Weekly Jhang Times

19/06/2022

معروف تاجر سیٹھ عابد کی بیٹی فراح مظہر کو لے پالک بیٹے نے مبینہ طور پر لاہور کے علاقے مسلم ٹاؤن میں گولی مار کر قتل کردیا۔64 سالہ فراح مظہر اپنے لے پالک بیٹے فہد اور ایک بیٹی کے ساتھ مسلم ٹاؤن میں رہائش پذیر تھیں۔فہد نے مبینہ طور پر اپنی والدہ کو پیٹ میں گولی ماری، ان کی بیٹی نے انہیں قریبی ہسپتال منتقل کیا مگر وہ زخموں کے تاب نہ لاتے ہوئے دم توڑ گئیں۔مقتولہ 3 لے پالک بچوں کی ماں تھیں جن میں 2 بیٹے فرید، فہد اور ایک بیٹی شامل ہیں جبکہ مقتولہ خاتون کے شوہر امریکا میں مقیم ہیں۔پولیس نے لاش کو پوسٹ مارٹم کے لیے مردہ خانے میں منتقل کردیا اور ڈیفنس میں مقیم مقتولہ کے دوسرے بیٹے فرید کی شکایت پر مقدمہ درج کرلیا ہے، پولیس ٹیموں نے جائے وقوع سے فرانزک شواہد اکٹھے کر کے قتل میں استعمال ہونے والا اسلحہ بھی برآمد کر لیا۔تاجر سیٹھ عابد کا شمار ملک کے 30 امیر ترین افراد میں ہوتا ہے، وہ 8 جنوری 2021 کو کراچی کے ایک ہسپتال میں مختصر علالت کے بعد تقریباً 85 برس کی عمر میں انتقال کر گئے تھے۔

18/06/2022

ٹوبہ ٹیک سنگھ پولیس کی قبل تعریف کاروائی
عثمان عرف ڈاکٹرڈکیت گینگ کامرکزی ملزم گرفتار وارداتوں میں چھینی گئی کار ٹیوٹا کرولاXLI،1ٹرک مزدا معہ نقدی کل مالیتی49لاکھ روپے اور اسلحہ برآمد

