Debal Publishers

Debal Publishers We strive to bridge between the past, present and the future for readers of Sindh.

ديبل پبلشرز پاران زيبل اسٽوڊنٽس ڪانئونسل جي ٽه-ٻوليائي ''دَ پرزم ميگزين" جي ٻِي ڪڙي جلد پڙهندڙن جي هٿن ۾ هوندي.رسالي جي ...
01/02/2025

ديبل پبلشرز پاران زيبل اسٽوڊنٽس ڪانئونسل جي ٽه-ٻوليائي ''دَ پرزم ميگزين" جي ٻِي ڪڙي جلد پڙهندڙن جي هٿن ۾ هوندي.

رسالي جي هن ڪڙيءَ ۾ شاگردن، وڪيلن، اديبن، سماجي ورڪرن، ليکڪن ۽ شاعرن جون سنڌي، اڙدو ۽ انگريزيءَ ۾ مختلف موضوعن جھڙوڪ: سياست، سماجيات، فلسفو، قانون، علم، ادب سميت ڪتابي تبصرا، فڪري ۽ تعميري تنقيد ۽ شاعري وغيره تي مشتمل فڪر انگيز تحريرون شامل آهن.
يونيورسٽين جي هِن گهُٽ ۽ ٻُوسٽ واري ماحول ۾ پِرزَم رسالي جي هيءَ ٻِي ڪڙي ادارن ۾ لک پڙهه سان گڏو گڏ غير نصابي ۽ هم نصابي سرگرمين کي پروموٽ ڪري علم، ادب ۽ تنقيد لاءِ شاگرد دوست ماحول جوڙڻ واري مقصد جو تسلسل آهي. پِرزَم يا هن جھڙن ٻين شاگردن طرفان نڪرندڙ رسالن مان نوجوانن جو علم ۽ شعور ڏانھن رجحان ڏسي ملڪ جي بھتر آئيندي جي اميد پڻ رکي سگهجي ٿي.
اميد آهي ته پڙهندڙن کي رسالو پسند ايندو ڇاڪاڻ ته هن ۾ شامل معياري لکڻيون پراثر هئڻ سان گڏ علم ۽ ڄاڻ جو سٺو ذخيرو پڻ آهن. ايئن هن ادبي ۽ علمي پورهئي مان ڪي سڌارا به سڀاويڪ آهن. اميد آھي ته هيءُ رسالو پڙهندڙ جي علم سميت ڄاڻايل اداري ۾ لک پڙهه جو ماحول جوڙڻ ۾ پڻ اڳ کان اڳڀرو هوندو. مھرباني
-مُصور علي شيخ (ايڊيٽر اِن چيف)

رسالو اڳواٽ گهرائڻ لاء اسان سان رابطو ڪريو:
ديبل هيلپ لائن: 03123464550
ايڊيٽر ان چيف (مصور علي شيخ): 03332536924
اصلي رقم: 400
رعايتي رقم: 349 (15% ڊسڪائونٽ)


.

17/01/2025

ڪو ته اھڙو ھُجي! (شاعريءَ جو ڪُليات)
شاعر: سائينداد ساند
سھيڙيندڙ: عنايت نھڙيو

خريد ڪرڻ لاءِ رابطو ڪريو:
Helpline: +92 312 3467550

.

_New Arrival_دل درد تي پئي سوچي! | ارشد باغيOrder Now0312-3467550
06/01/2025

_New Arrival_
دل درد تي پئي سوچي! | ارشد باغي
Order Now
0312-3467550

New Arrivalاگهيو ڪائو ڪَچ | راھب ٻپڙOrder Now0312-3467550
01/01/2025

New Arrival
اگهيو ڪائو ڪَچ | راھب ٻپڙ
Order Now
0312-3467550

ديبل پبلشرز پاران نئون ايندڙ ڪتاب ”اگهيو ڪائو ڪَچ.“ سنڌ ڌرتيءَ جي سوني مٽيءَ مان مھڪندڙ گلابن جھڙا ڪردار جنم وٺندا رھيا ...
29/12/2024

