Such news sawbi

07/05/2022

تورڈھیر
تورڈھیر زیارت روڈ پر حاجی محمد سلیم ، سلیمان شاہ ایڈوکیٹ اور فلک شیر کا بھائی ، ماجد اور ساجد کے والد حاجی محمد قیوم بقضائے الہی وفات پاچکا ہے نماز جنازہ کل 7 مئی بروز ہفتہ صبح 10 بجے بازار لار جنازگاہ تورڈھیر میں ادا کی جائیگی

07/05/2022

‏پاکستان کے جھوٹی خبریں دینے میں نمبر ون نیوز چینل کا نام بتائيں۔۔‏

06/05/2022

06/05/2022

سانحہ ڈھیری خٹک جہانگیرہ عیدکے دن تین بچوں کی الم ناک موت کاواقعہ انکی والدہ کی مدعیت میں ان کے والد پرقتل کا الزام تھانہ اکوڑہ خٹک میں FIR درج کیا گیا ،،،

23/04/2022

صوابی: قبضہ مافیا کے خلاف تورڈھیر پولیس کی بروقت کاروائی ، قبضہ گروپ کے 03 ارکان گرفتار, 03 پستول بمعہ ایمونیشن برآمد، مقدمہ درج, تینوں ملزمان مدعی کی 28 کنال زمین پر زبردستی قبضہ جمانے کی کوشش کررہے تھے، مدعی کے روکنے پر ملزمان نے ہوائی فائرنگ کی، پولیس نے بروقت موقع پر پہنچ کر ملزمان گرفتار کرلئے... ایس ایچ او تورڈھیر الطاف خان کی میڈیا بریفنگ۔۔۔۔ تفصیلات کے گزشتہ روز مدعی مقدمہ پرویز ولد شفاء آمین سکنہ جہانگیرہ نے تھانہ تورڈھیر میں رپورٹ درج کی کہ چند ملزمان اس کی 28 کنال زمین جس میں گندم اور سبزیاں کاشت کی گئی ہیں ، پر زبردستی ہل چلا کر قبضہ جمانے کی کوشش کررہے ہیں، مدعی کے روکنے پر انہوں نے ہوائی فائرنگ کی۔ رپورٹ درج ہونے پر ایس ڈی پی او لاہور کی نگرانی میں ایس ایچ او تورڈھیر الطاف خان معہ نفری پولیس نے فوری کاروائی کرتے ہوئے موقع واردات پہنچ کر تین ملزمان نیاز علی ولد تاج ولی، احمد علی ولد نیاز علی اور ابوزر ولد تجمل شاہ ساکنان یارحسین گرفتار کرلئے۔ ملزمان سے 03 عدد پستول معہ ایمونیشن قبضہ میں لے لئے گئے، جن کے خلاف مقدمہ درج کرکے تفتیش شروع کی گئی ہے۔

22/04/2022

*صوبے کے تمام سکولوں کے اساتذہ پرنسپلز اور طلباء و طالبات پر موبائل فون کے استعمال پر پابندی وزیر تعلیم کا ڈسٹرکٹ ایجوکیشن آفیسرز اجلاس میں فیصلہ*

*تمام اساتذہ کو ٹائم سکیل اور 4ٹائر فارمولا پروموشن عنقریب دیا جائے گا تمام تر انتظامات مکمل ہے*

*صوبے کے تمام ایڈہاک اساتذہ کو مستقل کرنے کا فیصلہ*

*تمام ہیڈماسٹر اور پرنسپلز پر حاضری لگانا لازمی قرار ایجوکیشن مانیٹرنگ اتھارٹی کو گریڈ 17اور اس سے اوپر کے آفیسرز کی مانیٹرنگ کے لیے انڈیکیٹرز کی تیاری کے احکامات جاری*

*محکمہ تعلیم میں سزاوجزا کا عمل شروع ہو گا بہترین کارکردگی والوں کو انعام اور خراب کارکردگی والوں کو سزا دیا جائے گا وزیر تعلیم شہرام خان ترکئی*

پشاور ہینڈ آؤٹ 22 اپریل 2020

صوبائی وزیر تعلیم شہرام خان ترکئی نے صوبے کے تمام ڈسٹرکٹ ایجوکیشن آفیسر اجلاس کی صدارت کرتے ہوئے کہا ہے کہ تمام تر تیاری مکمل ہے اور عنقریب صوبے کے تمام ایڈہاک اساتذہ کو مستقل کیا جائے گا انہوں نے کہا کہ اساتذہ کو سہولیات کی فراہمی اولین ترجیح ہے صوبے کے تمام اساتذہ کو 4ٹائرفارمولہ اور ٹائم سکیل پروموشن دیا جارہا ہے جو ان کا دیرینہ مطالبہ تھا.

