http://www.facebook.com/Lehr.e.Adab

Lehr-e-Adab Sahiwal, Street No. 5, Kot Khadim Ali Shah, Sahiwal (2024)

01/08/2022

ساہیوال: ڈائریکٹر ساہیوال آرٹس کونسل ڈاکٹر ریاض ہمدانی نے کہاہے کہ قوموں کی پہچان ان کی تہذیب و تمدن، ثقافت اور اقدار سے ہوتی ہے۔ ہماری نوجوان نسل کو اپنی تہذیب اور اپنی روایات کے ساتھ آگے بڑھنا چاہیے۔پروفیسرعبدالمجید کی کتاب بطور خاص موجود ہ دور میں نوجوان نسل کی رہنمائی کیلئے اہم کرداراداکریگی۔ان خیالات کااظہارانہوں نے اپنے دفترمیں سابق ڈائریکٹرکالجز پروفیسرعبدالمجید سے ملاقات کے دوران کیا۔اس موقع پر پروفیسرعبدالمجید نے ڈاکٹر ریاض ہمدانی کو ہڑپہ تہذیب پرلکھی گئی تحقیقی کتاب پیش کی۔ انہوں نے پروفیسرعبدالمجید کا شکریہ اداکرتے ہوئے کہاکہ ہڑپہ سے ہماری آشنائی کا سلسلہ بہت پرانا ہے بلکہ اگر کہا جائے کہ یہ نصف صدی کا قصہ ہے دو چار برس کی بات نہیں.... تو درست ہوگا۔انہوں نے کہاکہ نوجوان نسل کوہڑپہ کی تہذیب سمجھنے کیلئے پروفیسرعبدالمجید کی کتاب کامطالبہ ضرورکرناچاہیے۔

31/07/2022

ساہیوال: سوسائٹی آف آپس اینڈ گائنی پاکستان کی صدر پروفیسر ڈاکٹر عزیز النساء عباسی نے کہا ہے کہ زچگی کے دوران خواتین کو مناسب خوراک کے ساتھ اضافی وٹامنز کی فراہمی انتہائی ضروری ہے تاکہ زچہ و بچہ کی جان کا تحفظ کیا جا سکے۔صحت مند ماں کے بغیر صحتمند بچے کی پیدائش ناممکن ہے اس لئے خواتین کی صحت پر سب سے زیادہ توجہ دی جانی چاہیے۔انہوں نے یہ بات سوسائٹی آف آپس اینڈ گائنی پاکستان کے ساہیوال چیپٹر کے نو منتخب عہدیداران کی حلف برداری تقریب سے خطاب کرتے ہوئے کہی جس میں ضلع ساہیوال، اوکاڑہ، پاکپتن، بہاولنگر،وہاڑی اور خانیوال سے تعلق رکھنے والی گائناکالوجیٹس نے بڑی تعداد میں شرکت کی۔پروفیسر ڈاکٹرعزیز النساء عباسی نے سوسائٹی کے ساہیوال چیٹر کی نومنتخب چیئرمین اور ساہیوال میڈیکل کالج کے شعبہ گائنی کی سربراه ڈاکٹر صفیہ اظہار، وائس چیئرمین ڈاکٹر زریں امجد،جنرل سیکرٹری ڈاکٹر حنا الیاس اور انفارمیشن سیکرٹری ڈاکٹر سعیدہ بانو سے ان کے عہدوں کا حلف لیا۔تقریب سے خطاب کرتے ہوئے ڈاکٹر صفیہ اظہار نے اس عزم کا اظہار کیا کہ سوسائٹی خواتین کی عمومی صحت کے ساتھ ساتھ انہیں گائنی کی پچیدگیوں سے بچانے میں اپنا اہم کردار ادا کرے گی اور اس سلسلے میں ممبران لیڈی ڈاکٹرز کی تربیتی ورکشاپس بھی منعقد کرائی جائیں گی تاکہ انہیں اس شعبے میں ہونے والی جدید ریسرچ سے آگاہ رکھا جا سکے۔انہوں نے کہا کہ دوران زچکی حاملہ خواتین کی صحت کا تحفظ نہ صرف خواتین کی شرع اموات کم کرنے میں مدد دے گا بلکہ اس سے نوزائیدہ بچوں کو بہت سی بیماریوں سے بھی بچایا جا سکے گا۔ تقریب میں ڈاکٹر صائمہ عزیز،ڈاکٹر حافظ محمد امجد،ڈاکٹراحمد ذیشان جمیل،ڈاکٹررئیس عباس لیل،ڈاکٹر اختر محبوب،ڈاکٹر محمد وسیم،ڈاکٹررفیع عباس،ڈاکٹرمحمد سلیم،ڈاکٹرعامر دیوان اور ڈاکٹرعبدالغفارنے بھی شرکت کی۔تقریب کے اختتام پر ڈاکٹر صفیہ اظہار نے ڈاکٹرعزیز النساء عباسی اور ڈاکٹر صائمہ عزیز کو یادگاری شیلڈز بھی پیش کیں۔

31/07/2022

ساہیوال: کمشنر ساہیوال ڈویثزن سلوت سعید نے رات گئے شہر سے نکلنے والے ذوالجناح کے مرکزی جلوس کے روٹ کا معائنہ کیا۔آر پی او طیب حفیظ چیمہ بھی ان کے ہمراہ تھے۔کمشنر سلوت سعید نے ہدایت کی کہ عزا داروں کی سہولت کے لئے میونسپل کارپوریشن بہترین انتظامات کرے۔انہوں نے امام بارگاہ قصر بتول سے ماہی شاہ قبرستان تک سڑکوں کا پیچ ورک جلد مکمل کرنے کی بھی ہدایت کی۔انہوں نے ہدایت کی کہ جلوس کی مانیٹرنگ کے لئے سی سی ٹی وی کیمرے لگائے جائیں اور روٹ کے تمام راستے پر سٹریٹ لائٹس مکمل فعال ہوں۔ انہوں نے کہا کہ بارش کی صورت میں فوری نکاسی آب کو یقینی بنایا جائے اور اس سلسلہ میں کارپوریشن کا عملہ ہمہ وقت چوکس رہے۔

