SH News

Follow SH News on Facebook. SH News brings the breaking and latest news of Pakistan.

29/12/2024

جنوبی کوریا کے موان ایئرپورٹ پر لینڈنگ کے دوران مسافر طیارے کو حادثہ پیش آیا، جس کے نتیجے میں 85 افراد ہلاک اور متعدد زخمی ہوگئے۔

غیر ملکی خبر ایجنسی کے مطابق طیارے کو حادثہ لینڈنگ گیئر میں خرابی کے باعث پیش آیا۔ طیارہ رن وے سے اتر کر اطراف میں لگی باڑ سے ٹکرا گیا، جس سے طیارے میں آگ لگ گئی۔

حادثہ موان ایئرپورٹ پر پیش آیا، جو جنوبی کوریا کا ایک مصروف اور اہم ہوائی اڈہ ہے۔

رپورٹ کے مطابق حادثے کا شکار مسافر طیارہ تھائی لینڈ کے شہر بنکاک سے واپس آرہا تھا۔ طیارے میں 175 مسافر اور عملے کے 6 ارکان سوار تھے۔

حادثے کے بعد دو افراد کو زندہ نکال لیا گیا ہے، جبکہ ایمرجنسی عملے نے فوری طور پر کارروائی کرتے ہوئے طیارے میں بھڑکنے والی آگ پر قابو پا لیا، جبکہ حادثے کے مقام پر امدادی کارروائیاں جاری ہیں

زخمیوں کو فوری طور پر قریبی اسپتال منتقل کیا جا رہا ہے، جہاں متعدد کی حالت تشویشناک بتائی جا رہی ہے۔

ایوی ایشن حکام اور ماہرین نے حادثے کی وجوہات جاننے کے لیے تحقیقات شروع کر دی ہیں۔ ابتدائی رپورٹ میں لینڈنگ گیئر کی خرابی کو حادثے کی ممکنہ وجہ قرار دیا گیا ہے۔

ایئرپورٹ انتظامیہ نے حادثے پر گہرے دکھ کا اظہار کرتے ہوئے متاثرین کے اہل خانہ سے اظہارِ ہمدردی کیا اور کہا کہ ایمرجنسی عملہ نے بروقت کارروائی کرتے ہوئے آگ پر قابو پا لیا اور زخمیوں کی فوری مدد کی گئی۔

حادثے کی تحقیقات مکمل ہونے پر مزید تفصیلات جاری کی جائیں گی۔ مسافروں کی فہرست اور ان کے اہل خانہ کو اطلاع دینے کا عمل جاری ہے۔ حکام نے ایئرلائنز کو حفاظتی معیارات پر عمل درآمد یقینی بنانے کی ہدایت دی ہے۔

28/12/2024

ماسکو: روس نے آذربائیجان کے مسافر طیارے کے حادثے پر معافی مانگ لی۔

خبررساں ادارے کی رپورٹ کے مطابق روسی صدر پیوٹن نے آذربائیجان کے ہم منصب الہام علیوف سے ٹیلی فونک رابطہ کیا اور روسی فضائی حدود میں طیارہ حادثے پر معذرت کی۔

پیوٹن نے بتایا کہ آزربائیجان کے مسافر طیارے کی گروزنی میں لینڈنگ کی کوشش کے دوران روسی دفاعی نظام فعال تھا۔

روسی صدر نے بتایا کہ طیارے نے جب لینڈنگ کی کوشش کی اسی وقت یوکرین نے روس پر ڈرون حملے کیے اور روسی فضائی دفاعی فورسز نے اس وقت یوکرینی حملوں کا جواب دیا تھا۔

واضح رہے کہ چند روز قبل آذربائیجان کا مسافر طیارہ قازقسان کے شہر اکتاؤ میں ہنگمای لینڈنگ کے دوران گر کر تباہ ہوا جس میں 38 افراد ہلاک اور 29 زخمی ہوئے تھے

27/12/2024

ان کا کہنا تھا کہ اس طریقے سے حکومتیں نہیں چلتیں، حکومت کی ذمہ داری ہے کہ پارلیمان کو اعتماد میں لے اور ہر مسئلے کا حل پارلیمان سے اتفاق کر کے منظور کرے، اگر ہم اس طریقے سے چلیں گے تو میں پر امید ہوں کہ ہم تمام ملکی مسائل کو حل کرسکتے ہیں۔

بلاول بھٹو نے مزید کہا کہ حکومت کے پاس یکطرفہ فیصلے کرنے کا مینڈیٹ نہیں ہے، حکومت کے پاس صرف اجتماعی فیصلے کرنے کا اختیار ہے۔

انہوں نے کہا کہ صدر پاکستان سے درخواست کرتا ہوں کہ حکومت کو تجویز دی جائے کہ جو فیصلے اتفاق رائے سے ہوتے ہیں وہ طاقت ور ہوتے ہیں اور مسائل کا اصل حل نکالتے ہیں۔

چیئرمین پیپلز پارٹی کا کہنا تھا کہ صدر آصف علی زرداری کا 5 سال حکومت مکمل کرنا سیاسی کارنامہ تھا، پورے ملک میں صدر مملکت نے اس وقت مفاہمت کے نام پر تمام سیاسی جماعتوں کو ساتھ لیا، جب مکمل یکجہتی کے ساتھ سیاسی جماعتوں نے فیصلے لیے تو تاریخ میں پہلی بار صوبوں کو حقوق ملے اور 18 ویں ترمیم منظور ہوئی۔

ان کا کہنا تھا کہ آج اگر ملک کو ترقی کی راہ پر گامزن کرنا ہے اور بین الاقوامی سازشوں کا مقابلہ کرنا ہے تو تمام فیصلے اتفاق رائے سے کرنے ہوں گے۔

’حکومت کے کینالوں کی پالیسی پر سخت اعتراض ہے‘
بلاول بھٹو نے کہا حکومت کے کینالوں کی پالیسی پر سخت اعتراض ہے اور یہ معاہدے کی خلاف ورزی ہے اور یکطرفہ فیصلہ ہے، ان تمام مسائل پر ہماری کوشش یہی رہے گی عوام کے حقوق کا تحفظ کریں اور پاکستان کے مسائل کا حل نکالیں۔

چیئرمین پیپلز پارٹی نے کہا کہ ملک کے خلاف تیار ہونے والی بین الاقوامی سازش کا مقابلہ کرنے کے لیے سیاست کو ایک طرف رکھ کر پاکستان اور اس کا دفاع کا سوچنا پڑے گا۔

انہوں نے مزید کہا کہ آج کل پاکستان کے مخالفین شہید ذوالفقار علی بھٹو اور بینظیر بھٹو کے دیئے ہوئے میزائل ٹیکنالوجی کے تحفے کو میلی آنکھ سے دیکھ رہے ہیں، ان کی خواہش ہے کسی مسلمان ملک کے پاس ایسی قوت نہ ہو اور وہ کسی نہ کسی بہانے سے آپ کی یہ طاقت چھننا چاہتے ہیں۔

بلاول بھٹو نے امریکا کی جانب سے پاکستان کی میزائل ٹیکنالوجی پر پابندیوں کے حوالے سے بات کرتے ہوئے کہا کہ پیپلز پارٹی کے ہوتے ہوئے ہم اپنی ایٹمی اثاثوں اور نہ ہی میزائل پروگرام پر کسی قسم کی سودے بازی نہیں کرنے دیں گے۔

ان کا کہنا تھا کہ مختلف ممالک ہماری اندرونی سیاست کے اوپر بیان دے رہے ہیں لیکن یہ سب کچھ بہانہ ہے اور کسی کو پاکستان کی جمہوریت کے بارے میں کوئی فکر نہیں ہے، عمران خان صرف بہانہ ہے اصل میں نشانہ پاکستان کا ایٹمی پروگرام اور میزائل ٹیکنالوجی ہے۔