ديبل پبلشرز پاران نئون ايندڙ ڪتاب ”اگهيو ڪائو ڪَچ.“

سنڌ ڌرتيءَ جي سوني مٽيءَ مان مھڪندڙ گلابن جھڙا ڪردار جنم وٺندا رھيا آھن، جن پنھنجي ڌرتيءَ جي وسيلن ۽ مظلوم طبقن جي ترجماني ۽ وارثي واريءَ سوچ ۽ نظرئي تحت پنھنجي قلم کي علم بڻائي ھٿ ۾ کنيو آھي،اھڙا املھه ماڻڪ ماڻھو پنھنجو تعارف پاڻ ھجن ٿا. جيڪي ذات رنگ نسل قوم ۽ مذهب جي فرق کان مٿانھان ٿي پنھنجيءَ ڌرتي ۽ پوريءَ انسانذات جو درد رکي قلمي مزاحمت ڪندي محنت جوش جذبي ۽ دليل سان سنڌ توڙي دنيا جي مظلوم قومن جي حقن جي ڳالھه ڪن ٿا. اهڙن قلمڪارن ۾ ھڪ يگاني ڏاھي تخليقڪار، جاکوڙي انسان سنڌو ماٿريءَ جي سگهاري آواز راھب ٻپڙ جو نالو به روشن چنڊ جيان نمايان رھيوآھي، جنھن جي زندگي مفلسي، صحافت، ادب ۽ سياست جي سٽ کي سلجهائيندي گذري، راھب ٻپڙ ھڪ بيباڪ انسان ھو، جنھن انسانيت سان پيار ۽ پنھنجائپ کي سدائين ھڪ فرد جي حيثيت ۾ بي لوث ڀيٽا پيش ڪئي، ھن پنھنجي مٽيءَ جي ماڻھن سان وفا جي موٽ عيوض ڪڏھن ڪا به گهُر نه ڪئي سندس اڻ مندائتي وڇوڙي سياسي، سماجي، ادبي، علمي ۽ صحافتي حلقي اندر وڏو خال پيدا ڪيو، پنھنجي ڌرتيءَ لاءِ خواب ڏسندڙ آدرشي انسان راھب ٻپڙ سنڌ درياءَ جي ساڄي ڪپ کان 12 ڪلوميٽرس جي مفاصلي تي ورھاڱي کان اٽڪل اڌ صديءَ اڳ ھندو برادريءَ پاران قائم ڪيل تاريخي ڳوٺ مھرو ماڙيءَ ۾ 5 سيپٽمبر 1978ع تي ھڪ پورھيت ڀاڳيو ٻپڙ جي گهر ۾ جنم ورتو، ھن پرائمري تعليم پنھنجي ڳوٺ ۽ سيڪنڊري تعليم غوثپور جي گورنمينٽ ھاءِ اسڪول جڏھن ته بيچلر ۽ سوشالاجيءَ ۾ ماسٽرس شاھه عبداللطيف يونيورسٽي خيرپور مان ڪئي، راھب ننڍي ھوندي کان ئي لکڻ تقريرون ڪرڻ ۽ شاعريءَ جي انداز سبب پڙھائيءَ واري ڏينھن ۾ مشھوري ماڻي، پڙھائيءَ دؤران ھو مختلف اخبارن ۽ ميگزينز ۾ آرٽيڪل لکندو رھيو، ھن 1997 ۾ صحافت ۽ ڪالم لکڻ جي شروعات ڪرمپور مان عوامي آواز جي رپورٽر طور ڪئي 2008 ۾ ھو خانپور تعلقي تي سنڌ ٽي وي نيوز جو حصو بڻيو. جنھن ۾ ھن ڪيتريون ئي ڇرڪائيندڙ اسٽوريون ڪيون، قبائلي جهيڙن، ڪاروڪاريءَ جي خاتمي ۽ عورتن جي حقن لاءِ راھب ٻپڙ جو ڪرادر ٻين کان گهڻو مختلف رھيو، راھب ٻپڙ جڏھن پنھنجو ڳوٺ ڇڏي سنڌ ٽي وي جي ھيڊ آفيس ۾ ڪم ڪرڻ شروع ڪيو ته ھو ذھانت تحقيق ۽ ڳالھائڻ جي انداز سبب ھند سنڌ ۾ مشھور ٿيڻ شروع ٿيو، خاص طور 2010 جي مھا ٻوڏ ۾ بي ڌڙڪ رپوٽنگ ذريعي عوامي آگاھيءَ جو مثال قائم ڪرڻ سان گڏ ٽوڙي بند جي ٽٽڻ جي تحقيقاتي رپورٽ پڻ پيش ڪئي، جيڪا سپريم ڪورٽ تائين پھتي کيس مھا ٻوڏ جي بھترين رپورٽر جو ايوارڊ پڻ ڏنو ويو نه فقط ايترو پر راھب ڪلاڪن جا ڪلاڪ اليڪشن ٽرانسميشن، ڪرڪيٽ ورلڊ ڪپ ٽرانسميشن جا پروگرام ڪري سنڌي ميڊيا جي ڪافي اينڪرز کي پٺتي ڌڪي ڇڏيو.
راھب سنڌ جو اھڙو ڳوٺاڻو نوجوان ھو جيڪو پاڻ ھڪ سٺو رانديگر ھجڻ سان گڏ سنڌ جي رانديگرن جو اھڙو سگهارو آواز بڻيو جو تاريخ ۾ پھريون ڀيرو سنڌ جا رانديگر قومي ٽيم ۾ شامل ٿيڻ شروع ٿيا، ھن جي سنڌ دوستي ۽ مسلسل محنت جاري رھي سنڌ ۾ پھريون سڀ کان وڏو ملاکڙو شير سنڌ راھب ٻپڙ نه فقط منعقد ڪرائڻ ۾ ڪردار ادا ڪيو پر ھو ملھه پهلوانن سان ھر ميدان تي ھمت افزائيءَ لاءِ بيٺل رھيو، ھونئن ته ھن ڪافي پروگرام ڪيا پر ڊور ٽه ڊور، پيراڍو، رپورٽس ٽائيم، اسپورٽس باڪس تمام گهڻو مشھور ٿيا، راھب ٻپڙ قبيلائي تڪرارن، ڌارين جي آبادڪاري، لاقانونيت، سنڌ جي پاڻيءَ تي ڌاڙي، تعليمي زوال، معاشي ڏيوالپڻي، وسيلن جي ڦرلٽ ۽ روزگار جي اڻاٺ جھڙن اهم مسئلن کي بهادريءَ سان اجاگر ڪرڻ لاءِ پھرين مورچي وارو ڪردار ادا ڪيو، ھن ڪراچيءَ جا سنڌي اسڪول، گورا قبرستان، دنيا جون قديم بندرگاھون، اوطاق، رائو بھادر اڌو داس تاراچند، ماسٽر چندر، شير