Awam News HD

18/11/2023

Inside Story | The Taliban's Deepening Grip on P**istan

https://youtu.be/8uFA07qKP4E?si=IDbqnNqKp0iIEN7O

**istan

Inside Story | The Taliban's Deepening Grip on P**istan Dive into the unseen world of the Taliban's growing influence in P**i...

23/10/2023

سردار اختر مینگل نے وڈھ میں انسانی حقوق کی سنگین خلاف ورزیاں کی ہیں اب فیس سیونگ کے لئے اسلام آباد میں دھرنا دینے کا دعوی کر رہے ہیں ۔میر شفیق الرحمن مینگل

01/08/2022

#پنجاب حکومت نے ڈی آئی جی آپریشنز کیپٹن (ر) سہیل چوہدری کو عہدے سے ہٹا دیا ، نوٹیفیکیشن جاری۔ مذکورہ ڈی آئی جی پر پی ٹی آئی ورکرز پر تشدد اور خلاف ضابطہ اقدامات کے الزامات عائد کئے گئے تھے۔

19/07/2022

٭کوئٹہ ائیرپورٹ روڈ پر نجی شوروم پر نامعلوم افراد کا حملہ ٭

کوئٹہ ( عوام نیوز ایچ ڈی ) #کوئٹہ کے حساس علاقے #ائیرپورٹ روڈ پر واقع گاڑیوں کی ایک نجی شوروم پر نامعلوم مسلح افراد نےاندھا دھند فائرنگ کی ہے جس سے شوروم کے شیشے ٹوٹ گئے اور وہاں کھڑی قیمتی گاڑیوں کو بڑے پیمانے پر نقصان پہنچا ہے ۔ شوروم کا مالک نصیب اللہ اچکزئی بتایا جا رہا ہے جس نے حملے میں تین افراد پر ملوث ہونے کا شبہ ظاہر کیا ہے ۔ ائرپورٹ پولیس نے عوام نیوز ایچ ڈی کوبتایا ہے کہ واقعے کی ابتدائی رپورٹ لے لی گئی ہے یہ معاملہ لین دین کے تنازعے پر پیش ایا ہے جس میں قانون کے مطابق کارروائی کی جا رہی ہے

18/07/2022

پاکستان مسلم لیگ ن کے سربراہ میاں محمد نواز شریف نے ایک تہلکہ خیز بیان میں کہا ہے کہ روز اول سے ہی حکومت لینے کے حق میں نہیں تھا لیکن بعد یہ فیصلہ کرہی لیا گیا ۔ نواز شریف نے پنجاب کے ضمنی انتخابات میں پارٹی امیدواروں کی ناکامی پر افسوس کا اظہار کیا ان کا کہنا تھا کہ بہتری کی گنجائش موجود ہے۔

Imran Khan PTI

18/07/2022

18/07/2022

*تحریک انصاف کور کمیٹی نے چوہدری پرویز الہیٰ کی بطور وزیراعلیٰ پنجاب نامزدگی کی توثیق کردی٭

لاہور : رپورٹ - رانا ظہور ( بیوروچیف )

پاکستان تحریک انصاف کی کور کمیٹی نے اسپیکر پنجاب اسمبلی پرویز الہٰی کی بطور وزیراعلیٰ پنجاب نامزدگی کے فیصلے کی توثیق کر دی ہے۔

چیئرمین عمران خان کی زیرِصدارت تحریک انصاف کی کورکمیٹی کا اجلاس ہوا جس میں پنجاب کے ضمنی انتخاب میں تاریخی کامیابی اور بعد کے لائحہ عمل پر تفصیلی تبادلہ خیال کیا گیا۔ ذرائع کے مطابق اجلاس میں پنجاب کے ضمنی انتخابات کے بعد سندھ میں بلدیاتی اور ضمنی انتخابات پر توجہ مرکوز کرنے کا فیصلہ کیا گیا جب کہ سندھ کے انتخابات کے حوالے سے حکمتِ عملی کے اہم نکات کی بھی منظوری دی گئی۔سابق وزیراعظم عمران خان نے کہا کہ پاکستان کی نظریاتی اساس کو کمزور کرنے والے ملک کو کمزور کرتے ہیں،قوم ایک انقلاب کی دہلیز پر کھڑی ہے، جس پر رب کریم کے شکرگزار ہیں۔

18/07/2022

دریائے سندھ: بارات کی کشتی الٹ گئی: بچوں اور خواتین سمیت 20 افراد کی نعشیں نکال لی گئیں، 30 کی تلاش جاری

صادق آباد کے نواحی علاقے ماچھکہ میں دریائے سندھ کی تیز لہروں کی زد میں آنے والی بارات کی کشتی الٹ گئی جس میں 150 سے زائد افراد سوار تھے۔جائے حادثہ پر موجود اسسٹنٹ کمشنر محمد سلیم آسی نے اس سلسلے میں ہم نیوز کو بتایا کہ 30 کے قریب افراد کی تلاش کا سلسلہ جاری ہے۔علاقہ پولیس نے مقامی افراد کے حوالے سے بتایا ہے کہ حادثے کا شکار ہونے والی کشتی کھروڑ سے بارات لے کر ماچھکہ کے لیے روانہ ہوئی تھی اور جب وہ ماچھکہ پتن سے کچھ فاصلہ پر تھی تو وزن زیادہ ہونے کے باعث دریا کی تیز لہروں کا مقابلہ نہیں کرسکی اور الٹ گئی۔اسسٹنٹ کمشنر صادق آباد محمد سلیم آسی کی زیر نگرانی کیے جانے والے ریسیکو آپریشن کے نتیجے میں اب تک بچوں اور خواتین سمیت 20 افراد کی نعشیں نکال لی گئی ہیں جب کہ دیگر کی تلاش کا عمل جاری ہے۔

18/07/2022

عمران خان کا فوری انتخابات ، چیف الیکشن کمشنر کے استعفے کا مطالبہ

پاکستان تحریک انصاف کے چیئرمین عمران خان نے ایک بار پھر ملک میں فوری انتخابات اور چیف الیکشن کمشنر کے استعفے کا مطالبہ کر دیا۔

