News Figure

05/02/2025

ڈسٹرکٹ پریس کلب جنوبی وزیرستان اپر (رجسٹرڈ) میں 5 فروری یوم یکجہتی کشمیر کے حوالے سے شیر کشمیر سخی جان (مرحوم) کانفرنس کا انعقاد کیا گیا،
کانفرنس میں دامان پریس کلب، کانیگرم پریس کلب، سوشل میڈیا پریس کلب ٹانک کے علاؤہ صحافیوں اور عمائدین نے شرکت کی، صدر ڈسٹرکٹ پریس ملک حیات اللہ محسود، جنرل سیکرٹری وسیم محسود ، نائب صدر شباب باتور، جائنٹ سیکرٹری کرم علی پریس سیکرٹری عمران تھیم، فنانس سیکرٹری ارشاد محسود، کانیگرم پریس کلب کے ملک عرفان الدین برکی صدر کانیگرم پریس کلب، دامان پریس کلب ٹانک کے صدر آدم خان کنڈی، ڈاکٹر شیخ احسان، سوشل میڈیا کلب کے صدر فرید راکٹ اور قبائلی رہنما سردار آمان اللہ محسود نے خطاب کیا، پروگرام شرکاء نے مسئلہ کشمیر پر تفصیلی روشنی ڈالی، مقررین کا کہنا تھا کہ کشمیر پاکستان کی شہہ رگ ہے کشمیریوں پر آئے روز قابض فوج بھارت کی جانب سے ظلم کے پہاڑ توڑے جارہے ہیں اس سلسلے میں عالمی قوتوں کی خاموشی قابل افسوس ہے،
کشمیر پر بھارت کا ناجائز قبضہ، ظلم، بربریت اور فوج کشی کی بھرپور مذمت کی گئی،
تقریب سے خطاب کرتے ہوئے مقررین نے شیر کشمیر سخی جان بابا مرحوم کی کشمیر میں جہادی سرگرمیوں اور قبائلیوں عوام پر مشتمل کشمیر کی آزادی کےلئے لشکر کی قیادت اور جنگی حکمت عملی پر تفصیلی روشنی ڈالی گئی۔ پروگرام کے آخر میں کانفرنس شرکاء نے متفقہ طور پر قرارداد پیش کرتے ہوئے اقوام متحدہ سے کشمیر کی آزادی کےلئے اقدامات اٹھانے سمیت قابض بھارتی فوجیوں کو فوری طور کشمیر خالی کرنے کےلئے سنجیدگی سے اقدامات اٹھانے کی اپیل کی،۔

31/01/2025

آئی جی ایف سی خیبر پختونخواہ ساوتھ نے جنوبی وزیرستان اپر سے تعلق رکھنے والے صحافیوں کے ساتھ ملاقات کی ۔

ملاقات میں جنوبی وزیرستان میں امن امان کی صورتحال سمیت وزیرستان کی ترقی اور خوشحالی میں میڈیا کے دار سمیت جنوبی وزیرستان اپر میں نوجوانوں کے لیے روزگار کے فراہمی سمیت اہم معاملات پر بات چیت ہوئی

صحافیوں کے وفد میں کانی گرم پریس کلب کے صدر حاجی عرفان الدین برکی، ڈسٹرکٹ پریس کلب جنوبی وزیرستان اپر کے صدر ملک حیات اللہ سمیت جنوبی وزیرستان میں رپورٹنگ کرنے والے صحافی شامل تھے

اس موقع پر صحافیوں کی جانب سے جنوبی وزیرستان مکین کے متاثرین کو واپس اپنے گھروں کو باعزت اور معاوضے کے ساتھ بھیجے جانے پر ائی جی ایف سی ساؤتھ کا خصوصی طور پر شکریہ ادا کیا گیا اور اس امید کا اظہار کیا گیا کہ جس طرح سرا روغہ کے مقام پر عمائدین اور اعلی عسکری حکام کی جانب سے مل بیٹھ کر فیصلے کیے گئے اسی طرح یہ روایت جاری و ساری رہے گی

