Pak Sindh Tv Official

17/10/2023

نگران وزيراعظم انوار الحق ڪاڪڙ پيٽروليم شين جا اگهه گهٽجڻ تي عوام کي فائدو پهچائڻ لاءِ پرائس ڪنٽرول جو نظام سخت ڪري شين جا اگهه گهٽائڻ جي هدايت ڪري ڇڏي.
وزيراعظم اهم پاليسي بيان جاري ڪندي چيو آهي ته ٻارڻ جي اگهن ۾ گهٽتائي جي نتيجي ۾ وفاقي ۽ صوبائي سطح تي اختيارين کي پرائس ڪنٽرول جي سخت طريقي ڪار کي فعال ڪرڻ جي هدايت ڪئي آهي.
هن چيو سڀني وڏن وزيرن کي درخواست ٿو ڪيان ته اهي ان ڳالهه کي يقيني بڻائين ته ضروري شين ۽ خدمتن جا اگهه گهٽايا وڃن، پيٽروليم شين جي اگهن ۾ لاٿ جو فائدو عوام تائين پهچائڻ تي ڌيان ڏنو وڃي ۽ سرڪاري ادارا شين جا اگهه گهٽائڻ لاءِ هدايتن تي سختي سان عملدرآمد يقيني بڻائين.

17/10/2023

حڪومت پاڪستان فلسطينين لاءِ فوري طور انساني بنيادن تي امداد غزا رواني ڪرڻ جو فيصلو
پرڏيهي کاتي جي ترجمان ممتاز زهرا بلوچ طرفان جاري ڪيل بيان ۾ چيو ويو آهي ته غزا ۾ انڌاڌند اسرائيلي جارحيت ۽ گهيري کي ڏسندي غزا جي اڳ کان مظلوم عوام کي انساني امداد جي فوري طور ضرورت آهي.

13/10/2023

ڳوٺ جلال خاصخيلي واسي محمد رمضان پٽ علي گوهر خاصخيلي عمر 18سالا زهريلي دوا پيموبائل نه وٺي ڏيڻ تان خودڪشي ڪري ڇڏي

22/09/2023

اليڪشن ڪميشن پاران جنوري 2024ع جي آخري هفتي ۾ عام چونڊون ڪرائڻ جو اعلان ڪيو ويو آهي.

اليڪشن ڪميشن طرفان جاري ڪيل پڌرائي ۾ چيو ويو آهي ته تڪبندين واري ڪم جو جائزو وٺي فيصلو ڪيو ويو، تڪبندين جي ابتدائي فهرست 27 سپٽيمبر تي شايع ڪئي ويندي.پڌرائي موجب، تڪبندين تي اعتراض ۽ تجويزن جي ٻڌڻي کانپوءِ ٽيهه نومبر تي حتمي فهرست جاري ڪئي ويندي.

پڌرائي ۾ ڄاڻايو ويو آهي ته حتمي فهرست شايع ٿيڻ جي 54 ڏينهن کانپوءِ جنوري جي آخري هفتي ۾ عام چوندون ڪرايون وينديون.

06/09/2023

اليڪشن ڪميشن سنڌ پوليس ۾ وڏي پئماني تي مقررين ۽ بدلين جو نوٽيفڪيشن جاري ڪري ڇڏيو.

اليڪشن ڪميشن طرفان جاري ڪيل نوٽيفڪيشن موجب، 1 ايڊيشنل آءِ جي، 8 ڊي آءِ جيز، 31 ايس ايس پيز ۽ ايس پيز جون بدليون ڪيون ويون آهن.

نوٽيفڪيشن موجب، خادم رند کي ايڊيشنل آءِ جي اسپيل برانچ مان بدلي ڪري ايڊيشنل آءِ جي ڪراچي مقرر ڪيو ويو آهي.

نوٽيفڪيشن ۾ ڄاڻايو ويو آهي ته اسد رضا ڊي آءِ جي سائوٿ زون ڪراچي، عاصم خان ڊي آءِ جي ويسٽ زون ڪراچي ۽ ڪيپٽن رٽائرڊ غلام اظفر کي ڊي آءِ جي ايسٽ زون ڪراچي مقرر ڪيو ويو آهي.

عبدالحميد کوسو ڊي آءِ جي سکر، جاويد جسڪاڻي ڊي آءِ جي لاڙڪاڻو، طارق رزاق ڊي آءِ جي حيدرآباد، پرويز چانڊيو ڊي آءِ جي شهيد بينظير آباد ۽ تنوير عالم اوڍو کي ڊي آءِ جي ميرپور خاص مقرر ڪيو ويو آهي.

ان کانسواءِ امجد شيخ کي ايس ايس پي حيدرآباد، ابريز علي عباسي ايس پي ٽنڊوالهيار، سليم شاهه ايس پي ٽنڊو محمد خان، نور الحق رند ايس پي مٽياري، طارق نواز ايس پي ڄامشورو، شبير سيٺر ايس پي دادو، حيدر رضا کين ايس ايس پي شهيد بينظير آباد مقرر ڪيو ويو آهي.