مير بحر سميت مختلف تاريخي تحقيقي ڊاڪيومينٽريز ڏنيون، نه فقط ايترو راھب ٻپڙ سنڌ جو پاڻي ڪيس، دنيا جون ريلوي اسٽيشن،12 مئي واقعو،سنڌ جا ڏنگي ۽ ڀنڊارٻيٽ، انڊس ڊيلٽا، ٽوڙي بند ڪيئن ٽُٽي پيو سميت لاتعداد تحقيقي اسٽوريز ڏيئي سنڌي ميڊيا ۾ منفرد ۽ ڪامياب رائيٽر طور پاڻ مڃرايو، سندس تحريرن ۾ ڌرتي ڌڻين جو درد ۽ اقتداري ڌرين جون ڪيل زيادتيون، ناانصافيون، حقن جي پائمالي، ظلم ۽ جبر خلاف مزاحمت نظر اچي ٿي، راھب ٻپڙ ھڪ سنجيده صحافيءَ جي حيثيت ۾ پرنٽ کان سوشل ميڊيا جي ھر فورم تائين ھڪ ماھر ليکاريءَ جھڙي اھميت رکندڙ شخصيت ھو، ھن صحافت کي نئون رخ ۽ نئون لھجو ڏنو، ھن عوامي مسئلن ۽ عوام سان ڪيل ويساهه گهاتين خلاف سگهارو آواز بلند ڪندي ھروقت سنڌ ڪيس کي ترجيحي بنيادن تحت تاريخ جو حصو بڻايو، راھب پنھنجي دور جي آمرن سان قلم جي نوڪ سان مھاڏو اٽڪايو، سندس صحافتي ورثي ۾ ڇڏيل پيغام اظھارجي ھڙني پھلوئن ۾ نمايان رھيو، ھن قلم توڙي آواز جي انداز وسيلي جاکوڙ ۽ جاڳرتا جو مشعل کي ڪڏھن به وسامڻ نه ڏنو، عوامي پنڌ جي پاسبانيءَ دوران ھن جي کنيل ھر وک تي رڪاوٽن جا پھاڙ کڙا ڪيا ويا پر ان پنڌ ۾ ھو ڪٿي به ورچي نه ويٺو، ھو لطيف جو اھو کاھوڙِي ڪردار به ھو جيڪو ڪڏھن به خاموش ٿي نه ويٺو، راھب کي حالتن جي ادراڪ تي ڪمال جي گرفت حاصل ھئي، سنڌ ٽي وي نيٽ ورڪ تان سنڌ جو قومي سوال؟ وچ اوڀر ۾ سامراجي ڳجهي جنگين کي بي نقاب ڪرڻ، سنڌ کي ٻيو اسرائيل ٺاھڻ جي سازش، ٻٽو مڪاني نظام، ڌاري آبادڪاري، تعليمي ادارن ۾ سنڌ جي شاگردن رستا روڪ، 4 مارچ ۽ شاگرد سياست، ماسٽرچندر، لتا منگيشڪر، ليجنڊ دليپ ڪمار، مھاٻوڏ ۽ ٽوڙي بند ڪيئن ٽٽو؟ راءِ بهار اوڌو داس تارا چند اسپتال شڪارپور، پيراڍو، شيرسنڌ ملاکڙا، اسپورٽس باڪس جي توسط سان ڪرڪيٽ جي ميدان ۾ سنڌ کي نمائندگي ڏيارڻ واسطي، ويون رچرڊزکان ويندي پي سي بي چيئرمين تائين نوجوانن جي ٽئلنٽ کي اُجاگر ڪرڻ، رپورٽس ٽائيم ۾ فضيلاسرڪي، فيروزا لاشاري، نائلارند، ڀورو ڀيل ڪيس، جرڳائي سسٽم، قبائلي دھشتگرديءَ سميت قدرت ۽ معدني وسيلن سان ھٿ چراند تائين سنڌ سان وابسته ھرظلم، ڏاڍ ۽ جبر خلاف ھر وقت پنھنجي عوام کي چوڪس، سڄاڳ، باشعور، متحد ۽ منظم رکڻ جي آگاھي راھب جي صحافت جي اولين ترجيحن ۾ شامل رھي، ھو پنھنجي سموري عملي جوھر ۾ سائنسي روايتون وجهندڙ شخص ھو، ھو ايمانوئيل ڪانٽ جي اصولن تي عمل ڪندي ”سچ ڄاڻڻ، سچ ٻڌڻ ۽ سچ ٻڌائڻ “ تي عمل پزيرھو، سنڌ جي ستل ھوائن کي جاڳائڻ ۽ سنڌيت کي زندهه رکڻ لاءِ سدائين راھب ٻپڙ جي فڪرانگيز سنديش ”ساٿ سلامت_سنڌ سلامت“ سميت اظھار جي ھڙني پھلوئن ۾ نمايان حيثيت رکندڙ ڌرتي ۽ ديس جي سگهاري آواز راھب ٻپڙ جي انيڪ موضوعن تي چارا جوئي بيحد مشڪل رھندي، ساڻس ٻن ڏھاڪن تي مشتمل وابستگي جون بي پناھه محبتون، ھجتون ۽ يادون سلھاڙيل آھن، راھب ڪچھرين جو مور ماڻھو ھو جڏھن به ڳوٺ ايندو ته ننڍڙن ٻارڙن کان ويندي وڏن پڪن پوڙھن سان ويھي ڪلاڪن جا ڪلاڪ پيو ڪچھريون ڪندو ھو، ھو لوڪ ادب سان پيار ڪندڙ نوجوان ھو، جنھن سنڌ جي ڳوٺ ڳوٺ کي پنھنجي لکڻين ۽ اسٽوريز ذريعي محفوظ بڻايو سندس ڊاڪيومينٽري (اوطاق) سنڌ جي مھمانوازي اخلاقي قدرن ۽ صديون پراڻي تھذيب جو عڪس آھي، 2 جنوري 2022 جي جيءُ جهوريندڙ اڀاڳيءَ شام جو سنڌ جي داناءُ پٽ ارڏي نوجوان راھب ٻپڙ ڪرڪيٽ مئچ دوران دل جي بي وفائيءَ سبب جوانيءَ ۾ جدا ٿي، وڇوڙي جو گهاءُ ڏيئي سدائين لاءِ موڪلايو، سنڌ جي صحافتيءَ تاريخ ۾ راھب ٻپڙ ھڪ ڏاھي ليکڪ، بھادر اينڪرپرسن، برجستي صحافي ۽ سڄاڻ نوجوان طور سدائين جيئرو رھندو.
چيتاريان چُڻڪن، وِساريان نه وِسري،
ويرو تار ڏکن، سڄڻ ڀڳي هڏ جئن
(شاھه)
سارنگ ٻپڙ