31/07/2022

ساہیوال: ڈپٹی کمشنر محمد خضر افضال چوہدری کی خصوصی ہدایت پر اشیاءصرف کی سرکاری نرخوں پر فراہمی یقینی بنانے کے لئے ضلع بھر میں 28سٹورز پر ”ڈی سی کاﺅنٹرز“ بھی قائم ہیں جہاں دالوں سمیت ضروری اشیاءمعیار کے ساتھ دستیاب ہیں -تحصیل ساہیوال میں ان ڈی سی کاﺅنٹرز کی تعداد21ہے جو شاپنگ کلب گرلز کالج روڈ ،سٹی مارٹ گرلز کالج روڈ ،نیاگرا سپر سٹور کالج چوک ،مدنی بیکرز عارف والا پل ،شرکہ سراجیہ مارٹ گرلز کالج روڈ ،حسین شاپنگ مال جھال روڈ ،بسٹو مارٹ مڈھالی روڈ ،شاپنگ کلب اذان ہائٹس ،رفیق اینڈ سنز مین مارکیٹ فرید ٹاﺅن ،سیون ڈے کیشن اینڈ کیری کالج چوک ،سردار ڈسکاﺅنٹ سٹور مسجد مہاجرین ،ایس ایس میگا مارٹ کالج چوک ،یو ایس اے مارٹ غلہ منڈی ،المکہ مارٹ لاہور روڈ ،زیڈ الیون مارٹ کوٹ خادم علی ،کے ایس مارٹ مڈھالی روڈ ،زرام حارث جہاز گراﺅنڈ ،رائز اینڈ شائن عیسی نگری ،سردار مارٹ مزدور پلی ،ماشا اللہ کریانہ سٹور صدر بازار کمیر اورظہیر کریانہ سٹور نائی والا روڈ ہڑپہ میں قائم ہیں۔ اسی طرح تحصیل چیچہ وطنی میں قائم 7 ڈی سی کاﺅنٹرز سوپر ڈوپر مارٹ فاروق شہید چوک ،اربن مارٹ کمبوہ چوک ،شویو سٹی بورے والا روڈ ،اجوا مارٹ اوکانوالہ روڈ ،شان سپر سٹور ملک مارکیٹ ،عارف کریانہ سٹور کسووال اور مدینہ سپر سٹور اڈا اقبال نگر پر عوام کو سرکاری نرخوں پر خرید کی سہولت فراہم کر رہے ہیں -

31/07/2022

ساہیوال: کمشنر ساہیوال ڈویژن سلوت سعید کی ذاتی دلچسپی سے دریائے راوی کے کٹاؤ سے ساہیوال فیصل آباد روڈ کو دریا برد ہونے سے بچا لیا گیا ہے اور اب حفاظتی دیوار کو مزید مضبوط بنایا جا رہا ہے۔ ایس ای ہائی وے سرکل ساہیوال اشفاق حسین نے قطب شہانہ پل پر جاری کام کی تفصیلات دیتے ہوئے بتایا کہ اب تک 36ٹرک پتھر سائٹ پر پہنچ چکا ہے جس سے فوری ضرورت کی ایک حفاظتی دیوار مکمل کر لی گئی ہے جبکہ دوسری پر کام تیزی سے جاری ہے۔ محکمہ ایریگیشن کی تکنیکی معاونت سے ان دیواروں کی تعمیر کی جا رہی ہے تاکہ دریائے راوی کے کٹاؤ کو روکا جا سکے۔ انہوں نے مزید بتایا کہ محکمہ ایریگیشن نے سڑک کو مستقل طور پر محفوظ بنانے کیلئے 16،16فٹ کی 4حفاظتی دیواریں تعمیر کرنے کی تجویز دی ہے جن میں ایک مکمل ہو چکی ہے جبکہ دوسری دیوار پر کام جاری ہے۔ جس کیلئے مزید 20ٹرک پتھر سائٹ پر پہنچ رہا ہے جسکے بعد تیسری اور چوتھی دیوار بھی تعمیر کی جائے گی۔

30/07/2022

ساہیوال: محرم الحرام کے دوران مذہبی ہم آہنگی برقرار رکھنا اور تمام مذاہب کے ماننے والوں میں بھائی چارے کا فروغ مذہبی رہنماؤں کے ساتھ ساتھ معاشرے کی بھی ذمہ داری ہے جس میں تمام شعبہ ہائے حیات کے افراد کو اپنا اہم کردار ادا کرنا چاہیے۔ یہ بات بین المذاہب ہم آہنگی کی ضلعی کمیٹی کے اجلاس سے مقررین نے خطاب کرتے ہوئے کہی جو اے ڈی سی فنانس یاسر فرید کی صدارت میں منٹگمری ہال میں منعقد ہوا۔ اجلاس میں اے ڈی سی جنرل نعمان افضل، اسسٹنٹ کمشنر صولت حیات وٹو، چیف آفیسر ضلع کونسل شہزاد اقبال قریشی اور کارپوریشن کے میونسپل آفیسر سروسز اسد خان بابر سمیت علماء کرام سید ضیاء اللہ شاہ بخاری، قاری بشیر احمد، قاری عبدالباسط اور مسیحی مذہبی رہنماؤں ابراھام عظیم ڈینیئل، ایلڈر دلبر جانی، شماز نذر، فادر ندیم جوزف اور ظہیرہ وقاص نے بھی شرکت کی۔ مقررین نے ساہیوال میں دونوں مذاہب کے درمیان مثالی مذہبی ہم آہنگی کو دوسروں کیلئے مشعل راہ قرار دیا اور امید ظاہر کی کہ وقت کے ساتھ ساتھ اس ہم آہنگی اور بھائی چارے کو مزید مضبوط کیا جائے گا۔ انہوں نے امن کی کوششوں میں نوجوان طبقے کو شامل کرنے اور اس سلسلہ میں کالجز اور یونیورسٹیوں میں امن سیمینار اور امن واک کرانے کی بھی تجویز دی۔ مقررین نے مذہبی اور فرقہ وارانہ منافرت پھیلانے کیلئے سوشل میڈیا کے استعمال پر کڑی نظر رکھنے کی تجویز دی تاکہ سماج دشمن عناصر اپنے مفہوم مقاصد میں کامیاب نہ ہو سکیں۔ اجلاس میں مسیحی رہنماؤں نے برادری کو درپیش مختلف مسائل کی بھی نشاندہی کی۔

30/07/2022

ساہیوال: ڈائریکٹر جنرل ایکسٹینشن محکمہ لائیوسٹاک ڈاکٹر احتشام خان کا ساہیوال ڈویژن کا دورہ، محکمے کے سپر وائزری افسران کے ساتھ لمپی اسکن بیماری کے حوالے سے اجلاس کی صدارت کی جس میں تینوں اضلاع کے ایڈیشنل ڈائیریکٹرز اور ڈپٹی ڈائریکٹرز نے شرکت کی۔اجلاس میں لمپی سکن بیماری کی موجودہ صورتحال کو زیر بحث لایا گیا اور تمام اضلاع کے ایڈیشنل ڈائریکٹرز نے لمپی سکن بیماری سے متاثرہ جانوروں کی تعداد اور اموات اور ویکسین کی دستیابی کے بارے میں آگاہ کیا۔ ڈائریکٹر جنرل ایکسٹینشن نے تمام فیلڈ افسران کو سروس ڈیلیوری بہتر بنانے اور فارمرز کو تمام ممکن سہولیات فراہم کرنے پر زور دیا۔انہوں نے افسران کو مزید ہدایت کی کہ لائیو اسٹاک کا عملہ لمپی سکن بیماری سے متاثرہ جانوروں کے علاج معالجہ میں مویشی پال حضرات کی رہنمائی کریں اور جانوروں کو اس موذی مرض سے بچاؤ کے لئے اپنا اپنا کردار ادا کریں۔بعد ازاں انہوں نے چک نمبر 55/5L اور 64/4R کے فیلڈ ہسپتالوں کا دورہ کیا اور مختلف مویشی ہال حضرات سے ملاقات کرنے کے ساتھ ساتھ متاثرہ جانوروں کا معائنہ کیا اور عملے کو ضروری ہدایات دیں۔