قوم سے خطاب کرتے ہوئے انہوں نے کہا کہ پنجاب کے ضمنی انتخابات میں چیف الیکشن کمشنر نے بددیانتی کی، ہمیں ہرانے کے لیے ہر حربہ استعمال کیا گیا۔ایف آئی آرز کاٹی گئیں، پولیس کے ذریعے ڈرایا دھمکایا گیا۔جن پولیس افسران نے مداخلت کی ہمیں ایک ایک یاد ہے۔

سابق وزیراعظم نے کہا کہ چیف الیکشن کمشنر میں اہلیت ہی نہیں ،انہوں نے ن لیگ کو جتوانے کیلئے پوری کوشش کی،یوسف رضا گیلانی کا بیٹا پیسے دیتے ہوئے پکڑا گیااس کی تصویریں آئیں مگر کوئی ایکشن نہیں لیا گیا، الیکشن کمیشن کے تمام فیصلے تحریک انصاف کیخلاف آتے تھے۔

انہوں نے کہا کہ ہمیں چیف الیکشن کمشنر پر اعتبار ہی نہیں،وہ ایک پارٹی سے جڑے ہوئے ہیں، سندھ میں جو انتخابات کرائے گئے وہ بھی سب کے سامنے ہیں۔

ان کا کہنا تھا کہ ملک کی معیشت تب ٹھیک ہو گی جب سیاست ٹھیک ہو گی۔ ایک دفعہ ملک میں سیاسی استحکام آ جائے تو ہمارے میں اتنی صلاحیت ہے کہ معیشت کو بہتر کر سکیں۔

عمران خان نے کہا کہ کبھی بھی قوم نظریے کے بغیر نہیں بنتی،ایک بیرونی سازش کے تحت ہم پر امپورٹڈ حکومت مسلط کی گئی، قوم نے بتا دیا کہ ہم کسی اور کی غلامی کیلئے تیار نہیں ہیں۔

ان کا کہنا تھا کہ جب ہم قوم بنیں گے تو تمام مسائل حل ہوجائیں گے۔ اب نیا پاکستان بننے جا رہا ہے۔میں پہلی بار اس قوم میں بیداری دیکھ رہا ہوں۔

18/07/2022

پریس ریلیز (18 جولائی 2022)

*فرنٹیئرکور بلوچستان (نارتھ) کی جانب سے ایس او ایس چلڈرن ویلیج کوئٹہ میں ایک روزہ مفت طبی کیمپ کاانعقاد*

ایف سی بلوچستان (نارتھ) کی جانب سے ایس او ایس چلڈرن ویلیج کوئٹہ میں ایک روزہ مفت میڈیکل کیمپ کا انعقاد کیا گیا،جس میں ماہر امراض ڈاکٹرز جن میں میڈیکل سپیشلسٹ، آنکھوں، ماہر امراض کان ناک گلہ اور ڈینٹسٹ شامل تھے، نے مریضوں کا معائنہ کیا اور انہیں مفت ادویات فراہم کی گئی- ایس او ایس چلڈرن ویلیج ایک فلاحی ادارہ ہے جوکہ یتیم اور بے سہارا بچوں کی مفت کفالت کرتا ہے اور انہیں مفت تعلیم کے ساتھ ساتھ رہہن سہن کی مفت سہولیات بھی فراہم کرتا ہے- ایف سی ہسپتال ایس او ایس چلڈرن ویلیج کوئٹہ کے تمام بچوں اور سٹاف کو پہلے سے ہی علاج معالجے کی مفت سہولیات فراہم کر رہا ہے- اس میڈیکل کیمپ میں 150 سے زائد مریضوں کا چیک اپ کیا گیا اور انہیں مفت ادویات فراہم کی گئی- یہ مفت طبی کیمپ اب سہ ماہی بنیاد پر تسلسل سے قائم کیا جائے گا جس میں تمام بچوں، کیئر ٹیکر مدرز سمیت تمام سٹاف کی میڈیکل سکیننگ کی جائے گی-

17/07/2022

لاہور ( عوام نیوز ایچ ڈی ) ملتان، فیصل آباد سمیت پنجاب کے 20 حلقوں سے ملنے والی ، ابتدائی غیر سرکاری اور غیر حتمی نتائج کے مطابق پاکستان تحریک انصاف نے 17 نشستوں پر کامیابی حاصل کی ہے ۔

مسلم لیگ ن نے ایک نشست پر کامیابی حاصل کی ہے جب کہ دوسری نشست پر ایک آزاد امیدوار آگے ہے۔

ملتان سے پاکستان تحریک انصاف کے زین قریشی اور ساہیوال سے پی ٹی آئی کے میجر (ر) غلام سرور فتح یاب ہوئے ہیں۔

ملتان پی پی 217 کے مکمل 124 پولنگ اسٹیشنز کا غیر حتمی، غیر سرکاری نتائج کے مطابق پی ٹی آئی کے امیدوار زین قریشی کے 46963 ووٹ لے کر کامیاب جب کہ مسلم لیگ ن کے امیدوار سلمان نعیم 40104 ووٹ لے کر دوسرے نمبر پر رہے ہیں۔

پی پی 202 ساہیوال 7 کے مکمل 176 پولنگ اسٹیشنز کے غیر حتمی و غیر سرکاری نتائج کے مطابق تحریک انصاف کے میجر (ر) محمد غلام سرور نے ملک نعمان لنگڑیال کو شکست دے دی ہے۔

پی ٹی آئی کے میجر (ر) محمد غلام سرور 61989 ووٹ لے کر کامیاب قرار پائے جبکہ مسلم لیگ ن کے ملک نعمان احمد لنگڑیال نے 59167 ووٹ حاصل کرسکے۔

ڈیرہ غازی خان حلقہ نمبر پی پی 288 کے تمام 145 پولنگ اسٹیشن کےغیر رسمی غیر سرکاری نتائج آ گئے ہیں جس کے مطابق پاکستان تحریک انصاف سیف الدین خان کھوسہ 59526 ووٹوں کے ساتھ کامیاب قرار پائے ہیں جب کہ مسلم لیگ ن 32948 دوسرے نمبر پر رہے۔