اڳواٽ بُڪنگ جي لاءِ رابطو ڪريو.
Contact us for advance booking!
Helpline: +92 312 3467550

ديبل پبلشرز پاران ارشد باغيءَ جو ترت ايندڙ ڪتاب ”دِل درد تي پئي سوچي!“هي ديس ڪيتري ئي وقت کان واڳوئن جي وات ۾ پيو آھي، غ...
21/12/2024

ديبل پبلشرز پاران ارشد باغيءَ جو ترت ايندڙ ڪتاب ”دِل درد تي پئي سوچي!“

هي ديس ڪيتري ئي وقت کان واڳوئن جي وات ۾ پيو آھي، غلامي ڪينسر آھي، غلاميءَ جھڙي بدبودار شيءِ هن دنيا ۾ ٻي ڪا به ناهي! رياست جون سڀ حرفتون هر روز ديس واسين کي زمين ۾ جيئري ئي دفن ڪنديون ٿيون وڃن! هتي پيٽ نڪ کان وڏا آھن!
انھن سڀني بيمارين هوندي به اسان کي غلاميءَ سان نفرت آھي.
پڙھڻ مزاحمت آھي، لکڻ مزاحمت آھي ۽ مزاحمت زندگيءَ جي علامت آھي! ۽ ”ھڪ باغيءَ جو انڪار پوريءَ دنيا کي خوبصورت بڻائي سگهي ٿو!“
باغي ڪو به خوشي وچان نه ٿيندو آھي، هر باغيءَ پُٺيان هڪ تاريخ هوندي آھي ۽ ارشد باغيءَ جي ڪجهه تاريخ سندس هن خطن جي مجموعي ۾ سھيڙيل آھي. سنڌيءَ ۾ خطن جي تاريخ تي ڳالھائبو ته هڪ طويل بحث ٿي ويندو! ارشد جي هنن خطن ۾ اکين جا ڳوڙھا آھن، اندر جا اڌما آھن، زبان کان قضا ٿي ويل لفظ چٽيل آھن.

عرفان لُنڊ

اڳواٽ بُڪنگ جي لاءِ رابطو ڪريو.
Contact us for advance booking!
Helpline: +92 312 3467550

ڏھئين اياز ميلي ۾ ديبل پبلشرز جو اسٽال.
20/12/2024

ڏھئين اياز ميلي ۾ ديبل پبلشرز جو اسٽال.

New ArrivalOrder Now0312-3467550
17/12/2024

New Arrival

Order Now
0312-3467550

ديبل پبلشرز پاران درياء خان لغاريءَ جو ترت ايندڙ ناول ”هُوءَ“.درياء خان لغاري سنڌي ادب جي ان خوشنصيب ناول نويسن مان هڪ آ...
17/12/2024

ديبل پبلشرز پاران درياء خان لغاريءَ جو ترت ايندڙ ناول ”هُوءَ“.

درياء خان لغاري سنڌي ادب جي ان خوشنصيب ناول نويسن مان هڪ آهي، جن جا ناول ٿوري ئي وقت ۾ مشھوري ماڻي وٺندا آهن ۽ انھن جا پھريان ڇاپا کپي ويندا آهن. هن جو ناول ”ھُوءَ“ پڻ اهڙن ناولن ۾ شامل آهي، جيڪو گهڻو پسند ڪيو ويو ۽ ڏسندي ئي ڏسندي تڪڙو وڪرو به ٿي ويو. هن وقت سندس ان ناول جو نئون ڇاپو ڇپجي رهيو آهي، جيڪا سنڌي ادب لاءِ هڪ خوش آئنده ڳالھه آهي.
- منير چانڊيو

اڳواٽ بُڪنگ جي لاءِ رابطو ڪريو.
Contact us for advance booking!
Helpline: +92 312 3467550

New ArrivalOrder Now:0312-3467550
16/12/2024

New Arrival

Order Now:
0312-3467550

سنڌ جي پڙھيل لکيل عورت سدائين سوچ جي تبديليءَ جو محرڪ بڻي آھي. سنڌي ادب ۾ عورتن جا سگهارا آواز ملن ٿا، جن جي تحريرن سماج...
14/12/2024

سنڌ جي پڙھيل لکيل عورت سدائين سوچ جي تبديليءَ جو محرڪ بڻي آھي. سنڌي ادب ۾ عورتن جا سگهارا آواز ملن ٿا، جن جي تحريرن سماجي زندگيءَ کي تبديل ڪيو آھي. عورت، عورت لاءِ گهڻو ڪجهه ڪري سگهي ٿي! حَسِين مُسرت عورتن جي حقن جي بحاليءَ لاءِ ھر سطح تي آواز بلند ڪيو آھي. ان سان گڏ، ھُوءَ علمي ۽ ادبيءَ طور مستقل پاڻ کي فعال رکندي پئي اچي. حَسين مُسرت سنڌي ۽ اردو اخبارن ۾ مستقل، صنفي اڻ برابري، عورتن خلاف ڏوھن ۽ ناانصافين خلاف، جرئت ۽ بھادريءَ سان پنھنجو احتجاج قلمبند ڪرايو آھي. ھڪ ڀيري ڳالھين دوران، يوسف شاھين صاحب چيو ته ھن، بينظير صاحبه کي صلاح ڏني ھئي ته اسيمبليءَ ۾ اڌ سيٽون عورتن کي ڏنيون وڃن، جيئن ھڪ بھتر سماج جوڙي سگهجي. اھا حقيقت آھي ته صنفي برابريءَ سان ھر شعبي ۾ مثبت تبديليون اچي سگهن ٿيون.
حسين جو ھيءُ ڪتاب ”ھيءَ سئن نه ڏيندي چين“ ۾ ھن خود مختيار رياست واري خواب سان گڏ، ٽارچر سيلن، عورت جي سماجي ۽ معاشي حيثيت، مائي جوري، لياري، عورتن بابت سماجي روين، عورتن تي ٿيندڙ تشدد، ٻوڏ ۾ سنڌي ماڻھن جي پيڙا، ڪئمپن ۾ ٿيندڙ غفلت، ڪراچيءَ تي دھشت جو راڄ، عورت جي خودمختياري، ٻارڙن لاءِ سماجي رِسڪ ۽ ٻين موضوعن تي، جامع انداز ۾ لکيو آھي. سنڌ ڪافي وقت کان، حڪمرانن جي ذاتي مفاد ۽ ذاتي غفلت جي ڪري، ھر طرح جي مسئلن جو شڪار رھي آھي. زمينداري ۽ جاگيرداري نظام، سياسي پارٽين جي انتشار، قانون جي ٻيائي ۽ بااثرطبقن جي اجاره داريءَ جي ڪري، ھيءُ خطو انساني حقن جي نه ختم ٿيندڙ لتاڙ جو مرڪز رھندو پيو اچي. اھڙيءَ صورتحال ۾ ھڪ بي باڪ اديب، دانشور ۽ صحافي پنھنجي قلم وسيلي، انھن مسئلن جي نشاندهي ڪرڻ سان گڏ، مسئلن جو حل پڻ ڏيئي سگهي ٿو. حَسين مُسرت جو ھيءُ ڪتاب حڪمرانن توڙي سماج جي ٻيائيءَ کي وائکو ڪري ٿو. ليکڪا کي موضوعاتيءَ طور ڪارائتي ڪتاب لکڻ لاءِ کيس مبارڪباد ڏيان ٿي.
شبنم گل.