صحافیوں کے وفد نے ضلعی انتظامیہ کے جنوبی وزیرستان اپر منتقلی میں ائی جی ایف سی ساؤتھ کے کردار کو سراہا ۔ملک حیات اللہ اور ملک عرفان الدین برکی نے اس موقع پر کہا کہ جنوبی وزیرستان کی ابادکاری کے لیے اولین شرط ضلعی انتظامیہ کی جنوبی وزیرستان میں منتقلی ہے اور اس ضمن میں ائی جی ایف سی ساؤتھ کی جانب سے اٹھائے جانے والے اقدامات قابل تحسین ہے اور امید ہے کہ ضلعی انتظامیہ اس ضمن میں بھر پور کردار ادا کریں گی

ائی جی ایف سے ساؤتھ نے اس موقع پر کہا کہ صحافی کسی بھی معاشرے کے انکھ اور کان ہوتے ہیں اور جنوبی وزیرستان جیسے شورش زدہ علاقے میں صحافی کا کردار اور اہمیت زیادہ بڑھ جاتی ہے

ملاقات کے بعد ڈسٹرکٹ پریس کلب جنوبی وزیرستان اپر کے صدر ملک حیات اللہ اور کانیگرم پریس کلب کے چیئرمین حاجی عرفان الدین برکی کو ائی جی ایف سی کی جانب سے اعزازی شیلڈ سے بھی نوازا گیا

24/01/2025

جنوبی وزیرستان ( شباب باتور ) ڈسٹرکٹ یوتھ آفس جنوبی وزیرستان اپر کے زیر اہتمام ٹانک ڈی سی کمپاؤنڈ جرگہ ہال میں "معاشرے اور اچھی حکمرانی میں نوجوانوں کا کردار" کے موضوع پر تقریب منعقد ہوئی۔

ایڈیشنل ڈپٹی کمشنر جنرل فضل ودود صافی مہمان خصوصی تھے، جنوبی وزیرستان اپر یوتھ افیسر محمد فاروق محسود، چیئرمین سرویکئی شاہ فیصل غازی، چیئرمین لدھا تاج ملوک، کونسلر سمیت علاقہ معززین اور عمائدین نے تقریب میں شرکت کی۔

مقررین نے نوجوانوں کے معاشرتی ترقی میں کردار اور حکمرانی میں فعال شمولیت کو اجاگر کیا نوجوانوں، رہنماؤں اور عمائدین کے درمیان تعاون کی ضرورت پر زور دیا تاکہ ایک ہم آہنگ اور ترقی پسند معاشرہ تشکیل دیا جا سکے۔

ڈسٹرکٹ یوتھ آفیسر محمد فاروق محسود نے کہا کہ صوبائی حکومت کی خصوصی ہدایت پر ڈسٹرکٹ یوتھ آفس نوجوانوں کو مثبت سرگرمیوں کی جانب راغب کرنے کے لئے سرگرم ہیں۔ انہوں نے کہا کہ نوجوان کسی بھی معاشرے کو مثبت طریقہ سے اجاگر کرنے میں اہم کردار ادا کرتے ہیں

تقریب کے اختتام پر نوجوانوں کو تعلیم، قیادت کے مواقع اور صلاحیتوں کی تعمیر کے ذریعے بااختیار بنانے کے عزم کا اظہار کیا گیا۔

13/01/2025

پیس اینڈ ڈیولپمنٹ آرگنائزیشن (P**O) کی طرف سے تقسیم راشن میں بڑے پیمانے پر خرد برد، خواتین سراپا احتجاج، غریب عوام رل گئی
ٹانک ضلعی انتظامیہ و ڈپٹی کمشنر کے دفتری و سیاسی لاڈلوں کی راشن پر بھرمار،
درجنوں ٹوکن کی راشن کا دن دہاڑے سٹال لگا کر انہیں بے دردی سے غریب، بے بس اور لاچار عوام کے سامنے لوٹا گیا۔
ڈپٹی کمشنر کمپاونڈ ضلع ٹانک کے سامنے ٹانک ٹو وزیرستان مین شاہراہ ہر قسم کے ٹریفک کے لئے بند۔

