Ghazi News غازی نیوز

06/12/2023

غازی و گرد و نواح میں گیس "بند" ہونے کا موسم آ گیا
سب لوگ "جمع" رونا دھونا شروع کریں
تا کہ "ارباب بے حس" آنیاں جانیاں شروع کریں

05/12/2023

جس پر احسان کرو

تحریر: عدیل خان طاہر خیلی

بینک میں کام تھا بینک کے سامنے بائیک پارک کیا تو بینک کا گارڈ کہنے لگا آپ یہاں بائیک کھڑا نہیں کر سکتے بائیک بینک کے سامنے سے ہٹا دیں(جو کہ سراسر بد معاشی اور غیر قانونی بات ہے) میں نے اسے کہا کہ یہ جدھر بائیک کھڑا ہے یہ سرکاری زمین ہے اور تم تو گارڈ ہو, بینک کا مالک بھی آئے تو بائیک ادھر ہی کھڑا رہے گا۔ یہ کہہ کر میں بینک کے اندر چلا گیا۔
بینک کا منیجر یہ معاملہ دیکھ رہا تھا، اندر گیا تو وہ مجھ سے پوچھنے لگا گارڈ کیا کہہ رہا تھا، میں نے بتایا تو وہ ہنسنے لگا, اور الٹا مجھ سے سوال کیا کہ یہ بتاو اس گارڈ کو نوکری پر رکھوانے کے لیئے مجھ سے سفارش کس نے کی تھی؟ یہ ایک غیر متوقع سوال تھا میں نے ایک لمحے کو سوچا اور یاد آیا ۔
وہ میں ہی تھا جس نے اس گارڈ کو نوکری پر رکھوانے اور مزید کچھ فیورز دینے کی سفارش کی تھی۔

04/12/2023

تربیلا غازی: ڈی ایس پی غازی طاہر قریشی اور ایس ایچ او تھانہ غازی اعجاز خان کا غازی بازار میں تجاوزات کے خلاف آپریشن۔

03/12/2023

یاد ماضی
10 مارچ 2010 کی تصویر
عمر ایوب خان موجودہ جنرل سیکرٹری پی ٹی آئی

01/12/2023

انسان کے نام کی اہمیت

تحریر: عدیل خان طاہر خیلی

افسوس سے کہنا پڑتا ہے کہ پاکستان کا تعلیمی نظام نمبروں کی دوڑ اور رٹے کے آس پاس ہی گھومتا رہتا ہے اور طالب علم کو عملی طور پر مفید کم ہی کچھ سکھاتا ہے اور زیادہ تر پاکستانی زندگی کنویں کے مینڈک بن کر ہی گزار دیتے ہیں۔
خوش قسمت ہیں وہ لوگ جن کو پاکستان سے باہر جا کر رہنے اور سیکھنے کا موقع ملتا ہے۔ میں متحدہ عرب امارات میں تھا تو وہاں کمیونیکیشن اور لیڈر شپ سکھانے والے ٹوسٹ ماسٹرز کلب کی ممبر شپ لے لی۔
کلب کی ماہانہ دو میٹنگز ہوتیں تھیں اور سیکھنے کو بہت کچھ ملتا۔ ایک میٹنگ میں انسان کے لیئے اس کے نام کے اہمیت کے متعلق بات ہو رہی تھی۔
وہاں یہ سکھایا گیا کہ ایک انسان کے لیئے سب سے خوبصورت موسیقی اس کا اپنا نام ہوتا ہے، اس لیئے لوگوں کے نام پکارتے اور لکھتے وقت انتہائی احتیاط برتیں اور اگر کسی کا نام معلوم نہیں تو "تکے بازی" سے گریز کریں۔
اگر کسی کا مکمل صحیح نام معلوم نہیں ہے تو تھوڑا سی جان کھپا کر اس کا نام معلوم کر لیا جائے اور اگر جلدی ہے تو پھر بہتر ہے نام لکھا یا بولا نہ جائے۔
اس کی وجہ یہ ہے کہ کسی کا غلط نام یا نام بگھاڑ کر پکارنا وہ منفی تاثر چھوڑتا ہے جس کو ختم کرنا آسان نہیں ہوتا۔
میں خود ناموں کے معاملے میں بہت محتاط رویہ رکھتا ہوں، جن لوگوں کے بگھڑے ہوئے نام مشہور ہو چکے ہیں اور وہ اسی نام سے پکارے جاتے ہیں، میں انکو بھی اصلی نام سے پکارتا ہوں کیونکہ اس دنیا میں انسان کی سب سے بڑی پہچان اسکا اپنا نام ہے۔

30/11/2023

آئینے بیچتے رہیں

تحریر: عدیل خان طاہر خیلی

2019 کے بعد سوشل ایکٹیوازم کا دور شروع ہوا،
وقت کے ساتھ ساتھ اچھے اور برے تجربات ہوتے رہے،
رفتہ رفتہ برے تجربات کی تعداد زیادہ ہوتی گئی اور اچھے تجربات کم ہی رہ گئے تو سوچ ایسی بنی کہ
"یہاں پر ریاست، ریاستی ادارے اور خود لوگ و معاشرہ اوپر سے نیچے تک کرپٹ ہے اور بہتری کی کوئی خاص امید نہیں، یہاں بہتری کی کوشش کرنا اندھوں کو آئینے بیچنے جیسا ہے اس لیئے بہتر ہے کہ اپنی ذاتی زندگی پر توجہ مرکوز رکھی جائے"
چند ہفتے قبل ریاست الرحمان صاحب کے زیر انتظام Iris کا ایک سیمینار منعقد ہوا جہاں میں نے اسی سوچ کا اظہار کیا کہ یہاں بہتری ممکن نہیں۔
تب ایک وکیل صاحبہ نے جواب دیا کہ ہم سے سوال بہتری آنے یا نہ آنے کا نہیں ہو گا، ہم سے سوال بہتری کی کوشش کرنے کا ہو گا اور کوشش بھی کوئی بہت بڑی نہیں بلکہ اپنے دائرہ اثر میں اپنی استطاعت کے مطابق کوشش کرنے کا سوال ہو گا۔
اس دلیل نے بہت اثر کیا اور مجھے دوبارہ مثبت انرجی دی کہ مایوس نہیں ہونا اور اپنے دائرہ اختیار و اثر میں اپنی طاقت کے مطابق بہتری کی کوشش جاری رکھنی ہے چاہے کوئی فرق نظر آئے یا نہ آئے۔
ہمیں جو بھی حق، سہولت اور بہتری میسر ہے اسکے لیئے کسی نے تگ و دو کی تھی اور ہمارا بھی یہ حق ہے کہ حالات جیسے بھی ہوں اپنی اور اپنی آنے والی نسلوں کی بہتری کے لیئے اپنی کوشش جاری رکھیں۔