30/07/2022

ساہیوال: کمشنر ساہیوال ڈویژن سلو ت سعید نے کہا ہے کہ امام حسین ؓکی عظیم قربانی اسلام کی سربلندی اور حق بات پر ڈٹ جانے کا درس دیتی ہے جس کیلئے امت میں اتحاد اور فرقہ وارانہ ہم آہنگی کا کلیدی کردار ہے۔ تمام مکاتب فکر کے علماء کرام کے درمیان باہمی عزت و احترام معاشرے میں مذہبی رواداری کے فروغ میں بنیادی اہمیت کا حامل ہے جنہوں نے ہمیشہ قوم کی رہنمائی کی۔ وہ یہاں اپنے دفتر میں ڈویژنل امن کمیٹی کے ویڈیو لنک اجلاس سے خطاب کر رہی تھیں جس میں آرپی او طیب حفیظ چیمہ اور ایڈیشنل کمشنر کوارڈینیشن شفیق احمد ڈوگر سمیت ڈپٹی کمشنرز، ڈی پی اوز اور کمیٹی کے ارکان نے شرکت کی۔ انہوں نے مجالس عزا اور ذوالجناح کے جلوسوں کے منتظمین پر زور دیا کہ وہ ضابطہ اخلاق کی مکمل پابندی کریں اور کسی کو بھی طے شدہ طریقہ کار سے انحراف کی اجازت نہ دیں۔ آر پی او طیب حفیظ چیمہ نے علماء کرام پر زور دیا کہ وہ شرپسندوں کی نشاندہی کریں تاکہ ان کے مذموم مقاصد کو ناکام بنایا جا سکے۔ انہوں نے کہا کہ تفرقہ قوموں کو تباہ کر دیتا ہے جبکہ باہمی اتحاد میں ہی امت کی فلاح ہے اس لئے ہر شخص اتحاد اور رواداری کے فروغ کیلئے اپنا کردار ادا کرے۔ ڈویژنل امن کمیٹی سے علماء کرام نے بھی خطاب کیا اور محرم الحرام کے دوران فرقہ ورانہ ہم آہنگی اور مذہبی رواداری کو برقرار رکھنے میں انتظامیہ کو مکمل تعاون کا یقین دلایا۔ ضلع ساہیوال کی نمائندگی کرتے ہوئے مولانا محمد حسن معصومی نے کہا کہ دوسرے علاقوں سے آ نے والے ذاکرین اور واعظین کو واضح ہدایات دی جا چکی ہیں کہ وہ کوئی ایسا فقرہ ادا نہ کریں جو نفاق کا سبب بنے۔ قاری بشیر احمد نے کہا کہ اختلاف امت میں شر کا باعث نہیں بلکہ خیر کا باعث ہے کیونکہ اسی سے فقہی مسائل حل ہوتے ہیں۔ ضلع پاک پتن سے مفتی زاہد اسدی اور مولانا سردار علی سردار نے اور ضلع اوکاڑہ سے سید کوثر رضوی اور حکیم ظفر اللہ قمر نے کہا کہ ہر مسلمان حسینی ہے،حسینیت سب مسالک کا مشترکہ اثاثہ ہے اور کسی شر پسند کو اس اثاثے کو نقصان پہنچانے کی اجازت نہیں دی جائے گی۔ انہوں نے کہا کہ اگر انسانیت کی قدر ہو، ذمہ داری کا احساس ہو اور نیت خالص ہو تو کوئی طاقت معاشرے میں تفرقہ نہیں ڈال سکتی۔ اتحاد بین المسلمین ساہیوال ڈویژن کے جنرل سیکرٹری شیخ اعجاز رضا نے نیشنل ایکشن پروگرام کے 20 نکات پر مکمل عمل درآمد کی ضرورت پر زور دیا اور کہا کہ تمام مکاتب فکر کے علماء ملک میں امن کے قیام کیلئے ہراول دستہ اور انتظامیہ کا دست و بازو ہیں۔ ڈویژنل امن کمیٹی کے اجلاس سے خطاب کرتے ہوئے اسلامی نظریاتی کونسل کے ممبر اور اتحاد بین المسلمین ساہیوال ڈویژن کے صدر مولانا ضیاء اللہ شاہ بخاری نے کہا کہ فکری اختلاف سے اسلام میں ہونے والی تحقیق میں وسعت آئی کیونکہ ہر مکتبہ فکر قرآن و حدیث سے ہی اجتہاد کرتا ہے۔ انہوں نے انتظامیہ کو یقین دلایا کہ تمام مکاتب فکر کے علماء کرام ماضی کی طرح اس محرم الحرام کے دوران بھی فرقہ وارانہ ہم آہنگی کی مثالی فضا برقرار رکھنے کیلئے بھرپور تعاون کریں گے۔ اجلاس کے اختتام پر سید زاہد گیلانی نے امام حسین ؓ کی شان میں منظوم نذرانہ محبت پیش کیا جبکہ سید ضیاء اللہ شاہ بخاری نے ملک کی ترقی اور امن کے لئے خصوصی دعا کروائی۔

29/07/2022

ساہیوال: ساہیوال تعلیمی بورڈ کے انٹرمیڈیٹ امتحانات کامیابی سے اختتام پزیر ہوگئے. امتحانات میں 55ہزار طلباء و طالبات شریک ہوئے جن کیلئے ساہیوال ڈویژن کے تینوں اضلاع میں 145سنٹر ز بنائے گئے تھے۔ کمشنر ساہیوال وچیئرپرسن ساہیوال تعلیمی بورڈ سلوت سعید کی ہدایت پر تمام سنٹرز پر بہترین انتظامات کئے گئے تھے۔ یہ بات کنٹرولر بورڈ ساہیوال رانا نوید عظمت نے ایک ملاقات میں بتائی۔انہوں نے بتایا کہ تمام امتحانی سنٹرز پرپہلی بار طلباء وطالبات کیلئے پینے کے ٹھنڈے پانی کی فراہمی اور بجلی کی لوڈشیڈنگ کی صورت میں جنریٹر کے ذریعے بجلی کے انتظامات کرکے فیول چارجز جاری کئے گئے۔ انہوں نے کہاکہ ساہیوال تعلیمی بورڈ نے امسال پہلی بار سوالیہ پرچوں میں واٹرمارک کی نشاندہی کا آغاز کیا ہے جس سے امتحانی نظام میں مزید شفافیت آئیگی۔امتحانات کو صاف شفاف بنانے کیلئے مانیٹرنگ کے سخت انتظامات کئے اور بوٹی مافیا کے خلاف کارروائی کرتے ہوئے 4مقدمات درج کروائے گئے۔