بلاول بھٹو نے کہا کہ عمران خان کو واضح کرنا چاہیے کہ آئے روز ان کی حمایت میں بیان دینے والے وہی لوگ نہیں، جو پاکستان کے ایٹمی پروگرام کے خلاف ہیں؟ انہیں جواب دینا چاہیے کہ یہ بانی پی ٹی آئی کے حق میں کیوں بول رہے ہیں؟

ان کا مزید کہنا تھا کیا یہ وہی لوگ نہیں جو سب سے زیادہ آواز پہلے اسرائیل کی حکومت کے لیے اٹھاتے تھے اور پھر اس کے بعد آپ کے لیے اٹھاتے ہیں، پی ٹی آئی کو وضاحت دینا ہوگی اور ایسے بیانات کی مذمت کرنا ہوگی۔

چیئرمین پیپلز پارٹی نے کہا کہ ملک کی ایٹمی پالیسی پر بیان دینے والے لوگ عمران خان کی حمایت کر رہے ہیں، ایک مخصوص لابی چاہتی ہے کہ پاکستان میں ایسی حکومت آئے جو طاقت حاصل کرنے کے لیے ہر چیز پر سودا کرنے کے لیے تیار ہو، پیپلز پارٹی اور جیالے ہر ایسی کوشش کو ناکام بنا دیں گے۔

27/12/2024

راولپنڈی: ڈائریکٹر جنرل (ڈی جی) انٹر سروسز پبلک ریلیشن (آئی ایس پی آر) لیفٹیننٹ جنرل احمد شریف چوہدری نے کہا ہے 9 مئی سے جڑے منصوبہ سازوں کو سزاؤں تک انصاف نہیں ہوگا، انصاف کا سلسلہ 9 مئی کے منصوبہ سازوں کو کیفرکردار تک پہنچانے تک جاری رہے گا۔

جنرل ہیڈ کوارٹرز (جی ایچ کیو) راولپنڈی میں اپنی طویل پریس کانفرنس کے آغاز پر ڈی جی آئی ایس پی آر نے کہا کہ وہ 2024 کے اہم معاملات خاص طور پر قومی سلامتی، بدلتی علاقائی صورتحال، ملکی دفاع، اندرونی سلامتی اور رواں سال انسداد دہشت گردی کے حوالے سے کیے جانے والے اقدامات پر بات کریں گے۔

لیفٹیننٹ جنرل احمد شریف چوہدری نے کہا کہ وہ مسلح افواج کی تربیتی مشقوں اور عوام کی فلاح و بہبود کے لیے کیے گئے اقدامات پر بھی بات کریں گے۔

ان کا کہنا تھا کہ سیکیورٹی فورسز نے رواں برس مجموعی طور پر 59 ہزار 775 آپریشنز کیے ہیں، ان کارروائیوں میں خوارج سمیت 925 دہشت گردوں کو واصل جہنم کیا گیا۔

ان کا کہنا تھا کہ ان انٹیلی جنس کارروائیوں میں دہشت گردوں کے قبضے سے اسلحہ، گولہ بارود بھی برآمد کیا گیا۔

’خیبرپختونخوا میں طرز حکمرانی کی خرابیوں، خامیوں، خلا کو قربانیوں سے پر کر رہے ہیں‘

ڈی جی آئی ایس پی آرنے کہا کہ ملک دشمن دہشت گردوں کے خلاف یہ آخری خارجی کے خاتمے تک جاری رہی گی، پاکستان اپنی سرحدوں اور شہریوں کی حفاظت کے لیے کوئی کسر اٹھا نہیں رکھے گا۔

ان کا کہنا تھا کہ سییکورٹی فورسز نے اپنی کارروائیوں میں 27 افغان دہشت گردوں کو ہلاک کیا۔

ڈی جی آئی ایس پی آر نے مزید بتایا کہ پاک فوج، قانون نافذ کرنے والے اور انٹیلی جنس اداروں اور پولیس کی جانب سے روزانہ کی بنیاد پر 179 سے زائد آپریشنز کیے جا رہے ہیں۔

لیفٹیننٹ جنرل احمد شریف چوہدری نے بتایا کہ سیکیورٹی آپریشنز کے دوران فورسز نے 73 ہائی ویلیو ٹارگٹ، انتہائی مطلوب دہشت گردوں کو کامیابی سے ختم کیا۔

ان کا کہنا تھا کہ ان کارروائیوں کے دوران 383 افسران اور جوانوں نے بہادری سے لڑتے ہوئے جام شہادت نوش کیا۔

’ایک شخص کی غلطی کی قیمت قوم نے اپنے خون سے ادا کی‘

انہوں نے کہا کہ آرمی چیف نے کہا کہ دہشت گردی کے خلاف جنگ میں ہر پاکستانی سپاہی ہے۔

ان کا کہنا تھا کہ یہ جو گورننس میں گیپ، اس میں جو خرابیاں اور خامیاں ہیں، وہ ہم روزانہ اپنے شہدا کی قربانیوں سے پر کر رہے ہیں۔

لیفٹیننٹ جنرل احمد شریف چوہدری کا کہنا تھا کہ بھارت کی جانب سے رواں برس 25 بار سرحدی خلاف ورزی کی گئی۔

ان کا کہنا تھا کہ افغان حکام کو کہتے ہیں کہ ان خارجی، دہشت گردوں کو پاکستان پر فوقیت نہ دے، ایک پاکستانی کی جان اور حفاظت افغانستان پر مقدم ہے، ہم نے مسلسل کہا کہ ان دہشت گردوں کو قابو کریں، اگر وہ قابو نہ کریں تو کیا ہم بیٹھ کر تماشہ دیکھتے رہیں۔

انہوں نے کہا کہ جو دوغلی سیاست کا پرچار کرتے ہیں میں ان سے سوال کرتا ہوں کہ جو اہلکار شہید کیے گئے، کیا وہ اس ملک اور صوبے کے شیردل جوان نہیں تھے؟

ڈی جی آئی ایس پی آر نے کہا کہ 2021 میں آپریشن کے باعث خوارج کی کمر ٹوٹ گئی تھی، وہ بھاگ رہے تھے، میرا سوال ہے کہ انہیں کس نے کس کے فیصلے پر انہیں دوبارہ آباد کیا اور دوام بخشا۔

لیفٹیننٹ جنرل احمد شریف چوہدری کا کہنا تھا کہ یہ جو فیصلے جن کا ہم خمیازہ بھگت رہے ہیں، ان فیصلوں کی لکھائی روزانہ جوان اپنے خون سے دھو رہے ہیں۔

ان کا کہنا تھا کہ کوئی لیڈر سمجھنے سے قاصر ہو، کوئی فریق اپنی مرضی مسلط کرنے پر تلا ہو تو اس سے کیا بات کی جائے، اگر ہر مسئلے کا حل بات چیت میں ہوتا تو دنیا میں کوئی جنگ نہ ہوتی، اس تمام صورتحال کے باجود کوئی لیڈر یہ کہے جب کہ وہ اس صلاحیت سے عاری ہے کہ اپنی غلطی سے سیکھے اور سمجھے کہ وہ سب کچھ جانتا ہے تو ایسے رویوں کی قیمت قوم اپنے خون سے چکاتی ہے اور ہم چکا رہے ہیں۔

’9 مئی پاکستان کا نہیں عوام پاکستان کا مقدمہ ہے‘

ڈی جی آئی ایس پی آر نے کہا کہ بات چیت کا بیانیہ بنانے، اس پر سیاست کھییلنے کے بجائے بہتر طرز حکمرانی پر توجہ دینی چاہیے، اب وقت آگیا ہے کہ دہشت گردی پر سیاست نہ کی جائے۔