30/11/2023

صابر سلطان لالا کے پیج کے پی کے غازی نیوز کے 20 ہزار فالورز مکمل ہونے پر تقریب۔

29/11/2023

سابق ایم پی اے فیصل زمان کی ضمانت قبل از گرفتاری منسوخ
عدالت سے فرار، گرفتاری کے لیئے پولیس کے چھاپے

27/11/2023

سابق ایم پی اے فیصل زمان کی جانب سے ٹی ایم اے ملازم صداقت شاہ پر دفتر میں حملہ و گالم گلوچ
چیئر مین غازی و ٹی ایم و غازی سمیت تمام ٹی ایم اے اسٹاف نے ہڑتال کر دی

27/11/2023

سابقہ ا یم پی اے فیصل زمان کی جانب سے ٹی ایم او ملازم کو جان سے مارنے کی دھمکیاں ایس ایچ او تھانہ غازی کو قانونی کاروائی کے لیے درخواست دے دی گئی

25/11/2023

نصرت آرا طاہر خیلی

پاکستان میں علم و ادب کی بات کرنا اندھوں کو آئینے بیچنے جیسا ہے۔
یہ ہی وجہ ہے کہ یہاں آرٹ اور لکھنے لکھانے والے آپ کو کم کم ہی ملیں گے۔
اس پدر شاہی معاشرے میں جہاں مرد لکھاری اور آرٹسٹ بھی کم کم ہی نظر آتے ہیں وہاں نصرت آرا طاہر خیلی جیسی شاعرہ اور نثر نگار تازہ ہوا کا جھونکا محسوس ہوتی ہیں وہ بھی ایک دیہاتی ماحول میں رہتے ہوئے۔
نصرت آرا صاحبہ ضلع ہریپور کی تحصیل غازی سے تعلق رکھتی ہیں اور آپ نے ساری زندگی درس و تدریس اور لکھنے لکھانے کے لیئے وقف کر دی۔
میں بچپن سے ان کا نام سنتا آیا ہوں۔ کچھ روز قبل انہوں نے مسینجر پر رابطہ کر کے اپنی نئی کتاب کی تقریب رونمائی کی دعوت دی تو بہت خوشی اور اعزاز محسوس ہوا۔
آرٹسٹ معاشروں کو شدت پسندی اور تخریب سے بچاتے ہیں۔ دنیا کے تمام ترقی یافتہ معاشرے اہل ادب کی قدر کرتے ہیں۔
آپ معاشرے کا نمک ہوتے ہیں۔

(عدیل خان طاہر خیلی)

19/11/2023

تنہائی جلد موت کی طرف دھکیل سکتی ہے'

ڈبلیو ایچ او کا کہنا ہے کہ سماجی طور پر الگ تھلگ افراد میں جلد موت کا خطرہ زیادہ ہوتا ہے۔ اس کے باعث کسی فرد میں ڈپریشن، بے چینی، ڈیمنشیا کی علامات بھی سامنے آ سکتی ہیں۔

اس کی وجہ سے امراضِ قلب اور فالج کے خطرات بھی بڑھ سکتے ہیں اور خودکشی کے خیالات بھی جنم لے سکتے ہیں۔

ڈبلیو ایچ او کے مطابق سماجی تنہائی صرف ایک شخص پر اثراانداز نہیں ہوتی بلکہ اس کا اثر پورے معاشرے پر پڑتا ہے۔تحقیق سے پتا چلتا ہے کہ تحفظ، خوشحالی اور مؤثر حکمرانی کا دارومدار بھی اسی بات پر ہوتا ہے کہ اسکولوں، دفاتر اور محلوں میں لوگ کس طرح سماجی طور پر آپس میں جڑے ہوئے ہیں۔

'تنہائی کے مضر اثرات روزانہ 15 سیگریٹ پینے جتنے ہی ہیں'

اس سے قبل رواں برس امریکی سرجن جنرل وویک مورتی نے ایک بیان میں کہا تھا کہ تنہائی اتنی ہی خطرناک ہے جتنا روزانہ 15 سیگریٹ پینا۔

بشکریہ: وائس آف امریکہ

15/11/2023

آج گورنمنٹ پرائمری سکول خالو کے اساتذہ نےسالانہ تحصیل ٹورنمنٹ میں اپنے نمایاں پوزیشن حاصل کرنے والے طلباء کی حوصلہ افزائی کے لئے سکول میں تقریب انعامات منعقد کی۔ جس کے مہمان خصوصی جناب بشیر خان صاحب تھے۔
اساتذہ اور مہمان خصوصی نے بچوں کی محنت کو سراہا اور آئندہ بھی ایسی سرگرمیوں میں بڑھ چڑھ کر حصہ لینے کی تلقین کی۔
مہمان خصوصی بشیر صاحب نے طلبہ کے لیے نقد انعام بھی دیا۔

15/11/2023

تعلقات اور ترقی (Networking)