ضلع ٹانک(ڈسٹرکٹ پریس کلب جنوبی وزیرستان اپر) سعودی حکومت کے تعاون و اشتراک اور پیس اینڈ ڈیولپمنٹ آرگنائزیشن نامی غیر سرکاری تنظیم کے ہاتھوں تقسیم کئے گئے راشن کو ڈپٹی کمشنر کے دفتری و سیاسی لاڈلوں نے خوب لوٹ لیا۔ جس کے پیش نظر خواتین سراپا احتجاج لئے ٹانک ٹو وزیرستان مین شاہراہ کو ہر قسم ٹریفک کے لئے بند کرا دیا گیا۔ (P**O) کی طرف سے تقسیم کئے گئے راشن کو مستحق و غریب عوام کے بجائے غیر مستحق، سیاسی جماعت و انصاف کے لاڈلوں اور انکے عزیز و رفقاء میں تقسیم کیا گیا۔ میڈیا کے نمائندوں سے بات چیت کرتے ہوئے متاثرین کا کہنا تھا کہ ہمیں راشن کے ٹوکن دئیے گئے مگر راشن نہیں دیا گیا بلکہ تمام راشن سیاسی جماعت کے کارکنان انکے عزیز و اقارب میں تقسیم کرا دیا گیا۔ خواتین نے گلہ کرتے ہوئے ڈسٹرکٹ پریس کلب جنوبی وزیرستان اپر کے میڈیا نمائندے سے کہا کہ ہم دو روز تک دور دراز علاقوں سے بچوں کو چھوڑ کر کرائیے لگا کر آتے رہیں مگر یہاں ہمارے ساتھ انتہائی ہتک آمیز رویہ اپنایا گیا، خواتین کو دھکے لگا کر راشن ڈسٹریبیوشن پوائنٹ سے نکالا گیا اور ہمیں راشن بھی نہیں دیا گیا، اور تو اور بہت سے بوڑھی عورتوں و بچوں سے ٹوکن زبردستی چینے گئے اور تزلیل کر کے انہیں یہ کہہ کر نکالا گیا کہ یہ ٹوکن تو جعلی ہے۔ بعض خواتین کا کہنا تھا کہ جب اس حوالے سے P**O کے کمپلینٹ سیل نمبر پر جب رابطہ کیا گیا تو انکی طرف سے کوئی خاطر خواہ جواب نہیں ملا۔ ڈسٹرکٹ پریس کلب جنوبی وزیرستان اپر کے باوثوق زرائع و تحریک انصاف کے آفیشل وٹس ایپ گروپ کے لیک وائس کے مطابق انکشاف ہوا کہ راتوں رات راشن کو ڈپٹی کمشنر کے لاڈلوں و سیاسی ورکروں نے ریڑھیوں اور رکشوں میں ڈال کر بااثر سیاسی افراد کے گھروں، اپنے عزیز و اقارب و رفقاء تک پہنچایا گیا ہے۔ اور تو اور درجنوں بغض ٹوکن کے راشن کو تھیلے بدل کر انہیں بازار میں فروخت بھی کیا گیا۔ جبکہ دوسری جانب ضلع ٹانک کے غریب و مستحق عوام جن میں بوڑھے بچے اور خواتین ہاتھوں میں ٹوکن لئے راشن پوائنٹ کے باہر ذلیل وخوار ہوتے رہے۔
اس حوالے سے ضلع ٹانک کی عوام نے P**O کے اعلیٰ حکام ، چیف منسٹر خیبرپختونخوا، گورنر خیبرپختونخوا، چیف سیکرٹری خیبرپختونخوا، ڈائریکٹر جنرل فوڈ خیبرپختونخوا و کمشنر ڈیرہ اسماعیل خان ڈویژن سے مطالبہ کیا گیا کہ تقسیم راشن کی خرد برد میں ملوث گنہگاران پر فوری جے آئی ٹی ( انکوائری کمیشن) تشکیل دی جائے، اور سخت سے سخت قانونی کارروائی عمل میں لائی جائے۔

09/01/2025

افسوسناک خبر😭😭
جنوبی وزیرستان وانا بازار امن چوک کے نزدیک زنانہ انتظار گاہ میں فائرنگ سے ایک عمر رسیدہ عورت جانبحق ہوگئی ہیں.جبکہ ایک شخص زخمی بھی بتایا جارہا ہے. فائرنگ کی وجہ ابھی تک معلوم نہیں ہوسکی.
عمر رسیدہ خاتون زمچن سکنہ شولام سے بتایا جارہا ہے۔ زرائع

08/01/2025

عصمت اللہ، عدنان اور عمران کے والد مرحوم ماسٹر عبید اللہ کنڈی محلہ محسودان والے کی فاتحہ خوانی کل سے محلہ محسودان میں انکی رہائش گاہ پر ہوگی۔