لیفٹیننٹ جنرل احمد شریف چوہدری نے 9 مئی سے متعلق سزاؤں کے سوال کے جواب میں کہا کہ 9 مئی کے حوالے سے افواج کا نقطہ نطر واضح اور مستقل ہے اور وہ یہ ہے کہ نو مئی پاکستان کا نہیں عوام پاکستان کا مقدمہ ہے، یہ بات کلیئر ہونی چاہیے، نومئی سے جڑے منصوبہ سازوں کو سزاؤں تک انصاف نہیں ہوگا۔

انہوں نے کہا کہ اگر کوئی جھتہ، کوئی مسلح اور پرتشدد گروہ اس طریقے سے اپنی مرضی اور سوچ کو مسلط کرنا چاہیے معاشرے پر اور اس طرز عمل کو قانون اور آئین کے مطابق نہی روکا جائے تو پھر ہم اپنے معاشرے کو کس طرف لے کر جائیں گے۔

اپنی بات کو جاری رکھتے ہوئے انہوں نے کہا کہ جہاں تک سزاؤں کا ذکر کا گیا، دیکھیں 2023 میں اعلیٰ عدلیہ کے فیصلے کی روح میں جو عمل تھا، فوجی عدالتوں میں جو لوگوں کو بھیجا گیا تھا، وہ منجمد کردیا گیا تھا، حال ہی میں جب 7 رکنی بینچ نے اس کے اوپر فیصلہ دیا تو اس کی روشنی میں سزائیں سنانے کا عمل اب مکمل کیا جا چکا ہے۔

اپنی بات کو جاری رکھتے ہوئے لیفٹیننٹ جنرل احمد شریف چوہدری کا کہنا تھا کہ اس کے اندر مروجہ قانون کے تحت ثبوت اور شواہد کے مطابق، تمام قانونی تقاضوں کو پورا کرکے، وہ تمام لوگ جو 9 مئی کی ہنگامی آرائی میں ملوث تھے اور جن کو قانون کے مطابق فوجی عدالتوں میں بھیجا گیا، ان کو سزائیں دینا کا عمل مکمل ہوچکا ہے اور اس فیصلے سے یہ بڑا واضح پیغام جاتا ہے کہ اس طرح کے معاملات کی کوئی گنجائش نہیں ہے اور مستقبل میں بھی کوئی اس طرح کے معاملات میں ملوث ہوگا تو اس کو آئین و قانون کے مطابق ہر صورت سزا ملے گی۔

’9 مئی کے واقعات کا کوئی قانونی، اخلاقی جواز نہیں ہے‘

ڈی جی آئی ایس آر نے کہا کہ جو آپ نے سوال کیا، اس کے توسط سے میں یہ ضرور کہنا چاہوں گا کہ 9 مئی کی جو سزائیں ہیں، اس سے جڑے، فوجی عدالتوں سے جڑے جو عدم شفافیت اور سویلین بالادستی کا بیانیہ بنایا جا رہا ہے، اس کے لیے یہ جاننا ضروری ہے کہ پاکستان میں جو ملٹری کورٹس ہیں، وہ آئین و قوانین کے مطابق دہیائیوں سے قائم ہیں اور عمل میں ہیں، یہ انصاف کے تمام تقاضوں کو بخوبی پورا کرتے ہیں، عالمی عدالت انصاف نے بھی اس پورے عمل کی توثیق کی ہوئی ہے۔

ان کا کہنا تھا کہ آپ کو یہ معلوم ہونا چاہیے کہ ملٹری کورٹس میں جو ملزمان ہوتے ہیں، انہیں وکیل کرنے، ثبوت پیش کرنے سمیت تمام قانونی حقوق حاصل ہوتے ہیں، انہیں اپیل کرنا بھی حق ہوتا ہے۔

لیفٹیننٹ جنرل احمد شریف چوہدری نے کہا کہ یہ بیانیہ اس لیے ہی بنایا جاتا ہے کہ 9 مئی کے واقعات کا کوئی قانونی، اخلاقی جواز نہیں ہے، اس کا آپ کسی طرح سے دفاع نہیں کر سکتے، تو پھر اس عمل کے خلاف پروپیگنڈا کیا جاتا ہے، جب کہ حقیقت یہ ہے کہ آج اس کے خلاف بات کرنے والے خود اس کے داعی ہوتے تھے، ایک اور دلچسپ بات بتاؤں کہ کچھ عرصہ پہلے تو یہ بیانیہ بنایا جا رہا تھا کہ یہ جو انتشاری احتجاجی ہیں، یہ ایجنسیوں کے بندے، پلانٹڈ لوگ ہیں، اور فوج نے گہری سازش کے تحت حملے کرائے ہیں۔

ڈی جی آئی ایس پی آر نے کہا کہ جب بقول ان کے ہم نے اپنے بندوں کو سزئیں دے دی ہیں تو ان انتشاریوں کو خوش ہونا چاہیے، اب وہ پریشان ہیں، اس لیے کیونکہ اپنے اقتدار کی ہوس میں وہ منافقت اور فریب کی آخری حدوں کو عبور کرچکے ہیں، یہ ہی مسئلہ ہے، اب جو انسداد دہشت گردی کی عدالتیں ہیں، انہیں بھی مقدمات کے جلد فیصلے کرنے چاہییں، اس کی وجہ یہ ہے کہ ابھی برطانیہ میں نسلی فسادات ہوئے تو کتنی سرعت کے ساتھ بالغ اور نالغ ملزمان کو سزائیں دی گئیں، جب کیپٹل ہل پر حملہ ہوا تو کتنی تیزی کے ساتھ سینکڑوں لوگوں کو سزائیں دی گئیں، اس سے قبل لندن رائٹس میں 1200 لوگوں سزائیں دی گئیں۔

’پروپیگنڈے کی بنیاد رکھنے والے ہی 9 مئی واقعات کے اصل ملزم ہیں‘

ان کا کہنا تھا کہ مغربی ممالک میں اس طرح کے عناصر کو کوئی جگہ نہیں دیتا، نہ کہ ان کو جگہ دیں اور انتشار پر سیاست کی اجازت دیں، جن کو سزائیں دی گئیں، ان کے والدین کو دیکھنا چاہیے کہ کس طرح سے ان بچوں، جوانوں کو پروپیگنڈا کرکے اپنے مخصوص سیاسی ایجنڈے، سیاسی مقاصد اور اقتدار کے لیے استعمال کیا گیا، کچھ لوگ نوجوانوں میں اپنی سیاست کےلیے زہر ڈالتے ہیں۔

لیفٹیننٹ جنرل احمد شریف چوہدری نے کہا کہ اس لیے جو لوگ اس پروپیگنڈے کی بنیاد رکھتے ہیں، اصل ملزم تو وہ ہیں اور اسی لیے انصاف کا سلسلہ اس وقت تک چلے گا جب تک 9 مئی سے جڑے منصوبہ ساز اور اصل گھناؤنے کرداروں کو آئین و قانون کے مطابق کیفر کردار تک نہیں پہنچایا جائےگا، کیونکہ پاکستان اور پاکستانی قوم اس جیسے کسی سانحے اور اس جیسی انتشاری سیاست کی اجازت نہیں دے سکتے۔

