19/12/2024
آرٽس ڪائونسل آف پاڪستان لاڙڪاڻو جي شعبي ادب پاران سگھڙن جي سرتاج استاد محمد ملوڪ عباسي جي 80 ھين جنم ڏينھن جي موقعي تي شاندار سگھڙ ڪانفرنس ڪوٺائي ويئي ۽ استاد محمدملوڪ عباسي جي فرزند سگھڙ غلام شبير عباسي سان رھاڻ پڻ رچائي ويئي جنھن ۾ سنڌ جي ٽن وڏين تنظيمن جي سربراھن سگھڙ ممتاز علي عباسي محمدصالح عباسي سنڌ سگھڙ ادبي ڀلائي تنظيم جي خليل رحمان مھيسر علي گل گاڏھي سلات پاڪستان جي عاجز رحمت الله لاشاري ارشاد عرضائي سميت سوين سگھڙ شريڪ ٿيا سگھڙن ڏور ڳجھارت ڏٺ پرولي ڏھس سينگار گفتي آجيان پھاڪن آجيان سنگار جي بيتن سان لوڪ ادب جون لاتيون پيش ڪيون ان موقعي تي سگھڙ ممتاز علي عباسي چيو ته استاد محمد ملوڪ عباسي سنڌ ۾ سگھڙ ادب کي نوان رخ ۽ لاڙا ڏنا ھن سنڌ جي شھرن ڳوٺن مسجدن اسڪولن ميلن ملاکڙن ۾ پھچي لوڪ ادب جا مچ مچايا ۽ لوڪ ادب کي مضبوط ھٿن ۾ سونپيو خليل رحمان مھيسر چيو ته استاد محمد ملوڪ عباسي لوڪ ادب جو ھڪ وڏو نالو آھي جنھن سنڌ ۾ ھزارين سگھڙ شاگرد پيدا ڪري لوڪ ادب کي مضبوط ھٿن تائين پھچايو ھن جون محنتون صدين تائين سنڌ وساري نه ٿي سگھي عاجز رحمت الله لاشاري چيو ته استاد محمد ملوڪ عباسي سڀ کان اڳ ۾ پرنٽ ميڊيا تي سگھڙ ادب کي ڪتابي شڪل ڏيئي ڪتاب ڇپائي محفوظ ڪيو ۽ اليڪٽرانس ميڊيا تي سگھڙن جي پروگرامن جو بنياد رکيو سگھڙ محمد صالح عباسي چيو ته استاد محمد ملوڪ عباسي سنڌ جي چند وڏن ماڻھن ۾ شامل ھيو جن پنھنجي ڏات ڏانو فن فڪر زريعي سنڌ جو نالو سڄي دنيا ۾ روشناس ڪرايو آھي احمد علي صابر چانڊيو چيو ته محمد ملوڪ عباسي توڙي سندس اولاد سنڌ جي لوڪ ادب لاء تم تمام گھڻو ڪم ڪيو آھي اھوئي سبب آھي جو سنڌ کيس وساريو ناھي اڄ به سندس کي ياد ڪري سندس پٽ لائق عزت شاعر سگھڙ مير شبير عباسي سان رھاڻ رچائي کين خراج پيش ڪري رھيا آھيون عبدالنبي ساريو چيو ته استاد محمد ملوڪ عباسي گذريل ۽ ھلندڙ صدي جو تمام وڏو سگھڙ ھيو جنھن کي ياد ڪرڻ پنھنجو فرض سمجھون ٿا آرٽس ڪائونسل آف پاڪستان لاڙڪاڻو کي اھو اعزاز حاصل آھي جو پنھنجي وجود کان وٺي ھر سال استاد محمد ملوڪ عباسي جي سار واري پروگرام کي جاري ساري رکيون پيو اچي تقريب کي خطاب ڪندي سگھڙ مير شبير عباسي سنڌ جي ڪنڍ ڪڙڇ کان آيل سڀني سگھڙن جو ٿورو مڃيو جن استاد جي سالگره تقريب ۽ رھاڻ ۾ شرڪت ڪئي تقريب ۾ نامور سگھڙ ممتاز عباسي خليل رحمان مھيسر محمدصالح عباسي عاجز رحمت الله لاشاري علي گل گاڏھي ارشاد عرضائي مير شبير عباسي بلاول کوکر ايوب واھوچو اختر جھتيال يوسف ڀٽي محشوق شيخ محسن ڪلھوڙو حبيب الله عباسي غلام عباس موريو سميت سوين سگھڙ شريڪ ٿيا ۽ فن پيش ڪيو!!