تحریر: عدیل خان طاہر خیلی

ضروری نہیں کہ آپکو قدرت کی جانب سے ملنے والےلوگوں اور تعلقات میں ایسے لوگ اور تعلقات بھی ہوں جو آپکو آپکی پروفیشنل زندگی میں آگے بڑھنے میں مدد کریں۔
آپ وکیل بننا چاہتے ہیں، فنکار، رائٹر، بزنس مین، ڈاکٹر یا انجینئر تو اگر آپ کسی ایسے شخص کو جانتے ہیں جس کے جیسا آپ بننا چاہتے ہیں تو آپ براہ راست اس کی شاگردی میں آ کر اس سے راہنمائی لے سکتے ہیں۔
لیکن اکثر آپ ایسے شخص کو جانتے تو ہیں مگر اس کے ساتھ کوئی تعلق واسطہ نہیں ہوتا اور وہ آپ کو نہیں جانتا تو ایک مکمل اجنبی شخص جس سے آپ کو وقتی راہنمائی چاہیے یا آپ ساری زندگی اس کی شاگردی میں رہنا چاہتے ہیں تو اس کو اس بات کے لیئے راضی کرنا ایک پیچیدہ عمل ہوتا مگر ایسا ممکن ہے۔
ایک انجان لیکن آپ کے لیئے اہم شخص سے تعلق بنانے میں سب سے پہلا قدم ہوتا ہے،
1: ریسرچ Research:
آپ ٹارگٹ کیئے ہوئے شخص کے بارے میں جتنی ممکن ہو معلومات اکھٹی کریں، وہ کس جگہ کا رہنے والا ہے، ماں باپ، رشتہ دار، یار دوست کولیگ کون ہیں، کس قوم قبیلے سے ہیں، کونسی زبان بولتا ہے، مذہبی و سیاسی نظریات کیا ہیں، کسی اسکول کالج یونیورسٹی سے پڑھا ہے، کہاں کہاں نوکری یا کاربار کیا، کس کس جگہ رہا اور سب سے اہم کہ شوق کیا ہیں، زیادہ تر تعلقات مشترکہ شوق کی وجہ سے بھی بن جاتے ہیں۔ جب آپ نے ریسرچ مکمل کر لی تو دیکھیں کے آپ میں اور ٹارگٹ میں کیا چیز مشترک ہے کیا آپ اس کے کسی یار دوست، رشتہ دار یا کولیگ کو جانتے ہیں؟ آپ نے ایک ہی اسکول کالج سے پڑھا یا ایک جیسی ڈگری لی یا پھر آپ نے ایک ہی ادارے میں نوکری کی یا آپکا کوئی شوق مشترکہ ہے، اگر آپ کو ریسرچ میں کچھ مشترکہ مل گیا تو ٹھیک، نہیں ملا تو بھی زیادہ فکر کی بات نہیں، آپ ٹارگٹ کا کوئی کام ڈھونڈیں اگر وہ لکھاری ہے تو کوئی رائٹ اپ، اگر وکیل ہے تو کوئی مشہور کیس، اگر ڈاکٹر ہے تو اسکا کوئی مریض، اگر انجنئیر ہے تو کوئی پراجیکٹ وغیرہ، ریسرچ کے بعد دوسرا قدم ہے،

2: پر اعتماد اور بولڈ انداز میں مدعا بیان کرنا Asking:
اب مرحلہ آتا ہے ٹارگٹ سے رابطہ کرنے کا سارے اگر مگر اور خوف ایک طرف کریں، یاد رکھیں اچھا بزنس، اچھی نوکری اچھا رومانوی تعلق اسی کو ملتا ہے جس میں مدعا بیان کرنے یا بات کرنے یا Asking کی جرات اور ہمت ہوتی ہے، بغیر مانگے ماں بچے کو دودھ نہیں دیتی آپ اگر دل میں بات رکھ کر بیٹھے رہیں گے تو پھر انتظار ہی آپکا مقدر ہو گا۔ قصہ مختصر اگر کوئی مشترکہ چیز ریسرچ میں ملی ہے تو اس کا حوالہ دے کر یا اس شخص کے کسی کامیاب پراجیکٹ کا حوالہ دے کر ملنے کا وقت مانگیں چاہے ای میل کریں، وٹس ایپ کریں، کال کریں، یا خود جاکر بات کرنی پڑے مدعا بیان کر دیں۔
ستر سے اسی فیصد چانس ہے کہ آپکو آگے سے مثبت جواب ملے گا۔ مثبت جواب ملنے کے بعد اگلہ مرحلہ آتا ہے,

3: اہمیت دینے کا Giving Importance:
اگر بندہ یا بندی مثبت جواب دے دے تو فوراً اسکے گلے نہیں پڑ جانا بلکہ نہایت احترام سے کہنا ہے کہ آپکا وقت بہت قیمتی ہے مجھے آپ کے 5 ، 10 یا 15 منٹ چاہیے ہوں گے، 15 منٹ سے زیادہ وقت کسی صورت نہیں مانگنا، زیادہ بہتر ہے کہ صرف 5 منٹ مانگیں اور ان 5 یا 10 منٹوں میں فوراً اپنا اصل مدعا بیان کریں کے آپکو کیا درکار ہے۔ زیادہ کہانیاں سنا کر اگلے کو بور کریں گے تو نہ تو مدد ملے گی اور نہ ہی آئندہ وقت ملے گا۔
آپ نے مدعا بیان کیا مقصد حل ہو گیا تو ٹھیک، مقصد حل نہیں ہوا لیکن بندہ کام کا ہے تو پھر برا نہیں منانا بلکہ گیم کا اگلا مرحلہ شروع کرنا ہے جو کہ ہے،

4: حقیقی تعریف Geniune Appreciation:
اگر آپکا مقصد پورا ہو گیا تو بھی اور اگر نہیں ہوا تو بھی ناراض نہیں ہونا۔
اگر وہ بندہ سوشل میڈیا استعمال کرتا ہے تو اگلی گیم بہت آسان ہے، اس کی پوسٹ کو لائیک کرنا ہے اور کمنٹ بھی کرتے رہنا ہے مگر ایسے کہ تعریف لگے خوشامد نہیں۔
اگر ملاقات ہوتی ہے تو اس بندے کو توجہ سے سننا ہے اور اس کی دلچسپی کی چیزوں میں حقیقی دلچسپی دکھانی ہے، ان دو کاموں سے تعلقات خود بخود آگے بڑھنے لگیں گے۔
کیونکہ ہم انسان ہر قت حقیقی و غیر حقیقی تعریف کے طالب ہوتے ہیں،