لاہور پی پی 167 کے مکمل 140 پولنگ اسٹیشن کے نتائج جاری ہو گئے ہیں جس کے مطابق پی ٹی آئی کے شبیر گجر 40511 کے ساتھ پہلے نمبر پر جب کہ نذیر چوہان 26473 کے دوسرے نمبر پر آئے ہیں۔

لاہور پی پی 158 کا مکمل نتیجہ الیکشن کمیشن کے مرکزی سیکرٹریٹ کو موصول ہو گیا ہے جس کے مطابق پی ٹی آئی کے میاں اکرم عثمان 37 ہزار 463 ووٹ لیکر کامیاب ہو گئے ہیں۔ ن لیگ کے رانا احسان 31 ہزار 906 ووٹ لیکر دوسرے نمبر پر رہے۔

پی پی 224 لودھراں کا مکمل نتیجہ الیکشن کمیشن کے مرکزی سیکرٹریٹ کو موصول ہو گیا ہے جس کے مطابق پی ٹی آئی کے عامر اقبال شاہ 69 ہزار 881 ووٹ لیکر کامیاب ہوئے ہیں۔ ن لیگ کے زوار حسین وڑائچ 56 ہزار 213 ووٹ لیکر دوسرے نمبر پر رہے۔

مسلم لیگ ن نے لاہور سے پہلی نشست جیت لی ہے، پی پی 168 کے 96 پولنگ اسٹیشنز کا مکمل نتیجہ آ گیا ہے جس کے مطابق ن لیگ کے ملک اسد کھوکھر 26169 ووٹ لے کر کامیاب ہوئے ہیں۔ پی ٹی آئی کے محمد نواز اعوان 15767ووٹ لے کر دوسرے نمبر پر رہے۔


**istanZindabad

17/07/2022

کوئٹہ قمبرانی روڈ پر پولیس حکام کے مطابق مقامی ہوٹل کے قریب ایک زوردار بم دھماکہ ہوا ہے جس کے باعث متعدد راہگیر زخمی ہوئے ہیں جن کو فوری طبی امداد کے لئے سول اسپتال ٹراما سینٹر منتقل کردیا گیا ہے ۔دھماکے کے بعد پولیس نے علاقے کو گھیرے میں کے کر تحقیقات شروع کردی ہیں ۔

16/07/2022

*کوئٹہ 16 جولائی 2022*

فرنٹئیر کور بلوچستان (نارتھ) کی جانب سے ڈسٹرکٹ ہیڈ کوارٹر ہسپتال ژوب میں ہیضےکی وباء سے بچاؤ کے لیے مریضوں کو سول ہیلتھ ڈپارٹمنٹ کے اشتراک سے ایک روزہ فری میڈیکل کیمپ قائم کیا گیا- میڈیکل کیمپ میں ماہر ڈاکٹرز نے تقریبا 89 سے زائد مریضوں کا چیک اپ کیا جن میں مرد،خواتین سمیت 100 سے زائد مریض شامل تھے اور مریضوں کو مفت ادویات بھی فراہم کی گئیں- فری میڈیکل کیمپ میں بچوں اور خواتین کو ہنگامی بنیادوں پر طبعی امداد فراہم کی گئی ہے-
فری میڈیکل کیمپ کا مقصد صحت کی سہولیات سے دور رہنے والی دیہی آبادی کو مفت ادویات کی سہولیات فراہم کرنے کے ساتھ ساتھ مفت مشورے، علاج، ادویات، تشخیص کی سہولت فراہم کرنا تھا-
مقامی افراد نے فرنٹیئر کور بلوچستان (نارتھ) کے جذبہ خیرسگالی کو سراہتے ہوئے ایف سی بلوچستان کا شکریہ ادا کیا

16/07/2022

کورونا کیسز میں تیزی، 10 مریض جاں بحق

سلام آباد: ملک بھر میں گزشتہ 24 گھنٹے کے دوران کورونا کیسز میں تیزی آ گئی اور 10 مریض انتقال کر گئے۔

قومی ادارہ برائے صحت (این آئی ایچ) کے مطابق ملک بھر میں گزشتہ 24 گھنٹے کے دوران کورونا کے 737 کیسز رپورٹ ہوئے اور کورونا مثبت کیسز کی شرح کم ہو کر 3.28 فیصد ہو گئی۔

این آئی ایچ کے مطابق گزشتہ 24 گھنٹے میں 22 ہزار 451 کورونا ٹیسٹ کیے گئے جبکہ کورونا سے متاثرہ 189 مریضوں کی حالت تشویش ناک رہی۔

16/07/2022

اسلام آباد: پیٹرولیم ڈیلرز ایسوسی ایشن نے 18 جولائی سے ملک بھر میں ہڑتال کی دھمکی دے دی۔

چیئرمین پیٹرولیم ڈیلرز ایسوسی ایشن عبدالسمیع خان نے اپنے ایک بیان میں کہا کہ جب تک مطالبات نہیں مانتے پمپس نہیں کھلیں گے اور حکومتی نمائندوں کو کچھ پتہ ہے نہ ہی کچھ سننا چاہتے ہیں۔

انہوں نے کہا کہ پیٹرول کی قیمت بڑھنے سے ہمیں فائدہ نہیں نقصان ہو رہا ہے اور سب سے زیادہ موٹر سائیکل والے پریشان ہیں۔ سابق حکومت نے جون تک 4 فیصد منافع بڑھانے کا وعدہ کیا تھا لیکن منافع نہیں بڑھایا گیا۔

16/07/2022

’’غلطی ہو تو واپس ہو جائیں‘‘ جنرلز اور لیڈرز کے لیے یوٹرن بہت ضروری ہوتا ہے،عمران خان