اڳواٽ بُڪنگ جي لاءِ رابطو ڪريو.
Contact us for advance booking!
Helpline: +92 312 3467550

سنڌي غزل جي غالب طور سڃاڻپ رکندڙ شاعر جي شاعريءَ جو ڪليات آڻيندي اسين انتھائي خوشي محسوس ڪري رهيا آهيون. سائينداد ساند ج...
12/12/2024

سنڌي غزل جي غالب طور سڃاڻپ رکندڙ شاعر جي شاعريءَ جو ڪليات آڻيندي اسين انتھائي خوشي محسوس ڪري رهيا آهيون. سائينداد ساند جي شاعريءَ جو پھريون مجموعو ’ڳوڙهن ڳالهايو‘ اڄ کان ٿوري گهڻي فرق جي حساب سان لڳ ڀڳ پنجويھه سال اڳ ڇپيو. تنھن کان پوءِ سندس شاعريءَ جا مجموعا ڇپجندا رهيا، جيڪي ’سنڌ ڪُرو کيتر جيان’ 2008ع ۽ ’دل جي تاريخ‘ 2009ع آهن. پر دلچسپ ڳالهه اها آهي ته سندس شاعريءَ جا ٽئِي مجموعا مارڪيٽ ۾ ختم ٿي ويل آهن. ادارو اها ڳالهه ٻڌائيندي فخر محسوس ٿو ڪري ته هڪ مقبول شاعر جي شاعريءَ کي پڙهندڙن لاءِ دستياب ڪري رهيو آهي. جيڪا هن کان اڳ کين مُھيا نه هئي.
سائينداد ساند جي شاعري نه رُڳو هند سنڌ ۾ مشھور آهي پر سندس ڪلام کي مختلف فنڪارن ڳائي جهر جهنگ ۾ پکيڙيو آهي. سندس شاعري بنھه سادي ۽ عام فھم واري آهي جيڪا پڙهندڙن جي هڪ وڏي حلقي پنھنجيءَ پسند طور تسليم ڪئي آهي.
ادارو ان سان گڏ سائينداد ساند جي رهيل تخليقي ڪم کي پڌرو ڪرڻ لاءِ به ٻين محققن کي تحقيقي ڪم ڪرڻ لاءِ همٿائيندو رهندو. هيءُ ڪُليات هن سلسلي جي پھرين ڪڙي آهي، ان کان پوءِ اداري جي خواهش آهي ته سائينداد ساند جي شاعرِي ۽ شخصيت تي عنايت نھڙيي پاران جيڪو مقالو لکيو ويو آهي تنھن کي منظر عام تي آندو وڃي.

اڳواٽ بُڪنگ جي لاءِ رابطو ڪريو.
Contact us for advance booking!
Helpline: +92 312 3467550

10/12/2024

حفيظ شيخ:
حفيظ شيخ، "امان مان اسڪول نہ ويندس" جھڙي شاهڪار ڪھاڻي لکندڙ، سنڌ جو ناليوارو ڪھاڻيڪار ۽ صحافي جنھن جو جنم 10 ڊسمبر 1931ع تي گمبٽ شھر ۾ ٿيو.
ھن جي ڪھاڻين جي مجموعي "ساگر جي لھرن تي" جو پھريون ڇاپو فيبروري 1976 ۾ شايع ٿيو. ھن بابت نصير مرزا پاران سھيڙيل ڪتاب "اڇو پکي واء ۾" (ڪھاڻيون ناوليٽ ۽ مطالعو) 1997ع ۾ شايع ٿيو. ناز سنائي پاران حفيظ شيخ جي دردن ڀري ڪھاڻي "حفيظ شيخ" نالي ڪتاب ۾ 1987ع ۾ لکي شايع ڪرائي.
حفيظ شيخ، سنڌي ڪهاڻيءَ جي ٽرينڊ سيٽرن مان هو. غلام رباني آگرو، جمال ابڙو ۽ حفيظ شيخ، سنڌي افساني جي اها ٽمورتي هئا، جن سنڌي ڪهاڻيءَ کي نوان موڙ ڏنا. حفيظ شيخ، شيخ اياز، تنوير عباسي ۽ رشيد ڀٽيءَ جو همعصر هو. هن اياز ۽ تنوير جي سنگ ۾ ’شاگرد‘ رسالي جا ٻه پرچا مرتب ڪيا، جن مان هڪ ’روشن آرا مغل نمبر‘ هو. هو ’نواءِ سنڌ‘ اخبار ۾ 1956ع کان 1957ع تائين نيوز ايڊيٽر به رهيو. 1951ع ۾ ورهاڱي کان پوءِ جڏهن سنڌي ادبي سنگت کي ٻيو ڀيرو منظم ڪيو ويو ۽ ان جون گڏجاڻيون ميٺارام هاسٽل ڪراچيءَ جي ڪمري نمبر 30 ۾ ٿينديون هيون تڏهن حفيظ شيخ ان دور جي بنيادي ميمبرن مان هو.
حفيظ جي وفات 9 نومبر 1971ع ۾ خيرپور ميرس ۾ ٿي ۽ ھن کي اميدن ڀريي قبرستان حيدرآباد ۾ دفنايو ويو.

ديبل پبلشرز پاران نئون ايندڙ ڪتاب… درياءَ خان لغاريءَ جو نئون ناول ”۽...“ جلد توھان جي هٿن ۾ ھُوندو.درياءَ خان لغاري سنڌ...
07/12/2024

ديبل پبلشرز پاران نئون ايندڙ ڪتاب… درياءَ خان لغاريءَ جو نئون ناول ”۽...“ جلد توھان جي هٿن ۾ ھُوندو.