5: تنقید سے بچنا Avoid Criticism:
کہا جاتا ہے کہ اگر آپ کو شہد چاہیے تو شہد کے چھتے پر پتھر نہ ماریں۔ اسی طرح کسی بھی تعلق کی آری تنقید ہے یہ اچھے سے اچھے مراسم کو کاٹ کر رکھ دیتی ہے۔ یاد رکھیں دنیا میں کوئی فرشتہ نہیں آیا، ہم سب انسان ہیں اور ہم سب میں کمیاں کوہتیاں موجود ہیں، اگر آگے بڑھنا ہے تو تنقید والا یکسلیریٹر چھوڑ دیں۔

6:رابطہ رکھیں Stay in Contact:
تعلقات بھی پودوں کی طرح ہوتے ہیں ان کو پانی، ہوا، دھوپ اور کھاد کی ضرورت ہوتی ہے، پھلدار پودوں کو نظر انداز کر دیں تو وہ اعلی معیار کا پھل دینا چھوڑ دیتے ہیں اور تعلقات کو نظر انداز کر دیں تو وہ ختم ہو جاتے ہیں۔
آخری پوائنٹ ہے۔

7: لمبی دوڑ Long term strategy:
نیٹ ورکنگ یا انسانوں کے ساتھ تعلقات بنانا اور قائم رکھنا پوری زندگی بلکہ کئی کئی نسلوں تک جاری رہنے والا معاملہ ہے اس لیئے اس کھیل میں صبر کا دامن تھام کر رکھیں۔
لوگوں کے کام آئیں، ان کو اہمیت دیں، ان کی حقیقی تعریف کریں، دل بڑا رکھیں، تعلق کسی صورت نہ توڑیں، تنقید سے ایسی بچیں جیسے باولے کتے سے بچتے ہیں اور رابطے میں رہیں۔
یاد رکھیں دوسرے انسانوں اور ان کے ساتھ اچھے تعلقات کے بغیر ہم کچھ بھی نہیں۔

13/11/2023

خراج تحسین گورنمنٹ گرلز ہائی سکول خا لو(غازی) کے تمام اساتذہ و طالبات کی طرف سے( چیئرمین خالو )گل ظہیر صاحب کا تہ دل سے شکریہ ادا کرتے ہیں جنہوں نے سکول میں سپورٹس گالہ کے دوران سکول ہذا کو مالی امداد دے کر اس تقریب کو چار چاند لگائے. اللہ تعالٰی انھیں صحت وعزت عطا فرمائے(آمین)
(نوٹ: اسکول کی جانب سے بھیجی گئی پوسٹ)

08/11/2023

حور کے پہلو میں لنگور اور کیریئر کونسلنگ

تحریر: عدیل خان طاہر خیلی

اکثر حوروں کے پہلو میں آپ نے لنگور دیکھے ہونگے مطلب بہت بہترین اور اچھی نوکریوں پر اوسط درجے کے لوگ بیٹھے ہوتے ہیں جو کے نہ تو آپ سے ذہنی استعداد میں اچھے ہوتے ہیں نہ اور کسی صلاحیت میں، مگر وہ زندگی میں بہت آگے نکل جاتے ہیں۔
ہم بہت غور و فکر کرتے ہیں کہ یہ کیسے ہو سکتا ہے کہ ایک نارمل سی صلاحیتوں کا آدمی اتنا کچھ حاصل کر پایا۔
جب ہمیں کچھ سمجھ نہیں آتا تو ہم اسے قسمت، رشوت اور سفارش کا کھیل قرار دے کر خود کو تسلی دے دیتے ہیں۔
تیسری دنیا کے ممالک میں ان تینوں حقائق سے انکار ممکن نہیں مگر اکثر دیکھا گیاہے کہ بہت مضبوط بیک گراؤنڈ والے لوگ بھی پیچھے رہ جاتے ہیں اور کمزور بیک گراؤنڈ رکھنے والا بندہ آگے نکل جاتا ہے۔
زندگی میں تیزی سے آگے بڑھنے کے لیئے دو چیزیں بہت اہم ہیں ایک آپ کے اندر آگے بڑھنے کا جذبہ اور دوسرا تجربہ کار راہنما۔ اچھی قسمت سے اگر یہ دونوں کسی کو میسر آ جائیں تو پھر اسے آگے بڑھنے سے کوئی نہیں روک سکتا۔
اس وقت دنیا میں سینکڑوں ہزاروں طرح کے کام ہیں جو آپ کر کے پیسہ اور نام کما سکتے ہیں، پھر اسی طرح سینکڑوں ہنر ہیں، کورسسز اور ڈگریاں ہیں، ہزاروں لاکھوں آنلائن آفلائن تعلیمی ادارے ہیں، انٹر نیٹ پر ہزاروں لاکھوں مفت اور قیمتاً کورسسز ہیں۔
ہر طرف مواقع ہیں مگر اس شور میں سمجھ نہیں آتی کہ کونسے کیرئیر کا انتخاب کیا جائے، کونسا کورس، کونسا راستہ اختیار کیا جائے اور سب سے بڑھ کر خود اپنے آپ کو کیسے سمجھا جائے کہ میرے لیئے کونسا کیرئیر بہترین رہے گا۔
یہیں پر ایک کیرئیر کونسلر کا کردار سامنے آتا ہے جو نارمل صلاحیتوں والے لوگ آگے نکل جاتے ہیں اکثر ان کو کوئی نہ کوئی کیرئیر کونسلر، مشیر، یا راہنما زندگی کے شروع میں ہی مسیر آ جاتا ہے وہ آپکے والدین، بہن بھائیوں، اساتذہ، رشتہ داروں یا جاننے والوں میں سے ہو سکتا ہے جو آپ کو خود اپنے آپ کو سمجھنے، پھر کیرئیر کے انتخاب، پھر ڈگری کے انتخاب اور پھر مطلوبہ کام تک پہنچنے کا راستہ بتاتا ہے۔
مگر ہر کوئی اتنا خوش قسمت نہیں ہوتا کہ اس کو صحیح وقت پر صحیح مشیر میسر آ سکے۔
میں نے خود زندگی میں بہت ٹامک ٹوئیاں ماری ہیں اور کبھی ادھر اور کبھی ادھر بھٹکتا رہا۔
مگر اس دور کی اچھی بات یہ ہے کہ آپ کو آنلائن ہر قسم کی راہنمائی مسیر آ جاتی ہے، مجھے کوئی مشیر میسر نہ آیا تو Udemy سے لائف کوچنگ اور کیرئیر کونسلنگ کا تین مہینے کا کورس کیا جس نے زندگی کی چوتھی دہائی مجھے خود کو سمجھنے اور اپنے لیئے کیرئیر کے انتخاب میں مدد کی اور میں نے اپنے لیئے ڈیجیٹل مارکیٹنگ اور ای کامرس کا راستہ چنا, اگر یہ ہی راہنمائی مجھے آج سے دو دہائیاں قبل ملی ہوتی تو یقیناً آج میں اس فیلڈ میں بڑا نام کما چکا ہوتا مگر قسمت کے اپنے کھیل ہیں دیر آید درست آید۔
پچھلے دنوں غازی ہائی اسکول کے پرنسپل جناب اعجاز صاحب نے اسکول بلایا اور کہا کہ آپ اسکول میں کیرئیر کونسلنگ پر سیشن لیں۔ مجھے اچھا لگا کہ اپنے علم کو کسی کو منتقل کر سکوں اور جو ٹھوکریں میں نے کھائین ان سے اگر کوئی بچ سکے تو اس سے اچھی بات کیا ہو گی۔
اب انشااللہ ہائی اسکول کے نویں اور دسویں کے بچوں کو چار سیشنز میں مکمل کیرئیر کونسلنگ دوں گا اور یہ سلسلہ یوٹیوب اور سوشل میڈیا پر بھی شروع کروں گا۔
اس کے علاوہ میں اور عدنان سرحد انسٹی ٹیوٹ کو دوبارہ شروع کرنے لگے ہیں جہاں پر انگلش لینگوئج، ڈیجیٹل مارکیٹنگ، آئی ٹی، آفس مینیجنگ کے کورسسز کروائے جائیں گے اور کیریئر کونسلنگ فری میں دی جائے گی۔
بھرپور کوشش کی جائے گی کے زیادہ سے زیادہ نوجوانوں کو ان مسائل سے بچایا جائے جن کا سامنا خود کیا۔