انہوں نے ڈسٹرکٹ ایجوکیشن آفیسر کو ہدایت کی کہ روٹین وزٹس کے علاوہ ہر ہفتے میں ایک دن تحصیل وائز وزٹ بھی کریں اور اسکولوں میں سہولیات جائزے کے ساتھ ساتھ درس و تدریس کے عمل کی مانیٹرنگ بھی کریں۔

شہرام خان ترکئی نے تقریب سے خطاب کرتے ہوئے ڈسٹرکٹ ایجوکیشن آفیسر کو ہدایت کی کہ تمام اساتذہ سکول سربراہان اور طلباء و طالبات پر اسکولوں میں موبائل فون کے استعمال پر مکمل پابندی ہوگی اور خلاف ورزی کرنے والوں کے خلاف ایکشن لیں، سکول کے اوقات میں تمام تر توجہ درس و تدریس پر دینی چاہیے۔

انہوں نے یہ بھی ہدایت کی کہ پرنسپلز اور ہیڈ ماسٹرز حاضری لگانے کے پابند ہوں گے اور وہ حاضری رجسٹرز میں روزانہ کے حساب سے حاضری لگائیں گے۔

انہوں نے ایجوکیشن مانیٹرنگ اتھارٹی حکام کو ہدایت کی کہ گریڈ 17 اور اس سے اوپر تمام آفیسرز کی مانیٹرنگ کیلئے جلد از جلد انڈیکیٹرز تیار کریں تاکہ ان کی کارکردگی کا بھی جائزہ لیا جا سکیں۔
یہ ہدایات انہوں نے ڈائریکٹریٹ آف ایلمنٹری اینڈ سیکنڈری ایجوکیشن کے کمیٹی روم میں ضلعی ایجوکیشن آفیسرز اجلاس کی صدارت کرتے ہوئے جاری کی۔ اجلاس میں سیکرٹری ایجوکیشن معتصم باللہ شاہ اسپیشل سیکرٹری ایجوکیشن عامرآفاق ڈائریکٹر ایجوکیشن حافظ محمد ابراہیم اور صوبے کے میل و فیمیل ڈسٹرکٹ ایجوکیشن آفیسرز نے شرکت کی۔

وزیر تعلیم شہرام خان ترکئی نے ضلعی افسران کو ہدایت کی کہ پورے صوبے میں تقریبا 21 ہزار سے زائد اساتذہ کی بھرتی کا عمل جاری ہے زیادہ تر آسامیوں میں انٹرویوکا عمل شروع ہو رہا ہے دن رات محنت کریں تاکہ بھرتی کا یہ عمل جلد مکمل ہو کر میرٹ پر ذہین اساتذہ سسٹم میں شامل ہو جائیں

انہوں نےایجوکیشن آفیسر کو یہ بھی ہدایت کی کہ ضلعی دفاتر اور ڈائریکٹ میں موجودہ وہ کلیریکل سٹاف جن کا دو سال سے زائد وقت پورا ہوا ہے ان کو عید کے فورا بعد ٹرانسفر کریں اور وہ اہلکار جن کے خلاف شکایتیں ہیں ان کے خلاف انکوائری کریں اگر قصوروار تو فورا (ای اینڈ ڈی ) رولز کے مطابق کارروائی کریں۔

انہوں نے آفیسرز کو یہ بھی ہدایت کی کہ سیکنڈ شفٹ سکولوں پر خصوصی توجہ دیں اور اساتذہ کی کارکردگی مانیٹر کریں اگر کوئی کمی ہے تو فوراً ان اساتذہ کو ہٹا کر ویب پورٹل سے نئے اساتذہ لیں۔

