https://www.youtube.com/channel/UCoIOh-emWxfaRjJT5l8fhKw

Gujrat Online News, Gujrat (2025)

29/11/2025

گجرات پولیس تھانہ اے ڈویژن نے ڈکیتی اور چوری کی وارداتوں میں ملوث 3رکنی عرفان عرف (فانا) گینگ گرفتار کرلیا
6لاکھ روپے نقدی،قیمتی موبائل فون مالیتی 4 لاکھ روپے اور وارداتوں میں استعمال ہونے والا پسٹل 30بور برآمد
تفصیلات کے مطابق ڈی پی او گجرات رانا عمر فاروق کی ہدایت پر ڈی ایس پی سٹی سرکل ظفر اقبال کی نگرانی میں ایس ایچ او تھانہ اے ڈویژن SI آفتاب رسول، ASI محمد عاصم اور دیگر پولیس ٹیم نے کامیاب کارروائی کرتے ہوئے ڈکیتی اور چوری کی متعدد وارداتوں میں ملوث 3 رکنی عرفان عرف ''فانا'' گینگ کو گرفتار کر لیا۔ گرفتار ملزمان میں عرفان ولد احسان(سرغنہ گینگ) 2۔عبداللہ ولد حفیظ بٹ 3۔عثمان ولد عبدالوھاب شامل ہیں۔ گرفتار ملزما ن سٹی سرکل میں رات کے وقت دکانوں کے تالے توڑ کر قیمتی سامان نقدی چرا لیتے تھے۔جن کے قبضہ سے 6لاکھ روپے نقدی،قیمتی موبائل فون مالیتی 4 لاکھ روپے اور وارداتوں میں استعمال ہونے والا پسٹل 30بور برآمد کر لیا۔ جبکہ ملزمان سے مزید تفتیش جاری ہے۔

29/11/2025

ملائشیا جانے والے 2 مسافر اسلام آباد ایئرپورٹ سے آف لوڈ

فیڈرل انویسٹیگیشن ایجنسی (FIA) امیگریشن نے اسلام آباد انٹرنیشنل ایئرپورٹ پر کارروائی کرتے ہوئے جعلی سفری دستاویزات کے ذریعے بیرون ملک جانے کی کوشش ناکام بنا دی۔ کارروائی کے دوران دو پاکستانی مسافروں کو آف لوڈ کیا گیا جو بین الاقوامی پرواز کے ذریعے ملائیشیا روانہ ہونے کی کوشش میں تھے۔

ترجمان ایف آئی اے کے مطابق آف لوڈ کیے گئے افراد کی شناخت امین خان اور حبیب اللہ کے ناموں سے ہوئی، جن کا تعلق بالترتیب پشاور اور بونیر سے بتایا گیا ہے۔

ایف آئی اے کے مطابق دونوں مسافروں کے پاسپورٹس پر:

پاکستان سے روانگی کی جعلی امیگریشن اسٹمپ, اور

ملائیشیا آمد کی جعلی امیگریشن اسٹمپ

لگی ہوئی پائی گئیں، جس کے بعد انہیں فوراً روک کر آف لوڈ کر دیا گیا۔

ابتدائی کارروائی مکمل کرنے کے بعد دونوں مسافروں کو مزید تفتیش کے لیے اینٹی ہیومن ٹریفکنگ سرکل، FIA اسلام آباد کے حوالے کر دیا گیا ہے۔ ادارے نے بتایا کہ معاملے کی تحقیقات جاری ہیں اور ذمہ دار افراد کے خلاف قانونی کارروائی عمل میں لائی جائے گی۔

ترجمان ایف آئی اے نے کہا کہ ایجنسی جعلی سفری دستاویزات، اسمگلنگ اور ہیومن ٹریفکنگ کے انسداد کے لیے اپنی کارروائیاں جاری رکھے ہوئے ہے۔