29/07/2022

ساہیوال: ڈپٹی کمشنر محمد خضر افضال چوہدری نے قطب شہانہ پل کا دورہ کیا اور دریائے راوی میں طغیانی کے باعث جاری کٹاو کا معائنہ کیا۔ ایکسن ہائی وے منصور حیدر بخاری نے ڈپٹی کمشنر کو ساہیوال فیصل آباد روڈ کو کٹاؤ سے بچانے کے اقدامات بارے تفصیلی بریفنگ دی۔ انہوں نے بتایا کہ اب تک 25ٹرک پتھر کے آ چکے ہیں اور5 مزید ٹرک شام تک پہنچ جائیں گے۔ انہوں نے بتایا کہ کٹاؤ کو روکنے کیلئے ہیوی مشینری کی مدد سے سڑک کے کناروں کو پتھر رکھ کر مزید مضبوط بنایا جا رہا ہے۔ ڈپٹی کمشنر محمد خضر افضال چوہدری نے ہدایت کی کہ کام کی رفتار مزید تیز کی جائے تاکہ سڑک کو بڑے نقصان سے بچایا جائے۔ انہوں نے کہا کہ دریا سے ملحقہ دیہات کے لوگوں کی جان و مال کی حفاظت انتظامیہ کی ذمہ داری ہے اور اس مقصد کیلئے تمام وسائل بروئے کار لائے جائیں گے۔

29/07/2022

ساہیوال: کمشنر ساہیوال ڈویژن سلوت سعید کا ڈویژن میں لمپی سکن بیماری سے جانوروں کی اموات پر اظہار تشویش، محکمہ لائیوسٹاک کی کارکردگی پر ناراضگی کا اظہار، محکمہ کسانوں کو نقصان سے بچانے کیلئے ویکسینیشن کا عمل تیز کرے، کمشنر کی ہدایت۔ ڈویژن کے تمام ڈپٹی کمشنرز اب تک کی گئی ویکسینیشن کے اعدادو شمار کی فیلڈ ویریفیکیشن بھی کروائیں۔ تفصیلات کے مطابق ساہیوال ڈویژن میں لمپی سکن بیماری کے پھیلاؤ سے ہونے والی اموات اور کسانوں میں پائی جانے والی شدید بے چینی کو دور کرنے کیلئے کمشنر ساہیوال ڈویژن سلوت سعید کی صدارت میں ایک ویڈیو لنگ اجلاس کمشنر آفس میں منعقد ہوا جس میں ایڈیشنل کمشنر کوارڈینیشن شفیق احمد ڈوگر سمیت تینوں اضلاع کے ڈپٹی کمشنرز اور محکمہ لائیوسٹاک کے افسران نے شرکت کی۔ کمشنر سلوت سعید نے ویکسینیشن سے متعلق عوامی شکایات پر ناراضگی کا اظہار کیا اور ہدایت کی کہ فیلڈ سٹاف کسانوں سے قریبی رابطہ رکھے اور جانوروں کی زیادہ سے زیادہ ویکسینیشن کو یقینی بنائیں۔ انہوں نے پیسے لے کر ویکسینیشن کرنے کی شکایات پر بھی ناراضگی کا اظہار کرتے ہوئے محکمہ لائیوسٹاک کے ڈویژنل و ضلعی افسران کو وارننگ دی کہ وہ اپنی کارکردگی میں بہتری لائیں ورنہ ان کے خلاف تادیبی کاروائی کی جائے گی۔ انہوں نے کہا کہ محکمے کا فیلڈ سٹاف دفتروں کی بجائے فیلڈ میں بھی نظرا ٓنا چاہیے اور وہ خود ان کی فیلڈ میں موجودگی مانیٹر کریں گی۔ اجلاس میں ڈائریکٹر لائیوسٹاک نے بتایا کہ ڈویژن میں اب تک لمپی سکن سے 33 جانور ہلاک ہو چکے ہیں جبکہ 2284جانور اس بیماری کا شکار ہوئے ہیں جن میں 777ضلع ساہیوال میں، 1122ضلع اوکاڑہ اور 385ضلع پاک پتن میں ہیں۔ انہوں نے مزید بتایا کہ اب تک ڈویژن بھر میں ایک لاکھ3ہزار سے زائد جانوروں کی بیماری سے بچاؤ کی ویکسینیشن کی جا چکی ہے۔

29/07/2022

ساہیوال: کمشنر ساہیوال ڈویژن سلوت سعید نے ساہیوال ٹیچنگ ہسپتال کا دورہ کیا اور چک نمبر 102/9L میں چھت گرنے کے حادثے میں زخمیوں کی عیادت کی۔ ڈپٹی کمشنر محمد خضر افضال چوہدری بھی ہمراہ تھے۔ وہ ایمرجنسی میں زیر علاج ہر زخمی کے پاس گئیں اور ان کی خیریت دریافت کی۔ انہوں نے افسوسناک حادثے پر دکھ کا اظہار کیا اورڈیوٹی ڈاکٹروں کو ہدایت کی کہ زخمیوں کوعلاج کی بہترین سہولیات فراہم کی جائیں اور مکمل صحت یابی تک زخمیوں کو زیر علاج رکھا جائے۔

28/07/2022

ساہیوال: محکمہ زراعت (توسیع) ساہیوال کے زیر اہتمام تحصیل ساہیوال اورتحصیل چیچہ وطنی کے کھاد ڈیلرز کے لیے تربیتی ورکشاپ کا انعقاد کیا گیا۔ورکشاپ کا مقصد ڈیجیٹل گرداوری کی بنیاد پر کاشتکاروں کو کھادوں کی فراہمی یقینی بنانا ہے تاکہ صرف اصل کاشتکار کو ہی مطلوبہ مقدار میں کھاد کی فراہمی کو یقینی بنایا جا سکے اورناجائز طور پر کھاد خرید کر بلیک مارکیٹنگ میں فروخت کرنے والوں کی حوصلہ شکنی ہو سکے۔ ورکشاپ میں دونوں تحصیلوں کے کھاد ڈیلرز نے شرکت کی جس میں رانا مقصود احمد ڈپٹی ڈائریکٹر زراعت (توسیع) ساہیوال نے کھاد ڈیلرزکو ٹریننگ کے مکمل اغراض و مقاصد کے بارے تفصیلی آگاہی فراہم کی۔ انہوں نے کہا کہ کاشتکاروں کو شفاف طریقے سے کھادوں کی تقسیم کو یقینی بنانا اور ان کے استحصال کو روکنا ہماری اولین ترجیحات میں شامل ہے۔انہوں نے کہا کہ محکمہ کی ہدایات پر عمل کرتے ہوئے اس الیکٹرانک طریقہ کار (ای۔فرٹیلائزر ڈسٹریبیوشن سسٹم) کے ذریعے ہی کھاد کی فراہمی کو یقینی بنائیں گے۔انہوں نے کھاد ڈیلرز پر زور دیا کہ وہ جلد از جلد محکمہ زراعت (توسیع) سے اپنی رجسٹریشن کا عمل مکمل کروائیں۔ اسسٹنٹ ڈائریکٹر زراعت مہر لیاقت، زراعت آفیسر ٹیکنیکل ڈاکٹر محمد اسلم اور دیگر افسران بھی اس موقع پر موجود تھے۔