06/09/2023

سپريم ڪورٽ نيب ترميمن خلاف عمران خان جي درخواست تي فيصلو محفوظ ڪري ورتو، جيڪو چيف جسٽس پنهنجي رٽائرمينٽ کان اڳ ٻڌائڻ جو اعلان ڪيو آهي.
چيف جسٽس عمر عطا بنديال جي سربراهي ۾ 3 رڪني بئنچ عمران خان جي نيب ترميمن خلاف درخواست تي ٻڌڻي ڪئي، بئنچ ۾ جسٽس اعجاز الاحسن ۽ جسٽس منصور علي شاهه شامل آهن.
چيف جسٽس درخواستگذار جي وڪيل خواجا حارث ۽ وفاق جي وڪيل مخدوم علي خان جا دليل ٻڌڻ کانپوءِ چيو ته نيب ترميمن جي ڪيس جو فيصلو جلد ٻڌائينداسين ۽ فيصلو ٻڌائڻ جي تاريخ جو اعلان پوءِ ڪنداسين، مدد ڪرڻ تي سڀني ڌرين جا ٿورا مڃون ٿا.
هن چيو ته منهنجي رٽائرمينٽ ويجهو آهي ۽ رٽائرمينٽ کان اڳ فيصلو ٻڌائينداسين.

06/09/2023

پنجاب جي نگران حڪومت کنڊ اگهن ۾ واڌ تي رپورٽ جاري ڪري ڇڏي.
رپورٽ موجب کنڊ جي اگهن ۾ واڌ جو سبب لاهور هاءِ ڪورٽ جو منع نامو آهي، ان سان اگهه وڌيا، شگر ملز جا سمورا ڪيس مخصوص عدالت ۾ هلايا ويندا آهن.
رپورٽ ۾ چيو ويو آهي ته کنڊ جي اگهه ۾ وڏي واڌ ڪئي پئي وڃي، شگر ملز، بروڪرز ۽ سٽي بازن ذريعي ناجائز منافعو ڪمايو پيو وڃي، فيصلي مان ڇوٽڪارو حاصل ڪندي خوراڪ کاتي ڪابينا لاءِ سمري پيش ڪئي، ڪابينا پنجاب فوڊ سٽفز آرڊر ذريعي اگهه مقرر ڪرڻ جو اختيار ڪين ڪمشنر پنجاب کي ڏنو هو.
رپورٽ جي متن موجب ڪين ڪمشنر ايڪس مل قيمت مقرر ڪرڻ جو عمل شروع ڪيو، ڪرشنگ سيزن دوران ملڪ ۾ ڪُل 7.7 ملين ميٽرڪ ٽن کنڊ پيدا ٿي، 5 ملين ميٽرڪ ٽن کنڊ جو ذخيرو پنجاب ۾ هو، پنجاب جا ذخيرا گڏيل خطي جون ضرورتون پوريون ڪرڻ لاءِ ڪافي هئا.
رپورٽ ۾ ٻڌايو ويو آهي ته 4 مئي 2023 تي جسٽس شاهد ڪريم ان اعتراض تي ته اگهه مقرر ڪرڻ جو موضوع صوبائي آهي، ايندڙ تاريخ 20 سيپٽمبر مقرر ڪري ڇڏي، ڪنهن نه ڪنهن بهاني اسٽي آرڊر جي تاريخن ۾ واڌ ڪئي پئي وڃي، شگر ملز ۽ سٽي باز هڪ سئو رپيا في ڪلو قيمت وصول ڪري رهيا آهن.

06/09/2023

پاڪ فوج جي سربراهه جنرل عاصم منير سان ملاقات ڪندڙ واپارين موجب آرمي چيف چيو آهي ته ڪا به سياسي پارٽي پاڪستان سان مخلص ناهي.

صدر ايف پي سي سي آءِ عرفان شيخ ٻڌايو ته آرمي چيف 8 کان 10 سياستدانن جا نالا وٺي چيو ته هي موٽرسائيڪل تي هئا، هاڻي پرڏيهه ۾ آهن.

پاڪ فوج جي سربراهه جنر عاصم منير سان ٽي سيپٽمبر تي ڪراچي ۽ لاهور جي واپارين ملاقات ڪئيهئي جنهن ۾ مشهور ڪاروباري شخصيت زبير موتي والا به شامل هو.

گذريل ڏينهن نجي پروگرام ۾ ڳالهائيندي موتي والا ٻڌايو ته آرمي چيف ڳالهين ۾ اهو به چيو ته ڪابه سياسي پارٽي پاڪستان سان مخلص ناهي.