’کوئی فرد واحد، اس کی سیاست، اس کی اقتدار کی خواہش پاکستان سے بالا تر نہیں‘

پی ٹی آئی کے حکومت اور اسٹیبلشمنٹ کے ساتھ مذاکرات سے متعلق ایک سوال کے جواب میں ان کا کہنا تھا کہ پہلے بھی یہ بات کرچکا ہوں، دوبارہ دہرا دیتا ہوں کہ پاکستان کی فوج کا ہر حکومت کے ساتھ ایک سرکاری اور پیش ورانہ تعلق ہوتاہے، حکومتیں سیاسی جماعتیں بناتی ہیں، اس سرکاری، پیشہ روانہ تعلق کو سیاسی رنگ دینا مناسب نہیں ہے، یہ پاکستان کی فوج جو کسی مخصوص جماعت یا مکتبہ فکر کی فوج نہیں ہے، ہمارے لیے تمام سیاسی جماعتیں اور رہنما قابل احترام ہیں، کوئی فرد واحد، اس کی سیاست، اس کی اقتدار کی خواہش پاکستان سے بالا تر نہیں ہے، اس وقت وفاق اور صوبوں میں سیاسی جماعتوں کی حکومتیں موجود ہیں، سیاسی مذاکرات کرنا سیاسی جماعتوں کا کام ہے، یہ خوش آئند ہے کہ سیاستدان مل بیٹھ کر اپنے معاملات کو حل کریں، نہ کہ انتشاری سیاست کریں۔

سابق ڈی جی آئی ایس آئی فیض حمید سے متعلق سوال پر ان کا کہنا تھا کہ فوج کا احتساب کا نظام بہت جامع ہے، 9 مئی کے پہلے ایک مربوط منصوبہ بندی اور سازش تھی، جو لوگ بھی اس منصوبہ بندی اور سازش میں ملوث تھے، انہیں آئین و قانون کے مطابق کیفر کردار تک پہنچانا ضروری ہے، ہمیں معلوم ہونا چاہیے کہ ہر فورجی افسر کےلیے ریاست اور افواج مقدم ہیں، کوئی افسر اگر سیاست کو ریاست پر مقدم رکھے گا تو اسے اس کا جواب دینا پڑے گا، اس کیس کے حوالے سے میں یہ کہنا چاہوں گا کہ یہ حساس اور زیر سماعت کیس ہے، اس میں حساس معاملات جڑے ہیں، اس لیے اس پر غیر ضروری تبصروں اور تجزیوں سے گریز کیا جائے۔

26 نومبر کو ڈی چوک میں ہونے والے احتجاج کے حوالے سے سوال پر ان کا کہنا تھا کہ اس دن پیش آئے واقعات کے پیچھے سیاسی دہشت گردی کی خاص سوچ تھی، یہ منفی اور دہشت گردی کی سیاست کا سلسلہ 2014 میں پارلیمنٹ اور سرکاری املاک پر حملوں سے شروع ہوا، اس طرح کی سرگرمیوں سے عوام کی ترقی کے اقدامات میں رخنہ پڑتا ہے جس کی قیمت ہم سب چکاتے ہیں۔

’ضلع کرم کا معاملہ بہت پرانا، قبائلی اور زمینی تنازعات کا معاملہ ہے‘

لیفٹیننٹ جنرل احمد شریف چوہدری نے کہا کہ اس واقعے کے بارے میں یکم دسمبر کو وزارت داخلہ نے اعلامیہ جاری کیا تھا اور بتایا تھا کہ اس تمام صورتحال میں افواج مظاہرین کے ساتھ براہ راست رابطے میں نہیں رہی، نہ اس کو پرتشدد ہجوم کو قابو کرنے کے لیے تعینات کیا گیا تھا، اس میں واضح کیا گیا کہ سیاست قیادت اور مظاہرین میں شامل مسلح افراد نے فائرنگ کی، ہم نے ان کے ہاتھوں میں اسلحہ دیکھا جب کہ قانون نافذ کرنے والے اداروں کو آتشی اسلحہ دیا ہی نہیں گیا تھا، جب سیاسی قیادت وہاں سے بھاگی تو پہلے سے طے شدہ منصوبہ بندی کے تحت فیک مواد کو تیزی کے ساتھ سوشل میڈیا پر پھیلایا گیا، اس کا مقصد بے بنیاد الزامات لگائے جائیں۔

ڈی جی آئی ایس پی آر نے کہا کہ اس کے پیچھے سوشل میڈیا اور اس کو چلانے والے ہیں، اس انتشاری سیاست کا کنٹرول ملک میں نہیں، بیرون ملک موجود سوشل میڈیا کے پاس ہے، اس کے بعد انسانی حقوق کی وہ تنظیمیں ایک دم متحرک ہوجاتی ہیں جنہیں دنیا بھر میں ہونے والی دہشت گردی نظر نہیں آتی لیکن فیک ویڈیوز اور ان دیکھی لاشوں پر ان کے جذبات بے قابو ہوجائیں گے۔

ضلع کرم کی صورتحال کے حوالے سے ان کا کہنا تھا کہ وہاں کا معاملہ بہت پرانا، قبائلی اور زمینی تنازعات کا معاملہ ہے، اصل بد قسمتی یہ ہے کہ یہ غلط سیاسی ترجیحات کا کیس ہے، اس کو صوبائی حکومت اور مقامی سیاستدانوں نے حل کرنا ہے، بجائے اس کے کہ ملبہ اداروں پر ڈالا جائے، ان واقعات کے دوران یہ مذموم کوشش بھی کی گئی کہ تنازع کو مسلکی رنگ دیا جائے اور اس کو بڑھایا جائے۔

27/12/2024

سانحہ 9 مئی 2023 میں ملوث عمران خان کے بھانجے حسان نیازی سمیت مزید 60 مجرمان کو 10 سال تک قید بامشقت کی سزائیں سنادی گئیں۔

پاک فوج کے شعبہ تعلقات عامہ (آئی ایس پی آر) کے مطابق سپریم کورٹ کے فیصلے کی روشنی میں سانحہ 9 مئی میں ملوث مزید 60 مجرموں کو فیلڈ جنرل کورٹ مارشل نے سزائیں سنا دیں۔

آئی ایس پی آر کا کہنا ہے کہ فیلڈ جنرل کورٹ مارشل نے تمام شواہد کی جانچ پڑتال، مجرموں کو قانونی حق کی یقینی فراہمی اور قانونی تقاضوں کے مطابق کارروائی کرتے ہوئے سزائیں سنائیں۔

