25/11/2022
https://m.facebook.com/story.php?story_fbid=531289702346869&id=100063975315302&mibextid=Nif5oz
# شیرگڑھ میڈیا سیل # مردان پولیس کے متعدد پولیس اسٹیشن کے ایس ایچ اوز اور پولیس افسران تبدیل۔
ضلعی پولیس سربراہ ہارون رشید خان نے احکامات جاری کر دیئے۔ تفصیلات کے مطابق ضلعی پولیس سربراہ ہارون رشید خان نے ضلع بھر کے متعدد پولیس اسٹیشن کے ایس ایچ اوز اور پولیس افسران کے تبادلوں کے احکامات جاری کئے جن میں انسپکٹر گل شید خان پولیس لائن سے ایس ایچ اوتھانہ سٹی، سب انسپکٹر عبدالسلام خان پولیس لائن سے ایس ایچ او صدر، سب انسپکٹر زبیر شاہ جیل سیکیورٹی سے ایس ایچ او صدر، سب انسپکٹر پرویز تھانہ چورہ سے ایس ایچ او بائیزی، سب انسپکٹر ولایت شاہ پولیس لائن سے ایس ایچ او چورہ، سب انسپکٹرمدثر خان بائیزی سے ایس ایچ او کاٹلنگ، سب انسپکٹرنور محمد خان شیر گڑھ سے ایس ایچ او طورو، سب انسپکٹرریاض خان کاٹلنگ سے ایس ایچ او شیر گڑھ، سب انسپکٹرشاہ حسین چوکی عمر آباد سے ایس ایچ او خرکی اور خائستہ خان سٹی سے ایس ایچ او تھانہ لوند خوڑ تعینات کرنے کا اعلامیہ جاری کیا گیا۔ ڈی پی او ہارون رشید خان نے تمام پولیس افسران کوہدایات جاری کرتے ہوئے کہا کہ عوام الناس کے جان و مال کی تحفظ پولیس کی اولین ذمہ داری ہے کسی کو بھی نقص امن کی ہر گز اجازت نہیں تمام افسران اپنے فرائض منصبی ایمانداری اور خلوص دل سے سر انجام دیں۔جرائم پیشہ عناصر اور منشیات سمیت دیگر معاشرتی و سماجی جرائم کے خلاف بلا امتیاز کارروائیاں جاری رکھیں، ضلع بھر میں امن و امان کی صورتحال برقرار رکھنے کی خاطر تمام وسائل کو بروئے کار لایا جائے۔