Source: FIA Press Release PR No. 961/2025

28/11/2025

گجرات تھانہ اے ڈویژن پولیس کی بھر پور کارروائی
ہوائی فائرنگ کر کے علاقے میں خوف و ہراس پھلانے والے 2گروپوں کے 7افراد گرفتار،
4 عدد پسٹل ہائے 30 بور برآمد۔
تفصیلات کے مطابق تھانہ اے ڈویژن پولیس کو اطلاع موصول ہوئی کہ گاؤں مندیال میں 2گروپوں میں اسلحہ آتشین کے ذریعے ہوائی فائرنگ ہو رہی ہے۔
اطلاع موصول ہونے پر ڈی ایس پی سٹی سرکل ظفر اقبال صاحب کی نگرانی میں ایس ایچ او تھانہ اے ڈویژن SI آفتاب رسول نے اپنی پولیس ٹیم کے ہمراہ فوری کارروائی کرتے ہوئے دونوں گروہوں کے 7 افراد کو گرفتار کر لیا۔گرفتار ملزمان میں 1۔ شرجیل شہباز 2۔ ذیشان3۔عادل شوکت 4۔ مرزا محمد علی 5۔امیر حمزہ 6۔ حسیب7۔ زبیع جمیل شامل ہیں جن کے قبضہ سے 4عددپسٹل ہائے 30 بور برآمد کر لیا۔ گرفتار ملزمان کے خلاف الگ الگ مقدمات درج کرکے مزید تفتیش شروع کردی۔
اس موقع پر ڈی پی او گجرات رانا عمر فاروق کا کہنا ہے کہ ہوائی فائرنگ سنگین جرم ہے جو کئی قیمتی جانوں کے ضائع ہونے کا باعث بن سکتا ہے۔ اسلحہ کی نمائش اور ہوائی فائرنگ کرنے والے عناصر کے خلاف آہنی ہاتھوں سے نمٹا جائے گا۔

28/11/2025

گزشتہ چند دنوں سے سوشل میڈیا پر یہ بات تیزی سے پھیل رہی تھی کہ ایف آئی اے ایئرپورٹ پر بے گناہ اور مکمل دستاویزات رکھنے والے مسافروں کو بھی آف لوڈ کر رہی ہے۔
لیکن اب ڈی جی FIA لاہور نے اس حوالے سے اہم وضاحت جاری کر دی ہے۔

**✔ FIA کا مؤقف:

“جس مسافر کے پاس مکمل اور درست دستاویزات ہوں، ہم اسے آف لوڈ نہیں کرتے”**

ڈی جی ایف آئی اے کے مطابق:
• ہم صرف اُن مسافروں کو آف لوڈ کر رہے ہیں جن کے دستاویزات نامکمل، مشکوک یا جعلی ہوں۔
• ایسے افراد بھی روکے جا رہے ہیں جو ایجنٹ مافیا کے جھانسے میں آ کر بیرون ملک جاتے ہیں اور وہاں جا کر غائب ہو جاتے ہیں یا ڈنکی لگاتے ہیں۔
• اس کریک ڈاؤن کا مقصد غیر قانونی ہجرت، انسانی اسمگلنگ اور بیرون ملک پاکستان کی بدنامی کو روکنا ہے۔

⸻

❗ پسِ منظر — یہ وضاحت کیوں ضروری تھی؟

حالیہ ہفتوں میں پاکستان کے بڑے ایئرپورٹس پر ہزاروں لوگ آف لوڈ کیے گئے۔
اس دوران کچھ ویڈیوز اور پوسٹس سوشل میڈیا پر وائرل ہوئیں جن میں الزام لگایا گیا کہ FIA مکمل دستاویزات والوں کو بھی روک رہی ہے۔

بعد میں تحقیق سے معلوم ہوا کہ زیادہ تر کیسز میں:
• یا تو دستاویزات مکمل نہیں تھے،
• یا مسافر مشکوک ٹریول پلان پر تھے،
• یا ایجنٹ مافیا کے ذریعے غیر قانونی راستے اختیار کرنے کا شک تھا۔

اسی لیے FIA نے واضح مؤقف اختیار کیا کہ قانونی سفر کرنے والوں کو کسی قسم کا مسئلہ نہیں ہوگا۔