پاکستان تحریک انصاف (پی ٹی آئی) کے چیئرمین عمران خان نے کہا ہے کہ جنرلز اور لیڈرز کے لیے یوٹرن بہت ضروری ہوتا ہے کیونکہ کوئی بھی عقل کل نہیں ہوتا۔ آپ کو پتہ ہونا چاہیئے کہ غلطی ہو گئی تو واپس آ جائیں۔

پی ایف یو جے سیمینار سے خطاب کرتے ہوئے انہوں نے کہا کہ اسٹیبلشمنٹ احساس نہیں کر رہی کہ وہ کیا حرکتیں کر رہے ہیں، اداروں اور عوام میں فاصلے بڑھتے رہے تو ملک کا نقصان ہو گا۔ تنقید پر گرفتاریوں سے فائدہ نہیں نقصان ہو رہا ہے، سوشل میڈیا کا زمانہ ہے معلومات رک نہیں سکتیں، جتنی مرضی کوشش کر لیں سوشل میڈیا کنٹرول نہیں کر سکیں گے۔

انہوں نے کہا کہ سوچنا چاہیے کہ امپورٹڈ سیٹ اپ کتنی دیر چل سکے گا؟ ہم کمزور فوج کے متحمل نہیں ہو سکتے، مضبوط فوج ہمارا اثاثہ ہے، اسے ہم نے بچانا ہے۔

عمران خان نے کہا کہ اگر عدالتیں انصاف دے رہی ہیں تو ہم کبھی تباہ نہیں ہوں گے، مغربی ممالک میں جمہوریت مستحکم ہے، پاکستان میں طاقتور شخص قانون سے اوپر ہے، اس ملک پر 2خاندانوں کی32 سال حکمرانی رہی، ڈکٹیٹرز جب اپنے آپ کو ڈیموکریٹ کرنے کی کوشش کرتا ہے تو سارے اداروں کی دھجیاں اڑا کر رکھ دیتی ہیں۔

ان کا کہنا تھا کہ جب ایک ڈکٹیٹر اپنے آپ کو ڈیموکریٹ بناتا ہے تو وہ میڈیا کو کنٹرول کرتا ہے،پاکستان میں تینوں ڈکٹیٹرز نے اداروں کو کمزور کیا، میڈیا پر کبھی اس طرح کلیم ڈاون نہیں کیا جو آج میں دیکھ رہا ہوں، نواز شریف کی ساری رپورٹس ایجنسیوں کی جانب سے نکلتی تھیں، میں نے کبھی میڈیا کو پیسے کھلانی کی کوشش نہیں کی،میرے حکم پر کبھی کسی صحافی کو نہیں اٹھایا گیا۔

سابق وزیراعظم نے کہا کہ امریکی جنگ میں 80ہزار ہمارےلوگ شہید ہوئے اور قبائلی علاقے تباہ ہوئے، پاکستان اپنی تاریخ میں فیصلہ کن موڑ پر کھڑا ہے،امریکی سیکریٹری نے کہا وزیراعظم کو نہ ہٹا یا تو پاکستان کو مشکل کا سامنا کرنا پڑے گا،ڈونلڈ لو کہتا ہے کہ وزیراعظم کو ہٹایا گیا تو معاف کیا جائے گا۔

انہوں نے کہا کہ کورونا کے باوجود ہماری معیشت اوپر جا رہی تھی،ہم نے مراسلے کو کابینہ اورنیشنل سکیورٹی کونسل میں رکھا ،امریکی کی جانب سے مراسلے میں کھلی دھمکی دی گئی تھی،سائفرکو دبانے کی پوری کوشش کی گئی،ایسی سائفر کسی بنانا ری پبلک کو بھی نہیں آتی،کیادنیا ایک منتخب وزیراعظم کو اس طرح سے ہٹایا جاتا ہے؟

عمران خان نے انکشاف کیا کہ عاطف خان کو بھی محمود خان کیخلاف عدم اعتماد کی تحریک لانے کیلئے بلایا گیا تھا۔

16/07/2022

دھاندلی پی ٹی آئی کےڈی این اے میں شامل ہے، مریم نواز

مسلم لیگ ن کی نائب صدر مریم نواز نے کہا ہے کہ دھاندلی پی ٹی آئی کےڈی این اے میں شامل ہے۔

اپنے بیان میں انہوں نے کہا کہ تھیلے اورالیکشن کمیشن کا عملہ چُرا کر نہیں بھاگ سکتے تو دھاندلی کا دوسرا طریقہ نکال لائے،یہ جانتے ہیں دھاندلی کیے بغیر نا پہلے الیکشن جیتے تھے نا اب جیت سکتے ہیں۔

ان کا کہنا تھا کہ یہ سلیکشن نہیں،الیکشن ہو رہاہے! مسٹرایکس،وائی اورزیڈ آخر میں عمران خان خود نکلے گا!

15/07/2022

نان بائی ایسوسی ایشن نے 20 جولائی کو ہڑتال کا اعلان کر دیا۔

لاہور ( عوام نیوز ایچ ڈی ) لاہور میں نان بائی ایسوسی ایشن نے بھی ہڑتال کی کال دے دی ۔ ایسوسی ایشن کے ترجمان کے مطابق فائن آٹا ،سوئی گیس اور سادہ آٹے کی قیمتوں میں اضافے کیخلاف ہڑتال کی جائے گی۔انہوں نے کہا کہ تمام تندور مالکان، دوکانیں بند کرکے ڈی سی آفس کے باہر احتجاج کریں گے۔

15/07/2022

تحریک انصاف اور فوج میں لڑائی کی کوشش کی جارہی ہے، فوج ہماری محافظ ہے، فوج سے ہماری لڑائی نہیں ہو سکتی. عمران خان

10/07/2022

وزیراعلئ بلوچستان میر عبدالقدوس بزنجو اور چیف جسٹس بلوچستان ہائی کورٹ جسٹس نعیم اختر افغان اور دیگر اعلیٰ حکومتی شخصات نے نماز عید کوئٹہ گورنر ہاوس میں ادا کی ۔ اس موقع پر ملک و قوم کی سلامتی اور خوشحالی کے لیے خصوصی دعائیں مانگی گئیں ۔