31/10/2023

المتکبر

تحریر: عدیل خان طاہر خیلی

فیس بک پر اکثر ایک فلم کا کلپ سامنے آ جاتا ہے، ہیرو ولن کے سارے بندے ایک ایک کر کے ٹپکا دیتا ہے، ولن خود ہیرو کو مارنے کے لیئے آگے بڑھتا ہے تو ولن کی بیوی اسکے پاوں پڑ جاتی ہے اور کہتی ہے،
"انا کے چکروں میں نہ پڑنا ورنہ مارے جاو گے"
میرا ایک کولیگ تھا، وہ پانچ بھائی تھے، میرا کولیگ شیر خوار بچہ تھا تو اسکا باپ ق/ت/ل ہو گیا۔ قاتل پکڑا گیا اور اسکو لمبی سزا ہوئی۔ جب تک اسکی سزا مکمل ہوئی مقتول کے پانچوں بیٹے جوان ہو چکے تھے۔
جب اسکے جیل سے باہر آنے میں کچھ دن رہ گئے تو اسکے رشتہ دار مقتول کے بیٹوں کے پاس آئے کے تمہارے باپ کا قاتل سزا مکمل کر چکا ہے اور کچھ دن میں باہر آ جائے گا، اب تم بتاو کے آگے کے معاملات کیسے ہوں گے؟ لڑکوں نے مشورے کے لیئے وقت مانگا اور اگلے دن ان کو جواب دیا کہ اس کی وجہ سے ہم سے ہمارا باپ چھن گیا اور ہم نے یتیمی گزاری، بے شک اس نے دنیا میں سزا پوری کر لی ہے مگر جب یہ ہمارے سامنے گھومے گا تو ہمیں اشتعال تو آئے گا اور کب خون جوش مار جائے اور کوئی حادثہ ہو جائے پتہ نہیں چلتا اس لیئے بہتر ہے یہ گاؤں واپس نہ آئے اور کہیں اور بسیرا ڈال لے تو ہماری دشمنی اس سے ختم سمجھیں۔
اگلا بندہ سمجھدار تھا جیل سے آزاد ہوا، گاؤں آیا رشتہ داروں سے ملا اور پھر ہمیشہ کے لیئے گاوں چھوڑ کر چلا گیا۔
غلطیاں انسانوں سے ہی ہوتی ہیں لیکن اگر آپ اپنی غلطیوں پر نادم ہو کر غلطی کا ازالہ کرنے کے بجائے انا کے چکروں میں پڑ جائیں تو تاریخ بھری پڑی ہے ایسے تکبر کے پہاڑوں کی کہانیوں سے جن کو اپنے طاقت کے احساس نے انسانیت کے رتبے سے گرا کر جانور بنا دیا تھا،
کوئی اپنے لشکروں سمیت سمندروں کی خوراک بنا ، کسی پر پتھر برسے اور کوئی ایک حقیر مچھر کے ہاتھوں ذلیل ہوا۔
اگر آپ کے ہاتھوں لوگوں کے جان، مال اور عزتیں محفوظ نہیں اور آپ عاجزی کو چھوڑ کر تکبر کو اپنی چادر بنا رہے ہیں تو پھر یاد انتظار کریں کہ کب آپ کے سر پر آسمان ٹوٹے یا آپکے پاؤں کے نیچے سے زمین کھینچ لی جائے اور آپ عبرت کا استعارہ بن کر رہ جائیں۔