08/01/2025

07/01/2025

غم کی خبر
إِنَّا ِلِلَّٰهِ وَإِنَّا إِلَيْهِ رَاجِعُونَ
عصمت اللہ، عدنان اور عمران کے والد ماسٹر عبید اللہ کنڈی محلہ محسودان والے اس فانی دنیا سے کوچ کر گئے ہے۔ جسکی نمازِ جنازہ آج بروز منگل بتاریخ 07-01-2025 بوقت بعد نماز ظہر 2:30 بجے کو میخانی قبرستان میں ادا کی جائے گی۔

06/01/2025

جنوبی وزیرستان اپر: ڈسٹرکٹ پریس کلب جنوبی وزیرستان (رجسٹرڈ) کے صحافی ذیشان بیٹنی کو سینکڑوں آشکبار آنکھوں کے سامنے سپرد خاک کردیا گیا،
ذیشان بیٹنی تھلیسمیا (سیکل) کے مرض میں مبتلا تھا جس کے علاج کے لئے ڈسٹرکٹ پریس کلب جنوبی وزیرستان اپر نے ہر سرکاری ادارے کا دروازہ کھٹکھٹایا مگر کہیں سے بھی ذیشان بیٹنی کے علاج کےلئے مثبت جواب نہیں ملا

28/12/2024

ٹانک (بیورورپورٹ) ڈسٹرکٹ پریس کلب کے نومنتخب صدر ملک حیات اللہ نے یوتھ کمیٹی کے مرکزی دفتر کاافتتاح کردیا. چیئرمین یوتھ کمیٹی ہدایت اللہ برکی نے نومنتخب صدر ملک حیات اللہ اور نو منتخب کابینہ کا گرم جوشی سے استقبال کیا. ٹانک کے بنیادی مسائل کے حوالے سے بات چیت کرتے ہوئے ملک حیات اللہ نے کہا کہ ڈسٹرکٹ ٹانک کو درپیش مسائل میں پینے کا پانی، نکاس، روڈ، ہسپتال، بجلی، گیس وغیرہ ہیں جسے ہر پارٹی نے اپنے مفادات کیلئے لٹکائے رکھا جس کے آئندہ بھی ہمیشہ جاری رہنے کے زیادہ امکانات ہیں.انہوں نے مزید کہا کہ ٹانک کے بنیادی مسائل کے حل میں یوتھ کا کردار بہت اہم ہے اگریوتھ ورکر مفادات کو بالائے طاق رکھے توٹانک جیسے چھوٹے شہر میں مسائل کانام ونشان بھی باقی نہیں رہے گا. اس موقع پر انجنئیررفیق عالم نے کہاکہ ڈسٹرکٹ انتظامیہ کو ٹی.ایم.اے حدود تک تجاوزات کیخلاف ادھورا اپریشن پایہ تکمیل تک پہنچانا چاہیئے اور ضلعی انتظامیہ سابقہ ڈپٹی کمشنر ٹانک ارشد قیوم کے ریکارڈ کے مطابق لگائے گئے نشانات تک قبضہ مافیا سے سرکاری حدود چھڑوا کر روڈ کوچوڑا کرے. یوتھ کمیٹی کے چیئرمین ہدایت اللہ برکی کا کہناتھاکہ ٹانک جیسے چھوٹے شہر میں مسائل کا حل کوئی اتنی بڑی بات نہیں لیکن شرط یہ ہے کہ ہر پارٹی میں موجود یوتھ اس حوالے سے اپناکردار ادا کرے. انہوں نے نومنتخب صدر ملک حیات اللہ اور نومنتخب کابینہ کا مرکزی دفتریوتھ کمیٹی آمد پر شکریہ اداکیا.