09/07/2022

کوئٹہ ( عوام نیوز ایچ ڈی )بلوچستان میں طوفانی بارشوں سے متاثرہ علاقوں میں پاک فوج کی نگرانی میں ریلیف اپریشن جاری سیلابی ریلوں میں پھنسے ہوئے افراد کو صوبے کے مختلف علاقوں میں ریسکیو کرکے محفوظ مقامات تک منتقل کیا جا رہا ہے
ریلیف اپریشن میں افواج پاکستان ، اور فرنٹئیر کور بلوچستان خصوصی کردار ادا کر رہی ہے تاکہ ان غیرمعمولی بارشوں کے دوران عوامی مشکلات کو کم سے کم کیا جاسکے۔ ذرائع کے مطابق بارشوں سے متاثرہ علاقوں میں پاک فوج سول انتظامیہ کو بھی بھرپور معاونت فراہم کررہی ہے اور ساوتھ بلوچستان کے علاقے ہوشاب میں بھی برساتی نالوں میں پھنسے ہوئے افراد کو ہیلی کاپٹر کے ذرئعے ریسکیو کر کے محفوظ مقام تک منتقل کیا گیا ۔ عوام نیوز ایچ ڈی کے نمائندگان کے مطابق پی ڈی ایم اے نے صوبے میں مذید طوفانی بارشوں کی بھی پیشنگوئی کی ہے جس کے بعد صوبے بھر میں متعلقہ اداروں کو ہائی الرٹ کردیا گیا ہے ،بارشوں کے دوران بے گھر ہونے والے افراد کو ایف سی ، سول انتظامیہ اور پی ڈی ایم اے کی ٹیمیں راشن طبی سہولیات اورٹینٹس بھی فراہم کررہی ہیں ۔
#بلوچستان

03/07/2022

ژوب دانہ سر میں مسافر کوچ حادثے کا شکار ، 19 مسافر جان بحق 10 زخمی

کوئٹہ ( عوام نیوز ایچ ڈی ) بلوچستان کے ضلع ژوب میں قومی شاہراہ پر ایک مسافر بس دانہ سر کے مقام پر ڈرائیور سے بے قابو ہو کر کھائی میں جا گری جس کے نتیجے میں 19 مسافر موقع پر جان بحق جبکہ 10 دیگر مسافر شدید زخمی ہوئے ہیں نمائندہ عوام نیوز ایچ ڈی کے مطابق زخمیوں کو طبی امداد کے لیے مقامی اسپتال منتقل کردیا گیا ہے ۔ متاثرہ کوچ راولپنڈی سے کوئٹہ جا رہی تھی جان بحق افراد میں خواتین اور بچے بھی شامل ہیں ۔

30/06/2022

حمزہ شہبازکا بطوروزیراعلیٰ پنجاب انتخاب کالعدم قرار

لاہور (عوام نیوز ایچ ڈی ) لاہور ہائیکورٹ نے حمزہ شہباز کا بطور وزیراعلیٰ پنجاب انتخاب کالعدم قرار دے دیا۔تفصیلات کے مطابق تحریک انصاف اور مسلم لیگ (ق) کے رہنما و اسپیکر پنجاب اسمبلی پرویز الہی کی جانب سے حمزہ شہباز کے وزیراعلیٰ پنجاب کے انتخاب کے خلاف درخواستیں دائر کی گئی تھیں جنہیں لاہور ہائی کورٹ نے مںظور کرلیا۔
لاہور ہائی کورٹ نے درخواست پر حمزہ شہباز کے خلاف فیصلہ سناتے ہوئے ان کا بطور وزیراعلیٰ پنجاب انتخاب کالعدم قرار دے دیا۔ یہ فیصلہ پی ٹی آئی اور دیگر کی اپیل پر جسٹس صداقت علی خان کی سربراہی میں پانچ رکنی لارجر بینچ نے چار ایک کی اکثریت سے سنایا۔
رہے۔

30/06/2022

انسداد دہشت گردی عدالت کوئٹہ کا بڑا فیصلہ 5 ملزمان کو سزائے موت اور عمر قید کی سزائیں

کوئٹہ (عوام نیوز ایچ ڈٰی ) انسداد دہشت گردی کی خصوصی عدالت کوئٹہ ون کے جج عبدالمجید ناصر نے اغواء کے کیس میں نامزد داود شہزاد ، مہدئ اور اکرم کو دو دو بار سزائے موت ، جبکہ ملزم باقر کو دو بار عمر قید اور روح اللہ کو سات سال قید بامشقت کی سزا سنائی ہے ۔ ملزمان نے گزشتہ سال پندرہ فروری کو کوئٹہ کے علاقے ہزارہ ٹآون سے دس سالہ بچے علی شیر کو اغواء کے بعد تین کروڑ روپے تاوان کی عدم ادائیگی پرقتل کردیا تھا ۔ مغوی بچے کی لاش سرانان کے علاقے سے برامد ہوئی تھی۔

26/06/2022

خیبرپختونخوا: پی کے سوات 7 کا ضمنی الیکشن پی ٹی آئی نے جیت لیا

سوات: ( عوام نیوز ایچ ڈی ) صوبہ خیبرپختونخوا کے حلقے پی کے سوات 7 میں ہونے والے ضمنی الیکشن میں پاکستان تحریک انصاف سے تعلق رکھنے والے امیدوار فضل مولا غیر سرکاری و غیر حتمی طور پر 18 ہزار 42 ووٹ لے کر کامیاب قرار پائے ہیں. پی کے 7 سوات میں منعقدہ ضمنی الیکشن کے 124 پولنگ اسٹیشنز کے موصولہ غیر سرکاری و غیر حتمی نتیجے کے تحت اے این پی کے حسین احمد 14 ہزار 665 ووٹ لے دوسرے نمبر پر رہے ہیں۔حلقہ پی کے 7 میں رجسٹرڈ ووٹرز کی تعداد 183,308 ہے جن میں 102,088 مرد ووٹرز ہیں جب کہ خواتین ووٹرز کی تعداد 81 ہزار 220 ہے۔ حلقے کے 124 پولنگ اسٹیشنز میں سے 41 کو حساس قرار دیا گیا تھا۔

