JARAS News

11/07/2025

گجرات پولیس کا بروقت ایکشن۔نمائندہ جرس نیوز گجرات کے مطابق . ہریہ والا سے اغواء ہونے والا کم سن بچہ بحفاظت بازیاب کروایا لیا گیا۔

10/07/2025

بھارتی خاتون ٹینس کھلاڑی کو باپ نے گولیاں مار کر قتل کردیا

(جرس نیوز ) بھارت میں خاتون ٹینس کھلاڑی رادھیکا یادیو کو باپ نے گولیاں مار کر قتل کردیا۔بھارتی شہر گروگرام میں ریاستی سطح کی ٹینس کھلاڑی رادھیکا مرچنٹ کو اس کے والد نے قتل کردیا، پولیس نے ملزم کو گرفتار کرکے واقعے کی تحقیقات شروع کردی ہیں۔
رپورٹ کے مطابق ریاستی سطح پر کئی اعزازات حاصل کرنے والی معروف ٹینس کھلاڑی رادھیکا یادیو کو جمعرات کی صبح اس کے گھر پر مبینہ طور پر اس کے والد نے فائرنگ کرکے قتل کردیا۔ ابتدائی اطلاعات کے مطابق خاتون ٹینس کھلاڑی کے والد نے اپنی بیٹی پر لگاتار تین گولیاں چلائیں۔ ٹینس کھلاڑی کو زخمی حالت میں فوری طور پر اسپتال منتقل کیا گیا، تاہم وہ دوران علاج زخموں کی تاب نہ لاتے ہوئے دم توڑ گئی۔پولیس نے ملزم کو گرفتار کر لیا ہے جبکہ واردات میں استعمال ہونے والا ریوالور بھی مکان سے برآمد کر لیا گیا ہے۔

10/07/2025

(جرس نیوز )سڑکوں پر گاڑیوں میں ستا دودھ بیچنے والوں کو محکمہ فوڈ نے جرمانہ کیا ہے ٠ محکمہ فوڈ کا کہنا ہے کہ ان میں ملاوٹ تھی . ان دودھ بیچنے والوں کا کہنا ہے تمام دوکاندار ملاوٹ شده دودھ بیچ رہے ہیں آپ مهمیده روڈ پر چلیں جائیں تمام کے تمام ملاوٹ والا دودھ بیچ رہے ہیں. اور ریٹ بھی 230 اور 240 روپے لیٹر بیچ رہے اور دودھ بھی ایک لیٹر پورا نہیں ہوتا وہاں پر فوڈ اتھارٹی کا تولنے کا پیمانہ نہیں بتاتا ـ اور میٹر بھی درست رزلٹ دیتا ہے نا کوئی ریٹ چیک کرنے آتا ہے۔ انہوں نے بتایا که اُس کی وجہ محکمہ فوڈ ہر ماہ اُن سے منتھلی لیتا ہے اس لئے وہ لوگ گائے اور دودھ کا ملاوٹ شده دودھ 230/240 روپے لیٹر بیچ رہے ہیں.واضح رہے کہ عام طور پر بازار میں دودھ کی دکانوں پر جو دودھ فروخت ہوتا ہے وہ بھینس کے دودھ کے عنوان سے فروخت کیا جاتا ہے اور اِسی کا عرف و رواج بھی ہے، چنانچہ جب عام دودھ کی دکانوں میں فروخت کیا جانے والا دودھ بھینس کا دودھ ہوتا ہے تو اس دودھ میں گائے کا دودھ ملا کر فروخت کرنا جائز نہیں ہو تا ، ایسا کرنا دھوکہ ہے، لہذا بھینس کے دودھ میں گائے کے دودھ کی ملاوٹ ناجائز ہے ۔
پھر ڈیری والوں کا بھینس کے دودھ میں گائے کا دودھ ملانا ہی چونکہ دھوکہ کا باعث ہے؛ اس لیے ملاوٹ شدہ دودھ سپلائی کرنا بھی درست نہیں؛ کیوں کہ اگر ڈیری والا دکان دار کو ملاوٹ سے متعلق سچ بتا بھی دے تو ممکن ہے کہ دکان دار اپنے کسٹمر کو اس ملاوٹ کی اطلاع کیے بغیر فروخت کرے اور اس دھوکہ کا باعث چونکہ ڈیری والا بنتا ہے، اس لیے اس طرح ملاوٹ کر کے دودھ سپلائی کرنا ناجائز ہے۔ .