صدر ايف پي سي سي آءِ عرفان شيخ پروگرام ۾ ڳالهائيندي چيوته پاڪستاني معيشت جي حوالي سان پاڪ فوج جو سربراهه سرگرم ۽ فڪرمند آهي ۽ جلد سياسي شخصيتون قانون جي ڪٽهڙي ۾ نظر اينديون.

عرفان شيخ ملاقات جو احوال ٻڌايو ته آرمي چيف باقاعده 8 کان 10 سياستدانن جا نالا وٺي چيو ته هي ماڻهو موٽرسائيڪل هلائيندا هئا هاڻي پسو به اچي ويو آهي ۽ پرڏيهه به هليا ويا.

عرفان شيخ چيو ته آرمي چيف سان ڳالهين مان لڳو ته هاڻي سڀني سياستدانن ۾ هٿ وڌو ويندو.

ان کان اڳ آرمي چيف سان ملاقات ڪندڙ واپاري ڪاشف انور چيو هو ته وفد سان ملاقات ۾ آرمي چيف اسپيشل انويسٽمينٽ فيسلٽيشن ڪونسل جي اهم ڪردار تي روشني وجهندي واپارين کي خاطري ڪرائي ته سيڙپڪاري کي هٿي ڏيڻ لاءِ سولايون پيدا ڪيون وينديون.

04/09/2023

اڪري ٿاڻي جي حد نييشنل مھراڻ تي پير غلام الله شاھ لڳ مزدوري تي ويندڙ ممتاز بالادي کان سي ڊي موٽر ساءيڪل ۽ روڪ رقم فر پوليس اگھور ننڊ ستل

04/09/2023

مهانگائي ۽ واڌو بلن کان تنگ عوام کي نگران حڪومت رليف ڏيڻ جو منصوبو جوڙي ورتو.
حڪومتي ذريعن موجب آڪٽوبر ۾ 300 يونٽن تائين بجلي استعمال ڪندڙ واهپيدارن جي بلن ۾ 3 هزار رپين تائين گهٽتائي هوندي.
حڪومتي ذريعن جو چوڻ آهي ته 60 هزار کان 70 هزار رپين تائين بجلي بلن وارن واهپيدارن جي بلن ۾ 13 هزار رپين تائين گهٽتائي ٿيندي.
حڪومتي ذريعن موجب نگران حڪومت طرفان عوامي رليف لاءِ آءِ ايم ايف سان ڳالهه ٻولهه جاري آهي ۽ رليف جي حوالي سان آءِ ايم ايف گرين سگنل ڏئي ڇڏيو آهي.
واضح رهي ته ملڪ ۾ بجلي جي ڳرن خلاف احتجاج تي نگران وزيراعظم انور الحق ڪاڪڙ چيو هو ته اهو ڪو وڏو مسئلو ناهي، عوام کي جلد رليف ڏينداسين.

19/08/2023

اليڪشن ڪميشن نين تڪ بندين بابت لکت فيصلو جاري ڪري ڇڏيو، جنهن ۾ چيو ويو آهي ته نئين مردم شماري کانپوءِ آبادي ۾ وڏي پئماني تي تبديلي ٿي، شفاف چونڊن لاءِ نيون تڪ بنديون لازمي آهن.

اليڪشن ڪميشن جو ٽن صفحن تي ٻڌل لکت فيصلو گڏيل آهي، جنهن ۾ چيو ويو آهي ته اهو فيصلو آئين جي آرٽيڪل 218 تحت ڪيو ويو آهي، نئين مردم شماري کانپوءِ آبادي ۾ وڏي پئماني تي تبديلي ٿي.

اليڪشن ڪميشن چيو آهي ته ستين مردم شماري کانپوءِ 20 هزار 85 نوان سينس بلاڪ وڌيا ۽ ڪجهه ۾ تبديليون ٿيون، مردم شماري کانپوءِ ووٽر لسٽن ۾ ووٽرن کي شامل ڪرڻ ضروري آهي، ووٽر لسٽ ۾ حقيقي نمائندگي اليڪشن ڪميشن جي بنيادي آئيني ذميواري آهي، شفاف چونڊن لاءِ نيون تڪ بنديون لازمي آهن.

اليڪشن ڪميشن لکت فيصلي ۾ سپريم ڪورٽ جي فيصلن جو به حوالو ڏنو ۽ چيو ته نين تڪ بندين، تازي چونڊ فهرست بنا پارليامينٽ ۾ حقيقي نمائندگي ممڪن نه هوندي، چونڊن کان اڳ غلطين کان پاڪ ووٽر لسٽ ۽ تازيون تڪ بنديون لازمي آهن، نين تڪ بندين جو فيصلو اميدوارن، سياسي جماعتن ۽ ووٽرن جي بنيادي حق جي تحفظ لاءِ ڪيو پيو وڃي.