درياءَ خان لغاري سنڌي ادب جو اُڀرندڙ نوجوان ناول نگار آھي، جيڪو سنڌ يونيورسٽيءَ جي پسمنظر ۾ ٽرائلاجي لکي رھيو آھي. ھيءُ سندس ٽرائلاجيءَ جو ٻيو ڪتاب آھي. ھن کان اڳ سندس پھريون ناول ”هُوءَ...“ ڇپجي چُڪو آھي، جنھن سنڌ ادب ۾ ڏاڍي پذيرائي ماڻي آھي!

اڳواٽ بُڪنگ جي لاءِ رابطو ڪريو.
Contact us for advance booking!
Helpline: +92 312 3467550

ديبل پبلشرز پاران تُرت ايندڙ ڪتاب سنڌ جي نالي واري ڪھاڻيڪاره عين سحر جي ڪھاڻين جو مجموعو ”ماءُ.“هُوءَ ڪھاڻيڪارا ئي آهي، ...
03/12/2024

ديبل پبلشرز پاران تُرت ايندڙ ڪتاب سنڌ جي نالي واري ڪھاڻيڪاره عين سحر جي ڪھاڻين جو مجموعو ”ماءُ.“

هُوءَ ڪھاڻيڪارا ئي آهي، هُن کي اڃا کوڙ ڪھاڻيون لِکڻيون آهن. ڪو وقت اهڙو به گذريو جڏهن هُن پنھنجون سموريون ڪھاڻيون گُڏين جيان ويڙهي لِڪائي رکي ڇڏيون. هڪ وقت وري اِهو به ٿيو، جڏهن هوءَ ڪنڊن تان هلندي شاهراهه تي پُھتي پر سج ئي لھي ويو، روشنيون مَڌم ٿي ويون، هُن هانءُ نه هاريو، پنھنجي دِل کي روشن ڪري ورتو، هر پاسي سُجهندو ٿي ويو.
هُن طويل عرصي کانپوءِ قلم کنيو ۽ لِکڻ شروع ڪيو. ڪھاڻيءَ جو نور روشن ٿي پيو. هُن ويڙهي لِڪائي رکيل ڪھاڻين جون سموريون گڏيون کنيون کين نئين سِر سنواريو سينگاريو. هُن صرف هڪ ڪھاڻيءَ ’ثابتيءَ‘ ۾ اِهو ثابت ڪري ڏيکاريو آهي ته هوءَ ٽرينڊ سيٽر آهي. هُن ڪھاڻيءَ جو هڪ اهڙو پاسو به اسان کي ڏيکاريو جيڪو اسان کان لِڪل هئو، اسان کان اوجهل هئو. عين سحر ’ثابتيءَ‘ ڪھاڻيءَ جي اينٽي ڪلائيمڪس ۾ جيڪو پريڪشا جو، آزمائش جو، ثابتيءَ جو نئون مثال پيش ڪيو آهي اُن جو مثال ڪونھي. سو بس هاڻي ڀل اُن حوالي سان سوين هزارين ڪھاڻيون لکجن پر ’ثابتي‘ ائين جيئن نسيم کرل جي ’پھرين مُراد‘ جمال ابڙي جي ’شاهه جو ڦر‘ ۽ ’پيراڻي‘ سنڌي ڪھاڻيءَ کي نئون ٽرينڊ ڏنو.
هوءَ هڪ ڏينھن سنڌي ڪھاڻيءَ جو آئڪن ضرور بڻجندي. ’ماءُ‘ ڪھاڻي سنڌي ادب جي شاهڪار ڪھاڻي آهي. سندس ڪھاڻين جو مجموعو ’ماءُ‘ ڇپجي چُڪو آهي، سو ڪھاڻي کيتر ۾ پنھنجي هستيءَ سان هميشه حُسناڪ رهندو.

ضراب حيدر

ايڊوانس بُڪنگ جي لاءِ رابطو ڪريو.
Contact us for advance booking!
Helpline: +92 312 3467550

ديبل پبلشرز پاران تُرت ايندڙ ڪتاب نامياري موٽيويشنل اِسپِيڪر قاسم علي شاھه جي ڪتاب جو صلاح الدين ابڙي پاران ڪيل سنڌي ترج...
26/11/2024

ديبل پبلشرز پاران تُرت ايندڙ ڪتاب نامياري موٽيويشنل اِسپِيڪر قاسم علي شاھه جي ڪتاب جو صلاح الدين ابڙي پاران ڪيل سنڌي ترجمو.

قاسم علي شاهه ھِن دؤر جو ھڪ عظيم استاد ۽ مقبول ٽرينر آھي. ھُو نالي وارو پبلڪ اسپيڪر، ڪائونسلر، لائف ڪوچ ۽ ليکڪ ھجڻ سان گڏ بيشمار ادارن جي ايڊوائيزري بورڊ جو حصو پڻ آھي. سندس فلسفو آهي ته تعليم جو اصل مقصد تربيت آھي. سيلف ھيلپ تي سندس بيشمار ليڪچر موجود آهن، قاسم علي شاهه ھڪ دانشور جي حيثيت سان ميڊيا جي دنيا ۾ پنھنجي مھارت ۽ تجربي جي بنياد تي تمام گهڻي مقبوليت حاصل ڪري چُڪو آھي. ھُو پاڪستان جي نھايت اثرائتن ليکڪن ۾ شمار ٿئي ٿو. سندس آرٽيڪلس ملڪ جي مختلف اخبارن ۾ ڇپجندا آھن ان کان سواءِ سندس ڪيترائي ئي ڪتاب ڇپجي چڪا آھن. کيس 2018 ۾ ھڪ سروي مطابق پاڪستان جو پھريون نمبر پبلڪ اسپيڪر نامزد ڪيو ويو. ھُو سوشل ميڊيا تي پاڪستان ۾ سڀ کان وڌيڪ سرچ ٿيندڙ موٽيويشنل اسپيڪر آھي. سندس ھيءُ ڪتاب زندگيءَ کي بدلائڻ لاءِ بي حد مُفيد آھي.

