12/01/2026
کراچی : عمران خان کے سپاہی وزیر اعلیٰ صوبہ خیبرپختونخواہ جناب مُحمد سہیل خان آفریدی کی اعلیٰ سطح وفد کے ہمراہ مجلس وحدت مسلمین پاکستان کے صوبائی سیکریٹریٹ سولجربازار آمد۔
ایم ڈبلیوایم کی جانب سے معزز مہمانوں کا پرتپاک استقبال، پھول نچھاور کیئے، گلدستے اور سندھ کی ثقافت اجرک اور ٹوپی تحفے میں پیش کی۔
جبکہ وزیر اعلیٰ کے پی کے سہیل آفریدی کے ہمراہ پاکستان تحریک انصاف کے مرکزی جنرل سیکریٹری بیرسٹر سلمان اکرم راجہ، مرکزی ایڈیشنل سیکریٹری فردوس شمیم نقوی، پارلیمانی لیڈر قومی اسمبلی شاہد خٹک ، ممبر قومی اسمبلی عادل خان بازائی، نعیم حیدر پنجوتھہ، نادیہ خٹک سمیت دیگر مرکزی، صوبائی اور کراچی کے رہنماؤں سمیت کارکنان و عہدیداران کی کثیر تعداد موجود تھی۔
اس موقع پر صوبائی آرگنائزر ایم ڈبلیوایم سندھ علامہ حیات عباس نجفی، ڈویژنل صدر علامہ صادق جعفری، علامہ مبشر حسن، صدر وحدت عزاداری وِنگ کراچی رضی حیدر رضوی، صدر وحدت یوتھ وِنگ کراچی علی حیدر کاظمی، صوبائی رہنما ناصرالحسینی، علی احمر ، صدر ضلع ملیر احسن عباس رضوی، آصف صفوی، عارف رضا، عمائدین پاراچنار اور دیگر رہنما بڑی تعداد میں استقبال کیلئے موجود تھے۔
بعد ازاں پریس کانفرنس سے گفتگو ، کرتے ہوئے پی ٹی آئی کے مرکزی جنرل سیکریٹری بیرسٹر سلمان اکرم راجہ اور سی ایم کے پی کے سہیل آفریدی نے کہا کہ کراچی پاکستان دل ہے، اس شہر نے پھر ثابت کیا کہ یہ عمران خان کا شہر ہے، ہم ایم ڈبلیوایم کے مشکور ہیں جس نے ہمیشہ ہمارا ساتھ دیا ہے، علامہ راجہ ناصر عباس ہمارے رہبر ہیں جو ہماری بہترین رہنمائی کرتے ہیں
ایم ڈبلیوایم رہنما علامہ حیات عباس اور علامہ صادق جعفری نے وزیر اعلیٰ سہیل آفریدی اور پی ٹی آئی قائدین کا وحدت ہاؤس آمد پر شکریہ ادا کیا اور حقیقی آزادی کی اس عظیم جدوجہد میں آخری سانس تک ساتھ دینے کا عزم کیا