19/08/2023

راڻي پور ۾ پير جي حويلي ۾ قتل ٿيندڙ 10 ورهين جي ٻارڙي فاطمه ڦرڙو جي ڪيس ۾ شاهديون گڏ ڪرڻ لاءِ انڪوائري ٽيم راڻي پور پهتي.

ذريعن موجب فرانزڪ ٽيم لاڙڪاڻي کان راڻي پور پهتي، اي ايس پي گمبٽ نعمان ظفر به ٽيم سان گڏ هو، فرانزڪ ٽيم جوابدار اسد شاهه جي گهر مان شاهديون گڏ ڪيون ۽ ٽيڪنيڪل بنيادن تي جاچ جاري آهي.

پوليس جو چوڻ آهي ته راڻي پور ٿاڻي جي هيڊ محرر محمد خان شيخ کي به گرفتار ڪيو ويو آهي ۽ ڪيس ۾ هر سهولتڪار کي قانون جي ڪٽهڙي ۾ آندو ويندو.

ڪيس جي وڌيڪ جاچ لاءِ ٺاهيل ٽيم ٻارڙي فاطمه جي گهر جو به دورو ڪيو، ٽيم ۾ اي ايس پي گمبٽ، سي ٽي ڊي اهلڪارن سميت ٻيا آفيسر شامل هئا.

جاچ ٽيم فاطمه ڦرڙو جي گهر ۾ دفن ڪيل ڪپڙا به تحويل ۾ وٺي ڇڏيا، ٻارڙي جا ڪپڙا ان جي تدفين کان اڳ گهر جي احاطي ۾ پُوريا ويا هئا

16/08/2023

خانواهڻ پيراڻي حويلي راڻي پور ۾ مبينہ تشدد ۾ ماريل معصوم فاطمه ڦرڙو جي خون جو ڪيس پير اسدالله شاھ ۽ سندس زال بي بي حنا شاه مٿان راڻي پور ٿاڻي تي داخل.

16/08/2023

15/08/2023

آرمي چيف جنرل عاطم منير چيو آهي ته پاڪستان ٻه قومي نظريي تي ٺيهو، پاڪ فوج ۽ عوام هڪ هئا، آهن ۽ رهندا.

پاڪستان ملٽري اڪيڊمي ڪاڪول ۾ آزادي پريڊ ٿي، جنهن ۾ پاڪ فوج جي دستن شهيدن کي ڀيٽا پيش ڪئي.

آرمي چيف جنرل عاصم منير آزادي پريڊ جو خاص مهمان هو.

تقريب سان خطاب ڪندي آرمي چيف چيو ته سڀني کي قوم جو 76هون آزادي ڏهاڙو مبارڪ هجي، پاڪستان ٻه قومي نظريي جي بنياد تي ٺهيو ۽ اڄ وطن جي دفاع لاءِ عزم ورجائڻ جو ڏينهن آهي.

هن چيو ته اسان اندروني ۽ ٻاهرئين دشمن کان چڱي ريت آگاهه آهيون، پاڪستان کي خوشحال ۽ مستحڪم ملڪ بڻائڻ اسان جو مشن آهي، پاڪ فوج ۽ عوام هڪ هئا آهن ۽ رهندا.

سندس چوڻ هو ته پاڪستان بي شمار وسيلن ۽ اڻ کٽ نعمتن سان مالامال سرزمين آهي، قوم هر قسم جي چئلينج کي منهن ڏيڻ جي ڀرپور صلاحيت رکي ٿي، اسان جي ترقي اسان جي ايندڙ نسلن جي بهتر مستقبل جي ضمانت هوندي ۽ اسان جي ترقي اسان جي عوام جي خوابن جي تعبير هوندي.

آرمي چيف چيو ته اسان ڏکئي دور مان گذري رهيا آهيون، شدت پسندي ۽ جنگي جنون جهڙن چئلينجن کي منهن ڏئي رهيا آهيون، پاڪستان کي ڪمزور ڪرڻ جي خواهش رکندڙ قومن کي منهن ڏئي رهيا آهيون، ان موقعي تي پنهنجي عظيم قوم کي اميد جو پيغام ڏيان ٿو، ملڪي خود مختياري ۽ سلامتي خاطر ڪنهن قرباني کان نه ڪيٻائينداسين، پاڪ آرمي عوام جي ڀلائي لاءِ پرعزم آهي.

جنرل عاصم منير چيو ته قوم ۽ فوج ۾ ڏار وجهڻ جون ڪوششون ناڪام ٿينديون، اسان کي خوف ۽ مايوسي پکيڙيندڙ ناڪاري پروپئگنڊا رد ڪرڻي پوندي، ڪو به ملڪ ۽ قوم چئلينجن کي منهن ڏيڻ بنا ترقي نٿي ڪري سگهي.