وزیر تعلیم شہرام خان ترکئی نے فیمل ڈسٹرکٹ ایجوکیشن آفیسر کو ہدایت کی کہ خواتین اساتذہ کے لئے آسانیاں پیدا کریں ان سے ڈیلنگ کا زیادہ تر نظام ڈیجیٹائز کریں تاکہ وہ دفاتر کے چکر لگانے سے محفوظ رہ سکے اور تمام تر توجہ درس و تدریس اور بچوں پر دیں۔

شہرام خان ترکئی نے مزید کہا کہ طلبہ و طالبات ہماری اولین ترجیح ہے اساتذہ کو تمام سہولیات دیں گے مگر ہمارے نتائج میں بہتری ضرور آنی چاہیے۔

18/04/2022

سیالکوٹ واقعہ کا فیصلہ، 6 مجرمان کو سزائے موت، 9 کو عمر قید کی سزا
لاہور:(دنیا نیوز) سیالکوٹ میں سری لنکن شہری پریانتھا کمارا کو جلانے اور قتل کے کیس کا فیصلہ سنا دیا گیا جس کے مطابق 6 مجرمان کو سزائے موت اور 9 کو عمر قید جبکہ 72 کو 2،2 سال قید کی سزا سنائی گئی ہے۔

انسداد دہشتگری عدالت گوجرانوالہ کی جج نتاشہ نسیم نے کوٹ لکھپت جیل میں فیصلہ سنایا، سینئر سپیشل پراسیکیوٹر عبدالرؤف وٹو کی سربراہی میں پانچ رکنی پراسیکیوشن ٹیم نے ٹرائل مکمل کرایا۔

عدالت نے پریانتھا کمارا کو زندہ جلانے، تشدد کرنے والے ملزمان کو سزائیں سنائیں، پراسیکیوشن نے 46 چشم دید گواہوں کو چالان کا حصہ بنایا، 10 سی سی ٹی وی کیمروں کی فوٹیج چالان کا حصہ تھی، 55 ملزمان کے موبائل فون سے ملنے والی ویڈیوز بھی ریکارڈ کا حصہ تھیں، پراسیکیوشن نے 89 ملزمان کیخلاف چالان جمع کروایا، چالان کے مطابق 80 ملزمان بالغ اور 9 نابالغ ہیں۔

ملزمان پر فرد جرم 12 مارچ کو عائد کی گئی تھی، عدالت نے روزانہ کی بنیاد پر تیز ترین ٹرائل کرتے ہوئے ایک ماہ میں ٹرائل مکمل کیا۔

سیالکوٹ میں سری لنکن شہری کے قتل کے حوالے سے آر پی او گوجرانوالہ عمران احمد اور ڈی پی او سیالکوٹ حسن اقبال کے ہمراہ پریس کانفرنس کرتے ہوئے پراسیکیوٹر پنجاب ندیم سرور نے کہا کہ 3 دسمبر کو سیالکوٹ میں سری لنکن شہری پریانتھا کمارا کو تشدد کا نشانہ بنا کر قتل کرکے لاش کو جلا دیا گیا تھا، پولیس ڈیپارٹمنٹ نے 89 ملزمان کو گرفتار کیا تھا، انسداد دہشت گردی عدالت نے بالغ اور نابالغ ملزمان کا علیحدہ، علیحدہ ٹرائل کیا، 12مارچ کو ملزمان پر فرد جرم عائد کی گئی تھی۔

انہوں نے مزید کہا کہ پراسیکیوشن ٹیم نے کل 43 گواہان عدالت میں پیش کیے، ایک ماہ کے کم عرصہ میں پراسیکیوشن ٹیم نے شہادتیں مکمل کیں، عدالت نے ملزمان کو دفاع کا پورا موقع دیا، آج انسداد دہشت گردی عدالت نے 88 ملزمان کو سزا سنائی، ایک ملزم بلال کو باعزت بری کر دیا گیا، پولیس ڈیپارٹمنٹ، تفتیشی افسر نے بڑی محنت سے کام کیا، یہ مقدمہ پولیس اور پراسیکیوشن کے تعاون کی بہترین مثال ہے۔

ندیم سرور نے کہا کہ سری لنکن شہری کو قتل کرنے والے 6 ملزمان کو سزائے موت سنا دی گئی، آج انسداد دہشت گردی کی عدالت میں 88 ملزمان کو سزائیں سنائی گئی ہیں، 9 ملزمان کو عمر قید اور ایک لاکھ روپے جرمانہ کیا گیا ہے، پولیس اور پراسیکیوشن کی بدولت ملزمان کو سزائیں ہوئیں، مذہب کی آڑ میں شرپسندی پھیلانے والوں کے خلاف آئندہ بھی آہنی ہاتھوں سے نمٹا جائے گا۔