28/07/2022

ساہیوال: کمشنر ساہیوال کا قطب شہانہ کا ہنگامی دورہ، دریائے راوی کے کٹاؤ کی جگہ کا معائنہ، دریا کے کٹاو کو روکنے کیلئے تمام وسائل بروئے کار لائے جائیں، کمشنر کی ہدایت۔ تفصیلات کے مطابق کمشنر ساہیوال ڈویژن سلوت سعید نے قطب شہانہ کا ہنگامی دورہ کیا اور دریائے راوی کے کٹاؤ کی جگہ کا تفصیلی معائنہ کیا۔ ڈپٹی کمشنر محمد خضر افضال چوہدری اور چیف انجنیئر اریگیشن رانا محمد افضل بھی ہمراہ تھے۔ ایکسین ایل بی ڈی سی عمر ابرار نے کمشنر کو کٹاؤ سے متعلق تفصیلی بریفنگ دی۔ اس موقع پر کمشنر ساہیوال سلوت سعید نے کہا کہ ساہیوال فیصل آباد روڈ کو کٹاؤ سے بچانے کے اقدامات میں تیزی لائی جائے اور سڑک کے کناروں کو پتھر رکھ کر مزید مضبوط بنایا جائے۔ انہوں نے محکمہ اریگیشن اور ہائی وے کٹاؤ روکنے کے مشترکہ اقدامات اٹھانے کی بھی ہدایت کی۔ کمشنر ساہیوال ڈویژن سلوت سعید نے علاقہ مکینوں سے بھی ملاقات کی اور دریا کے کٹاؤ کو روکنے کے لئے ہر ممکن اقدامات اٹھانے کی یقین دہانی کروائی۔ انہوں نے کہا کہ دریا سے ملحقہ دیہات کے لوگوں کی جان و مال کی حفاظت انتظامیہ کی ذمہ داری ہے اور اس مقصد کیلئے تمام وسائل بروئے کار لائے جا رہے ہیں۔ایس ای ھائی وے اشفاق حسین اور ایس ای ایل بی ڈی سی سرفراز خالد بھی اس موقع پر تھے۔

27/07/2022

ساہیوال: پنجاب گیمز 2022میں شرکت کیلئے ساہیوال ڈویژن سے مردوں اور خواتین کھلاڑیوں کے چناؤ کیلئے اوپن ٹرائلز 29جولائی سے 3اگست تک منعقد ہونگے۔ پنجاب گیمز اگست کے دوسرے ہفتے منعقد ہونگی۔ یہ بات ڈسٹرکٹ سپورٹس آفیسر چوہدری عبدالقیوم نے ایک پریس ریلیز میں بتائی۔ انہوں نے مردوں کے ٹرائلز کے شیڈول کی تفصیلات دیتے ہوئے بتایا کہ 29جولائی بروز جمعہ آرچری کیلئے ٹرائل صبح 11بجے جناح سٹیڈیم اوکاڑہ، بیڈمنٹن کیلئے شام 5بجے بیڈمنٹن ہال ساہیوال، بیس بال کیلئے صبح 11بجے تحصیل سپورٹس کمپلکس دیپالپور، باسکٹ بال کیلئے شام 5بجے منیر نیازی پارک فرید ٹاؤن ساہیوال، ہاکی کیلئے شام 3بجے ہاکی گراؤنڈ نانکپور پاکپتن میں جبکہ خواتین کے اوپن ٹرائل آرچری میں صبح 11بجے جناح سٹیڈیم اوکاڑہ، بیڈمنٹن کیلئے شام 5بجے بیڈمنٹن ہال ساہیوال اور باسکٹ بال کے لئے ٹرائل صبح 11بجے منیر نیازی پارک فرید ٹاؤن ساہیوال میں منعقد ہونگے۔ انہوں نے مزید بتایا کہ 30جولائی بروز ہفتہ مردوں کے اتھلیٹکس کے ٹرائل صبح10بجے گورنمنٹ کالج ساہیوال، سائیکلنگ کیلئے صبح11 بجے ظفر علی سٹیڈیم ساہیوال، فٹ بال کیلئے شام 3بجے الفیصل فٹ بال گراؤنڈ ساہیوال، ہینڈبال کیلئے شام 4بجے گورنمنٹ کالج ساہیوال، جوجتسو کیلئے شام 4بجے سپورٹس جمنیزیم ساہیوال، کراٹے کیلئے صبح 10بجے سپورٹس جمنیزیم ساہیوال اور لان ٹینس کیلئے شام 3بجے ساہیوال کلب، ٹیبل ٹینس کیلئے صبح 11بجے سپورٹس جمنیزیم اوکاڑہ میں جبکہ خواتین اتھلیٹکس کے ٹرائلز صبح10بجے گورنمنٹ کالج ساہیوال اور سائیکلنگ کیلئے صبح11بجے ظفر علی سٹیڈیم میں منعقد ہونگے۔ ڈسٹرکٹ سپورٹس آفیسر چوہدری عبدالقیوم نے 31جولائی بروز اتوار مردوں کے ٹرائلز کی تفصیلات دیتے ہوئے بتایا کہ جمناسٹکس کیلئے دوپہر ایک بجے سپورٹس جمنیزیم ساہیوال، کبڈی کیلئے شام 4بجے جمخانہ کرکٹ گراونڈ میں منعقد ہونگے جبکہ یکم اگست بروز پیر مردوں کے پینٹاتھلون کے ٹرائلز صبح9بجے قائد اعظم سٹیڈیم ساہیوال، رولر سپورٹس کیلئے صبح11بجے سپورٹس جمنیزیم ساہیوال، رگبی کیلئے صبح10بجے جناح سٹیڈیم اوکاڑہ، سکوائش کیلئے شام 3بجے میونسپل سٹیڈیم اوکاڑہ، سوئمنگ کیلئے صبح11بجے سوئمنگ پول ساہیوال، ٹائیکوانڈو کیلئے شام 3بجے سپورٹس جمنیزیم ساہیوال، والی بال کیلئے شام 3بجے ہاکی گراونڈ ساہیوال، ویٹ لفٹنگ کیلئے شام 2بجے ظفر علی سٹیدیم ساہیوال، ریسلنگ کیلئے صبح10بجے سپورٹس جمنیزیم ساہیوال اور ووشو کیلئے صبح10بجے سپورٹس جمنیزیم ساہیوال جبکہ خواتین کے ہاکی کیلئے ٹرائلز شام 4بجے سپورٹس ہاکی گراؤنڈ ساہیوال میں منعقد ہونگے جبکہ خواتین کے ٹیبل ٹینس کیلئے ٹرائل 3اگست بروز بدھ صبح11بجے سپورٹس جمنیزیم اوکاڑہ میں منعقد ہونگے۔

