07/12/2024
ڪراچي: نيٽي جيٽي پل تي آئل ٽينڪر ۽ ٽرالر وچ ۾ ٽڪر، هزارين ليٽر تيل روڊ تي وهي ويو، سخت ٽريفڪ جام ٿي وئي ، ڪراچي ۾ ڪيماري نيٽي جيٽي پل وٽ تيز رفتار ٽرالر آئل ٽينڪر سان ٽڪرائجي ويو، ٽڪر جي نتيجي ۾ هزارين ليٽر تيل روڊ تي هارجي ويو. آئل ٽينڪر کي حادثي بعد شهري ڊرمن ۾ تيل گڏ ڪرڻ لاءِ پهچي ويا. تيل ۾ سلپ سبب ڪيترائي ماڻهو زخمي ٿي پيا، ماڙي پور ويندڙ ٽريڪ مڪمل طور بند ٿي ويو، ٽريفڪ پوليس جي منع ڪرڻ باوجود شهرين تيل گڏ ڪندا رهيا. پوليس ٽرالر ۽ آئل ٽينڪر کي تحويل ۾ وٺي واقعي جي جاچ شروع ڪري ڇڏي آهي. ٽريفڪ پوليس اهلڪارن جو چوڻ آهي ته ٽريفڪ جو دٻاءُ آهي، روڊ جي بندش سبب ٽريفڪ پوليس جي نفري موجود آهي، نيٽي جيٽي پل تي حادثو ٿيڻ کان پوءِ بندرگاهه کان ايندڙ ويندڙ ٽريفڪ جي سخت دٻاءُ آهي روڊ ڪيترن ئي ڪلاڪن تائين جام ٿي ويو ۽ گاڏين جون ڊگهيون قطارون لڳي ويون