⸻

✈ عوام کے لیے اہم ہدایات
• اپنا ویزا، ٹکٹ، ہوٹل بُکنگ، اور دیگر دستاویزات پہلے سے مکمل رکھیں۔
• کسی ایجنٹ سے بغیر تصدیق کے معاہدہ نہ کریں۔
• سوشل میڈیا کی ہر بات پر یقین نہ کریں — غلط معلومات لوگوں کو خوفزدہ کرتی ہیں۔
• اگر مسئلہ ہو — تو FIA ہیلپ لائن یا متعلقہ امیگریشن دفتر سے براہِ راست رابطہ کریں۔

⸻

📌 آخر میں ایک حقیقت

قانونی طریقے سے سفر کرنے والوں کو نہ آج روکا جا رہا ہے، نہ کل روکا جائے گا۔
مسئلہ صرف اُن لوگوں کے ساتھ ہے جو غلط راستے اختیار کرتے ہیں — اور پھر پوری قوم کو نقصان ہوتا ہے۔

27/11/2025

ائیرپورٹ آف لوڈنگ کے حوالے سے پھیلائی جانے والی افواہوں پر بات کرتے ہوئے، ڈائریکٹر ایف آئی اے لاہور زون کیپٹن (ر) علی ضیا نے سوشل میڈیا پر گردش کرنے والی گمراہ کن اے آئی سے تیار کردہ ویڈیوز اور جھوٹی معلومات کے حالیہ مسئلے کا نوٹس لیا۔ انہوں نے کہا کہ اس قسم کا من گھڑت مواد عوام کو گمراہ کرنے اور اداروں کی ساکھ کو نقصان پہنچانے کی کوشش ہے۔ اگر آپ بیرونِ ملک سفر کر رہے ہیں تو صرف ضروری جانچ پڑتال کے بعد ہی آپ کو سفر کی اجازت دی جاتی ہے۔ اس عمل کا مقصد مسافروں کی سہولت کے ساتھ ساتھ سیکیورٹی کے تقاضوں کو پورا کرنا بھی ہوتا ہے کیپٹن (ر) علی ضیا نے شہریوں پر زور دیا کہ وہ صرف ایف آئی اے کے سرکاری پلیٹ فارمز سے جاری کردہ مستند اور تصدیق شدہ معلومات پر ہی بھروسہ کریں

26/11/2025

پاکستان میں ورک ویزہ والوں کے لیے خوشخبری یا چیلنج؟
خوشخبری؟ پاکستان سے وِرک ویزہ والوں کے لیے نئی پولیس ویریفیکیشن لازمی ‒ مگر پیچیدگیاں بھی ہیں

“ایک بڑا اپڈیٹ آیا ہے پاکستان — جو لوگ یو اے ای یا دیگر ملکوں کے لیے ورک ویزے پر جانے کا سوچ رہے ہیں، ان سے پولیس ویریفیکیشن سرٹیفکیٹ لازمی طلب کیا جا رہا ہے۔

اہم نکات:
• پاکستان کی امیگریشن اتھارٹیز نے کہا ہے کہ “کوئی بھی کام کے ویزے والا مسافر بغیر پولیس تصدیق کے روانہ نہیں ہوگا”۔
• یو اے ای نے ورک ویزہ ہولڈرز کے لیے یہ شرط رکھی ہے تاکہ پاسپورٹ ہولڈر کا “کریکٹر سرٹیفکیٹ” موجود ہو۔
• پاکستان اور یو اے ای کے درمیان یہ معاملہ ایک سینٹ کمیٹی میں زیرِبحث آیا ہے۔
• پاکستانی ایمبیسی اور اوورسیز پاکستانی وزارت یہ کوشش کر رہے ہیں کہ یہ نظام بہتر اور زیادہ منظم بنایا جائے۔
• مزید ایک چیلنج: FIA کی نئی رول کے تحت کام کے لیے جانے والوں کے لیے ایک “افیڈیویٹ” کی شرط لگ گئی ہے جو یہ تصدیق کرے کہ وہ قانونی کام کے لیے جا رہے ہیں اور غیر قانونی ذرائع اپنانے کی نیت نہیں ہے۔