سزا پانے والے مجرمان کی تفصیلات
جناح ہاؤس حملے میں ملوث حسان خان نیازی ولد حفیظ اللہ نیازی کو 10 سال قید بامشقت
جناح ہاؤس حملے میں ملوث محمد ارسلان ولد محمد سراج کو 7 سال قید بامشقت
جناح ہاؤس حملے میں ملوث بریگیڈئر (ر) جاوید اکرم ولد چودھری محمد اکرم، رئیس احمد ولد شفیع اللہ، ارزم جنید ولد جنید رزاق،محمد عمیر ولد عبدالستار، محمد رحیم ولد نعیم خان اور علی رضا ولد غلام مصطفیٰ کو 6، 6 سال قید بامشقت
جناح ہاؤس حملے میں ملوث نعمان شاہ ولد محمود احمد شاہ کو 4 سال قید بامشقت
جناح ہاؤس حملے میں ملوث گروپ کیپٹن (ر) احمد محسن ولد بشیر احمد محسن، میاں عباد فاروق ولد امانت علی اور حیدر مجید ولد محمد مجید کو 2،2 سال قید بامشقت
جی ایچ کیو حملے میں ملوث سید حسن شاہ ولد آصف حسین شاہ کو 9 سال قید بامشقت
جی ایچ کیو حملے میں ملوث راجہ دانش ولد راجہ عبدالوحید اور محمد عبداللہ ولد کنور اشرف خان کو 4،4 سال قید بامشقت
بنوں کینٹ حملے میں ملوث ثقلین حیدر ولد رفیع اللہ خان، امین شاہ ولد مشتر خان، عزت گُل ولد مردت خان، نیک محمد ولد نصراللہ جان، رحیم اللہ ولد بیت اللہ، خالد نواز ولد حامد خان اور اکرام اللہ ولد خانزادہ خان کو 9،9 سال قید بامشقت
ملتان کینٹ چیک پوسٹ حملے میں ملوث خرم لیاقت ولد لیاقت علی شاہد کو 4 سال قید بامشقت
ملتان کینٹ چیک پوسٹ حملے میں ملوث حامد علی ولد سید ہادی شاہ اور پیرزادہ میاں محمد اسحٰق بھٹہ ولد پیرزادہ میاں قمرالدین بھٹہ کو 3،3 سال قید بامشقت
اے آئی ایم ایچ راولپنڈی پر حملے میں ملوث علی حسین ولد خلیل الرحمان کو 7 سال قید
پنجاب رجمنٹ سینٹر مردان پر حملے میں ملوث زاہد خان ولد محمد نبی کو 2 سال قید بامشقت
ہیڈکوارٹر دیر اسکاؤنٹس تیمرگرہ پر حملے میں ملوث سہراب خان ولد ریاض خان کو 4 سال قید مشقت
ہیڈکوارٹر دیر اسکاؤنٹس تیمرگرہ پر حملے میں ملوث محمد الیاس ولد محمد فضل حلیم کو 2 سال قید بامشقت
قلعہ چکدرہ حملے میں ملوث ذاکر حسین ولد شاہ فیصل اور گوہر رحمٰن ولد گل رحمٰن کو 7،7 سال قید بامشقت
قلعہ چکدرہ حملے میں ملوث رئیس احمد ولد خائستہ رحمٰن کو 4 سال قید بامشقت
پی اے ایف بیس میانوالی حملے میں ملوث فہیم ساجد ولد محمد خان کو 8 سال قید بامشقت
فیصل آباد میں آئی ایس آئی آفس پر حملے میں ملوث فہد عمران ولد محمد عمران شاہد کو 9 سال قید بامشقت
فیصل آباد میں آئی ایس آئی آفس پر حملے میں ملوث محمد سلمان ولد زاہد نثار، حمزہ شریف ولد محمد اعظم، اور امجد علی ولد منظور احمد کو 2، 2 سال قید بامشقت
راہوالی گیٹ گوجرانوالہ حملے میں ملوث محمد احمد ولد محمد نذیر، سفیان ادریس ولد ادریس اور ملزم محمد وقاص ولد ملک محمد خلیل کو 2،2 سال قید بامشقت
ایف سی کینٹ پشاور کے مرکزی دروازے پر حملے میں ملوث محمد ایاز ولد صاحبزادہ خان کو 2 سال قید بامشقت
واضح رہے کہ اس سے قبل 21 دسمبر کو آئی ایس پی آر نے بیان جاری کرتے ہوئے بتایا تھا کہ فیلڈ جنرل کورٹ مارشل نے سانحہ 9 میں میں ملوث 25 مجرمان کو 10 سال تک قید بامشقت کی سزائیں سنائی ہیں، ملزمان کی مرحلہ وار جیلوں میں منتقلی کا عمل جاری ہے۔

27/12/2024

اسلام آباد: پاکستان میں ہر شہری کے لیے 18 سال کی عمر مکمل کرنے پر قومی شناختی کارڈکا حصول لازمی ہے۔

نادرا آرڈیننس 2000 کے سیکشن 9 (1) کے تحت 18 سال کی عمر کے بعد 90 دن کے اندر شناختی کارڈ کے لیے درخواست دینا ضروری ہے۔

بروقت درخواست نہ دینے پر نادرا آرڈیننس کے سیکشن 30 (e) کے مطابق 6 ماہ تک قید بامشقت یا 50,000 روپے تک جرمانہ یا دونوں سزائیں ہو سکتی ہیں

26/12/2024

پاکستان تحریک انصاف (پی ٹی آئی) کے بانی اور سابق وزیراعظم عمران خان نے حکومت کی جانب سے دیوالیہ ہوتی معیشت کو سنبھالنے کا اعتراف کرلیا۔

ایس ایچ نیوز کے مطابق اڈیالہ جیل راولپنڈی میں بانی پی ٹی آئی کی صحافیوں سےگفتگو میں صحافی نے سوال کیا کہ کیا آپ تسلیم کررہے ہیں کہ حکومت نے معیشت کو استحکام دیا؟

عمران خان نے جواب دیا کہ معیشت مستحکم ہوکر دیوالیہ ہونے سے بچ گئی لیکن ترقی نہیں ہوئی۔

ادھر، سماجی رابطے کی ویب سائٹ ’ایکس‘ پر پوسٹ میں عمران خان کا کہنا تھا کہ 2025 حقیقی آزادی کا سال ہے، انشااللہ 2024 پاکستان کے لیے ایک مشکل سال تھا، ظاہر ہے آزادی مشکل سے ہی ملتی ہے!

انہوں نے دعویٰ کیا کہ مجھے پیغام ملا ہے کہ ہم سے ڈیل کریں ہم آپ کی پارٹی کو ’سیاسی اسپیس‘ دیں گے لیکن آپ کو ہاؤس اریسٹ کر کے بنی گالہ میں منتقل کر دیں گے۔

’ڈیل کا پیغام ملا، لیکن کوئی ڈیل قبول نہیں کروں گا‘
عمران خان کا کہنا تھا کہ میں نے جواب دیا ہے کہ پہلے باقی تمام سیاسی قیدیوں کو رہا کرو، میں جیل میں رہ لوں گا لیکن کوئی ڈیل قبول نہیں کروں گا، ہاؤس اریسٹ یا خیبرپختونخوا کی کسی جیل میں نہیں جاؤں گا-

بانی پی ٹی آئی نے کہا کہ اپنی قوم سے کہتا ہوں کہ آپ نے گھبرانا نہیں ہے، آپ کا کپتان ڈٹا ہوا ہے، میں اپنے سمندر پار پاکستانیوں سے کہوں گا کہ ترسیلاتِ زر کے بائیکاٹ کی مہم میں شامل ہوں۔

عمران خان کا کہنا تھا کہ ابھی ہمارے مطالبات کے حوالے سے کمیٹی کمیٹی ہی کھیلا جا رہا ہے، تاہم اگر مذاکرات سے مثبت نتائج آئے تو ترسیلات زر کے بائیکاٹ کی مہم روک دی جائے گی، یہ حقیقی آزادی اور جمہوریت کی بحالی کے لیے ایک احتجاج ہے۔

سنبھل جاتی مگر اس پر کوئی توجہ نہیں دی گئی، سرمایہ دار اپنا سرمایہ نکال رہے ہیں اور کارخانے بند ہو رہے ہیں-

انہوں نے فوجی عدالتوں کی جانب سے سزائیں سنائے جانے پر ردعمل دیتے ہوئے کہا کہ ملٹری کورٹ میں 9 مئی سے متعلق اپنی مرضی کے ٹرائل کئے گئے، اوپن کورٹ میں ٹرائل چلائے جاتے تو 9 مئی کی ویڈیو فوٹیج دینی پڑتی۔

ان کا کہنا تھا کہ 18 مارچ 2023 کو میرے اوپر جوڈیشل کمپلیکس اسلام آباد میں حملے کی ویڈیو کا ریکارڈ دانستہ طور پہ غائب کیا گیا، شفاف ٹرائل شہریوں کا بنیادی آئینی حق ہے، فوجی عدالتوں میں مقدمات چلانے سے شہریوں کے بنیادی حقوق سلب ہوئے اور بین الاقوامی سطح پہ پاکستان کی شدید سُبکی ہوئی۔