10/07/2025

https://youtu.be/aYJTPAfXtZ8?si=mj40sUMX5JOzGzZd

نمائنده جرس نیوز گجرات کے مطابق سی سی ڈی گجرات عامر شیرازی کا چوروں ڈاؤکوں اشتہاروں اور منشیات فروشوں اور ناجائز اسلحہ برداروں کے خلاف کریک ڈاؤن جاری ہ...

09/07/2025

( جرس نیوز ) حمیرا اصغر کی لاش سے متعلق دل دہلا دینے والا انکشاف
کراچی کے پوش علاقے کے فلیٹ سے ملنے والی اداکارہ کی لاش سے متعلق سامنے آنے والے نئے انکشاف کے بعد معاملہ نیا رخ اختیار کر گیا
حمیرا اصغر کی لاش سے متعلق دل دہلا دینے والا انکشاف
حمیرا اصغر کی لاش سے متعلق دل دہلا دینے والا انکشاف۔تفصیلات کے مطابق اداکارہ کراچی کے پوش علاقے کے فلیٹ سے ملنے والی اداکارہ حمیرا اصغر کی لاش سے متعلق سامنے آنے والے نئے اور دل دہلا دینے والے انکشاف کے بعد معاملہ نیا رخ اختیار کر گیا۔ میڈیا رپورٹس کے مطابق پولیس کی نے انکشاف کیا ہے کہ اداکارہ کی لاش ایک ماہ نہیں 6 ماہ پرانی ہے ۔
جبکہ معروف ماڈل و اداکارہ حمیرا اصغرکا جناح اسپتال میں لاش کا پوسٹ مارٹم مکمل کرلیا گیا، پوسٹ مارٹم رپورٹ آنے تک موت کی وجہ محفوظ کرلی گئی ہے۔ابتدائی تحقیقات میں حمیرا اصغر کے منشیات استعمال کرنے کا انکشاف ہوا ہے ۔ گزری تھانے کے علاقے ڈیفنس فیز 6 اتحاد کمرشل ایریا میں رہائشی عمارت کی چوتھی منزل پرواقع فلیٹ سے معروف ماڈل و اداکارہ حمیرا اصغرکی کئی روز پرانی لاش ملنے کے واقعے کی تحقیقات جاری ہیں۔
رات گئے معروف ماڈل و اداکارہ کا جناح اسپتال میں لاش کا پوسٹ مارٹم مکمل کرلیا گیا جس کے بعد معروف ماڈل و ادارہ کی لاش سرد خانے منتقل کردی گئی۔ پولیس سرجن ڈاکٹر سمعیہ سید کے مطابق لاش بہت ذیادہ گل چکی تھی، پوسٹ مارٹم رپورٹ آنے تک موت کی وجہ محفوظ کرلی گئی ہے۔پولیس کو حمیرا اصغر کے 2 موبائل فونز ملے ہیں جن سے ڈیٹا حاصل کرنے کے لیے فارنزک لیبارٹری بھجوا دیئے گئے ہیں حمیرا اصغرنے اپنے موبائل فون سے آخری کال اکتوبر2024 میں کی تھی اس کے بعد سے ان کے موبائل فون سے کوئی کال نہیں کی گئی۔
ایس ایس پی ساؤتھ کے مطابق ممکن ہو کہ حمیرا تیسرا موبائل فون بھی استعمال کرتی ہوں اوریہ بھی ممکن ہو سکتا ہے کہ وہ اس تیسرے موبائل سے کسی سے رابطے میں ہو، واقعے کے حوالے سے ابھی کچھ کہنا قبل ازوقت ہو گا۔ ماہرین کی رائے اور رپورٹس آنے کے بعد کیس کی سمت کا تعین ہوسکے گا۔انہوں نے بتایا کہ حمیرا جس فلیٹ میں رہائش پذیر تھی اس فلیٹ کی مکمل سرچنگ نہیں کی گئی ہے عدالتی بیلف کا کہنا تھا کہ پہلے واقعے سے متعلق عدالت میں رپورٹ پیش کردے اس کے بعد کل فلیٹ کو ڈی سیل کرکے دوبارہ مکمل سرچنگ کی جائے گی۔
ایس ایس پی کا کہنا تھا کہ پوسٹ مارٹم میں مشکوک چیزسامنے آنے پرکوشش کی جائے گی کہ مقدمہ اہلخانہ کی مدعیت میں درج ہو۔ اداکارہ کے والد کراچی آنے اور لاش وصول کرنے سے انکار کر چکے ہیں تاہم کوشش کی جارہی ہے کہ وہ آجائیں لیکن اگر اہلخانہ نے انکارکیا تو پولیس سرکاری مدعیت میں واقعے کا مقدمہ درج کرے گی۔ انہوں نے بتایا کہ شوبزانڈسٹری اور حیمرا کی کسی دوست نے بھی پولیس سے اب تک کوئی رابطہ نہیں کیا، پڑوسیوں نے بھی حمیرا کو آخری مرتبہ آتے جاتے نہیں دیکھا سی سی ٹی وی فوٹیجز بھی چیک کی گئی ہیں لیکن پولیس کو کوئی ایسی سی سی ٹی وی فوٹیج نہیں ملی جس میں انہیں آتے جاتے دیکھا گیا ہو یا پھر کسی کو ان کے فلیٹ میں آتے دیکھا گیا ہو۔
انہوں نے بتایا کہ واقعے کے مختلف پہلووں پر تفتیش کی جا رہی ہے اورتفتیش میں کوئی بھی پیش رفت سامنے آتی ہے تواس کا آگاہ کیا جائے گا۔ادھر حمیرا اصغر کی موت کی گتھی سلجھانے کیلئے پولیس کی تحقیقات جاری ہے، فلیٹ سے ملنے والی ماڈل کی لاش کئی دن پرانی تھی۔پولیس کا کہنا ہے کہ ابتدائی تحقیقات میں انکشاف ہوا کہ حمیرا منشیات کا استعمال بھی کرتی تھی تاہم اداکارہ کی لاش کا پوسٹمارٹم مکمل کرلیا گیا ہے، حتمی رپورٹ پر حقائق سامنے آئیں گے۔