یہ کیوں اہم ہے؟
• جو پاکستانی مزدور یو اے ای یا دوسرے ممالک میں جانا چاہ رہے ہیں، انہیں پہلے پاکستان میں اپنی قانونی حیثیت اور “کریکٹر” کی تصدیق کرنی ہوگی۔
• یہ ویریفیکیشن عوام اور حکومتی دونوں کے لیے فائدہ مند ہو سکتی ہے: جعلسازی کو روکنے میں مدد ملے گی اور یو اے ای میں جانے والوں کی ساکھ بہتر ہوگی۔
• مگر اس سے بعض لوگوں کو اضافی اخراجات اور دستاویزاتی بوجھ کا سامنا کرنا پڑے گا۔

“اگر آپ یا آپ کا کوئی جاننے والا وِرک ویزے کے لیے جا رہا ہے، تو پولیس سرٹیفکیٹ حاصل کرنے کا عمل ابھی سے شروع کریں اور اپنے اپلائمنٹ ایجنٹ یا OEP سے بات کریں۔ اس کے علاوہ، اس پوسٹ کو شیئر کریں تاکہ زیادہ لوگ آگاہ ہوں!”

25/11/2025

پی آر نمبر : 940/2025
ڈائریکٹوریٹ آف پبلک ریلیشنز،
فیڈرل انویسٹیگیشن ایجنسی
ہیڈ کوارٹرز اسلام آباد

جعلی دستاویزات پر ویزا حاصل کرنے والے مسافر کو آف لوڈ کر دیا گیا

ایف آئی اے امیگریشن کی کراچی ائرپورٹ پر بڑی کاروائی

ایف آئی اے امیگریشن نے جعلی دستاویزات پر ویزا حاصل کرنے والے مسافر کو آف لوڈ کر دیا

محمد ریحان نامی ملزم فلائٹ نمبر G9547 کے ذریعے سعودی عرب جا رہا تھا

ملزم کے پاسپورٹس پر ہیوی ٹرک ڈرائیور کی ملازمت کے حوالے سے ویزا لگا ہوا تھا

ملزم کی جانب سے لائسنس برانچ کلفٹن سے جاری کردہ ایچ ٹی وی لائسنس پیش کیا گیا جو کہ جعلی نکلا

ملزم کا تعلق بنوں سے ہے

ابتدائی تفتیش کے مطابق ملزم نے سعودی عرب ملازمت کے لئے ایجنٹ کو 3 لاکھ 50 ہزار روپے بٹورے

ملزم نے مزید انکشاف کیا کہ وہ کبھی بھی لائسنس برانچ کلفٹن نہیں گیا

ایجنٹ نے ملزم کو مذکورہ جعلی ڈرائیونگ لائسنس بنوا کر دیا

ملزم کو بعد ازاں ایجنٹ کی نشاندہی اور مزید قانونی کاروائی کے لیے اینٹی ہیومن ٹریفکنگ سرکل کراچی منتقل کر دیا گیا

مزید تفتیش جاری ہے

25/11/2025

پی آر نمبر: 956/2025
ڈائریکٹوریٹ آف پبلک ریلیشنز،
فیڈرل انویسٹیگیشن ایجنسی
ہیڈ کوارٹرز اسلام آباد

ایف آئی اے ملتان زون کا انسانی سمگلرز کے خلاف کریک ڈاون جاری

انسانی سمگلنگ اور ویزا فراڈ میں ملوث 5 ملزمان گرفتار

گرفتار ملزمان میں ابرار رشید، محمد ساجد، رائے محمد انور، اظہر الدین، محمد سجاد شامل

ملزمان کو ملتان، ڈی جی خان، رحیم یار خان اور لیہ کے مختلف علاقوں سے گرفتار کیا گیا

ملزمان نے شہریوں کو بیرون ملک ملازمت کا جھانسہ دے کر لاکھوں روپے بٹورے۔

گرفتار ملزم ابرار رشید نے شہری کو برطانیہ ملازمت کا جھانسہ دے کر 70 لاکھ روپے ہتھیائے