ڈسٹرکٹ پولیس آفیسر ٹیک سنگھ رانا شعیب محمود کی سربراہی میں ٹوبہ پولیس ضلع بھر میں ڈکیتی،راہزنی،چوری اور روڈ رابری کرنے والے گینگز کے خلاف کاروائیاں جاری رکھے ہوئے ہے حالیہ کاروائی میں ڈی ایس پی صدر سرکل ٹوبہ سید آصف علی شاہ کی سربراہی میں ایس ایچ او تھانہ سٹی ٹوبہ انسپکٹر فریاد حسین معہ انچارجCIAکمالیہ ابتسام الحق ایس آئی و ملازمان پولیس پر مشتمل ٹیم نے انٹیلی جنس انفارمیشن اور جدید ٹیکنالوجی کی مدد سے کاروائی کرتے ہوئے ضلع ٹوبہ ٹیک سنگھ سمیت پنجاب بھر میں ڈکیتی،راہزنی،چوری اوراقدام قتلکی وارداتیں کرنے والے عثمان عرف ڈاکٹر ڈکیت گینگ کے رکن 1۔غلام الیاس ولد گہنوز خان سکنہ کوٹ مہوئی تحصیل تونسہ ضلع ڈیرہ غازی خان کو گرفتار کیا۔ ملزم اپنے دیگر ساتھیوں کے ہمراہ اسلحہ کے زور پر چھینی گئی گاڑیاں خرید کرتا تھا جس کے 2ساتھی عثمان عرف ڈاکٹراور شہزاد یوسف پولیس حراست سے فرار ہوتے ہوئے اپنے ہی ساتھیوں کی فائرنگ سے ہلاک ہو چکے ہیں جن سے وارداتوں میں استعمال ہونے والا اسلحہ 2پسٹل30بور معہ گولیاں برآمد ہوئے تھے۔جبکہ اس گینگ کا ایک رکن سیام عرف وریام ولد غلا م فرید قوم جوئیہ سکنہ ضلع رحیم یار خان پہلے ہی گر فتار ہو کر جیل جا چکا ہے۔اس طرح اس گینگ کے ٹوٹل 4ملزمان گر فتار کیے گئے ہیں۔
دوران انٹیروگیشن پولیس ٹیم نے ملزم کے انکشاف پر مختلف جگہوں پر ریڈ کر کے اسلحہ کے زور پرچھینی گئی کار ٹیوٹا کرولاXLIبرنگ میٹالک ماڈل 2009،1ٹرک مزدا مالیتی45لاکھ روپے اوروارداتوں میں استعمال ہونے والااسلحہ ناجائز1پسٹل30بو ر معہ گولیاں برآمدکیے۔
ملزمان کا ریکارڈ چیک کرنے پر ملزمان بین الاضلاعی ریکارڈ یافتہ اور انتہائی خطر ناک تھے جو ضلع ٹوبہ ٹیک سنگھ سمیت پنجاب بھر کے مختلف اضلاع،ضلع فیصل آباد،ملتان،لیہ،جھنگ،حافظ آباد،بہاولپور،وہاڑی،خانیوال،بہاولنگر،مظفر گڑھ،لودھراں اور ضلع ڈیرہ غازی خان پولیس کو ڈکیتی،راہزنی،چوری،اقدام قتل اور ناجائز اسلحہ کے مقدمات نمبر497/16،459/16،01/17،84/17، 654/17،653/17، 70/18،85/18،56/18،91/18، 92/18،116/18،372/18، 351/18، 479/18،253/18،734/18،735/18، 448/18،730/18،37/18،19/18،424/19،243/19،333/19، 77/20، 81/20، 98/20، 463/19، 70/20،29/11،109/20،122/20،11/20،181/20،187/20،147/20،156/20،06/21،37/21، 39/21،148/21 اور 162/11میں بھی مطلوب تھے۔ گرفتار ملزم سے لوگوں سے لوٹے گئے مال کی مزید ریکوری کی کوششیں جاری ہیں۔
ڈسٹرکٹ پولیس آفیسر ٹوبہ ٹیک سنگھ رانا شعیب محمود نے ڈکیت گینگ کو ٹریس کر کے گرفتار کرنے والی پولیس ٹیم کو شاباش دی ہے اس کے ساتھ ساتھ تعریفی سرٹیفیکیٹ دینے کا اعلان بھی کیا ہے۔

18/06/2022

پولیس نے پاک سر زمین پارٹی (پی ایس پی) کے چیئرمین مصطفیٰ کمال، تحریک لبیک پاکستان (ٹی ایل پی) کے سربراہ سعد رضوی اور سیکڑوں کارکنوں کے خلاف لانڈھی اور کورنگی میں ضمنی انتخاب کے دوران دہشت گردی، قتل اور پُرتشدد جھڑپوں پر 4 مقدمات درج کیے ہیں-سرکاری حکام کے مطابق ان واقعات میں ایک راہگیر ہلاک اور دیگر افراد زخمی ہوئے تھے جبکہ قانون نافذ کرنے والے اداروں نے نجی گارڈز سمیت 250 مشتبہ افراد کو حراست میں لے لیا ہے۔مزید بتایا گیا کہ ٹی ایل پی اور پی ایس پی سربراہان کے خلاف ایف آئی آرز میں دفعات 147، 148، 149، 302، 452، 427، 337 اے (ا)، 324 اور 7 اے ٹی اے شامل کی گئی ہیں۔

