورلڈ ایم ایم اے چیمپئن شپ میں پاکستان کے محمد ثاقب خان فائنل میں پہنچ گئے۔

سیمی فائنل میں محمد ثاقب خان نے قازقستان کے فائٹر کو شکست دی، محمد ثاقب نے انڈر -18 کے 52 اشاریہ دو کے جی کیٹگری میں کامیابی حاصل کی۔

محمد ثاقب کے مدمقابل قازقستان کے فائٹر نے تیسرے راونڈ میں ہار قبول کرلی۔

گاما ورلڈ ایم ایم اے چیمپئن شپ کا فائنل کل کھیلا جائے گا۔

09/12/2024

سپریم کورٹ کے آئینی بینچ نے وفاقی فوجی عدالتوں کو سویلینز کے مقدمات کا فیصلہ سنانے کی اجازت دینے سے متعلق حکومتی استدعا مستردکردی، جسٹس مسرت ہلالی نے ریمارکس میں کہا کہ اجازت دینے کا مطلب فوجی عدالتوں کا اختیار تسلیم کرنا ہوگا۔

ایڈیشنل اٹارنی جنرل نے استدعا کی کہ فوجی عدالتوں میں ٹرائل مکمل ہو چکے ہیں، فوجی عدالتوں کو ٹرائل کے فیصلے سنانے کی اجازت دی جائے۔

جسٹس مسرت ہلالی نے کہا کہ ایسا نہیں کر سکتے، اگر ایسا کیا تو پھر فوجی عدالتوں کے سویلین ٹرائل کا اختیار سماعت ہی حل ہو جائے گا۔

جسٹس جمال مندوخیل نے کہا کہ فوجی اہلکاروں کو کام سے روکنے کا جرم تو تعزیرات پاکستان میں موجود ہے، تعزیرات پاکستان کے تحت فوج کو کام سے روکنے والوں کا ٹرائل عام عدالتوں میں ہوگا۔

عدالت نے وفاقی فوجی عدالتوں کو مقدمات کا فیصلہ سنانے کی اجازت دینے کی حکومتی استدعا بھی مسترد کر دی، آئینی بینچ نے فوجی عدالتوں میں سویلینز کے ٹرائل کا کیس کل تک ملتوی کردیا۔

08/12/2024

وزیر اعلیٰ پنجاب مریم نواز شریف سرکاری دورے پر وفد کے ہمراہ چین کے دارالحکومت بیجنگ پہنچ گئیں جہاں ایئرپورٹ پر ان کا استقبال کیا گیا۔

وزیر اعلیٰ پنجاب نے کہا کہ پاک چین دوستی بلندی کی انتہاؤں کی طرف گامزن ہے، چین کے اشتراک سے پنجاب کو اقتصادی اور معاشی بلندیوں پر لیجانا چاہتے ہیں، پنجاب کے عوام کی طرف سے اہل چین کا شکریہ ادا کرتی ہوں۔

08/12/2024

شام میں بشارالاسد کی حکومت کے ڈرامائی خاتمے اور دمشق پر حیات التحریر الشام کے داخلے کے بعد ملک پر ملیشیا کے قبضہ مکمل ہوگیا ہے، مگر اس صورتحال میں شام میں موجود دیگر غیرملکیوں کے ساتھ پاکستانی زائرین بھی مشکل سے دوچار ہوگئے ہیں۔

شامی صدر کے ملک سے فرار کے بعد حیات التحریر الشام نے سرکاری عمارتوں اور ایئر پورٹس کا کنٹرول سبنھال لیا ہے، فی الحال ایئرپورٹس پر آمد و رفت بند ہونے کی وجہ سے شام میں تقریباً 250 پاکستانی زائرین پھنس گئے ہیں۔

07/12/2024

وزیراعلیٰ خیبرپختونخوا علی امین گنڈاپور نے کہا ہے کہ ہماری تاریخ ہے، ابھی ہم نے صرف 5 حملے کیے ہیں اور سومنات کی طرح کافی رہتے ہیں، شہدا کا خون رائیگاں نہیں جائے گا، اس کا حساب لیا جائے گا۔

انہوں نے کہا کہ ہم مذاکرات کی بات ملک کے لیے کررہے ہیں، آئین کے مطابق احتجاج کے حقوق کو استعمال کرتے رہیں گے، جن کو بات چیت کرنی ہے وہ کرلیں اگر نہیں کرنا چاہتے تو ہم تو چل ہی رہے ہیں۔

علی امین گنڈاپور نے محمود غزنوی کے 17 حملوں کا حوالہ دیتے ہوئے کہا کہ ہماری تاریخ ہے، پانی پت پر کتنے حملے ہوئے تھے، ابھی ہم نے صرف 5 حملے کیے ہیں اور کافی رہتے ہیں، انشااللہ ہم فتح کرکے رہیں گے، پانی پت کے برابر آچکے ہیں اور سومنات کی طرح آگے بڑھ رہے ہیں، اگر سومنات کے بت بننے کے لیے ہمارے سامنے کوئی آئے گا تو اس کو توڑنے کے لیے 17 حملے تو ہیں لیکن امید ہے یہ اس سے پہلے ہی فارغ ہوجائیں گے۔