عمران خان نے کہا کہ آئینی عدالت اس لیے بنائی گئی ہے تاکہ سابق چیف جسٹس قاضی فائز عیسٰی کی طرح ہی ان سے کام لیا جا سکے، خفیہ اداروں کا اصل کام سرحدوں کا تحفظ اور دہشت گردی سے بچاؤ ہے، اگر وہ پولیٹیکل انجینئرنگ اور تحریک انصاف کو توڑنے میں ہی لگے رہیں گے تو سرحدوں کا تحفظ کون کرے گا؟

سابق وزیراعظم کا کہنا تھا کہ اپنی پالیسی کا دوبارہ جائزہ لیں، افغانستان پر 2 دفعہ بمباری کی گئی، پہلے دعوٰی کیا گیا تھا کہ مہاجرین کو زبردستی واپس بھیجنے سے دہشت گردی کم ہو گی مگر اس طریقہ کار سے نفرت مزید بڑھی جو علاقائی امن و امان کے لیے ٹھیک نہیں ہے-

انہوں نے کہا کہ چیئرمین پیپلزپارٹی بلاول بھٹو جب وزیر خارجہ بنے تو ایک بار بھی افغانستان نہیں گئے، جو ایک ترجیح ہونا چاہیے تھا، مزید کہنا تھا کہ میں نے سابق آرمی چیف جنرل باجوہ کو بھی کہا تھا کہ افغانستان سے امریکی انخلا کے بعد حالات ایسے نہیں کہ اُس وقت کے آئی ایس آئی چیف جنرل (ر) فیض کو فوری تبدیل کیا جائے لیکن وہ سارے فیصلے پاکستان کی بجائے اپنی توسیع کے منصوبے کے لیے کر رہا تھے، جس کا پاکستان کو نقصان ہوا اور دہشتگردی میں اضافہ ہوا-

دریں اثنا، بانی پی ٹی آئی سے اڈیالہ جیل میں وزیراعلیٰ خیبرپختونخوا علی امین گنڈاپور اور پی ٹی آئی کی مذاکراتی کمیٹی نے الگ الگ ملاقاتیں کی ہیں۔

ڈان نیوز کے مطابق پی ٹی آئی کی مذاکراتی کمیٹی کے ارکان اجازت ملنے کےبعد گیٹ 5 سے اڈیالہ جیل کے اندر روانہ ہوئے تھے۔

پی ٹی آئی کی مذاکراتی کمیٹی میں شامل اپوزیشن لیڈر عمر ایوب، سابق اسپیکر قومی اسمبلی اسد قیصر، سلمان اکرم راجا، سینیٹر علامہ راجا ناصر عباس اور حامد رضا نے عمران خان سے ملاقات کی۔

واضح رہے کہ 2 روز قبل عمران خان نے کہا تھا کہ حکومت کے ساتھ ہونے والے مذاکرات کے عمل کو معنی خیز بنانے کے لیے اہم ہے کہ میری ملاقات میری نامزد کردہ مذاکراتی ٹیم سے کروائی جائے تاکہ مجھے معاملات کا صحیح علم ہو سکے۔

سماجی رابطے کی ویب سائٹ ’ایکس‘ پر جاری بیان میں اڈیالہ جیل راولپنڈی میں وکلا سے اہم گفتگو کرتے ہوئے ان کا کہنا تھا کہ مذاکرات کے عمل کو معنی خیز بنانے کے لیے اہم ہے کہ ان کی ملاقات مذاکراتی ٹیم سے کروائی جائے تاکہ انہیں معاملات کا صحیح علم ہو سکے، انہوں نے صاحبزادہ حامد رضا کو تحریک انصاف کے مذاکراتی عمل کا ترجمان نامزد کیا تھا۔

بانی پی ٹی آئی نے کہا تھا کہ حکومت اگر نتیجہ خیز مذاکرات چاہتی ہے تو ہمارے دو مطالبات ہیں، ایک مطالبہ انڈر ٹرائل سیاسی قیدیوں کی رہائی اور دوسرا 9 مئی اور 26 نومبر کے واقعات پر سینئیر ترین ججز پر مشتمل جوڈیشل کمیشن کا قیام۔

عمران خان نے کہا تھا کہ ان مطالبات پر عمل درآمد کی صورت میں ہم سول نافرمانی کی تحریک کو مؤخر کر دیں گے لیکن مجھے خدشہ ہے کہ حکومت ہمارے 9 مئی اور 26 نومبر کی تحقیقات کے مطالبے کو پس پشت ڈالنے کی کوشش کرے گی لیکن ہم ایسا نہیں ہونے دیں گے۔

واضح رہے کہ گزشتہ روز پاکستان تحریک انصاف اور حکومتی کمیٹیوں کے درمیان اسپیکر ہاؤس میں ہونے والی پہلی ملاقات میں مذاکرات جاری رکھنے پر اتفاق ہوا تھا جب کہ وزیراعظم نے ملک کے وسیع تر مفاد کے لیے مذاکرات میں مثبت پیش رفت کی امید کا اظہار کیا تھا۔

26/12/2024

پشاور: افغانستان کے اندر قائم کالعدم تحریک طالبان پاکستان (ٹی ٹی پی) کے مشتبہ ٹھکانوں پر پاکستان کی جانب سے کارروائی کی گئی جہاں دہشت گردی کے تربیتی مرکز اور دہشت گردوں کو بھی نشانہ بنایا گیا۔

غیرملکی خبرایجنسی اے پی کی رپورٹ کے مطابق سیکیورٹی عہدیداروں نے شناخت ظاہر نہ کرنے کی شرط پر بتایا کہ کارروائی پاکستان کی سرحد سے متصل افغان صوبے پکتیکا کے پہاڑی علاقوں میں کی گئی۔

رپورٹ میں بتایا گیا کہ کارروائی کے حوالے سے یہ واضح نہیں ہے کہ آیا پاکستانی جنگی طیاروں نے افغانستان کے اندر جا کر کارروائی کی اور آپریشن کیسے شروع کیا گیا تھا۔

پاک فوج کی جانب سے اس واقعے پر کوئی بیان جاری نہیں کیا گیا تاہم کالعدم ٹی ٹی پی کے ٹھکانوں پر پاکستان کی جانب سے رواں بس مارچ کے بعد اس طرح کا یہ دوسرا حملہ ہے جب پاکستان نے کہا تھا کہ خفیہ اطلاعات کی بنیاد پر افغانستان کے اندر کارروائی کی گئی۔

خیال رہے کہ گزشتہ ہفتے خیبرپختونخوا کے ساتھ سرحد پر پاکستانی فوجی پوسٹ پر دہشت گردوں کے حملے میں 16 جوان شہید ہوگئے تھے اور اس کی ذمہ داری کالعدم ٹی ٹی پی نے قبول کی تھی

25/12/2024

قازقستان کے شہر اکتاؤ میں آذربائیجان کا مسافر طیارہ گر کر تباہ ہوگیا جس میں 39 افراد ہلاک اور 33 زخمی ہوگئے۔

غیر ملکی خبر ایجنسی کے مطابق طیارے میں عملے کے 5 افراد سمیت 72 مسافر سوار تھے۔

حادثے کا شکار طیارہ آذربائیجان کے دارالحکومت باکو سے روس کے زیر تسلط ریاست جمہوریہ چیچن کے دارالحکومت گروزنی جا رہا تھا لیکن دھند کی وجہ سے طیارے کا راستہ تبدیل کیا گیا۔

فوری طور پر حادثے کی وجہ کا تعین نہیں ہوسکا لیکن عینی شاہدین کا کہنا ہے کہ طیارے میں فضا پرندوں کے ایک غول سے ٹکرایا تھا۔