13/08/2023

🇵🇰
پنهنجي ملڪ سان پيار ڪريو 🇵🇰
پاڪستان جو مطلب ڇا آهي
الله کان سواءِ ڪوبه معبود ناهي
اسان جو ليڊر ڪير آهي؟ محمد الله جو رسول آهي پاڪستان زنده باد 🇵🇰

10/08/2023

شهباز شريف چيو آهي ته پي ٽي آءِ چيئرمين کي ڏنل سزا تي ڪا خوشي ناهي.

پارليامينٽ سان الوداعي خطاب ڪندي وزيراعظم شهباز شريف چيو ته ڪنهن به حڪومت لاءِ 16 مهينا مختصر ترين عرصو آهي، ان جي ڀيٽ ۾ وڏا چئلينج ۾ مسئلا هئا، گذريل حڪومت جي ناڪامين ۽ نااهلي جو بار اسان تي پيو.

هن چيو عمران نيازي پنهنجي ذات خاطر ملڪ کي قربان ڪرڻ چاهيو، دوست ملڪن کي ناراض ڪيو، آءِ ايم ايف معاهدي ۾ ڏکيائيون پيدا ڪيون.

سندس چوڻ هو ته اسان جي حڪومت سياسي مخالفن کي جيل موڪلڻ ته پري جي ڳالهه پر انهن کي ناجائز طور تنگ به نه ڪيو، جيڪڏهن هڪ پارٽي جي ليڊر کي سزا ملي آهي ته اسان کي قطعي طور خوشي ناهي، دشمن کي به نه پٽڻ گهرجي پر الله جو رحم ۽ معافي وٺڻ گهرجي، ان تي مٺائي ورهائڻ جو سوال ئي پيدا نٿو ٿئي، ڪنهن ائين ڪيو ته اها قطعي طور سٺي روايت ناهي.

شهباز شريف چيو ته 9 مئي تي شهيدن ۽ غازين جي يادگارن جي بي حرمتي ڪئي وئي، اهو ڏينهن ڪاري ڏينهن طور ياد رکيو ويندو، 9 مئي تي جيڪو ٿيو اهو فوج ۽ آرمي چيف خلاف بغاوت هئي.

هن چيو ته اڄ رات صدر کي اسيمبلي ٽوڙڻ جي سمري موڪليندس، اپوزيشن ليڊر راجا رياض سان سڀاڻي ملاقات ڪندس، اڄ وري هن ايوان کي 9 مئي جي سازش جو نوٽيس وٺي ٺهراءُ منظور ڪرڻ گهرجي ته جيئن قيامت تائين ملڪ ۽ فوج خلاف ڪو اهڙي جرئت جو سوچي به نه سگهي.

07/08/2023

ڪراچي کان حويليان ويندڙ هزارا ايڪسپريس جون نوابشاهه ڀرسان ڪيتريون ئي بوگيون پٽڙيءَ تان لهي ويون، جنهن جي نتيجي ۾ گهٽ ۾ گهٽ 30 ڄڻا فوت ۽ 80 کان وڌيڪ زخمي ٿي پيا آهن.

ريلوي اختيارين موجب ڪراچي کان ايندڙ هزارا ايڪسپريس سرهاڙي ريلوي اسٽيشن ڀرسان حادثي جو شڪار ٿي، حادثي ۾ ريل جون ڪيتريون ئي بوگيون پٽڙيءَ تان لهي ويون.

ان بابت ڊي ايس ريلوي محمود الرحمان چيو ته نوابشاهه ڀرسان هزارا ايڪسپريس جون 10 بوگيون پٽڙيءَ تان لٿيون، حادثي سبب اپ ٽريڪ تي ٽريفڪ معطل ٿي وئي آهي، لوڪوشيڊ روهڙي کان رليف ٽرين حادثي واري هنڌ رواني ڪئي وئي.

ريلوي اختيارين جو چوڻ آهي ته في الحال حادثي جا ڪارڻ معلوم ناهن ٿي سگهيا، جڏهن ته ٽرين ۾ موجود مسافرن جو چوڻ آهي ته هزارا ايڪسپريس ۾ تمام گهڻا مسافر سوار هئا ۽ حادثو اوچتو ٿيو، جنهن سبب پاڻ سنڀالڻ جو موقعو ئي نه مليو.

نوابشاهه جي ڪمشنر عباس بلوچ موجب حادثي ۾ فوتين جو انگ 30 ٿي ويو آهي، جڏهن ته ڊي ايڇ او سانگهڙ فيض محمد ٻڌايو ته 80 کان وڌيڪ زخمي مختلف اسپتالن ۾ آندا ويا.

هوڏانهن ريلوي واري وزير خواجا سعد رفيق حادثي تي افسوس جو اظهار ڪندي چيو ته اسان جا ٻه ٽي ڏينهن وڃي بچيا آهن، خدشو هو ته ڪو حادثو نه ٿي وڃي ۽ اهو ئي ٿيو.

