Spirit Of Islam - CPS

16/01/2026

16/01/2026

اصلاحی سیاست

تاریخ سے ثابت ہوتا ہے کہ جن لوگوں نے بھی سیاست کی اصلاح کے نام پر تحریک چلائی ، ان کی سیاست ہمیشہ تخریبی سیاست ثابت ہوئی۔ یہ تجربہ بتا تا ہے کہ سیاسی اصلاح کا مروجہ طریقہ درست طریقہ نہیں ہے ۔ اس کی وجہ یہ ہے کہ سیاسی اصلاح کے طریقے میں ہمیشہ ایک فریق ثانی موجود رہتا ہے ۔ ہر سیاسی اصلاح کا طریقہ فریق ثانی کو اپنے سیاسی مفاد کے خلاف نظر آتا ہے۔اس لیے اول دن ہی سے وہ اس اصلاحی سیاست کے خلاف ہو جا تا ہے ۔ اس مسئلے کا حل صرف ایک ہے ۔
یہ حل وہی ہے، جو پیغمبر اسلام صلی اللہ علیہ وسلم نے اپنی پوری زندگی میں اختیار کیا تھا۔ آپ کی اہلیہ عائشہ آپ کی پالیسی کو ان الفاظ میں بتاتی ہیں:ماخیر رسول الله صلى الله عليه وسلم بين أمرين إلا أخذ أيسرهما (صحيح البخاری ، حدیث نمبر 3560) ۔یعنی رسول اللہ صلی اللہ علیہ وسلم کو جب بھی دو معاملات کے درمیان اختیار دیا گیا ، آپ نے ان دونوں میں سے آسان تر کو اختیار کیا۔ یہ طریق عمل ہر تحریک کے لیے یکساں طور پر چسپاں ہوتا ہے ۔ اجتماعی زندگی میں جب بھی کوئی تحریک چلائی جاۓ ، تو اس کے چلانے والوں کو نہایت شدت کے ساتھ یہ اصول اپنانا چاہیے کہ ان کی تحریک مکمل طور پر امن کے اصول پر قائم رہے ۔
اس قسم کی تحریک کے دوران اگر کوئی ایسا مرحلہ آۓ ، جب کہ تحریک کو چلانے کی صورت میں ارباب سیاست سے ٹکراؤ پیش آنے والا ہو، تو وہاں مصلحین کو چاہیے کہ وہ پریکٹکل وزڈم کا طریقہ اختیار کر یں۔ وہ یک طرفہ طور پر غیر نزاعی انداز میں اپنی تحریک کو چلائیں ، کسی حال میں بھی وہ اپنی تحریک کونزاع اور ٹکراؤ کے راستے پر نہ لے جائیں۔ ارباب سیاست سے نزاعی طریقہ اختیار کرنا ، ہمیشہ نقصان کا سبب بنتا ہے ۔ کیوں کہ اس قسم کا ٹکراؤ عملاً دو غیرمساوی گروہوں کے درمیان ٹکراؤ بن جا تا ہے ۔ اہل اقتدار کے پاس طاقت ہوتی ہے ، اور مصلحین کے پاس طاقت موجود نہیں ہوتی ۔نتیجہ یہ ہوتا ہے کہ وہ عملا گریٹرایول ( greater evil) کے انجام تک پہنچ جاتا ہے ۔

الرسالہ، فروری 2020

16/01/2026

جن لوگوں کے پاس قوت اور مال آجائے ان کو موجودہ دنیا میں بڑائی کا مقام حاصل ہو جاتا ہے۔ یہ چیز ان کے اندر جھوٹا اعتماد پیدا کر دیتی ہے۔ ایسے لوگوں کو جب آخرت سے ڈرایا جاتا ہے تو وہ اس کو اہمیت نہیں دے پاتے۔ ان کو یقین نہیں آتا کہ دنیا میں جب خدا نے ان کو عزت دی ہے تو آخرت میں وہ انھیں بے عزت کر دے گا۔
یہی جھوٹا اعتماد ہر دور کے بڑوں کے لیے دعوت حق کو نہ ماننے کا سب سے بڑا سبب رہا ہے۔ اور وقت کے بڑے لوگ جب ایک چیز کو حقیر کردیں تو چھوٹے لوگ بھی اس کو حقیر سمجھ لیتے ہیں۔ اس طرح خواص اور عوام دونوں حق کو قبول کرنے سے محروم رہ جاتے ہیں۔
دنیا کا مال واسباب امتحان ہے، نہ کہ انعام۔ دنیا کے مال واسباب کی زیادتی نہ کسی آدمی کے مقرب ہونے کی علامت ہے اور نہ اس کی کمی اس کے غیر مقرب ہونے کی۔ اللہ کے یہاں قربت کا مقام اسی شخص کے لیے ہے جو اس بات کا ثبوت دے کہ جو کچھ اس كو ديا گيا تھا اس میں وہ خدا کی یادوں کے ساتھ جیا اور خدا کی مقرر کی ہوئی حدوں کا اپنے آپ کو پابند رکھا۔ یہی لوگ ہیں جو آخرت میں خدا کے ابدی انعامات کے مستحق قرار دئے جائیں گے۔

تذکیر القرآن سورہ سبا آیت 34

15/01/2026

❤️

13/01/2026

Centre for Peace and Spirituality
CPS Pakistan
www.SpiritofIslam.Org

Maulana Wahiduddin Khan's collection of over 200 books is now available in both Urdu and English.
To order books, read online, or download the official Mobile Apps or to join WhatsApp Group please click the link below:
https://goodword.com.pk/Home/Resources