قازقستان کی ہنگامی امور کی وزارت کا کہنا ہے کہ طیارہ حادثے میں 39 افراد ہلاک اور 32 زخمی ہوگئے۔

زخمیوں میں سے 21 کو اسپتال میں داخل کرلیا گیا جن میں ایک 11 سالہ بچی بھی شامل ہیں۔ 4 زخمیوں کی حالت نازک ہے۔

جس کے باعث ہلاکتوں میں اضافے کا خدشہ ظاہر کیا جا رہا ہے۔

عینی شاہدین نے بتایا کہ حادثے سے قبل طیارے نے اکتاؤ ایئرپورٹ کے اوپر کئی چکر بھی لگائے تھے۔

حادثے کی وجوہات کے تعین کے لیے انکوائری کمیٹی تشکیل دیدی گئی

25/12/2024

فیصل آباد میں شوہر سے جھگڑے کے بعد بیوی نے غصے میں 3 بھینسوں اور ایک گائے کو زہر دے کر ہلاک کردیا۔

ایس ایچ نیوز کے مطابق فیصل آباد پولیس کا کہنا ہے کہ واقعہ ماموں کانجن میں پیش آیا، زہر خورانی کے نتیجے میں لاکھوں روپے مالیت کے چار مویشی ہلاک ہوگئے۔

شوہر کے مطابق بیوی مویشی فروخت کر کے پیسے پہلے شوہر سے بچوں کو دینا چاہتی تھی، پیسے نہ دینے پر بیوی سے جھگڑا ہوا، جس پر ناراض بیوی نے مویشیوں کو زہر دے دیا اور گھر چھوڑ کر چلی گئی۔

24/12/2024

آئی سی سی نے چیمپئنز ٹرافی 2025 کے شیڈول کا اعلان کردیا۔

میگا ایونٹ 19 فروری سے کراچی میں شروع ہوگا جس میں 8 ممالک کے درمیان 15 میچز کھیلے جائیں گے، پاکستان اور بھارت کا ہائی وولٹیج ٹاکرا 23 فروری کو دبئی میں ہوگا۔

لاہور اور دبئی میں 4،4 میچز کھیلے جائیں گے، نیشنل بینک اسٹیڈیم کراچی اور پنڈی کرکٹ اسٹیڈیمز 3،3 میچز کی میزبانی کریں گے، چیمپئنز ٹرافی کا انعقاد 19 فروری سے9 مارچ تک ہوگا۔

گروپ اے میں پاکستان، بھارت، نیوزی لینڈ اور بنگلادیش شامل ہیں، گروپ بی میں آسٹریلیا، انگلینڈ، افغانستان اور جنوبی افریقا موجود ہیں۔

ٹورنامنٹ کا پہلا سیمی فائنل 4 مارچ کو دبئی میں کھیلا جائے گا، دوسرا سیمی فائنل 5 مارچ کو لاہور میں ہوگا۔

چیمپئنز ٹرافی کا فائنل 9 مارچ کو کھیلا جائے گا تاہم اگر بھارت فائنل میں پہنچا تو میچ دبئی میں ہوگا، فائنل کیلئے 10 مارچ کا دن ریزروے ڈے رکھا گیا ہے

24/12/2024

اسلام آباد: وزیراعظم شہباز شریف نے کہا ہے کہ میزائل پروگرام کے سبب ہم پر عائد امریکی پابندیوں کا کوئی جواز نہیں، میزائل پروگرام پر کوئی کمپرومائز نہیں ہوگا۔

ایس ایچ نیوز کے مطابق کابینہ اجلاس سے خطاب کرتے ہوئے انہوں نے کہا کہ چند دن قبل خوارج کے حملے میں ہمارے 17 اہلکار شہید ہوئے ان کے لیے دعا کی جائے۔ وزیراعظم کی درخواست پر اجلاس کے شرکا نے ان کے لئے دعائے مغفرت کی۔

وزیراعظم نے کہا کہ حملہ کرنے والے خوارج میں سے آٹھ کو جہنم رسید کیا، ہمارے سپہ سالا خود وانا میں گئے اور فورسز کو حوصلہ دیا، جب تک دہشت گردی کا مکمل خاتمہ نہیں ہوتا ہمارے ترقی و خوشحالی کی کاوشوں کے اصل ثمرات قوم تک نہیں پہنچ سکیں گے، اس کے لیے خاتمے کے لیے صوبوں کے ساتھ مل کر تمام وسائل استعمال کیے جارہے ہیں، دہشت گردوں کا سر دوبارہ کچلا نہیں جاتا اس وقت تک ہم چین سے نہیں بیٹھیں گے۔

انہوں نے کہا کہ دہشت گردی میں بلوچستان اور کے پی دونوں کے حالات میں تھوڑا فرق ہے، فرقہ ورانہ ہلاکتوں پر بہت افسوس ہے جس میں دونوں اطراف جانوں کا ضیاع ہوا، کرم میں دونوں گروپ مسلح ہیں میں ان کی تفصیل میں نہیں جانا چاہتا اور ستم یہ کہ اس قتل و غارت گری کے وقت اسلام آباد میں چڑھائی کی جارہی تھی اگر کے پی حکومت اس وقت توجہ دے لیتی تو نقصان اتنا نہ ہوتا۔

وزیراعظم نے میزائل پروگرام پر امریکا کی جانب سے لگائی گئی پابندیوں پر اظہار مذمت کرتے ہوئے کہا کہ امریکا نے جو ہم پر پابندیاں عائد کی ہیں اس کا کوئی جواز نہیں، پاکستان قطعی طور پر کوئی ایسا ارادہ نہیں رکھتا کہ اس کا ایٹمی پروگرام جارحیت کا شکار ہوجائے اس کا مقصد صرف پاکستان کی دفاعی قوت میں اضافہ کرنا ہے یعنی اگر پاکستان کے خلاف خدانخواستہ کوئی کارروائی ہوتی ہے تو ہم اس کا دفاع کرسکیں۔

شہباز شریف نے کہا کہ ہمارے دفتر خارجہ نے اس معاملے پر بھرپور جواب دیا ہے مگر ایک بات طے ہے کہ یہ پروگرام نہ میرا نہ کسی پارٹی کا یہ 24 کروڑ عوام کا پروگرام ہے جو انہیں بہت عزیز ہے اس پروگرام پر کوئی کمپرومائزڈ نہیں ہوگا اور اس معاملے پر پوری قوم متحد ہے۔

انہوں نے کہا کہ کل ہماری پی ٹی آئی کے ساتھ میٹنگ ہوئی، اسپیکر کے اقدام کے بعد میں نے مذاکراتی کمیٹی بنائی، دو جنوری کو کمیٹی کا اگلا اجلاس ہوگا، قومی مفاد کا تقاضا یہ ہے کہ ذاتی مفادات کو قومی مفادات کے تابع کیا جائے، ذاتی پسند کو قربان کیا جائے اس کو سامنے رکھ کر مذکرات ہوں گے تو یقیناً ملک میں سکون آئے گا قومی یکجہتی قائم ہوگی جس کی ضرورت ہے اور ترقی کا پہیہ تیزی سے گھومے گا۔

24/12/2024

مظفرآباد: وادی نیلم نگدر کناری کے مقام پر جیپ حادثے کا شکار ہو کر دریائے نیلم میں جا گری جس کے باعث 4 افراد جاں بحق جبکہ دلہا زخمی ہوگیا۔

ریسکیو 1122 کے مطابق جیپ دریائے نیلم کے یخ بستہ پانی میں ڈوب گئی جس سے امدادی کارکنوں کو مشکلات کا سامنا، حادثے میں جاں بحق ہونے والوں کی لاشوں کو نکال لیا گیا۔