ان کا کہنا تھا کہ عدالت نے ایک ماہ میں ٹرائل مکمل کیا، 89 ملزمان میں سے 88 کو سزا سنائی گئی، یہ عدالت کا بڑا اچھا فیصلہ ہے، سیالکوٹ موٹروے کیس میں بھی پراسیکیوشن نے بڑا اچھا کام کیا، اپیل میں جانا ان کا حق ہے۔

03/04/2022

‏‎عمران خان کا بطور وزیراعظم عہدہ ختم ہونے کا نوٹیفکیشن جاری,کابینہ ڈویژن نے عمران خان کو بطور وزیراعظم ڈی نوٹیفائی کردیا تاہم آئین کے آرٹیکل 94 کے تحت صدر مملکت نے وزیراعظم کو کام جاری رکھنے کی ہدایت کی ہے۔ نگران وزیراعظم کے تقرری تک عمران خان بطور وزیراعظم کام کرسکتے ہیں

27/03/2022

صوابی: *تھانہ تورڈھیر پولیس کی کامیاب کاروائیاں ، 01 قتل و اقدام قتل کے مقدمہ میں مطلوب مجرم اشتہاری اور 01 ڈرانے دھمکانے کے مقدمے کا ملزم گرفتار، 01 کلاشنکوف اور 01 پستول معہ کارتوس برآمد*

*ملزم ظفیر گل نے دیگر رشتہ داروں کے ہمراہ تنازعہ اراضی پر مسمی تیمور کو قتل جبکہ مسمیان زوردل، حسین خان اور عبدالطیف کو زخمی کیا تھا، اسی طرح ملزم فرحان نے خواجہ سراء کو جان سے مارنے کی دھمکیاں دی تھیں، دونوں ملزمان گرفتار کرکے جن سے تفتیش جاری ہے:* ایس ایچ او تورڈھیر الطاف خان

تفصیلات کے مطابق ڈسٹرکٹ پولیس آفیسر صوابی محمد شعیب خان کے احکامات پر ضلع بھر میں مجرمان اشتہاریوں اور مفرور ملزمان کی گرفتاریوں کا سلسلہ جاری ہے۔

اس سلسلے میں ایس ڈی پی او لاہور افتخار خان کی نگرانی میں ایس ایچ او تورڈھیر الطاف خان نے کامیاب کاروائی کرتے ہوئے قتل اور اقدام قتل کے مقدمہ میں مطلوب مجرم اشتہاری ظفیر گل ولد نیاز خان سکنہ جہانگیرہ کو گرفتار کرکے اس کے قبضے سے 01 عدد پستول بمع کارتوس برآمد کرلی۔ ملزم نے دیگر رشتہ داروں کے ہمراہ تنازعہ اراضی پر مسمی تیمور کو قتل جبکہ مسمیان زور دل، حسین خان اور عبدالطیف کو زخمی کیا تھا۔

اسی طرح خفیہ اطلاع پر کارروائی کرتے ہوئے دوران چھاپہ زنی ملزم فرحان ولد غزالی سکنہ جلبئی کو گرفتار کرلیا جس کے قبضے سے ایک عدد کلاشنکوف معہ کارتوس برآمد کیا گیا، ملزم نے دوسرے ساتھی کے ہمراہ خواجہ سراء کو جان سے مارنے کی دھمکیاں دی تھیں۔