To order books, read online, or download the official Mobile Apps, or to join the WhatsApp Group, please click the link below:elow::
📞 Contact:
+92 334 4856560
+92 333 4689950

13/01/2026

تاہم صرف قانون کا نفاذ معاشرہ کی صلاح وفلا ح کا ضامن نہیں۔حقیقی اصلاح کے لیے ضروری ہے کہ معاشرہ میں تقویٰ کی فضا موجود ہو۔ اس ليے قانونی حکم بتاتے ہوئے ایمان، تقویٰ اور آخرت کا اہتمام کے ساتھ ذکر کیاگیا۔ جس طرح ایک سیکولر نظام اسی وقت کامیابی کے ساتھ چلتاہے جب کہ شہریوں کے اندر اس کے مطابق قومی کردا ر موجود ہو۔ اسی طرح اسلامی نظام اسی وقت صحیح طورپر وقوع میں آتاہے جب کہ افراد کے قابل لحاظ حصہ میں تقویٰ کی روح پائی جاتی ہو۔ قومی کردار یا تقویٰ دراصل مطلوبہ نظام کے حق میں افراد کی آمادگی کانام ہے۔ اور افراد کے اندر جب تک ایک درجہ کی آمادگی نہ ہو، محض قانون کے زور پر اس کو نافذ نہیں کیا جاسکتا۔
مزید یہ کہ اسلام کی رو سے اصلاح معاشرہ بجائے خود مطلوب چیز نہیں ہے۔ اسلام میں اصل مطلوب فرد کی اصلاح ہے۔ معاشرہ کی اصلاح صرف اس کا ایک ثانوی نتیجہ ہے۔ قرآن جس ایمان، تقویٰ اور فکر آخرت کی طرف بلاتا ہے اس کا تحقق فرد کے اندر ہوتا ہے، نہ کہ کسی اجتماعی ہیئت کے اندر۔ اس ليے قرآنی دعوت کا اصل مخاطب فرد ہے، اور معاشرہ کی اصلاح افراد کی اصلاح کا اجتماعی ظہور۔
تذکیر القرآن ۔۔سورہ بقرہ

13/01/2026

16 فروری 1991 ء

جس آدمی کو عمل نہ کرنا ہو وہ بڑے بڑے الفاظ بولتا ہے ، اور جس آدمی کو عمل کرنا ہو وہ چھوٹے الفاظ بولتا ہے۔ عمل پسند انسان چپ رہتا ہے ، وہ جب بولتا ہے تو سوچ سمجھ کر بولتا ہے اور وہی بولتا ہے جو اسے کہنا ہے۔ اس کے برعکس لفظ پسند انسان کا حال یہ ہوتا ہے کہ وہ بولنے ہی کو کام سمجھ لیتا ہے۔ اس کو عمل سے کوئی مطلب نہیں ہوتا۔ البتہ ہر معاملہ میں وہ بولنے کا بادشاہ بنا رہتا ہے۔

ڈائری مولاناوحیدالدین

12/01/2026

خشوع کے بغیر نماز کی کوئی اہمیت نہیں۔۔

12/01/2026

قرآن میں ہے کہ اے ایمان والو تم کیوں وہ بات کہتے ہو جوتم کرتے نہیں۔ یہ اللہ کے نزدیک بہت گناہ کی بات ہے کہ تم وہ کہو جو تم کرتے نہیں (یا ایھا الذین آمنوا لم تقولون ما لا تفعلون- كبر مقتا عند الله ان تقولوا ما لا تفعلون) اس کی تشریح اگر الفاظ بدل کر کی جائے تو وہ یہ ہوگی کہ زندگی میں آدمی کو ہمیشہ دو میں سے ایک کا چوائس ہوتا ہے ۔ مگر اکثر اوقات وہ تیسرا چوائس لیتا ہے۔ جہاد کے سلسلہ میں ایک چوائس یہ ہے کہ آدمی جہاد کرے، دوسرا یہ کہ وہ جہاد نہ کرے۔ مگر آدمی یہ کرتا ہے کہ وہ تیسرا چوائس لیتا ہے یعنی وہ نہ توجہاد کرتا ہے اور نہ جہاد کرنے والوں میں شامل ہوتا ہے ۔ اس کے بجائے وہ یہ کہتا ہے کہ زور و شور کے ساتھ جہاد پر تقریر کرتا ہے۔ وہ لڑائی نہیں کرتا، البتہ لڑائی کی باتیں کرتا ہے ۔ یہ تیسرا چوائس " اللہ کے نزدیک سخت گناہ ہے۔ اس روش کا تعلق زندگی کے تمام معاملات سے ہے، خواہ وہ چھوٹا معاملہ ہو یا بڑا معاملہ ۔ مثلاً تحفہ دینے کے معاملہ کو لیجئے۔ اس سلسلہ میں ایک چوائس یہ ہے کہ آدمی تحفہ دے۔ دوسرا چوائس یہ ہے کہ وہ تحفہ نہ دے۔ مگر بیشتر لوگ تیسرا چوائس لیتے ہیں ۔ یعنی وہ کوئی سستی یا تماشے والی چیز خرید کر تحفہ دیتے ہیں۔ یا جو چیز اپنے لئے بیکار ہو ، اس کو تحفہ میں دے دیتے ہیں۔ یہ تیسرا چوائس لینا ہے، اور تیسرا چوائس کوئی چوائس نہیں ۔ اپنی حقیقت کے اعتبار سے یہ وہی چیز ہے جس کو جھوٹا کریڈٹ لینا کہا جاتا ہے۔

15 فروری 1991 ء
ڈائری مولاناوحیدالدین