ڈی ڈی ایم اے نیلم کے مطابق جاں بحق ہونے والوں میں صابر ولد محمد یوسف، افضال ولد نثار، شیراز ولد حیدر زمان، محمد اجمل ولد سلیمان ساکنان مانسہرہ شامل ہیں۔ لاشوں کو اٹھمقام اسپتال پہنچایا جا رہا ہے۔

حادثے میں زخمی دلہا نقاش ولد اورنگزیب کی حالت خطرے سے باہر ہے۔

واضح رہے کہ حادثے کا شکار ہونے والی جیپ مانسہرہ سے چانگاں کی طرف جانے والی بارات میں شامل تھی۔

23/12/2024

دبئی میں 4 پاکستانیوں کو دو دو سال قید اور مجموعی طور پر دس لاکھ درہم جرمانے کی سزا سنائی گئی ہے۔

عرب میڈیا کے مطابق دبئی میں الرفا پولیس اسٹیشن کے علاقے میں رواں برس 29 مارچ کو دو بھارتی شہریوں کو پولیس اہلکاروں نے اغوا کرکے لوٹ لیا تھا۔

تفتیش کے دوران انکشاف ہوا کہ بھارتیوں کو اغوا کرکے لوٹنے والے پولیس اہلکار نہیں تھے بلکہ بہروپیے تھے۔

دبئی پولیس نے سی سی ٹی وی فوٹیجز اور ملزمان کے خاکوں کی مدد سے چھاپا مار کارروائی میں 4 افراد کو حراست میں لیا جن کا تعلق پاکستان سے تھا۔

ملزمان نے اعتراف جرم میں بتایا کہ ان بھارتیوں کے پاس بھاری رقم ہونے سے متعلق انھیں ان کے گینگ میں شامل ڈرائیور نے بتایا تھا۔

ملزمان نے مزید بتایا کہ سیاہ کار میں ہم نے بھارتیوں کا پیچھا کیا اور المنخول کے قریب روکا جہاں دو مجرموں نے خود کو پولیس اہلکار ظاہر کرکے تلاشی لی۔

ملزمان کے بقول ہم ان دونوں بھارتیوں کو علیحدہ علیحدہ گاڑیوں میں لے گئے اور انھیں تشدد کا نشانہ بنانے کے بعد پیسے چھین کر چھوڑ دیا۔

پانچ ملزمان میں سے ایک ماسٹر مائنڈ تھا، ایک ڈرائیور تھا اور دو نے پولیس اہلکار کا بھیس بدلا جب کہ آخری ملزم نے کسی بھی کارروائی میں ملوث ہونے سے انکار کیا۔

عدالت نے شواہد اور اعتراف جرم پر چار ملزمان کو دو دو سال قید اور ڈھائی ڈھائی لاکھ درہم جرمانے کی سزا سنائی جب کہ پانچویں ملزم کو ناکافی ثبوت کے باعث بری کردیا۔

سزا مکمل ہونے کے بعد چاروں ملزمان کو ملک بدر کردیا جائے گا۔

Address

Islamabad

Telephone

+923111413903

Website

https://elitebazars.com/

Alerts

Be the first to know and let us send you an email when SH News posts news and promotions. Your email address will not be used for any other purpose, and you can unsubscribe at any time.

Videos

وزیر اعلیٰ کے پی علی امین خان گنڈاپور نے پیدل قافلے کی قیادت کرتے ہوئے اٹک پل کی رکاوٹوں کو ہٹاتے ہوئے پنجاب میں داخل، ویڈیو وائرل #BreakingNews #LatestNews #NewsUpdates #Pakistan #PTI #PTIJalsa #AliAminGandapur #ImranKhan #shneweurdu

خدا کی قسم اب لڑائی ہوگی، کسی کی دھمکیوں سے نہیں ڈریں گے بلاول آپ پر افسوس ہے، بتاؤ سب کو یہ ترامیم کہاں سے آئیں؟؟ اسد قیصر اسمبلی میں تپ گئے، دھواں دار تقریر #BreakingNews #LatestNews #NewsUpdates #Pakistan #NationalAssembly #Parliament #shneweurdu

نقاب پوش اداروں کے افراد نے پی ٹی آئی رہنماؤں کو گرفتار کیا، علی محمد خان کی اسمبلی میں دھواں دار تقریر حکومت کی بینڈ بجادی! #BreakingNews #NewsUpdates #LatestNews #Pakistan #Parliament #PTI #PTIJalsa #ImranKhan #AliMuhammadKhan #shneweurdu

بریکینگ نیوز: اسلام آباد پولیس نے چیئرمین پی ٹی آئی بیرسٹر گوہر علی خان کو بھی گرفتار کر لیا گیا۔ #BreakingNews #NewsUpdates #Pakistan #PTI #PTIJalsa #ImranKhan #BarristerGoharAliKhan #Parliament #Islamabad #Police #LatestNews #Pakistan #shneweurdu

بریکینگ نیوز: اسلام آباد پولیس نے شیر افضل مروت کو پارلیمنٹ ہاؤس سے گرفتار کرلیا #BreakingNews #NewsUpdates #Pakistan #SharAfzalMarwat #PTI #PTIJalsa #Parliament #Islamabad #Police #shneweurdu

کراچی: اس خطرناک ایکسیڈنٹ میں غلطی کس کی ہے؟ #BreakingNews #NewsUpdates #shneweurdu

اسلام آباد: کیا پی ٹی آئی کا پاور شو فلپ ہوگیا؟ جلسہ گاہ کتنے ہزار لوگ، ڈرون فوٹیج منظر عام پر آگئی، ویڈیو وائرل #BreakingNews #Pakistan #NewsUpdates #PTI #PTIJalsa #ImranKhan #shneweurdu

شیر افضل مروت کی مریم نواز کو للکار، اگلا جلسہ پنجاب میں ہوگا، 50ہزارپختونوں کے ساتھ !! #BreakingNews #Pakistan #PTI #PTIJalsa #SharAfzalMarwat #ImranKhanPTI #NewsUpdates #shneweurdu

اسلام آباد: ایران ایونیو پر پی ٹی آئی کارکنوں نے راستے کی رکاوٹ بنے کنٹینرز گرا دیئے، ویڈیو وائرل #BreakingNews #Pakistan #PTI #PTIJalsa #imrankhan #shneweurdu

Why ban imposed on police officers to take lifts?

لاہور: پولیس اہلکاروں پر لفٹ لینے پر پابندی کیوں لگائی گئی، ویڈیو منظر عام پر آگئی #BreakingNews #Pakistan #shnewsurdu

Kaghan: Zunir Kamboh's message to TV channels and bloggers regarding Mahandri Bridge went viral on social media.

کاغان: مہانڈری پل کے حوالے سے زونیر کمبوہ کا ٹی وی چینلزز اور بلاگرز کے نام پیغام سوشل میڈیا پر وائرل Credit: Zunair Kamboh

ایران کا اسرائیل پر حملہ، 300 سے زائد ڈرونز اور بیلسٹک میزائل فائر کردیے، ویڈیو وائرل #BreakingNews #Israel #Iran #Pakistan #Palestine #Gaza

SH News

29/12/2024

28/12/2024

27/12/2024

27/12/2024

27/12/2024

27/12/2024

26/12/2024

26/12/2024

25/12/2024

25/12/2024

24/12/2024

24/12/2024

24/12/2024

23/12/2024

Address

Telephone

Website

Alerts

Videos

Why ban imposed on police officers to take lifts?

Kaghan: Zunir Kamboh's message to TV channels and bloggers regarding Mahandri Bridge went viral on social media.

Shortcuts

Share

Category