05/08/2023

وزيرِ اعظم شهباز شريف جي صدارت هيٺ ٿيل گڏيل مفادن واري ڪائونسل جي اجلاس ۾ نئين آدمشماري جي متفقه طور منظوري ڏني وئي .

وزيرِ اعظم هائوس ۾ ٿيل گڏيل مفادن واري ڪائونسل جي اجلاس ۾ چئني صوبن جي وڏن وزيرن، وفاقي وزير ۽ شماريات کاتي سميت لاڳاپيل کاتن جي اختيارين شرڪت ڪئي، اجلاس ۾ نئين آدمشماري بابت معاملن تي غور ويچار ڪيو ويو.

شماريات بيورو طرفان گڏيل مفادن واري ڪائونسل کي آدمشماري تي بريفنگ ڏني ۽ ڊجيٽل آدمشماري جا نتيجا پيش ڪيا.

اجلاس ۾ ٻڌايو ويو ته ڊجيٽل آدشماري تحت پاڪستان جي ڪُل آبادي چويهه ڪروڙ ڏهه لک پهچي وئي آهي، جنهن کانوءِ ڪائونسل متفقه طور تي آدشماري جي منظوري ڏئي ڇڏي.

هن چيوته تڪبندين جو ڪم 120 ڏينهن ۾ ٿيڻو آهي، قومي اسيمبلي ۾ چئني صوبن جي سيٽن جو حصو ساڳو ئي رهندو.

سندس چوڻ هو ته آئين جي آرٽيڪل 51 تحت عام چونڊون شائع ڪيل آدمشماري تحت ٿينديون.

ان حوالي سان قانون واري زير اعظم نذير تارڙ جو چوڻ هوته گڏيل مفادن واري ڪائونسل جي سمورن ميمبرن نئين آدمشماري جي متفقه منظوري ڏني.

ان کان اڳ نجي ٽي وي چئنل سان ڳالهائيندي سڌ سماءُ واري وفاقي وزير مريم اورنگزيب چيو ته فلحال آدمشماري جي حوالي سان گڏيل مفادن واري ڪائونسل ۾ ڪنهن به قسم جو ڪو فيصلو ناهي ٿيو.

مريم اورنگزيب ٻڌايو ته بلوچستان جي وڏي وزير جي فلائيٽ ليٽ آهي، انڪري اجلاس ۾ وقفو آهي، بلوچستان جو وڏو وزير جڏهن اجلاس ۾ ايندو ته پوءِ ان حوالي سان ڪو فيصلو ٿيندو.

ٻئي پاسي ذريعن جو چوڻ آهي ته ڊجيٽل آدمشماري جي نتيجن جي منظوري جي صورت ۾ چونڊن ۾ دير جو خدشو آهي.

ان ڏس ۾ نجي ٽي وي چئنل سان ڳالهائيندي اليڪشن ڪميشن جي اڳوڻي سيڪريٽري ڪنور دلشاد چيو ته سي سي آءِ آدمشماري جي منطور ڏين ته چونڊون 2024ع تائين ٿي وينديون.

هن چيو ته اصولي طور تي جيڪڏهن گڏيل مفادن واري ڪائونسل جي سفارشن تي نئين ڊجيٽل آدمشماري بابت گزيٽڊ نوٽيفڪيشن جاري ٿئي ٿو ته آئين جي آرٽيڪل 15(1) جو سب سيڪشن 5 جي تحت اليڪشن ڪميشن پاڪستان نئين سر تڪبنديون ڪرائڻ جو قانوني طورتي پابند آهي.

ياد رهي ته اڳوڻي حڪوتم به 2023ع جي چونڊون نئين آدمشماري تحت ڪرائڻ جو فيصلو ڪري چڪي آهي، اِهو فيصلو 2021ع ۾ اڳوڻي وزير اعظم عمران خان جي صدارت هيٺ گڏيل مفادن واري ڪائونسل جي اجلاس ۾ ڪيو ويو هو.

23/07/2023

ايشين ڪراٽي چيمپيئن شپ ۾ پاڪستان جي محمد اويس کي ڀارتي فائٽر خلاف پنهنجي پهرين ڪاميابي بعد ٻئي رائونڊ ۾ شڪست کائي ويٺو.

محمد اويس پهرين فائيٽ ۾ ڀارت جي ارون پرڀاڪرن کي شڪست ڏني، اويس جي ڪاميابي جو اسڪور 3-1 رهيو.

ان کانپوءِ محمد اويس کي چائينيز تائپي جي چين يوآن سان ٿيل مقابلي ۾ شڪست جو منهن ڏسڻو پيو .

اويس کي تائپي رانديگر6-2 تان شڪست ڏني.

23/07/2023

جڊيشل مئجسٽريٽ لاهور مني لانڊرنگ ڪيس ۾ تحريڪ انصاف صدر چوڌري پرويز الاهي جي پٽ مونس الاهي کي اشتهاري قرار ڏئي ڇڏيو.