ملزم محمد ساجد نے شہری کو سعودی عرب بھجوانے کے نام پر 4 لاکھ سے زائد ہتھیائے

ملزم رائے محمد انور نے بیرون ملک ملازمت کے نام پر شہری سے 5 لاکھ 50 ہزار روپے بٹورے

ملزم اظہر الدین نے شہریوں کو سعودی عرب بھجوانے کے نام پر 43 لاکھ 82 ہزار روپے بٹورے

ملزم محمد سجاد نے شہری کو سعودی عرب بھجوانے کے نام پر 5 لاکھ سے زائد ہتھیائے

گرفتار ملزمان شہریوں کو بیرون ملک بھجوانے میں ناکام رہے

ملزمان بھاری رقوم وصول کر کے روپوش ہو گئے تھے

ملزمان کو گرفتار کر کے تفتیش کا آغاز کر دیا گیا ہے

ترجمان ایف آئی اے

24/11/2025

سیالکوٹ ائیر پورٹ سے 9 مسافروں کو آف لوڈ کر دیا گیا، ایف آئی اے حکام کا کہنا ہے کہ یہ لوگ لیبیا سے سمندر کے راستے یورپ کی ڈنکی
لگانے جا رہے تھے۔
گجرات آن لا ین نیوز

24/11/2025

پی آر نمبر : 954/2025
ڈائریکٹوریٹ آف پبلک ریلیشنز،
فیڈرل انویسٹیگیشن ایجنسی
ہیڈ کوارٹرز اسلام آباد

عمرہ ویزے کی آڑ میں غیر قانونی یورپ جانے کی کوشش ناکام

ایف آئی اے امیگریشن اسلام آباد کی بڑی کاروائی

ایف آئی اے امیگریشن نے عمرہ ویزے کی آڑ میں غیر قانونی یورپ جانے والے مسافر کو آف لوڈ کر دیا

محمد عثمان نامی مسافر فلائٹ نمبر PK713 کے ذریعے سے عمرہ ویزے پر سعودی عرب جا رہا تھا

امیگریشن کلیرنس کے دوران مسافر کو مشکوک پایا گیا

ابتدائی تفتیش کے مطابق مسافر مختلف ایجنٹوں سے رابطے میں تھا

مسافر کو رواں سال اٹلی سے غیر قانونی ہجرت پر ڈیپورٹ بھی کیا گیا تھا

مسافر کے موبائل فون سے ٹمپرڈ شدہ ریزیڈنٹ کارڈ بھی برآمد کر لیا گیا

مذکورہ ریذیڈنٹ کارڈ پر تاریخ تنسیخ ٹمپرڈ شدہ تھی

مسافر نے سعودی عرب سے جعلی دستاویزات پر یورپ جانے کی کوشش کرنا تھی

مسافر کو بعد ازاں مزید قانونی کاروائی کے لیے کمپوزٹ سرکل گوجرانوالہ منتقل کر دیا گیا

ترجمان ایف آئی اے

22/11/2025

جو پاکستان چھوڑ کر کسی اور ملک جانا چاہتا ہے اسے زیادہ دیر نہیں کرنی چاہیے بس نکل جانا چاہیے کیونکہ ہر گزرتے ماہ یا سال میں کوئی نہ کوئی نیا قانون کوئی نہ کوئی نئی شرط آ جانی ہے جب ایک کام کرنا جو ہے تو کر گزریں،

آج سے تین یا چار سال پیچھے چلے جائیں تو سعودی عرب کیلئے تکامل ٹیسٹ ضروری نہیں تھا پھر یہ ٹیسٹ چند ٹریڈ کے ویزوں کیلئے لازمی کر دیا گیا اب تو لیبر میں بھی آنے والوں کا تکامل ٹیسٹ ہو رہا ہے، آنے والے چند ماہ یا سالوں میں ہو سکتا ہے کچھ اور نئی شرائط لاگو کر دی جائیں اس لیے آج اگر آپ کا چھ لاکھ میں کام ہونا ہے تو سال بعد سات سے آٹھ لاکھ میں کام ہونا ہے۔