09/07/2025

https://youtu.be/_eIv_SnBwu8?si=5SMDB_O512kodI9I

*تھانہ صدر لالہ موسیٰ پولیس نے ڈکیتی کی واردات میں ملوث2 ملزمان کو گرفتارکرلیا۔**نقدی رقم 1لاکھ75ہزار روپے قیمتی موبائل فون اور ناجائز اسلحہ پسٹل30بور برآمد*...

09/07/2025

ہمیشہ بہتری کی امید رکھنی چاہیے ،پہلے مزاحمت ہوتی ہے پھر مفاہمت ہوتی ہے
(جرس نیوز ) سابق وزیراعلیٰ پنجاب پرویز الٰہی نے کہا ہے کہ مذاکرات سے کوئی نہ کوئی بہتر صورتحال نکل آتی ہے، مجھے امید ہے حالات بہتر ہوں گے،ہمیشہ بہتری کی امید رکھنی چاہیے اور ملکی حالات بہتر ہوں گے، پہلے مزاحمت ہوتی ہے پھر مفاہمت ہوتی ہے تو مفاہمت ہی بہتر ہے، راولپنڈی کی احتساب عدالت میں پیشی کے موقع پر میڈیا سے گفتگو کرتے ہوئے سابق وزیراعلیٰ پنجاب نے کہا کہ مذاکرات کی کوئی نہ کوئی صورتحال بہتر نکل آتی ہے۔