مئجسٽريٽ وفاقي جاچ ايجنسي جي جاچ آفيسر جي درخواست تي مونس الاهي کي اشتهاري قرار ڏيڻ جو حڪم جاري ڪيو.

عدالت مونس الاهي جا دائمي گرفتاري وارنٽ به جاري ڪري ڇڏيا.

ايف آءِ اي جي جاچ آفيسر عدالت کي ٻڌايو ته مونس الاهي کي جاچ ۾ شامل ڪرڻ جي ڪوشش ڪئي وئي، اشتهار به ڇاپيا ويا، جوابدار ڄاڻي واڻي روپوش آهي، دائمي گرفتاري وارنٽ جاري ڪيا وڃن.

عدالت ايف آءِ اي جي درخواست منظور ڪندي مونس الاهي جا دائمي گرفتاري وارنٽ جاري ڪري ڇڏيا ۽ کيس اشتهاري قرار ڏئي ڇڏيو.

23/07/2023

وزيراعظم شهباز شريف چيو آهي ته ڏيوالي جو سوچي ننڊ نه ايندي هئي، رات ڏينهن منٿون ڪرڻ کانپوءِ آءِ ايم ايف سان معاهدو ٿيو.

شرقپور ۾ ترقياتي منصوبن جي افتتاح جي تقريب سان خطاب ڪندي وزيراعظم شهباز شريف چيو ته ملڪ جا ساڍا 4 سال ضايع ڪيا ويا، نواز شريف کي جيل ۾ بند ڪيو ويو، اپوزيشن کي ڀت سان لڳايو ويو، 50 ارب رپيا برطانيا جي بئنڪن ۾ پيا هئا، برطانوي ڪرائم ايجنسي ٻه سال منهنجي خلاف جاچ ڪئي.

21/07/2023

ڏِٺو مُحَرَّمُ ماهُ، سَنڪــو شَهـزادَنِ ٿِـيـو؛

ڄاڻي ھيـڪُ اَللهُ، پاڻَ وَڻَندِيُون جو ڪَري.

محرم جو مهينو ڏٺو آهي ۽ دل ۾ شهزادن (امام حسن عه ۽ امام حسين عه) جي جهوري لڳي آهي. هڪ الله کي ئي راز جي ڄاڻ آهي، جو پاڻ کي وڻندڙ ڳالهيون ٿو ڪري.

مُحَرَّمَ موٽِي آئِيو، آئِيا تان نه اِمامَ؛

مَدِيني جا ڄاَم مؤلا، مُون کي ميڙِئين!

محرم جو مهينو موٽي آيو، پر امام واپس نه وريا. اي الله! شل مون کي مديني جي ميرن سان ملائين!

مِيرَ مَدِينِئان نِڪِري آئِيا نه موٽِي؛

ڪارا رَڱِج ڪَپِڙا، اَدا نِيروٽِي!

آن تنِين لَءِ لوٺِي، جي مِيرَ مُسافِرَ رانئـِيا.

شهزادا مديني کان نڪري، وري واپس نه آيا. (ڪربلا ۾ وڃي شهيد ٿيا.) ادا رنگريز! ڪارا ڪپڙا (ماتم جا وڳا) رڱج. مان اُنهن مسافر ميرن لاءِ ٿي جلان، جي گذاري ويا. (يا جي شهيد ٿي، الاهي عشق ۾ رڱجي ويا.)

ڪتاب: شاهه جو رسالو (مرتب: ڪلياڻ آڏواڻي)
سر ڪيڏارو

داستان پهريون

21/07/2023

سر ڪيڏارو

داستان پهريون

1

ڏِٺو مُحَرَّمُ ماهُ، سَنڪــو شَهـزادَنِ ٿِـيـو؛

ڄاڻي ھيـڪُ اَللهُ، پاڻَ وَڻَندِيُون جو ڪَري.

محرم جو مهينو ڏٺو آهي ۽ دل ۾ شهزادن (امام حسن عه ۽ امام حسين عه) جي جهوري لڳي آهي. هڪ الله کي ئي راز جي ڄاڻ آهي، جو پاڻ کي وڻندڙ ڳالهيون ٿو ڪري.

2

مُحَرَّمَ موٽِي آئِيو، آئِيا تان نه اِمامَ؛

مَدِيني جا ڄاَم مؤلا، مُون کي ميڙِئين!

محرم جو مهينو موٽي آيو، پر امام واپس نه وريا. اي الله! شل مون کي مديني جي ميرن سان ملائين!

3

مِيرَ مَدِينِئان نِڪِري آئِيا نه موٽِي؛

ڪارا رَڱِج ڪَپِڙا، اَدا نِيروٽِي!

آن تنِين لَءِ لوٺِي، جي مِيرَ مُسافِرَ رانئـِيا.