27/10/2023

ٹک ٹاکرز کی داستان

تحریر: عدیل خان طاہر خیلی

آپ عقل و خرد کی بات کرتے ہیں اور بہت کم لائیک یا کمنٹ آتے ہیں جبکہ لچر مواد پر ملینز کے حساب سے لائیک اور کمنٹ آتے ہیں،
یہ گلہ اکثر لوگ کرتے پائے گئے ہیں،
اگر آپ واقعی دانش کی بات کرتے ہیں تو آپکو سمجھنا ہو گا کہ ہمیشہ سے دانائی کے شیدائی کم رہے ہیں اور واہیات حرکات کے دیوانے زیادہ، مگر اثر ہمیشہ دانش کا ہی زیادہ ہوتا ہے۔
آپ کیا سمجھتے ہیں آج سے ہزاروں سال پہلے ارسطو کے ڈیرے پر زیادہ لوگ جاتے ہوں گے یا طوائف کے کوٹھے پر؟؟؟
یقیناً اس دور کی ٹک ٹاکرز ارسطو سے زیادہ مشہور رہی ہونگی ان کے فینز بھی ہزاروں میں ہونگے۔
مگر انسانی تاریخ کو کس نے زیادہ متاثر کیا اس دور کی طوائفوں نے یا ارسطو نے؟؟؟
آپ کی بات کوئی نہیں سنتا تو تو اس چیز کو دل پر نہ لیں، حکمت کو ہضم کرنا ہر ایک کے بس میں نہیں ہوتا، اپنے دور میں ارسطو کی بات اس کے ایک شاگرد سکندر کو سمجھ آ گئی اور وہ سکندر اعظم بن کر رہتی دنیا تک امر ہو گیا اور اس دور کی ٹک ٹاکرز اور ان کے پروانوں کی داستان
تک بھی نہ رہی داستانوں میں۔

27/10/2023

پرنسپل گورنمنٹ ہائی اسکول غازی جناب اعجاز صاحب کی دعوت پر تربیلا پریس کلب کے جنرل سیکرٹری اور غازی نیوز کے ایڈمن عدیل خان طاہر خیلی کیریئر کونسلنگ کے حوالے سے اظہار خیال کرتے ہوئے۔ اس موقع پر معزز اساتذہ کرام جناب مولانا سیف الرحمن صاحب، جناب نصیر صاحب، جناب عابد شاہ صاحب، جناب ایوب شاہ صاحب و دیگر اساتذہ بھی موجود ہیں۔

22/10/2023

میں امارات میں ایک ہسپتال میں اسسٹنٹ منیجر تھا، وہاں ایک دن سارے ڈاکٹر بیٹھے تھے تو ایک انڈین ڈاکٹر مجھے کہنے لگا ان ڈاکٹروں میں سے ایک بھی تم سے زیادہ ذہین نہیں ہے۔ میں نے سوچا اگر ذہانت معیار نہیں ہے تو پھر کیا ہے؟
تو سمجھ آئی کہ والدین کی جانب سے ملنے والی Privilege، سوشل سرکل کی جانب سے ملنے والے Network کی کوالٹی طے کرتی ہے کہ زندگی میں آپ کہاں تک جائیں گے۔

(عدیل خان طاہر خیلی)

22/10/2023

162 میں سے صرف 2 پاس

تحریر: عدیل خان طاہر خیلی

تحصیل غازی کے چار پرائمری اسکولوں کے پانچویں جماعت کے 162 بچوں بچیوں کاسالانہ امتحان لیا گیا۔
جس میں صرف 2 بچے 33 فیصد نمبر لیکر پاس ہو سکے۔
پھر پاس ہونے کا معیار 33 فیصد سے 18 فیصد کر دیا گیا پھر بھی 86 بچے فیل ہو گئے۔
مانا کے انپڑھ اور غریب والدین کے بچے ہی ہوتے ہیں سرکاری پرائمری اسکولوں میں مگر کیا 162 میں 12 بھی ایسے نہ تھے جو قدرتی طور پر ذہین ہوتے؟
یا آپ یہ کہنا چاہتے ہیں کہ ان غریب ماوں نے ذہین بچے جننے ہی چھوڑ دیئے؟؟؟؟
ہزار مسائل ہونگے نظام میں مگر 162 میں سے صرف 2 کا 33 فیصد نمبر لے پانا بتا رہا ہے کہ انگلی کے پیچھے سورج کو چھپایا جارہا ہے اور پاکستان کے ہر شعبے میں موجود روایتی بے حسی اور نا اہلی ہر شعبے میں سرایت کر چکی ہے۔ اور سوال اٹھانے والوں کو گالیوں اور دھمکیوں سے خاموش کرانے کی کوشش کی جاتی ہے۔

21/10/2023

https://www.facebook.com/share/Eeamp68nkR2hj7hU/?mibextid=xfxF2i

تربیلا(ملک فضل کریم بیورو چیف ) تحصیل غازی کی مشہور و معروف سیاسی و سماجی شخصیت اظہر ممتاز خان کی اسلام آباد وزیراعظم ہاؤس میں نگران وزیر اعظم انور الحق کاکڑ سے ملاقات، ملاقات 30 منٹ تک جاری رہی ۔نگران وزیراعظم انور الحق کاکڑ نے انکا آفس آمد پر شاندار طریقے سے ویلکم کیا۔ ملاقات میں مختلف امور پر تبادلہ خیال کیا گیا ہے۔ علاقائی مسائل سے آگاہ کیا۔ نگران وزیر اعظم انور الحق کاکڑ نے ان سے دوبارہ ملاقات کرنے پر بھی اتفاق کیا۔

21/10/2023

شانی خان کی تجویز کے مطابق اگر مقامی طور پر سول سوسائٹی متحرک ہو تو مقامی سرکاری اداروں میں قائم بادشاہتوں کا خاتمہ ممکن ہے

21/10/2023

وی سی، این سی ناظمین اگر دلچسپی لیں تو مقامی سرکاری اداروں میں بہت حد تک بہتری ممکن ہے

20/10/2023

نا صرف سرکاری اسکولوں بلکہ سرکاری ہسپتالوں کو بھی پرائیویٹ اداروں کی ذریعے چلایا جانا چاہیے۔ فنڈ حکومت دے لیکن ادارہ پرائیویٹ ادارے چلائیں۔ ایک ایک ادارے پر ماہانہ لاکھوں کروڑوں تنخواہ اور دیگر خرچوں کی مد میں خرچ ہو جاتے ہیں اور نتیجہ صفر ہے۔ اداروں میں اہلکاروں اور ملازموں کے بجائے فرعون بیٹھے ہیں اور ہر ایک نے اپنی سلطنت بنائی ہوئی ہے۔