27/07/2022

ساہیوال: ڈپٹی کمشنر محمد خضر افضال چوہدری کی زیر صدارت منٹگمری ہال میں انسداد ڈینگی سرگرمیوں کا جائزہ اجلاس منعقد ہوا۔ اجلاس میں اسسٹنٹ کمشنر ساہیوال صولت حیات وٹو، اے سی چیچہ وطنی شیخ محسن نثار، سی ای او ہیلتھ ڈاکٹر مشتاق احمد سپرا، سی ای او ایجوکیشن ڈاکٹر محمد ارشد، چیف آفیسر ڈسٹرکٹ کونسل شہزاد اقبال قریشی، ڈپٹی ڈائریکٹر کالجز شباب فاطمہ، ڈپٹی ڈائریکٹر لوکل گورنمنٹ اظہر نبی دیوان سمیت تمام متعلقہ محکموں کے ضلعی افسران نے شرکت کی۔ ڈپٹی کمشنر محمد خضر افضال چوہدری نے محکمہ جنگلات ساہیوال کی غیر تسلی بخش کارکردگی پر ناراضگی کا اظہارکیا اور کہا کہ ڈینگی لاروا پر کنٹرول کرنا اولین ترجیحات میں شامل ہے اور اس سلسلہ میں کسی قسم کی سستی یا کوتاہی ہرگز برداشت نہیں کی جائے گی۔ انہوں نے تمام افسران کو ہدایت کی کہ ہاٹ سپاٹس کی ہفتہ میں دو دفعہ چیکنگ کی جائے اور آئندہ میٹنگ میں وہی افسران شامل ہونگے جو ذاتی طور پر ڈیش بورڈ کو چیک کریں گے۔ انہوں نے گورنمنٹ ٹیکنیکل ٹریننگ انسٹیٹیوٹ ساہیوال، امامیہ پوسٹ گریجویٹ، اے آر پی مشن سکول اور اولڈ جوڈیشل کمپلیکس چیچہ وطنی سے ڈینگی لاروا برآمد ہونے پر ناراضگی کا اظہار کیا اور ہدایت کی ضلع بھر کے تمام سکول و کالجز میں ڈینگی مچھر مار سپرے کروایا جائے اور صفائی کے یقینی بنایا جائے۔ انہوں نے ہدایت کی کہ تعلیمی اداروں کی صفائی یقینی بنائی جائے اور اردگرد پانی کھڑا نہ ہونے دیا جائے تاکہ ڈینگی لاروا کی افزائش کو کنٹرول کیا جا سکے۔ انہوں نے اسسٹنٹ کمشنرز کو ہدایت کی کہ اینٹی ڈینگی سرگرمیوں پر خصوصی توجہ مرکوز کریں۔ سی ای او ہیلتھ ڈاکٹر مشتاق احمد سپرا نے بتایا کہ محکمہ صحت کی ٹیمیں گھر گھر جا کر ڈینگی سرویلینس کر رہی ہیں۔ انہوں نے مزید بتایا کہ گزشتہ ہفتے ضلع ساہیوال سے ڈینگی کے 27مشتبہ مریض رپورٹ ہوئے تھے لیکن ابھی تک کوئی کنفرم مریض نہیں ہے۔ ڈپٹی کمشنر نے ہدایت کی کہ ہرمحکمہ ڈینگی سے متعلق موصول ہونے والی شکایات کو فوری حل کرے۔

27/07/2022

ساہیوال: ڈپٹی کمشنر محمد خضرافضال چوہدری نے محرم الحرام کے دوران فرقہ ورانہ ہم آہنگی، رواداری اور بھائی چارے کی فضا قائم رکھنے کے لئے چیچہ وطنی کا دورہ کیا۔ ڈی پی او ساہیوال صادق بلوچ بھی ان کے ہمراہ تھے۔انہوں نے نورالمساجد میں خطیب مفتی ظہیر احمد اور دیگر علماء کرام سے محرم الحرام کے دوران انتظامات پر مشاورت کی۔ضلعی انتظامیہ، پولیس اور تمام مکاتب فکر کے علماء کرام اس عزم کا اظہار کیا کہ محرم الحرام کے موقع پر بھائی چارے کی فضا برقرار رکھنے کیلئے باہمی تعاون کو مزید بہتر بنائیں گے اور کسی سماج دشمن عناصر کو امن و امان کی مثالی فضا خراب کرنے کی ہرگز اجازت نہیں دی جائے گی اور ایسے عناصر سے سختی سے نمٹا جائے گا۔ اسسٹنٹ کمشنر /ایڈمنسٹریٹر چیچہ وطنی شیخ محسن نثار اورڈی ایس پی مہر وسیم احمد سیال بھی اس موقع پر موجود تھے۔

26/07/2022

ساہیوال: ڈپٹی کمشنر محمد خضر افضال چوہدری نے دریائے راوی کے کٹاؤکا معائنہ کرنے کیلئے قطب شہانہ کا دورہ کیا۔ ایکسین ایل بی ڈی سی نے قطب شہانہ پل اور اردگرد کے علاقہ مکینوں کو سیلاب سے بچانے کیلئے اٹھائے جانے والے اقدامات بارے تفصیلی بریفنگ دی۔ اس موقع پر ڈپٹی کمشنر محمد خضر افضال چوہدری نے کہا کہ موسمی بارشوں کی وجہ سے دریامیں پانی کا بہاؤ زیادہ ہے اس لئے دریاکے ساتھ رہائش پذیر عوام کو محفوظ جگہ پر منتقل کیا جائے۔ انہوں نے کہا کہ دریا سے ملحقہ دیہات کے مکینوں کے جان و مال کا تحفظ انتظامیہ کی ذمہ داری ہے اور جس کے لئے کیلئے تمام ممکن اقدامات اٹھائے جائیں گے۔

26/07/2022

ساہیوال: محرم الحرام کے دوران فرقہ ورانہ ہم آہنگی، رواداری اور بھائی چارے کی فضا قائم رکھنے کے حوالے سے ڈپٹی کمشنر محمد خضر افضال چوہدری کی زیر صدارت امن کمیٹی ساہیوال کا اجلاس ہوا۔ اجلاس میں ڈی پی او صادق بلوچ، اے ڈی سی آر جنرل نعمان افضل، اے ڈی سی آر عاصم سلیم سمیت تمام مکاتب فکر کے جید علماء کرام اسلامی نظریاتی کونسل کے ممبر سید ضیاء اللہ شاہ بخاری،حاجی احسان الحق فریدی، قاری بشیر احمد،حاجی عبدالطیف، مفتی ظہیر احمد بابر،مولانا شفیع قاسمی، آغا محمد رضا خان ایڈوکیٹ، سجاد ناصر، اسامہ بخاری، سید ظفر بخاری، نعمان آصف، سید مہدی کاظمی، سید کاشف کاظمی اور شیخ عاصم اشرف موجود تھے۔ اجلاس سے خطاب کرتے ہوئے ڈپٹی کمشنر محمد خضر افضال چوہدری نے کہا کہ محرم الحرام میں امن کی فضا قائم رکھنے کیلئے آپ تمام سب کے تعاون کی ضرورت ہے اور ایکدوسرے کے مسائل کے حل کیلئے رابطہ قائم رکھا جائے گا۔ انہو ں نے امید ظاہر کی کہ آپ کے تعاون سے نہ صرف محرم الحرام میں بلکہ آنے والے دنوں میں امن و امان کی فضا قائم رہے گی۔ ڈی پی او صادق بلوچ نے امن کمیٹی ساہیوال کے کردار کو سراہا اور کہا کہ امن و امان کی صورتحال کے سلسلے میں تمام سٹیک ہولڈرز سے مشاورت جاری ہے۔ اجلاس میں مختلف مکاتب فکر کے علماء کرام نے بھی خطاب کیا اور کہا کہ ساہیوال شہر امن کا گہوارہ ہے اور یہاں کے لوگ امن پسند ہیں۔ انہوں نے کہا کہ ساہیوال میں تمام مسالک کے لوگ یکجان ہیں اور کسی قسم کا کوئی اختلاف نہیں ہے۔ انہوں نے کہا کہ تمام لوگ پہلے بھی ریاست اور ریاستی اداروں کے ساتھ شانہ بشانہ کھڑے ہیں اور وقت آنے پر اپنی آن شان حتی کہ جان بھی ملک پر قربان کرنے کیلئے تیار ہیں۔ انہوں نے کہا کہ تمام مکاتب فکر کے لوگ انتظامیہ کے ساتھ تعاون جاری رکھیں گے اور رواداری کا مظاہر ہ کیا جائے گا۔انہوں نے کہا کہ یہاں سے آپ کو امن کی خوشبوئیں آئیں گی کیونکہ ہم تما م مسالک یہاں پر متحد ہیں اور ایک دوسرے کا احترام کرتے ہیں۔ ہم آپکو یقین دلاتے ہیں کہ یہاں پر کوئی مسئلہ نہیں ہے۔انہوں نے کہا کہ یہاں ہمیشہ امن کی بات ہوتی ہے اور ہوتی رہے گی۔