ايڊوانس بُڪنگ جي لاءِ رابطو ڪريو.
Contact us for advance booking!
Helpline: +92 312 3467550

ديبل پبلشرز جي خلاف ھلندڙ پروپئگنڊا. گُذريل ڪجهه ڏينھن کان ڪي ماڻھو ديبل پبلشرز جي ساک کي متاثر ڪرڻ لاءِ پروپئگنڊا ڪري ر...
14/06/2024

ديبل پبلشرز جي خلاف ھلندڙ پروپئگنڊا.

گُذريل ڪجهه ڏينھن کان ڪي ماڻھو ديبل پبلشرز جي ساک کي متاثر ڪرڻ لاءِ پروپئگنڊا ڪري رھيا آھن. مختلف ماڻھو (قُربان جتوئي، عاقل ڪلھوڙو، حُبدار سولنگي، اقرار پيرزادو، ننگر چنو ۽ ٻيا) بنا ثبوتن جي اسان جي خلاف سوشل ميڊيا تي پوسٽون ۽ ڪمينٽس رکي اداري کي بدنام ڪري رھيا آھن. اِنھيءَ معاملي جي باري ۾ وضاحت ڏيڻ چاھيون ٿا.
ڪجهه ڏينھن پھريان قربان جتوئيءَ جو ڪتاب اداري کي سائين نويد سنديلي جي معرفت ڇپائيءَ لاءِ مليو:
• پھريان ته لکت ۾ 14 مارچ 2024ع تي ھن ڪتاب بابت نويد سنديلي جي معرفت ڪچي لک پڙھه ٿي ھئي. جنھن ۾ اداري جي ترجمان چيو ته: ”اسين بنا رِيُو ڪرڻ جي ڪتاب ناھيون ڇپيندا.“ ان تي ليکڪ چيو: ”پئسا مڪمل ڏيان ٿو ڇپي ڏيو.“ اداري جي ترجمان اھو به واضح ڪيو ته اسان جو ادارو ڊمي ادارو ناھي. وري ليکڪ پنھنجيءَ پھرين ڳالھه تان ڦري ويو ۽ چيائين ته، ”ادارو ڪتاب ڇپي، آئون 150 ڪاپيون، 50 سيڪڙو رعايت تي خريد ڪندس.“
انھيءَ ڳالھه تي اداري جي ترجمان رضامندي ڪونه ڏيکاري پر نويد سنديلي صاحب جي اسرار تي اداري اھو ڪتاب ڇپڻ لاءِ رضامندي ڏيکاري ۽ ھُتي ئي ڪچي لکپڙھه ڪرڻ لاءِ اداري جي ترجمان کي زور ڀريو ويو.
نويد سنديلي صاحب جي رُوبرو قُربان جتوئيءَ سان ٿيل ڪچي لکپڙھه ھيٺ ڏجي ٿي.

آئون قربان جتوئي پنھنجو ڪتاب ”ڳاڙھي ڌوڙ“ ديبل پبلشرز حوالي ڪريان ٿو.
- 150 ڪاپيون 50% تي خريد ڪندس.
- ڪتاب جي قيمت 500/= رکي ويندي.
- ٽوٽل پئسا 37500/= ٿين ٿا، جنھن مان اڄ 14-3-2024 تي ديبل پبلشرز جي ترجمان عدنان سومرو کي 10,000/= ڏنا آھن. اکرن ۾ ڏهه هزار.

تنھن کان پوءِ ليکڪ چيو: ”ٽائيٽل ۽ لي آئوٽ جيڪا منھنجي ڏنل آھي اھا ايندي.“
فائيل ڏسي اداري جي ترجمان چيو: ”لي آئوٽ جي سيٽنگ ٿيندي ۽ فونٽ سائيز گهٽ به آھي.“ جنھن تي ليکڪ چيو: ”فونٽ سائيز 12 آھي، جيڪا منھنجي پھرئين ڪتاب ۾ پڻ ساڳي آھي، ان ڪري فونٽ سائيز تبديل نه ڪئي وڃي!“
انھيءَ کانپوءِ ٽائٽل ڏسي، اداري جي ترجمان چيو: ”ٽائٽل ۾ ڪتاب جي نالي جي ڪيليوگرافي ٿيندي ۽ ٽائٽل جي سائيز به سيٽ ٿيندي!“ جنھن تي ليکڪ چيو: ”اھي ٽيڪنيڪل معاملا توھان کي خبر ھوندا، سيٽ ڪري وٺجو، فائينل فائيل ۽ ٽائٽل توھان کي ڇوڪرو (مصور منگي) موڪليندو.“
ھڪ ٻن ڏينھن کانپوءِ مُصور منگيءَ اسان کي ٽائٽل ۽ فائنل فائيل موڪليو. مُصور منگيءَ پاران مليل فائيل کي سرسريءَ طور ڏٺو ويو ته انھيءَ ڪتاب ۾ ٻن ھنڌن تي گار استعمال ٿيل ھُئي. اداري پاران ليکڪ ۽ سائين نويد سنديلي سان ڳالھه ڪري اھا گار ڪَٽي وئي. باقي ھن ڪتاب جي مُسوَدي ۾ ڪا به ڦيرڦار ناھي ڪئي وئي. جيڪو فائيل اداري کي مليو ھُيو، انھيءَ ۾ لي آئوٽ جي سائيز سيٽ ڪئي وئي ۽ اداري جو پنھنجو ٽيڪنيڪل پيج ايڊ ڪيو ويو.
ٽائٽل جي سائيز ٺيڪ نه ھُجڻ ڪري، ٽائٽل جي سائيز سيٽ ڪرائي وئي ۽ ٽائٽل تي ڪتاب جي نالي لاءِ جيڪو فونٽ استعمال ڪيو ويو ھو، سو تبديل ڪري ڪيليوگرافي ڪرائي، اداري جو لوگو ۽ بارڪوڊ لڳائي فائينل ڪيو ويو ۽ فائينل ٽائٽل به موڪليو ويو.
انھيءَ جي وچ ۾ ليکڪ وري، وري مصور منگي ۽ نويد سنديلي صاحب کان ڪالون ۽ ميسج ڪرائيندو رھيو ته، ”ڪتاب ڪڏھن ٿو اچي؟“
اداري انھيءَ ڪتاب تي پنھنجو سرمايو لڳايو آھي، اُنھيءَ جي باوجود به سمورو ڪتاب ليکڪ جي مرضيءَ موجب ئي ڇپيو ويو، اداري کي پرُوف به ڪونه ڏسڻ ڏنا ويا. پوءِ به اسان ڪجهه به نه چيو. سائين نويد سنديلي جي احترام سبب اسان ليکڪ جي ھر ڳالھه مڃندا رھياسين.
اداري کي فائيل مليو آھي، سو اداري وٽ موجود آھي، اھو فائيل ڪتاب کان ليکڪ ڀيٽائي سگهي ٿو. اسان جي ساک مُتاثر ڪرڻ لاءِ ليکڪ ۽ ان جا دوست سوشل ميڊيا تي اداري خلاف پوسٽون رکي رھيا آھن جن ۾ ڪابه سچائي ناھي.
ليکڪ پاڻ لکت ۾ ڪتاب اسان جي حوالي ڪري ويو ھُيو، ان جي ثبوت طور ليکڪ سان ٿيل لکپڙھه جي تصوير ڏيئي رھيا آھيون.
واضح رھي ته قربان جتوئي ۽ ان جي دوستن پاران سوشل ميڊيا تي اسان جي خلاف ڪيل پروپئگنڊا جي ڪري اداري جي ساک خراب ٿي آھي. مارڪيٽنگ ۽ اعتبار تي فرق پيو آھي. انھيءَ سموري معمالي کي نظر ۾ رکندي، ادارو حق ۽ سچ تي ھُوندي انھن خلاف قانوني ڪاروائي ڪرڻ وڃي رھيو آھي.