20/10/2023

غازی سول ہسپتال، چھتیس گھنٹے ڈیوٹی اور حرام

تحریر: عدیل خان طاہر خیلی

ڈاکٹروں کی بد معاشیوں کا اندازہ اس بات سے ہی لگا لیں کہ غازی کے سرکاری ہسپتال سے دو درجن کے قریب ڈاکٹر تنخواہ لے رہے ہیں لیکن موقع پر ایک آدھ ہی ملتا ہے۔ شام اور رات کی ایمرجنسی ڈیوٹی نکال بھی دیں تو دن کے وقت آپکو کم از کم 12 سے زیادہ ڈاکٹر غازی ہسپتال میں نظر آنے چاہیں مگر ایسا نہیں ہے۔
ڈاکٹرز نے یہ جگاڑ ایجاد کیا ہے کہ پورے ہفتے کی چھتیس گھنٹے کی ڈیوٹی ایک ہی بار پوری کر لیتے ہیں، ایک دن صبح آٹھ بجے آتے ہیں اور دوسرے دن شام آٹھ تک مسلسل چھتیس گھنٹے ڈیوٹی پر رہ کر پورے ہفتے کے لیئے فارغ ہو جاتے ہیں۔
آپ ایمان سے بتائیں کیا کوئی مسلسل چھتیس گھنٹے سیٹ پر بیٹھتا ہے؟ بلکل بھی نہیں۔ ان چھتیس گھنٹوں میں بھی رات سونے کے آٹھ گھنٹے نکال کر باقی بھی ادھر ادھر گھومنا پارٹیاں کرنا معمول ہے۔ یہ ڈاکٹرز رہتے دوسرے شہروں میں ہیں اور صرف آوٹنٹنگ کے لیئے غازی آتے ہیں اور کبھی سیٹ پر نہیں بیٹھتے آپ قسمت کے مارے اگر ہسپتال میں ان کے پاس چلے جائیں تو انکا رویہ ایسے ہوتا ہے جیسے ان کے والد صاحب کی جاگیر میں آپ نے مداخلت کر دی ہے۔ کبھی وائسرائے اے سی یا ہیٹر والے کمرے میں سوئے ہوتے ہیں کبھی باہر نکلے ہوتے ہیں اور کبھی کیا۔
باہر سے آئے ڈاکٹروں کے لیئے غازی ہسپتال نوکری کے بجائے ڈیڑھ دن آرام کی جگہ ہے مگر تنخواہ سرکار سے پورے کام کی لیتے ہیں۔
حد تو یہ ہے کہ سپیشلسٹ بھی اس جگاڑ میں شام اور رات کی ڈیوٹی کا مفتا لگا رہے ہیں پوری دنیا میں کونسا ایسا ملک ہو گا جہاں سکن سپیشلسٹ بھی رات کی ڈیوٹی کر رہا ہو گا؟
عوام ان ڈاکٹروں کے سامنے بے بس ہے، حکومت ان کی یوننیز سے ڈرتئ ہے مگر مسلسل چھتیس گھنٹے ڈیوٹی والی بدمعاشی کرنے والے یہ ڈاکٹر خدا کو حاضر ناظر جان کر بتائیں کے کیا واقعی وہ حلال کما کر اپنے بچوں اور اپنے والدین کھلا رہے ہیں اور خود کھا رہے ہیں؟؟؟

19/10/2023

سستی Laziness ہزار نعمت ہے

تحریر: عدیل خان طاہر خیلی

غازی نیوز میرا پیج ہے، یہ میں نے 2013 میں بنایا تھا اور یہ ہمارے علاقے کا پہلا نیوز کا پیج تھا اور طویل عرصہ واحد پیج رہا۔
اس پر 26 ہزار سے زیادہ فالورز ہیں اور مجھے جو بھی پہچان اور نام ملا اس میں اس پیج کا بڑا کردار ہے۔
گزشتہ رات مجھے غازی نیوز کے انباکس میں مسیج آیا کہ آپکا پیج بند کیا جا رہا ہے اور اگر آپ پیج کو دوبارہ ایکٹیویٹ کرنا چاہتے ہیں تو دیئے گئے لنک پر رابطہ کریں، لنک پر گیا تو وہاں آئی ڈی اور پاس ورڈ مانگا گیا۔
میں آئی ڈی اور پاس ورڈ لکھنے ہی لگا تھا کہ مجھے پاس ورڈ یاد نہ آیا، تو سوچا پیج سے ہی میری پہچان ہے لیکن اس وقت کون پاس ورڈ ڈھونڈتا پھرے، صبح دیکھیں گے۔ صبح کاموں میں مصروف ہو گیا۔ پھر دوپہر کے وقت بنک گیا وہاں عدنان کو بات سنائی اور جب اس سے بات کر رہا تھا تو ذہن میں اچانک سے خیال آیا فیس بک ایسے تو بلاک نہیں کرتا کہ پہلے میسج کرے، فورا دوبارہ انباکس کھولا تو سارا ماجرا سمجھ گیا، کوئی چوتیم سلفیٹ فیک آئی ڈی بنا کر اس پر فیس بک (میٹا) کا لوگو لگا کر مسیج کر رہا تھا اور مقصد تھا میرا پیج ہیک کرنا۔
شکر ادا کیا "سستی شریف" کا کہ اسکے ہاتھوں بچ گیا۔
کسی دانا نے صحیح ہی کہا ہے کہ سستی ہزار نعمت ہے۔

18/10/2023

غازی نیوز کے وٹس ایپ چینل کو فالو کرنے کے لیئے لنک پہلے کمنٹ میں موجود ہے

17/10/2023

سابق ایم پی اے فیصل زمان کی دوبارہ دو کیسسز میں 4 اور 10 دن کی سفری/حفاظتی ضمانت منظور
ضمانت سیشن کورٹ کرک نے منظور کی

13/10/2023

جنرل سیکرٹری تربیلا پریس کلب عدیل خان و فنانس سیکرٹری عدنان مغل سابق ایم پی اے فیصل زمان کے ساتھ انکی ہمیشرہ کی نکاح کی تقریب میں۔

09/10/2023

غازی نیوز پر خبر چلنے کے بعد
12 بجے کی کھلی کچہری میں اسسٹنٹ کمشنر غازی (ہریپور) کی 12:40 پر آمد۔

09/10/2023

اسسٹنٹ کمشنر غازی (ہریپور) کی جانب سے خواتین کی لیئے کھلی کچہری کے نام پر عوام سے کھلا مذاق۔
کھلی کچہری کاغذی کاروائی تک محدود.
(رپورٹ: عدیل خان طاہر خیلی)