22/11/2025

ایئرپورٹس پر پاکستانی مسافروں کی آف لوڈنگ میں اضافہ؛ مکمل ڈاکومنٹس کے باوجود روکنے کی شکایات بڑھ گئیں

پاکستان کے مختلف بین الاقوامی ایئرپورٹس پر پاکستانی مسافروں کو مکمل سفری دستاویزات کے باوجود آف لوڈ کیے جانے کی شکایات میں تیزی سے اضافہ ہوگیا ہے۔ متاثرہ مسافروں نے الزام عائد کیا ہے کہ امیگریشن حکام واضح وجوہات بتائے بغیر انہیں بیرونِ ملک سفر سے روک رہے ہیں، جس سے محنت کش طبقے میں شدید بے چینی پیدا ہو گئی ہے۔

ذرائع کے مطابق متعدد پاکستانی شہری ایسے ہیں جو وزٹ ویزہ، ہوٹل بُکنگ، ریٹرن ٹکٹ اور مکمل سفری کاغذات کے باوجود امیگریشن کاؤنٹر سے آگے نہیں جانے دیے گئے۔ مسافروں کو گھنٹوں بٹھانے کے بعد صرف ’’مشکوک نیت‘‘ جیسے مبہم جواز پر واپس گھر بھیج دیا جاتا ہے۔

امیگریشن کے سابق افسران کا کہنا ہے کہ قانون کے مطابق اگر مسافر کے تمام دستاویزات مکمل ہوں، تو ایگزٹ اسٹیمپ پر کسی قسم کی رکاوٹ نہیں ڈالی جا سکتی۔ ان کے بقول:
“مسافر کا لباس، شکل و شباہت، یا ظاہری حلیہ امیگریشن کے فیصلے کی بنیاد نہیں ہے۔ دستاویز مکمل ہوں تو سفر سے روکنا قانونی طور پر درست نہیں۔”

دوسری جانب مسافر شکایت کرتے ہیں کہ اس رویّے نے انہیں ذہنی اذیت، مالی نقصان اور بیرونِ ملک روزگار کے مواقع سے محروم کر دیا ہے۔ کئی افراد نے بتایا کہ وہ برسوں کی محنت اور جمع شدہ رقم خرچ کرکے ویزہ اور ٹکٹ حاصل کرتے ہیں لیکن ایئرپورٹ پر بغیر کسی جرم کے روک دیا جاتا ہے۔

سفری ماہرین کا کہنا ہے کہ خطے کے دیگر ممالک—بھارت، بنگلہ دیش اور نیپال میں ایسی سختی نظر نہیں آتی، جبکہ وہاں کے شہری گلف ممالک میں بڑی تعداد میں ملازمتیں حاصل کررہے ہیں۔
پاکستانی شہریوں کی آف لوڈنگ کی بڑھتی ہوئی شکایات نے بیرونِ ملک روزگار کے خواہشمند نوجوانوں میں مایوسی پیدا کر دی ہے۔

سول ایوی ایشن اور امیگریشن حکام سے اس سلسلے میں مؤقف لینے کی کوشش کی گئی تاہم باضابطہ ردعمل سامنے نہیں آیا۔

متاثرہ شہریوں اور سماجی تنظیموں نے حکومت سے مطالبہ کیا ہے کہ آف لوڈنگ پالیسی کا فوری جائزہ لیا جائے، واضح قواعد و ضوابط متعارف کروائے جائیں، اور مکمل دستاویز رکھنے والے پاکستانیوں کو غیر ضروری رکاوٹوں کے بغیر سفر کی اجازت دی جائے۔

Gujrat Online News

29/11/2025

29/11/2025

28/11/2025

28/11/2025

27/11/2025

26/11/2025

25/11/2025

25/11/2025

24/11/2025

24/11/2025

22/11/2025

22/11/2025

Address

Telephone

Website

Alerts

Contact The Business

Shortcuts

Share

Category