شهزادا مديني کان نڪري، وري واپس نه آيا. (ڪربلا ۾ وڃي شهيد ٿيا.) ادا رنگريز! ڪارا ڪپڙا (ماتم جا وڳا) رڱج. مان اُنهن مسافر ميرن لاءِ ٿي جلان، جي گذاري ويا. (يا جي شهيد ٿي، الاهي عشق ۾ رڱجي ويا.)

ڪتاب: شاهه جو رسالو (مرتب: ڪلياڻ آڏواڻي)

21/07/2023

سنڌ ۾ امن امان جي صورتحال برقرار رکڻ لاءِ 9 ۽ 10 محرم الحرام تي موٽر سائيڪل جي ٻيلهه سواري تي پابندي لاڳو ڪئي وئي آهي.

سنڌ جي گهرو کاتي صوبي ۾ ٻيلهه سواري تي پابندي بابت نوٽيفڪيشن جاري ڪري ڇڏيو.

نوٽيفڪيشن موجب صوبي ۾ 9 ۽ 10 محرم الحرام تي موٽر سائيڪل جي ٻيلهه سواري تي پابندي هوندي، عورتون، ٻار، معذور ۽ پيرسن ماڻهو پابندي کان آجا هوندا.

صوبي ۾ هٿيار کڻي هلڻ سميت سمورا اجازت ناما به معطل ڪيا ويا آهن.

صوبائي گهرو کاتي موجب صوبي ۾ محرم الحرام بابت ميڙاڪن کانسواءِ هر قسم جي جلسن ۽ جلوسن تي به پابنديون لاڳو ڪيون ويون آهن.

21/07/2023

پرڏيهي وزير بلاول ڀٽو زرداري چيو آهي ته پاڪستان ۽ يوڪرين وچ ۾ ڪو دفاعي معاهدو ناهي ٿيو.

يوڪريني هم منصب ڊميٽرو ڪليبا سان گڏ اسلام آباد ۾ پريس ڪانفرنس ڪندي بلاول ڀٽو زرداري چيو ته روس –يوڪرين جنگ ۾ انساني جانيون ضايع ٿيڻ تي افسوس آهي، ٻنهي ملڪن وچ ۾ مسئلا ڳالهه ٻولهه ذريعي حل ٿيڻ گهرجن.

هن چيو ته پاڪستان ۽ يوڪرين وچ ۾ ڪو دفاعي معاهدو ناهي ٿيو، اسان خطي ۾ امن چاهيون ٿا ۽ پاڪستان يوڪرين سان ٻه طرفا لاڳاپا وڌائڻ جو خواهشمند آهي، يوڪرين سان مختلف شعبن ۾ سهڪار وڌائڻ چاهيون ٿا.

يوڪريني پرڏيهي وزير ڊميٽرو ڪليبا چيو ته پاڪستان ۽ يوڪرين وچ ۾ سٺا لاڳاپا آهن، واپار ۽ سهڪار کي وڌيڪ هٿي ڏيڻ چاهيون ٿا.

هن چيو ته عالمي مارڪيٽ ۾ يوڪريني شين جي پهچ کي آسان بڻايو ويندو، اسان جي سلامتي ۽ خود مختياري جي حمايت تي پاڪستان جا ٿورا مڃون ٿا.

19/07/2023

“مرشد ٿو اچي دعوت لاءِ ديڳون کپن.” ٺڳن جي ٽولي سانگهڙ شهر جي مختلف ڊيڪورشن وارن کان 80 کان وڌيڪ ديڳون ۽ رڌ پچاء وارو سامان جنهن ۾ چمچا، ڏوئيون، ڪناتون ڏونگهن سميت ست سئو پليٽون کڻي سڄي ٽرڪ سامان سان ڀري فرار ٿي ويا جنهن کان پوءِ ڊيڪوريشن وارن جا ٻئي هٿ مٿي تي اچي ويا آهن.

ڊيڪورشن جي مالڪ موجب هڪ بزرگ اڇي ڏاڙهي سان دوڪان تي آيو ۽ چوڻ لڳو ته مرشد جي دعوت ڪريون ٿان ديڳون ۽ رڌ پچاء ۾ استعمال ٿيندڙ سامان کپي ٿو اسان دوڪاندارن پاران بزرگ سمجهي ڪا به ضمانت نه ورتي جنهن کان پوءِ پنج ڏينهن گذرڻ باوجود نه بزرگ پهتو نه وري سامان.

ٻڌايو پيو وڃي ته ٺڳن جي ٽولي اهڙو فراڊ سانگهڙ جي ست دوڪاندارن سان ڪرڻ کان پوءِ فرار ٿي ويا آهن. ڊيڪورشن مالڪ موجب سامان جي ٽوٽل قيمت 50 لک کان به وڌيڪ جي آهي.

#سانگھڙ