27/01/2025
صدرساہیوال چیمبر آف کامرس اینڈ انڈسٹری ساہیوال شیخ عظمت سلیم نے شرح سود میں 500 پوائنٹس کمی کرنے کا مطالبہ کر دیا۔
انہوں نے کہا کہ اسٹیٹ بینک کے پاس پالیسی ریٹ 8 فیصد پر لانے کی گنجائش موجود ہے۔
انہوں نے کہا کہ مرکزی بینک پیر کو ہونیوالے مانیٹری کمیٹی اجلاس میں شرح سود میں 5 فیصد کمی کرے۔
انہوں نے کہا کہ حالیہ ہفتے مہنگائی بڑھنے کی شرح صفر اعشاریہ 52 فیصدکی کم ترین سطح پر آگئی ہے۔
پالیسی ریٹ کی موجودہ دو ہرے ہندسے کی شرح غیر منصفانہ ہے۔
انہوں نے کہا کہ مہنگائی میں کمی کے باوجود بلند شرح سود کاروباری سرگرمیوں کے فروغ میں رکاوٹ ہے۔
انہوں نے مزید کہا کہ مہنگائی میں کمی کا فائدہ عام آدمی تک پہنچانا ضروری ہے۔
انہوں نے کہا کہ شرح سود میں 5 فیصد کمی سے بینکوں میں پڑے ہوئے پیسے صنعتوں میں لگیں گے، پیسے کی سرکولیشن بڑھنے سے ملک میں روزگار کے نئے مواقع پیدا ہونگے۔
شرح سود میں بڑی کمی ملکی معیشت کی بہتری اور مالی استحکام کے حوالے سے اہم ہے۔
انہوں نے کہا کہ شرح سود میں کمی برآمدات میں اضافے، نئی سرمایہ کاری کی حوصلہ افزائی کریگی، معیشت ٹریک پر آ چکی، پائیدار معاشی استحکام کیلئے کاروبار دو ست اقدامات ناگز یر ہیں۔