25/06/2022

کوئٹہ پشتون آباد ، کاکڑ کالونی سریاب خلجی آباد سپنی روڈ ،سرکی روڈ اور شہر کے بعض دیگر علاقوں میں شدید گرمی میں بجلی کا بحران شدت اختیار کر گیا کیسکو کی مجرمانہ غفلت کے باعث ان علاقوں میں غیر اعلانیہ لوڈشیڈنگ کا دورانیہ 18 گھنٹوں تک جا پہنچا ہے ۔ بجلی کی طویل لوڈشیڈنگ سے متاثر ہ مزکورہ علاقوں کے عوام نے وزیراعلی عبدالقدوس بزنجو سے کیسکو کی مجرمانہ غفلت کا سختی سے نوٹس لینے کا مطالبہ کیاہے۔ سہر میں کیسکو کے تمام سب ڈویژنز کے رابط نمبر دن رات جان بوجھ کے مصروف رکھے جا رہے ہیں اور عوامی شکایات کے آزالے کے لئے کیسکو کی نااہل انتظامیہ کوئی کردار ادا نہیں کر رہی ہے ۔

21/06/2022

20/06/2022

#بلوچستان کے علاقے #تربت میں نامعلوم دہشت گردوں کی فائرنگ 3 مزدور جان بحق ، دہشت گردوں نے مزدوروں کو کام کے دوران نشانہ بنایا ، حملہ اور موقع سے فرار ہو گئے ۔

19/06/2022

شمالی وزیراستان میں 4 دوست بے دردی سے قتل ، حملہ اور حسب معمول فرار

پشاور ( عوام نیوز ایچ ڈی ) شمالی وزیرستان میں نامعلوم افراد نے چار دوستوں کوقتل کردیا ۔۔واقعہ تحصیل میرعلی کے گاؤں حیدر خیل میں پیش آیا ۔ چاروں دوست ایک اور دوست کے ہاں کھانے کے پروگرام کے بعد واپس جارہے تھے راستے میں موٹر سائیکل سواروں نے فائرنگ کردی ۔ پولیس کے مطابق چاروں افراد کی لاشیں میرعلی اسپتال منتقل کردی گئیں ہیں

19/06/2022

مکران میں سیکیورٹی فورسز کی کارروائی 6 دہشت گرد ہلاک

کوئٹہ ( عوام نیوز ایچ ڈی ) بلوچستان کےعلاقےمکران پاروم میں سیکیورٹی فورسزنے ایک کارروائی کے دوران فائرنگ کے تبادلے میں 6 دہشتگردوں کو ہلاک کیا ہے۔۔۔ آئی ایس پی آر کے مطابق ہلاک دہشت گردوں کا تعلق کالعدم تنظیم بی ایل ایف سے تھا جو کہ بم دھماکوں سمیت دہشت گردی کے دیگر درجنوں واقعات میں ملوث تھے ۔ ملزمان کے ٹھکانے سے بھاری اسلحہ اور گولہ باردو بھی برامد کیا گیا ہے ۔

18/06/2022

*ہرنائی میں مزدوروں کے کیمپ پر فائرنگ، 3 افراد جاں بحق*

(عوام نیوز ایچ ڈی ) بلوچستان کے علاقے ہرنائی میں مزدوروں کے کیمپ پر نامعلوم افراد نے فائرنگ کردی جس کے نتیجے میں 3 مزدور جان کی بازی ہار گئے۔
لیویز ذرائع کے مطابق فائرنگ سے 3 مزدور جاں بحق جبکہ متعدد زخمی ہوگئے جنہیں ہسپتال منتقل کردیا گیا ہے، سیکیورٹی حکام کا کہنا ہے کہ حملہ اور واردات کے بعد موقع سے فرار ہو گئےحملہ آوروں نے مزدوروں کے کیمپ اور مشینری کو بھی نذراتش کیا۔

15/06/2022

*وفاقی حکومت نے پیٹرول 24 روپے اور ڈیزل 59 روپے فی لیٹر مزید مہنگا کردیا*

اسلام آباد ( عوام نیوز ایچ ڈی ) حکومت نے پیٹرولیم مصنوعات کی قیمتوں میں مزید اضافے کا اعلان کرتے ہوئے پیٹرول 24 روپے 3 پیسے جبکہ ڈیزل 59 روپے 16 پیسے فی لیٹر مہنگا کرنے کا اعلان کیا ہے۔
وزیر خزانہ مفتاح اسماعیل نے بدھ کو رات گئے وزیر مملکت برائے پیٹرولیم مصدق ملک کے ہمراہ اسلام آباد میں پریس کانفرنس کرتے ہوئے بتایا کہ ’پیٹرولیم مصنوعات کی قیمتوں کا اطلاق بدھ اور جمعرات کی درمیانی رات 12 بجے سے ہو رہا ہے۔
ان کے مطابق ’پیٹرول کی نئی قیمت 233 روپے 89 پیسے جبکہ ڈیزل کی نئی قیمت 263 روپے 31 پیسے فی لیٹر ہوگئی ہے۔‘
وزیر خزانہ نے مزید بتایا کہ ’اس وقت ہم فی لیٹر پیٹرول پر 24 روپے تین پیسے جبکہ ڈیزل میں 67 روپے کا نقصان کر رہے ہیں۔ حکومت نے اس نقصان کے مطابق پیٹرولیم مصنوعات کی قیمتوں میں اضافے کا فیصلہ کیا ہے۔‘
انہوں نے کہا کہ’عالمی سطح پر پیٹرولیم مصنوعات کی قیمتوں میں اضافہ ہو رہا ہے۔ عالمی منڈی میں پٹرول کی قیمت 120 ڈالر فی لیٹر ہے۔‘
’عمران خان نے جان بوجھ کر پیٹرول کی قیمت کم رکھی۔ انہوں نے جو معاہدے کیے اس سے انہوں نے ہمارے ہاتھ باندھ دیے ہیں۔‘
مفتاح اسماعیل کا کہنا تھا کہ ’یہ عمران خان نے اگلی حکومت کے لیے ٹریپ چھوڑا تھا۔‘
’اب ہمارے درآمدی بل پر اثر پڑ رہا ہے اس لیے کچھ نہ کچھ اقدام لینا پڑ رہا ہے۔
وزیر خزانہ نے کہا کہ’ہم 80 لاکھ غریب پاکستانیوں کو ماہانہ دو ہزار روپے دے رہے ہیں۔ ہم اس طرح 8 کروڑ 50 لاکھ افراد کا مداوا کرنے کی کوشش کریں گے۔