26/07/2022

ساہیوال: کمشنر ساہیوال/چیئر پرسن بورڈ سلوت سعید نے ساہیوال بورڈ کا دورہ کیا اور مختلف برانچز کی کارکردگی کا تفصیلی جائزہ لیا۔ کنٹرولر امتحانات رانا نوید عظمت اور سیکرٹری بورڈ ڈاکٹر رابعہ اختربھی ہمراہ تھیں۔ اس موقع پر کمشنر ساہیوال سلوت سعید نے برانچز میں کام کرنے والے ملازمین کے مسائل سنے اور انہیں حل کرنے کی یقین دہانی کروائی۔ انہوں نے بورڈ ملازمین کو ہدایت کی کہ محنت اور جانفشانی سے اپنے فرائض ادا کریں کیونکہ بچوں کے مستقبل کا انحصار بورڈ امتحانات میں شفافیت پر ہے۔ انہوں نے طلبا و طالبات کی شکایات پر فوری ایکشن لینے کی بھی ہدایت کی۔ کنٹرولر امتحانات رانا نوید عظمت نے فرسٹ ایئر کے جاری امتحانات بارے تفصیلی بریفنگ دی اور بتایا کہ کسی امتحانی سنٹر سے ضابطہ اخلاق کی خلاف ورزی کی شکایت موصول نہیں ہوئی۔ کمشنر ساہیوال سلوت سعید نے ہدایت کی کہ پیپر مارکنگ سنٹرز پربھی شفافیت کو ہر صورت یقینی بنایا جائے تاکہ کسی طالب علم کی حق تلفی نہ ہو۔

26/07/2022

ساہیوال: ضلعی انتظامیہ، پولیس اور تمام مکاتب فکر کے علماء کرام محرم الحرام پر بھائی چارے کی فضا برقرار رکھنے کے لئے ہاہمی تعاون مزید بہتر بنائیں گے- کسی سماج دشمن کو امن و امان کی مثالی فضا خراب نہیں کرنے دی جائے گی۔ ڈپٹی کمشنر محمد خضر افضال چوہدری کی زیرصدارت اجلاس میں عزم کا اظہار، ڈی پی او صادق بلوچ، اے ڈی سی جنرل نعمان افضل،اسسنٹ کمشنر چیچہ وطنی شیخ محسن نثار، کالونی اسسٹنٹ ذیشان لبھا مسیح اور تحصیل ساہیوال اور چیچہ وطنی کے ذواجناح اور مجالس کے منتظمین کی بھی اجلاس میں شرکت۔ اجلاس کے دوران محرم الحرام کے دوران جلوسوں کے پرامن اور خوش اسلوبی سے انعقاد کیلئے سیکورٹی اور دیگر انتظامات کا جائزہ لیا گیا۔ ڈپٹی کمشنر محمد خضر افضال چوہدری نے ہدایت کی کہ مجالس اور جلوسوں کے دوران محکمہ داخلہ کی جانب سے جاری کردہ ایس او پیز اور ضابطہ اخلاق پر سختی سے عملدرآمد کروایا جائے۔ انہوں نے کہا کہ وہ خود امام بارگاہوں اور جلوسوں کے راستوں کو وزٹ کریں گے اور صفائی کے انتظامات کا جائزہ لیں گے۔ انہوں نے ضلع بھر میں نکلنے والے تمام جلوسوں کے راستوں پرسٹریٹ لائٹس فنگشنل رکھنے، کھلے مین ہولز پر کور رکھنے اور سڑکوں کی مرمت کی ہدایت کی تاکہ عزا داروں کوکسی قسم کی مشکل کا سامنا نہ کرنا پڑے۔اجلاس کے دوران منتظمین کی طرف سے کچھ مسائل کی نشاندہی بھی کی گئی جس پر ڈپٹی کمشنر نے انہیں فوری حل کرنے کی یقین دہانی کروائی۔ ڈی پی او صادق بلوچ نے اجلاس سے خطاب کرتے ہوئے کہا کہ عاشورہ پر امن خراب کرنے کی کوشش کرنے والوں سے سختی کے ساتھ نمٹا جائے گا اور ضلع میں مثالی امن و امان کی روایت برقرار رکھی جائے گی۔ انہوں نے کہا کہ جلوسوں اور مجالس کے منتظمین کے تعاون سے سیکورٹی کے فول پروف انتظامات کئے گئے ہیں۔ اجلاس کے اختتام پر ملک میں امن وامان کیلئے خصوصی دعا بھی کرائی گئی۔

26/07/2022

ساہیوال: ساہیوال میڈیکل کالج کے شعبہ یورالوجی کے سربراہ ڈاکٹر نثار احمد سعیدی کو گریڈ 19 میں ایسوسی ایٹ پروفیسر کے عہدے پر ترقی دے دی ہے جس کا باضابطہ نوٹیفیکیشن محکمہ سپیشلائزڈ ہیلتھ کیئر اینڈ میڈیکل ایجوکیشن پنجاب نے جاری کر دیا ہے۔ پرنسپل ساہیوال میڈیکل کالج پروفیسر ڈاکٹر عمران حسن خان اور دیگر فیکلٹی ممبران نے ڈاکٹر نثار احمد سعیدی کو اس ترقی پر مبارک باد دیتے ہوئے نیک خواہشات کا اظہار کیا۔ انہوں نے ڈاکٹر نثار احمد سعیدی کو ساہیوال میڈیکل کالج کا قیمتی اثاثہ قرار دیا اور امید ظاہر کہ وہ آئندہ بھی اسی لگن اور مشینری جذبے سے انسانیت کی خدمت جاری رکھیں گے۔ پاکستان میڈیکل ایسوسی ایشن اور میڈیکل فکیلٹی ایسوسی ایشن نے بھی ایسوسی ایٹ پروفیسر ترقی پر ڈاکٹر نثار احمد سعیدی کو مبارک باد دیتے ہوئے نیک خواہشات کا اظہار کیا ہے۔