08/10/2023

https://m.facebook.com/story.php?story_fbid=334876252383032&id=100075819791480&sfnsn=scwspmo&mibextid=RUbZ1f

05/10/2023

تربیلا() ڈپٹی کمشنر ہری پور کیپٹن ریٹائرڈ عون حیدر گوندل کے دورہ غازی کے موقع پر تربیلا پریس کلب غازی کے صدر ملک فضل کریم نے ملاقات کرتے ہوئے تحصیل غازی کے صحافیوں کے لئے مسائل سے آگاہ کرتے ہوئے پریس کلب کی عمارت کے لئے اراضی کی فراہمی کا مطالبہ کیا۔ جس پر ڈپٹی کمشنر ہری پور عون حیدر گوندل نے پریس کلب کی عمارت کے لئے 10 مرے زمین فراہم کرنا کا اعلان کیا۔ ڈی سی عون حیدرگوندل نے کہا کہ پریس کی عمارت کے لئے صرف اراضی دی جائے گی۔ جبکہ پریس کلب کی بلڈنگ کی تعمیر کے لئے محکمہ انفارمیشن کے پی کے سے فنڈز حاصل کریں۔

02/10/2023

احرام میں لپٹے ابلیس

تحریر: عدیل خان طاہر خیلی

ایک مرتبہ تھانے میں بیٹھے تھے، ایک پکی عمر کا پولیس والا کہنے لگا کافی عرصے سے حج کا ارادہ تھا مگر میری کمائی حرام ہے، اس کمائی سے حج کرنے کو دل نہیں مان رہا تھا تو آبائی زمین فروخت کر دی، اب اس رقم سے حج کرنے جا رہا ہوں، پولیس والے کی بات سن کر حیرت ہوئی کہ کم از کم اپنی کمائی کو سر عام حرام مانتا ہے اور اتنی حیا اس میں ہے کہ حرام کی کمائی سے حج نہیں کرنا چاہتا۔
مگر اب نیا دور ہے اور نیا فیشن ہے اب یہ چلن عام ہے کہ اپنے اختیارات کا نا جائز استعمال کر کے لوگوں کے ساتھ ظلم اور زیادتی کی جاتی ہے ان کو ان کے حقوق سے محروم کیا جاتا ہے، دبا کر حرام کمایا جاتا ہے اور پھر سعودی عرب کا ویزہ اور ٹکٹ لیکر بڑے فخر سے کہتے ہیں "بلاوا آیا ہے"
اور لوگوں پر "منافقانہ پارسائی" جھاڑنے کو سوشل میڈیا پر احرام میں تصاویر شائع کی جاتیں ہیں۔
تبلیغی بھائی ایک قصہ سنا رہے تھے کہ ایک شخص مسجد کے دروازے پر پہنچا سامنے مولوی صاحب بیٹھے تھے، وہ شخص مسجد کے دروازے پر کھڑا ہو گیا اور مولوی صاحب کو پوچھنے لگا مولانا صاحب مسجد میں پہلے دایاں پاوں رکھوں یا بایاں، مولانا صاحب نے جواب دیا تمہاری مرضی ہے جو بھی پاوں پہلے رکھ دو مگر مہربانی کرو جو بہن کی زمین دبا رکھی ہے وہ اسکو پہلے واپس کر دو۔

شاعری کی زبان میں اگر کہا جائے تو شاعر فرماتا ہے،

تم حیا و شریعت کے تقاضوں کی بات کرتے ہو
ہم نے ننگے جسموں کو ملبوس حیا دیکھا ہے

ہم نے دیکھے ہیں احرام میں لپٹے کئی ابلیس
ہم نے کئی بار مہ خانے میں خدا دیکھا ہے

01/10/2023

ایک ایسی قسم کے لوگ بھی ہوتے ہیں جن کو اگر آپ ذلیل کریں تو وہ آپکی عزت کرتے ہیں اور اگر آپ ان کو عزت دیں تو وہ آپکو ذلیل کرنے پر اتر آتے ہیں۔
اس قسم کے گھٹیا لوگوں کو عزت دینا خود اپنی بے عزتی کرنے کے مترادف ہے۔
اصول یاد رکھیں دودھ کے برتن میں دودھ ڈالیں اور غلاظت کے برتن میں غلاظت

(عدیل خان طاہر خیلی)

01/10/2023

ظالم کا صدقہ

تحریر: عدیل خان طاہر خیلی

اپنے استاد کے ساتھ ایک ڈیرے پر بیٹھا تھا، استاد صاحب کہنے لگے اس ڈیرے کا کشادہ دسترخوان دور دور تک مشہور تھا، یہاں ہر وقت لنگر چلتا تھا۔
صدقہ، خیرات، سخاوت اور دوسروں کو کھانا کھلانا قدرت کے پسندیدہ ترین اعمال ہیں۔ مگر اس ڈیرے پر چھائی ہوئی ویرانی تو کچھ اور ہی کہانی سنا رہی تھی۔
میں نے سوچا اگر اس ڈیرے پر خلق خدا کے لیئے لنگر چلتا تھا تو یہ اجڑ کیوں اور کیسے گیا؟
تھوڑی تحقیق پر پتہ چلا اہل ڈیرہ کے اعمال میں سخاوت کے علاوہ تھوڑا تکبر اور ظلم بھی شامل ہو گیا تھا۔
خیرات مصیبتوں کو ٹال دیتی ہے مگر ظالم کی سخاوت بھی کارخانہ قدرت میں نامقبول رہتی ہے۔
صدقہ بہت طاقت ور ہے مگر جب بھی مقابلہ صدقے اور مظلوم کی آہوں کے درمیان ہو تو مظلوم کی آہ جیت جاتی ہے اور ظالم کو نیست و نابود کر کے چھوڑتی ہے۔

20/09/2023

غازی، خالو اور ہملٹ
صبح کے وقت سوئی گیس بندش۔
بچے بغیر ناشتے کے اسکول جانے پر مجبور۔

18/09/2023

چاند پلازہ خالو میں مقیم گلہ ہملٹ(صوابی) کی خاتون کو شوہر نے فائرنگ کر کے قتل کر دیا۔