14/06/2022

پشین حادثہ ، /شدید زخمی کراچی منتقل

#پشین کے قریب حیدر زئی کے مقام پر گزشتہ شب ٹریفک حادثے میں جان بحق افراد کے لاشیں ورثاء کے حوالے کر دی گئیں ۔ حادثے میں شدید زخمی ہونے والے افراد میں قدیر نامی شخص کو تشویشناک حالت میں کراچی منتقل کیا جا رہا ہے ۔ ڈاکٹروں کے مطابق مزکورہ زخمی کو سر میں شدید چوٹیں آئی تھیں جس کی وجہ سے آج ان کی حالت مذید بگڑ گئی ۔حادثے کے کچھ زخمیوں کو سول اسپتال کوئٹہ کے ٹراما سینٹر میں اس وقت طبی امداد دی جا رہی ہے۔

14/06/2022

لیویز حکام کے مطابق کوئٹہ سپین کاریز کے قریب واقع نجی کان سے چار افراد ، کو اس وقت اغواء کیا گیا جب وہ معمول کے کام میں مصروف تھے۔ اغواء کار واردات کے بعد موقع سے فرار ہو گئے ۔ واقعے کے بعد مقامی انتظامیہ نے مغویوں کی بازیابی کے لئے کارروائی شروع کردی ہے ۔ واضح رہے کہ اس سے قبل مچھ کے علاقے میں بھی دہشت گردوں کے حملے میں متعدد مائن ورکرز ہوچکے ہیں ۔

13/06/2022

پشین میں سڑک حادثہ 2خواتین جان بحق متعدد افراد شدید زخمی

کوئٹہ : ( عوام نیوز ایچ ڈی ) ضلع پشین کے قریب یارو کے مقام پردو گاڑیوں کے درمیان امنے سامنے سے تصادم ہوا ہے جس کے نتیجے میں 2 خواتین جان بحق جبکہ دو کمسن بچوں سمیت متعدد دیگر افراد شدید زخمی ہوئے ہیں جنہیں طبی امداد کے لئے ابتدائی طبی امداد کے بعد کوئٹہ ریفر کردیا گیا ہے ۔اطلاعات کے مطابق حادثہ تیز رفتاری کے باعث پیش جان بحق اور زخمی ہونے والے افراد کا تعلق کربلا سے بتایا گیا ہے۔ مذید کارروائی یارو لیویز کر رہی ہے ۔

13/06/2022

امریکی غلاموں میں روس سے تیل لینے کی جرات نہیں، عمران خان

پاکستان تحریک انصاف (پی ٹی آئی) کے چیئرمین عمران خان نے کہا ہے کہ امریکی غلاموں کو روس سے تیل لینے کی جرات نہیں، یہ لوگ دھاندلی سے الیکشن جیتنے کیلئے تیاری کر رہے ہیں۔

ایک تقریب سے خطاب کرتے ہوئے انہوں نے کہا کہ لوگوں کوخوف ہے کہ کہیں ملک میں قحط نہ پڑجائے،روس یوکرین جنگ کی وجہ سے گندم کی سپلائی متاثر ہوئیں اور قیمتیں بھی بڑھ گئیں۔

عمران خان نے کہا کہ پاکستان کوفوڈسیکیورٹی کااہم مسئلہ درپیش ہے،جب تک زراعت پر حکومت توجہ نہیں دے گی ملک آگے نہیں بڑھے گا، اس ملک میں خوشحالی زراعت کے ذریعے آئے گی، کسانوں کےحالات پرخاص توجہ دینےکی ضرورت ہے۔

انہوں نے کہا کہ جب تک حکومت زراعت پرتوجہ نہیں دےگی ملک خوشحال نہیں ہوسکتا۔

سابق وزیراعظم نے کہا کہ امپورٹڈ حکومت سے مجھے زیادہ امید نہیں،اس حکومت نےآتےہی ہرچیزمہنگی کرناشروع کردی، ہمارے دور میں سبسڈی کی وجہ سے زرعی پیداوارمیں ریکارڈ اضافہ ہوا تھا۔

مزید کہا کہآج صحافیوں کو ٹیلی فون کر کے دھمکیاں دی جا رہی ہیں، پولیس کے ذریعے مخالفین پر کیسز بنانے ہیں یہ وہ لوگ ہیں جن کے اربوں روپے باہر پڑے ہوئے ہیں،یہ لوگ پیسوں کے غلام ہیں۔

10/06/2022

*سرکاری ملازمین کی تنخواہوں میں 15 فیصد اضافے کی منظوری*

وفاقی کابینہ نے سرکاری ملازمین کی تنخواہیں 15 فیصد بڑھانے کی منظوری دے دی۔بجٹ اجلاس سے قبل وزیر اعظم شہباز شریف کی زیرصدارت وفاقی کابینہ کا اجلاس ہوا۔ جس میں وفاقی کابینہ نے پنشن میں 5 فیصد اضافے کی منظوری دے دی۔
ذرائع کے مطابق ملازمین کی تنخواہیں بڑھانے سے خزانے پر 71 ارب 59 کروڑ کا بوجھ پڑے گا۔وفاقی کابینہ نے مالی سال 23-2022 کے بجٹ کی منظوری دے دی۔

09/06/2022

پریس ریلیز (09 جون 2022)

*ایف سی بلوچستان (نارتھ) کا صوبے میں امن و استحکام کے قیام کے ساتھ ساتھ طبی خدمات کا سلسلہ جاری*