مذاکرات سے متعلق تو پی ٹی آئی لیڈرشپ نے ایک خط بھی لکھا ہے لیکن اس کا تاحال جواب یا پیشرفت سامنے نہیں آئی اب دیکھتے ہیں کیا ہوتا ہے۔صحافی نے سابق وزیراعلیٰ سے سوال پوچھا کہ صدر کو تبدیل کئے جانے یا ہٹائے جانے سے متعلق بات چیت ہو رہی ہے۔
27 ویں آئینی ترمیم لائی جا رہی ہے کیا کہیں گے؟ جس پرپرویزالٰہی نے جواب دیا کہ اچھا یہ تو میں آپ سے سن رہا ہوں۔
دوسری جانب راولپنڈی کی خصوصی احتساب عدالت میں جج شیخ اعجاز علی نے تخت پڑی جنگلات اراضی ریفرنس پر سماعت کی۔ سابق وزیراعلیٰ پنجاب عدالت میں پیش ہوئے۔ چوہدری پرویزالٰہی کی پیشی کے موقع پر وارنٹ گرفتاری منسوخ کئے جانے کی درخواست دائر کر دی گئی۔ عدالت نے پرویز الٰہی کی حاضری سے استثنیٰ کی درخواست خارج کر دی تھی۔یاد رہے کہ اس سے قبل بھی پنجاب اسمبلی میں مبینہ غیر قانونی بھرتیوں کے مقدمے میں سابق وزیراعلیٰ پنجاب چوہدری پرویزالٰہی اور محمد خان بھٹی کی ایک روزہ حاضری معافی کی درخواست منظور کر لی گئی تھی۔
اینٹی کرپشن عدالت لاہور کے جج نے پرویزالٰہی سمیت دیگر کے خلاف پنجاب اسمبلی میں مبینہ غیرقانونی بھرتیوں کے مقدمے کی سماعت کی تھی۔ سابق وزیراعلیٰ پنجاب کی جانب سے عامر سعید راں ایڈووکیٹ پیش ہوئے تھے۔دوران سماعت درخواست گزار نے موقف اپنایا گیا تھاکہ پرویزالٰہی کی طبیعت ناساز تھی۔ ڈاکٹرز نے آرام کا مشورہ دیا تھا۔ محمد خان بھٹی بھی بیمارتھے۔ عدالت ایک روزہ حاضری معافی کی درخواست منظور کرے۔بعدازاں عدالت نے دونوں نے حاضری معافی کی درخواست منظور کر لی تھی۔

07/07/2025

(جرس نیوز )چینی باشندے کے گھر تقریباً 2 کروڑ کی ڈکیتی، ملازم ہی واردات کے ماسٹر مائنڈ نکلے
پولیس نے لاہور میں ڈیفنس بی کے علاقے میں چینی باشندے کے گھر سے چوری کرنے والے ملزمان گرفتار

چینی باشندے کے گھر تقریباً 2 کروڑ کی ڈکیتی، ملازم ہی واردات کے ماسٹر ..
صوبہ پنجاب کے دارالحکومت لاہور میں چینی باشندے کے گھر سے تقریباً 2 کروڑ کی ڈکیتی کا ڈراپ سین ہوگیا جہاں گھریلو ملازم ہی اس واردات کے ماسٹر مائنڈ نکلے۔ تفصیلات کے مطابق لاہور میں ڈیفنس بی کے علاقے میں چینی باشندے شی ڈیپو کے گھر سے 01 کروڑ 80 لاکھ روپے چوری کرنے والے ملزمان گرفتار کر لیا گیا ہے، اے ایس پی ڈیفنس شہر بانو نقوی نے اس حوالے سے پریس کانفرنس کرتے ہوئے بتایا کہ ایس ایچ او ڈیفنس بی علی حسن نے پولیس ٹیم کے ہمراہ بڑی کارروائی کی تو پتا چلا کہ گھر کے ملازم ہی چوری کی اس واردات کے ماسٹر مائنڈ تھے۔
انہوں نے کہا کہ ملزمان پولیس کو زیادہ دیر چکمہ نہ دے سکے، ملزمان کا علم ہونے پر 36 گھنٹے کے اندر ہی چوروں کو لوٹی گئی رقم سمیت بہاولپور سے گرفتار کرلیا گیا، ملزمان میں مرکزی ملزم علی عزیز، شبیر اور امتیاز شامل ہیں، ملزمان کی گرفتاری سی سی ٹی وی کیمروں اور جدید ٹیکنالوجی کی مدد سے عمل میں لائی گئی اور دوران انٹیرو گیشن اعتراف جرم بھی کر لیا، ملزمان سے 01 کروڑ 20 لاکھ روپے نقدی برآمد کرلیے، جرائم پیشہ افراد کے خلاف بلا امتیاز کارروائیاں جاری ہیں۔
بتایا گیا ہے کہ ملزمان کے خلاف مقدمہ درج کرکے مزید تفتیش جاری ہے، ڈی آئی جی آپریشنز لاہور کی طرف سے ایس پی کینٹ کو ملزمان گرفتار کرنے کے لیے سپیشل ٹاسک دیا گیا، ایس پی کینٹ کی ہدایت پر اے ایس پی ڈیفنس شہر بانو نقوی کی سربراہی میں ملزمان کو گرفتار کرنے کے لیے سپیشل ٹیم تشکیل دی گئی، ایس پی کینٹ نے اے ایس پی ڈیفنس شہر بانو نقوی، ایس ایچ او ڈیفنس بی اور پولیس ٹیم کو شاباش دی۔