28/12/2024

جنوبی وزیرستان : ال سیاسی اتحاد کا حالیہ صورتحال کو لے کر میڈیا کے نمائندوں سے پریس کانفرنس

26/12/2024

26/12/2024

جنوبی وزیرستان اپر (ڈسٹرکٹ پریس کلب رجسٹرڈ) کے تحصیل مکین کے گاؤں دشکہ،ظریف خیل ،ابا خیل میں ممکنہ اپریشن کے باعث مقامی رہائیشوں نے محفوظ علاقوں کی طرف نقل مکانی کا سلسلہ شروع کر دیا ممکنہ اپریشن کی وجہ سے نقل مکانی کرنے والے افراد اپنی مدد اپ کے تحت محفوظ علاقوں کی جانب منتقل ہو رہے ہیں

جبکہ مقامی لوگوں نے نقل مکانی کرنے والے افراد کو رہائش اور کھانے پینے کی فراہمی سمیت ٹرانسپورٹ کی فراہمی میں اہم اردا کردار ادا کیا
نقل مکانی کرنے والے افراد ضلعی انتظامیہ،سیاسی نمائندوں اور محسود قوم کے اہم شخصیات سے شکوہ کرتے نظر ائے
اس حوالے سے ڈپٹی کمشنر جنوبی وزیرستان اپر سلیم جان مروت سے معلومات لینے اور انتظامیہ کے خاموش کردار کے حوالے سے موقف لینے کے لیے رابطے کی کوشش کی مگر ان کے ساتھ رابطہ نہ ہو سکا اور اب تک اس حوالے سے مقامی سطح پر کوئی سرکاری موقف سامنے نہیں ایا
مقامی ذرا ئع کے مطابق ڈسٹرکٹ پولیس افیسر جنوبی وزیرستان اپر ارشد خان نے اس سارے معاملے میں اہم کردار ادا کیا گزشتہ رات مقامی جرگہ اور سیکورٹی فورسز کے درمیان مصالحت میں اہم کردار ادا کیا اور مقامی جرگے کو اعتماد میں لیتے ہوئے مذکورہ گاؤں اور اس کے قریب واقع ابادی کو اج دن 12 بجے تک خالی کرنے کا وقت مانگ کر گزشتہ رات گئے سیکیورٹی فورسز کے اپریشن کو شروع کرنے میں مہلت پر مقام جرگہ اور سیکورٹی فورسز کے درمیان اتفاق پیدا کیا جس کے بعد اج مقامی لوگوں نے نقل مکانی کی اور سیکورٹی فورسز نے اپریشن کا اغاز کر دیا۔

23/12/2024

ڈسٹرکٹ پریس کلب جنوبی وزیرستان اپر کے انتخابات مکمل، ملک حیات اللہ محسود بلا مقابلہ صدر منتخب

جنوبی وزیرستان ( نامہ نگار ) ڈسٹرکٹ پریس کلب جنوبی وزیرستان اپر کے انتخابات مکمل جسمیں ملک حیات اللّٰہ محسود بلا مقابلہ صدر منتخب ہو گئے، دیگر کابینہ اراکین جس میں چیئرمین رقیب اللہ ،سنئیر نائب صدر فیاض برکی، نائب صدر شباب باتور،جنرل سیکرٹری وسیم محسود، فنانس سیکرٹری ارشاد محسود، جائنٹ سیکرٹری کرم علی محسود، پریس سیکرٹری نثار احمد اور آفس سیکرٹری عمران تھیم منتخب کئے گئے۔

اس موقع پر ،ڈسٹرکٹ پریس کلب ٹانک، دامان پریس کلب، جنڈولہ پریس کلب اور کانیگرم پریس کلب کے وفود کے علاؤہ ضلعی انتظامیہ جنوبی وزیرستان اپر، تمام لائن ڈیپارٹمنٹس، سیاسی و سماجی رہنماؤں، منتخب بلدیاتی نمائندوں کے علاوہ میئر سرویکئی شاہ فیصل غازی ،جنرل سیکرٹری پاکستان تحریک انصاف کے جنرل سیکرٹری شیراز محسود، جمعیت علمائے اسلام کے مفتی خالق نور، صدر آئی ایس ایف جنوبی وزیرستان بلال درویش، وزیراعلی خیبرپختونخواہ ہاؤس ڈیرہ اسماعیل خان کے انچارج سنیٹر محمود،چیئرمین یوتھ کمیٹی ہدایت بركی ،سماجی شخصیت ملک اکبر علی بھٹنی، سپروائزر لوکل گورنمنٹ ڈیپارٹمنٹ عابد انور،ویلج سیکرٹری حکیم اللہ، انچارج لائسنس برانچ محمد علی کے علاؤہ کثیر تعداد میں لوگوں نے شرکت کی اور منتخب کابینہ کو مبارکباد دے دی گئی،