*فرنٹیئرکور کی جانب سے مچھ میں دو روزہ فری میڈیکل کیمپ کا قیام، 3000 سے زائد مریضوں کا مفت معائنہ اور ادویات کی تقسیم*

فرنٹیئرکور بلوچستان (نارتھ) غزہ بند سکاوٹس کی جانب سے بولان کے علاقے مچھ سول اسپتال میں دو روزہ فری میڈیکل کیمپ منعقد کیا گیا۔ میڈیکل کیمپ میں اسپیشلسٹ ڈاکٹرز نے 3000 سے زائد مریض جن میں 1439 بچے اور 876 خواتین شامل تھیں کا معائنہ کیا اور انہیں ادویات فراہم کیں۔ کیمپ میں مختلف بیماریوں کی تشخیص کیلئے جدید لیب ٹیسٹ کی سہولیات بھی فراہم کی گئی۔
مقامی افراد نے فرنٹیئر کور بلوچستان (نارتھ) کی جذبہ خیرسگالی کو سراہتے ہوئے ایف سی کے اعلی حکام کا شکریہ ادا کیا-

09/06/2022

09/06/2022

کوئٹہ:(09جون 2022) کونصل جنرل فرانس کرسچین ٹیسسٹوٹ نےایک وفد کے ہمراہ جامعہ بلوچستان کا دورہ کیا۔ ان کے ہمراہ سینیٹر نواب زادہ سیف اللہ مگسی بھی تھے۔ انہوں نے جامعہ کے وائس چانسلر پروفیسر ڈاکٹر شفیق الرحمان سے ملاقات کی۔ اس موقع پر جامعہ کے پرووائس چانسلر ، ڈی جی اسٹوڈنٹ افیئرز ، جامعہ کے رجسٹرار اور دیگر بھی موجود تھے۔ ملاقات کے دوران تعلیمی ، تحقیقی سرگرمیوں کے مشترکہ تعاون و اشتراک عمل ،شعبہ آرکیالوجی میں مشترکہ طور پر تحقیقی سرگرمیوں کے فروغ، ماہرین کے تبادلوں ، تربیتی سرگرمیوں سمیت مختلف امور پر تبادلہ خیال کیا گیا۔ جو کہ آرکیالوجی میں ملکی سطح کی ایک اہم تحقیق ہے۔ جو قدیمی اور آثار قدیمہ کے دریافت ، قدیم انسانی تاریخ، ثقافت و رسم و رواج کی عکاسی کرتا ہے۔صوبہ بلوچستان ، قدرتی معدنیات اور قدیم آثار قدیمہ کی وجہ سے بڑی اہمیت کا حامل ہے۔ جس میں تحقیق و تجربات سمیت جدید معلومات تک رسائی کے انتہائی زرائع موجود ہیں۔ انتھراپولوجی اور آرکیا لوجی کے شعبوں میں فرانس جامعہ بلوچستان کے ساتھ مشترکہ طور پر مختلف تعلیمی ، تحقیقی سرگرمیوں کے فروغ کے لئے اقدامات کررہی ہے۔
اس موقع پر جامعہ کے وائس چانسلر نے کہا کہ ملکی و قومی اور مختلف زبانوں کی ترقی و ترویج کے لئے جامعہ بلوچستان اقدامات کررہی ہے۔ اور فرانسیسی زبان اور اس کے کورسز کے لئے بھی مستقبل میں بھی مشترکہ طور پر اقدامات کئے جائیں گے۔ اور آن لائن سسٹم کے تحت لیکچر پروگرامز منعقد کئے جائیں گے۔ اور مختلف تعلیمی منصوبوں کو عملی جامہ پہنانے کے لئے عنقریب باہمی سمجھوتے و یادداشت کے عمل کو یقینی بنایاجائے گا۔جامعہ بلوچستان جو کہ صوبےکا قدیمی اور سب سےبڑی درسگاہ ہے۔ جو اعلیٰ تعلیم سمیت مختلف شعبوں میں ماسٹر ڈگری پروگرامز میں طلبہ کو علم سے آراستہ کررہی ہے۔ اور طالبات کی کثیر تعداد جامعہ میں زیر تعلیم ہے۔
انہوں نے کہا کہ جامعہ صوبائی حکومت کے تعاون سے شعبہ آرکیالوجی کو مزید بہتر بنائے گا۔ اور صوبے کے نوجوانوں کو معیاری تعلیم اور بہتر مستقبل کی جانب راغب کرنے کے لئے جامعہ پانچ دہائیوں سے اقدامات کررہی ہے۔اور مستقبل میں بھی فرانسیسی زبان کی ترویج کے لئے اقدامات کئے جائیں گے۔ اور جامعہ بلوچستان میں سینٹر کے قیام کو یقینی بنانے کے لئے اقدامات کئے جائیںگے۔
فرانس کے کونصل جنرل نے جامعہ کے صوبے میں تعلیمی خدمات کو سرہاتے ہوئے انتہائی خوشی کا اظہار کیا ۔ کہ کثیر تعداد میں طلباء و طالبات تعلیم کے زیور سے آراستہ ہورہے ہیں ۔ اور شعبہ آرکیالوجی کی قومی زبانوں کی ترویج کے لئے اقدامات بڑی اہمیت کا حامل ہےاس حوالے سے صوبے میں آثار قدیمہ ، جدید دریافت اور تحقیقی سرگرمیوں کو مشترکہ طور پر فروغ دیا جائے گا۔
اس موقع پر نواب زادہ سیف اللہ مگسی نےجامعہ جامعہ بلوچستان کے تعلیمی خدمات اور کارآمد انسانی وسائل کی فراہمی کو اہمیت کا حامل کرار دیتے ہوئے تعلیمی سرگرمیوں کے فروغ اور قومی زبانوں کی ترویج کو صوبے کے ترقی کے لئے اہم کرار دیا۔ اور ہر ممکن تعاون کا یقین دلایا کہ مادر علمی کے ساتھ تعاون و اشتراک عمل کو جاری رکھا جائے گا۔