18/06/2022

سری لنکا: پیٹرول کی قلت کے سبب اسکول، دفاتر دو ہفتے بند رکھنے کا اعلان
پبلک ٹرانسپورٹ کے ساتھ ساتھ نجی گاڑیوں کے انتظامات کی کمی کے سبب انہوں نے دفاتر میں صرف ضروری عملہ بلانے کا فیصلہ کیا ہے،ڈالر کی کمی کے سبب تیل کی درآمدات پر ادائیگیاں نہ ہونے کی وجہ سے پبلک ٹرانسپورٹ مکمل طور پر رک جانے کے باعث سری لنکن حکام نے دو ہفتوں کے لیے سرکاری دفاتر اور اسکول بند رکھنے کا اعلان کردیا۔خیال رہے سری لنکا کو کچھ ماہ سے شدید مہنگائی اور طویل دورانیہ لوڈشیڈنگ کا سامنا ہے، جس کے بعد کئی ماہ سے احتجاج بھی جاری ہیں اور بعض اوقات احتجاج تشدد میں بھی تبدیل ہوئے ، مظاہرین کی جانب سے صدر گوٹابایا راجا پاسکا کا مطالبہ کیا جارہا ہے۔
رواں ہفتے کے آغاز میں پیٹرول کی بچت کے پیشِ نظر حکام کی جانب سے جمعے کی چھٹی کا اعلان کیا گیا تھا تاہم اس اقدام کے باوجود بھی پیٹرول اسٹیشن کے باہر لمبی قطاریں دیکھی گئیں، متعدد افراد کا کہنا تھا کہ وہ اپنی گاڑیوں کے فیول ٹینک بھروانے کے لیے کئی دنوں سے انتظار کر رہے ہیں۔

18/06/2022

حج درخواستوں کے حوالے سے انکشاف ہوا ہے کہ مغربی ممالک میں رہنے والے ممکنہ حجاج کرام سے درخواستیں وصول اور ان کی سہولت فراہم کرنے والی کمپنی کے کم از کم ایک سرمایہ کار کا بھارتی حکومت سے قریبی تعلق ہے۔
ڈان اخبار میں شائع مڈل ایسٹ آئی کی رپورٹ کے مطابق سعودی عرب کے حکام نے گزشتہ ہفتے اعلان کیا تھا کہ آسٹریلیا، یورپ اور امریکا سے آنے والے عازمین حج کو سرکاری پورٹل موطوف کے ذریعے ویزا کے لیے درخواست دینے کی ضرورت ہوگی،

15/06/2022

پیٹرولیم مصنوعات کی قیمتوں میں ایک بار پھر اضافے کا امکان ہے، اوگرا نے سمری حکومت کو ارسال کردی۔
آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں 55 روپے فی لیٹر تک اضافے کی سمری حکومت کو ارسال کردی ہے۔اوگرا نے حکومت کو تجویز دی ہے کہ پیٹرول 29 جبکہ ڈیزل 55 روپے فی لٹر مہنگا کیا جائے۔ پیٹرولیم مصنوعات کی قیمتوں پر حتمی فیصلہ حکومت آج کرے گی۔

15/06/2022

مونس الہی پر منی لانڈرنگ کا مقدمہ درج، دو فرنٹ مین گرفتار
وفاقی تحقیقاتی ادارے (ایف آئی اے) نے منی لانڈرنگ کیس میں مونس الہیٰ پر مقدمہ درج کرلیا۔کیس میں مونس الہی کے دو مبینہ فرنٹ مینز نواز بھٹی اور مظہر اقبال کو بھی نامزد کیا گیا ہے۔ مونس الٰہی الائنس شوگر مل میں شیئر ہولڈر ہیں-مونس الہٰی نے ردعمل کا اظہار کرتے ہوئے کہا ہے کہ ایف آئی اے کا مقصد مجھے گرفتار کرنا ہے، جن بندوں کو پکڑا ہے میں انہیں جانتا بھی نہیں۔ تفتیش کے لیے خود ہی ایف آئی اے میں پیش ہو رہا ہوں۔ یہ جو مرضی کر لیں عمران خان کے ساتھ کھڑا رہوں گا۔

14/06/2022