لائن ڈیپارٹمنٹس کے افسران میں ڈسٹرکٹ ہیلتھ افیسر جنوبی وزیرستان اپر ڈاکٹر طفیل شیرانی ، پیرامیڈکس جنوبی وزیرستان اپر کے صدر حکمت اللہ محسود ،ایم ایس ڈسٹرکٹ ہیڈ کوارٹر اسپتال ڈاکٹر نثار برکی ، پیتھالوجی ڈیپارٹمنٹ کے سربراہ ڈاکٹر فخر ،ایگریکلچر ایکسٹینشن جنوبی وزیرستان کے اسسٹنٹ ڈائریکٹر عمران وزیر ، ایس ایچ او تھانہ سٹی سمیع خان ،ایس ایچ او تھانہ سرا روغہ نیاز اور سب انسپکٹروانا پولیس عالمگیر خان ،پی ایم ڈپٹی کمشنر کمپاؤنڈ جنوبی وزیرستان اپر رشید محسود، سپریٹنڈنٹ معراج خان، جنوبی وزیرستان اریگیشن ڈیپارٹمنٹ کے سب انجینیئر زبیر کے علاوہ دیگر آفسران نے شرکت کی

نو منتخب صدرملک حیات اللہ محسود نے اس موقع پر خطاب کرتے ہوئے کہا کہ میں پریس کلب کے ممبران کے بھر پور اعتماد پر ان کا تہہ دل سے مشکور ہوں کئی سالوں سے صحافیوں اور پریس کلب کی خدمت کرکے معیاری صحافت کو پروان چڑھانے اور عوامی مسائل کو اجاگر کرنے کی کوشش کی ہے اب بطور صدر ڈسٹرکٹ پریس کلب جنوبی وزیرستان کی ترقی اور صحافیوں کی فلاح و بہبود کیلئے کوئی دقیقہ فروگزاشت نہیں کیا جائے گا۔

17/12/2024

ایم پی اے صف خان محسود کی ڈسٹرکٹ پریس کلب جنوبی وزیرستان اپر رجسٹرڈ امد ،علاقائی مسائل اجاگر کرنے میں صحافی برادری کے کردار کا اعتراف

جنوبی وزیرستان : جنوبی وزیرستان سے منتخب ایم پی اے اصف خان محسود نے ڈسٹرکٹ پریس كلب جنوبی زیرستان اپر کا دورہ کیا ۔

اس موقع پر ڈسٹرکٹ پریس کلب جنوبی وزیرستان کے صدر ملک حیات اللہ محسود ،سمیت دیگر صحافیوں سے غیر رسمی بات چیت کرتے ہوئے ایم پی اے اصف خان محسود نے جنوبی وزیرستان اپر کے مسائل کو غیر جانبدارانہ انداز میں پیش کرنے پر ڈسٹرکٹ پریس کلب جنوبی وزیرستان اپر کے صحافیوں کا خصوصی طور پر شکریہ ادا کیا اور کہا کہ صحافی برادری کی جانب سے غلطیوں کی نشاندہی کو خوش امدید کہتے ہیں اور تنقید برائے اصلاح کو میں بذات خود سراہتا ہوں

ان کا مزید کہنا تھا کہ ڈسٹرکٹ پریس کلب جنوبی وزیرستان اپر کو دیگر پریس کلبوں کی طرح اپنی گرانٹ ملنی چاہیے اور اس حوالے سے میں وزیر اعلی خیبر بختون خواہ و سیکرٹری انفارمیشن کے سامنے اس معاملے کو اٹھاؤں گا اور ڈسٹرکٹ پریس کلب کو اپنا جائز حق ہر صورت دلا کر رہوں گا

ڈسٹرکٹ پریس کلب جنوبی وزیرستان اپر کے صدر ملک حیات اللہ محسود نے منتخب ایم پی اے آصف خان محسود کا شکریہ ادا کیا اور کہا کہ ایم پی اے اصف خان محسود سے امید ہے کہ وہ جنوبی وزیرستان اپر کے مسائل کو ترجیحی بنیادوں پر حل کرنے کے لیے اپنے تمام تر توانائیاں جاری رکھیں گے اور اس مرحلے میں صحافی برادری نہ صرف ان کو سپورٹ کرے گی بلکہ ان کے شانہ بشانہ کھڑے ہو کر وزیرستان کی اباد کاری میں اپنا کردار ادا کرے گی۔