دونوں ملزمان کو پابند سلاسل کرکے جن سے تفتیش جاری ہے۔

23/03/2022

((صوابی/تھانہ تورڈھیر پولیس کی کامیاب کاروائی)) موٹرکار میں غیرقانونی نان کسٹم پیڈ کپڑے کے تان سمگل کرنے والا ملزم حراست لیا گیا۔
*75 عدد نان کسٹم پیڈ کپڑے کے تان قبضہ میں لے کر کسٹم حکام کے حوالے کئے گئے*
تفصیلات کے مطابق ڈسٹرکٹ پولیس آفیسر صوابی محمد شعیب خان کی زیرقیادت و نگرانی ضلعی پولیس جرائم کے سدباب کے لئے پرعزم ہے اور اس حوالے سے کامیاب کاروائیوں کا سلسلہ جاری ہے۔
اس سلسلے میں ایس ڈی پی او لاہور کی نگرانی میں ایس ایچ او تورڈھیر الطاف خان معہ ASI منتظر خان نے دوران پٹرولنگ موٹرکار کو بغرض تلاشی روک کر ڈرائیور نے اپنا نام *فرہاد ولد سیف الملک سکنہ نوشہرہ* بتلا کر موٹرکار میں بڑی مقدار میں کپڑوں کے تان لوڈ کی گئی تھیں جن کی بابت دریافت پر وہ کوئی ثبوت یا رسید پیش نہ کرسکا۔
لوڈ شدہ کپڑے کے نان کسٹم پیڈ تان کی بابت کسٹم حکام کو مطلع کیا گیا، جن کے آنے پر انسپکٹر کسٹم ڈیپارٹمنٹ کو 75 عدد نان کسٹم پیڈ کپڑے کے تان، موٹر کار اور ملزم فرہاد حوالہ کئے گئے۔

17/03/2022

((شہنشاہ خان نے اپر کورس میں مردان ریجن میں تیسری پوزیشن حاصل کرلی))
پوليس ٹريننگ کالج هنگو آپر کورس امتحان ميں صوبه خيبر پختونخواه بشمول اسلام اباد میں آٹھویں جبکه مردان ريجن میں تیسری پوزيشن حاصل کرلی۔
شہنشاہ خان ایک دلیر اور قابل آفیسر ھے جو خصوصی طور پر تحصیل لاھور میں کامیاب وقت گزار چکے ھے

15/03/2022

الحمداللہ متنی چنگن 1کے چیئرمین مسلم شاہ باچا نے متنی چنگن1 میں حلف برداری کے دوسرے دن اپنا چارج سنبھال لیا۔ہماری دلی دعا ہے کہ اللّه پاک مسلم شاہ کو خدمت خلق کی توفیق عطا فرمائے امین

14/03/2022

صوابی پولیس

13/03/2022

نوشہرہ کلاں شاہ گل بابا آرہٹ بجلی کے کھمبے پر چڑھے ہوئے شخص کو بجلی نے پکڑ لیاجو موقع پر جاں بحق ہوگیا ۔۔ریسکیو 1122 کے اہلکاروں نے لاش کو اسپتال منتقل کردیا۔۔جاں بحق شخص کی شناخت جان محمد سکنہ زمان خیل کے نام سے ہوئی
نوٹ :-یہ جاں بحق شخص واپڈا اہلکار نہیں۔۔۔

10/03/2022

اطلاع برائے
نئے منتخب بلدیاتی نمائندہ گان.

ڈپٹی کمشنر صوابی کیپٹن ریٹائرڈ ثناءاللہ خان تمام نئے منتخب بلدیاتی نمائندہ گان کو مبارک باد پیش کرتے ہیں.
ان کے ساتھ تمام معزز منتخب بلدیاتی نمائندہ گان کو اطلاع دی جاتی ہے. کہ مورخہ 14 مارچ 2022 کو بوقت 11 بجے تمام شہری اور دیہی کونسل کے چیئرمین اور ممبران اپنے اپنے ROs کے مقرر کردہ جگہوں پر حلف اٹھائیں گے.
جبکہ اسی ہی دن دوسری نشست میں بوقت 2 بجے تمام شہری و دیہی کونسل کے چیئرمین بشمول تحصیل چئیرمین اپنے اپنے ROs کے مقرر کردہ جگہوں پر اپنے اپنے عہدوں کو حلف اٹھائیں گے.
تمام معزز ممبران سے درخواست ہے کہ اپنی حاضری یقینی بنائیں.
شکریہ

صاحبزادہ صوابی
فوکل پرسن
DRO SWABI

10/03/2022

(((----تازہ ترین-----)))
صوابی: جے یو ائی ف کے ضلعی امیر مولانا فضل علی حقانی نے کل صبح نو بجے صوابی امن چوک میں جمع ھونے اور وھاں سے پورا ضلع صوابی جام کرنے کی ھدایت جاری کردی۔ میڈیا سے بات چیت