Address

Gadi Khato, Hyder Chowk
Hyderabad

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Saturday 09:00 - 17:00
Sunday 09:00 - 17:00

Telephone

+923123467550

Website

Alerts

Be the first to know and let us send you an email when Debal Publishers posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Debal Publishers:

Videos

ڪو ته اھڙو ھُجي! (شاعريءَ جو ڪُليات) شاعر: سائينداد ساند سھيڙيندڙ: عنايت نھڙيو خريد ڪرڻ لاءِ رابطو ڪريو: Helpline: +92 312 3467550 #DebalPublishers #DebalBooks #SindhiBook #KoTeAhroHujy #Kuliyat_E_Dad #SaindadSand #Poetry #MotivationalNovel #RomticeLetters #RomanticNovel #BiographicalNovel #HistoricalNovel #Stories #sindhilanguage #SindhiLiterature #SindhiReaders #SindhiNovel #SindhiTranslation #Sindh.

حفيظ شيخ: حفيظ شيخ، "امان مان اسڪول نہ ويندس" جھڙي شاهڪار ڪھاڻي لکندڙ، سنڌ جو ناليوارو ڪھاڻيڪار ۽ صحافي جنھن جو جنم 10 ڊسمبر 1931ع تي گمبٽ شھر ۾ ٿيو. ھن جي ڪھاڻين جي مجموعي "ساگر جي لھرن تي" جو پھريون ڇاپو فيبروري 1976 ۾ شايع ٿيو. ھن بابت نصير مرزا پاران سھيڙيل ڪتاب "اڇو پکي واء ۾" (ڪھاڻيون ناوليٽ ۽ مطالعو) 1997ع ۾ شايع ٿيو. ناز سنائي پاران حفيظ شيخ جي دردن ڀري ڪھاڻي "حفيظ شيخ" نالي ڪتاب ۾ 1987ع ۾ لکي شايع ڪرائي. حفيظ شيخ، سنڌي ڪهاڻيءَ جي ٽرينڊ سيٽرن مان هو. غلام رباني آگرو، جمال ابڙو ۽ حفيظ شيخ، سنڌي افساني جي اها ٽمورتي هئا، جن سنڌي ڪهاڻيءَ کي نوان موڙ ڏنا. حفيظ شيخ، شيخ اياز، تنوير عباسي ۽ رشيد ڀٽيءَ جو همعصر هو. هن اياز ۽ تنوير جي سنگ ۾ ’شاگرد‘ رسالي جا ٻه پرچا مرتب ڪيا، جن مان هڪ ’روشن آرا مغل نمبر‘ هو. هو ’نواءِ سنڌ‘ اخبار ۾ 1956ع کان 1957ع تائين نيوز ايڊيٽر به رهيو. 1951ع ۾ ورهاڱي کان پوءِ جڏهن سنڌي ادبي سنگت کي ٻيو ڀيرو منظم ڪيو ويو ۽ ان جون گڏجاڻيون ميٺارام هاسٽل ڪراچيءَ جي ڪمري نمبر 30 ۾ ٿينديون هيون تڏهن حفيظ شيخ ان دور جي بنيادي ميمبرن مان هو. حفيظ جي وفات 9 نومبر 1971ع ۾ خيرپور ميرس ۾ ٿي ۽ ھن کي اميدن ڀريي قبرستان حيدرآباد ۾ دفنايو ويو. #debalpublishers #Hafeezshaikh #Debalaudiobook #literarure #sindhireaders

New arrivals. ناشاد رحم عليءَ جا ٻئِي ناول 01) ھينئڙو ٻہ اڌ 02) وري وري وڃايل ڇپجي چُڪا آھن. گهُرائڻ لاءِ رابطو ڪريو. Helpline: 03123467550

At Debal Publishers, we are inspired by the architectural marvels of the ancient city of Debal, now known as the ruins of Banbhore. Our brand identity pays tribute to the grandeur and artistic excellence found in the remnants of the Makli Necropolis, a UNESCO World Heritage Site near Thatta, Sindh. Our logo icon is a visual representation of the intricate and majestic symbols found within the ancient buildings of Makli. It captures the essence of the architectural legacy, evoking a sense of awe and wonder. The icon serves as a bridge between the past and the present, symbolizing the timeless knowledge and wisdom that we strive to preserve and share.

Shortcuts

Share

Category