18/11/2023
بورےوالا(میاں شاہد سلیم سے) *پولیس نے پی ٹی آئی کے روپوش سابق اراکین اسمبلی کو اشتہاری قرار دے کر ان کی گرفتاری کے لیے ٹیمیں تشکیل دے دیں* تفصیل کے مطابق ضلع وہاڑی پولیس نے پی ٹی آئی سے تعلق رکھنے والے 4 سابق ممبران اسمبلی اور 3 امیدوار صوبائی اسمبلی کو اشتہاری قرار دے کر ان کی گرفتاریوں کو ہر صورت یقینی بنانے کے لیے ٹیمیں تشکیل دے دیں پولیس کی جانب سے جاری شدہ مراسلہ کے مطابق سابق ایم این ایز چوہدری نذیر احمد جٹ،طاہر اقبال چوہدری،سابق ایم پی ایز اعجاز سلطان بندیشہ،ظہور احمد کھرل جبکہ سابق امیدوار صوبائی اسمبلی خالد نثار ڈوگر،عائشہ نذیر جٹ،زاہد اقبال چوہدری کو ان کے خلاف تھانہ ماڈل ٹاؤن بورے والا میں درج مقدمہ نمبر577/23 میں اشتہاری قرار دے کر نہ صرف ان کی گرفتاری کو ہر صورت یقینی بنانے کے لیے چھاپہ مار ٹیمیں تشکیل دے دی گئی ہیں بلکہ تمام اشتہاریوں کے پاسپورٹس بلاک کرنے کی بھی سفارش کی گئی ہے تاکہ وہ ملک سے باہر فرار نہ ہو سکیں اشتہاری قرار دئیے جانے والے تمام افراد کا تعلق پاکستان تحریک انصاف سے ہے متعلقہ تھانوں کے تمام ایس ایچ اوز کو مراسلہ کے ذریعے تنبیہہ کیا گیا ہے کہ مذکورہ اشتہاریوں کی گرفتاری میں کسی قسم کی کوئی غفلت یا کوتاہی برداشت نہیں کی جائے گی۔