25/07/2022

ساہیوال: محکمہ زراعت نے کھاد ڈیلرز کیُ رجسٹریشن کا آغاز کر دیا ہے اور پرویژنل رجسٹریشن کے لئے درخواستیں 30جولائی2022تک طلب کر لی ہیں۔ یہ بات ڈپٹی ڈائیریکٹر زراعت رانا مقصود احمد نے ایک پریس ریلیز میں بتائی -انہوں نے کہا کہ پرویژنل رجسٹریشن برائے کھاد لائسنس کے خواہشمند ڈیلر،سب ڈیلر اور ریٹیلر مجوزہ درخواست فارم کے ساتھ میٹرک کی سند ،شناختی کارڈ ،مجوزہ بیان حلفی ،دکان کی ملکیتی ثبوت یا کرایہ نامہ ،نقشہ گودام اور چار عدد تصاویر تصدیق شدہ دفتر ہذا میں جمع کروائیں -پیسٹی سائیڈ ڈیلر جو کھادوں کا بھی کاروبار کرتے ہیں وہ بھی لائسنس ضروربنوائیں - انہوں نے مزید کہا کہ جاری شدہ لائسنس چھ ماہ کے لئے ہو گا جس کے دوران لائسنس ہولڈر کو ٹریننگ حاصل کرنا ہو گی اور بعد میں ریگولر لائسنس جاری کیا جائے گا بصورت دیگر پرویژنل لائسنس کینسل کر دیا جائے گا -

25/07/2022

ساہیوال: محرم الحرام کے دوران فرقہ ورانہ ہم آہنگی برقرار رکھنے کے لئے کنوینئر اتحاد بین المسلمین کمیٹی پنجاب اور چیئرمین مرکزی رویت ہلال کمیٹی پاکستان مولانا سید عبد الخبیر آزاد خطیب امام بادشاہی مسجد لاہور کی زیر قیادت اتحاد بین المسلمین کمیٹی پنجاب کا قافلہ امن جس میں تمام مکاتب فکر کے جیدعلماء کرام سردار محمد خان لغاری، مولاناعبدالوہاب روپڑی، علامہ رشید ترابی،مولانامسعود قاسم قاسمی، علامہ سجاد حسین جواد نقوی، مفتی سید عاشق حسین شاہ اور مولانا قاضی عبدالغفار شامل تھے ساہیوال پہنچے جہاں مولانا سید محمد عبدالخبیر آزاد نے اتحاد بین المسلمین کمیٹی کے اجلاس کی صدارت کی۔ اجلاس میں اسلامی نظریاتی کونسل کے ممبر سید ضیاء اللہ شاہ بخاری،حاجی احسان الحق فریدی، شیخ اعجاز احمد، قاری بشیر احمد، مولانا غلام نبی معصومی، مفتی ظہیر احمد بابر،حاجی عبدالطیف، سید سعید حسین بخاری، مولانا عبدالمنان، کمشنر ساہیوال ڈویژن سلوت سعید، ایڈیشنل کمشنر کوارڈینیشن شفیق احمد ڈوگر، ڈپٹی کمشنر اوکاڑہ زاہد پرویز وڑائچ، ڈپٹی کمشنر پاکپتن احمر سہیل کیفی، اے ڈی سی جنرل نعمان افضل، اے سی ہیڈ کوارٹر محمد سعید، زونل ایڈمنسٹریٹر مذہبی امور اوقاف ضیاء المصطفیٰ اور ڈویژن بھر سے علماء کرام و مشائخ عظام و امن کمیٹیوں کے ممبران بھی اس موقع پر موجود تھے۔ مولانا سید محمد عبدالخبیر آزاد نے اجلاس سے خطاب کرتے ہوئے کہا کہ ملک میں امن و سلامتی کا قیام پوری قوم کی ذمہ داری ہے، علماء اور عوام متحد ہو کر وطن دشمنوں کے ناپاک عزائم خاک میں ملا دیں گے، اتحاد بین المسلمین اور پیغام پاکستان کو مضبوط بنانا وقت کی اہم ضرورت ہے حکومت و انتظامیہ کے ساتھ ساتھ تمام مکاتب فکر کے علماء، مذہبی رہنما اور عوام الناس پر یہ بھاری ذمہ داری عائد ہوتی ہے کہ وہ متحد ہو کر امن و سلامتی کے دشمنوں کے تمام ناپاک عزائم اور مذموم ارادوں کو خاک میں ملا دیں، محرم الحرام میں امن کو یقینی بنانے کے لئے علماء اور مشائخ اپنا بھر پور کردار ادا کریں، ملک میں امن کے لئے پاک فوج کا کردار نمایاں ہے جسے ہم خراج تحسین پیش کرتے ہیں۔محرم الحرام کے دوران سب پر یہ فرض عائد ہوتا ہے کہ ہم من حیث القوم اپنی ذمہ داریوں سے عہدہ براء ہوں اور اپنے اردگرد کے ماحول پر کڑی نگاہ رکھیں۔ محرم الحرام میں امن کو یقینی بنانے کے لئے علماء و رہنما اپنا بھرپور کردار ادا کریں اور اس زریں اصول پر کاربند رہیں کہ اپنے مسلک کو چھوڑو نہیں اور کسی کے مسلک کو چھیڑو نہیں پر عمل پیرا ہوں تاکہ ہمیشہ کی طرح اب بھی کسی قسم کا کوئی نا خوشگوار واقعہ پیش نہ آئے۔ اجلاس میں تمام علماء اور مندوبین نے اپنے خطابات میں کہا کہ ساہیوال ڈویژن ہمیشہ سے امن کا گہوارہ رہا ہے اور کبھی یہاں پر کوئی ناخوشگوار واقعہ پیش نہیں آیا۔ یہاں سے آپ کو امن کی خوشبوئیں آئیں گی، آپ بلکل اس ضمن میں بے غم رہیں ہم تما م مسالک یہاں پر متحد ہیں اور ایک دوسرے کا احترام کرتے ہیں۔ ہم آپکو یقین دلاتے ہیں کہ یہاں پر کوئی مسئلہ نہیں ہے۔ ہم سب انتظامیہ کے ساتھ مکمل تعاون کر رہے ہیں۔ ساہیوال ڈویژن میں تمام مکاتب فکر کے علماء و عوام ساتھ ہیں اور آپس میں کسی قسم کا کوئی نزاع نہیں ہے۔ یہاں ہمیشہ امن کی بات ہوتی ہے اور ہوتی رہے گی، کیونکہ یہ ہماری اولین ذمہ داری ہے۔ اجلاس کے آخر میں مولانا سید عبد الخبیر آزاد نے بتایا کہ عشرہ محرم الحرام میں اتحاد بین المسلمین کمیٹی میں شامل تمام مکاتب فکر کے علماء کرام پنجاب بھر میں دوروں کے لئے وفد جا چکے ہیں جو امن و امان کے سلسلے میں مختلف ڈویژنز اور اضلاع حسب سابق امسال بھی اتحاد بین المسلمین کمیٹی کے مقامی ممبران کے ساتھ مل کر امن و امان کے لئے اپنی بھرپور کوششیں جاری رکھیں۔آخر میں ملک میں محرم الحرام میں قیام امن اور ملک کی سلامتی و استحکام، ترقی و خوشحالی، حرمین شریفین کے تحفظ اور مقبوضہ کشمیر و فلسطین کی آزادی کیلئے دعا بھی کی گئی۔