06/07/2025

شہباز شریف حکومت نے ایک سال میں ملکی قرضوں میں 8 ہزار ارب روپے سے زائد کا اضافہ کر دیا
عمران خان حکومت کے ختم ہونے کے بعد 3 سالوں میں ملکی قرضوں میں اضافے کے تمام ریکارڈ ٹوٹ گئے، معاشی بہتری کی دعویدار حکومت قرضوں کے حجم میں اضافے کو نہ روک سکی
لاہور (جرس نیوز ) شہباز شریف حکومت نے ایک سال میں ملکی قرضوں میں 8 ہزار ارب روپے سے زائد کا اضافہ کر دیا، عمران خان حکومت کے ختم ہونے کے بعد 3 سالوں میں ملکی قرضوں میں اضافے کے تمام ریکارڈ ٹوٹ گئے، معاشی بہتری کی دعویدار حکومت قرضوں کے حجم میں اضافے کو نہ روک سکی۔ تفصیلات کے مطابق وفاقی حکومت کے قرضے ملکی تاریخ کی نئی بلند ترین سطح پر پہنچ گئے، وفاقی حکومت کے قرضے ریکارڈ 76 ہزار 45 ارب روپے ہوگئے، اسٹیٹ بینک نے مئی 2025 تک کے وفاقی حکومت کے قرضوں کا ڈیٹا جاری کردیا۔
اعدادوشمارکے مطابق اسٹیٹ بینک نے مئی 2025 تک وفاقی حکومت کے قرض سے متعلق اعداد و شمار جاری کر دیے ہیں، دستاویز کے مطابق حکومت کا مقامی قرضہ 53 ہزار 460 ارب روپے ہوگیا، وفاقی حکومت کا بیرونی قرضہ مئی 2025 تک 22 ہزار 585 ارب روپے رہا۔
دستاویز کے مطابق ایک سال میں وفاقی حکومت کے قرضوں میں 8 ہزار 312 ارب روپے کا اضافہ ریکارڈ کیا گیا ہے۔دستیاب دستاویز کے مطابق گزشتہ مالی سال 25-2024 کے پہلے 11 ماہ میں وفاقی حکومت کا قرضہ 7 ہزار 131 ارب روپے بڑھا، مئی کے ایک مہینے میں مرکزی حکومت کے قرضے میں 1109 ارب روپے کا اضافہ ہوا۔
دستاویز کے مطابق جون 2024 سے مئی 2025 کے 11 ماہ میں وفاقی حکومت کا قرضہ 8 ہزار 312 ارب روپے بڑھا، مئی 2025 تک وفاقی حکومت کے قرضوں کا مجموعی حجم 76 ہزار 45 ارب روپے رہا۔اپریل 2025 تک وفاقی حکومت کے قرضے 74 ہزار 936 ارب روپے تھے، جون 2024 تک مرکزی حکومت کے قرضوں کا حجم 68 ہزار 914 ارب روپے تھا، مئی 2024 تک وفاقی حکومت کے قرضے 67 ہزار 733 ارب روپے تھے۔

02/07/2025

(جرس نیوز ) بل درست کرانے آئی خاتون پر گارڈ کا تشدد، گھسیٹ کر باہر نکال دیا، ویڈیو وائرل ہونے پر انکوائری کا حکملیسکو آفس میں بجلی کا بل درست کروانے آئی خاتون سکیورٹی گارڈ کی منت سماجت بھی کرتی رہی مگر اس نے ایک نہ سنی. صوبہ پنجاب کے شہر شیخوپورہ میں بجلی کا بل ٹھیک کرانے آئی خاتون کو گھیسٹ کر باہر پھینک دیا گیا، واقعے کی ویڈیو وائرل ہونے پر انکوائری کا حکم دے دیا گیا۔ تفصیلات کے مطابق یہ انسانیت سوز واقعہ لیسکو آفس میں شیخوپورہ میں پیش آیا جہاں سکیورٹی گارڈ نے بزرگ خاتون پر بدترین تشدد کیا اور بل درست کرانے آئی خاتون کو گھسیٹ کر گیٹ سے باہر نکال دیا، اس واقعے کی واقعے کی ویڈیو سامنے آنے پر ایس ای واپڈا نے فوری نوٹس لیتے ہوئے سکیورٹی گارڈ کے خلاف انکوائری کا حکم دے دیا۔